43. kīṭaviṣapratiṣēdhaḥ

Adhikarana atha kITaviShapratiShedho nAma tricatvAriMsho~adhyAyaH adhyAyapratij~jA (1) · Śloka 1

ಅಥಾತಃ ಕೀಟವಿಷಪ್ರತಿಷೇಧಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹಸ್ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana kITasvarUpam (2) · Śloka 2

ಸರ್ಪಾಣಾಮೇವ ವಿಣ್ಮೂತ್ರಶುಕ್ರಾಣ್ಡಶವಕೋಥಜಾಃ| ದೋಷೈರ್ವ್ಯಸ್ತೈಃ ಸಮಸ್ತೈಶ್ಚ ಯುಕ್ತಾಃ ಕೀಟಾಶ್ಚತುರ್ವಿಧಾಃ||೨||

Adhikarana vAyavyAH kITAH (3) · Śloka 3

ಕುಮ್ಭೀನಸಸ್ತುಣ್ಡಿಕೇರೀ ಶೃಙ್ಗೀ ಶತಕುಲೀರಕಃ| ಉಚ್ಚಿಟಿಙೋಽಗ್ನಿನಾಮಾ ಚ ಚಿಚ್ಚಿಟಾಙ್ಗೋ ಮಯೂರಕಃ| ಅಹಿಜೋರಭ್ರಕಾವರ್ತ್ತಶಾರಿಕಾಮುಖವೈದಲಾಃ| ಶರಾವಕುರ್ದ್ದೌ ಪರುಷಶ್ಚಿತ್ರಶೀರ್ಷೋ ಹಿ ಜಾರಕಃ| ಅಷ್ಟಾದಶೇತಿ ವಾಯವ್ಯಾ: ಕೀಟಾ ವಾತಪ್ರಕೋಪನಾಃ||೩||

Adhikarana AgneyAH kITAH (4) · Śloka 4

ಆಗ್ನೇಯಾಃ ಕೀಟಾಃ ಕೌಣ್ಡಿನ್ಯಕಃ ಕಣಭಕೋ ವರಟೀಪತ್ರವೃಶ್ಚಿಕಃ| ವಿನಾಸಿಕಾ ಬ್ರಾಹ್ಮಣಿಕಾ ವಿನ್ದುಲೋ ಭ್ರಮರಸ್ತಥಾ| ಬಾಹ್ಯಕೀ ಪಿಚ್ಚಿಟಃ ಕುಮ್ಭೀವರ್ಚಃ ಕೀಟೋಽರಿಮೇದಕಃ| ದುನ್ದುಭಿಃ ಪದ್ಮಕೀಟಶ್ಚ ಮಕರಃ ಶತಪಾದಕಃ| ಪಞ್ಚಾಲಃ ಪಾಕಮತ್ಸ್ಯಶ್ಚ ಸೂಕ್ಷ್ಮತುಣ್ಡೋಽಥ ಗರ್ದಭಿಃ| ಕ್ಲೀತಃ ಕೃಮಿಶರಾರೀ ಚ ಯಶ್ಚಾಪ್ಯುತ್ಕ್ಲೇಶಕಃ ಸ್ಮೃತಃ| ಚತುರ್ವಿಂಶತಿರಾಗ್ನೇಯಾಃ ಕೀಟಾಃ ಪಿತ್ತವಿಕಾರದಾಃ||೪||

Adhikarana saumyAH kITAH (5) · Śloka 5

ವಿಶ್ವಮ್ಭರಃ ಪಞ್ಚಶುಷ್ಕಃ ಪಞ್ಚಕೃಷ್ಣೋಽಥ ಕೋಕಿಲಃ| ಸ್ಥೈರ್ಯಕಃ ಪ್ರಚಲಾಕಶ್ಚ ವಟಭಃ ಕಿಟಿಭೋ ಜಟೀ| ಸೂಚೀಮುಖಃ ಕೃಷ್ಣಗೋಧಾ ದರ್ಭಃ ಕಾಷಾಯವಾಸಿಕಃ| ತ್ರಯೋದಶೈತೇ ನಿರ್ದ್ದಿಷ್ಟಾಃ ಸೌಮ್ಯಾಃ ಶ್ಲೇಷ್ಮಪ್ರಕೋಪನಾಃ||೫||

Adhikarana sa~gkIrNAH kITAH (6) · Śloka 6

ತುಙ್ಗನಾಸಶ್ಚಿಪಿಲಕಸ್ತಾಲಕೋ ವಾಹಕಸ್ತಥಾ| ಕೋಷ್ಠಾಗಾರೀ ಕೃಮಿಕರೋ ಯಶ್ಚ ಮಣ್ಡಲಪುಚ್ಛಕಃ| ತುಣ್ಡನಾಭಃ ಸರ್ಷಪಕೋ ಮದ್ಗುಲಿಃ ಶಮ್ಬುಕಸ್ತಥಾ| ಅಗ್ನಿಕೀಟಶ್ಚ ಸಙ್ಕೀರ್ಣಾ ದ್ವಾದಶ ಪ್ರಾಣನಾಶನಾಃ||೬||

Adhikarana bhedAnusAraM daMshalakShaNam (7) · Śloka 7

ದಷ್ಟಸ್ಯ ಕೀಟೈರ್ವಾಯವ್ಯೈರ್ದ್ದಂಶಸ್ತೋದರುಜೋಲ್ಬಣಃ| ಆಗ್ನೇಯೈರಲ್ಪಸಂಸ್ರಾವೋ ದಾಹರಾಗವಿಸರ್ಪವಾನ್| ಪಕ್ವಪೀಲುಫಲಪ್ರಖ್ಯಃ ಖರ್ಜೂರಸದೃಶೋಽಥ ವಾ| ಕಫಾದಿಕೈರ್ಮನ್ದರುಜಃ ಪಕ್ವೋದುಮ್ಬರಸನ್ನಿಭಃ| ಸ್ರಾವಾಢ್ಯಃ ಸರ್ವಲಿಙ್ಗಸ್ತು ದಂಶಃ ಸ್ಯಾತ್ಸಾನ್ನಿಪಾತಿಕೈಃ||೭||

Adhikarana kITaviShavegAH (8) · Śloka 8

ವೇಗಾಶ್ಚ ಸರ್ಪವಚ್ಛೋಫೋ ವರ್ದ್ಧಿಷ್ಣುರ್ವಿಸ್ರರಕ್ತತಾ| ಶಿರೋಽಕ್ಷಿಗೌರವಂ ಮೂರ್ಚ್ಛಾ ಭ್ರಮಃ ಶ್ವಾಸೋಽತಿವೇದನಾ||೮||

Adhikarana kITadaMshe sAmAnyali~ggam (9) · Śloka 9

ಸರ್ವೇಷಾಂ ಕರ್ಣಿಕಾ ಶೋಫೋ ಜ್ವರಃ ಕಣ್ಡೂರರೋಚಕಃ||೯||

Adhikarana vAtikAdInAM daMshanopAyAH (10) · Śloka 10

ವಾತಿಕಃ ಪಕ್ಷವಾತೇನ ಸ್ಪರ್ಶದ್ದಶತಿ ಪೈತ್ತಿಕಃ| ಮುಖೇನ ಶ್ಲೈಷ್ಮಿಕಃ ಕೀಟಃ ಸರ್ವಥಾ ಸಾನ್ನಿಪಾತಿಕಃ||೧೦||

Adhikarana kaNabhadaShTe lakShaNam (11) · Śloka 11

ದಷ್ಟಸ್ಯ ಕಣಭೈಃ ಶೋಫೋ ವಿಸರ್ಪೋ ವಮಥುರ್ಜ್ವರಃ| ದಂಶಶ್ಚ ಕರ್ಣಿಕಾಕಾರಃ ಶ್ಯಾವರಕ್ತೋ ವಿಶೀರ್ಯತೇ||೧೧||

Adhikarana trikaNTakAdidaMshalakShaNAni (12) · Śloka 12

ತ್ರಿಕಣ್ಟಕೈಸ್ತು ದಷ್ಟಸ್ಯ ನಾನಾವರ್ಣೋಽಥವಾ ಸಿತಃ| ದಂಶೋ ಭವೇಚ್ಛ್ವಯಥುಮಾನ್ ಮೋಹೋ ಭೇದಶ್ಚ ವರ್ಚಸಃ| ಕೃಕಲಾಸೇಽರ್ದ್ಧಚನ್ದ್ರಾಭಃ ಸ್ರಾವವಾನ್ ಭೃಶಲೋಹಿತಃ| ದಂಶೋ ರಕ್ತೈಶ್ಚಿತಃ ಸ್ಫೋಟೈಃ ಸಶೂಲೈರ್ದಮ್ಭವೋದ್ಭವಃ| ಏಕದಂಷ್ಟ್ರಾರ್ಪಿತಃ ಪೀತಃ ಕಣ್ಡೂಮಾನ್ ದಾರ್ದುರಃ ಸರುಕ್| ದಂಶೋ ದಷ್ಟಃ ಸತೃಣ್ನಿದ್ರೋ ಮೂರ್ಚ್ಛಾವಾನ್ ಹರಿತಂ ವಮೇತ್| ಮಾತ್ಸ್ಯೋ ದಂಶಃ ಸರುಗ್ದಾಹಃ ಪ್ರಾಗೇವೋಕ್ತೋ ಜಲೌಕಸಾಮ್| ವಿಶ್ವಭರಕೃತೋ ದಂಶಃ ಶೋಫಕಣ್ಡೂರುಜಾನ್ವಿತಃ| ಕಫೋದ್ವಮಮತೀಸಾರಂ ಕುರುತೇ ಕೋಠಜನ್ಮ ಚ| ಪೀತಃ ಶತಪದೀದಂಶಃ ಸ್ವೇದರುಗ್ರಾಗಶೋಫವಾನ್| ಅತಸೀಪುಷ್ಪವರ್ಣೋ ವಾ ಪಿಟಕಾವನ್ಭ್ರಮಪ್ರದಃ| ಗೃಹಗೋಧಿಕಯಾ ಸ್ವೇದತೋದಶ್ವಯಥುದಾಹವಾನ್| ಕ್ಲೇದೀ ಚ ದಂಶೋ ದಷ್ಟಸ್ಯ ಹೃತ್ಪೀಡಾಗ್ರನ್ಥಿಸಮ್ಭವಃ| ಕಣ್ಡೂಮಾನ್ ಮಶಕೈರೀಷಚ್ಛ್ವಯಥುರ್ಮನ್ದವೇದನಃ| ಅಸಾಧ್ಯಕೀಟಸದೃಶಮಸಾಧ್ಯಮಶಕಕ್ಷತಮ್| ಪ್ರಾಯೇಣ ಮಕ್ಷಿಕಾ ನೇತ್ರೇ ದಶನ್ತಿ ಶ್ವಯಥೂಲ್ಬಣಃ| ತದ್ದಂಶೋ ದಾಹಕಣ್ಡೂಮಾಂಸ್ತಾಸಾಂ ತು ಸ್ಥಾಲಿಕಾಂ ತ್ಯಜೇತ್| ತದ್ದಷ್ಟೇ ಪಿಟಕಾ ಶ್ಯಾವಾ ಸ್ರಾವಿಣೀ ಭೂರ್ಯುಪದ್ರವಾ| ರುಗ್ವಾನ್ ಪಿಪೀಲಿಕಾದಂಶೋ ವಹ್ನಿನೇವ ಚ ದಹ್ಯತೇ||೧೨||

Adhikarana avamUtritalakShaNam (13) · Śloka 13

ಜಲಬಿನ್ದುನಿಭೈಃ ಸ್ಫೋಟೈರ್ದಾಹಕಣ್ಡೂರುಜಾನ್ವಿತೈಃ| ಯದ್ಗಾತ್ರಮಾಚಿತಂ ಸೋಷ್ಮ ತದ್ವಿದ್ಯಾದವಮೂತ್ರಿತಮ್||೧೩||

Adhikarana vRushcikaviShaM bhedAH lakShaNAni ca (14) · Śloka 14

ವೃಶ್ಚಿಕಸ್ಯ ವಿಷಂ ತೀಕ್ಷ್ಣಮಾದೌ ದಹತಿ ವಹ್ನಿವತ್| ಊರ್ಧ್ವಮಾರೋಹತಿ ಕ್ಷಿಪ್ರಂ ದಂಶೇ ಪಶ್ಚಾತ್ತು ತಿಷ್ಠತಿ| ದಂಶಃ ಸದ್ಯೋತಿರುಕ್ ಶ್ಯಾವಸ್ತುದ್ಯತೇ ಸ್ಫುಟತೀವ ಚ| ತೇ ಗವಾದಿಶಕೃತ್ ಕೋಥಾದ್ದಿಗ್ಧದಷ್ಟಾದಿಕೋಪತಃ| ಸರ್ಪಕೋಥಾಚ್ಚ ಸಮ್ಭೂತಾಃ ಮನ್ದಮಧ್ಯಮಹಾವಿಷಾಃ| ಮನ್ದಾಃ ಪೀತಾಃ ಸಿತಾಃ ಶ್ಯಾವಾ ರೂಕ್ಷಾಃ ಕರ್ಬುರಮೇಚಕಾಃ| ರೋಮಶಾ ಬಹುಪರ್ವಾಣೋ ಲೋಹತಾಃ ಪಾಣ್ಡುರೋದರಾಃ| ಧೂಮ್ರೋದರಾಸ್ತ್ರಿಪರ್ವಾಣೋ ಮಧ್ಯಾಸ್ತು ಕಪಿಲಾರುಣಾಃ| ಪಿಶಙ್ಗಾಃ ಶಬಲಾಶ್ಚಿತ್ರಾಃ ಶೋಣಿತಾಭಾ ಮಹಾವಿಷಾಃ| ಅಗ್ನ್ಯಾಭಾ ದ್ವ್ಯೇಕಪರ್ವಾಣೋ ರಕ್ತಾಸಿತಸಿತೋದರಾಃ| ತೈರ್ದಷ್ಟಃ ಶೂನರಸನಃ ಸ್ತಬ್ಧಗಾತ್ರೋ ರುಜಾರ್ದಿತಃ| ಖೈರ್ವಮನ್ ಶೋಣಿತಂ ಕೃಷ್ಣಮಿನ್ದ್ರಿಯಾರ್ಥಾನಸಂವಿದನ್| ಸ್ವಿದ್ಯನ್ ಮೂರ್ಚ್ಛನ್ ವಿಶುಷ್ಕಾಸ್ಯೋ ವಿಹ್ವಲೋ ವೇದನಾತುರಃ| ವಿಶೀರ್ಯಮಾಣಮಾಂಸಶ್ಚ ಪ್ರಾಯಶೋ ವಿಜಹಾತ್ಯಸೂನ್| ಉಚ್ಚಿಟಿಙ್ಗಸ್ತು ವಕ್ತ್ರೇಣ ದಶತ್ಯಭ್ಯಧಿಕವ್ಯಥಃ| ಸಾಧ್ಯತೋ ವೃಶ್ಚಿಕಾತ್ಸ್ತಮ್ಭಂ ಶೇಫಸೋ ಹೃಷ್ಟರೋಮತಾಮ್| ಕರೋತಿ ಸೇಕಮಙ್ಗಾನಾಂ ದಂಶಃ ಶೀತಾಮ್ಬುನೇವ ಚ| ಉಷ್ಟ್ರವರ್ಣತಯಾ ಪ್ರೋಕ್ತಃ ಸ ಏವ ಹ್ಯುಷ್ಟ್ರಧೂಮಕಃ| ರಾತ್ರಿಕೋ ರಾತ್ರಿಚಾರಾಚ್ಚ.............................||೧೪||

Adhikarana kaNabhAdInAM bhedanirdeshaH (15) · Śloka 15

............................ಪೃಥಕ್ ತು ಕಣಭಾದಿಷು| ವಿಕಾರಸಾಧನಾಭೇದಾತ್ ಭೇದಾಃ ಸನ್ತೋಽಪಿ ನೋದಿತಾಃ||೧೫||

Adhikarana kITeShu vAtAdibhedAH (16) · Śloka 16

ವಾತಪಿತ್ತೋತ್ತರಾಃ ಕೀಟಾಃ ಶ್ಲೈಷ್ಮಿಕಾಃ ಕಣಭೋನ್ದುರಾಃ| ಪ್ರಾಯೋ ವಾತೋಲ್ಬಣವಿಷಾ ವೃಶ್ಚಿಕಾಃ ಸೋಷ್ಟ್ರಧೂಮಕಾಃ||೧೬||

Adhikarana cikitsAsUtram (17) · Śloka 17

ಯತ್ರ ಯಸ್ಯೈವ ದೋಷಸ್ಯ ಲಿಙ್ಗಾಧಿಕ್ಯಂ ಪ್ರತರ್ಕಯೇತ್| ತತ್ರ ತಸ್ಯೌಷಧೈಃ ಕುರ್ಯಾದ್ವಿಪರೀತಗುಣೈಃ ಕ್ರಿಯಾಮ್||೧೭||

Adhikarana vAtikakITaviShalakShaNam (18) · Śloka 18

ಹೃತ್ಪೀಡೋರ್ಧ್ವಾನಿಲಃ ಸ್ತಮ್ಭಃ ಸಿರಾಯಾಮೋಽಸ್ಥಿಪರ್ವರುಕ್| ಘೂರ್ಣನೋದ್ವೇಷ್ಟನಂ ಗಾತ್ರಶ್ಯಾವತಾ ವಾತಿಕೇ ವಿಷೇ||೧೮||

Adhikarana paittikakITaviShalakShaNam (19) · Śloka 19

ಸಂಜ್ಞಾನಾಶೋಷ್ಣನಿಃಶ್ವಾಸೌ ಹೃದ್ದಾಹಃ ಕಟುಕಾಸ್ಯತಾ| ಮಾಂಸಾವದರಣಂ ಶೋಫೋ ರಕ್ತಪಿತ್ತಂ ಚ ಪೈತ್ತಿಕೇ||೧೯||

Adhikarana shlaiShmikakITaviShalakShaNam (20) · Śloka 20

ಛರ್ದ್ಯರೋಚಕಹೃಲ್ಲಾಸಪ್ರಸೇಕೋತ್ಕ್ಲೇಶಪೀನಸೈಃ| ಸಶೈತ್ಯಮುಖಮಾಧುರ್ಯೈರ್ವಿದ್ಯಾಚ್ಛ್ಲೇಷ್ಮಾಧಿಕೇ ವಿಷಮ್||೨೦||

Adhikarana vAtikakITaviShe cikitsA (21) · Śloka 21

ಪಿಣ್ಯಾಕೇನ ವ್ರಣಾಲೇಪಸ್ತೈಲಾಭ್ಯಙ್ಗಶ್ಚ ವಾತಿಕೇ| ಸ್ವೇದೋ ನಾಡೀಪುಲಾಕಾದ್ಯೈರ್ಬೃಂಹಣಶ್ಚ ವಿಧಿರ್ಹಿತಃ||೨೧||

Adhikarana paittikakITaviShe cikitsA (22) · Śloka 22

ಪೈತ್ತಿಕಂ ಸ್ತಮ್ಭಯೇತ್ಸೇಕೈಃ ಪ್ರದೇಹೈಶ್ಚಾತಿಶೀತಲೈಃ||೨೨||

Adhikarana shlaiShmikakITaviShe cikitsA (23) · Śloka 23

ಲೇಖನಚ್ಛೇದನಸ್ವೇದವಮನೈಃ ಶ್ಲೈಷ್ಮಿಕಂ ಜಯೇತ್||೨೩||

Adhikarana kITabhedena doShAnusAraprayogAH (24) · Śloka 24

ಕೀಟಾನಾಂ ತ್ರಿಪ್ರಕಾರಾಣಾಂ ತ್ರೈವಿಧ್ಯೇನ ಕ್ರಿಯಾ ಹಿತಾ||೨೪||

Adhikarana svedAdau sAmAnyaniyamaH (25) · Śloka 25

ಸ್ವೇದಾಲೇಪನಸೇಕಾಂಸ್ತು ಕೋಷ್ಣಾನ್ ಪ್ರಾಯೋವಚಾರಯೇತ್| ಅನ್ಯತ್ರ ಮುರ್ಚ್ಛಿತಾದ್ದಂಶಪಾಕತಃ ಕೋಥತೋಽಪಿ ವಾ||೨೫||

Adhikarana kAshyapoktaM daMshadhUpanam (26) · Śloka 26

ನೃಕೇಶಾಃ ಸರ್ಷಪಾಃ ಪೀತಾ ಗುಡೋ ಜೀರ್ಣಶ್ಚ ಧೂಪನಮ್| ವಿಷದಂಶಸ್ಯ ಸರ್ವಸ್ಯ ಕಾಶ್ಯಪಃ ಪರಮಬ್ರವೀತ್||೨೬||

Adhikarana atideshena viShaghnavidhinirdeshaH (27) · Śloka 27

ವಿಷಘ್ನಂ ಚ ವಿಧಿಂ ಸರ್ವ ಕುರ್ಯಾತ್ ಸಂಶೋಧನಾನಿ ಚ||೨೭||

Adhikarana ugrakITAdiShu visheShaH (28) · Śloka 28

ಸಾಧಯೇತ್ ಸರ್ಪವದ್ದಷ್ಟಾನ್ ವಿಷೋಗ್ರೈಃ ಕೀಟವೃಶ್ಚಿಕೈಃ||೨೮||

Adhikarana taNDulIyakAdiyogaH (29) · Śloka 29

ತಣ್ಡುಲೀಯಕತುಲ್ಯಾಂಶಾಂ ತ್ರಿವೃತಾಂ ಸರ್ಪಿಷಾ ಪಿಬನ್| ಯಾತಿ ಕೀಟವಿಷೈಃ ಕಮ್ಪಂ ನ ಕೈಲಾಸ ಇವಾನಿಲೈಃ||೨೯||

Adhikarana dvau lepayogau (30) · Śloka 30

ಕ್ಷೀರಿವೃಕ್ಷತ್ವಗಾಲೇಪಃ ಶುದ್ಧೇ ಕೀಟವಿಷಾಪಹಃ| ಮುಕ್ತಾಲೇಪೋ ವರಃ ಶೋಫತೋದದಾಹಜ್ವರಪ್ರಣುತ್||೩೦||

Adhikarana dashA~ggo agadaH (31) · Śloka 31

ವಚಾಹಿಙ್ಗುವಿಡಙ್ಗಾನಿ ಸೈನ್ಧವಂ ಗಜಪಿಪ್ಪಲೀ| ಪಾಠಾ ಪ್ರತಿವಿಷಾ ವ್ಯೋಷಂ ಕಾಶ್ಯಪೇನ ವಿನಿರ್ಮಿತಮ್| ದಶಾಙ್ಗಮಗದಂ ಪೀತ್ವಾ ಸರ್ವಕೀಟವಿಷಂ ಜಯೇತ್||೩೧||

Adhikarana mahAsnehAdiyogaH (32) · Śloka 32

ಐಕಧ್ಯಂ ಕೀಟವಿಷಜಿನ್ಮಹಾಸ್ನೇಹಂ ಪಯೋ ಮಧು||೩೨||

Adhikarana shikhipicchAdidhUpaH (33) · Śloka 33

ಶಿಖಿಕುಕ್ಕುಟಜೈಃ ಪಿಚ್ಛಃ ಸತೈಲಲವಣೋತ್ತಮೈಃ| ಧೂಪೋ ಹನ್ತಿ ಕೃತಃ ಶೀಘ್ರಂ ಕೀಟವೃಶ್ಚಿಕಜಂ ವಿಷಮ್||೩೩||

Adhikarana kaNabhamatsyayorviSha cikitsA (34) · Śloka 34

ವಿಷೇ ಕಣಭಜೇ ಕುರ್ಯಾದುನ್ದುರೋಕ್ತಮುಪಕ್ರಮಮ್| ಶಿರೀಷಬೀಜಂ ಮಣ್ಡೂಕೇ ಲೇಪಃ ಸ್ನುಕ್ಕ್ಷೀರಕಲ್ಕಿತಮ್| ಮಧುತ್ರಿಕಟುಕಂ ಶ್ವೇತಪಿಣ್ಡಾಮೂಲಂ ಚ ಮತ್ಸ್ಯಜೇ||೩೪||

Adhikarana vacAdi agadaH (35) · Śloka 35

ವಚಾಂ ವಂಶತ್ವಚಂ ಪಾಠಾಂ ನತಂ ಸುರಸಮಞ್ಜರೀಮ್| ದ್ವೇ ಬಲೇ ನಾಕುಲೀಂ ಕುಷ್ಠಂ ಶಿರೀಷಂ ರಜನೀದ್ವಯಮ್| ಗುಹಾಮತಿಗುಹಾಂ ಶ್ವೇತಾಮಜಗನ್ಧಾಂ ಶಿಲಾಜತು| ಕತ್ತೃಣಂ ಕಟಭೀಕ್ಷಾರಂ ಗೃಹಧೂಮಂ ಮನಶ್ಶಿಲಾಮ್| ರೋಹೀತಕಂ ಚ ಪಿತ್ತೇನ ಕಲ್ಕಯೇತ್ಸ ವರೋಽಗದಃ| ವಿಶ್ವಮ್ಭರಾದಿಷ್ವಾಲೇಪನಾವನಾಞ್ಜನಪಾನತಃ||೩೫||

Adhikarana shatapadIviShe agadaH (36) · Śloka 36

ಸ್ವರ್ಜಿಕಾಜಶಕೃತ್ಕ್ಷಾರಃ ಸುರಸಃ ಸಾಕ್ಷಿಪೀಡಕಃ| ಮದಿರಾಮಣ್ಡಸಂಯುಕ್ತೋ ಹಿತಃ ಶತಪದೀವಿಷೇ||೩೬||

Adhikarana gRuhagodhikAviShe agadaH (37) · Śloka 37

ಕಪಿತ್ಥಮಕ್ಷಿಪೀಡೋಽರ್ಕಬೀಜಂ ತ್ರಿಕಟುಕಾನ್ವಿತಮ್| ಕರಞ್ಜೋ ದ್ವೇ ಹರಿದ್ರೇ ಚ ಗೃಹಗೋಧೀವಿಷಾಪಹಃ||೩೭||

Adhikarana sarvaviShe agadaH (38) · Śloka 38

ಕಾಕಾಣ್ಡಯುಕ್ತಃ ಸರ್ವೇಷಾಂ ವಿಷಾಣಾಂ ತಣ್ಡುಲೀಯಕಃ| ಪ್ರಶಸ್ತೋ ಬರ್ಹಿಣೋಽಣ್ಡೇನ ತದ್ವದ್ವಾಯಸಪೀಲುಕಃ||೩೮||

Adhikarana makShikAviShe agadaH (39) · Śloka 39

ತಗರಂ ನಾಗರಂ ನಾಗಕೇಸರಂ ಮರಿಚನಿ ಚ| ಪ್ರಯುಕ್ತಂ ಪಾನಲೇಪಾಭ್ಯಾಂ ಮಕ್ಷಿಕಾವಿಷನಾಶನಮ್||೩೯||

Adhikarana varaTIviShe agadaH (40) · Śloka 40

ಸಿತಾಸಿತೇ ಚ ಲವಣೇ ಮರಿಚಂ ಚ ಸನಾಗರಮ್| ಫಣಿಜ್ಜಕರಸೋಪೇತಂ ವರಟೀನಾಂ ವಿಷಾಪಹಮ್||೪೦||

Adhikarana vRushcikaviShacikitsA sadyaH kartavyam (41) · Śloka 41

ಸದ್ಯೋ ವೃಶ್ಚಿಕಜಂ ದಂಶಂ ಚಕ್ರತೈಲೇನ ಸೇಚಯೇತ್| ವಿದಾರಿಗನ್ಧಾಸಿದ್ಧೇನ ಕವೋಷ್ಣೇನೇತರೇಣ ವಾ| ಲವಣೋತ್ತಮಯುಕ್ತೇನ ಸರ್ಪಿಷಾ ವಾ ಪುನಃ ಪುನಃ| ಸಿಞ್ಚೇತ್ಕೋಷ್ಣಾರನಾಲೇನ ಸಕ್ಷೀರಲವಣೇನ ವಾ| ಉಪನಾಹೋ ಘೃತೇ ಭೃಷ್ಟಃ ಕಲ್ಕೋಜಾಜ್ಯಾಃ ಸಸೈನ್ಧವಃ||೪೧||

Adhikarana svedAdi upacArAH daMshasthale (42) · Śloka 42

ಆದಂಶಂ ಸ್ವೇದಿತಂ ಚೂರ್ಣೈಃ ಪ್ರಚ್ಛಾಯ ಪ್ರತಿಸಾರಯೇತ್| ರಜನೀಸೈನ್ಧವವ್ಯೋಷಶಿರೀಷಫಲಪುಷ್ಪಜೈಃ||೪೨||

Adhikarana lepanam (43) · Śloka 43

ಮಾತುಲುಙ್ಗಾಮ್ಲಗೋಮೂತ್ರಪಿಷ್ಟಂ ಚ ಸುರಸಾಗ್ರಜಮ್| ಲೇಪಃ ಸುಖೋಷ್ಣಶ್ಚ ಹಿತಃ ಪಿಣ್ಯಾಕೋ ಗೋಮಯೋಽಪಿ ವಾ||೪೩||

Adhikarana pAnam (44) · Śloka 44

ಪಾನೇ ಸರ್ಪಿರ್ಮಧುಯುತ&ಲ್ತ್; ಕ್ಷೀರಂ ವಾ ಭೂರಿಶರ್ಕರಮ್| ಗುಡೋದಕಂ ವ ಸುಹಿಮಂ ಚಾತುರ್ಜಾತಕವಾಸಿತಮ್||೪೪||

Adhikarana shUlaghno lepaH (45) · Śloka 45

ಪಲಾಶಬೀಜಂ ಶೂಲಘ್ನೋ ಲೇಪೋಽರ್ಕಕ್ಷೀರಭಾವಿತಮ್||೪೫||

Adhikarana agadAH (46) · Śloka 46

ಪಾರಾವತಶಕೃತ್ಪಥ್ಯಾ ತಗರಂ ವಿಶ್ವಭೇಷಜಮ್| ಬೀಜಪೂರರಸೋನ್ಮಿಶ್ರಂ ವರೋಽಯಂ ವೃಶ್ಚಿಕಾಗದಃ| ಮನೋಹ್ವಾ ಸೈನ್ಧವಂ ಹಿಙ್ಗು ಮಾಲತೀಪಲ್ಲವಾನಿ ಚ| ಗೋಶಕೃದ್ರಸಪಿಷ್ಟೇಯಂ ಗುಲಿಕಾ ವೃಶ್ಚಿಕಾರ್ದ್ದಿತೇ| ಲಶುನೋ ಮರಿಚಂ ಹಿಙ್ಗು ಸುರಸಂ ವಿಶ್ವಭೇಷಜಮ್| ಅರ್ಕಕ್ಷೀರೇಣ ಗುಲಿಕಾ ವೃಶ್ಚಿಕಾರ್ದಿತಶಙ್ಕರೀ||೪೬||

Adhikarana uShTradaMShTrAlepayogaH (47) · Śloka 47

ಸಶೈವಲೋಷ್ಟ್ರದಂಷ್ಟ್ರಾ ಚ ಹನ್ತಿ ವೃಶ್ಚಿಕಜಂ ವಿಷಮ್||೪೭||

Adhikarana lepA~jjanArthe gulikA (49) · Śloka 48

ಹಿಙ್ಗುನಾ ಹರಿತಾಲೇನ ಮಾತುಲುಙ್ಗರಸೇನ ಚ| ಲೇಪಾಞ್ಜನಾಭ್ಯಾಂ ಗುಲಿಕಾ ಪರಮಂ ವೃಶ್ಚಿಕಾಪಹಾ||೪೮||

Adhikarana kara~jjAdidaMshalepanam (49) · Śloka 49

ಕರಞ್ಜಾರ್ಜುನಶೇಲೂನಾಂ ಕಟಭ್ಯಾಃ ಕುಟಜಸ್ಯ ಚ| ಶಿರೀಷಸ್ಯ ಚ ಪುಷ್ಪಾಣಿ ಮಸ್ತುನಾ ದಂಶಲೇಪನಮ್||೪೯||

Adhikarana pippalyAdilepaH (50) · Śloka 50

ಪಿಪ್ಪಲೀಂ ಮರಿಚಂ ಯಷ್ಟಿಂ ಶ್ವ್ವೇತಾಂ ಸುರಸಮಞ್ಜರೀಮ್| ಸಹದೇವಾಮಪಾಮಾರ್ಗಂ ತಣ್ಡುಲೀಯಂ ಚ ಕಲ್ಕಯೇತ್| ಕುತಲಕ್ಷಾರತೋಯೇನ ಲೇಪೋಽಲಿವಿಷನಾಶನಃ||೫೦||

Adhikarana mohAdiShu lepayogaH (51) · Śloka 51

ಯೋ ಮುಹ್ಯತಿ ಪ್ರಶ್ವಸಿತಿ ಪ್ರಲಪತ್ಯುಗ್ರವೇದನಃ| ತಸ್ಯ ಪಥ್ಯಾನಿಶಾಕೃಷ್ಣಾಮಞ್ಜಿಷ್ಠಾತಿವಿಷೋಷಣಮ್| ಸಾಲಾಬುವೃನ್ತಂ ವಾರ್ತಾಕರಸಪಿಷ್ಟಂ ಪ್ರಲೇಪನಮ್||೫೧||

Adhikarana daMshe kaNDUvAdau lepaH (52) · Śloka 52

ಆದಂಶೇ ಯಸ್ಯ ಕಣ್ಡೂಃ ಸ್ಯಾತ್ಕೋಥಃ ಕೋಠ ದಾರುಣಮ್| ತಸ್ಯ ಲೇಪಸ್ತ್ರಿಕಟುಕಂ ಯವಕ್ಷಾರೋಽಕ್ಷಿಪೀಡಕಃ| ಪಾರಾವತಶಕೃತ್ಕಾನ್ತಾಸ್ವರ್ಜಿಕಾಗ್ನಿಹರೇಣವಃ| ರಸೇನ ಮಾತುಲುಙ್ಗಸ್ಯ ಕ್ಷಾರೇಣಾರ್ಕಸ್ಯ ವಾ ದ್ರುತಾಃ||೫೨||

Adhikarana hRudayapIDAdau visheShaH (53) · Śloka 53

ಹೃದಯಂ ಪೀಡ್ಯತೇ ಯಸ್ಯ ಮೂರ್ಚ್ಛಾ ಚಿಮಿಚಿಮಾಯನಮ್| ದನ್ತೌಷ್ಠದಂಶೋ ರೋಮ್ಣಾಂ ಚ ಹರ್ಷಸ್ತಸ್ಯ ನಿವರ್ತ್ತತೇ| ವೇಗೋ ವಿಷಸ್ಯ ಪಞ್ಚಾಹಾನ್ನೈವ ವಾ ಕ್ರಿಯಯಾ ವಿನಾ| ತತ್ರ ಕುರ್ವೀತ ದಂಶಸ್ಯ ಲೇಪನಂ ಮಸ್ತುಕಲ್ಕಿತೈಃ| ಶ್ವೇತಪಾಟಲ್ಯತಿವಿಷಾಹರಿದ್ರಾಹರಿಣೀನತೈಃ| ಬಿಲ್ವಮೂಲಯವಕ್ಷಾರಸೂಕ್ಷ್ಮಮಾಗಧಿಕಾಯುತೈಃ||೫೩||

Adhikarana utkarttanAdau visheShaH (54) · Śloka 54

ಉತ್ಕೃತ್ಯ ಇವಾದಂಶಃ ಶೂನಃ ಕ್ಲಿನ್ನೋ ಹತಚ್ಛವಿಃ| ಜಮ್ಬೂಫಲನಿಭಂ ರಕ್ತಂ ಕೂಜನ್ ವಮತಿ ಚೇಷ್ಟತೇ| ಇನ್ದ್ರಿಯಾರ್ಥಂ ನ ಜಾನಾತಿ ಪ್ರಸ್ವಿದ್ಯತಿ ಚ ಯೋ ಮುಹುಃ| ಸ್ವರ್ಜಿಕಾಕುಷ್ಠತಗರನಾಕುಲೀಪೀಲುಪಿಪ್ಪಲೀಃ| ಬೃಹತೀಂ ಚಾಚ್ಛ್ವಸುರಯಾ ತಸ್ಯ ಪಿಷ್ಟ್ವಾ ವಿಲೇಪನಮ್||೫೪||

Adhikarana ugrAliviShe kramaH (55) · Śloka 55

ಸರ್ವತ್ರ ಚೋಗ್ರಾಲಿವಿಷೇ ಪಾಯಯೇನ್ಮಧುಸರ್ಪಿಷೀ| ವಿಧ್ಯೇತ್ ಸಿರಾಂ ವಿದಧ್ಯಾಚ್ಚ ವಮನಾಞ್ಜನನಾವನಮ್| ಉಷ್ಣಸ್ನಿಗ್ಧಾಮ್ಲಮಧುರಂ ಭೋಜನಂ ಚಾನಿಲಾಪಹಮ್||೫೫||

Adhikarana nAgarAdi agadaH (56) · Śloka 56

ನಾಗರಂ ಗೃಹಕಪೋತಪುರೀಷಂ ಬೀಜಪೂರಕರಸೋ ಹರಿತಾಲಮ್| ಸೈನ್ಧವಞ್ಚ ವಿನಿಹನ್ತ್ಯಗದೋಽಯಂ ಲೇಪತೋಽಲಿಕುಲಜಂ ವಿಷಮಾಶು||೫೬||

Adhikarana vRushcikaviShaM paramauShadham (57) · Śloka 57

ಅನ್ತೇ ವೃಶ್ಚಿಕದಷ್ಟಾನಾಂ ಸಮುದೀರ್ಣೇ ಭೃಶಂ ವಿಷೇ| ವಿಷೇಣಾಲೇಪಯೇದ್ದಂಶಂ ಸ್ಥಾವರೇಣ ಯಥೋಚಿತಮ್||೫೭||

Adhikarana ucciTi~gge visheShaH (58) · Śloka 58

ಕ್ರಿಯೇಯಮುಚ್ಚಿಟಿಙ್ಗೇಽಪಿ ಪ್ರತಿಲೋಮಂ ಚ ಪಾಂಸುಭಿಃ| ಉದ್ವರ್ತನಂ ಸುಖಾಮ್ಲೋಷ್ಣೈಸ್ತಥಾ ಪ್ರಚ್ಛಾದನಂ ಘನೈಃ||೫೮||

Adhikarana kuTajaphalAdiyogaH pAnAdau (59) · Śloka 59

ಕುಟಜಸ್ಯ ಫಲಂ ಕುಷ್ಠಂ ಮಾಲತೀ ಫಲಿನೀ ನತಮ್| ತಿಕ್ತೇಕ್ಷ್ವಾಕುಶ್ಚ ಪಿಷ್ಟಾನಿ ಪಾನಪ್ರಧಮನಾದಿಭಿಃ| ವೃಶ್ಚಿಕೋನ್ದುರುಲೂತಾನಾಂ ಸರ್ಪಾಣಾಂ ಚ ವಿಷಾಪಹಮ್| ಸಮಾನಮಮೃತೇನೇದಂ ಗರಶೇಷಂ ಚ ನಾಶಯೇತ್||೫೯||

Adhikarana arkakShIrabhAvito~agadaH (60-43) · Śloka 43

ಅರ್ಕಸ್ಯ ದುಗ್ಧೇನ ಶಿರೀಷಬೀಜಂ ತ್ರಿರ್ಭಾವಿತಂ ಪಿಪ್ಪಲಿಚೂರ್ಣಮಿಶ್ರಮ್| ಏಷೋಽಗದೋ ಹನ್ತಿ ವಿಷಾಣಿ ಕೀಟ ಭುಜಙ್ಗಲೂತೋನ್ದುರುವೃಶ್ಚಿಕಾನಾಮ್||೬೦|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾ ವಷ್ಟಾಙ್ಗಸಂಗ್ರಹಸಂಹಿತಾಯಾಮುತ್ತರತನ್ತ್ರೇ ಕೀಟವಿಷ ಪ್ರತಿಷೇಧೋ ನಾಮ ತ್ರಿಚತ್ವಾರಿಂಶೋಽಧ್ಯಾಯಃ||೪೩||