Adhikarana atha sarvAkShirogavij~jAnIyo nAmAShTAdasho~adhyAyaH - pratij~jA (1) · Śloka 1
athātaḥ sarvākṣirōgavijñānīyaṁ nāmādhyāyaṁ vyākhyāsyāmaḥ| iti ha smāhurātrēyādayō maharṣayaḥ||1||
अथातः सर्वाक्षिरोगविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana vAtABiShyandalakShaNam (2) · Śloka 2
vātēna nētrē'bhiṣyaṇṇē nāsānāhō'lpaśōphatā| śaṅkhākṣibhrūlalāṭāsyatōdasphuraṇabhēdanam| śuṣkālpā dūṣikā śītamalpaṁ cāśru calā rujaḥ| nimiṣōnmēṣaṇaṁ kr̥cchrājjantūnāmiva sarpaṇam| akṣyādhmātamivābhāti sūkṣmaiśśalyairivācitam| snigdhōṣṇaiścōpaśamanam.......................||2||
वातेन नेत्रेऽभिष्यण्णे नासानाहोऽल्पशोफता| शङ्खाक्षिभ्रूललाटास्यतोदस्फुरणभेदनम्| शुष्काल्पा दूषिका शीतमल्पं चाश्रु चला रुजः| निमिषोन्मेषणं कृच्छ्राज्जन्तूनामिव सर्पणम्| अक्ष्याध्मातमिवाभाति सूक्ष्मैश्शल्यैरिवाचितम्| स्निग्धोष्णैश्चोपशमनम्.......................||२||
🔊 Audio coming soon
Adhikarana vAtAdhimanthaH (3) · Śloka 3
.....................sō'bhiṣyanda upēkṣitaḥ| adhimanthō bhavēttatra karṇayōrnadanaṁ bhramaḥ| araṇyēva ca mathyantē lalāṭākṣibhruvādayaḥ||3||
.....................सोऽभिष्यन्द उपेक्षितः| अधिमन्थो भवेत्तत्र कर्णयोर्नदनं भ्रमः| अरण्येव च मथ्यन्ते ललाटाक्षिभ्रुवादयः||३||
🔊 Audio coming soon
Adhikarana vAtajahatAdhimanthaH (4) · Śloka 4
hatādhimanthaḥ sō'pi syātpramādāttēna vēdanāḥ| anēkarūpā jāyantē vraṇō dr̥ṣṭau ca dr̥ṣṭihā||4||
हताधिमन्थः सोऽपि स्यात्प्रमादात्तेन वेदनाः| अनेकरूपा जायन्ते व्रणो दृष्टौ च दृष्टिहा||४||
🔊 Audio coming soon
Adhikarana anyatovAtaH (5) · Śloka 5
manyākṣiśaṅkhatō vāyuranyatō vā pravartayēt| vyathāṁ tīvrāmapaicchilyarāgaśōphaṁ vilōcanam| saṅkōcayati paryaśru sō'nyatō vātasaṁjñitaḥ||5||
मन्याक्षिशङ्खतो वायुरन्यतो वा प्रवर्तयेत्| व्यथां तीव्रामपैच्छिल्यरागशोफं विलोचनम्| सङ्कोचयति पर्यश्रु सोऽन्यतो वातसंज्ञितः||५||
🔊 Audio coming soon
Adhikarana vAtaparyayaH (6) · Śloka 6
tadvajjihyaṁ bhavēnnētramūnaṁ vā vātaparyayē||6||
तद्वज्जिह्यं भवेन्नेत्रमूनं वा वातपर्यये||६||
🔊 Audio coming soon
Adhikarana pittABiShyandaH (7) · Śloka 7
dāhō dhūmāyanaṁ śōphaḥ syāvatā vartmanōrbahiḥ| ataḥklēdō'śru pītōṣṇaṁ rāgaḥ pītābhadarśanam| kṣārōkṣitakṣatākṣitvaṁ pittābhiṣyandalakṣaṇam||7||
दाहो धूमायनं शोफः स्यावता वर्त्मनोर्बहिः| अतःक्लेदोऽश्रु पीतोष्णं रागः पीताभदर्शनम्| क्षारोक्षितक्षताक्षित्वं पित्ताभिष्यन्दलक्षणम्||७||
🔊 Audio coming soon
Adhikarana pittAdhimanthaH (8) · Śloka 8
jvaladaṅgārakīrṇābhaṁ yakr̥tpiṇḍasamaprabham| adhimanyē bhavēnnētram.......................||8||
ज्वलदङ्गारकीर्णाभं यकृत्पिण्डसमप्रभम्| अधिमन्ये भवेन्नेत्रम्.......................||८||
🔊 Audio coming soon
Adhikarana kaPABiShyandalakShaNam (9) · Śloka 9
........................syandē tu kaphasambhavē| jāḍyaṁ śōphō mahān kaṇḍūrnidrānnānabhinandanam| sāndrasnigdhabahuśvētapicchāvad dūṣikā'śrutā||9||
........................स्यन्दे तु कफसम्भवे| जाड्यं शोफो महान् कण्डूर्निद्रान्नानभिनन्दनम्| सान्द्रस्निग्धबहुश्वेतपिच्छावद् दूषिकाऽश्रुता||९||
🔊 Audio coming soon
Adhikarana kaPAdhimanthalakShaNam (10) · Śloka 10
adhimanthē nataṁ kr̥ṣṇamunnataṁ śuklamaṇḍalam| prasēkō nāsikādhmānaṁ pāṁsupūrṇamivēkṣaṇam||10||
अधिमन्थे नतं कृष्णमुन्नतं शुक्लमण्डलम्| प्रसेको नासिकाध्मानं पांसुपूर्णमिवेक्षणम्||१०||
🔊 Audio coming soon
Adhikarana raktABiShyandalakShaNam (11) · Śloka 11
raktāśrurājīdūṣīkā raktamaṇḍaladarśanam| raktasyandēna nayanaṁ sapittasyandalakṣaṇam||11||
रक्ताश्रुराजीदूषीका रक्तमण्डलदर्शनम्| रक्तस्यन्देन नयनं सपित्तस्यन्दलक्षणम्||११||
🔊 Audio coming soon
Adhikarana raktAdhimanthalakShaNam (12) · Śloka 12
manthē'kṣitāmraparyantamutpāṭanasamānaruk| rāgēṇa bandhūkanibhaṁ tāmyati sparśanākṣamam| asr̥ṅnimagnāriṣṭābhaṁ kr̥ṣṇamagnyābhadarśanam||12||
मन्थेऽक्षिताम्रपर्यन्तमुत्पाटनसमानरुक्| रागेण बन्धूकनिभं ताम्यति स्पर्शनाक्षमम्| असृङ्निमग्नारिष्टाभं कृष्णमग्न्याभदर्शनम्||१२||
🔊 Audio coming soon
Adhikarana adhimanthasAmAnyalakShaNam (13) · Śloka 13
adhimanthā yathāsvaṁ ca sarvē syandādhikavyathāḥ| śaṅkhadantakapōlēṣu kapālē cāti rukkarāḥ||13||
अधिमन्था यथास्वं च सर्वे स्यन्दाधिकव्यथाः| शङ्खदन्तकपोलेषु कपाले चाति रुक्कराः||१३||
🔊 Audio coming soon
Adhikarana shuShkAkShipAkaH (14) · Śloka 14
vātapittāturaṁ gharṣatōdabhēdōpadēhavat| rūkṣadāruṇavartmākṣikr̥cchrōnmīlanimīlanam| vikūṇanaviśuṣkatvaśītēcchāśūlapākavat| uktaḥ śuṣkākṣipākō'yam................||14||
वातपित्तातुरं घर्षतोदभेदोपदेहवत्| रूक्षदारुणवर्त्माक्षिकृच्छ्रोन्मीलनिमीलनम्| विकूणनविशुष्कत्वशीतेच्छाशूलपाकवत्| उक्तः शुष्काक्षिपाकोऽयम्................||१४||
🔊 Audio coming soon
Adhikarana sashophapAkaH (15) · Śloka 15
..................saśōphaḥ syāttribhirmalaiḥ| saraktastatra śōphō'tirudgāhaṣṭhīvanādimān| pakvōdumbarasaṅkāśaṁ jāyatē śuklamaṇḍalam| aśrūṣṇaśītaviśadapicchilācchaghanaṁ muhuḥ||15||
..................सशोफः स्यात्त्रिभिर्मलैः| सरक्तस्तत्र शोफोऽतिरुद्गाहष्ठीवनादिमान्| पक्वोदुम्बरसङ्काशं जायते शुक्लमण्डलम्| अश्रूष्णशीतविशदपिच्छिलाच्छघनं मुहुः||१५||
🔊 Audio coming soon
Adhikarana alpashophaH (16) · Śloka 16
alpaśōphō'lpaśōphastu pākō'nyairlakṣaṇaistathā||16||
अल्पशोफोऽल्पशोफस्तु पाकोऽन्यैर्लक्षणैस्तथा||१६||
🔊 Audio coming soon
Adhikarana akShipAkAtyayaH (17) · Śloka 17
akṣipākātyayē śōphaḥ saṁrambhaḥ kaluṣāśrutā| kaphōpadigdhamasitaṁ sitaṁ praklēdarāgavat| dāhō darśanasaṁrōdhō vēdanāścānavasthitā||17||
अक्षिपाकात्यये शोफः संरम्भः कलुषाश्रुता| कफोपदिग्धमसितं सितं प्रक्लेदरागवत्| दाहो दर्शनसंरोधो वेदनाश्चानवस्थिता||१७||
🔊 Audio coming soon
Adhikarana amloShitaH (18) · Śloka 18
annasārō'mlatāṁ nītaḥ pittaraktōlbaṇairmalaiḥ| sirābhirnētramārūḍhaḥ karōti śyāvalōhitam| saśōphadāhapākāśru bhr̥śaṁ cāviladarśanam| amlōṣitō'yam............................||18||
अन्नसारोऽम्लतां नीतः पित्तरक्तोल्बणैर्मलैः| सिराभिर्नेत्रमारूढः करोति श्यावलोहितम्| सशोफदाहपाकाश्रु भृशं चाविलदर्शनम्| अम्लोषितोऽयम्............................||१८||
🔊 Audio coming soon
Adhikarana sarvagAnAM sa~gkhyAsamprAptiH (19) · Śloka 19
............ityuktāḥ gadāḥ ṣōḍaśa sarvagāḥ||19||
............इत्युक्ताः गदाः षोडश सर्वगाः||१९||
🔊 Audio coming soon
Adhikarana asAdhyatAnirdeshaH (20-18) · Śloka 18
hatādhimanthamētēṣu sākṣipākātyayaṁ tyajēt| vātādbhūtaṁ pañcarātrēṇa dr̥ṣṭiṁ saptāhēna ślēṣmajātō'dhimanthaḥ| raktōtpannō hanti tadvattrirātrān mithyācārāt paittikaḥ sadya ēva||20|| iti vaidyapatisiṁhaguptasya sūnōrvāgbhaṭasya kr̥tāvaṣṭāṅgasaṁgrahasaṁhitāyāmuttaratantrē sarvākṣirōgavijñānīya nāmāṣṭādaśō'dhyāyaḥ||18||
हताधिमन्थमेतेषु साक्षिपाकात्ययं त्यजेत्| वाताद्भूतं पञ्चरात्रेण दृष्टिं सप्ताहेन श्लेष्मजातोऽधिमन्थः| रक्तोत्पन्नो हन्ति तद्वत्त्रिरात्रान् मिथ्याचारात् पैत्तिकः सद्य एव||२०|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे सर्वाक्षिरोगविज्ञानीय नामाष्टादशोऽध्यायः||१८||
🔊 Audio coming soon