Adhikarana amlapittasya nidAnapUrvakaM svarUpam (1) · Śloka 1
অথাম্লপিত্তনিদানম্ | বিরুদ্ধদুষ্টাম্লবিদাহিপিত্তপ্রকোপিপানান্নভুজো বিদগ্ধম্ | পিত্তং স্বহেতূপচিতং পুরা যত্তদম্লপিত্তং প্রবদন্তি সন্তঃ ||১||
अथाम्लपित्तनिदानम् | विरुद्धदुष्टाम्लविदाहिपित्तप्रकोपिपानान्नभुजो विदग्धम् | पित्तं स्वहेतूपचितं पुरा यत्तदम्लपित्तं प्रवदन्ति सन्तः ||१||
🔊 Audio coming soon
Adhikarana amlapittalakShaNam (2) · Śloka 2
অবিপাকক্লমোত্ক্লেশতিক্তাম্লোদ্গারগৌরবৈঃ | হৃত্কণ্ঠদাহারুচিভিশ্চাম্লপিত্তং বদেদ্ভিষক্ ||২||
अविपाकक्लमोत्क्लेशतिक्ताम्लोद्गारगौरवैः | हृत्कण्ठदाहारुचिभिश्चाम्लपित्तं वदेद्भिषक् ||२||
🔊 Audio coming soon
Adhikarana adhogatasyAmlapittasya lakShaNam (3) · Śloka 3
তৃড্দাহমূর্ছাভ্রমমোহকারি প্রযাত্যধো বা বিবিধপ্রকারম্ | হৃল্লাসকোঠানলসাদহর্ষস্বেদাঙ্গপীতত্বকরং কদাচিত্ ||৩||
तृड्दाहमूर्छाभ्रममोहकारि प्रयात्यधो वा विविधप्रकारम् | हृल्लासकोठानलसादहर्षस्वेदाङ्गपीतत्वकरं कदाचित् ||३||
🔊 Audio coming soon
Adhikarana UrdhvagasyAmlapittasya lakShaNam (4-6) · Śloka 6
বান্তং হরিত্পীতকনীলকৃষ্ণমারক্তরক্তাভমতীব চাম্লম্ | মাংসোদকাভং ত্বতিপিচ্ছিলাচ্ছং শ্লেষ্মানুজাতং বিবিধং রসেন ||৪|| ভুক্তে বিদগ্ধে ত্বথবাঽপ্যভুক্তে করোতি তিক্তাম্লবমিং কদাচিত্ | উদ্গারমেবংবিধমেব কণ্ঠহৃত্কুক্ষিদাহং শিরসো রুজং চ ||৫|| করচরণদাহমৌষ্ণ্যং মহতীমরুচিং জ্বরং চ কফপিত্তম্ | জনযতি কণ্ডূমণ্ডলপিডকাশতনিচিতগাত্ররোগচযম্ ||৬||
वान्तं हरित्पीतकनीलकृष्णमारक्तरक्ताभमतीव चाम्लम् | मांसोदकाभं त्वतिपिच्छिलाच्छं श्लेष्मानुजातं विविधं रसेन ||४|| भुक्ते विदग्धे त्वथवाऽप्यभुक्ते करोति तिक्ताम्लवमिं कदाचित् | उद्गारमेवंविधमेव कण्ठहृत्कुक्षिदाहं शिरसो रुजं च ||५|| करचरणदाहमौष्ण्यं महतीमरुचिं ज्वरं च कफपित्तम् | जनयति कण्डूमण्डलपिडकाशतनिचितगात्ररोगचयम् ||६||
🔊 Audio coming soon
Adhikarana amlapittasya sAdhyatvAdivicAraH (7) · Śloka 7
রোগোঽযমম্লপিত্তাখ্যো যত্নাত্ সংসাধ্যতে নবঃ | চিরোত্থিতো ভবেদ্যাপ্যঃ, কৃচ্ছ্রসাধ্যঃ স কস্যচিত্ ||৭||
रोगोऽयमम्लपित्ताख्यो यत्नात् संसाध्यते नवः | चिरोत्थितो भवेद्याप्यः, कृच्छ्रसाध्यः स कस्यचित् ||७||
🔊 Audio coming soon
Adhikarana amlapitte doShAntarasaMsargaH, doShabhedenAmlapittalakShaNAni ca (8-12) · Śloka 12
সানিলং সানিলকফং সকফং তচ্চ লক্ষযেত্ | দোষলিঙ্গেন মতিমান্ ভিষঙ্মোহকরং হি তত্ ||৮|| কম্পপ্রলাপমূর্ছাচিমিচিমিগাত্রাবসাদশূলানি | তমসো দর্শনবিভ্রমবিমোহহর্ষাণ্যনিলকোপাত্ ||৯|| কফনিষ্ঠীবনগৌরবজডতারুচিশীতসাদবমিলেপাঃ | দহনবলসাদকণ্ডূনিদ্রাশ্চিহ্নং কফানুগতে ||১০|| উভযমিদমেব চিহ্নং মারুতকফসম্ভবে ভবত্যম্লে | তিক্তাম্লকটুকোদ্গারহৃত্কুক্ষিকণ্ঠদাহকৃত্ ||১১|| ভ্রমো মূর্ছারুচিশ্ছর্দিরালস্যং চ শিরোরুজা | প্রসেকো মুখমাধুর্যং শ্লেষ্মপিত্তস্য লক্ষণম্ ||১২||
सानिलं सानिलकफं सकफं तच्च लक्षयेत् | दोषलिङ्गेन मतिमान् भिषङ्मोहकरं हि तत् ||८|| कम्पप्रलापमूर्छाचिमिचिमिगात्रावसादशूलानि | तमसो दर्शनविभ्रमविमोहहर्षाण्यनिलकोपात् ||९|| कफनिष्ठीवनगौरवजडतारुचिशीतसादवमिलेपाः | दहनबलसादकण्डूनिद्राश्चिह्नं कफानुगते ||१०|| उभयमिदमेव चिह्नं मारुतकफसम्भवे भवत्यम्ले | तिक्ताम्लकटुकोद्गारहृत्कुक्षिकण्ठदाहकृत् ||११|| भ्रमो मूर्छारुचिश्छर्दिरालस्यं च शिरोरुजा | प्रसेको मुखमाधुर्यं श्लेष्मपित्तस्य लक्षणम् ||१२||
🔊 Audio coming soon
Adhikarana puShpikA · Śloka 51
ইতি শ্রীমাধবকরবিরচিতে মাধবনিদানেঽম্লপিত্তনিদানং সমাপ্তম্ ||৫১||
इति श्रीमाधवकरविरचिते माधवनिदानेऽम्लपित्तनिदानं समाप्तम् ||५१||
🔊 Audio coming soon