50. śītapittōdardakōṭhanidānam

Adhikarana shItapittasya nidAnapUrvikA samprAptiH (1) · Śloka 1

अथ शीतपित्तोदर्द-कोठनिदानम् | शीतमारुतसंस्पर्शात् प्रदुष्टौ कफमारुतौ | पित्तेन सह सम्भूय बहिरन्तर्विसर्पतः ||१||

Adhikarana shItapittapUrvarUpam (2) · Śloka 2

पिपासारुचिहृल्लासदेहसादाङ्गगौरवम् | रक्तलोचनता तेषां पूर्वरूपस्य लक्षणम् ||२||

Adhikarana shItapittalakShaNam (3-4) · Śloka 4

वरटीदष्टसंस्थानः शोथः सञ्जायते बहिः | सकण्डूस्तोदबहुलश्छर्दिज्वरविदाहवान् ||३|| उदर्दमिति तं विद्याच्छीतपित्तमथापरे | वाताधिकं शीतपित्तमुदर्दस्तु कफाधिकः ||४||

Adhikarana udardasya dharmAntaram (5) · Śloka 5

सोत्सङ्गैश्च सरागैश्च कण्डूमद्भिश्च मण्डलैः | शैशिरः कफजो व्याधिरुदर्द इति कीर्तितः ||५||

Adhikarana koThalakShaNam (6) · Śloka 6

असम्यग्वमनोदीर्णपित्तश्लेष्मान्ननिग्रहैः | मण्डलानि सकण्डूनि रागवन्ति बहूनि च | उत्कोठः सानुबन्धश्च कोठ इत्यभिधीयते ||६||

Adhikarana puShpikA · Śloka 50

इति श्रीमाधवकरविरचिते माधवनिदाने शीतपित्तोदर्दकोठानिदानं समाप्तम् ||५०||