Adhikarana shukravat sarvadehaM stanyasyAshrayam (1) · Śloka 1
atha stanyaduṣṭinidānam | viśaṁstēṣvapi gātrēṣu yathā śukraṁ na dr̥śyatē | sarvadēhāśritatvācca śukralakṣaṇamucyatē ||1||
अथ स्तन्यदुष्टिनिदानम् | विशंस्तेष्वपि गात्रेषु यथा शुक्रं न दृश्यते | सर्वदेहाश्रितत्वाच्च शुक्रलक्षणमुच्यते ||१||
🔊 Audio coming soon
Adhikarana shukravat stanyapravRuttiH (2-3) · Śloka 3
tadēva cēṣṭayuvatērdarśanāt smaraṇādapi | śabdasaṁśravaṇāt sparśāt saṁharṣācca pravartatē ||2|| suprasannaṁ manastatra harṣaṇē hēturucyatē | āhārarasayōnitvādēvaṁ stanyamapi striyāḥ ||3||
तदेव चेष्टयुवतेर्दर्शनात् स्मरणादपि | शब्दसंश्रवणात् स्पर्शात् संहर्षाच्च प्रवर्तते ||२|| सुप्रसन्नं मनस्तत्र हर्षणे हेतुरुच्यते | आहाररसयोनित्वादेवं स्तन्यमपि स्त्रियाः ||३||
🔊 Audio coming soon
Adhikarana stanyapravRutau hetuH (4) · Śloka 4
tadēvāpatyasaṁsparśāddarśanāt smaraṇādapi | grahaṇācca śarīrasya śukravat sampravartatē | snēhō nirantarastatra prasravē hēturucyatē ||4||
तदेवापत्यसंस्पर्शाद्दर्शनात् स्मरणादपि | ग्रहणाच्च शरीरस्य शुक्रवत् सम्प्रवर्तते | स्नेहो निरन्तरस्तत्र प्रस्रवे हेतुरुच्यते ||४||
🔊 Audio coming soon
Adhikarana kShIraduShTikAraNaM, duShTastanyAdbAlAnAM nAnArogotpattishca (5) · Śloka 5
gurubhirvividhairannairduṣṭairdōṣaiḥ pradūṣitam | kṣīraṁ mātuḥ kumārasya nānārōgāya kalpatē ||5||
गुरुभिर्विविधैरन्नैर्दुष्टैर्दोषैः प्रदूषितम् | क्षीरं मातुः कुमारस्य नानारोगाय कल्पते ||५||
🔊 Audio coming soon
Adhikarana vAtAdidUShitastanyalakShaNam (6-7) · Śloka 7
kaṣāyaṁ salilaplāvi stanyaṁ mārutadūṣitam | kaṭvamlalavaṇaṁ pītarājīmat pittasañjñitam ||6|| kaphaduṣṭaṁ ghanaṁ tōyē nimajjati sapicchalam | dviliṅgaṁ dvandvajaṁ vidyāt sarvaliṅgaṁ tridōṣajam ||7||
कषायं सलिलप्लावि स्तन्यं मारुतदूषितम् | कट्वम्ललवणं पीतराजीमत् पित्तसञ्ज्ञितम् ||६|| कफदुष्टं घनं तोये निमज्जति सपिच्छलम् | द्विलिङ्गं द्वन्द्वजं विद्यात् सर्वलिङ्गं त्रिदोषजम् ||७||
🔊 Audio coming soon
Adhikarana avikRutastanyalakShaNam (8) · Śloka 8
aduṣṭaṁ cāmbunikṣiptamēkībhavati pāṇḍuram | madhuraṁ cāvivarṇaṁ ca prasannaṁ tat praśasyatē ||8||
अदुष्टं चाम्बुनिक्षिप्तमेकीभवति पाण्डुरम् | मधुरं चाविवर्णं च प्रसन्नं तत् प्रशस्यते ||८||
🔊 Audio coming soon
Adhikarana puShpikA · Śloka 67
iti śrīmādhavakaraviracitē mādhavanidānē stanyaduṣṭinidānaṁ samāptam ||67||
इति श्रीमाधवकरविरचिते माधवनिदाने स्तन्यदुष्टिनिदानं समाप्तम् ||६७||
🔊 Audio coming soon