47. upadaṁśanidānam

Adhikarana upadaMshanidAnam (1) · Śloka 1

अथोपदंशनिदानम् | हस्ताभिघातान्नखदन्तपातादधावनाद्रत्यतिसेवनाद्वा | योनिप्रदोषाच्च भवन्ति शिश्ने पञ्चोपदंशा विविधापचारैः ||१||

Adhikarana vAtika-paittikopadaMshalakShaNam (2) · Śloka 2

सतोदभेदैः स्फुरणैः सकृष्णैः स्फोटैर्व्यवस्येत् पवनोपदंशम् | पीतैर्बहुक्लेदयुतैः सदाहैः पित्तेन... |२|

Adhikarana raktaja-kaphajopadaMshalakShaNam (2-3) · Śloka 3

...रक्तात् पिशितावभासैः ||२|| स्फोटैः सकृष्णै रुधिरं स्रवन्तं रक्तात्मकं पित्तसमानलिङ्गम् | सकण्डुरैः शोथयुतैर्महद्भिः शुक्लैर्घनैः स्रावयुतैः कफेन ||३||

Adhikarana sannipAtajopadaMshalakShaNam (4) · Śloka 4

नानाविधस्रावरुजोपपन्नमसाध्यमाहुस्त्रिमलोपदंशम् |४|

Adhikarana upadaMshasyA sAdhyalakShaNam (4) · Śloka 4

विशीर्णमांसं क्रिमिभिः प्रजग्धं मुष्कावशेषं परिवर्जयेच्च ||४||

Adhikarana upadaMshasyAsAdhyalakShaNam (5) · Śloka 5

सञ्जातमात्रे न करोति मूढः क्रियां नरो यो विषये प्रसक्तः | कालेन शोथक्रिमिदाहपाकैर्विशीर्णशिश्नो म्रियते स तेन ||५||

Adhikarana li~ggArsholakShaNam (6-7) · Śloka 7

अङ्कुरैरिव सङ्घातैरुपर्युपरिसंस्थितैः | क्रमेण जायते वर्तिस्ताम्रचूडशिखोपमा ||६|| कोषस्याभ्यन्तरे सन्धौ सर्वसन्धिगताऽपि वा | (सवेदना पिच्छिला च दुश्चिकित्स्या त्रिदोषजा) | लिङ्गवर्तिरभिख्याता लिङ्गार्श इति चापरे ||७||

Adhikarana puShpikA · Śloka 47

इति श्रीमाधवकरविरचिते माधवनिदाने उपदंशनिदानं समाप्तम् ||४७||