Adhikarana upadaMshanidAnam (1) · Śloka 1
athōpadaṁśanidānam | hastābhighātānnakhadantapātādadhāvanādratyatisēvanādvā | yōnipradōṣācca bhavanti śiśnē pañcōpadaṁśā vividhāpacāraiḥ ||1||
अथोपदंशनिदानम् | हस्ताभिघातान्नखदन्तपातादधावनाद्रत्यतिसेवनाद्वा | योनिप्रदोषाच्च भवन्ति शिश्ने पञ्चोपदंशा विविधापचारैः ||१||
🔊 Audio coming soon
Adhikarana vAtika-paittikopadaMshalakShaNam (2) · Śloka 2
satōdabhēdaiḥ sphuraṇaiḥ sakr̥ṣṇaiḥ sphōṭairvyavasyēt pavanōpadaṁśam | pītairbahuklēdayutaiḥ sadāhaiḥ pittēna... |2|
सतोदभेदैः स्फुरणैः सकृष्णैः स्फोटैर्व्यवस्येत् पवनोपदंशम् | पीतैर्बहुक्लेदयुतैः सदाहैः पित्तेन... |२|
🔊 Audio coming soon
Adhikarana raktaja-kaphajopadaMshalakShaNam (2-3) · Śloka 3
...raktāt piśitāvabhāsaiḥ ||2|| sphōṭaiḥ sakr̥ṣṇai rudhiraṁ sravantaṁ raktātmakaṁ pittasamānaliṅgam | sakaṇḍuraiḥ śōthayutairmahadbhiḥ śuklairghanaiḥ srāvayutaiḥ kaphēna ||3||
...रक्तात् पिशितावभासैः ||२|| स्फोटैः सकृष्णै रुधिरं स्रवन्तं रक्तात्मकं पित्तसमानलिङ्गम् | सकण्डुरैः शोथयुतैर्महद्भिः शुक्लैर्घनैः स्रावयुतैः कफेन ||३||
🔊 Audio coming soon
Adhikarana sannipAtajopadaMshalakShaNam (4) · Śloka 4
nānāvidhasrāvarujōpapannamasādhyamāhustrimalōpadaṁśam |4|
नानाविधस्रावरुजोपपन्नमसाध्यमाहुस्त्रिमलोपदंशम् |४|
🔊 Audio coming soon
Adhikarana upadaMshasyA sAdhyalakShaNam (4) · Śloka 4
viśīrṇamāṁsaṁ krimibhiḥ prajagdhaṁ muṣkāvaśēṣaṁ parivarjayēcca ||4||
विशीर्णमांसं क्रिमिभिः प्रजग्धं मुष्कावशेषं परिवर्जयेच्च ||४||
🔊 Audio coming soon
Adhikarana upadaMshasyAsAdhyalakShaNam (5) · Śloka 5
sañjātamātrē na karōti mūḍhaḥ kriyāṁ narō yō viṣayē prasaktaḥ | kālēna śōthakrimidāhapākairviśīrṇaśiśnō mriyatē sa tēna ||5||
सञ्जातमात्रे न करोति मूढः क्रियां नरो यो विषये प्रसक्तः | कालेन शोथक्रिमिदाहपाकैर्विशीर्णशिश्नो म्रियते स तेन ||५||
🔊 Audio coming soon
Adhikarana li~ggArsholakShaNam (6-7) · Śloka 7
aṅkurairiva saṅghātairuparyuparisaṁsthitaiḥ | kramēṇa jāyatē vartistāmracūḍaśikhōpamā ||6|| kōṣasyābhyantarē sandhau sarvasandhigatā'pi vā | (savēdanā picchilā ca duścikitsyā tridōṣajā) | liṅgavartirabhikhyātā liṅgārśa iti cāparē ||7||
अङ्कुरैरिव सङ्घातैरुपर्युपरिसंस्थितैः | क्रमेण जायते वर्तिस्ताम्रचूडशिखोपमा ||६|| कोषस्याभ्यन्तरे सन्धौ सर्वसन्धिगताऽपि वा | (सवेदना पिच्छिला च दुश्चिकित्स्या त्रिदोषजा) | लिङ्गवर्तिरभिख्याता लिङ्गार्श इति चापरे ||७||
🔊 Audio coming soon
Adhikarana puShpikA · Śloka 47
iti śrīmādhavakaraviracitē mādhavanidānē upadaṁśanidānaṁ samāptam ||47||
इति श्रीमाधवकरविरचिते माधवनिदाने उपदंशनिदानं समाप्तम् ||४७||
🔊 Audio coming soon