Adhikarana vAtarogasya nidAnaM samprAptishca (1-4) · Śloka 4
অথ বাতব্যাধিনিদানম্|
রূক্ষশীতাল্পলঘ্বন্নব্যবাযাতিপ্রজাগরৈঃ |
বিষমাদুপচারাচ্চ দোষাসৃক্স্রবণাদপি ||১||
লঙ্ঘনপ্লবনাত্যধ্বব্যাযামাদিবিচেষ্টিতৈঃ |
ধাতূনাং সঙ্ক্ষযাচ্চিন্তাশোকরোগাতিকর্ষণাত্ ||২||
বেগসন্ধারণাদামাদভিঘাতাদভোজনত্ |
মর্মাবাধাদ্গজোষ্ট্রাশ্বশীঘ্রযানাপতংসনাত্ ||৩||
দেহে স্রোতাংসি রিক্তানি পূরযিত্বাঽনিলো বলী |
করোতি বিবিধান্ ব্যাধীন্ সর্বাঙ্গৈকাঙ্গসংশ্রযান্ ||৪||
(চ. চি. অ. ২৮) |
View original
अथ वातव्याधिनिदानम्|
रूक्षशीताल्पलघ्वन्नव्यवायातिप्रजागरैः |
विषमादुपचाराच्च दोषासृक्स्रवणादपि ||१||
लङ्घनप्लवनात्यध्वव्यायामादिविचेष्टितैः |
धातूनां सङ्क्षयाच्चिन्ताशोकरोगातिकर्षणात् ||२||
वेगसन्धारणादामादभिघातादभोजनत् |
मर्माबाधाद्गजोष्ट्राश्वशीघ्रयानापतंसनात् ||३||
देहे स्रोतांसि रिक्तानि पूरयित्वाऽनिलो बली |
करोति विविधान् व्याधीन् सर्वाङ्गैकाङ्गसंश्रयान् ||४||
(च. चि. अ. २८) |
Adhikarana vAtavyAdheH pUrvarUpAdayaH (5) · Śloka 5
অব্যক্তং লক্ষণং তেষাং পূর্বরূপমিতি স্মৃতম্ |
আত্মরূপং তু যদ্ব্যক্তমপাযো লঘুতা পুনঃ ||৫||
(চ. চি. অ. ২৮) |
View original
अव्यक्तं लक्षणं तेषां पूर्वरूपमिति स्मृतम् |
आत्मरूपं तु यद्व्यक्तमपायो लघुता पुनः ||५||
(च. चि. अ. २८) |
Adhikarana vAtavyAdheH sAmAnyali~ggaM, vAyorhetvAdivisheShAdrogavisheShakartRutvaM ca (6-8) · Śloka 8
সঙ্কোচঃ পর্বণাং স্তম্ভো ভঙ্গোঽস্থ্নাং পর্বণামপি |
রোমহর্ষঃ প্রলাপশ্চ পাণিপৃষ্ঠশিরোগ্রহঃ ||৬||
খাঞ্জ্যপাঙ্গুল্যকুব্জত্বং শোথোঽঙ্গানামনিদ্রতা |
গর্ভশুক্ররজোনাশঃ স্পন্দনং গাত্রসুপ্ততা ||৭||
শিরোনাসাক্ষিজত্রূণাং গ্রীবাযাশ্চাপি হুণ্ডনম্ |
ভেদস্তোদোঽর্তিরাক্ষেপো মুহুশ্চাযাস এব চ ||৮||
View original
सङ्कोचः पर्वणां स्तम्भो भङ्गोऽस्थ्नां पर्वणामपि |
रोमहर्षः प्रलापश्च पाणिपृष्ठशिरोग्रहः ||६||
खाञ्ज्यपाङ्गुल्यकुब्जत्वं शोथोऽङ्गानामनिद्रता |
गर्भशुक्ररजोनाशः स्पन्दनं गात्रसुप्तता ||७||
शिरोनासाक्षिजत्रूणां ग्रीवायाश्चापि हुण्डनम् |
भेदस्तोदोऽर्तिराक्षेपो मुहुश्चायास एव च ||८||
Adhikarana kupitavAyoH hetusthAnavisheShAt rogavisheShakartRutvam (9) · Śloka 9
এবংবিধানি রূপাণি করোতি কুপিতোঽনিলঃ |
হেতুস্থানবিশেষাচ্চ ভবেদ্রোগবিশেষকৃত্ ||৯||
(চ. চি. অ. ২৮) |
View original
एवंविधानि रूपाणि करोति कुपितोऽनिलः |
हेतुस्थानविशेषाच्च भवेद्रोगविशेषकृत् ||९||
(च. चि. अ. २८) |
Adhikarana koShThAshritavAtalakShaNaM, sarvA~ggakupitavAtalakShaNaM ca (10-11) · Śloka 11
তত্র কোষ্ঠাশ্রিতে দুষ্টে নিগ্রহো মূত্রবর্চসোঃ |
ব্রধ্নহৃদ্রোগগুল্মার্শঃপার্শ্বশূলং চ মারুতে ||১০||
সর্বাঙ্গকুপিতে বাতে গাত্রস্ফুরণভঞ্জনম্ |
বেদনাভিঃ পরীতাশ্চ স্ফুটন্তীবাস্য সন্ধযঃ ||১১||
(চ. চি. অ. ২৮) |
View original
तत्र कोष्ठाश्रिते दुष्टे निग्रहो मूत्रवर्चसोः |
ब्रध्नहृद्रोगगुल्मार्शःपार्श्वशूलं च मारुते ||१०||
सर्वाङ्गकुपिते वाते गात्रस्फुरणभञ्जनम् |
वेदनाभिः परीताश्च स्फुटन्तीवास्य सन्धयः ||११||
(च. चि. अ. २८) |
Adhikarana gudasthitavAtalakShaNam AmAshayasthavAtalakShaNaM ca (12-13) · Śloka 13
গ্রহো বিণ্মূত্রবাতানাং শূলাধ্মানাশ্মশর্করাঃ |
জঙ্ঘোরুত্রিকপাত্পৃষ্ঠরোগশোষৌ গুদে স্থিতে ||১২||
রুক্ পার্শ্বোদরহৃন্নাভেস্তৃষ্ণোদ্গারবিসূচিকাঃ |
কাসঃ কণ্ঠাস্যশোষশ্চ শ্বাসশ্চামাশযস্থিতে ||১৩||
(চ. চি. অ. ২৮) |
View original
ग्रहो विण्मूत्रवातानां शूलाध्मानाश्मशर्कराः |
जङ्घोरुत्रिकपात्पृष्ठरोगशोषौ गुदे स्थिते ||१२||
रुक् पार्श्वोदरहृन्नाभेस्तृष्णोद्गारविसूचिकाः |
कासः कण्ठास्यशोषश्च श्वासश्चामाशयस्थिते ||१३||
(च. चि. अ. २८) |
Adhikarana pakvAshayasthavAtalakShaNaM shrotrAdigatavAtalakShaNaM ca (14) · Śloka 14
পক্বাশযস্থোঽন্ত্রকূজং শূলাটোপৌ করোতি চ |
কৃচ্ছ্রমূত্রপুরীষত্বমানাহং ত্রিকবেদনাম্ ||১৪||
শ্রোত্রাদিষ্বিন্দ্রিযবধং কুর্যাদ্দুষ্টসমীরণঃ |
(সু. নি. অ. ১) |
View original
पक्वाशयस्थोऽन्त्रकूजं शूलाटोपौ करोति च |
कृच्छ्रमूत्रपुरीषत्वमानाहं त्रिकवेदनाम् ||१४||
श्रोत्रादिष्विन्द्रियवधं कुर्याद्दुष्टसमीरणः |
(सु. नि. अ. १) |
Adhikarana tvaggatavAtalakShaNam (15) · Śloka 15
ত্বগ্রূক্ষা স্ফুটিতা সুপ্তা কৃশা কৃষ্ণা চ তুদ্যতে |
আতন্যতে সরাগা চ পর্বরুক্ ত্বগ্গতেঽনিলে ||১৫||
(চ. চি. অ. ২৮) |
View original
त्वग्रूक्षा स्फुटिता सुप्ता कृशा कृष्णा च तुद्यते |
आतन्यते सरागा च पर्वरुक् त्वग्गतेऽनिले ||१५||
(च. चि. अ. २८) |
Adhikarana asRuggatavAtalakShaNam (16) · Śloka 16
রুজস্তীব্রাঃ সসন্তাপা বৈবর্ণ্যং কৃশতাঽরুচিঃ |
গাত্রে চারূংষি ভুক্তস্য স্তম্ভশ্চাসৃগ্গতেঽনিলে ||১৬||
(চ. চি. অ. ২৮) |
View original
रुजस्तीव्राः ससन्तापा वैवर्ण्यं कृशताऽरुचिः |
गात्रे चारूंषि भुक्तस्य स्तम्भश्चासृग्गतेऽनिले ||१६||
(च. चि. अ. २८) |
Adhikarana mAMsamedogatavAtalakShaNaM majjAsthigatavAtalakShaNaM ca (17-18) · Śloka 18
গুর্বঙ্গং তুদ্যতেঽত্যর্থং দণ্ডমুষ্টিহতং যথা |
সরুক্ শ্রমিতমত্যর্থং মাংসমেদোগতেঽনিলে ||১৭||
ভেদোঽস্থিপর্বণাং সন্ধিশূলং মাংসবলক্ষযঃ |
অস্বপ্নঃ সন্ততা রুক্ চ মজ্জাস্থিকুপিতেঽনিলে ||১৮||
(চ. চি. অ. ২৮) |
View original
गुर्वङ्गं तुद्यतेऽत्यर्थं दण्डमुष्टिहतं यथा |
सरुक् श्रमितमत्यर्थं मांसमेदोगतेऽनिले ||१७||
भेदोऽस्थिपर्वणां सन्धिशूलं मांसबलक्षयः |
अस्वप्नः सन्तता रुक् च मज्जास्थिकुपितेऽनिले ||१८||
(च. चि. अ. २८) |
Adhikarana shukrasthavAtalakShaNam (19) · Śloka 19
ক্ষিপ্রং মুঞ্চতি বধ্নাতি শুক্রং গর্ভমথাপি বা |
বিকৃতিং জনযেচ্চাপি শুক্রস্থঃ কুপিতোঽনিলঃ ||১৯||
(চ. চি. অ. ২৮) |
View original
क्षिप्रं मुञ्चति बध्नाति शुक्रं गर्भमथापि वा |
विकृतिं जनयेच्चापि शुक्रस्थः कुपितोऽनिलः ||१९||
(च. चि. अ. २८) |
Adhikarana sirAgatavAtalakShaNaM snAyugatavAtalakShaNaM ca (20) · Śloka 20
কুর্যাত্ সিরাগতঃ শূলং সিরাকুঞ্চনপূরণম্ |
(সু. নি. অ. ১) |
স বাহ্যাভ্যন্তরাযামং খল্লীং কৌব্জ্যমথাপি বা ||২০||
সর্বাঙ্গৈকাঙ্গরোগাংশ্চ কুর্যাত্ স্নাযুগতোঽনিলঃ |
(চ. চি. অ. ২৮) |
View original
कुर्यात् सिरागतः शूलं सिराकुञ्चनपूरणम् |
(सु. नि. अ. १) |
स बाह्याभ्यन्तरायामं खल्लीं कौब्ज्यमथापि वा ||२०||
सर्वाङ्गैकाङ्गरोगांश्च कुर्यात् स्नायुगतोऽनिलः |
(च. चि. अ. २८) |
Adhikarana sandhigatavAtalakShaNam (21) · Śloka 21
হন্তি সন্ধিগতঃ সন্ধীন্ শূলাটোপৌ করোতি চ ||২১||
(সু. নি. অ. ১৭) |
View original
हन्ति सन्धिगतः सन्धीन् शूलाटोपौ करोति च ||२१||
(सु. नि. अ. १७) |
Adhikarana pittakaphAvRutAnAM prANAdInAM lakShaNAni (22-26) · Śloka 27
(প্রাণোদানৌ সমানশ্চ ব্যানশ্চাপান এব চ |
স্থানস্থা মারুতাঃ পঞ্চ যাপযন্তি শরীরিণম্) |
(সু. নি. অ. ১) |
প্রাণে পিত্তাবৃতে ছর্দির্দাহশ্চৈবোপজাযতে |
দৌর্বল্যং সদনং তন্দ্রা বৈরস্যং চ কফাবৃতে ||২২||
(সু. নি. অ. ১) |
উদানে পিত্তযুক্তে তু দাহো মূর্ছা ভ্রমঃ ক্লমঃ |
অস্বেদহর্ষৌ মন্দোঽগ্নিঃ শীততা চ কফাবৃতে ||২৩||
স্বেদদাহৌষ্ণ্যমূর্ছাঃ স্যুঃ সমানে পিত্তসংবৃতে |
কফেন সক্তে বিণ্মূত্রে গাত্রহর্ষশ্চ জাযতে ||২৪||
অপানে পিত্তযুক্তে তু দাহৌষ্ণ্যং রক্তমূত্রতা |
অধঃকাযে গুরুত্বং চ শীততা চ কফাবৃতে ||২৫||
ব্যানে পিত্তাবৃতে দাহো গাত্রবিক্ষেপণং ক্লমঃ |
স্তম্ভনো দণ্ডকশ্চাপি শূলশোথৌ কফাবৃতে ||২৬||
(সু. নি. অ. ১) |২৭|
View original
(प्राणोदानौ समानश्च व्यानश्चापान एव च |
स्थानस्था मारुताः पञ्च यापयन्ति शरीरिणम्) |
(सु. नि. अ. १) |
प्राणे पित्तावृते छर्दिर्दाहश्चैवोपजायते |
दौर्बल्यं सदनं तन्द्रा वैरस्यं च कफावृते ||२२||
(सु. नि. अ. १) |
उदाने पित्तयुक्ते तु दाहो मूर्छा भ्रमः क्लमः |
अस्वेदहर्षौ मन्दोऽग्निः शीतता च कफावृते ||२३||
स्वेददाहौष्ण्यमूर्छाः स्युः समाने पित्तसंवृते |
कफेन सक्ते विण्मूत्रे गात्रहर्षश्च जायते ||२४||
अपाने पित्तयुक्ते तु दाहौष्ण्यं रक्तमूत्रता |
अधःकाये गुरुत्वं च शीतता च कफावृते ||२५||
व्याने पित्तावृते दाहो गात्रविक्षेपणं क्लमः |
स्तम्भनो दण्डकश्चापि शूलशोथौ कफावृते ||२६||
(सु. नि. अ. १) |२७|
Adhikarana AkShepakasya sAmAnyalakShaNAni (27) · Śloka 27
যদা তু ধমনীঃ সর্বাঃ কুপিতোঽভ্যেতি মারুতঃ |
তদাঽঽক্ষিপত্যাশু মুহুর্মুহুর্দেহং মুহুশ্চরঃ ||২৭||
মুহুর্মুহুশ্চাক্ষেপণাদাক্ষেপক ইতি স্মৃতঃ |
(সু. নি. অ. ১) |
View original
यदा तु धमनीः सर्वाः कुपितोऽभ्येति मारुतः |
तदाऽऽक्षिपत्याशु मुहुर्मुहुर्देहं मुहुश्चरः ||२७||
मुहुर्मुहुश्चाक्षेपणादाक्षेपक इति स्मृतः |
(सु. नि. अ. १) |
Adhikarana apatantrakalakShaNam apatAnakalakShaNaM ca (28-31) · Śloka 31
ক্রুদ্ধঃ স্বৈঃ কোপনৈর্বাযুঃ স্থানাদূর্ধ্বং প্রবর্ততে ||২৮||
পীডযন্ হৃদযং গত্বা শিরঃশঙ্খৌ চ পীডযন্ |
ধনুর্বন্নমযেদ্গাত্রাণ্যাক্ষিপেন্মোহযেত্তদা ||২৯||
স কৃচ্ছ্রাদুচ্ছ্বসেচ্চাপি স্তব্ধাক্ষোঽথ নিমীলকঃ |
কপোত ইব কূজেচ্চ নিঃসঞ্জ্ঞঃ সোঽপতন্ত্রকঃ ||৩০||
দৃষ্টিং সংস্তভ্য সঞ্জ্ঞাং চ হত্বা কণ্ঠেন কূজতি |
হৃদি মুক্তে নরঃ স্বাস্থ্যং যাতি মোহং বৃতে পুনঃ ||৩১||
বাযুনা দারুণং প্রাহুরেকে তদপতানকম্ |
(চ. সি. অ. ১) |
View original
क्रुद्धः स्वैः कोपनैर्वायुः स्थानादूर्ध्वं प्रवर्तते ||२८||
पीडयन् हृदयं गत्वा शिरःशङ्खौ च पीडयन् |
धनुर्वन्नमयेद्गात्राण्याक्षिपेन्मोहयेत्तदा ||२९||
स कृच्छ्रादुच्छ्वसेच्चापि स्तब्धाक्षोऽथ निमीलकः |
कपोत इव कूजेच्च निःसञ्ज्ञः सोऽपतन्त्रकः ||३०||
दृष्टिं संस्तभ्य सञ्ज्ञां च हत्वा कण्ठेन कूजति |
हृदि मुक्ते नरः स्वास्थ्यं याति मोहं वृते पुनः ||३१||
वायुना दारुणं प्राहुरेके तदपतानकम् |
(च. सि. अ. १) |
Adhikarana daNDApatAnakalakShaNam (32) · Śloka 32
কফান্বিতো ভৃশং বাযুস্তাস্বেব যদি তিষ্ঠতি ||৩২||
দণ্ডবত্ স্তম্ভযেদ্দেহং স তু দণ্ডাপতানকঃ |
(সু. নি. অ. ১) |
View original
कफान्वितो भृशं वायुस्तास्वेव यदि तिष्ठति ||३२||
दण्डवत् स्तम्भयेद्देहं स तु दण्डापतानकः |
(सु. नि. अ. १) |
Adhikarana dhanuHstambhalakShaNam (33) · Śloka 33
ধনুস্তুল্যং নমেদ্যস্তু স ধনুঃস্তম্ভসঞ্জ্ঞকঃ ||৩৩||
(সু. নি. অ. ১) |
View original
धनुस्तुल्यं नमेद्यस्तु स धनुःस्तम्भसञ्ज्ञकः ||३३||
(सु. नि. अ. १) |
Adhikarana abhyantarAyAmalakShaNaM bAhyAyAmalakShaNaM ca (34-36) · Śloka 36
অঙ্গুলীগুল্ফজঠরহৃদ্বক্ষোগলসংশ্রিতঃ |
স্নাযুপ্রতানমনিলো যদাঽঽক্ষিপতি বেগবান্ ||৩৪||
বিষ্টব্ধাক্ষঃ স্তব্ধহনুর্ভগ্নপার্শ্বঃ কফং বমন্ |
অভ্যন্তরং ধনুরিব যদা নমতি মানবম্ ||৩৫||
তদাঽস্যাভ্যন্তরাযামং কুরুতে মারুতো বলী |
বাহ্যস্নাযুপ্রতানস্থো বাহ্যাযামং করোতি চ ||৩৬||
তমসাধ্যং বুধাঃ প্রাহুর্বক্ষঃকট্যূরুভঞ্জনম্ |
(সু. নি. অ. ১) |
View original
अङ्गुलीगुल्फजठरहृद्वक्षोगलसंश्रितः |
स्नायुप्रतानमनिलो यदाऽऽक्षिपति वेगवान् ||३४||
विष्टब्धाक्षः स्तब्धहनुर्भग्नपार्श्वः कफं वमन् |
अभ्यन्तरं धनुरिव यदा नमति मानवम् ||३५||
तदाऽस्याभ्यन्तरायामं कुरुते मारुतो बली |
बाह्यस्नायुप्रतानस्थो बाह्यायामं करोति च ||३६||
तमसाध्यं बुधाः प्राहुर्वक्षःकट्यूरुभञ्जनम् |
(सु. नि. अ. १) |
Adhikarana abhighAtajAkShepakalakShaNam (37) · Śloka 37
( হৃদযং যদি বা পৃষ্ঠমুন্নতং ক্রমশঃ সরুক্ |
ক্রুদ্ধো বাযুর্যদা কুর্যাত্ তদা তং কুব্জমাদিশেত্) |
কফপিত্তান্বিতো বাযুর্বাযুরেব চ কেবলঃ ||৩৭||
কুর্যাদাক্ষেপকং ত্বন্যং চতুর্থমভিঘাতজম্ |
(সু. নি. অ. ১) |
View original
( हृदयं यदि वा पृष्ठमुन्नतं क्रमशः सरुक् |
क्रुद्धो वायुर्यदा कुर्यात् तदा तं कुब्जमादिशेत्) |
कफपित्तान्वितो वायुर्वायुरेव च केवलः ||३७||
कुर्यादाक्षेपकं त्वन्यं चतुर्थमभिघातजम् |
(सु. नि. अ. १) |
Adhikarana apatAnakasyAsAdhyalakShaNam (38) · Śloka 38
গর্ভপাতনিমিত্তশ্চ শোণিতাতিস্রবাচ্চ যঃ ||৩৮||
অভিঘাতনিমিত্তশ্চ ন সিধ্যত্যপতানকঃ |
(সু. নি. অ. ১) |
View original
गर्भपातनिमित्तश्च शोणितातिस्रवाच्च यः ||३८||
अभिघातनिमित्तश्च न सिध्यत्यपतानकः |
(सु. नि. अ. १) |
Adhikarana pakShavadhasya samprAptipUrvakaM lakShaNam (39-41) · Śloka 41
গৃহীত্বাঽর্ধং তনোর্বাযুঃ সিরাঃ স্নাযূর্বিশোষ্য চ ||৩৯||
পক্ষমন্যতরং হন্তি সন্ধিবন্ধান্ বিমোক্ষযন্ |
কৃত্স্নোঽর্ধকাযস্তস্য স্যাদকর্মণ্যো বিচেতনঃ ||৪০||
একাঙ্গরোগং তং কেচিদন্যে পক্ষবধং বিদুঃ |
সর্বাঙ্গরোগস্তদ্বচ্চ সর্বকাযাশ্রিতেঽনিলে ||৪১||
(বা. নি. অ. ১৫) |
View original
गृहीत्वाऽर्धं तनोर्वायुः सिराः स्नायूर्विशोष्य च ||३९||
पक्षमन्यतरं हन्ति सन्धिबन्धान् विमोक्षयन् |
कृत्स्नोऽर्धकायस्तस्य स्यादकर्मण्यो विचेतनः ||४०||
एकाङ्गरोगं तं केचिदन्ये पक्षवधं विदुः |
सर्वाङ्गरोगस्तद्वच्च सर्वकायाश्रितेऽनिले ||४१||
(वा. नि. अ. १५) |
Adhikarana pakShavadhasya sAdhyAsAdhyavicAraH (42-43) · Śloka 43
দাহসন্তাপমূর্ছাঃ স্যুর্বাযৌ পিত্তসমন্বিতে |
শৈত্যশোথগুরুত্বানি তস্মিন্নেব কফান্বিতে ||৪২||
শুদ্ধবাতহতং পক্ষং কৃচ্ছ্রসাধ্যতমং বিদুঃ |
সাধ্যমন্যেন সংযুক্তমসাধ্যং ক্ষযহেতুকম্ ||৪৩||
(সু. নি. অ. ১) |
(গর্ভিণীসূতিকাবালবৃদ্ধক্ষীণেষ্বসৃক্স্রুতে |
পক্ষাঘাতং পরিহরেত্ বেদনারহিতো যদি) |
View original
दाहसन्तापमूर्छाः स्युर्वायौ पित्तसमन्विते |
शैत्यशोथगुरुत्वानि तस्मिन्नेव कफान्विते ||४२||
शुद्धवातहतं पक्षं कृच्छ्रसाध्यतमं विदुः |
साध्यमन्येन संयुक्तमसाध्यं क्षयहेतुकम् ||४३||
(सु. नि. अ. १) |
(गर्भिणीसूतिकाबालवृद्धक्षीणेष्वसृक्स्रुते |
पक्षाघातं परिहरेत् वेदनारहितो यदि) |
Adhikarana arditasya nidAnasamprAptipUrvakaM lakShaNam (44-46) · Śloka 46
উচ্চৈর্ব্যাহরতোঽত্যর্থং খাদতঃ কঠিনানি বা |
হসতো জৃম্ভতো বাঽপি ভারাদ্বিষমশাযিনঃ ||৪৪||
শিরোনাসৌষ্ঠচিবুকললাটেক্ষণসন্ধিগঃ |
অর্দযত্যনিলো বক্ত্রমর্দিতং জনযত্যতঃ |
বক্রীভবতি বক্ত্রার্ধং গ্রীবা চাপ্যপবর্ততে ||৪৫||
শিরশ্চলতি বাক্সঙ্গো নেত্রাদীনাং চ বৈকৃতম্ |
গ্রীবাচিবুকদন্তানাং তস্মিন্ পার্শ্বে চ বেদনা ||৪৬||
(যস্যাগ্রজো রোমহর্ষো বেপথুর্নেত্রমাবিলম্ |
বাযুরূর্ধ্বং ত্বচি স্বাপস্তোদো মন্যাহনুগ্রহঃ) |
তমর্দিতমিতি প্রাহুর্ব্যাধিং ব্যাধিবিচক্ষণাঃ |
(সু. নি. অ. ১) |
View original
उच्चैर्व्याहरतोऽत्यर्थं खादतः कठिनानि वा |
हसतो जृम्भतो वाऽपि भाराद्विषमशायिनः ||४४||
शिरोनासौष्ठचिबुकललाटेक्षणसन्धिगः |
अर्दयत्यनिलो वक्त्रमर्दितं जनयत्यतः |
वक्रीभवति वक्त्रार्धं ग्रीवा चाप्यपवर्तते ||४५||
शिरश्चलति वाक्सङ्गो नेत्रादीनां च वैकृतम् |
ग्रीवाचिबुकदन्तानां तस्मिन् पार्श्वे च वेदना ||४६||
(यस्याग्रजो रोमहर्षो वेपथुर्नेत्रमाविलम् |
वायुरूर्ध्वं त्वचि स्वापस्तोदो मन्याहनुग्रहः) |
तमर्दितमिति प्राहुर्व्याधिं व्याधिविचक्षणाः |
(सु. नि. अ. १) |
Adhikarana arditasyAsAdhyalakShaNam (47) · Śloka 47
ক্ষীণস্যানিমিষক্ষস্য প্রসক্তাব্যক্তভাষিণঃ ||৪৭||
ন সিধ্যত্যর্দিতং গাঢং ত্রিবর্ষং বেপনস্য চ |
(সু. নি. অ. ১) |
View original
क्षीणस्यानिमिषक्षस्य प्रसक्ताव्यक्तभाषिणः ||४७||
न सिध्यत्यर्दितं गाढं त्रिवर्षं वेपनस्य च |
(सु. नि. अ. १) |
Adhikarana AkShepakAdInAM vegashAntau svasthatvam (48) · Śloka 48
গতে বেগে ভবেত্ স্বাস্থ্যং সর্বেষ্বাক্ষেপকাদিষু ||৪৮||
(বা. নি. অ. ১৫) |
View original
गते वेगे भवेत् स्वास्थ्यं सर्वेष्वाक्षेपकादिषु ||४८||
(वा. नि. अ. १५) |
Adhikarana hanugrahalakShaNam (49-50) · Śloka 50
জিহ্বানির্লেখনাচ্ছুষ্কভক্ষণাদভিঘাততঃ |
কুপিতো হনুমূলস্থঃ স্রংসযিত্বাঽনিলো হনুম্ ||৪৯||
করোতি বিবৃতাস্যত্বমথবা সংবৃতাস্যতাম্ |
হনুগ্রহঃ স তেন স্যাত্ কৃচ্ছ্রাচ্চর্বণভাষণম্ ||৫০||
(বা. নি. অ. ১৫) |
View original
जिह्वानिर्लेखनाच्छुष्कभक्षणादभिघाततः |
कुपितो हनुमूलस्थः स्रंसयित्वाऽनिलो हनुम् ||४९||
करोति विवृतास्यत्वमथवा संवृतास्यताम् |
हनुग्रहः स तेन स्यात् कृच्छ्राच्चर्वणभाषणम् ||५०||
(वा. नि. अ. १५) |
Adhikarana manyAstambhalakShaNam (51) · Śloka 51
দিবাস্বপ্নাসনস্থানবিবৃতোর্ধ্বনিরীক্ষণৈঃ |
মন্যাস্তম্ভং প্রকুরুতে স এব শ্লেষ্মাণঽঽবৃতঃ ||৫১||
(সু. নি. অ. ১) |
View original
दिवास्वप्नासनस्थानविवृतोर्ध्वनिरीक्षणैः |
मन्यास्तम्भं प्रकुरुते स एव श्लेष्माणऽऽवृतः ||५१||
(सु. नि. अ. १) |
Adhikarana jihvAstambhalakShaNam (52) · Śloka 52
বাগ্বাহিনীসিরাসংস্থো জিহ্বাং স্তম্ভযতেঽনিলঃ |
জিহ্বাস্তম্ভঃ স তেনান্নপানবাক্যেষ্বনীশতা ||৫২||
(বা. নি. অ. ১৫) |
View original
वाग्वाहिनीसिरासंस्थो जिह्वां स्तम्भयतेऽनिलः |
जिह्वास्तम्भः स तेनान्नपानवाक्येष्वनीशता ||५२||
(वा. नि. अ. १५) |
Adhikarana sirAgrahasya samprAptipUrvakaM lakShaNam (53) · Śloka 53
রক্তমাশ্রিত্য পবনঃ কুর্যান্মূর্ধধরাঃ সিরাঃ |
রূক্ষাঃ সবেদনাঃ কৃষ্ণাঃ সোঽসাধ্যঃ স্যাত্ সিরাগ্রহঃ ||৫৩||
(বা. নি. অ. ১৫) |
View original
रक्तमाश्रित्य पवनः कुर्यान्मूर्धधराः सिराः |
रूक्षाः सवेदनाः कृष्णाः सोऽसाध्यः स्यात् सिराग्रहः ||५३||
(वा. नि. अ. १५) |
Adhikarana gRudhrasIlakShaNam (54) · Śloka 54
স্ফিক্পূর্বা কটিপৃষ্ঠোরুজানুজঙ্ঘাপদং ক্রমাত্ |
গৃধ্রসী স্তম্ভরুক্তোদৈর্গৃহ্ণাতি স্পন্দতে মুহুঃ ||৫৪||
বাতাদ্বাতকফাত্তন্দ্রাগৌরবারোচকান্বিতা |
(চ. চি. অ. ২৮) |
View original
स्फिक्पूर्वा कटिपृष्ठोरुजानुजङ्घापदं क्रमात् |
गृध्रसी स्तम्भरुक्तोदैर्गृह्णाति स्पन्दते मुहुः ||५४||
वाताद्वातकफात्तन्द्रागौरवारोचकान्विता |
(च. चि. अ. २८) |
Adhikarana gRudhrasyA visheShalakShaNam (55-56) · Śloka 56
বাতজাযাং ভবেত্তোদো দেহস্যাপি প্রবক্রতা |
জানুকট্যূরুসন্ধীনাং স্ফুরণং স্তব্ধতা ভৃশম্ ||৫৫||
বাতশ্লেষ্মোদ্ভবাযাং তু নিমিত্তং বহ্নিমার্দবম্ |
তন্দ্রা মুখপ্রসেকশ্চ ভক্তদ্বেষস্তথৈব চ ||৫৬||
View original
वातजायां भवेत्तोदो देहस्यापि प्रवक्रता |
जानुकट्यूरुसन्धीनां स्फुरणं स्तब्धता भृशम् ||५५||
वातश्लेष्मोद्भवायां तु निमित्तं वह्निमार्दवम् |
तन्द्रा मुखप्रसेकश्च भक्तद्वेषस्तथैव च ||५६||
Adhikarana vishvAcIlakShaNam (57) · Śloka 57
তলং প্রত্যঙ্গুলীনাং যাঃ কণ্ডরা বাহুপৃষ্ঠতঃ ||৫৭||
বাহ্বোঃ কর্মক্ষযকরী বিশ্বাচী চেতি সোচ্যতে |
(সু. নি. অ. ১) |
View original
तलं प्रत्यङ्गुलीनां याः कण्डरा बाहुपृष्ठतः ||५७||
बाह्वोः कर्मक्षयकरी विश्वाची चेति सोच्यते |
(सु. नि. अ. १) |
Adhikarana kroShTukashIrShalakShaNam (58) · Śloka 58
বাতশোণিতজঃ শোথো জানুমধ্যে মহারুজঃ ||৫৮||
জ্ঞেযঃ ক্রোষ্টুকশীর্ষস্তু স্থূলঃ ক্রোষ্টুকশীর্ষবত্ |
(সু. নি. অ. ১) |
View original
वातशोणितजः शोथो जानुमध्ये महारुजः ||५८||
ज्ञेयः क्रोष्टुकशीर्षस्तु स्थूलः क्रोष्टुकशीर्षवत् |
(सु. नि. अ. १) |
Adhikarana kha~jjalakShaNam (59) · Śloka 59
বাযুঃ কট্যাশ্রিতঃ সক্থ্নঃ কণ্ডরামাক্ষিপেদ্যদা ||৫৯||
খঞ্জস্তদা ভবেজ্জন্তুঃ পঙ্গুঃ সক্থ্নোর্দ্বযোর্বধাত্ |
(সু. নি. অ. ১) |
View original
वायुः कट्याश्रितः सक्थ्नः कण्डरामाक्षिपेद्यदा ||५९||
खञ्जस्तदा भवेज्जन्तुः पङ्गुः सक्थ्नोर्द्वयोर्वधात् |
(सु. नि. अ. १) |
Adhikarana kalAyakha~jjalakShaNam (60) · Śloka 60
প্রক্রামন্ বেপতে যস্তু খঞ্জন্নিব চ গচ্ছতি ||৬০||
কলাযখঞ্জং তং বিদ্যান্মুক্তসন্ধিপ্রবন্ধনম্ |
(সু. নি. অ. ১) |
View original
प्रक्रामन् वेपते यस्तु खञ्जन्निव च गच्छति ||६०||
कलायखञ्जं तं विद्यान्मुक्तसन्धिप्रबन्धनम् |
(सु. नि. अ. १) |
Adhikarana vAtakaNTakalakShaNam (61) · Śloka 61
রুক্ পাদে বিষমেন্যস্তে শ্রমাদ্বা জাযতে যদা ||৬১||
বাতেন গুল্ফমাশ্রিত্য তমাহুর্বাতকণ্টকম্ |
(বা. নি. অ. ১৫) |
View original
रुक् पादे विषमेन्यस्ते श्रमाद्वा जायते यदा ||६१||
वातेन गुल्फमाश्रित्य तमाहुर्वातकण्टकम् |
(वा. नि. अ. १५) |
Adhikarana pAdadAhalakShaNam (62) · Śloka 62
পাদযোঃ কুরুতে দাহং পিত্তাসৃক্সহিতোঽনিলঃ ||৬২||
বিশেষতশ্চঙ্ক্রমতঃ পাদদাহং তমাদিশেত্ |
(সু. নি. অ. ১) |
View original
पादयोः कुरुते दाहं पित्तासृक्सहितोऽनिलः ||६२||
विशेषतश्चङ्क्रमतः पाददाहं तमादिशेत् |
(सु. नि. अ. १) |
Adhikarana pAdaharShalakShaNam (63) · Śloka 63
হৃষ্যেতে চরণৌ যস্য ভবেতাং চাপি সুপ্তকৌ ||৬৩||
পাদহর্ষঃ স বিজ্ঞেযঃ কফবাতপ্রকোপতঃ |
(সু. নি. অ. ১) |
View original
हृष्येते चरणौ यस्य भवेतां चापि सुप्तकौ ||६३||
पादहर्षः स विज्ञेयः कफवातप्रकोपतः |
(सु. नि. अ. १) |
Adhikarana aMsashoShalakShaNam (64) · Śloka 64
অংসদেশস্থিতো বাযুঃ শোষযেদংসবন্ধনম্ ||৬৪||
(সু. নি. অ. ১) |
View original
अंसदेशस्थितो वायुः शोषयेदंसबन्धनम् ||६४||
(सु. नि. अ. १) |
Adhikarana avabAhukalakShaNam (65) · Śloka 65
সিরাশ্চাকুঞ্চ্য তত্রস্থো জনযেদববাহুকম্ |৬৫|
(সু. নি. অ. ১) |
View original
सिराश्चाकुञ्च्य तत्रस्थो जनयेदवबाहुकम् |६५|
(सु. नि. अ. १) |
Adhikarana mUkAdInAM lakShaNam (65) · Śloka 65
আবৃত্য বাযুঃ সকফো ধমনীঃ শব্দবাহিনীঃ ||৬৫||
নরান্ করোত্যক্রিযকান্মূকমিন্মিনগদ্গদান্ |
(সু. নি. অ. ১) |
View original
आवृत्य वायुः सकफो धमनीः शब्दवाहिनीः ||६५||
नरान् करोत्यक्रियकान्मूकमिन्मिनगद्गदान् |
(सु. नि. अ. १) |
Adhikarana tUnIlakShaNam (66) · Śloka 66
অধো যা বেদনা যাতি বর্চোমূত্রাশযোত্থিতা ||৬৬||
ভিন্দতীব গুদোপস্থং সা তূনী নাম নামতঃ |
(সু. নি. অ. ১) |
View original
अधो या वेदना याति वर्चोमूत्राशयोत्थिता ||६६||
भिन्दतीव गुदोपस्थं सा तूनी नाम नामतः |
(सु. नि. अ. १) |
Adhikarana pratitUnIlakShaNam (67) · Śloka 67
গুদোপস্থোত্থিতা যা তু প্রতিলোমং প্রধাবিতা ||৬৭||
বেগৈঃ পক্বাশযং যাতি প্রতিতূনীতি সোচ্যতে |
(সু. নি. অ. ১) |
View original
गुदोपस्थोत्थिता या तु प्रतिलोमं प्रधाविता ||६७||
वेगैः पक्वाशयं याति प्रतितूनीति सोच्यते |
(सु. नि. अ. १) |
Adhikarana AdhmAnalakShaNaM, pratyAdhmAnalakShaNaM ca (68-69) · Śloka 69
সাটোপমত্যুগ্ররুজমাধ্মাতমুদরং ভৃশম্ ||৬৮||
আধ্মানমিতি তং বিদ্যাদ্ ঘোরং বাতনিরোধজম্ |
বিমুক্তপার্শ্বহৃদযং তদেবামাশযোত্থিতম্ ||৬৯||
প্রত্যাধ্মানং বিজানীযাত্ কফব্যাকুলিতানিলম্ |
(সু. নি. অ. ১) |
View original
साटोपमत्युग्ररुजमाध्मातमुदरं भृशम् ||६८||
आध्मानमिति तं विद्याद् घोरं वातनिरोधजम् |
विमुक्तपार्श्वहृदयं तदेवामाशयोत्थितम् ||६९||
प्रत्याध्मानं विजानीयात् कफव्याकुलितानिलम् |
(सु. नि. अ. १) |
Adhikarana aShThIlAlakShaNaM, pratyaShThIlAlakShaNaM ca (70-72) · Śloka 72
নাভেরধস্তাত্ সঞ্জাতঃ সঞ্চারী যদি বাঽচলঃ ||৭০||
অষ্ঠীলাবদ্ঘনো গ্রন্থিরূর্ধ্বমাযত উন্নতঃ |
বাতাষ্ঠীলাং বিজানীযাদ্বহির্মার্গাবরোধিনীম্ ||৭১||
এতামেব রুজোপেতাং বাতবিণ্মূত্ররোধিনীম্ |
প্রত্যষ্ঠীলামিতি বদেজ্জঠরে তির্যগুত্থিতাম্ ||৭২||
(সু. নি. অ. ১) |
View original
नाभेरधस्तात् सञ्जातः सञ्चारी यदि वाऽचलः ||७०||
अष्ठीलावद्घनो ग्रन्थिरूर्ध्वमायत उन्नतः |
वाताष्ठीलां विजानीयाद्बहिर्मार्गावरोधिनीम् ||७१||
एतामेव रुजोपेतां वातविण्मूत्ररोधिनीम् |
प्रत्यष्ठीलामिति वदेज्जठरे तिर्यगुत्थिताम् ||७२||
(सु. नि. अ. १) |
Adhikarana bastau pratilome vAyau vividhamUtrarodhakavikArasambhavaH (73) · Śloka 73
মারুতেঽনুগুণে বস্তৌ মূত্রং সম্যক্ প্রবর্ততে |
বিকারা বিবিধাশ্চাত্র প্রতিলোমে ভবন্তি চ ||৭৩||
(সু. নি. অ. ৩) |
View original
मारुतेऽनुगुणे बस्तौ मूत्रं सम्यक् प्रवर्तते |
विकारा विविधाश्चात्र प्रतिलोमे भवन्ति च ||७३||
(सु. नि. अ. ३) |
Adhikarana vepathulakShaNam (74) · Śloka 74
সর্বাঙ্গকম্পঃ শিরসো বাযুর্বেপথুসঞ্জ্ঞকঃ |৭৪|
View original
सर्वाङ्गकम्पः शिरसो वायुर्वेपथुसञ्ज्ञकः |७४|
Adhikarana khallIlakShaNam, UrdhvavAtalakShaNaM ca (74) · Śloka 74
খল্লী তু পাদজঙ্ঘোরুকরমূলাবমোটনী ||৭৪||
(চ. চি. অ. ২৮) |
View original
खल्ली तु पादजङ्घोरुकरमूलावमोटनी ||७४||
(च. चि. अ. २८) |
Adhikarana UrdhvavAtalakShaNam (75) · Śloka 75
অধঃ প্রতিহতো বাযুঃ শ্লেষ্মণা মারুতেন বা |
করোত্যুদ্গারবাহুল্যমূর্ধ্ববাতঃ স উচ্যতে ||৭৫||
View original
अधः प्रतिहतो वायुः श्लेष्मणा मारुतेन वा |
करोत्युद्गारबाहुल्यमूर्ध्ववातः स उच्यते ||७५||
Adhikarana anuktavAtarogasa~ggrahaH (76-77) · Śloka 77
স্থাননামানুরূপৈশ্চ লিঙ্গৈঃ শেষান্ বিনির্দিশেত্ |
সর্বেষ্বেতেষু সংসর্গং পিত্তাদ্যৈরুপলক্ষযেত্ ||৭৬||
(চ. চি. অ. ২৮) |
হনুস্তম্ভার্দিতাক্ষেপপক্ষাঘাতাপতানকাঃ |
কালেন মহতা বাতা যত্নাত্ সিধ্যন্তি বা ন বা ||৭৭||
নরান্ বলবতস্ত্বেতান্ সাধযেন্নিরুপদ্রবান্ |
(চ. চি. অ. ২৮) |
View original
स्थाननामानुरूपैश्च लिङ्गैः शेषान् विनिर्दिशेत् |
सर्वेष्वेतेषु संसर्गं पित्ताद्यैरुपलक्षयेत् ||७६||
(च. चि. अ. २८) |
हनुस्तम्भार्दिताक्षेपपक्षाघातापतानकाः |
कालेन महता वाता यत्नात् सिध्यन्ति वा न वा ||७७||
नरान् बलवतस्त्वेतान् साधयेन्निरुपद्रवान् |
(च. चि. अ. २८) |
Adhikarana pUrvoktavAtarogANAM sAdhyAsAdhyavicAraH, upadravAshca (78-79) · Śloka 79
বিসর্পদাহরুক্সঙ্গমূর্ছারুচ্যগ্নিমার্দবৈঃ ||৭৮||
ক্ষীণমাংসবলং বাতা ঘ্নন্তি পক্ষবধাদযঃ |
শূনং সুপ্তত্বচং ভগ্নং কম্পাধ্মাননিপীডিতম্ |
রুজার্তিমন্তং চ নরং বাতব্যাধির্বিনাশযেত্ ||৭৯||
(সু. সূ. অ. ৩৩) |
View original
विसर्पदाहरुक्सङ्गमूर्छारुच्यग्निमार्दवैः ||७८||
क्षीणमांसबलं वाता घ्नन्ति पक्षवधादयः |
शूनं सुप्तत्वचं भग्नं कम्पाध्माननिपीडितम् |
रुजार्तिमन्तं च नरं वातव्याधिर्विनाशयेत् ||७९||
(सु. सू. अ. ३३) |
Adhikarana prakRutisthasya vAyorli~ggaM kAryaM ca (80) · Śloka 80
অব্যাহতগতির্যস্য স্থানস্থঃ প্রকৃতিস্থিতঃ |
বাযুঃ স্যাত্ সোঽধিকং জীবেদ্বীতরোগঃ সমাঃ শতম্ ||৮০||
(চ. চি. অ. ২৮) |
View original
अव्याहतगतिर्यस्य स्थानस्थः प्रकृतिस्थितः |
वायुः स्यात् सोऽधिकं जीवेद्वीतरोगः समाः शतम् ||८०||
(च. चि. अ. २८) |
Adhikarana puShpikA · Śloka 22
ইতি শ্রীমাধবকরবিরচিতে মাধবনিদানে বাতব্যাধিনিদানং সমাপ্তম্ ||২২||
View original
इति श्रीमाधवकरविरचिते माधवनिदाने वातव्याधिनिदानं समाप्तम् ||२२||