8. arśaścikitsitādhyayaḥ

Adhikarana arshashcikitsitAdhyAyaH arshasAM dAhavishiH arshasAM dAhAnantaraM karavyam arshasAM ekaikasya saptAhAdupacAraH (2-9) · Śloka 9

ಅಥತೋಽರ್ಶಸಾಂ ಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ||೨|| ) ಕಾಲೇ ಸಾಧಾರಣೇ ವ್ಯಾಭ್ರೇ ನಾತಿದುರ್ಬಲಮರ್ಶಸಮ್| ವಿಶುದ್ಧಕೋಷ್ಠಂ ಲಘ್ವಲ್ಪಮನುಲೋಮನಮಾಶಿತಮ್||೧|| ಶುಚಿ ಕೃತಸ್ವಸ್ತ್ಯಯನಂ ಮುಕ್ತವಿಣ್ಮೂತ್ರಮವ್ಯಥಮ್| ಶಯನೇ ಫಲಕೇ ವಾಽನ್ಯನರೋತ್ಸಙ್ಗೇ ವ್ಯಪಾಶ್ರಿತಮ್||೨|| ಪೂರ್ವೇಣ ಕಾಯೇನೋತ್ತಾನಂ ಪ್ರತ್ಯಾದಿತ್ಯಗುದಂ ಸಮಮ್| ಸಮುನ್ನತಕಟೀದೇಶಮಥ ಯನ್ತ್ರಣವಾಸಸಾ||೩|| ಸಕ್ಥ್ನೋಃ ಶಿರೋಧರಾಯಾಂ ಚ ಪರಿಕ್ಷಿಪ್ತಮೃಜು ಸ್ಥಿತಮ್| ಆಲಮ್ಬಿತಂ ಪರಿಚರೈಃ ಸರ್ಪಿಷಾಽಭ್ಯಕ್ತಪಾಯವೇ||೪|| ತತೋಽಸ್ಮೈ ಸರ್ಪಿಷಾಽಯಕ್ತಂ ನಿದಘ್ಯಾದೃಜು ಯನ್ತ್ರಕಮ್| ಶನೈರನುಸುಖಂ ಪಾಯೌ, ತತೋ ದೃಷ್ಟ್ವಾ ಪ್ರವಾಹಣಾತ್||೫|| ಯನ್ತ್ರೇ ಪ್ರವಿಷ್ಟಂ ದುರ್ನಾಮ ಪ್ಲೋತಗುಣ್ಠಿತಯಾಽನು ಚ| ಶಲಾಕಯೋತ್ಪೀಡ್ಯ ಭಿಷಕ್ ಯಥೋಕ್ತವಿಧಿನಾ ದಹೇತ್||೬|| ಕ್ಷಾರೇಣೈವಾರ್ದ್ರಮಿತರತ್ಕ್ಷಾರೇಣ ಜ್ವಲನೇನ ವಾ| ಮಹದ್ವಾ ವಲಿನಶ್ಛತ್ತ್ವಾ ವೀತಯನ್ತ್ರಮಥಾತುರಮ್||೭|| ಸ್ವಭ್ಯಕ್ತಪಾಯುಜಘನಮವಗಾಹೇ ನಿಧಾಪಯೇತ್| ನಿರ್ವಾತಮನ್ದಿರಸ್ಥಸ್ಯ ತತೋಽಸ್ಯಾಚಾರಮದಿಶೇತ್||೮|| ಏಕೈಕಮಿತಿ ಸಪ್ತಾಹಾತ್ಸಪ್ತಾಹಾತ್ಸಮುಪಾಚರೇತ್| |೯|

Adhikarana bahvarshasaH upacArakramaH (9-10) · Śloka 10

| ಪ್ರಾಗ್ದಕ್ಷಿಣಂ ತತೋ ವಾಮಮರ್ಶಃ ಪೃಷ್ಟಾಗ್ರಜಂ ತತಃ||೯|| ಬಹ್ವರ್ಶಸಃ|೧೦|

Adhikarana sudagdhasya lakShaNam (10) · Śloka 10

ಸುದಗ್ಧಸ್ಯ ಸ್ಯಾದ್ವಾಯೋರನುಲೋಮತಾ| ರುಚಿರನ್ನೇಽಗ್ನಿಪಟುತಾ ಸ್ವಾಸ್ಥ್ಯಂ ವರ್ಣಬಲೋದಯಃ||೧೦||

Adhikarana bastishUle lepaH (11) · Śloka 11

ಬಸ್ತಿಶೂಲೇ ತ್ವಧೋ ನಾಭೇರ್ಲೇಪಯೇಛ್ಲಕ್ಷ್ಣಕಲ್ಕಿತೈಃ| ವರ್ಷಾಭೂಕುಷ್ಠಸುರಭಿಮಿಶಿಲೋಹಾಮರಾಹ್ವಯೈಃ||೧೧||

Adhikarana shakRunmUtrapratIghAte kvAthaH shakRunmUtra kShIraM tailaM vA shakRunmUtra annaM snehASca (12-14) · Śloka 14

ಶಕೃನ್ಮೂತ್ರಪ್ರತೀಘಾತೇ ಪರಿಷೇಕಾವಗಾಹಯೋಃ| ವರಣಾಲಮ್ಬುಷೈರಣ್ಡಗೋಕಣ್ಟಕಪುನರ್ನವೈಃ||೧೨|| ಸುಷವೀಸುರಭೀಭ್ಯಾಂ ಚ ಕ್ವಾಥಮುಷ್ಣಂ ಪ್ರಯೋಜಯೇತ್| ಸಸ್ನೇಹಮಥವಾ ಕ್ಷೀರಂ ತೈಲಂ ವಾ ವಾತನಾಶನಮ್||೧೩|| ಯುಞ್ಜೀತಾನ್ನಂ ಶಕೃದ್ಭೇದಿ ಸ್ನೇಹಾನ್ ವಾತಘ್ನದೀಪನಾನ್| |೧೪|

Adhikarana dAhAyonyArshasAM secanavidhiH dAhAyonyArshasAM stailam dAhAyonyArshasAM kShArakarmakaraM svedaH (14-17) · Śloka 17

| ಅಥಾಪ್ರಯೋಜ್ಯದಾಹಸ್ಯ ನಿರ್ಗತಾನ್ ಕಫವಾತಜಾನ್||೧೪|| ಸಸ್ತಮ್ಭಕಣ್ಡೂರುಕ್ಶೋಫಾನಭ್ಯಜ್ಯ ಗುದಕೀಲಕಾನ್| ಬಿಲ್ವಮೂಲಾಗ್ನಿಕಕ್ಷಾರಕುಷ್ಠೈಃ ಸಿದ್ಧೇನ ಸೇಚಯೇತ್||೧೫|| ತೈಲೇನಾಹಿಬಿಡಾಲೋಷ್ತ್ರವರಾಹವಸಯಾಽಥವಾ| |ಕಾಸೀಸಂ ಸೈನ್ಧವಂ ರಾಸ್ನಾ ಶುಣ್ಠೀ ಕುಷ್ಠಂ ಚ ಲಾಙ್ಗಲೀ| ಶಿಲಾಭ್ರಕಾಶ್ವಮಾರಂ ಚ ಜನ್ತುಹೃದ್ದನ್ತಿಚಿತ್ರಕೌ||೧|| ಹರಿತಾಲಂ ತಥಾ ಸ್ವರ್ಣಕ್ಷೀರೀ ತೈಶ್ಚ ಪಚೇತ್ಸಮೈಃ| ತೈಲಂ ಸುಧಾರ್ಕಪಯಸೀ ಗವಾಂ ಮೂತ್ರೇ ಚತುರ್ಗುಣೇ||೨|| ಏತದಭ್ಯಙ್ಗತೋಽರ್ಶಾಂಸಿ ಕ್ಷಾರವತ್ಪಾತಯೇದ್ದ್ರುತಮ್| ಕ್ಷಾರಕರ್ಮಕರಂ ಹ್ಯೇತನ್ನ ಚ ದೂಷಯತೇ ವಲಿಮ್||೩|| ] ಸ್ವೇದಯೇದನು ಪಿಣ್ಡೇನ ದ್ರವಸ್ವೇದೇನ ವಾ ಪುನಃ||೧೬|| ಸಕ್ತೂನಾಂ ಪಿಣ್ಡಿಕಾಭಿರ್ವಾ ಸ್ನಿಗ್ಧಾನಾಂ ತೈಲಸರ್ಪಿಷಾ| ರಾಸ್ನಾಯಾ ಹಪುಷಾಯಾ ವಾ ಪಿಣ್ಡೈರ್ವಾ ಕಾರ್ಷ್ಣ್ಯಗನ್ಧಿಕೈಃ||೧೭||

Adhikarana dAhAyonyArshasAM dhUpanam (18-19) · Śloka 19

ಅರ್ಕಮೂಲಂ ಶಮೀಪತ್ರಂ ನೃಕೇಶಾಃ ಸರ್ಪಕಞ್ಚುಕಮ್| ಮಾರ್ಜಾರಚರ್ಮ ಸರ್ಪಿಶ್ಚ ಧೂಪನಂ ಹಿತಮರ್ಶಸಾಮ್||೧೮|| ತಥಾಽಶ್ವಗನ್ಧಾ ಸುರಸಾ ಬೃಹತೀ ಪಿಪ್ಪಲೀ ಘೃತಮ್| |೧೯|

Adhikarana dAhAyonyArshasAM gudajashAtanI vartiH (19-20) · Śloka 20

| ಧಾನ್ಯಾಮ್ಲಪಿಷ್ಟೈರ್ಜೀಮೂತಬೀಜೈಸ್ತಜ್ಜಾಲಕಂ ಮೃದು||೧೯|| ಲೇಪಿತಂ ಛಾಯಯಾ ಶುಷ್ಕಂ ವರ್ತಿರ್ಗುದಜಶಾತನೀ| |೨೦|

Adhikarana dAhAyonyArshasAM gudajashA anyA vartiH (20-21) · Śloka 21

| ಸಜಾಲಮೂಲಜೀಮೂತಲೇಹೇ ವಾ ಕ್ಷಾರಸಂಯುತೇ||೨೦|| ಗುಞ್ಜಾಸೂರಣಕೂಷ್ಮಾಣ್ಡಬೀಜೈರ್ವರ್ತಿಸ್ತಥಾಗುಣಾ| |೨೧|

Adhikarana dAhAyonyArshasAM gudajashAtanA lepaH (21-26) · Śloka 26

ಸ್ನುಕ್ಕ್ಷೀರಾರ್ದ್ರನಿಶಾಲೇಪಸ್ತಥಾ, ಗೋಮೂತ್ರಕಲ್ಕಿತೈಃ||೨೧|| ಕೃಕವಾಕುಶಕೃತ್ಕೃಷ್ಣಾನಿಶಾಗುಞ್ಜಾಫಲೈಸ್ತಥಾ| ಸ್ನುಕ್ಕ್ಷೀರಪಿಷ್ಟೈಃ ಷಡ್ಗ್ರನ್ಥಾಹಲಿನೀವಾರಣಾಸ್ಥಿಭಿಃ||೨೨|| ಕುಲೀರಶೃಙ್ಗಿವಿಜಯಾಕುಷ್ಠಾರುಷ್ಕರತುತ್ಥಕೈಃ| ಶಿಗ್ರುಮೂಲಕಜೈರ್ಬೀಜೈಃ ಪತ್ರೈರಶ್ವಘ್ನನಿಮ್ಬಜೈಃ||೨೩|| ಪೀಲುಮೂಲೇನ ಬಿಲ್ವೇನ ಹಿಙ್ಗುನಾ ಚ ಸಮನ್ವಿತೈಃ| ಕುಷ್ಠಂ ಶಿರೀಷಬೀಜಾನಿ ಪಿಪ್ಪಲ್ಯಃ ಸೈನ್ಧವಂ ಗುಡಃ||೨೪|| ಅರ್ಕಕ್ಷೀರಂ ಸುಧಾಕ್ಷೀರಂ ತ್ರಿಫಲಾ ಚ ಪ್ರಲೇಪನಮ್| ಆರ್ಕಂ ಪಯಃ ಸುಧಾಕಾಣ್ಡಮ್ ಕಟುಕಾಲಾಬುಪಲ್ಲವಾಃ||೨೫|| ಕರಞ್ಜೋ ಬಸ್ತಮೂತ್ರಂ ಚ ಲೇಪನಂ ಶ್ರೇಷ್ಠಮರ್ಶಸಾಮ್| ಆನುವಾಸನಿಕೈರ್ಲೇಪಃ ಪಿಪ್ಪಲ್ಯಾದ್ಯೈಶ್ಚ ಪೂಜಿತಃ||೨೬||

Adhikarana dAhAyonyArshasAM gudajashAtanA tailAni (27) · Śloka 27

ಏಭಿರೇವೌಷಧೈಃ ಕುರ್ಯಾತ್ತೈಲಾನ್ಯಭ್ಯಞ್ಜನಾಯ ಚ| |೨೭|

Adhikarana dAhAyonyArshasAM dhUpanAdiBirduShTarUdhirasrAvaH (27-28) · Śloka 28

| ಧೂಪನಾಲೇಪನಾಭ್ಯಙ್ಗೈಃ ಪ್ರಸ್ರವನ್ತಿ ಗುದಾಙ್ಕರಾಃ||೨೭|| ಸಞ್ಚಿತಂ ದುಷ್ಟರುಧಿರಂ, ತತಃ ಸಮ್ಪದ್ಯತೇ ಸುಖೀ| |೨೮|

Adhikarana dAhAyonyArshasAM jalaukAdiBiH (28-29) · Śloka 29

| ಅವರ್ತಮಾನಮುಚ್ಛೂನಕಠಿನೇಭ್ಯೋ ಹರೇದಸೃಕ್||೨೮|| ಅರ್ಶೋಭ್ಯೋ ಜಲಜಾಶಸ್ತ್ರಸೂಚೀಕೂರ್ಚೈಃ ಪುನಃ ಪುನಃ| |೨೯|

Adhikarana dAhAyonyArshasAM duShTaraktAvasecane kAraNam (29-30) · Śloka 30

| ಶೀಷ್ಣಸ್ನಿಗ್ಧರೂಕ್ಷೈರ್ಹಿ ನ ವ್ಯಾಧಿರುಪಶಾಮ್ಯತಿ||೨೯|| ರಕ್ತೇ ದುಷ್ಟೇ ಭಿಷಕ್ ತಸ್ಮಾದ್ರಕ್ತಮೇವಾವಸೇಚಯೇತ್| |೩೦|

Adhikarana arshonAshakaM takram (30-31) · Śloka 31

| ಯೋ ಜಾತೋ ಗೋರಸಃ ಕ್ಷೀರಾದ್ವಹ್ನಿಚೂರ್ಣಾವಚೂರ್ಣಿತಾತ್||೩೦|| ಪಿಬಂಸ್ತಮೇವ ತೇನೈವ ಭುಞ್ಜಾನೋ ಗುದಜಾನ್ ಜಯೇತ್| |೩೧|

Adhikarana arshonAshakaM cUrNam (31-32) · Śloka 32

ಕೋವಿದಾರಸ್ಯ ಮೂಲಾನಾಂ ಮಥಿತೇನ ರಜಃ ಪಿಬನ್||೩೧|| ಅಶ್ವನ್ ಜೀರ್ಣೇ ಚ ಪಥ್ಯಾನಿ ಮುಚ್ಯತೇ ಹತನಾಮಭಿಃ|೩೨|

Adhikarana gugashvayathushUtai hiDgvAdi gugashvayathushUtai guDaharItakI gugashvayathushUtai pathyAdicUrNam gugashvayathushUtai kali~ggAdicUrNam gugashvayathushUtai tripaTvAdi cUrNam (32-34) · Śloka 34

| ಗುದಶ್ವಯಥುಶೂಲಾರ್ಥೋ ಮನ್ದಾಗ್ನಿರ್ಗೌಲ್ಮಿಕಾನ್ ಪಿಬೇತ್||೩೨|| ಹಿಙ್ಗ್ವಾದೀನನುತಕ್ರಂ ವಾ ಖಾದೇಙ್ಗುಡಹರೀತಕೀಮ್| ತಕ್ರೇಣ ವಾ ಪಿಬೇತ್ಪಥ್ಯಾವೇಲ್ಲಾಗ್ನಿಕುಟಜತ್ವಚಃ||೩೩|| ಕಲಿಙ್ಗಮಗಧಾಜ್ಯೋತಿಃಸೂರಣಾನ್ ವಾಂಽಶವರ್ಧಿತಾನ್| ಕೋಷ್ಣಾಮ್ಬುನಾ ವಾ ತ್ರಿಪಟುವ್ಯೋಷಹಿಙ್ಗ್ವಮ್ಲವೇತಸಮ್||೩೪||

Adhikarana gudashvayathushUlArte takratarpaNam gudashvayathushUlArte hapuShAdi cUrNam gudashvayathushUlArte pIluPalAni gudashvayathushUlArte nirannena takrapAnam (35-37) · Śloka 37

ಯುಕ್ತಂ ಬಿಲ್ವಕಪಿತ್ಥಾಭ್ಯಾಂ ಮಹೌಷಧಬಿಡೇನ ವಾ| ಅರುಷ್ಕರೈರ್ಯವಾನ್ಯಾ ವಾ ಪ್ರದದ್ಯಾತ್ತಕ್ರತರ್ಪಣಮ್||೩೫|| ದದ್ಯಾದ್ವಾ ಹಪುಷಾಹಿಙ್ಗುಚಿತ್ರಕಂ ತಕ್ರಸಂಯುತಮ್| ಮಾಸಂ ತಕ್ರಾನುಪಾನಾನಿ ಖಾದೇತ್ಪೀಲುಫಲಾನಿ ವಾ||೩೬|| ಪಿಬೇದಹರಹಸ್ತಕ್ರಂ ನಿರನ್ನೋ ವಾ ಪ್ರಕಾಮತಃ| |೩೭|

Adhikarana atyarthaM mandAgnau takropacAra eva (37) · Śloka 37

| ಅತ್ಯರ್ಥಂ ಮನ್ದಕಾಯಾಗ್ನೇಸ್ತಕ್ರಮೇವಾವಚಾರಯೇತ್||೩೭||

Adhikarana takropacArakAlaH ashaktau avalehikA peyA ca ataH paraM shAlyannam (38-40) · Śloka 40

ಸಪ್ತಾಹಂ ವಾ ದಶಾಹಂ ವಾ ಮಾಸಾರ್ಧಂ ಮಾಸಮೇವ ವಾ| ಬಲಕಾಲವಿಕಾರಜ್ಞೋ ಭಿಷಕ್ ತಕ್ರಂ ಪ್ರಯೋಜಯೇತ್||೩೮|| ಸಾಯಂ ವಾ ಲಾಜಸಕ್ತೂನಾಂ ದದ್ಯಾತ್ತಕ್ರಾವಲೇಹಿಕಾಮ್| ಜೀರ್ಣೇ ತಕ್ರೇ ಪ್ರದದ್ಯಾದ್ವಾ ತಕ್ರಪೇಯಾಂ ಸಸೈನ್ಧವಮ್||೩೯|| ತಕ್ರಾನುಪಾನಂ ಸಸ್ನೇಹಂ ತಕ್ರೌದನಮತಃ ಪರಮ್| ಯೂಶೈ ರಸೈರ್ವಾ ತಕ್ರಾಡ್ಯೈಃ ಶಾಲೀನ್ ಭುಞ್ಜೀತ ಮಾತ್ರಯಾ||೪೦||

Adhikarana takraprakArAH (41) · Śloka 41

ರೂಕ್ಷಮರ್ಧೋದ್ಧೃತಸ್ನೇಹಂ ಯತಶ್ಚಾನುದ್ಧೃತಂ ಘೃತಮ್| ತಕ್ರಂ ದೋಷಾಗ್ನಿಬಲವಿತ್ರಿವಿಸ್ತ್ರಿವಿಧಂ ತತ್ಪ್ರಯೋಜಯೇತ್||೪೧||

Adhikarana takraprayoge guNAH (42) · Śloka 42

ನ ವಿರೋಹನ್ತಿ ಗುದಜಾಃ ಪುನಸ್ತಕ್ರಸಮಾಹತಾಃ| ನಿಷಿಕ್ತಂ ತದ್ಧಿ ದಹತಿ ಭೂಮಾವಪಿ ತೃಣೋಲುಪಮ್||೪೨||

Adhikarana tatropapattiH (43-45) · Śloka 45

ಸ್ರೋತಃಸು ತಕ್ರಶುದ್ಧೇಷು ರಸೋ ಧಾತೂನುಪೈತಿ ಯಃ| ತೇನ ಪುಷ್ಟಿರ್ಬಲಂ ವರ್ಣಃ ಪರಂ ತುಷ್ಟಿಶ್ಚ ಜಾಯತೇ||೪೩|| ವಾತಶ್ಲೇಷ್ಮವಿಕಾರಾಣಾಂ ಶತಂ ಚ ವಿನಿವರ್ತತೇ| |೪೫|

Adhikarana mathitavisheShapAne~arshaHkShayaH (44-45) · Śloka 45

| ಮಥಿತಂ ಭಾಜನೇ ಕ್ಷುದ್ರಬೃಹತೀಫಲಲೇಪಿತೇ||೪೪|| ನಿಶಾಂ ಪರ್ಯುಷಿತಂ ಪೇಯಮಿಚ್ಛದ್ಭಿರ್ಗುದಜಕ್ಷಯಮ್| |೪೫|

Adhikarana takrAriShTam (45-48) · Śloka 48

| ಧಾನ್ಯೋಪಕುಞ್ಚಿಕಾಜಾಜೀಹಪುಷಾಪಿಪ್ಪಲೀದ್ವಯೈಃ||೪೫|| ಕಾರವೀಗ್ರನ್ಥಿಕಶಠೀಯವಾನ್ಯಗ್ನಿಯವಾನಕೈಃ| ಚೂರ್ಣಿತೈರ್ಘೃತಪಾತ್ರಸ್ಥಂ ನಾತ್ಯಮ್ಲಂ ತಕ್ರಮಾಸುತಮ್||೪೬|| ತಕ್ರಾರಿಷ್ಟಂ ಪಿಬೇಜ್ಜಾತಂ ವ್ಯಕ್ತಾಮ್ಲಕಟು ಕಾಮಿತಃ| ದೀಪನಂ ರೋಚನಂ ವರ್ಣ್ಯಂಕಫವಾತಾನುಲೋಮನಮ್||೪೭|| ಗುದಶ್ವಯಥುಕಣ್ಡ್ವರ್ತಿನಾಶನಂ ಬಲವರ್ಧನಮ್| |೪೮|

Adhikarana kumBavisheShe jAtaM takramarshauharam (48-49) · Śloka 49

| ತ್ವಚಂ ಚಿತ್ರಕಮೂಲಸ್ಯ ಪಿಷ್ಟ್ವಾ ಕುಮ್ಭಂ ಪ್ರಲೇಪಯೇತ್||೪೮|| ತಕ್ರಂ ವಾ ದಧಿ ವಾ ತತ್ರ ಜಾತಮರ್ಶೋಹರಂ ಪಿಬೇತ್| |೪೯|

Adhikarana BArgyAdiShvapyeSha vidhiH (49) · Śloka 49

| ಭಾರ್ಙ್ಗ್ಯಾಸ್ಫೋತಾಮೃತಾಪಞ್ಚಕೋಲೇಷ್ವಪ್ಯೇಷ ಸಂವಿಧಿಃ||೪೯||

Adhikarana gajakaNAdiBiH saMskRutAH PalAmlAdayo dIpanAH (50-51) · Śloka 51

ಪಿಷ್ಟೈರ್ಗಜಕಣಾಪಾಠಾಕಾರವೀಪಞ್ಚಕೋಲಕೈಃ| ತುಮ್ಬರ್ವಜಾಜೀಧನಿಕಾಬಿಲ್ವಮಧ್ಯೈಶ್ಚ ಕಲ್ಪಯೇತ್||೫೦|| ಫಲಾಮ್ಲಾನ್ ಯಮಕಸ್ನೇಹಾನ್ ಪೇಯಾಯೂಷರಸಾದಿಕಾನ್| ಏಭಿರೇವೌಷಧೈಃ ಸಾಧ್ಯಂ ವಾರಿ ಸರ್ಪಿಶ್ಚ ದೀಪನಮ್||೫೧||

Adhikarana bhinnashakRutAmayaM kramaH (52) · Śloka 52

ಕ್ರಮೋಽಯಂ ಭಿನ್ನಶಕೃತಾಂ| |೫೨|

Adhikarana kaThinapurIShANAM kramo vakShayamANaH (52) · Śloka 52

ವಕ್ಷ್ಯತೇ ಗಾಢವರ್ಚಸಾಮ್| |೫೨|

Adhikarana kaThina salavaNAvArUNIpAnamkaThina salavaNallavaBakShaNam (52-53) · Śloka 53

| ಸ್ನೇಹಾಡ್ಯೈಃ ಸಕ್ತುಭಿರ್ಯುಕ್ತಾಂ ಲವಣಾಂ ವಾರುಣೀಂ ಪಿಬೇತ್||೫೨|| ಲವಣಾ ಏವ ವಾ ತಕ್ರಸೀಧುಧಾನ್ಯಾಮ್ಲವಾರುಣೀಃ| |೫೩|

Adhikarana kaThinakara~jjapallavaBakShaNam (53-54) · Śloka 54

| ಪ್ರಾಗ್ಭಕ್ತಾನ್ ಯಮಕೇ ಭೃಷ್ಟಾನ್ ಸಕ್ತುಭಿಶ್ಚಾವಚೂರ್ಣಿತಾನ್||೫೩|| ಕರಞ್ಜಪಲ್ಲವಾನ್ ಖಾದೇದ್ವಾತವರ್ಚೋನುಲೋಮನಾನ್| |೫೪|

Adhikarana kaThinapurIShANAM saguDanAgarAdiyogaH (54-55) · Śloka 55

| ಸಗುಡಂ ನಾಗರಂ ಪಾಠಾಂ ಗುಡಕ್ಷಾರಘೃತಾನಿ ವಾ||೫೪|| ಗೋಮೂತ್ರಾಧ್ಯುಷಿತಾಮದ್ಯಾತ್ಸಗುಡಾಂ ವಾ ಹರೀತಕೀಮ್| |೫೫|

Adhikarana kaThinapurIShANAM pathyAshatadvayayogAH (55-57) · Śloka 57

| ಪಥ್ಯಾಶತದ್ವಯಾನ್ಮೂತ್ರದ್ರೋಣೇನಾಮೂತ್ರಸಙ್ಕ್ಷ್ಯಾತ್||೫೫|| ಪಕ್ವಾತ್ ಖಾದೇತ್ಸಮಧುನೀ ದ್ವೇ ದ್ವೇ ಹನ್ತಿ ಕಫೋದ್ಭವಾನ್| ದುರ್ನಾಮಕುಷ್ಠಶ್ವಯಥುಗುಲ್ಮಮೇಹೋದರಕೃಮೀನ್||೫೬|| ಗ್ರನ್ಥ್ಯರ್ಬುದಾಪಚೀಸ್ಥೌಲ್ಯಪಾಣ್ಡುರೋಗಾಡ್ಯಮಾರುತಾನ್| |೫೭|

Adhikarana kaThinapurIShANAM ajashRu~ggImUlakalkayogaH (57-58) · Śloka 58

| ಅಜಶೃಙ್ಗೀಜಟಾಕಲ್ಕಮಜಾಮೂತ್ರೇಣ ಯಃ ಪಿಬೇತ್||೫೭|| ಗುಡವಾರ್ತಾಕಭುಕ್ ತಸ್ಯ ನಶ್ಯನ್ತ್ಯಾಶು ಗುದಾಙ್ಕುರಾಃ| |೫೮|

Adhikarana kaThinapurIShANAM pathyAtakrayogaH kaThinapurIShANAM pathyApippalIyogaH kaThinapurIShANAM pathyAtrivRuddantIyogaH (58-60) · Śloka 60

| ಶ್ರೇಷ್ಠಾರಸೇನ ತ್ರಿವೃತಾಂ ಪಥ್ಯಾಂ ತಕ್ರೇಣ ವಾ ಸಹ||೫೮|| ಪಥ್ಯಾಂ ವಾ ಪಿಪ್ಪಲೀಯುಕ್ತಾಂ ಘೃತಭೃಷ್ಟಾಂ ಗುಡಾನ್ವಿತಾಮ್| ಅಥವಾ ಸತ್ರಿವೃದ್ದನ್ತೀಂ ಭಕ್ಷಯೇದನುಲೋಮನೀಮ್||೫೯|| ಹತೇ ಗುದಾಶ್ರಯೇ ದೋಷೇ ಗುದಜಾ ಯಾನ್ತಿ ಸಙ್ಕ್ಷ್ಯಮ್| |೬೦|

Adhikarana kaThinapurIShANAM dADimasvarasAditakrayogaH pAThAtakrayogaH kaThinapurIShANAM citrakashuNThIsIdhuyogaHkaThinapurIShANAM hapuShAdi surAyogaH (60-62) · Śloka 62

| ದಾಡಿಮಸ್ವರಸಾಜಾಜೀಯವಾನೀಗುಡನಾಗರೈಃ||೬೦|| ಪಾಠಯಾ ವಾ ಯುತಂ ತಕ್ರಂ ವಾತವರ್ಚೋನುಲೋಮನಮ್| ಸಿಧುಂ ವಾ ಗೌಡಮಥವಾ ಸಚಿತ್ರಕಮಹೌಷಧಮ್||೬೧|| ಪಿಬೇತ್ಸುರಾಂ ವಾ ಹಪುಷಾಪಾಠಾಸೌವರ್ಚಲಾನ್ವಿತಾಮ್| |೬೨|

Adhikarana kaThinapurIShANAM vardhamAnapippalItilakShIrayogaH (62-63) · Śloka 63

| ದಶಾದಿದಶಕೈರ್ವೃದ್ಧಾಃ ಪಿಪ್ಪಲೀರ್ದ್ವಿಪಿಚುಂ ತಿಲಾನ್||೬೨|| ಪೀತ್ವಾ ಕ್ಷೀರೇಣ ಲಭತೇ ಬಲಂ ದೇಹಹುತಾಶಯೋಃ| |೬೩|

Adhikarana kaThinapurIShANAM duHsparshakAdipAThAyogaH (63-64) · Śloka 64

| ದುಃಸ್ಪರ್ಶಕೇನ ಬಿಲ್ವೇನ ಯವಾನ್ಯಾ ನಾಗರೇಣ ವಾ||೬೩|| ಏಕೈಕೇನಾಪಿ ಸಂಯುಕ್ತಾ ಪಾಠಾ ಹನ್ತ್ಯರ್ಶಸಾಂ ರುಜಮ್| |೬೪|

Adhikarana kaThinapurIShANAM aBayAriShTaH (64-68) · Śloka 68

| ಸಲಿಲಸ್ಯ ವಹೇ ಪಕ್ತ್ವಾ ಪ್ರಸ್ಥಾರ್ಧಮಭಯಾತ್ವಚಾಮ್||೬೪|| ಪ್ರಸ್ಥಂ ಧಾತ್ರ್ಯಾ ದಶಪಲಂ ಕಪಿತ್ಥಾನಾಂ ತತೋಽರ್ಧತಃ| ವಿಶಾಲಾಂ ರೋಧ್ರಮರಿಚಕೃಷ್ಣಾವೇಲ್ಲೈಲವಾಲುಕಮ್||೬೫|| ದ್ವಿಪಲಾಂಶಂ ಪೃಥ್ಕಪಾದಶೇಷೇ ಪೂತೇ ಗುಡಾತ್ತುಲೇ| ದತ್ತ್ವಾ ಪ್ರಸ್ಥಂ ಚ ಧಾತಕ್ಯಾಃ ಸ್ಥಾಪಯೇದ್ಧೃತಭಾಜನೇ||೬೬|| ಪಕ್ಷಾತ್ಸ ಶೀಲಿತೋಽರಿಷ್ಟಃ ಕರೋತ್ಯಗ್ನಿಂ, ನಿಹನ್ತಿ ಚ| ಗುದಜಗ್ರಹಣೀಪಾಣ್ಡುಕುಷ್ಠೋದರಗರಜ್ವರಾನ್||೬೭|| ಶ್ವಯಥುಪ್ಲೀಹಹೃದ್ರೋಗಗುಲ್ಮಯಕ್ಷ್ಮವಮಿಕೃಮೀನ್| |೬೮|

Adhikarana kaThinapurIShANAM dhanvAriShTaH (68-69) · Śloka 69

| ಜಲದ್ರೋಣೇ ಪಚೇದ್ದನ್ತೀದಶಮೂಲವರಾಗ್ನಿಕಾನ್||೬೮|| ಪಾಲಿಕಾನ್ ಪಾದಶೇಷೇ ತು ಕ್ಷಿಪೇಙ್ಗುಡತುಲಾಂ ಪರಮ್| ಪೂರ್ವವತ್ಸರ್ವಮಸ್ಯ ಸ್ಯಾದನುಲೋಮಿತರಸ್ತ್ವಯಮ್||೬೯||

Adhikarana kaThinapurIShANAM durAlaBAriShTaH (70-71) · Śloka 71

ಪಚೇಹುರಾಲಭಾಪ್ರಸ್ಥಂ ದ್ರೋಣೇಽಪಾಂ ಪ್ರಾಸೃತೈಃ ಸಹ| ದನ್ತೀಪಾಠಾಗ್ನಿವಿಜಯಾವಾಸಾಮಲಕನಾಗರೈಃ||೭೦|| ತಸ್ಮಿನ್ ಸಿತಾಶತಂ ದದ್ಯಾತ್ಪಾದಸ್ಥೇಽನ್ಯಚ್ಚ ಪೂರ್ವವತ್| ಲಿಮ್ಪೇತ್ಕುಮ್ಭಂ ತು ಫಲಿನೀಕೃಷ್ಣಾಚವ್ಯಾಜ್ಯಮಾಕ್ಷಿಕೈಃ||೭೧||

Adhikarana kaThinapurIShANAM PalAmlAdighRutam (72-73) · Śloka 73

ಪ್ರಾಗ್ಭಕ್ತಮಾನುಲೋಮ್ಯಾಯ ಫಲಾಮ್ಲಂ ವಾ ಪಿಬೇದ್ಧೃತಮ್| ಚವ್ಯಚಿತ್ರಕಸಿದ್ಧಂ ವಾ ಯವಕ್ಷಾರಗುಡಾನ್ವಿತಮ್||೭೨|| ಪಿಪ್ಪಲೀಮೂಲಸಿದ್ಧಂ ವಾ ಸಗುಡಕ್ಷಾರನಾಗರಮ್| |೭೩|

Adhikarana kaThinapurIShANAM pippalyAdighRutam (73-74) · Śloka 74

| ಪಿಪ್ಪಲೀಪಿಪ್ಪಲೀಮೂಲಧಾನಕಾದಾಡಿಮೈರ್ಘೃತಮ್||೭೩|| ದಘ್ನಾ ಚ ಸಾಧಿತಂ ವಾತಶಕೃನ್ಮೂತ್ರವಿಬನ್ಧನುತ್| |೭೪|

Adhikarana kaThinapurIShANAM palAshakShArAdighRutam (74-75) · Śloka 75

| ಪಲಾಶಕ್ಷಾರತೋಯೇನ ತ್ರಿಗುಣೇನ ಪಚೇದ್ಧೃತಮ್||೭೪|| ವತ್ಸಕಾದಿಪ್ರತೀವಾಪಮರ್ಶೋಘ್ನಂ ದೀಪನಂ ಪರಮ್| |೭೫|

Adhikarana pa~jcakolAdighRutam (75-77) · Śloka 77

| ಪಞ್ಚಕೋಲಾಭಯಾಕ್ಷಾರಯವಾನೀಬಿಡಸೈನ್ಧವೈಃ||೭೫|| ಸಪಾಠಾಧಾನ್ಯಮರಿಚೈಃ ಸವಿಲ್ವೈರ್ದಧಿಮದ್ಧೃತಮ್| ಸಾಧಯೇತ್ ತಜ್ಜಯತ್ಯಾಶು ಗುದವಙ್ಕ್ಷ್ಣವೇದನಾಮ್||೭೬|| ಪ್ರವಾಹಿಕಾಂ ಗುದಭ್ರಂಶಂ ಮೂತ್ರಕೃಚ್ಛ್ರಂ ಪರಿಸ್ರವಮ್| |೭೭|

Adhikarana kaThinapurIShANAM cA~ggerIghRutam (77-79) · Śloka 79

| ಪಾಠಾಜಮೋದಧನಿಕಾಶ್ವದಂಷ್ತ್ರಾಪಞ್ಚಕೋಲಕೈಃ||೭೭|| ಸವಿಲ್ವೈರ್ದನಿ ಚಾಙ್ಗೇರೀಸ್ವರಸೇ ಚ ಚತುರ್ಗುಣೇ| ಹನ್ತ್ಯಾಜ್ಯಂ ಸಿದ್ಧಮಾನಾಹಂ ಮೂತ್ರಕೃಚ್ಛ್ರಂ ಪ್ರವಾಹಿಕಾಮ್||೭೮|| ಗುದಭ್ರಂಶಾರ್ತಿಗುದಜಗ್ರಹಣೀಗದಮಾರುತಾನ್| |೭೯|

Adhikarana kaThinapurIShANAM shikhitittiryAdimAM sarasAH (79-80) · Śloka 80

| ಶಿಖಿತಿತ್ತಿರಿಲಾವಾನಾಂ ರಸಾನಮ್ಲಾನ್ ಸುಸಂಸ್ಕೃತಾನ್||೭೯|| ದಕ್ಷಾಣಾಂ ವರ್ತಕಾನಾಂ ವಾ ದದ್ಯಾದ್ವಿಙ್ವಾತಸಙ್ಗ್ರಹೇ| |೮೦|

Adhikarana kaThinapurIShANAM vAstukAdi shAkam kaThinapurIShANAM raktashAlyannam kaThinapurIShANAM vya~jjanaM mAMsarasASca (80-85) · Śloka 85

| ವಸ್ತುಕಾಗ್ನಿತ್ರಿವೃದ್ದನ್ತೀಪಾಠಾಮ್ಲೀಕಾದಿಪಲ್ಲವಾನ್||೮೦|| ಅನ್ಯಚ್ಚ ಕಫವಾತಘ್ನಂ ಶಾಕಂ ಚ ಲಘುಮೇದಿ ಚ| ಸಹಿಙ್ಗಂ ಯಮಕೇ ಭೃಷ್ಟಂ ಸಿದ್ಧಂ ದಧಿಸರೈಃ ಸಹ||೮೧|| ದಹ್ನಿಕಾಪಞ್ಚಕೋಲಾಭ್ಯಾಂ ಪಿಷ್ಟಾಭ್ಯಾಂ ದಾಡಿಮಾಮ್ಬುನಾ| ಆಱ್ದ್ರಿಕಾಯಾಃ ಕಿಸಲಯೈಃ ಶಕಲೈರಾದ್ರಕಸ್ಯ ಚ||೮೨|| ಯುಕ್ತಮಙ್ಗಾರಧೂಪೇನ ಹೃದ್ಯೇನ ಸುರಭೀಕೃತಮ್| ಸಜೀರಕಂ ಸಮರಿಚಂ ಬಿಡಸೌವರ್ಚಲೋತ್ಕಟಮ್||೮೩|| ವಾತೋತ್ತರಸ್ಯ ರೂಕ್ಷಸ್ಯ ಮನ್ದಾಗ್ನೇರ್ವದ್ಧವರ್ಚಸಃ| ಕಲ್ಪಯೇದ್ರಕ್ತಶಾಲ್ಯನ್ನವ್ಯಞ್ಜನಂ ಶಾಕವದ್ರಸಾನ್||೮೪|| ಗೋಗೋಧಾಛಗರೋಷ್ಟ್ರಾಣಾಂ ವಿಶೇಷಾತ್ಕ್ರವ್ಯಭೋಜಿನಾಮ್| |೮೫|

Adhikarana madirAdikaM pAnam (85-87) · Śloka 87

| ಮದಿರಾಂ ಶಾಱ್ಕರಂ ಗೌಡಂ ಸೀಧುಂ ತಕ್ರಂ ತುಷೋದಕಮ್||೮೫|| ಅರಿಷ್ಟಂ ಮಸ್ತು ಪಾನೀಯಂ, ಪಾನೀಯಂ ವಾಽಲ್ಪಕಂ ಶೃತಮ್| ಧಾನ್ಯೇನ ಧಾನ್ಯಶುಣ್ಠೀಭ್ಯಾಂ ಕಣ್ಟಕಾರಿಕಯಾಽಥವಾ||೮೬|| ಅನ್ತೇ ಭಕ್ತಸ್ಯ ಮಧ್ಯೇ ವಾ ವಾತವರ್ಚೋನುಲೋಮನಮ್| |೮೭|

Adhikarana viDvAtAdyanulomanasya Palam (87-88) · Śloka 88

| ವಿಡ್ವಾತಕಫಪಿತ್ತಾನಾಮಾನುಲೋಮ್ಯೇ ಹಿ ನಿರ್ಮಲೇ||೮೭|| ಗುದೇ ಶಾಮ್ಯನ್ತಿ ಗುದಜಾಃ ಪಾವಕಶ್ಚಾಭಿವರ್ಧತೇ| |೮೮|

Adhikarana udAvartAdiShu anuvAsanam (88-89) · Śloka 89

| ಉದಾಬರ್ತಪರೀತಾ ಯೇ ಯೇ ಚಾತ್ಯರ್ಥಂ ವಿರೂಕ್ಷಿತಾಃ||೮೮|| ವಿಲೋಮವಾತಾಃ ಶೂಲಾರ್ತಾಸ್ತೇಷ್ವಿಷ್ಟಮನುವಾಸನಮ್| |೮೯|

Adhikarana anuvAsanayogaH (89-93) · Śloka 93

| ಪಿಪ್ಪಲೀಂ ಮದನಂ ಬಿಲ್ವಂ ಶತಾಹ್ವಾಂ ಮಧುಕಂ ವಚಾಮ್||೮೯|| ಕುಷ್ಠಂ ಶಠೀಂ ಪುಷ್ಕರಾಖ್ಯಂ ಚಿತ್ರಕಂ ದೇವದಾರು ಚ| ಪಿಷ್ಟ್ವಾತೈಲಂ ವಿಪಕ್ತವ್ಯಂ ದ್ವಿಗುಣಕ್ಷೀರಸಂಯುತಮ್||೯೦|| ಅರ್ಶಸಾಂ ಮೂಢವಾತಾನಾಂ ತಚ್ಛ್ರೇಷ್ಠಮನುವಾಸನಮ್| ಗುದನಿಃಸರಣಂ ಶೂಲಂ ಮೂತ್ರಕೃಚ್ಛ್ರಂ ಪ್ರವಾಹಿಕಾಮ್||೯೧|| ಕಟ್ಯೂರುಪೃಷ್ಠದೌರ್ವಲ್ಯಮಾನಾಹಂ ವಙ್ಕ್ಷಣಾಶ್ರಯಮ್| ಪಿಚ್ಛಾಸ್ರಾವಂ ಗುದೇ ಶೋಫಂ ವಾತವರ್ಚೋವಿನಿಗ್ರಹಮ್||೯೨|| ಉತ್ಥಾನಂ ಬಹುಶೋ ಯಚ್ಚ ಜಯೇತ್ತಚ್ಚಾನುವಾಸನಾತ್| |೯೩|

Adhikarana athavA nirUhaH (93-94) · Śloka 94

| ನಿರುಹಂ ವಾ ಪ್ರಯುಞ್ಜೀತ ಸಕ್ಷೀರಂ ಪಾಞ್ಚಮೂಲಿಕಮ್||೯೩|| ಸಮೂತ್ರಸ್ನೇಹಲವಣಂ ಕಲ್ಕೈರ್ಯುಕ್ರಂ ಫಲಾದಿಭಿಃ| |೯೪|

Adhikarana raktArshasAM vAtakaPAnubandhe cikitsA (94-95) · Śloka 95

| ಅಥ ರಕ್ತಾರ್ಶಸಾಂ ವೀಕ್ಷ್ಯ ಮಾರುತಸ್ಯ ಕಫಸ್ಯ ವಾ||೯೪|| ಅನುಬನ್ಧಂ ತತಃ ಸ್ನಿಗ್ಧಂ ರೂಕ್ಷಂ ವಾ ಯೋಜಯೇದ್ಧಿಮಮ್| |೯೫|

Adhikarana vAtakaPAnubandhalakShaNam (95-97) · Śloka 97

| ಶಕೃಚ್ಛಯಾವಂ ಖರಂ ರೂಕ್ಷಮಧೋ ನಿರ್ಯಾತಿ ನಾನಿಲಃ||೯೫|| ಕಟ್ಯೂರುಗುದಶೂಲಂ ಚ ಹೇತುರ್ಯದಿ ಚ ರೂಕ್ಷಣಮ್| ತತ್ರಾನುಬನ್ಧೋ ವಾತಸ್ಯ ಶ್ಲೇಷ್ಮಣೋ ಯದಿ ವಿಟ್ ಶ್ಲಥಾ||೯೬|| ಶ್ವೇತಾ ಪೀತಾ ಗುರುಃಸ್ನಿಗ್ಧಾ, ಸಪಿಚ್ಛಃ ಸ್ತಿಮಿತೋ ಗುದಃ| ಹೇತುಃ ಸ್ನಿಗ್ಧಗುರುರ್ವಿದ್ಯಾದ್ಯಥಾಸ್ವಂ ಚಾಸ್ರಲಕ್ಷಣಾತ್||೯೭||

Adhikarana duShTe rakte shodhanAdi (98) · Śloka 98

ದುಷ್ಟೇಽಸ್ರೇ ಶೋಧನಂ ಕಾರ್ಯಂ ಲಙ್ಘನಂ ಚ ಯಥಾಬಲಮ್| |೯೮|

Adhikarana raktasruterUpekShaNakAlaH (98) · Śloka 98

| ಯಾವಚ್ಚ ದೋಷೈಃ ಕಾಲುಪ್ಯಂ ಸ್ರುತೇಸ್ತಾವದುಪೇಕ್ಷಣಮ್||೯೮||

Adhikarana anantaraM tiktadravyopacAraH (99) · Śloka 99

ದೋಷಾಣಾಂ ಪಾಚನರ್ಥಂ ಚ ವಹ್ನಿಸನ್ಧುಕ್ಷಣಾಯ ಚ| ಸಙ್ಗ್ರಹಾಯ ಚ ರಕ್ತಸ್ಯ ಪರಂ ತಿಕ್ತೈರುಪಾಚರೇತ್||೯೯||

Adhikarana vAtolbaNe rakte snehaH (100) · Śloka 100

ಯತ್ತು ಪ್ರಕ್ಷೀಣದೋಷಸ್ಯ ರಕ್ತಂ ವಾತೋಲ್ಬಣಸ್ಯ ವಾ| ಸ್ನೇಹೈಸ್ತತ್ಸಾಧಯೇದ್ಯುಕ್ತೈಃ ಪಾನಾಭ್ಯಞ್ಜನಬಸ್ತಿಷು||೧೦೦||

Adhikarana pittolbaNe rakte kaShAyAH (101) · Śloka 101

ಯತ್ತು ಪಿತ್ತೋಲ್ಬಣಂ ರಕ್ತಂ ಘರ್ಮಕಾಲೇ ಪ್ರವರ್ತತೇ| ಸ್ತಮ್ಭನೀಯಂ ತದೇಕಾನ್ತಾನ್ನ ಚೇದ್ವಾತಕಫಾನುಗಮ್||೧೦೧||

Adhikarana kaPolbaNe cUrNakalkau (102-103) · Śloka 103

ಸಕಫೇಽಸ್ರೇ ಪಿಬೇತ್ಪಾಕ್ಯಂ ಶುಣ್ಠೀಕುಟಜವಲ್ಕಮ್| ಕಿರಾತತಿಕ್ತಕಂ ಶುಣ್ಠೀಂ ಧನ್ವಯಾಸಂ ಕುಚನ್ದನಮ್||೧೦೨|| ದಾರ್ವೀತ್ವಙ್ಕ್ಷಿಮ್ಬಸೇವ್ಯಾನಿ ತ್ವಚಂ ವಾ ದಾಡಿಮೋದ್ಭವಾಮ್| |೧೦೩|

Adhikarana kaPolbaNe kuTajAvalehaH (103-104) · Śloka 104

| ಕುಟಜತ್ವಕ್ಫಲಂ ತಾರ್ಕ್ಷ್ಯಂ ಮಾಕ್ಷಿಕಂ ಘುಣವಲ್ಲಭಾಮ್||೧೦೩|| ಪಿಬೇತ್ತಣ್ಡುಲತೋಯೇನ ಕಲ್ಕಿತಂ ವಾ ಮಯೂರಕಮ್| |೧೦೪|

Adhikarana kaPolbaNe dvitIyaH kuTajAvalehaH (104-108) · Śloka 108

| ತುಲಾಂ ದಿವ್ಯಾಮ್ಭಸಿ ಪಚೇದಾರ್ದ್ರಾಯಾಃ ಕುಟಜತ್ವಚಃ||೧೦೪|| ನೀರಸಾಯಾಂ ತ್ವಚಿ ಕ್ವಾಥೇ ದದ್ಯಾತ್ಸೂಕ್ಷ್ಮರಜೀಕೃತಾನ್| ಸಮಙ್ಗಾಫಲಿನೀಮೋಚರಸಾನ್ ಮುಷ್ಟ್ಯಂಶಕಾನ್ಸಮಾನ್||೧೦೫|| ತೈಶ್ಚ ಶಕ್ರಯವಾನ್ ಪೂತೇ ತತೋ ದರ್ವೀಪ್ರಲೇಪನಮ್| ಪಕ್ತ್ವಾಽವಲೇಹಂ ಲೀಢ್ವಾ ಚ ತಂ ಯಥಾಗ್ನಿವಲಂ ಪಿಬೇತ್||೧೦೬|| ಪೇಯಾಂ ಮಣ್ಡಂ ಪಯಸ್ಛಾಗಂ ಗಬ್ಯಂ ವಾ ಛಾಗದುಗ್ಧಭುಕ್| ಲೇಹೋಽಯಂ ಶಮಯತ್ಯಾಶು ರಕ್ತಾತೀಸಾರಪಾಯುಜಾನ್||೧೦೭|| ಬಲವದ್ರಕ್ತಪಿತ್ತಂ ಚ ಸ್ರವದೂರ್ಧ್ವಮಧೋಽಪಿ ವಾ| |೧೦೮|

Adhikarana kaPolbaNe rodhrAdiyogaH (108-113) · Śloka 113

| ಕುಟಜತ್ವಕ್ ತುಲಾಂ ದ್ರೋಣೇ ಪಚೇದಷ್ಟಾಂಶಶೋಷಿತಮ್||೧೦೮|| ಕಲ್ಕೀಕೃತ್ಯ ಕ್ಷಿಪೇತ್ತತ್ರ ತಾಱ್ಕ್ಷ್ಯಶೈಲಂ ಕಟುತ್ರಯಮ್| ರೋಧ್ರದ್ವಯಂ ಮೋಚರಸಂ ಬಲಾಂ ದಾಡಿಮಜಾಂ ತ್ವಚಮ್||೧೦೯|| ಬಿಲ್ವಕರ್ಕಟಿಕಾಂ ಮುಸ್ತಂ ಸಮಙ್ಗಾಂ ಧಾತಕೀಫಲಮ್| ಪಲೋನ್ಮಿತಂ ದಶಪಲಂ ಕುಟಜಸ್ಯೈವ ಚ ತ್ವಚಃ||೧೧೦|| ತ್ರಿಂಶತ್ಪಲಾನಿ ಗುಡತೋ ಘೃತಾತ್ಪೂತೇ ಚ ವಿಂಶತಿಃ| ತತ್ಪಕ್ವಂ ಲೇಹತಾಂ ಯಾತಂ ಧಾನ್ಯೇ ಪಕ್ಷಸ್ಥಿತಂ ಲಿಹನ್||೧೧೧|| ಸರ್ವಾರ್ಶೋಗ್ರಹಣೀದೋಷಶ್ವಾಸಕಾಸಾನ್ನಿಯಚ್ಛತಿ| |೧೧೩|

Adhikarana kaPolbaNe Ajadugdhena shAlyannam (112-113) · Śloka 113

| ರೋಧ್ರಂ ತಿಲಾನ್ಮೋಚರಸಂ ಸಮಙ್ಗಾಂ ಚನ್ದನೋತ್ಪಲಮ್||೧೧೨|| ಪಾಯಯಿತ್ವಾಽಽಜದುಗ್ಧೇನ ಶಾಲೀಂಸ್ತೇನೈವ ಭೋಜಯೇತ್| |೧೧೩|

Adhikarana kaPolbaNe yaShTacAhvAdicUrNam (113-115) · Śloka 115

| ಯಷ್ಟ್ಯಾಹ್ವಪದ್ಮಕಾನನ್ತಾಪಯಸ್ಯಾಕ್ಷೀರಮೋರಟಮ್||೧೧೩|| ಸಸಿತಾಮಧು ಪಾತವ್ಯಂ ಶೀತತೋಯೇನ ತೇನ ವಾ| |೧೧೫|

Adhikarana kaPolbaNe rodhrAdi cUrNam (114-115) · Śloka 115

| ರೋಧ್ರಕಟ್ವಙ್ಗಕುಟಜಸಮಙ್ಗಾಶಾಲ್ಮಲೀತ್ವಚಮ್||೧೧೪|| ಹಿಮಕೇಸರಯಷ್ಟ್ಯಾಹ್ವಸೇವ್ಯಂ ವಾ ತಣ್ಡುಲಾಮ್ಬುನಾ| |೧೧೫|

Adhikarana kapholbaNe atipravRutte shUle shoNite ca yavAnyAdicUrNam,kapholbaNe dugvikAdidhRutam kapholbaNe ghAtakyAdidhRutam kapholbaNe yavakShArAdidhRutam (115-117) · Śloka 117

| ಯವಾನೀನ್ದ್ರಯವಾಃ ಪಾಠಾ ಬಿಲ್ವಂ ಶುಣ್ಠೀ ರಸಾಞ್ಜನಮ್||೧೧೫|| ಚೂರ್ಣಶ್ಚಲೇ ಹಿತಃ ಶೂಲೇ ಪ್ರವೃತ್ತೇ ಚಾತಿ ಶೋಣಿತೇ| ದುಗ್ಧಿಕಾಕಣ್ಟಕಾರೀಭ್ಯಾಂ ಸಿದ್ಧಂ ಸರ್ಪಿಃ ಪ್ರಶಸ್ಯತೇ||೧೧೬|| ಅಥವಾ ಧಾತಕೀರೋಧ್ರಕುಟಜತ್ವಕ್ಫಲೋತ್ಪಲೈಃ| ಸಕೇಸರೈರ್ಯವಕ್ಷಾರದಾಡಿಮಸ್ವರಸೇನ ವಾ||೧೧೭||

Adhikarana kaPolbaNe sharkarAdinavanItam (118) · Śloka 118

ಶರ್ಕರಾಮ್ಭೋಜಕಿಞ್ಜಿಲ್ಕಸಹಿತಂ ಸಹ ವಾ ತಿಲೈಃ| ಅಭ್ಯಸ್ತಂ ರಕ್ತಗುದಜಾನ್ ನವನೀತಂ ನಿಯಛ್ಛತಿ||೧೧೮||

Adhikarana kaPolbaNe shoNite shreShThmauShadham CAganavanItAdi (119-120) · Śloka 120

ಛಾಗಾನಿ ನವನೀತಾಜ್ಯಕ್ಷೀರಮಾಂಸಾನಿ, ಜಾಙ್ಗಲಃ| ಅನಮ್ಲೋ ವಾ ಕದಮ್ಲೋ ವಾ ಸವಾಸ್ತುಕರಸೋ ರಸಃ||೧೧೯|| ರಕ್ತಶಾಲಿಃ ಸರೋ ದಘ್ನಃ ಷಷ್ಟಿಕಸ್ತರುಣೀ ಸುರಾ| ತರುಣಶ್ಚ ಸುರಾಮಣ್ಡಃ ಶೋಣಿತಸ್ಯೌಷಧಂ ಪರಮ್||೧೨೦||

Adhikarana kapholbaNe palANDuH (121) · Śloka 121

ಪೇಯಾಯೂಷರಸಾದ್ಯೇಷು ಪಲಾಣ್ಡುಃ ಕೇವಲೋಽಪಿ ವಾ| ಸ ಜಯತ್ಯುಲ್ಬಣಂ ರಕ್ತಂ ಮಾರುತಂ ಚ ಪ್ರಯೋಜಿತಃ||೧೨೧||

Adhikarana vAtajaye yatnaH (122) · Śloka 122

ವಾತೋಲ್ಬಣಾನಿ ಪ್ರಾಯೇಣ ಭವನ್ತ್ಯಸ್ನೇಽತಿನಿಃಸೃತೇ| ಅರ್ಶಾಸಿ ತಸ್ಮಾದಧಿಕಂ ತಜ್ಜಯೇ ಯತ್ನಮಾಚರೇತ್||೧೨೨||

Adhikarana prabale raktapitte shItopacAraH (123) · Śloka 123

ದೃಷ್ಟ್ವಾಽಸ್ರಪಿತ್ತಂ ಪ್ರಬಲಮಬಲೌ ಚ ಕಫಾನಿಲೌ| ಶೀತೋಪಚಾರಃ ಕರ್ತವ್ಯಃ ಸರ್ವಥಾ ತತ್ಪ್ರಶಾನ್ತಯೇ||೧೨೩||

Adhikarana evamashame rasairghRutaishca tarpaNaM tailAdinAsecanaM ca (124-125) · Śloka 125

ನ ಚೇದೇವಂ ಶಮಸ್ತಸ್ಯ ಸ್ನಿಗ್ಧೋಷ್ಣೈಸ್ತರ್ಪಯೇತ್ತತಃ| ರಸೈಃ, ಕೋಷ್ಣೈಶ್ಚ ಸರ್ಪಿರ್ಭಿರವಾಪೀಡಕಯೋಜಿತೈಃ||೧೨೪|| ಸೇಚಯೇತ್ತಂ ಕವೋಷ್ಣೈಶ್ಚ ಕಾಮಂ ತೈಲಪಯೋಘೃತೈಃ| |೧೨೫|

Adhikarana siddhaH picCAbastiH (125-129) · Śloka 129

| ಯವಾಸಕುಶಕಾಶಾನಾಂ ಮೂಲಂ ಪುಷ್ಪಂ ಚ ಶಾಲ್ಮಲೇಃ||೧೨೫|| ನ್ಯಗ್ರೋಧೋದುಮ್ಬರಾಶ್ವತ್ಥಶುಙ್ಗಾಶ್ಚ ದ್ವಿಪಲೋನ್ಮಿತಾಃ| ತ್ರಿಪ್ರಸ್ಥೇ ಸಲಿಲಸ್ಯೈತತ್ಕ್ಷೀರಪ್ರಸ್ಥೇ ಚ ಸಾಧಯೇತ್||೧೨೬|| ಕ್ಷೀರಶೇಷೇ ಕಷಾಯೇ ಚ ತಸ್ಮಿನ್ ಪೂತೇ ವಿಮಿಶ್ರಯೇತ್| ಕಲ್ಕೀಕೃತಂ ಮೋಚರಸಂ ಸಮಙ್ಗಾ ಚನ್ದನೋತ್ಪಲಮ್||೧೨೭|| ಪ್ರಿಯಙ್ಗುಂ ಕೌಟಜಂ ಬೀಜಂ ಕಮಲಸ್ಯ ಚ ಕೇಸರಮ್| ಪಿಚ್ಛಾಬಸ್ತಿರಯಂ ಸಿದ್ಧಃ ಸಘೃತಕ್ಷೌದ್ರಶರ್ಕರಃ||೧೨೮|| ಪ್ರವಾಹಿಕಾಗುದಭ್ರಂ ಶರಕ್ತಸ್ರಾವಜ್ವರಾಪಹಃ| |೧೨೯|

Adhikarana anuvAsane snehaH (129-130) · Śloka 130

| ಯಷ್ಟ್ಯಾಹ್ವಪುಣ್ಡರೀಕೇಣ ತಥಾ ಮೋಚರಸಾದಿಭಿಃ||೧೨೯|| ಕ್ಷೀರದ್ವಿಗುಣಿತಃ ಪಕ್ವೋ ದೇಯಃ ಸ್ನೇಹೋಽನುವಾಸನಮ್| |೧೩೦|

Adhikarana cA~ggerIghRutam (130-133) · Śloka 133

| ಮಧುಕೋತ್ಪಲರೋಧ್ನಾಮ್ಬು ಸಮಙ್ಗಾ ಬಿಲ್ವಚನ್ದನಮ್||೧೩೦|| ಚವಿಕಾಽತಿವಿಷಾ ಮುಸ್ತಂ ಪಾಠಾ ಕ್ಷಾರೋ ಯವಾಗ್ರಜಃ| ದಾರ್ವೀತ್ವಙ್ಕ್ಷಾಗರಂ ಮಾಂಸೀ ಚಿತ್ರಕೋ ದೇವದಾರು ಚ||೧೩೧|| ಚಾಙ್ಗೇರೀಸ್ವರಸೇ ಸರ್ಪಿಃ ಸಾಧಿತಂ ತೈಸ್ತ್ರಿದೋಷಜಿತ್| ಅರ್ಶೋತಿಸಾರಗ್ರಹಣೀಪಾಣ್ಡುರೋಗಜ್ವರಾರುಚೌ||೧೩೨|| ಮೂತ್ರಕೃಚ್ಛ್ರೇ ಗುದಭ್ರಂಶೇ ಬಸ್ತ್ಯಾನಾಹೇ ಪ್ರವಾಹಣೇ| ಪಿಚ್ಛಾಸ್ರಾವೇಽರ್ಶಸಾಂ ಶೂಲೇ ದೇಯಂ ತತ್ಪರಮೌಷಧಮ್||೧೩೩||

Adhikarana madhurAmlAdInAM vyatAsena prayojanam (134) · Śloka 134

ವ್ಯಾತ್ಯಾಸಾನ್ಮಧುರಾಮ್ಲಾನಿ ಶೀತೋಷ್ಣಾನಿ ಚ ಯೋಜಯೇತ್| ನಿತ್ಯಮಗ್ನಿಬಲಾಪೇಕ್ಷೀ ಜಯತ್ಯರ್ಶಃಕೃತಾನ್ ಗದಾನ್||೧೩೪||

Adhikarana udAvarte svedaH udAvarte vartiH (135-137) · Śloka 137

ಉದಾವರ್ತಾರ್ತಮಭ್ಯಜ್ಯ ತೈಲೈಃ ಶೀತಜ್ವರಾಪಹೈಃ| ಸುಸ್ನಿಗ್ಧೈಃ ಸ್ವೇದಯೇತ್ಪಿಣ್ಡೈರ್ವರ್ತಿಮಸ್ಮೈ ಗುದೇ ತತಃ||೧೩೫|| ಅಭ್ಯಕ್ತಾಂ ತತ್ಕರಾಙ್ಗುಷ್ಠಸನ್ನಿಭಾಮನುಲೋಮನೀಮ್| ದದ್ಯಾಚ್ಛ್ಯಾಮಾತ್ರಿವೃದ್ದನ್ತೀಪಿಪ್ಪಲೀನೀಫಲೈಃ||೧೩೬|| ವಿಚೂರ್ಣಿತೈರ್ದ್ವಿಲವಣೈರ್ಗುಡಗೋಮೂತ್ರಸಂಯುತೈಃ| ತದ್ವನ್ಮಾಗಧಿಕಾರಾಠಗೃಹಧೂಮೈಃ ಸಸರ್ಷಪೈಃ||೧೩೭||

Adhikarana udAvarte cUrNam (138) · Śloka 138

ಏತೇಷಾಮೇವ ವಾ ಚೂರ್ಣಂ ಗುದೇ ನಾಡ್ಯಾ ವಿನಿರ್ಧಮೇತ್| |೧೩೮|

Adhikarana udAvarte snehabastiH (138-140) · Śloka 140

| ತದ್ವಿಘಾತೇ ಸುತೀಕ್ಷ್ಣಂ ತು ಬಸ್ತಿಂ ಸ್ನಿಗ್ಧಂ ಪ್ರಪೀಡಯೇತ್||೧೩೮|| ಋಜೂ ಕುರ್ಯಾ-ದಶಿರಾವಿಣ್ಮೂತ್ರಮರುತೋಽಸ್ಯ ಸಃ| ಭೂಯಾಽನುಬನ್ಧೇ ವಾತಘ್ನೇರ್ವಿರೇಚ್ಯಃ ಸ್ನೇಹರೇಚನೈಃ||೧೩೯|| ಅನುವಾಸ್ಯಶ್ಚ ರೌಕ್ಷ್ಯಾದ್ಧಿ ಸಙ್ಗೋ ಮಾರುತವರ್ಚಸೋಃ| |೧೪೦|

Adhikarana udAvarte kalyANakakShAraH (140-143) · Śloka 143

| ತ್ರಿಪಟುಚಿಕಟುಶ್ರೇಷ್ಠಾದನ್ತ್ಯರುಷ್ಕರಚಿತ್ರಕಮ್||೧೪೦|| ಜರ್ಜರಂ ಸ್ನೇಹಮೂತ್ರಾಕ್ತಮನ್ತರ್ಧೂಮಂ ವಿಪಾಚಯೇತ್| ಶರಾವಸನ್ಧೌ ಮೃಲ್ಲಿಪ್ತೇ ಕ್ಷಾರಃ ಕಲ್ಯಾಣಕಾಹ್ವಯಃ||೧೪೧|| ಸ ಪೀತಃ ಸರ್ಪಿಷಾ ಯುಕ್ತೋ ಭಕ್ತೇ ವಾ ಸ್ನಿಗ್ಧಭೋಜಿನಾ| ಉದಾವರ್ತವಿಬನ್ಧಾರ್ಶೋಗುಲ್ಮಪಾಣ್ಡೂದರಕೃಮೀನ್||೧೪೨|| ಮೂತ್ರಸಙ್ಗಾಶ್ಮರೀಶೋಫಹೃದ್ರೋಗಗ್ರಹಣೀಗದಾನ್| ಮೇಹಪ್ಲೀಹರುಜಾನಾಹಶ್ವಾಸಕಾಸಾಂಶ್ಚ ನಾಶಯೇತ್||೧೪೩||

Adhikarana udAvarte gADhavarcArshasAM proktaM cikitsitamapi (144) · Śloka 144

ಸರ್ವಂ ಚ ಕುರ್ಯಾದ್ಯತ್ಪ್ರೋಕ್ತಮರ್ಶಸಾಂ ಗಾಢವರ್ಚಸಾಮ್| |೧೪೪|

Adhikarana pUtikara~jjashuktam (144) · Śloka 144

ದ್ರೋಣೇಽಪಾಂ ಪೂತಿವಲ್ಕದ್ವಿತುಲಮಥ ಪಚೇ- ತ್ಪಾದಶೇಷೇ ಚ ತಸ್ಮಿನ್ ದೇಯಾಽಶೀತಿರುಗುಡಸ್ಯ ಪ್ರತನುಕರಜಸೋ ವ್ಯೋಷತೋಽಷ್ಟೌ ಪಲಾನಿ| ಏತನ್ಮಾಸೇನ ಜಾತಂ ಜನಯತಿ ಪರಮಾ- ಮೂಷ್ಮಣಃ ಪಕ್ತಿಶಕ್ತಿಂ ಶುಕ್ತಂ ಕೃತ್ವಾಽಽನುಲೋಮ್ಯಂ ಪ್ರಜಯತಿ ಗುದಜ- ಪ್ಲೀಹಗುಲ್ಮೋದರಾಣಿ||೧೪೪||

Adhikarana pUtikara~jjacukram (145-148) · Śloka 148

ಪಚೇತ್ತುಲಾಂ ಪೂತಿಕರಞ್ಜವಲ್ಕಾದ್ ದ್ವೇ ಮೂಲತಶ್ಚಿತ್ರಕಕಣ್ಟಕಾರ್ಯೋಃ| ದ್ರೋಣತ್ರಯಽಪಾಂ ಚರಣಾವಶೇಷೇ ಪೂತೇ ಶತಂ ತತ್ರ ಗುಡಸ್ಯ ದದ್ಯಾತ್||೧೪೫|| ಪಲಿಕಂ ಚ ಸೂಚಿರ್ಣಿತಂ ತ್ರಿಜಾತ ತ್ರಿಕಟುಗ್ರನ್ಥಿಕದಾಡಿಮಾಶ್ಮಭೇದಮ್| ಪುರಪುಷ್ಕರಮೂಲಧಾನ್ಯಚವ್ಯಂ ಹಪುಷಾಮಾಱ್ದ್ರಕಮಮ್ಲವೇತಸಂ ಚ||೧೪೬|| ಶೀತೀಭುತಂ ಕ್ಷೌದ್ರವಿಂಶತ್ಯುಪೇತ- ಮಾರ್ದ್ರದ್ರಾಕ್ಷಾಬೀಜಪೂರಾದ್ರಕೈಶ್ಚ| ಯುಕ್ತಂ ಕಾಮಂ ಗಣ್ಡಿಕಾಭಿಸ್ತಥೇಕ್ಷೋಃ ಸರ್ಪಿಃಪಾತ್ರೇ ಮಾಸಮಾತ್ರೇಣ ಜಾತಮ್||೧೪೭|| ಚುಕ್ರಂ ಕ್ರಕಚಮಿವೇದಂ ದುರ್ದಾಮ್ನಾಂ ವಹ್ನಿದೀಪನಂ ಪರಮಮ್| ಪಾಣ್ಡುಗರೋದರಗುಲ್ಮಪ್ಲೀಹಾನಾಹಾಶ್ಮಕೃಚ್ಛ್ರಘ್ನಮ್||೧೪೮||

Adhikarana pIluPalashuktam (150) · Śloka 150

ದ್ರೋಣಂ ಪೀಲುರಸಸ್ಯ ವಸ್ತ್ರಗಲಿತಂ ನ್ಯಸ್ತಂ ಹವಿರ್ಭಾಜನೇ ಯುಞ್ಜೀತ ದ್ವಿಪಲೈರ್ಮದಾಮಧುಫಲಾಖರ್ಜೂರಧಾತ್ರೀಫಲೈಃ| ಪಾಠಾಮಾದ್ರಿದುರಾಲಭಾಮ್ಲವಿದುಲವ್ಯೋಷತ್ವಗೇಲೋಲ್ಲಕೈಃ ಸ್ಪೃಕ್ಕಾಕೋಲಲವಙ್ಗವೇಲ್ಲಚಪಲಾಮೂಲಾಗ್ನಿಕೈಃ ಪಾಲಿಕೈಃ| ಗುಡಪಲಶತರೋಜಿತಂ ನಿವಾತೇ ನಿಹಿತಮಿದಂ ಪ್ರಪಿಬಂಶ್ಚ ಪಕ್ಷಮಾತ್ರಾತ್| ನಿಶಮಯತಿ ಗುದಾಙ್ಕುರಾನ್ ಸುಗುಲ್ಮಾ- ನನಲಬಲಂ ಪ್ರಬಲಂ ಕರೋತಿ ಚಾಶು||೧೫೦||

Adhikarana dashamUlAdiguDaH (151-152) · Śloka 152

ಕೈಕಶೋ ದಶಪಲೇ ದಶಮೂಲಕುಮ್ಭ ಪಾಠಾದ್ವಯಾರ್ಕೌಣವಲ್ಲಭಕಟ್ಫಲಘ್ನಾಮ್| ದಗ್ಧೇ ಸ್ರುತೇಽನು ಕಲಶೇನ ಜಲೇನ ಪಕ್ವೇ ಪಾದಾಸ್ಥತೇ ಗುಡತುಲಾಂ, ಪಲಪಞ್ಚಕಂ ಚ||೧೫೧|| ವಹ್ನರ್ಮುಷ್ಟೀ ದ್ವೇ ಯವಕ್ಷಾರತಶ್ಚ| ದರ್ವೀಮಾಲಿಮ್ಪನ್ ಹನ್ತಿ ಲೀಢೋ ಗುಡೋಽಯಂ ಗುಲ್ಮಪ್ಲೀಹಾರ್ಶಃಕುಷ್ಠಮೇಹಾಗ್ನಿಸಾದಾನ್||೧೫೨||

Adhikarana citrakAvalehaH (153-154) · Śloka 154

ತೋಯದ್ರೋಣೇ ಚಿತ್ರಕಮೂಲತುಲಾರ್ಧಂ ಸಾಧ್ಯಂ ಯಾವತ್ಪಾದದಲಸ್ಥಮಥೇದಮ್| ಅಷ್ಟೌ ದತ್ವಾ ಜೀರ್ಣಗುಡಸ್ಯ ಪಲಾನಿ ಕ್ವಾಥ್ಯಂ ಭುಯಃ ಸಾನ್ದ್ರತಯಾ ಸಮಮೇತತ್||೧೫೩|| ತ್ರಿಕಟುಕಮಿಸಿಪಥ್ಯಾಕುಷ್ಟಮುಸ್ತಾವರಾಙ್ಗ ಕೃಮಿರಿಪುದಹನೈಲಾಚೂರ್ಣಕೀರ್ಣೋಽವಲೇಹಃ| ಜಯತಿ ಗುದಜಕುಷ್ಠಪ್ಲೀಹಗುಲ್ಮೋದರಾಣಿ ಪ್ರಬಲಯತಿ ಹುತಾಶಂ ಶಶ್ವದಭ್ಯಸ್ಯಮಾನಃ||೧೫೪||

Adhikarana guDAdiguTikA (155) · Śloka 155

ಗುಡವ್ಯೋಷವರಾವೇಲ್ಲತಿಲಾರುಷ್ಕರಚಿತ್ರಕೈಃ| ಅರ್ಶಾಂಸಿ ಹನ್ತಿ ಗುಲಿಕಾ ತ್ವಗ್ವಿಕಾರಂ ಚ ಶೀಲಿತಾ||೧೫೫||

Adhikarana sUraNapuTapAkaH (156) · Śloka 156

ಮೃಲ್ಲಿಪ್ತಂ ಸೌರಣಂ ಕನ್ದಂ ಪಕ್ತ್ವಾಽಗ್ನೌ ಪುಟಪಾಕವತ್| ಅದ್ಯಾಟ್ಸತೈಲಲವಣಂ ದ್ರುನಾಮವಿನಿವೃತ್ತಯೇ||೧೫೬||

Adhikarana anyA sUraNaguTikA (157-158) · Śloka 158

ಮರಿಚಪಿಪ್ಪಲಿನಾಗರಚಿತ್ರಕಾನ್ ಕ್ರಮವಿವರ್ಧಿತಭಾಗಸಮಾಹೃತಾನ್| ಶಿಖಿಚತುರ್ಗುಣಸೂತಣಯೋಜಿತಾನ್ ಕುರು ಗುಡೇನ ಗುಡಾನ್ ಗುದಜಚ್ಛಿದಃ||೧೫೭|| ಚೂರ್ಣಿಕೃತಾಃ ಷೋಡಶ ಸೂರಣಸ್ಯ ಭಾಗಾಸ್ತತೋಽರ್ಧೇನ ಚ ಚಿತ್ರಕಸ್ಯ| ಮಹೌಷಧಾದ್ದ್ವೌ ಮರಿಚಸ್ಯ ಚೈಕೋ ಗುಡೇನ ದುರ್ನಾಮಜಯಾಯ ಪಿಣ್ಡೀ||೧೫೮||

Adhikarana vaDavAmukhaScUrNaH (159) · Śloka 159

ಪಥ್ಯಾನಾಗರಕೃಷ್ಣಾಕರಞ್ಜವೇಲ್ಲಾಗ್ನಿಭಿಃ ಸಿತಾತುಲ್ಯೈಃ| ವಡವಾಮುಖ ಇವ ಜರಯತಿ ಬಹುಗುರ್ವಪಿ ಭೋಜನಂ ಚೂರ್ಣಃ||೧೫೯||

Adhikarana kali~ggAdivaTikA (160) · Śloka 160

ಕಲಿಙ್ಗಲಾಙ್ಗಲೀಕೃಷ್ಣಾವಹ್ನ್ಯಪಾಮಾರ್ಗತಣ್ಡುಲೈಃ| ಭೂನಿಮ್ಬಸೈನ್ಧವಗುಡೈರ್ಗುಡಾ ಗುದಜನಾಶನಾಃ||೧೬೦||

Adhikarana saindhavAdicUrNam (161) · Śloka 161

ಲವಣೋತ್ತಮವಹ್ನಿಕಲಿಙ್ಗಯವಾಂ- ಶ್ಚಿರಿಬಿಲ್ವಮಹಾಪಿಚುಮನ್ದಯುತಾನ್| ಪಿಬಿ ಸಪ್ತದಿನಂ ಮಥಿತಾಲುಡಿತಾನ್ ಯದಿ ಮರ್ದಿತುಮಿಚ್ಛಾಸ ಪಾಯುರುಹಾಮ್||೧೬೧||

Adhikarana shuShkArshaH su shreShThamauShadham ArdrArshaHsu shreShmauShadham sarvArshaHsu shreShmauShadham (162) · Śloka 162

ಶುಷ್ಕೇಷು ಭಲ್ಲಾತಕಮಗ್ನ್ಯಮುಕ್ತಂ ಭೈಷಜ್ಯಮಾರ್ದ್ರೇಷು ತು ವತ್ಸಕತ್ವಕ್| ಸರ್ವೇಷು ಸರ್ವರ್ತುಷು ಕಾಲಶೇಯ- ಮರ್ಶಃಸು ಬಲ್ಯಂ ಚ ಮಲಾಪಹಂ ಚ||೧೬೨||

Adhikarana arshaHsu sevyAsevyam (163) · Śloka 163

ಭಿತ್ತ್ವಾ ವಿಬನ್ಧಾನನುಲೋಮನಾಯ ಯನ್ಮಾರುತಸ್ಯಾಗ್ನಿಬಲಾಯ ಯಚ್ಚ| ತದನ್ನಪಾನೌಶಧಮರ್ಶಸೇನ ಸೇವ್ಯಂ, ವಿವರ್ಜ್ಯಂ ವಿಪರೀತಮಸ್ಮಾತ್||೧೬೩||

Adhikarana arshAdau visheSheNAgnirakShaNam (8) · Śloka 8

ಅರ್ಶೋತಿಸಾರಗ್ರಹಣೀವಿಕಾರಾಃ ಪ್ರಾಯೇಣ ಚಾನ್ಯೋನ್ಯನಿದಾನಭೂತಾಃ| ಸನ್ನೇಽನಲೇ ಸನ್ತಿ, ನ ಸನ್ತಿ ದೀಪ್ತೇ, ರಕ್ಷೇದತಸ್ತೇಷು ವಿಶೇಷತೋಽಗ್ನಿಮ್||೧೬೪|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾ ಯಾಮಷ್ಟಾಙ್ಗಹೃದಯಸಂಹಿತಾಯಾಂ ಚತುರ್ಥೇ ಚಿಕಿತ್ಸಿತ- ಸ್ಥಾನೇಽರ್ಶಶ್ಚಿಕಿತ್ಸಿತಂ ನಾಮಾ ಷ್ಟಮೋಽಧ್ಯಾಯಃ||೮||