9. atīsāracikitsitādhyāyaḥ

Adhikarana atIsAracikitsitAdhyAyaH AmAtIsAre pUrvaM la~gghanam (2-1) · Śloka 1

ಅಥಾತೋಽತೀಸಾರಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ|೨| ) ಅತೀಸಾರೋ ಹಿ ಭೂಯಿಷ್ಠಂ ಭವತ್ಯಾಮಾಶಯಾನ್ವಯಃ| ಹತ್ವಾಽಗ್ನಿಂ ವಾತಜೇಽಪ್ಯಸ್ಮಾತ್ಪ್ರಾಕ್ ತಸ್ಮಿಂಲ್ಲಙ್ಘನಂ ಹಿತಮ್||೧||

Adhikarana AmAtIsAre vamanam (2) · Śloka 2

ಶೂಲಾನಾಹಪ್ರಸೇಕಾರ್ತಂ ವಾಮಯೇದತಿಸಾರಿಣಮ್| |೨|

Adhikarana AmAtIsAre upekShaNam (2-3) · Śloka 3

| ದೋಷಾಃ ಸನ್ನಿಚಿತಾ ಯೇ ಚ ವಿದಗ್ಧಾಹಾರಮುರ್ಚ್ಛಿತಾಃ||೨|| ಅತೀಸಾರಾಯ ಕಲ್ಪನ್ತೇ ತೇಷೂಪೇಕ್ಷೈವ ಭೇಷಜಮ್| ಭೃಶೋತ್ಕ್ಲೇಶಪ್ರವೃತ್ತೇಷು ಸ್ವಯಮೇವ ಚಲಾತ್ಮಸು||೩||

Adhikarana AmAtIsAre pUrvaM na sa~ggrahaNam (4) · Śloka 4

ನ ತು ಸಙ್ಗ್ರಹಣಂ ಯೋಜ್ಯಂ ಪೂರ್ವಮಾಮಾತಿಸಾರಿಣಿ| |೪|

Adhikarana vibaddhadoShe prANadA (4-5) · Śloka 5

| ಅಪಿ ಚಾಧ್ಮಾನಗುರುತಾಶೂಲಸ್ತೈಮಿತ್ಯಕಾರಿಣಿ||೪|| ಪ್ರಾಣದಾ ಪ್ರಾಣದಾ ದೋಷೇ ವಿಬದ್ಧೇ ಸಮ್ಪ್ರವರ್ತಿನೀ| |೫|

Adhikarana madhyadoShe BUtIkAdi kvAthaH, bilvAdi kvAthaH, biDAdi kvAthaH, SuNThyAdi kvAthaH (5-7) · Śloka 7

ಮಧ್ಯದೋಷಾಲ್ಪದೋಷಯೋಸ್ತ್ವಾಹ | ಪಿಬೇತ್ಪ್ರಕ್ವಥಿತಾಸ್ತೋಯೇ ಮಧ್ಯದೋಷೋ ವಿಶೋಷಯನ್||೫|| ಭೂತೀಕಪಿಪ್ಪಲೀಶುಣ್ಠೀವಚಾಧಾನ್ಯಹರೀತಕೀಃ| ಅಥವಾ ಬಿಲ್ವಘನಕಾಮುಸ್ತನಾಗರವಾಲಕಮ್||೬|| ಬಿಡಪಾಠಾವಚಾಪಥ್ಯಾಕೃಮಿಜಿನ್ನಾಗರಾಣಿ ವಾ| ಶುಣ್ಠೀಘನವಚಾಮಾದ್ರೀಬಿಲ್ವವತ್ಸಕಹಿಙ್ಗು ವಾ||೭||

Adhikarana alpadoShe upavAsaH (8) · Śloka 8

ಶಸ್ಯತೇ ತ್ವಲಪದೋಷಾಣಾಮುಪವಾಸೋಽತಿಸಾರಿಣಾಮ್| |೮|

Adhikarana atIsAre pAnArthaM jalam (8-9) · Śloka 9

| ವಚಾಪ್ರತಿವಿಷಾಭ್ಯಾಂ ವಾ ಮುಸ್ತಾಪಪರ್ಟಕೇನ ವಾ||೮|| ಹ್ನೀಬೇರನಾಗರಾಭ್ಯಾಂ ವಾ ವಿಪಕ್ವಂ ಪಾಯಯೇಜ್ಜಲಮ್| |೯|

Adhikarana atIsAre annam (9-10) · Śloka 10

| ಯುಕ್ತೇಽನ್ನಕಾಲೇ ಕ್ಷುತ್ಕ್ಷಾಮಂ ಲಘ್ವನ್ನಪ್ರತಿ ಭೋಜಯೇತ್||೯|| ತಥಾ ಸ ಶೀಘ್ರಂ ಪ್ರಾಪ್ನೋತಿ ರುಚಿಮಗ್ನಿಬಲಂ ಬಲಮ್| |೧೦|

Adhikarana atIsAre takrAdikam (10-11) · Śloka 11

ಏವಂ ಚ ಭುಞ್ಜಾನಸ್ಯ ಪಾನಮುಪದಿಶ್ಯತೇ | ತಕ್ರೇಣಾವನ್ತಿಸೋಮೇನ ಯವಾಗ್ವಾ ತರ್ಪಣೇನ ವಾ||೧೦|| ಸುರಯಾ ಮಧುನಾ ವಾಽಥ ಯಥಾಸಾತ್ಮ್ಯಮುಪಾಚರೇತ್| |೧೧|

Adhikarana atIsAre Bojyam (11-13) · Śloka 13

| ಭೋಜ್ಯಾನಿ ಕಲ್ಪಯೇದೂರ್ಧ್ವಂ ಗ್ರಾಹಿದೀಪನಪಾಚನೈಃ||೧೧|| ಬಾಲಬಿಲ್ವಶಠೀಧಾನ್ಯಹಿಙ್ಗುವೃಕ್ಷಾಮ್ಲದಾಡಿಮೈಃ| ಪಲಾಶಹಪುಷಾಜಾಜೀಯವಾನೀಬಿಡಸೈನ್ಧವೈಃ||೧೨|| ಲಘುನಾ ಪಞ್ಚಮೂಲೇನ ಪಞ್ಚಕೋಲೇನ ಪಾಠಯಾ| |೧೩|

Adhikarana kaPapittAdhike peyA (13-14) · Śloka 14

| ಶಾಲಿಪರ್ಣೀಬಲಾಬಿಲ್ವೈಃ ಪೃಶ್ನಿಪರ್ಣ್ಯಾ ಚ ಸಾಧಿತಾ||೧೩|| ದಾಡಿಮಾಮ್ಲಾ ಹಿತಾ ಪೇಯಾ ಕಫಪಿತ್ತೇ ಸಮುಲ್ಬಣೇ| |೧೪|

Adhikarana vAtAdhike peyA (14) · Śloka 14

| ಅಭಯಾಪಿಪ್ಪಲೀಮೂಲಬಿಲ್ವೈರ್ವಾತಾನುಲೋಮನೀ||೧೪||

Adhikarana doShabahule virekaH (15-16) · Śloka 16

ವಿಬದ್ಧಂ ದೋಷಬಹುಲೋ ದೀಪ್ತಾಗ್ನಿರ್ಯೋಽತಿಸಾರ್ಯತೇ| ಕೃಷ್ಣಾವಿಡಙ್ಗತ್ರಿಫಲಾಕಷಾಯೈಸ್ತಂ ವಿರೇಚಯೇತ್||೧೫|| ಪೇಯಾಂ ಯುಞ್ಜಯಾದ್ವಿರಿಕ್ತಸ್ಯ ವಾತಘ್ನೈರ್ದೀಪನೈಃ ಕೃತಾಮ್| |೧೬|

Adhikarana doShabahule peyA (16-22) · Śloka 22

| ಆಮೇ ಪರಿಣತೇ ಯಸ್ತು ದೀಪ್ತೇಽಗ್ನಾವುಪವೇಶ್ಯತೇ||೧೬|| ಸಫೇನಪಿಚ್ಛಂ ಸರುಜಂ ಸವಿಬನ್ಧಂ ಪುನಃ ಪುನಃ| ಅಲ್ಪಾಲ್ಪಮಲ್ಪಶಮಲಂ ನಿರ್ವಿಡ್ವಾ ಸಪ್ರವಾಹಿಕಮ್||೧೭|| ದಧಿತೈಲಘೃತಕ್ಷೀರೈಃ ಸ ಶುಣ್ಠೀಂ ಸಗುಡಾಂ ಪಿಬೇತ್| ಸ್ವಿನ್ನಾನಿ ಗುಡತೈಲೇನ ಭಕ್ಷಯೇದ್ಬದರಾಣಿ ವಾ||೧೮|| ಗಾಢವಿಡ್ವಿಹಿತೈಃ ಶಾಕೈರ್ಬಹುಸ್ನೇಹೈಸ್ತಥಾ ರಸೈಃ| ಕ್ಷುಧಿತಂ ಭೋಜಯೇದೇನಂ ದಧಿದಾಡಿಮಸಾಧಿತೈಃ||೧೯|| ಶಾಲ್ಯೋದನಂ ತಿಲೈರ್ಮಾಷೈರ್ಮುದ್ಗೈರ್ವಾ ಸಾಧು ಸಾಧಿತಮ್| ಶಠ್ಯಾ ಮೂಲಕಪೋತಾಯಾಃ ಪಾಠಾಯಾಃ ಸ್ವಸ್ತಿಕಸ್ಯ ವಾ||೨೦|| ಸೂಷಾಯವಾನೀಕರ್ಕಾರುಕ್ಷೀರಿಣೀಚಿರ್ಭಟಸ್ಯ ವಾ| ಉಪೋದಕಾಯಾ ಜೀವನ್ತ್ಯಾ ಬಾಕುಚ್ಯಾ ವಾಸ್ತುಕಸ್ಯ ವಾ||೨೧|| ಸುವರ್ಚಲಾಯಾಶ್ಚುಞ್ಚೋರ್ವಾ ಲೋಣೀಕಾಯಾ ರಸೈರಪಿ| ಕೂರ್ಮವರ್ತಕಲೋಪಾಕಶಿಖಿತಿತ್ತಿರಿಕೌಕ್ಕುಟೈಃ||೨೨||

Adhikarana pakvadoShe sapravAhike auShadham, annam, yavAgUH (23-24) · Śloka 24

ಬಿಲ್ವಮುಸ್ತಾಕ್ಷಿಭೈಷಜ್ಯಧಾಕೀಪುಷ್ಪನಾಗರೈಃ| ಪಕ್ವಾತೀಸಾರಜಿತ್ತಕ್ರೇ ಯವಾಗೂರ್ದಾಧಿಕೀ ತಥಾ||೨೩|| ಕಪಿತ್ಥಕಚ್ಛುರಾಫಞ್ಜೀಯೂಥಿಕಾವಟಶೋಲುಜೈಃ| ದಾಡಿಮೀಶಣಕಾರ್ಪಾಸೀಶಾಲ್ಮಲೀನಾಂ ಚ ಪಲ್ಲವೈಃ||೨೪||

Adhikarana pakvadoShe sapravAhike khalaH (25) · Śloka 25

ಕಲ್ಕೋ ಬಿಲ್ವಶಲಾಟೂನಾಂ ತಿಲಕಲ್ಕಶ್ಚ ತತ್ಸಮಃ| ದಧ್ನಃ ಸರೋಽಮ್ಲಃ ಸಸ್ನೇಹಃ ಖಲೋ ಹನ್ತಿ ಪ್ರವಾಹಿಕಾಮ್||೨೫||

Adhikarana pakvadoShe sapravAhike aparAjitaH khalaH (26-28) · Śloka 28

ಮರಿಚಂ ಧನಿಕಾಽಜಾಜೀ ತಿತ್ತಿಡೀಕಂ ಶಠೀ ಬಿಡಮ್| ದಾಡಿಮಂ ಧಾತಕೀ ಪಾಠಾ ತ್ರಿಫಲಾ ಪಞ್ಚಕೋಲಕಮ್||೨೬|| ಯಾವಶೂಕಂ ಕಪಿತ್ಥಾಮ್ರಜಮ್ಬೂಮಧ್ಯಂ ಸದೀಪ್ಯಕಮ್| ಪಿಷ್ಟೈಃ ಷಙ್ಗುಣಬಿಲ್ವೈಸ್ತೈರ್ದಧ್ನಿ ಮುದ್ಗರಸೇ ಗುಡೇ||೨೭|| ಸ್ನೇಹೇ ಚ ಯಮಕೇ ಸಿದ್ಧಃ ಖಲೋಽಯಮಪರಾಜಿತಃ| ದೀಪನಃ ಪಾಚನೋ ಗ್ರಾಹೀ ರುಚ್ಯೋ ಬಿಮ್ಬಿಶಿನಾಶನಃ||೨೮||

Adhikarana purIShakShaye yUShAH, annam, khalaH, vya~jjanam, saktavaH, mAShAH, mAMsarasaH (29-35) · Śloka 35

ಕೋಲಾನಾಂ ಬಾಲಬಿಲ್ವಾನಾಂ ಕಲ್ಕೈಃ ಶಾಲಿಯವಸ್ಯ ಚ| ಮುದ್ಗಮಾಷತಿಲಾನಾಂ ಚ ಧಾನ್ಯಯೂಷಂ ಪ್ರಕಲ್ಪಯೇತ್||೨೯|| ಏಕಧ್ಯಂ ಯಮಕೇ ಭೃಷ್ಟಂ ದಧಿದಾಡಿಮಸಾರಿಕಮ್| ವರ್ಚಃಕ್ಷಯೇ ಶುಷ್ಕಮುಖಂ ಶಾಲ್ಯನ್ನಂ ತೇನ ಭೋಜಯೇತ್||೩೦|| ದಧ್ನಃ ಸರಂ ವಾ ಯಮಕೇ ಭೃಷ್ಟಂ ಸಗುಡನಾಗರಮ್| ಸುರಾಂ ವಾ ಯಮಕೇ ಭೃಷ್ಟಾಂ ವ್ಯಞ್ಜನಾರ್ಥಂ ಪ್ರಯೋಜಯೇತ್||೩೧|| ಫಲಾಮ್ಲಂ ಯಮಕೇ ಭೃಷ್ಟಂ ಯೂಷಂ ಗೃಞ್ಜನಕಸ್ಯ ವಾ| ಭೃಷ್ಟಾನ್ವಾ ಯಮಕೇ ಸಕ್ತುನ್ ಸ್ವಾದೇಹ್ಯೋಷಾವಚೂರ್ಣಿತಾನ್||೩೨|| ಮಾಷಾನ್ ಸುಸಿದ್ಧಾಂಸ್ತದ್ವದ್ವಾ ಋತಮಣ್ಡೋಪಸೇವನಾನ್| ರಸಂ ಸುಸಿದ್ಧಪೂತಂ ವಾ ಛಾಗಮೇಷಾನ್ತರಾಧಿಜಮ್||೩೩|| ಪಚೇದ್ದಾಡಿಮಸಾರಾಮ್ಲಂ ಸಧಾನ್ಯಸ್ನೇಹನಾಗರಮ್| ರಕ್ತಶಾಲ್ಯೋದನಂ ತೇನ ಭುಞ್ಜಾನಃ ಪ್ರಪಿಬಂಶ್ಚ ತಮ್||೩೪|| ವರ್ಚಃಕ್ಷಯಕೃತೈರಾಶು ವಿಕಾರೈಃ ಪರಿಮುಚ್ಯತೇ| |೩೫|

Adhikarana vAte pratihate bAlabilvAdilehaH (35-36) · Śloka 36

| ಬಾಲಬಿಲ್ವಂ ಗುಡಂ ತೈಲಂ ಪಿಪ್ಪಲೀಂ ವಿಶ್ವಭೇಷಜಮ್||೩೫|| ಲಿಹ್ಯಾದ್ವಾತೇ ಪ್ರತಿಹತೇ ಸಶೂಲಃ ಸಪ್ರವಾಹಿಕಃ| |೩೬|

Adhikarana vAte shAbaratvagAdi (36-37) · Śloka 37

| ವಲ್ಕಲಂ ಶಾಬರಂ ಪುಷ್ಪಂ ಧಾತಕ್ಯಾಬದರೀದಲಮ್||೩೬|| ಪಿಬೇದ್ದಧಿಸರಕ್ಷೌದ್ರಕಪಿತ್ಥಸ್ವರಸಾಪ್ಲುತಮ್| |೩೭|

Adhikarana vibaddhavAtAdau kShIrasauhityam, dhAroShNaM kShIram, eraNDashRutaM kShIram, bAlabilvaSRutaM kShIram (37-39) · Śloka 39

| ವಿಬದ್ಧವಾತವರ್ಚಾಸ್ತು ಬಹುಶೂಲಪ್ರವಾಹಿಕಃ||೩೭|| ಸರಕ್ತಪಿಚ್ಛಸ್ತೃಷ್ಣಾರ್ತಃ ಕ್ಷೀರಸೌಹಿತ್ಯಮರ್ಹತಿ| ಯಮಕಸ್ಯೋಪರಿ ಕ್ಷೀರಂ ಧಾರೋಷ್ಣಂ ವಾ ಪ್ರಯೋಜಯೇತ್||೩೮|| ಶೃತಮೇರಣ್ಡಮೂಲೇನ ಬಾಲಬಿಲ್ವೇನ ವಾ ಪುನಃ| |೩೯|

Adhikarana Ame savedane mustA kShIram (39-40) · Śloka 40

| ಪಯಸ್ಯುತ್ಕ್ವಾಥ್ಯ ಮುಸ್ತಾನಾಂ ವಿಂಶತಿಂ ತ್ರಿಗುಣೇಽಮ್ಭಸಿ||೩೯|| ಕ್ಷೀರಾವಶಿಷ್ಟಂ ತತ್ಪೀತಂ ಹನ್ಯಾದಾಮಂ ಸವೇದನಮ್| |೪೦|

Adhikarana cirakAlapravAhikAyAM pippalIcUrNaM marIcacUrNaM ca (40-41) · Śloka 41

| ಪಿಪ್ಪಲ್ಯಾಃ ಪಿಬತಃ ಸೂಕ್ಷ್ಮಂ ರಜೋ ಮರಿಚಜನ್ಮ ವಾ||೪೦|| ಚಿರಕಾಲಾನುಷಕ್ತಾಽಪಿ ನಶ್ಯತ್ಯಾಶು ಪ್ರವಾಹಿಕಾ| |೪೧|

Adhikarana nirAmashUlAdau sakShAraM ghRutam (41-42) · Śloka 42

| ನಿರಾಮರೂಪಂ ಶೂಲಾರ್ತಂ ಲಙ್ಘನಾದ್ಯೈಶ್ಚ ಕರ್ಷಿತಮ್||೪೧|| ರೂಕ್ಷಕೋಷ್ಠಮಪೇಕ್ಷ್ಯಾಗ್ನಿಂ ಸಕ್ಷಾರಂ ಪಾಯಯೇದ್ ಘೃತಮ್| |೪೨|

Adhikarana nirAmashUlAdau dadhyAditailam (42-43) · Śloka 43

| ಸಿದ್ಧಂ ದಧಿಸುರಾಮಣ್ಡೇ ದಶಮೂಲಸ್ಯ ಚಾಮ್ಭಸಿ||೪೨|| ಸಿನ್ಧೂತ್ಥಪಞ್ಚಕೋಲಾಭ್ಯಾಂ ತೈಲಂ ಸದ್ಯೋರ್ತಿನಾಶನಮ್| |೪೩|

Adhikarana nirAmashUlAdau shuNThyAditailam (43-44) · Śloka 44

| ಷಡ್ಭಿಃ ಶುಣ್ಠ್ಯಾಃ ಪಲೈರ್ದ್ವಾಭ್ಯಾಂ ದ್ವಾಭ್ಯಾಂ ಗ್ರನ್ಥ್ಯಗ್ನಿಸೈನ್ಧವಾತ್||೪೩|| ತೈಲಪ್ರಸ್ಥಂ ಪಚೇದ್ದಧ್ನಾ ನಿಃಸಾರಕರುಜಾಪಹಮ್| |೪೪|

Adhikarana nirAmashUlAdau mAMsadugdhAjyam (44-45) · Śloka 45

| ಏಕತೋ ಮಾಂಸದುಗ್ಧಾಜ್ಯಂ ಪುರೀಷಗ್ರಹಶೂಲಜಿತ್||೪೪|| ಪಾನಾನುವಾಸನಾಭ್ಯಙ್ಗಪ್ರಯುಕ್ತಂ ತೈಲಮೇಕತಃ| ತದ್ಧಿ ವಾತಜಿತಾಮಗ್ರ್ಯಂ ಶೂಲಂ ಚ ವಿಗುಣೋಽನಿಲಃ||೪೫||

Adhikarana nirAmashUlAdau pAnAdiprayuktaM tailaM shreShTham, shreShThatve kAraNam (46-47) · Śloka 47

ವಾಯೋರ್ವೈಗುಣ್ಯೇ ಕೋಪೇ ಧಾತುಕ್ಷಯ ಏವಾತ್ರ ಹೇತುಃ| ಅತ ಏವಾಹ ಧಾತ್ವನ್ತರೋಪಮರ್ದೇದ್ಧಶ್ಚಲೋ ವ್ಯಾಪೀ ಸ್ವಧಾಮಗಃ| ತೈಲಂ ಮನ್ದಾನಲಸ್ಯಾಪಿ ಯುಕ್ತ್ಯಾ ಶರ್ಮಕರಂ ಪರಮ್||೪೬|| ವಾಯ್ವಾಶಯೇ ಸತೈಲೇ ಹಿ ಬಿಮ್ಬಿಸೀ ನಾವತಿಷ್ಠತೇ| |೪೭|

Adhikarana shreShThatve kAraNantarAni (47) · Śloka 47

ಕ್ಷೀಣೇ ಮಲೇ ಸ್ವಾಯತನಚ್ಯುತೇಷು ದೋಷಾನ್ತರೇಷ್ವೀರಣ ಏಕವೀರೇ| ಕೋ ನಿಷ್ಟನನ್ಪ್ರಾಣಿತಿ ಕೋಷ್ಠಶೂಲೀ ನಾನ್ತರ್ಬಹಿಸ್ತೈಲಪರೋ ಯದಿ ಸ್ಯಾತ್||೪೭||

Adhikarana gudashUlaBraMshayorGRutam (48-49) · Śloka 49

| ಗುದರುಗ್ಭ್ರಂಶಯೋರ್ಯುಞ್ಜ್ಯಾತ್ಸಕ್ಷೀರಂ ಸಾಧಿತಂ ಹವಿಃ||೪೮|| ರಸೇ ಕೋಲಾಮ್ಲಚಾಙ್ಗೇರ್ಯೋರ್ದಧ್ನಿ ಪಿಷ್ಟೇ ಚ ನಾಗರೇ| |೪೯|

Adhikarana gudashUlaBraMshayoranyadghRutam (49-50) · Śloka 50

ತೈರೇವ ಚಾಮ್ಲೈಃ ಸಂಯೋಜ್ಯ ಸಿದ್ಧಂ ಸುಶ್ಲಕ್ಷ್ಣಕಲ್ಕಿತೈಃ||೪೯|| ಧಾನ್ಯೋಷಣಬಿಡಾಜಾಜೀಪಞ್ಚಕೋಲಕದಾಡಿಮೈಃ| |೫೦|

Adhikarana gudashUlaBraMshayorsnehabastiH (50-51) · Śloka 51

| ಯೋಜಯೇತ್ಸ್ನೇಹಬಸ್ತಿಂ ವಾ ದಶಮೂಲೇನ ಸಾಧಿತಮ್||೫೦|| ಶಠೀಶತಾಹ್ವಾಕುಷ್ಠೈರ್ವಾ ವಚಯಾ ಚಿತ್ರಕೇಣ ವಾ| |೫೧|

Adhikarana pravAhaNAdau anuvAsanam (51-52) · Śloka 52

| ಪ್ರವಾಹಣೇ ಗುದಭ್ರಂಶೇ ಮೂತ್ರಾಘಾತೇ ಕಟಿಗ್ರಹೇ||೫೧|| ಮಧುರಾಮ್ಲೈಃ ಶೃತಂ ತೈಲಂ ಘೃತಂ ವಾಽಪ್ಯನುವಾಸನಮ್| |೫೨|

Adhikarana gudaBraMSe~antaHpraveSaH goH PaNAbandhaH (52-53) · Śloka 53

| ಪ್ರವೇಶಯೇಹ್ಗುದಂ ಧ್ವಸ್ತಮಭ್ಯಕ್ತಂ ಸ್ವೇದಿತಂ ಮೃದು||೫೨|| ಕುರ್ಯಾಚ್ಚ ಗೋಃಫಣಾಬನ್ಧಂ ಮಧ್ಯಚ್ಛಿದ್ರೇಣ ಚರ್ಮಣಾ| |೫೩|

Adhikarana gudaBraMSe pa~jcamUlAditailam (53-54) · Śloka 54

| ಪಞ್ಚಮೂಲಸ್ಯ ಮಹತಃ ಕ್ವಾಥಂ ಕ್ಷೀರೇ ವಿಪಾಚಯೇತ್||೫೩|| ಉನ್ದುರಂ ಚಾನ್ತ್ರರಹಿತಂ ತೇನ ವಾತಘ್ನಕಲ್ಕವತ್| ತೈಲಂ ಪಚೇದ್ಗುದಭ್ರಂಶಂ ಪಾನಾಭ್ಯಙ್ಗೇನ ತಜ್ಜಯೇತ್||೫೪||

Adhikarana pittAtisAre sAme la~gghanam (55) · Śloka 55

ಪೈತ್ತೇ ತು ಸಾಮೇ ತೀಕ್ಷ್ಣೋಷ್ಣವರ್ಜ್ಯಂ ಪ್ರಾಗಿವ ಲಙ್ಘನಮ್| |೫೫|

Adhikarana pittAtisAre sAme pAnIyam, annam (55-56) · Śloka 56

| ತೃಡ್ವಾನ್ ಪಿಬೇತ್ ಷಡಙ್ಗಾಮ್ಬು ಸಭೂನಿಮ್ಬಂ ಸಸಾರಿವಮ್||೫೫|| ಪೇಯಾದಿ ಕ್ಷುಧಿತಸ್ಯಾನ್ನಮಗ್ನಿಸನ್ಧುಕ್ಷಣಂ ಹಿತಮ್| ಬೃಹತ್ಯಾದಿಗಣಾಭೀರುದ್ವಿಬಲಾಶೂರ್ಪಪರ್ಣಿಭಿಃ||೫೬||

Adhikarana pittAtisAre sAme kuTajAdicUrNam, pAThAdicUrNam, ativiShAbilvAdikvAthaH, ativiShAmUrvAdikvAthaH, ativiShAshuNThyAdikvAthaH (57-59) · Śloka 59

ಪಾಯಯೇದನುಬನ್ಧೇ ತು ಸಕ್ಷೌದ್ರಂ ತಣ್ಡುಲಾಮ್ಭಸಾ| ಕಟುಜಸ್ಯ ಫಲಂ ಪಿಷ್ಟಂ ಸವಲ್ಕಂ ಸಘುಣಪ್ರಿಯಮ್||೫೭|| ಪಾಠಾವತ್ಸಕಬೀಜತ್ವಗ್ದಾರ್ವೀಗ್ರನ್ಥಿಕಶುಣ್ಠಿ ವಾ| ಕ್ವಾಥಂ ವಾಽತಿವಿಷಾಬಿಲ್ವವತ್ಸಕೋದೀಚ್ಯಮುಸ್ತಜಮ್||೫೮|| ಅಥವಾಽತಿವಿಷಾಮೂರ್ವಾನಿಶೇನ್ದ್ರಯವತಾರ್ಕ್ಷ್ಯಜಮ್| ಸಮಧ್ವತಿವಿಷಾಶುಣ್ಠೀಮುಸ್ತೇನ್ದ್ರಯವಕಟ್ಫಲಮ್||೫೯||

Adhikarana pittAtisAre sAme vatsakabIjakvAthaH, mustAkvAthaH, shAlmalIvRuntakvAthaH (60-61) · Śloka 61

ಪಲಂ ವತ್ಸಕಬೀಜಸ್ಯ ಶ್ರಪಯಿತ್ವಾ ರಸಂ ಪಿಬೇತ್| ಯೋ ರಸಾಶೀ ಜಯೇಚ್ಛೀಘ್ರಂ ಸ ಪೈತ್ತಂ ಜಠರಾಮಯಮ್||೬೦|| ಮುಸ್ತಾಕಷಾಯಮೇವಂ ವಾ ಪಿಬೇನ್ಮಧುಸಮಾಯುತಮ್| ಸಕ್ಷೌದ್ರಂ ಶಾಲ್ಮಲೀವೃನ್ತಕಷಾಯಂ ವಾ ಹಿಮಾಹ್ವಯಮ್||೬೧||

Adhikarana pittAtisAre sAme kirAtatiktakAdicUrNam, kaTa~gkaTeryAdi cUrNam, tilAdicUrNam, nAgarAdicUrNam (62-64) · Śloka 64

ಕಿರಾತತಿಕ್ತಕಂ ಮುಸ್ತಂ ವತ್ಸಕಂ ಸರಸಾಞ್ಜನಮ್| ಕಟಙ್ಕಟೇರೀ ಹ್ರೀಬೇರಂ ಬಿಲ್ವಮಧ್ಯಂ ದುರಾಲಭಾ||೬೨|| ತಿಲಾ ಮೋಚರಸಂ ರೋಧ್ನಂ ಸಮಙ್ಗಾ ಕಮಲೋತ್ಪಲಮ್| ನಾಗರಂ ಧಾತಕೀಪುಷ್ಪಂ ದಾಡಿಮಸ್ಯ ತ್ವಗುತ್ಪಲಮ್||೬೩|| ಅರ್ಧಶ್ಲೋಕೈಃ ಸ್ಮೃತಾ ಯೋಗಾಃ ಸಕ್ಷೌದ್ರಾಸ್ತಣ್ಡುಲಾಮ್ಬುನಾ| |೬೪|

Adhikarana pittAtisAre pakve nishAdikvAthaH (64) · Śloka 64

| ನಿಶೇನ್ದ್ರಯವರೋಧ್ನೈಲಾಕ್ವಾಥಃ ಪಕ್ವಾತಿಸಾರಜಿತ್||೬೪||

Adhikarana pittAtisAre pakve rodhrAdigaNakvAthaH, ambaShThAdigaNakvAthaH, priya~ggvAdigaNakvAthaH (65) · Śloka 65

ರೋಧ್ರಾಮ್ಬಷ್ಠಾಪ್ರಿಯಙ್ಗ್ವಾದಿಗಣಾಂಸ್ತದ್ವತ್ ಪೃಥಕ್ ಪಿಬೇತ್| |೬೫|

Adhikarana pittAtisAre pakve peyAvilepI khalAH (65-66) · Śloka 66

| ಕಟ್ವಙ್ಗವಲ್ಕಯಷ್ಟ್ಯಾಹ್ವಫಲಿನೀದಾಡಿಮಙ್ಕುರೈಃ||೬೫|| ಪೇಯಾವಿಲೇಪೀಖಲಕಾನ್ ಕುರ್ಯಾತ್ಸದಧಿದಾಡಿಮಾನ್| ತದ್ವದ್ದಧಿತ್ಥಬಿಲ್ವಾಮ್ರಜಮ್ಬುಮಧ್ಯೈಃ ಪ್ರಕಲ್ಪಯೇತ್||೬೬||

Adhikarana pittAtisAre pakve ajApayaH, virecanam (67) · Śloka 67

ಅಜಾಪಯಃ ಪ್ರಯೋಕ್ತವ್ಯಂ ನಿರಾಮೇ, ತೇನ ಚೇಚ್ಛಮಃ| ದೋಷಾಧಿಕ್ಯಾನ್ನ ಜಾಯೇತ ಬಲಿನಂ ತಂ ವಿರೇಚಯೇತ್||೬೭||

Adhikarana pittAtisAre pakve virekArtham palAshaPalakvAthaH (68-69) · Śloka 69

ವ್ಯತ್ಯಾಸೇನ ಶಕೃದ್ರಕ್ತಮುಪವೇಶ್ಯೇತ ಯೋಽಪಿ ವಾ| ಪಲಾಶಫಲನಿರ್ಯೂಹಂ ಯುಕ್ತಂ ವಾ ಪಯಸಾ ಪಿಬೇತ್||೬೮|| ತತೋಽನು ಕೋಷ್ಣಂ ಪಾತವ್ಯಂ ಕ್ಷೀರಮೇವ ಯಥಾಬಲಮ್| ಪ್ರವಾಹಿತೇ ತೇನ ಮಲೇ ಪ್ರಶಾಮ್ಯತ್ಯುದರಮಯಃ||೬೯||

Adhikarana pittAtisAre pakve trAyamANAkvAthaH (70) · Śloka 70

ಪಲಾಶವತ್ಪ್ರಯೋಜ್ಯಾ ವಾ ತ್ರಾಯಮಾಣಾ ವಿಶೋಧನೀ| |೭೦|

Adhikarana pittAtisAre pakve anuvAsanam (70-71) · Śloka 71

| ಸಂಸರ್ಗ್ಯಾಂ ಕ್ರಿಯಮಾಣಾಯಾಂ ಶೂಲಂ ಯದ್ಯನುವರ್ತತೇ||೭೦|| ಸ್ರುತದೋಷಸ್ಯ ತಂ ಶೀಘ್ರಂ ಯಥಾವಹ್ನ್ಯನುವಾಸಯೇತ್| |೭೧|

Adhikarana pittAtisAre pakve anuvAsanaghRutam (71-72) · Śloka 72

| ಶತಪುಷ್ಪಾವರೀಭ್ಯಾಂ ಚ ಬಿಲ್ವೇನ ಮಧುಕೇನ ಚ||೭೧|| ತೈಲಪಾದಂ ಪಯೋಯುಕ್ತಂ ಪಕ್ವಮನ್ವಾಸನಂ ಘೃತಮ್| |೭೨|

Adhikarana pittAtisAre pakve picCAbastiH (72) · Śloka 72

| ಅಶಾನ್ತಾವಿತ್ಯತೀಸಾರೇ ಪಿಚ್ಛಾಬಸ್ತಿಃ ಪರಂ ಹಿತಃ||೭೨||

Adhikarana pittAtisAre pakve picCAbastyarthaM dravyaM vidhistatPalaM ca (73-76) · Śloka 76

ಪರಿವೇಷ್ಟ್ಯ ಕುಶೈರಾದ್ರೈರಾರ್ದ್ರವೃನ್ತಾನಿ ಶಾಲ್ಮಲೇಃ| ಕೃಷ್ಣಮೃತ್ತಿಕಯಾಽಽಲಿಪ್ಯ ಸ್ವೇದಯೇದ್ಗೋಮಯಾಗ್ನಿನಾ||೭೩|| ಮೃಚ್ಛೋಷೇ ತಾನಿ ಸಙ್ಕ್ಷುದ್ಯ ತತ್ಪಿಣ್ಡಂ ಮುಷ್ಟಿಸಮ್ಮಿತಮ್| ಮರ್ದಯೇತ್ಪಯಸಃ ಪ್ರಸ್ಥೇ ಪೂತೇನಾಸ್ಥಾಪಯೇತ್ತತಃ||೭೪|| ನತಯಷ್ಟ್ಯಾಹ್ವಕಲ್ಕಾಜ್ಯಕ್ಷೌದ್ರತೈಲವತಾಽನು ಚ| ಸ್ನಾತೋ ಭುಞ್ಜೀತ ಪಯಸಾ ಜಾಙ್ಗಲೇನ ರಸೇನ ವಾ||೭೫|| ಪಿತ್ತಾತಿಸಾರಜ್ವರಶೋಫಗುಲ್ಮ ಸಮೀರಣಾಸ್ರಗ್ರಹಣೀವಿಕಾರಾನ್| ಜಯತ್ಯಯಂ ಶೀಘ್ರಮತಿಪ್ರವೃತ್ತಿಂ ವಿರೇಚನಾಸ್ಥಾಪನಯೋಶ್ಚ ಬಸ್ತಿಃ||೭೬||

Adhikarana pittAtisAre pakve kuTajaPANitam (77) · Śloka 77

ಫಾಣಿತಂ ಕುಟಜೋತ್ಥಂ ಚ ಸರ್ವಾತೀಸಾರನಾಶನಮ್| ವತ್ಸಕಾದಿಸಮಾಯುಕ್ತಂ ಸಾಮ್ಬಷ್ಠಾದಿ ಸಮಾಕ್ಷಿಕಮ್||೭೭||

Adhikarana pittAtisAre cirotthitAdau puTapAkAH (78) · Śloka 78

ನೀರುಙ್ನಿರಾಮಂ ದೀಪ್ತಾಗ್ನೇರಪಿ ಸಾಸ್ರಂ ಚಿರೋತ್ಥಿತಮ್| ನಾನಾವರ್ಣಮತೀಸಾರಂ ಪುಟಪಾಕೈರುಪಾಚರೇತ್||೭೮||

Adhikarana pittAtisAre dIrghavRuntapuTapAkaH (79-80) · Śloka 80

ತ್ವಕ್ಪಿಣ್ಡಾದ್ದೀರ್ಘವೃನ್ತಸ್ಯ ಶ್ರೀಪರ್ಣೀಪತ್ರಸಂವೃತಾತ್| ಮೃಲ್ಲಿಪ್ತಾದಗ್ನಿನಾ ಸ್ವಿನ್ನಾದ್ರಸಂ ನಿಷ್ಪೀಡಿತಂ ಹಿಮಮ್||೭೯|| ಅತೀಸಾರೀ ಪಿಬೇದ್ಯುಕ್ತಂ ಮಧುನಾ ಸಿತಯಾಽಥವಾ| |೮೦|

Adhikarana pittAtisAre kShIridrumapuTapAkAH, kaTva~ggayogaH (80-81) · Śloka 81

| ಏವಂ ಕ್ಷೀರಿದ್ರುಮತ್ವಗ್ಭಿಸ್ತತ್ಪ್ರರೋಹೈಶ್ಚ ಕಲ್ಪಯೇತ್||೮೦|| ಕಟ್ವಙ್ಗತ್ವಗ್ಘೃತಯುತಾ ಸ್ವೇದಿತಾ ಸಲಿಲೋಷ್ಮಣಾ| ಸಕ್ಷೌದ್ರಾ ಹನ್ತ್ಯತೀಸಾರಂ ಬಲವನ್ತಮಪಿ ದ್ರುತಮ್||೮೧||

Adhikarana raktAtisare nidAnalakShaNe, padmotpalAdishRutaM CAgapayaH, pAne Bojane gudasecane ca (82-84) · Śloka 84

ಪಿತ್ತಾತಿಸಾರೀ ಸೇವೇತ ಪಿತ್ತಲಾನ್ಯೇವ ಯಃ ಪುನಃ| ರಕ್ತಾತಿಸಾರಂ ಕುರುತೇ ತಸ್ಯ ಪಿತ್ತಂ ಸತೃಡ್ಜ್ವರಮ್||೮೨|| ದಾರುಣಂ ಗುದಪಾಕಂ ಚ ತತ್ರ ಛಾಗಂ ಪಯೋ ಹಿತಮ್| ಪದ್ಮೋತ್ಪಲಸಮಙ್ಗಾಭಿಃ ಶೃತಂ ಮೋಚರಸೇನ ಚ||೮೩|| ಸಾರಿವಾಯಷ್ಟಿರೋಧ್ರೈರ್ವಾ ಪ್ರಸವೈರ್ವಾ ವಟಾದಿಜೈಃ| ಸಕ್ಷೌದ್ರಶರ್ಕರಂ ಪಾನೇ ಭೋಜನೇ ಗುದಸೇಚನೇ||೮೪||

Adhikarana raktAtisAre pAnAdau rasayUShAdayo~anamlAH, kAshmaryaPalayUShaH (85) · Śloka 85

ತದ್ವದ್ರಸಾದಯೋಽನಮ್ಲಾಃ ಸಾಜ್ಯಾಃ ಪಾನಾನ್ನಯೋರ್ಹಿತಾಃ| ಕಾಶ್ಮರ್ಯಫಲಯೂಷಶ್ಚ ಕಿಞ್ಚಿದಮ್ಲಃ ಸಶರ್ಕರಃ||೮೫||

Adhikarana raktAtisAre peyA, navanItaM prAgBaktam (86-87) · Śloka 87

ಪಯಸ್ಯರ್ಧೋದಕೇ ಛಾಗೇ ಹ್ರೀಬೇರೋತ್ಪಲನಾಗರೈಃ| ಪೇಯಾ ರಕ್ತಾತಿಸಾರಘ್ನೀ ಪೃಶ್ನಿಪರ್ಣೀರಸಾನ್ವಿತಾ||೮೬|| ಪ್ರಾಗ್ಭಕ್ತಂ ನವನೀತಂ ವಾ ಲಿಹ್ಯಾನ್ಮಧುಸಿತಾಯುತಮ್| |೮೭|

Adhikarana raktAtisAre AjaM mArgaM vA raktam, kShIrodbhavaM ghRutam (87-88) · Śloka 88

| ಬಲಿನ್ಯಸ್ರೇಽಸ್ರಮೇವಾಜಂ ಮಾರ್ಗಂ ವಾ ಘೃತಭರ್ಜಿತಮ್||೮೭|| ಕ್ಷೀರಾನುಪಾನಂ ಕ್ಷೀರಾಶೀ ತ್ರ್ಯಹಂ ಕ್ಷೀರೋದ್ಭವಂ ಘೃತಮ್| ಕಪಿಞ್ಜಲರಸಾಶೀ ವಾ ಲಿಹನ್ನಾರೋಗ್ಯಮಶ್ರುತೇ||೮೮||

Adhikarana raktAtisAre shatAvarIkalkaH (89) · Śloka 89

ಪೀತ್ವಾ ಶತಾವರೀಕಲ್ಕಂ ಕ್ಷೀರೇಣ ಕ್ಷೀರಭೋಜನಃ| ರಕ್ತಾತಿಸಾರಂ ಹನ್ತ್ಯಾಶು ತಯಾ ವಾ ಸಾಧಿತಂ ಘೃತಮ್||೮೯||

Adhikarana raktAtisAre lAkShAdisiddhaM ghRutam (90-91) · Śloka 91

ಲಾಕ್ಷಾನಾಗರವೈದೇಹೀಕಟುಕಾದಾರ್ವಿವಲ್ಕಲೈಃ| ಸರ್ಪಿಃ ಸೇನ್ದ್ರಯವೈಃ ಸಿದ್ಧಂ ಪೇಯಾಮಣ್ಡಾವಚಾರಿತಮ್||೯೦|| ಅತೀಸಾರಂ ಜಯೇಚ್ಛೀಘ್ರಂ ತ್ರಿದೋಷಮಪಿ ದಾರುಣಮ್| |೯೧|

Adhikarana raktAtisAre kRuShNamRudAdikam, priya~ggukalkaH (91-92) · Śloka 92

| ಕೃಷ್ಣಮೃಚ್ಛಙ್ಖಯಷ್ಟ್ಯಾಹ್ವಕ್ಷೌದ್ರಾಸೃಕ್ತಣ್ಡುಲೋದಕಮ್||೯೧|| ಜಯತ್ಯಸ್ರಂ ಪ್ರಿಯಙ್ಗುಶ್ಚ ತಣ್ಡುಲಾಮ್ಬುಮಧುಪ್ಲುತಾ| |೯೨|

Adhikarana raktAtisAre kRuShNatilakalkaH (92-93) · Śloka 93

| ಕಲ್ಕಸ್ತಿಲಾನಾಂ ಕೃಷ್ಣಾನಾಂ ಶರ್ಕರಾಪಾಞ್ಚಭಾಗಿಕಃ||೯೨|| ಓಜೇನ ಪಯಸಾ ಪೀತಃ ಸದ್ಯೋ ರಕ್ತಂ ನಿಯಚ್ಛತಿ| |೯೩|

Adhikarana raktAtisAre candanakalkaH (93-94) · Śloka 94

| ಪೀತ್ವಾ ಸಶರ್ಕರಾಕ್ಷೌದ್ರಂ ಚನ್ದನಂ ತಣ್ಡುಲಾಮ್ಬುನಾ||೯೩|| ದಾಹತೃಷ್ಣಾಪ್ರಮೋಹೇಭ್ಯೋ ರಕ್ತಸ್ರಾವಾಚ್ಚ ಮುಚ್ಯತೇ| |೯೪|

Adhikarana raktAtisAre gudadAhapAkayoH seka lepAH (94) · Śloka 94

| ಗುದಸ್ಯ ದಾಹೇ ಪಾಕೇ ವಾ ಸೇಕಲೇಪಾ ಹಿತಾ ಹಿಮಾಃ||೯೪||

Adhikarana raktAtisAre sashUlaraktAdau picCAbastiH (95-96) · Śloka 96

ಅಲ್ಪಾಲ್ಪಂ ಬಹುಶೋ ರಕ್ತಂ ಸಶೂಲಮುಪವೇಶ್ಯತೇ| ಯದಾ ವಿಬದ್ಧೋ ವಾಯುಶ್ಚ ಕೃಚ್ಛ್ರಾಚ್ಚರತಿ ವಾ ನ ವಾ||೯೫|| ಪಿಚ್ಛಾಬಸ್ತಿಂ ತದಾ ತಸ್ಯ ಪೂರ್ವೋಕ್ತಮುಪಕಲ್ಪಯೇತ್| |೯೬|

Adhikarana raktAtisAre shiMshipAdikvAthasya picCAbastiH (96-98) · Śloka 98

| ಪಲ್ಲವಾನ್ ಜರ್ಜರೀಕೃತ್ಯ ಶಿಂಶಿಪಾಕೋವಿದಾರಯೋಃ||೯೬|| ಪಚೇದ್ಯವಾಂಶ್ಚ ಸ ಕ್ವಾಥೋ ಘೃತಕ್ಷೀರಸಮನ್ವಿತಃ| ಪಿಚ್ಛಾಸ್ರುತೌ ಗುದಭ್ರಂಶೇ ಪ್ರವಾಹಣರುಜಾಸು ಚ||೯೭|| ಪಿಚ್ಛಾಬಸ್ತಿಃ ಪ್ರಯೋಕ್ತವ್ಯಃ ಕ್ಷತಕ್ಷೀಣಬಲಾವಹಃ| |೯೮|

Adhikarana raktAtisAre anuvAsanArthaM ghRutam (98) · Śloka 98

| ಪ್ರಪೌಣ್ಡರೀಕಸಿದ್ಧೇನ ಸರ್ಪಿಷಾ ಚಾನುವಾಸನಮ್||೯೮||

Adhikarana raktAtisAre shatAvarIghRutalehaH (99) · Śloka 99

ರಕ್ತಂ ವಿಟ್ಸಹಿತಂ ಪೂರ್ವಂ ಪಶ್ಚಾದ್ವಾ ಯೋಽತಿಸಾರ್ಯತೇ| ಶತಾವರೀಘೃತಂ ತಸ್ಯ ಲೇಹಾರ್ಥಮುಪಕಲ್ಪಯೇತ್||೯೯||

Adhikarana raktAtisAre navanItasharkarAmadhuyogaH (100) · Śloka 100

ಶರ್ಕರಾರ್ಧಾಂಶಕಂ ಲೀಢಂ ನವನೀತಂ ನವೋದ್ಧೃತಮ್| ಕ್ಷೌದ್ರಪಾದಂ ಜಯೇಚ್ಛೀಘ್ರಂ ತಂ ವಿಕಾರಂ ಹಿತಾಶಿನಃ||೧೦೦||

Adhikarana raktAtisAre nyagrodhAdighRutam (101-102) · Śloka 102

ನ್ಯಗ್ರೋಧೋದುಮ್ಬರಾಶ್ವತ್ಥಶುಙ್ಗಾನಾಪೋಥ್ಯ ವಾಸಯೇತ್| ಅಹೋರಾತ್ರಂ ಜಲೇ ತಪ್ತೇ ಘೃತಂ ತೇನಾಮ್ಭಸಾ ಪಚೇತ್||೧೦೧|| ತದರ್ಧಶರ್ಕರಾಯುಕ್ತಂ ಲೇಹಯೇತ್ಕ್ಷೌದ್ರಪಾದಿಕಮ್| ಅಧೋ ವಾ ಯದಿ ವಾಽಯೂರ್ಧ್ವಂ ಯಸ್ಯ ರಕ್ತಂ ಪ್ರವರ್ತತೇ||೧೦೨||

Adhikarana shleShmAtisAre vAtoktaM pAcanam, bilvAdikvAthaH, vacAdikvAthaH, pippalImUlAdikvAthaH (103-105) · Śloka 105

ಶ್ಲೇಷ್ಮಾತಿಸಾರೇ ವಾತೋಕ್ತಂ ವಿಶೇಷಾದಾಮಪಾಚನಮ್| ಕರ್ತವ್ಯಮನುಬನ್ಧೇಽಸ್ಯ ಪಿಬೇತ್ಪಕ್ತ್ವಾಽಗ್ನಿದೀಪನಮ್||೧೦೩|| ಬಿಲ್ವಕರ್ಕಟಿಕಾಮುಸ್ತಪ್ರಾಣದಾವಿಶ್ವಭೇಷಜಮ್| ವಚಾವಿಡಙ್ಗಭೂತೀಕಧಾನಕಾಮರದಾರು ವಾ||೧೦೪|| ಅಥವಾ ಪಿಪ್ಪಲೀಮೂಲಪಿಪ್ಪಲೀದ್ವಯಚಿತ್ರಕಮ್| |೧೦೫|

Adhikarana shleShmAtisAre pAThAdikvAthaScUrNaM vA (105-106) · Śloka 106

| ಪಾಠಾಗ್ನಿವತ್ಸಕಗ್ರನ್ಥಿತಿಕ್ತಾಶುಣ್ಠೀವಚಾಭಯಾಃ||೧೦೫|| ಕ್ವಥಿತಾ ಯದಿ ವಾ ಪಿಷ್ಟಾಃ ಶ್ಲೇಷ್ಮಾತೀಸಾರಭೇಷಜಮ್| |೧೦೬|

Adhikarana shleShmAtisAre sauvarcalAdi cUrNam (106-107) · Śloka 107

| ಸೌವರ್ಚಲವಚಾವ್ಯೋಷಹಿಙ್ಗುಪ್ರತಿವಿಷಾಭಯಾಃ||೧೦೬|| ಪಿಬೇಚ್ಛ್ಲೇಷ್ಮಾತಿಸಾರಾರ್ತಶ್ಚೂರ್ಣಿತಾಃ ಕೋಷ್ಣವಾರಿಣಾ| |೧೦೭|

Adhikarana shleShmAtisAre kapitthAdilehaH, kaTPalalehaH (107-108) · Śloka 108

| ಮಧ್ಯಂ ಲೀಢ್ವಾ ಕಪಿತ್ಥಸ್ಯ ಸವ್ಯೋಷಕ್ಷೌದ್ರಶರ್ಕರಮ್||೧೦೭|| ಕಟ್ಫಲಂ ಮಧುಯುಕ್ತಂ ವಾ ಮುಚ್ಯತೇ ಜಠರಾಮಯಾತ್| |೧೦೮|

Adhikarana shleShmAtisAre kaNAlehaH, takrapAnam, bAlabilvAni (108-109) · Śloka 109

| ಕಣಾಂ ಮಧುಯುತಾಂ ಲೀಢ್ವಾ ತಕ್ರಂ ಪೀತ್ವಾ ಸಚಿತ್ರಕಮ್||೧೦೮|| ಭುಕ್ತ್ವಾ ವಾ ಬಾಲಬಿಲ್ವಾನಿ ವ್ಯಪೋಹತ್ಯುದರಾಮಯಮ್| |೧೦೯|

Adhikarana shleShmAtisAre pAThAdicUrNam (109-110) · Śloka 110

| ಪಾಠಾಮೋಚರಸಾಮ್ಭೋದಧಾತಕೀಬಿಲ್ವನಾಗರಮ್||೧೦೯|| ಸುಕೃಚ್ಛ್ರಮಪ್ಯತೀಸಾರಂ ಗುಡತಕ್ರೇಣ ನಾಶಯೇತ್| |೧೧೦|

Adhikarana shleShmAtisAre kapitthAShTakam (110-113) · Śloka 113

| ಯವಾನೀಪಿಪ್ಪಲೀಮೂಲಚಾತುರ್ಜಾತಕನಾಗರೈಃ||೧೧೦|| ಮರೀಚಾಗ್ನಿಜಲಾಜಾಜೀಧಾನ್ಯಸೌವರ್ಚಲೈಃ *ಸಮೈಃ| *ವೃಷಾಮ್ಲಧಾತಕೀಕೃಷ್ಣಾಬಿಲ್ವದಾಡಿಮದೀಪ್ಯಕೈಃ||೧೧೧|| ತ್ರಿಗುಣೈಃ ಷಡ್ಗುಣಸಿತೈಃ *ಕಪಿತ್ಥಾಷ್ಟಗುಣೈಃ ಕೃತಃ| ಚೂರ್ಣೋಽತೀಸಾರಗ್ರಹಣೀಕ್ಷಯಗುಲ್ಮಗಲಾಮಯಾನ್||೧೧೨|| ಕಾಸಶ್ವಾಸಾಗ್ನಿಸಾದಾರ್ಶಃಪೀನಸಾರೋಚಕಾನ್ ಜಯೇತ್| |೧೧೩|

Adhikarana shleShmAtisAre dADimAShTakam (113-115) · Śloka 115

| ಕರ್ಷೋನ್ಮಿತಾ ತವಕ್ಷೀರೀ ಚಾತುರ್ಜಾತಂ ದ್ವಿಕಾರ್ಷಿಕಮ್||೧೧೩|| ಯವಾನೀಧಾನ್ಯಕಾಜಾಜೀಗ್ರನ್ಥಿವ್ಯೋಷಂ ಪಲಾಂಶಕಮ್| ಪಲಾನಿ ದಾಡಿಮಾದಷ್ಟೌ ಸಿತಾಯಾಶ್ಚೈಕತಃ ಕೃತಃ||೧೧೪|| ಗುಣೈಃ ಕಪಿತ್ಥಾಷ್ಟಕವಚ್ಚೂರ್ಣೋಽಯಂ ದಾಡಿಮಾಷ್ಟಕಃ| ಭೋಜ್ಯೋ ವಾತಾತಿಸಾರೋಕ್ತೈರ್ಯಥಾವಸ್ಥಂ ಖಲಾದಿಭಿಃ||೧೧೫||

Adhikarana shleShmAtisAre khalaH (116) · Śloka 116

ಸವಿಡಙ್ಗಃ ಸಮರಿಚಃ ಸಕಪಿತ್ಥಃ ಸನಾಗರಃ| ಚಾಙ್ಗೇರೀತಕ್ರಕೋಲಾಮ್ಲಃ ಖಲಃ ಶ್ಲೇಷ್ಮಾತಿಸಾರಜಿತ್||೧೧೬||

Adhikarana shleShmAtisAre kShINekaPe amlAdighRutam (117) · Śloka 117

ಕ್ಷೀಣೇ ಶ್ಲೇಷ್ಮಣಿ ಪೂರ್ವೋಕ್ತಮಮ್ಲಂ ಲಾಕ್ಷಾದಿ ಷಟ್ಪಲಮ್| ಪುರಾಣಂ ವಾ ಘೃತಂ ದದ್ಯಾದ್ಯವಾಗೂಮಣ್ಡಮಿಶ್ರಿತಮ್||೧೧೭||

Adhikarana kaPavAtAdhike picCAbastiH (118-119) · Śloka 119

ವಾತಶ್ಲೇಷ್ಮವಿಬನ್ಧೇ ವಾ ಸ್ರವತ್ಯತಿ ಕಫೇಽಪಿ ವಾ| ಶೂಲೇ ಪ್ರವಾಹಿಕಾಯಾಂ ವಾ ಪಿಚ್ಛಾಬಸ್ತಿಃ ಪ್ರಶಸ್ಯತೇ||೧೧೮|| ವಚಾಬಿಲ್ವಕಣಾಕುಷ್ಠಶತಾಹ್ವಲವಣಾನ್ವಿತಃ| |೧೧೯|

Adhikarana kaPavAtAdhike anuvAsanam (119-120) · Śloka 120

| ಬಿಲ್ವತೈಲೇನ ತೈಲೇನ ವಚಾದ್ಯೈಃ ಸಾಧಿತೇನ ವಾ||೧೧೯|| ಬಹುಶಃ ಕಫವಾತಾರ್ತೇ ಕೋಷ್ಣೇನಾನ್ವಾಸನಂ ಹಿತಮ್| |೧೨೦|

Adhikarana kShINakaPAdau vAyoH prabalatvam, prabalo vAyuH SIghraM cikitsyaH, tridoShANAM cikitsAkramaH (120-122) · Śloka 122

| ಕ್ಷೀಣೇ ಕಫೇ ಗುದೇ ದೀರ್ಘಕಾಲಾತೀಸಾರದುರ್ಬಲೇ||೧೨೦|| ಅನಿಲಃ ಪ್ರಬಲೋಽವಶ್ಯಂ ಸ್ವಸ್ಥಾನಸ್ಥಃ ಪ್ರಜಾಯತೇ| ಸ ಬಲೀ ಸಹಸಾ ಹನ್ಯಾತ್ತಸ್ಮಾತ್ತಂ ತ್ವರಯಾ ಜಯೇತ್||೧೨೧|| ವಾಯೋರನನ್ತರಂ ಪಿತ್ತಂ ಪಿತ್ತಸ್ಯಾನನ್ತರಂ ಕಫಮ್| ಜಯೇತ್ಪೂರ್ವಂ ತ್ರಯಾಣಾಂ ವಾ ಭವೇದ್ಯೋ ಬಲವತ್ತಮಃ||೧೨೨||

Adhikarana BayashokAtIsArayoScikitsA (123) · Śloka 123

ಭೀಶೋಕಾಭ್ಯಾಮಪಿ ಚಲಃ ಶೀಘ್ಱಂ ಕುಪ್ಯತ್ಯತಸ್ತಯೋಃ| ಕಾರ್ಯಾ ಕ್ರಿಯಾ ವಾತಹರಾ ಹರ್ಷಣಾಶ್ವಾಸನಾನಿ ಚ||೧೨೩||

Adhikarana atIsAramuktalakShaNam (9) · Śloka 9

ಯಸ್ಯೋಚ್ಚಾರಾದ್ವಿನಾ ಮೂತ್ರಂ ಪವನೋ ವಾ ಪ್ರವರ್ತತೇ| ದೀಪ್ತಾಗ್ನೇರ್ಲಘುಕೋಷ್ಠಸ್ಯ ಶಾನ್ತಸ್ತಸ್ಯೋದರಾಮಯಃ||೧೨೪|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾ ಯಾಮಷ್ಟಾಙ್ಗಹೃದಯಸಂಹಿತಾಯಾಂ ಚತುರ್ಥೇ ಚಿಕಿತ್ಸಿತ- ಸ್ಥಾನೇಽತೀಸಾರಚಿಕಿತ್ಸಿತಂ ನಾಮ್ ನವಮೋಽಧ್ಯಾಯಃ||೯||