11. mūtrāghātacikitsitādhyāyaḥ

Adhikarana mUtrAghAtacikitsitAdhyAyaH vAtaje mUtrakRucchre svedaH (2-1) · Śloka 1

ತೇನೇದಮಾಹ ಅಥಾತೋ ಮೂತ್ರಾಘಾತಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ|೨| ) ಕೃಚ್ಛ್ರೇ ವಾತಘ್ನತೈಲಾಕ್ತಮಧೋನಾಭೇಃ ಸಮೀರಜೇ| ಸುಸ್ನಿಗ್ಧೈಃ ಸ್ವೇದಯೇದಙ್ಗಂ ಪಿಣ್ಡಸೇಕಾವಗಾಹನೈಃ||೧||

Adhikarana vAtaje dashamUlAdisiddhAH snehAH (2-3) · Śloka 3

ದಶಮೂಲಬಲೈರಣ್ಡಯವಾಭೀರುಪುನರ್ನವೈಃ| ಕುಲತ್ಥಕೋಲಪತ್ತೂರವೃಶ್ಚೀವೋಪಲಭೇದಕೈಃ||೨|| ತೈಲಸರ್ಪಿರ್ವರಾಹರ್ಕ್ಷವಸಾಃ ಕ್ವಥಿತಕಲ್ಕಿತೈಃ| ಸಪಞ್ಚಲವಣಾಃ ಸಿದ್ಧಾಃ ಪೀತಾಃ ಶೂಲಹರಾಃ ಪರಮ್||೩||

Adhikarana vAtaje dashamUlAdInAM pAnAnnasvedeShvapyupayogaH (4) · Śloka 4

ದ್ರವ್ಯಾಣ್ಯೇತಾನಿ ಪಾನಾನ್ನೇ ತಥಾ ಪಿಣ್ಡೋಪನಾಹನೇ| ಸಹ ತೈಲಫಲೈರ್ಯುಞ್ಜ್ಯಾತ್ಸಾಮ್ಲಾನಿ ಸ್ನೇಹವನ್ತಿ ಚ||೪||

Adhikarana vAtaje madirA (5) · Śloka 5

ಸೌವರ್ಚಲಾಢ್ಯಾಂ ಮದಿರಾಂ ಪಿಬೇನ್ಮೂತ್ರರುಜಾಪಹಾಮ್| |೫|

Adhikarana pittaje mUtrakRucCre sekalepAdi (5) · Śloka 5

| ಪೈತ್ತೇ ಯುಞ್ಜೀತ ಶಿಶಿರಂ ಸೇಕಲೇಪಾವಗಾಹನಮ್||೫||

Adhikarana pittaje mUtrakRucCre shatAvaryAdikvAthaH (6) · Śloka 6

ಪಿಬೇದ್ವರೀಂ ಗೋಕ್ಷುರಕಂ ವಿದಾರೀಂ ಸಕಸೇರುಕಾಮ್| ತೃಣಾಖ್ಯಂ ಪಞ್ಚಮೂಲಂ ಚ ಪಾಕ್ಯಂ ಸಮಧುಶರ್ಕರಮ್||೬||

Adhikarana pittaje mUtrakRucCre vRuShakAdikalkaH (7) · Śloka 7

ವೃಷಕಂ ತ್ರಪುಸೈರ್ವಾರುಲಟ್ವಾಬೀಜಾನಿ ಕುಙ್ಕುಮಮ್| ದ್ರಾಕ್ಷಾಮ್ಭೋಭಿಃ ಪಿಬನ್ ಸರ್ವಾನ್ ಮೂತ್ರಾಘಾತಾನಪೋಹತಿ||೭||

Adhikarana pittaje mUtrakRucCre ervArubIjakalkaH, drAkShAkalkaH (8) · Śloka 8

ಏರ್ವಾರುಬೀಜಯಷ್ಟ್ಯಾಹ್ವದಾರ್ವೀರ್ವಾ ತಣ್ಡುಲಾಮ್ಬುನಾ| ತೋಯೇನ ಕಲ್ಕಂ ದ್ರಾಕ್ಷಾಯಾಃ ಪಿಬೇತ್ಪರ್ಯುಷಿತೇನ ವಾ||೮||

Adhikarana kaPaje mUtrakRucCre vamanasvedAdi (9) · Śloka 9

ಕಫಜೇ ವಮನಂ ಸ್ವೇದಂ ತೀಕ್ಷ್ಣೋಷ್ಣಕಟುಭೋಜನಮ್| ಯವಾನಾಂ ವಿಕೃತೀಃ ಕ್ಷಾರಂ ಕಾಲಶೇಯಂ ಚ ಶೀಲಯೇತ್||೯||

Adhikarana kaPaje mUtrakRucCre sUkShmailAyogaH, sArasAsthyAdiyogaH, kaNTakArIsvarasaH, kara~jjabIjacUrNam, dhavAdikvAthaH, dhavAdisiddhA peyA, pravAlacUrNam, pATalAkShAraH (10-13) · Śloka 13

ಪಿಬೇನ್ಮದ್ಯೇನ ಸೂಕ್ಷ್ಮೈಲಾಂ ಧಾತ್ರೀಫಲರಸೇನ ವಾ| *ಸಾರಸಾಸ್ಥಿಶ್ವದಂಷ್ಟ್ರೈಲಾವ್ಯೋಷಂ ವಾ ಮಧುಮೂತ್ರವತ್||೧೦|| ಸ್ವರಸಂ ಕಣ್ಟಕಾರ್ಯಾ ವಾ ಪಾಯಯೇನ್ಮಾಕ್ಷಿಕಾನ್ವಿತಮ್| ಶಿತಿವಾರಕಬೀಜಂ ವಾ ತಕ್ರೇಣ ಶ್ಲಕ್ಷ್ಣಚೂರ್ಣಿತಮ್||೧೧|| ಧವಸಪ್ತಾಹ್ವಕುಟಗುಡೂಚೀಚತುರಙ್ಗುಲಮ್| ಕೇಮ್ಬುಕೈಲಾಕರಞ್ಜಂ ಚ ಪಾಕ್ಯಂ ಸಮಧು ಸಾಧಿತಮ್||೧೨|| ತೈರ್ವಾ ಪೇಯಾಂ ಪ್ರವಾಲಂ ವಾ ಚೂರ್ಣಿತಂ ತಣ್ಡುಲಾಮ್ಬುನಾ| ಸತೈಲಂ ಪಾಟಲಾಕ್ಷಾರಂ ಸಪ್ತಕೃತ್ತ್ವೋಽಥವಾ ಸ್ರುತಮ್||೧೩||

Adhikarana kaPaje mUtrakRucCre kShArayuktA madirA, pATalyAdikShArAH (14-15) · Śloka 15

ಪಾಟಲೀಯಾವಶೂಕಾಭ್ಯಾಂ ಪಾರಿಭದ್ರಾತ್ತಿಲಾದಪಿ| ಕ್ಷಾರೋದಕೇನ ಮದಿರಾಂ ತ್ವಗೇಲೋಷಕಸಂಯುತಾಮ್||೧೪|| ಪಿಬೇದ್ಗುಡೋಪದಂಶಾನ್ವಾ ಲಿಹ್ಯಾದೇತಾನ್ *ಪೃಥಕ್ ಪೃಥಕ್| |೧೫|

Adhikarana tridoShajamUtrakRucCrAdau yathAvastham (15-16) · Śloka 16

| ಸನ್ನಿಪಾತಾತ್ಮಕೇ ಸರ್ವಂ ಯಥಾವಸ್ಥಮಿದಂ ಹಿತಮ್||೧೫|| ಅಶ್ಮನ್ಯಪ್ಯಚಿರೋತ್ಥಾನೇ ವಾರಬಸ್ತ್ಯಾದಿಕೇಷು ಚ| |೧೬|

Adhikarana ashmaryAH sAdhyatvAdi (16-17) · Śloka 17

| ಅಶ್ಮರೀ ದಾರುಣೋ ವ್ಯಾಧಿರನ್ತಕಪ್ರತಿಮೋ ಮತಃ||೧೬|| ತರುಣೋ ಭೇಷಜೈಃ ಸಾಧ್ಯಃ ಪ್ರವೃದ್ಧಶ್ಛೇದಮರ್ಹತಿ| |೧೭|

Adhikarana ashmaryAH pUrvarUpeShu snehAdikramaH (17) · Śloka 17

| ತಸ್ಯ ಪೂರ್ವೇಷು ರೂಪೇಷು ಸ್ನೇಹಾದಿಕ್ರಮ ಇಷ್ಯತೇ||೧೭||

Adhikarana vAtAshmaryA pAShANabhedAdi ghRutam (18-20) · Śloka 20

ಪಾಷಾಣಭೇದೋ ವಸುಕೋ ವಶಿರೋಽಶ್ಮನ್ತಕೋ ವರೀ| ಕಪೋತವಙ್ಕಾತಿಬಲಾಭಲ್ಲೂಕೋಶೀರಕಚ್ಛಕಮ್||೧೮|| ವೃಕ್ಷಾದನೀ ಶಾಕಫಲಂ ವ್ಯಾಘ್ರ್ಯೌ ಗುಣ್ಠಸ್ತ್ರಿಕಣ್ಟಕಃ| ಯವಾಃ ಕುಲಾತ್ಥಾಃ ಕೋಲಾನಿ ವರುಣಃ ಕತಕಾತ್ಫಲಮ್||೧೯|| ಊಷಕಾದಿಪ್ರತೀವಾಪಮೇಷಾಂ ಕ್ವಾಥೇ ಶೃತಂ ಘೃತಮ್| ಭಿನತ್ತಿ ವಾತಸಮ್ಭೂತಾಂ ತತ್ಪೀತಂ ಶೀಘ್ರಮಶ್ಮರೀಮ್||೨೦||

Adhikarana vAtAshmaryAM eraNDamUlAdikalkaH (21) · Śloka 21

ಗನ್ಧರ್ವಹಸ್ತಬೃಹತೀವ್ಯಾಘ್ರೀಗೋಕ್ಷುರಕೇಕ್ಷುರಾತ್| ಮೂಲಕಲ್ಕಂ ಪಿಬೇದ್ದಧ್ನಾ ಮಧುರೇಣಾಶ್ಮಭೇದನಮ್||೨೧||

Adhikarana pittAshmaryAM kushAdighRutam (22-24) · Śloka 24

ಕುಶಃ ಕಾಶಃ ಶರೋ ಗುಣ್ಠ ಇತ್ಕಟೋ ಮೋರಟೋಽಶ್ಮಭಿತ್| ದರ್ಭೋ ವಿದಾರೀ ವಾರಾಹೀ ಶಾಲಿಮೂಲಂ ತ್ರಿಕಣ್ಟಕಃ||೨೨|| ಭಲ್ಲೂಕಃ ಪಾಟಲೀ ಪಾಠಾ ಪತ್ತೂರಃ ಸಕುರಣ್ಟಕಃ| ಪುನರ್ನವೇ ಶಿರೀಷಶ್ಚ ತೇಷಾಂ ಕ್ವಾಥೇ ಪಚೇದ್ಧೃತಮ್||೨೩|| ಪಿಷ್ಟೇನ ತ್ರಪುಸಾದೀನಾಂ ಬೀಜೇನೇನ್ದೀವರೇಣ ಚ| ಮಧುಕೇನ ಶಿಲಾಜೇನ ತತ್ಪಿತ್ತಾಶ್ಮರಿಭೇದನಮ್||೨೪||

Adhikarana kaPAshmaryAM varUNAdighRutam (25-26) · Śloka 26

ವರುಣಾದಿಃ ಸಮೀರಘ್ನೌ ಗಣಾವೇಲಾಹರೇಣುಕಾ| ಗುಗ್ಗುಲುರ್ಮರಿಚಂ ಕುಷ್ಠಂ ಚಿತ್ರಕಃ ಸಸುರಾಹ್ವಯಃ||೨೫|| ತೈಃ ಕಲ್ಕಿತೈಃ ಕೃತಾವಾಪಮೂಷಕಾದಿಗಣೇನ ಚ| ಭಿನತ್ತಿ ಕಫಜಾಮಾಶು ಸಾಧಿತಂ ಘೃತಮಶ್ಮರೀಮ್||೨೬||

Adhikarana ashmaryAM kShArakShIrayavAgvAdayaH (27) · Śloka 27

ಕ್ಷಾರಕ್ಷೀರಯವಾಗ್ವಾದಿ ದ್ರವ್ಯೈಃ ಸ್ವೈಃ ಸ್ವೈಶ್ಚ ಕಲ್ಪಯೇತ್| |೨೭|

Adhikarana sharkarAyAM picukAdikvAthaH (27-28) · Śloka 28

| ಪಿಚುಕಾಙ್ಕೋಲ್ಲಕತಶಾಕೇನ್ದೀವರಜೈಃ ಫಲೈಃ||೨೭|| ಪೀತಮುಷ್ಣಾಮ್ಬು ಸಗುಡಂ ಶರ್ಕರಾಪಾತನಂ ಪರಮ್| |೨೮|

Adhikarana SarkarAyAM krau~jcAsthyAdicUrNam (28-29) · Śloka 29

| ಕ್ರೌಞ್ಚೋಷ್ಟ್ರರಾಸಭಾಸ್ಥೀನಿ ಶ್ವದಂಷ್ಟ್ರಾ ತಾಲಪತ್ರಿಕಾ||೨೮|| ಅಜಮೋದಾ ಕದಮ್ಬಸ್ಯ ಮೂಲಂ ವಿಶ್ವಸ್ಯ ಚೌಷಧಮ್| ಪೀತಾನಿ ಶರ್ಕರಾಂ ಭಿನ್ದ್ಯುಃ ಸುರಯೋಷ್ಣೋದಕೇನ ವಾ||೨೯||

Adhikarana ashmaryAM nRutyakuNDakacUrNam (30) · Śloka 30

ನೃತ್ಯಕುಣ್ಡಕಬೀಜಾನಾಂ ಚೂರ್ಣಂ ಮಾಕ್ಷಿಕಸಂಯುತಮ್| ಅವಿಕ್ಷೀರೇಣ ಸಪ್ತಾಹಂ ಪೀತಮಶ್ಮರಿಪಾತನಮ್||೩೦||

Adhikarana ashmaryAM shigrumUlakvAthaH (31) · Śloka 31

ಕ್ವಾಥಶ್ಚ ಶಿಗ್ರುಮೂಲೋತ್ಥಃ ಕದುಷ್ಣೋಽಶ್ಮರೀಪಾತನಃ| |೩೧|

Adhikarana ashmaryAM tilAdikShAraH (31-32) · Śloka 32

| ತಿಲಾಪಾಮಾರ್ಗಕದಲೀಪಲಾಶಯವಸಮ್ಭವಃ||೩೧|| ಕ್ಷಾರಃ ಪೇಯೋಽವಿಮೂತ್ರೇಣ ಶರ್ಕರಾಸ್ವಶ್ಮರೀಷು ಚ| |೩೨|

Adhikarana ashmarIvedanAyAM kapotava~gkA cUrNam, kapotava~gkasiddhaM kShIram, harItakyasthisiddhaM kShIram, punarnavAsiddhaM kShIram, mayUrashikhAmUlacUrNam (32-34) · Śloka 34

| ಕಪೋತವಙ್ಕಾಮೂಲಂ ವಾ ಪಿಬೇದೇಕಂ ಸುರಾದಿಭಿಃ||೩೨|| ತತ್ಸಿದ್ಧಂ ವಾ ಪಿಬೇತ್ಕ್ಷೀರಂ ವೇದನಾಭಿರುಪದ್ರುತಃ| ಹರೀತಕ್ಯಸ್ಥಿಸಿದ್ಧಂ ವಾ ಸಾಧಿತಂ ವಾ ಪುನರ್ನವೈಃ||೩೩|| ಕ್ಷೀರಾನ್ನಭುಗ್ಬರ್ಹಿಶಿಖಾಮೂಲಂ ವಾ ತಣ್ಡುಲಾಮ್ಬುನಾ| |೩೪|

Adhikarana mUtrAghAteShu kriyAviBAgaH (34) · Śloka 34

| ಮುತ್ರಾಘಾತೇಷು ವಿಭಜೇದತಃ ಶೇಷೇಷ್ವಪಿ ಕ್ರಿಯಾಮ್||೩೪||

Adhikarana mUtrAghAteShu bRuhatyAdigaNasya kvAthAdi (35) · Śloka 35

ಬೃಹತ್ಯಾದಿಗಣೇ ಸಿದ್ಧಂ ದ್ವಿಗುಣೀಕೃತಗೋಕ್ಷುರೇ| ತೋಯಂ ಪಯೋ ವಾ ಸರ್ಪಿರ್ವಾ ಸರ್ವಮೂತ್ರವಿಕಾರಜಿತ್||೩೫||

Adhikarana mUtrAghAteShu devadArvAdicUrNam (36) · Śloka 36

ದೇವದಾರುಂ ಘನಂ ಮೂರ್ವಾಂ ಯಷ್ಟೀಮಧು ಹರೀತಕೀಮ್| ಮೂತ್ರಘಾತೇಷು ಸರ್ವೇಷು ಸುರಾಕ್ಷೀರಜಲೈಃ ಪಿಬೇತ್||೩೬||

Adhikarana mUtrAghAteShu dhanvayAsasvarasaH, kakuBakvAthaH, triPalAkalkaH, yavAgUH vyAghryAdisiddhA, vIratarAdisiddhA, tAmracUDarasasiddhA, shilAjatu vIratarAdi BAvitam (37-39) · Śloka 39

ರಸಂ ವಾ ಧನ್ವಯಾಸಸ್ಯ ಕಷಾಯಂ ಕುಕುಭಸ್ಯ ವಾ| ಸುಖಾಮ್ಭಸಾ ವಾ ತ್ರಿಫಲಾಂ ಪಿಷ್ಟಾಂ ಸೈನ್ಧವಸಂಯುತಾಮ್||೩೭|| ವ್ಯಾಘ್ರೀಗೋಕ್ಷುರಕಕ್ವಾಥೇ ಯವಾಗೂಂ ವಾ ಸಫಾಣಿತಾಮ್| ಕ್ವಾಥೇ ವೀರತರಾದೇರ್ವಾ ತಾಮ್ರಚೂಡರಸೇಽಪಿ ವಾ||೩೮|| ಅದ್ಯಾದ್ವೀರತರಾದ್ಯೇನ ಭಾವಿತಂ ವಾ ಶಿಲಾಜತು| |೩೯|

Adhikarana ashmarIcyutau rathAdigamanam (39-40) · Śloka 40

| ಮದ್ಯಂ ವಾ ನಿಗದಂ ಪೀತ್ವಾ ರಥೇನಾಶ್ವೇನ ವಾ ವ್ರಜೇತ್||೩೯|| ಶೀಘ್ರವೇಗೇನ ಸಙ್ಕ್ಷೋಭಾತ್ತಥಾಽಸ್ಯ ಚ್ಯವತೇಽಶ್ಮರೀ| |೪೦|

Adhikarana mUtrAghAteShu vIratarAdiH, virecanArthaM tailvakaM sarpiH, bastikarma (40-41) · Śloka 41

| ಸರ್ವಥಾ ಚೋಪಯೋಕ್ತವ್ಯೋ ವರ್ಗೋ ವೀರತರಾದಿಕಃ||೪೦|| ರೇಕಾರ್ಥೇ ತೈಲ್ವಕಂ ಸರ್ಪಿರ್ಬಸ್ತಿಕರ್ಮ ಚ ಶೀಲಯೇತ್| ವಿಶೇಷಾದುತ್ತರಾನ್ ಬಸ್ತೀನ್|೪೧|

Adhikarana mUtrAghAteShu uttarabastirvisheShataH, shukrAshmaryAM pramadAsevanam (41-43) · Śloka 43

| ಶುಕ್ರಾಶ್ಮರ್ಯಾಂ ತು ಶೋಧಿತೇ||೪೧|| ತೈರ್ಮೂತ್ರಮಾರ್ಗೇ ಬಲವಾನ್ ಶುಕ್ರಾಶಯವಿಶುದ್ಧಯೇ| ಪುಮಾನ್ ಸುತೃಪ್ತೋ ವೃಷ್ಯಾಣಾಂ ಮಾಂಸಾನಾಂ ಕುಕ್ಕುಟಸ್ಯ ಚ||೪೨|| ಕಾಮಂ ಸಕಾಮಾಃ ಸೇವೇತ ಪ್ರಮದಾ ಮದದಾಯಿನೀಃ| |೪೩|

Adhikarana evamupashamABAve rAj~jaH prashrnapUrvakaM shastrAvacAraNam (43-44) · Śloka 44

| ಸಿದ್ಧೈರುಪಕ್ರಮೈರೇಭಿರ್ನ ಚೇಚ್ಛಾನ್ತಿಸ್ತದಾ ಭಿಷಕ್||೪೩|| ಇತಿ ರಾಜಾನಮಾಪೃಚ್ಛ್ಯ ಶಸ್ತ್ರಂ ಸಾಧ್ವವಚಾರಯೇತ್| |೪೪|

Adhikarana prashrnaprakAraH (44-45) · Śloka 45

ಕಿಮಾಪೃಚ್ಛ್ಯ ? ಇತ್ಯಾಹ | ಅಕ್ರಿಯಾಯಾಂ ಧ್ರುವೋ ಮೃತ್ಯುಃ ಕ್ರಿಯಾಯಾಂ ಸಂಶಯೋ ಭವೇತ್||೪೪|| ನಿಶ್ಚಿತಸ್ಯಾಪಿ ವೈದ್ಯಸ್ಯ ಬಹುಶಃ ಸಿದ್ಧಕರ್ಮಣಃ| |೪೫|

Adhikarana shastrakarmavidhiH (45-55) · Śloka 55

| ಅಥಾತುರಮುಪಸ್ನಿಗ್ಧಶುದ್ಧಮೀಷಚ್ಚ ಕರ್ಶಿತಮ್||೪೫|| ಅಭ್ಯಕ್ತಸ್ವಿನ್ನವಪುಷಮಭುಕ್ತಂ ಕೃತಮಙ್ಗಲಮ್| ಆಜಾನುಫಲಕಸ್ಥಸ್ಯ ನರಸ್ಯಾಙ್ಗ್ಕೇ ವ್ಯಾಪಾಶ್ರಿತಮ್||೪೬|| ಪೂರ್ವೇಣ ಕಾಯೇನೋತ್ತಾನಂ ನಿಷಣ್ಣಂ ವಸ್ತ್ರಚುಮ್ಭಲೇ| ತತೋಽಸ್ಯಾಕುಞ್ಚಿತೇ ಜಾನುಕೂರ್ಪರೇ ವಾಸಸಾ ದೃಢಮ್||೪೭|| ಸಹಾಶ್ರಯಮನುಷ್ಯೇಣ ಬದ್ಧಸ್ಯಾಶ್ವಾಸಿತಸ್ಯ ಚ| ನಾಭೇಃ ಸಮನ್ತಾದಭ್ಯಜ್ಯಾದಧಸ್ತಸ್ಯಾಶ್ಚ ವಾಮತಃ||೪೮|| ಮೃದಿತ್ವಾ ಮುಷ್ಟಿನಾಽಽಕ್ರಾಮೇದ್ಯಾವದಶ್ಮರ್ಯಧೋಗತಾ| ತೈಲಾಕ್ತೇ ವರ್ಧಿತನಖೇ ತರ್ಜನೀಮಧ್ಯಮೇ ತತಃ||೪೯|| ಅದಕ್ಷಿಣೇ ಗುದೇಽಙ್ಗುಲ್ಯೌ ಪ್ರಣಿಧಾಯಾನುಸೇವನಿ| ಆಸಾದ್ಯ ಬಲಯತ್ನಾಭ್ಯಾಮಶ್ಮರೀಂ ಗುದಮೇಢ್ರಯೋಃ||೫೦|| ಕೃತ್ವಾಽನ್ತರೇ ತಥಾ ಬಸ್ತಿಂ ನಿರ್ವಲೀಕಮನಾಯತಮ್| ಉತ್ಪೀಡಯೇದಙ್ಗುಲಿಭ್ಯಾಂ ಯಾವದ್ಗ್ರನ್ಥಿರಿವೋನ್ನತಮ್||೫೧|| ಶಲ್ಯಂ ಸ್ಯಾತ್ಸೇವನೀಂ ಮುಕ್ತ್ವಾ ಯವಮಾತ್ರೇಣ ಪಾಟಯೇತ್| ಅಶ್ಮಮಾನೇನ ನ ಯಥಾ ಭಿದ್ಯತೇ ಸಾ ತಥಾಽಽಹರೇತ್||೫೨|| ಸಮಗ್ರಂ ಸರ್ಪವಕ್ರೇಣ, ಸ್ತ್ರೀಣಾಂ ಬಸ್ತಿಸ್ತು ಪಾರ್ಶ್ವಗಃ| ಗರ್ಭಾಶಯಾಶ್ರಯಸ್ತಾಸಾಂ ಶಸ್ತ್ರಮುತ್ಸಙ್ಗವತ್ತತಃ||೫೩|| ನ್ಯಸೇದತೋಽನ್ಯಥಾ ಹ್ಯಾಸಾಂ ಮೂತ್ರಸ್ರಾವೀ ವ್ರಣೋ ಭವೇತ್| ಮೂತ್ರಪ್ರಸೇಕಕ್ಷಣನಾನ್ನರಸ್ಯಾಪ್ಯಪಿ ಚೈಕಧಾ||೫೪|| ಬಸ್ತಿಭೇದೋಽಶ್ಮರೀಹೇತುಃ ಸಿದ್ಧಿಂ ಯಾತಿ ನ ತು ದ್ವಿಧಾ| |೫೫|

Adhikarana vishalyasya vidhiH (55-56) · Śloka 56

| ವಿಶಲ್ಯಮುಷ್ಣಪಾನೀಯದ್ರೋಣ್ಯಾಂ ತಮವಗಾಹಯೇತ್||೫೫|| ತಥಾ ನ ಪೂರ್ಯತೇಽಸ್ತ್ರೇಣ ಬಸ್ತಿಃ, ಪೂರ್ಣೇ ತು ಪೀಡಯೇತ್| ಮೇಢ್ರಾನ್ತಃ ಕ್ಷೀರಿವೃಕ್ಷಾಮ್ಬು|೫೬|

Adhikarana mUtrasaMshuddhau guDasauhityam, yavAgUH, odanam, mAMsarasAH (56-58) · Śloka 58

| ಮೂತ್ರಸಂಶುದ್ಧಯೇ ತತಃ||೫೬|| ಕುರ್ಯಾಟ್ಗುಡಸ್ಯ ಸೌಹಿತ್ಯಂ ಮಧ್ವಾಜ್ಯಾಕ್ತವ್ರಣಃ ಪಿಬೇತ್| ದ್ವೌ ಕಾಲೌ ಸಘೃತಾಂ ಕೋಷ್ಣಾಂ ಯವಾಗೂಂ ಮೂತ್ರಶೋಧನೈಃ||೫೭|| ತ್ರ್ಯಹಂ, ದಶಾಹಂ ಪಯಸಾ ಗುಡಾಢ್ಯೇನಾಲ್ಪಮೋದನಮ್| ಭುಞ್ಜೀತೋರ್ಧ್ವಂ ಫಲಾಮ್ಲೈಶ್ಚ ರಸೈರ್ಜಾಙ್ಗಲಚಾರಿಣಾಮ್||೫೮||

Adhikarana ashmarIvraNe prakShAlanam, lepaH, tailam (59-60) · Śloka 60

ಕ್ಷೀರಿವೃಕ್ಷಕಷಾಯೇಣ ವ್ರಣಂ ಪ್ರಕ್ಷಾಲ್ಯ ಲೇಪಯೇತ್| ಪ್ರಪೌಣ್ಡರೀಕಮಞ್ಜಿಷ್ಠಾಯಷ್ಟ್ಯಾಹ್ವನಯನೌಷಧೈಃ||೫೯|| ವ್ರಣಾಭ್ಯಙ್ಗೇ ಪಚೇತ್ತೈಲಮೇಭಿರೇವ ನಿಶಾನ್ವಿತೈಃ| |೬೦|

Adhikarana ashmarI vraNe svedaH, agacCati mUtre dAhaH, gacCatimUtre bastayaH (60-62) · Śloka 62

| ದಶಾಹಂ ಸ್ವೇದಯೇಚ್ಚೈನಂ, ಸ್ವಮಾರ್ಗಂ ಸಪ್ತರಾತ್ರತಃ||೬೦|| ಮೂತ್ರೇ ತ್ವಗಚ್ಛತಿ ದಹೇದಶ್ಮರೀವ್ರಣಮಗ್ನಿನಾ| ಸ್ವಮಾರ್ಗಪ್ರತಿಪತ್ತೌ ತು ಸ್ವಾದುಪ್ರಾಯೈರುಪಾಚರೇತ್||೬೧|| ತಂ ಬಸ್ತಿಭಿಃ| |೬೨|

Adhikarana rUDhavraNe~api varShaparyantaM nagAdyArohaNaniShedhaH (62) · Śloka 62

ನ ಚಾರೋಹೇದ್ವರ್ಷಂ ರೂಢವ್ರಣೋಽಪಿ ಸಃ| ನಗನಾಗಾಶ್ವವೃಕ್ಷಸ್ತ್ರೀರಥಾನ್ನಾಪ್ಸು ಪ್ಲವೇತ ಚ||೬೨||

Adhikarana shastrakarmaNi varjyAni marmANi (11) · Śloka 11

ಮೂತ್ರಶುಕ್ರವಹೌ ಬಸ್ತಿವೃಷಣೌ ಸೇವನೀಂ ಗುದಮ್| ಮೂತ್ರಪ್ರಸೇಕಂ ಯೋನಿಂ ಚ ಶಸ್ತ್ರೇಣಾಷ್ಟೌ ವಿವರ್ಜಯೇತ್||೬೩|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಚತುರ್ಥೇ ಚಿಕಿತ್ಸಿತಸ್ಥಾನೇ ಮೂತ್ರಾಘಾತಚಿಕಿತ್ಸಿತಂ ನಾಮೈಕಾದಶೋಽಧ್ಯಾಯಃ||೧೧||