Adhikarana vidradhivRuddhigulmanidAnAdhyAyaH, vidradhernidAnam, vidradhiH ShaDvidhaH (2-3) · Śloka 3
অতস্তমেব বিদ্রধিং লক্ষযিতুমস্যাধ্যাযস্য প্রসঙ্গ ইত্যাহ - - - - অথাতো বিদ্রধিবৃদ্ধিগুল্মনিদানং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে)||২||
ভুক্তৈঃ পর্যুষিতাত্যুষ্ণরূক্ষশুষ্কবিদাহিভিঃ|
জিহ্মশয্যাবিচেষ্টাভিস্তৈস্তৈশ্চাসৃক্প্রদূষণৈঃ||১||
দুষ্টত্বঙ্মাংসমেদোস্থিস্নায্বসৃক্কণ্ডরাশ্রযঃ|
যঃ শোফো বহিরন্তর্বা মহামূলো মহারুজঃ||২||
ষোঢেত্যুক্তম্|
অথ তদেব ষোঢত্বং প্রতিপাদযিতুমাহ - - - - বৃত্তঃ স্যাদাযতো যো বা স্মৃতঃ ষোঢা স বিদ্রধিঃ|
দোষৈঃ পৃথক্সমুদিতৈঃ শোণিতেন ক্ষতেন চ||৩||
View original
अतस्तमेव विद्रधिं लक्षयितुमस्याध्यायस्य प्रसङ्ग इत्याह - - - - अथातो विद्रधिवृद्धिगुल्मनिदानं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे)||२||
भुक्तैः पर्युषितात्युष्णरूक्षशुष्कविदाहिभिः|
जिह्मशय्याविचेष्टाभिस्तैस्तैश्चासृक्प्रदूषणैः||१||
दुष्टत्वङ्मांसमेदोस्थिस्नाय्वसृक्कण्डराश्रयः|
यः शोफो बहिरन्तर्वा महामूलो महारुजः||२||
षोढेत्युक्तम्|
अथ तदेव षोढत्वं प्रतिपादयितुमाह - - - - वृत्तः स्यादायतो यो वा स्मृतः षोढा स विद्रधिः|
दोषैः पृथक्समुदितैः शोणितेन क्षतेन च||३||
Adhikarana sa punarbahirantarbhedena dvidhA, bAhyAntarayorlakShaNam (4-5) · Śloka 5
ষড্বিধস্যাপি শোফস্য বিদ্রধ্যাখ্যস্যান্তর্বহীরূপতযা দ্বিধাত্বমিত্যাহ - - - - বাহ্যোঽত্র তত্রতত্রাঙ্গে দারুণো গ্রথিতোন্নতঃ|
আন্তরো দারুণতরো গম্ভীরো গুল্মবদ্ধনঃ||৪||
বল্মীকবত্সমুচ্ছ্রাযী শীঘ্রঘাত্যগ্নিশস্ত্রবত্|
|৫|
View original
षड्विधस्यापि शोफस्य विद्रध्याख्यस्यान्तर्बहीरूपतया द्विधात्वमित्याह - - - - बाह्योऽत्र तत्रतत्राङ्गे दारुणो ग्रथितोन्नतः|
आन्तरो दारुणतरो गम्भीरो गुल्मवद्धनः||४||
वल्मीकवत्समुच्छ्रायी शीघ्रघात्यग्निशस्त्रवत्|
|५|
Adhikarana vidradheH sthAnAni (5-6) · Śloka 6
|
নাভিবস্তিযকৃত্প্লীহক্লোমহৃত্কুক্ষিবঙ্ক্ষণে||৫||
স্যাদ্বৃক্কযোরপানে চ|
|৬|
View original
|
नाभिबस्तियकृत्प्लीहक्लोमहृत्कुक्षिवङ्क्षणे||५||
स्याद्वृक्कयोरपाने च|
|६|
Adhikarana vAtajasya lakShaNam (6-7) · Śloka 7
বাতাত্তত্রাতিতীব্ররুক্|
শ্যাবারুণশ্চিরোত্থানপাকো বিষমসংস্থিতঃ||৬||
ব্যধচ্ছেদভ্রমানাহস্পন্দসর্পণশব্দবান্|
|৭|
View original
वातात्तत्रातितीव्ररुक्|
श्यावारुणश्चिरोत्थानपाको विषमसंस्थितः||६||
व्यधच्छेदभ्रमानाहस्पन्दसर्पणशब्दवान्|
|७|
Adhikarana pittajasya lakShaNam (7-8) · Śloka 8
|
রক্ততাম্রাসিতঃ পিত্তাত্তৃণ্মোহজ্বরদাহবান্||৭||
ক্ষিপ্রোত্থানপ্রপাকশ্চ|
|৮|
View original
|
रक्तताम्रासितः पित्तात्तृण्मोहज्वरदाहवान्||७||
क्षिप्रोत्थानप्रपाकश्च|
|८|
Adhikarana kaphajasya lakShaNam (8-9) · Śloka 9
পাণ্ডুঃ কণ্ডূযুতঃ কফাত্|
সোত্ক্লেশশীতকস্তম্ভজৃম্ভারোচকগৌরবঃ||৮||
চিরোত্থানবিপাকশ্চ|
|৯|
View original
पाण्डुः कण्डूयुतः कफात्|
सोत्क्लेशशीतकस्तम्भजृम्भारोचकगौरवः||८||
चिरोत्थानविपाकश्च|
|९|
Adhikarana sannipAtajasya lakShaNam (9) · Śloka 9
সঙ্কীর্ণঃ সন্নিপাততঃ|
|৯|
View original
सङ्कीर्णः सन्निपाततः|
|९|
Adhikarana raktajasya lakShaNam (9-10) · Śloka 10
|
সামর্থ্যাচ্চাত্র বিভজেদ্বাহ্যাভ্যন্তরলক্ষণম্||৯||
কৃষ্ণস্ফোটাবৃতঃ শ্যাবস্তীব্রদাহরুজাজ্বরঃ|
পিত্তলিঙ্গোঽসৃজা বাহ্যঃ স্ত্রীণামেব তথাঽঽন্তরঃ||১০||
View original
|
सामर्थ्याच्चात्र विभजेद्बाह्याभ्यन्तरलक्षणम्||९||
कृष्णस्फोटावृतः श्यावस्तीव्रदाहरुजाज्वरः|
पित्तलिङ्गोऽसृजा बाह्यः स्त्रीणामेव तथाऽऽन्तरः||१०||
Adhikarana kShatajasya lakShaNam (11-12) · Śloka 12
অথ ক্ষতবিদ্রধিং লক্ষযতি - - - - শস্ত্রাদ্যৈরভিঘাতেন ক্ষতে বাঽপথ্যকারিণঃ|
ক্ষতোষ্মা বাযুবিক্ষিপ্তঃ সরক্তং পিত্তমীরযন্||১১||
পিত্তাসৃগ্লক্ষণং কুর্যাদ্বিদ্রধিং ভূর্যুপদ্রবম্|
|১২|
View original
अथ क्षतविद्रधिं लक्षयति - - - - शस्त्राद्यैरभिघातेन क्षते वाऽपथ्यकारिणः|
क्षतोष्मा वायुविक्षिप्तः सरक्तं पित्तमीरयन्||११||
पित्तासृग्लक्षणं कुर्याद्विद्रधिं भूर्युपद्रवम्|
|१२|
Adhikarana vidradhInAM sthAnabhedenopadravAH (12-16) · Śloka 16
|
তেষূপদ্রবভেদশ্চ স্মৃতোঽধিষ্ঠানভেদতঃ||১২||
তমেবোপদ্রবভেদং দর্শযতি - - - - নাভ্যাং হিধ্মা, ভবেদ্বস্তৌ মূত্রং কৃচ্ছ্রেণ পূতি চ|
শ্বাসো যকৃতি, রোধস্তু প্লীহ্ন্যুচ্ছ্বাসস্য, তৃট্ পুনঃ||১৩||
গলগ্রহশ্চ ক্লোম্নি, স্যাত্সর্বাঙ্গপ্রগ্রহো হৃদি|
প্রমোহস্তমকঃ কাসো হৃদযে ঘট্টনং ব্যথা||১৪||
কুক্ষিপার্শ্বান্তরাংসার্তিঃ কুক্ষাবাটোপজন্ম চ|
সক্থ্নোর্গ্রহো বঙ্ক্ষণযোর্বৃক্কযোঃ কটিপৃষ্ঠযোঃ||১৫||
পার্শ্বযোশ্চ ব্যথা পাযৌ পবনস্য নিরোধনম্|
|১৬|
View original
|
तेषूपद्रवभेदश्च स्मृतोऽधिष्ठानभेदतः||१२||
तमेवोपद्रवभेदं दर्शयति - - - - नाभ्यां हिध्मा, भवेद्बस्तौ मूत्रं कृच्छ्रेण पूति च|
श्वासो यकृति, रोधस्तु प्लीह्न्युच्छ्वासस्य, तृट् पुनः||१३||
गलग्रहश्च क्लोम्नि, स्यात्सर्वाङ्गप्रग्रहो हृदि|
प्रमोहस्तमकः कासो हृदये घट्टनं व्यथा||१४||
कुक्षिपार्श्वान्तरांसार्तिः कुक्षावाटोपजन्म च|
सक्थ्नोर्ग्रहो वङ्क्षणयोर्वृक्कयोः कटिपृष्ठयोः||१५||
पार्श्वयोश्च व्यथा पायौ पवनस्य निरोधनम्|
|१६|
Adhikarana vidradhInAM Amapakvavidagdhatvam (16) · Śloka 16
|
আমপক্ববিদগ্ধত্বং তেষাং শোফবদাদিশেত্||১৬||
View original
|
आमपक्वविदग्धत्वं तेषां शोफवदादिशेत्||१६||
Adhikarana urdhvAdhaHsrAve sthAnavisheShaH (17) · Śloka 17
নাভেরূর্ধ্বং মুখাত্পক্বাঃ প্রস্রবন্ত্যধরে গুদাত্|
গুদাস্যান্নাভিজো|১৭|
View original
नाभेरूर्ध्वं मुखात्पक्वाः प्रस्रवन्त्यधरे गुदात्|
गुदास्यान्नाभिजो|१७|
Adhikarana vidradhau vraNavaddoShavij~jAnam (17-18) · Śloka 18
|
বিদ্যাদ্দোষং ক্লেদাচ্চ বিদ্রধৌ||১৭||
যথাস্বং ব্রণবত্|
|১৮|
View original
|
विद्याद्दोषं क्लेदाच्च विद्रधौ||१७||
यथास्वं व्रणवत्|
|१८|
Adhikarana vidradhInAM sAdhyAsAdhyatvam (18-19) · Śloka 19
অথৈষাং সাধ্যাসাধ্যবিভাগার্থমাহ - - - - তত্র বিবর্জ্যঃ সন্নিপাতজঃ|
পক্বো হৃন্নাভিবস্তিস্থো ভিন্নোঽন্তর্বহিরেব বা||১৮||
পক্বশ্চান্তঃ স্রবন্ বক্ক্রাত্ ক্ষীণস্যোপদ্রবান্বিতঃ|
|১৯|
View original
अथैषां साध्यासाध्यविभागार्थमाह - - - - तत्र विवर्ज्यः सन्निपातजः|
पक्वो हृन्नाभिबस्तिस्थो भिन्नोऽन्तर्बहिरेव वा||१८||
पक्वश्चान्तः स्रवन् वक्क्रात् क्षीणस्योपद्रवान्वितः|
|१९|
Adhikarana stanavidradherlakShaNam (19-21) · Śloka 21
ইদানীং স্তনবিদ্রধির্যোষিতাং যথা স্যাত্ তথা বক্তি - - - - |
এবমেব স্তনসিরা বিবৃতাঃ প্রাপ্য যোষিতাম্||১৯||
সূতানাং গর্ভিণীনাং বা সম্ভবেচ্ছ্বযথুর্ঘনঃ|
স্তনে সদুগ্ধেঽদুগ্ধে বা বাহ্যবিদ্রধিলক্ষণঃ||২০||
নাডীনাং সূক্ষ্মবক্ত্রত্বাত্কন্যানাং ন স জাযতে|
|২১|
ইতি বিদ্রধিনিদানম্|২১|
View original
इदानीं स्तनविद्रधिर्योषितां यथा स्यात् तथा वक्ति - - - - |
एवमेव स्तनसिरा विवृताः प्राप्य योषिताम्||१९||
सूतानां गर्भिणीनां वा सम्भवेच्छ्वयथुर्घनः|
स्तने सदुग्धेऽदुग्धे वा बाह्यविद्रधिलक्षणः||२०||
नाडीनां सूक्ष्मवक्त्रत्वात्कन्यानां न स जायते|
|२१|
इति विद्रधिनिदानम्|२१|
Adhikarana vRuddheH saMprAptiH (21-22) · Śloka 22
অথ শ্বযথুসামান্যাদিদানীং বৃদ্ধিং-বর্ধ্মাপরনামানং ব্যাধিং, বক্তুমুপক্রমতে - - - - অথ বৃদ্ধিনিদানম্|
|
কৃদ্ধো রুদ্ধগতির্বাযুঃ শোফশূলকরশ্চরন্||২১||
মুষ্কৌ বঙ্ক্ষণতঃ প্রাপ্য ফলকোশাভিবাহিনীঃ|
প্রপীড্য ধমনীর্বৃদ্ধিং করোতি ফলকোশযোঃ||২২||
View original
अथ श्वयथुसामान्यादिदानीं वृद्धिं-वर्ध्मापरनामानं व्याधिं, वक्तुमुपक्रमते - - - - अथ वृद्धिनिदानम्|
|
कृद्धो रुद्धगतिर्वायुः शोफशूलकरश्चरन्||२१||
मुष्कौ वङ्क्षणतः प्राप्य फलकोशाभिवाहिनीः|
प्रपीड्य धमनीर्वृद्धिं करोति फलकोशयोः||२२||
Adhikarana vRuddhiH saptavidhaH (23) · Śloka 23
অধুনাঽস্য ব্যাধেঃ সঙ্খ্যাং কুর্বন্নাহ - - - - দোষাস্রমেদোমূত্রান্ত্রৈঃ স বৃদ্ধিঃ সপ্তধা গদঃ|
মূত্রান্ত্রজাবপ্যনিলাদ্ধেতুভেদস্তু কেবলম্||২৩||
View original
अधुनाऽस्य व्याधेः सङ्ख्यां कुर्वन्नाह - - - - दोषास्रमेदोमूत्रान्त्रैः स वृद्धिः सप्तधा गदः|
मूत्रान्त्रजावप्यनिलाद्धेतुभेदस्तु केवलम्||२३||
Adhikarana vAtajasya lakShaNam (24) · Śloka 24
বাতপূর্ণদৃতিস্পর্শো রূক্ষো বাতাদহেতুরুক্|
|২৪|
View original
वातपूर्णदृतिस्पर्शो रूक्षो वातादहेतुरुक्|
|२४|
Adhikarana pittajasya lakShaNam (24) · Śloka 24
|
পক্বোদুম্বরসঙ্কাশঃ পিত্তাদ্দাহোষ্মপাকবান্||২৪||
View original
|
पक्वोदुम्बरसङ्काशः पित्ताद्दाहोष्मपाकवान्||२४||
Adhikarana kaphajasya lakShaNam (25) · Śloka 25
কফাচ্ছিতো গুরুঃ স্নিগ্ধঃ কণ্ডূমান্ কঠিনোঽল্পরুক্|
|২৫|
View original
कफाच्छितो गुरुः स्निग्धः कण्डूमान् कठिनोऽल्परुक्|
|२५|
Adhikarana raktajasya lakShaNam (25) · Śloka 25
|
কৃষ্ণস্ফোটাবৃতঃ পিত্তবৃদ্ধিলিঙ্গশ্চ রক্ততঃ||২৫||
View original
|
कृष्णस्फोटावृतः पित्तवृद्धिलिङ्गश्च रक्ततः||२५||
Adhikarana medojasya lakShaNam (26) · Śloka 26
কফবন্মেদসা বৃদ্ধির্মৃদুস্তালফলোপমঃ|
|২৬|
View original
कफवन्मेदसा वृद्धिर्मृदुस्तालफलोपमः|
|२६|
Adhikarana mUtrajasya lakShaNam (26-27) · Śloka 27
|
মূত্রধারণশীলস্য মূত্রজঃ স তু গচ্ছতঃ||২৬||
অম্ভোভিঃ পূর্ণদৃতিবত্ক্ষোভং যাতি সরুঙ্মৃদুঃ|
মূত্রকৃচ্ছ্রমধস্তাচ্চ বলযং ফলকোশযোঃ||২৭||
View original
|
मूत्रधारणशीलस्य मूत्रजः स तु गच्छतः||२६||
अम्भोभिः पूर्णदृतिवत्क्षोभं याति सरुङ्मृदुः|
मूत्रकृच्छ्रमधस्ताच्च वलयं फलकोशयोः||२७||
Adhikarana annajasya lakShaNam, annajasyAsAdhyatvam (28-2) · Śloka 2
বাতকোপিভিরাহারৈঃ শীততোযাবগাহনৈঃ|
ধারণেরণভারাধ্ববিষমাঙ্গপ্রবর্তনৈঃ||২৮||
ক্ষোভণৈঃ ক্ষুভিতোঽন্যৈশ্চ ক্ষুদ্রান্ত্রাবযবং যদা|
পবনো বিগুণীকৃত্য স্বনিবেশাদধো নযেত্||২৯||
কুর্যাদ্বঙ্ক্ষণসন্ধিস্থো গ্রন্থ্যাভং শ্বযথুং তদা|
উপেক্ষ্যমাণস্য চ মুষ্কবৃদ্ধি- মাধ্মানরুক্স্তম্ভবতীং স বাযুঃ|
প্রপীডিতোঽন্তঃ স্বনবান্ প্রযাতি প্রধ্মাপযন্নেতি পুনশ্চ মুক্তঃ||৩০||
অন্ত্রবৃদ্ধিরসাধ্যোঽযং বাতবৃদ্ধিসমাকৃতিঃ||৩১||
ইতি বৃদ্ধিনিদানম্||২||
View original
वातकोपिभिराहारैः शीततोयावगाहनैः|
धारणेरणभाराध्वविषमाङ्गप्रवर्तनैः||२८||
क्षोभणैः क्षुभितोऽन्यैश्च क्षुद्रान्त्रावयवं यदा|
पवनो विगुणीकृत्य स्वनिवेशादधो नयेत्||२९||
कुर्याद्वङ्क्षणसन्धिस्थो ग्रन्थ्याभं श्वयथुं तदा|
उपेक्ष्यमाणस्य च मुष्कवृद्धि- माध्मानरुक्स्तम्भवतीं स वायुः|
प्रपीडितोऽन्तः स्वनवान् प्रयाति प्रध्मापयन्नेति पुनश्च मुक्तः||३०||
अन्त्रवृद्धिरसाध्योऽयं वातवृद्धिसमाकृतिः||३१||
इति वृद्धिनिदानम्||२||
Adhikarana gulmo~aShTavidhaH (32-33) · Śloka 33
বৃধ্যাখ্যস্য ব্যাধেরনন্তরং শোফসামান্যাত্ গুল্মস্যাবসরঃ, ইতি তং লক্ষযিতুমাহ - - - - অথ গুল্মনিদানম্|
রূক্ষকৃষ্ণারুণসিরাতন্তুজালগবাক্ষিতঃ|
গুল্মোঽষ্টধা পৃথগ্দোষৈঃ সংসৃষ্টৈর্নিচযং গতৈঃ||৩২||
আর্তবস্য চ দোষেণ নারীণাং জাযতেঽষ্টমঃ|
|৩৩|
View original
वृध्याख्यस्य व्याधेरनन्तरं शोफसामान्यात् गुल्मस्यावसरः, इति तं लक्षयितुमाह - - - - अथ गुल्मनिदानम्|
रूक्षकृष्णारुणसिरातन्तुजालगवाक्षितः|
गुल्मोऽष्टधा पृथग्दोषैः संसृष्टैर्निचयं गतैः||३२||
आर्तवस्य च दोषेण नारीणां जायतेऽष्टमः|
|३३|
Adhikarana gulmasya nidAnam, gulmasya saMprAptiH (33-38) · Śloka 38
|
জ্বরচ্ছর্দ্যতিসারাদ্যৈর্বমনাদ্যৈশ্চ কর্মভিঃ||৩৩||
কর্শিতো বাতলান্যত্তি শীতং বাঽম্বু বুভুক্ষিতঃ|
যঃ পিবত্যনু চান্নানি লঙ্ঘনপ্লবনাদিকম্||৩৪||
সেবতে দেহসঙ্ক্ষোভি ছর্দিং বা সমুদীরযেত্|
অনুদীর্ণামুদীর্ণান্বা বাতাদীন্ন বিমুঞ্চতি||৩৫||
স্নেহস্বেদাবনভ্যস্য শোধনং বা নিষেবতে|
শুদ্ধো বাঽঽশুবিদাহীনি ভজতে স্যন্দনানি বা||৩৬||
বাতোল্বণাস্তস্য মলাঃ পৃথক্ ক্রুদ্ধা দ্বিশোঽথবা|
সর্বে বা রক্তযুক্তা বা মহাস্রোতোনুশাযিনঃ||৩৭||
ঊর্ধ্বাধোমার্গমাবৃত্য কুর্বতে শূলপূর্বকম্|
স্পর্শোপলভ্যং গুল্মাখ্যমুত্প্লুতং গ্রন্থিরূপিণম্||৩৮||
View original
|
ज्वरच्छर्द्यतिसाराद्यैर्वमनाद्यैश्च कर्मभिः||३३||
कर्शितो वातलान्यत्ति शीतं वाऽम्बु बुभुक्षितः|
यः पिबत्यनु चान्नानि लङ्घनप्लवनादिकम्||३४||
सेवते देहसङ्क्षोभि छर्दिं वा समुदीरयेत्|
अनुदीर्णामुदीर्णान्वा वातादीन्न विमुञ्चति||३५||
स्नेहस्वेदावनभ्यस्य शोधनं वा निषेवते|
शुद्धो वाऽऽशुविदाहीनि भजते स्यन्दनानि वा||३६||
वातोल्बणास्तस्य मलाः पृथक् क्रुद्धा द्विशोऽथवा|
सर्वे वा रक्तयुक्ता वा महास्रोतोनुशायिनः||३७||
ऊर्ध्वाधोमार्गमावृत्य कुर्वते शूलपूर्वकम्|
स्पर्शोपलभ्यं गुल्माख्यमुत्प्लुतं ग्रन्थिरूपिणम्||३८||
Adhikarana gulmasya utpattiH (39-41) · Śloka 41
অধুনা বাতগুল্মং লক্ষযতি - - - - কর্শনাত্কফবিট্পিত্তৈর্মার্গস্যাবরণেন বা|
বাযুঃ কৃতাশ্রযঃ কোষ্ঠে রৌক্ষ্যাত্কাঠিন্যমাগতঃ||৩৯||
স্বতন্ত্রঃ স্বাশ্রযে দুষ্টঃ পরতন্ত্রঃ পরাশ্রযে|
পিণ্ডিতত্বাদমূর্তোঽপি মূর্তত্বমিব সংশ্রিতঃ||৪০||
গুল্ম ইত্যুচ্যতে বস্তিনাভিহৃত্পার্শ্বসংশ্রযঃ|
|৪১|
View original
अधुना वातगुल्मं लक्षयति - - - - कर्शनात्कफविट्पित्तैर्मार्गस्यावरणेन वा|
वायुः कृताश्रयः कोष्ठे रौक्ष्यात्काठिन्यमागतः||३९||
स्वतन्त्रः स्वाश्रये दुष्टः परतन्त्रः पराश्रये|
पिण्डितत्वादमूर्तोऽपि मूर्तत्वमिव संश्रितः||४०||
गुल्म इत्युच्यते बस्तिनाभिहृत्पार्श्वसंश्रयः|
|४१|
Adhikarana vAtajasya lakShaNam (41-44) · Śloka 44
|
বাতান্মন্যাশিরঃশূলং জ্বরপ্লীহান্ত্রকূজনম্||৪১||
ব্যধঃ সূচ্যেব বিট্সঙ্গঃ কৃচ্ছ্রাদুচ্ছ্বসনং মুহুঃ|
স্তম্ভো গাত্রে মুখে শোষঃ কার্শ্যং বিষমবহ্নিতা||৪২||
রূক্ষকৃষ্ণত্বগাদিত্বং চলত্বাদনিলস্য চ|
অনিরূপিতসংস্থানস্থানবৃদ্ধিক্ষযব্যথঃ||৪৩||
পিপীলিকাব্যাপ্ত ইব গুল্মঃ স্ফুরতি তুদ্যতে|
|৪৪|
View original
|
वातान्मन्याशिरःशूलं ज्वरप्लीहान्त्रकूजनम्||४१||
व्यधः सूच्येव विट्सङ्गः कृच्छ्रादुच्छ्वसनं मुहुः|
स्तम्भो गात्रे मुखे शोषः कार्श्यं विषमवह्निता||४२||
रूक्षकृष्णत्वगादित्वं चलत्वादनिलस्य च|
अनिरूपितसंस्थानस्थानवृद्धिक्षयव्यथः||४३||
पिपीलिकाव्याप्त इव गुल्मः स्फुरति तुद्यते|
|४४|
Adhikarana pittajasya lakShaNam (44-45) · Śloka 45
|
পিত্তাদ্দাহোঽম্লকো মূর্চ্ছাবিড্ভেদস্বেদতৃডূজ্বরাঃ||৪৪||
হারিদ্রত্বং ত্বগাদ্যেষু গুল্মশ্চ স্পর্শনাসহঃ|
দূযতে দীপ্যতে সোষ্মা স্বস্থানং দহতীব চ||৪৫||
View original
|
पित्ताद्दाहोऽम्लको मूर्च्छाविड्भेदस्वेदतृडूज्वराः||४४||
हारिद्रत्वं त्वगाद्येषु गुल्मश्च स्पर्शनासहः|
दूयते दीप्यते सोष्मा स्वस्थानं दहतीव च||४५||
Adhikarana kaphajasya lakShaNam (46-47) · Śloka 47
কফাত্স্তৈমিত্যমরুচিঃ সদনং শিশিরজ্বরঃ|
পীনসালস্যহৃল্লাসকাসশুক্লত্বগাদিতাঃ||৪৬||
গুল্মোঽবগাঢঃ কঠিনো গুরুঃ সুপ্তঃ স্থিরোঽল্পরুক্|
|৪৭|
View original
कफात्स्तैमित्यमरुचिः सदनं शिशिरज्वरः|
पीनसालस्यहृल्लासकासशुक्लत्वगादिताः||४६||
गुल्मोऽवगाढः कठिनो गुरुः सुप्तः स्थिरोऽल्परुक्|
|४७|
Adhikarana dvidoShajAnAM lakShaNam (47-48) · Śloka 48
|
স্বদোষস্থানধামানঃ স্বে স্বে কালে চ রুক্করাঃ||৪৭||
প্রাযঃ|
|৪৮|
View original
|
स्वदोषस्थानधामानः स्वे स्वे काले च रुक्कराः||४७||
प्रायः|
|४८|
Adhikarana tridoShajasya lakShaNam (48-49) · Śloka 49
ত্রযস্তু দ্বন্দ্বোত্থা গুল্মাঃ সংসৃষ্টলক্ষণাঃ|
সর্বজস্তীব্ররুগ্দাহঃ শীঘ্রপাকী ঘনোন্নতঃ||৪৮||
সোঽসাধ্যো|
|৪৯|
View original
त्रयस्तु द्वन्द्वोत्था गुल्माः संसृष्टलक्षणाः|
सर्वजस्तीव्ररुग्दाहः शीघ्रपाकी घनोन्नतः||४८||
सोऽसाध्यो|
|४९|
Adhikarana raktajasya lakShaNam (49-54) · Śloka 54
রক্তগুল্মস্তু স্ত্রিযা এব প্রজাযতে|
অত্রৈবোপপত্তিমাহ - - - - ঋতৌ বা নবসূতা বা যদি বা যোনিরোগিণী||৪৯||
সেবতে বাতলানি স্ত্রী ক্রুদ্ধস্তস্যাঃ সমীরণঃ|
নিরুণদ্ধ্যার্তবং যোন্যাং প্রতিমাসমবস্থিতম্||৫০||
কুক্ষিং করোতি তদ্গর্ভলিঙ্গমাবিষ্করোতি চ|
হৃল্লাসদৌহৃদস্তন্যদর্শনক্ষামতাদিকম্||৫১||
ক্রমেণ বাযুসংসর্গাত্পিত্তযোনিতযা চ তত্|
শোণিতং কুরুতে তস্যা বাতপিত্তোত্থুগুল্মজান্||৫২||
রুক্স্তম্ভদাহাতীসারতৃড্জ্বরাদীনুপদ্রবান্|
গর্ভাশযে চ সুতরাং শূলং দুষ্টাসৃগাশ্রযে||৫৩||
যোন্যাশ্চ স্রাবদৌর্গন্ধ্যতোদস্পন্দনবেদনাঃ|
|৫৪|
View original
रक्तगुल्मस्तु स्त्रिया एव प्रजायते|
अत्रैवोपपत्तिमाह - - - - ऋतौ वा नवसूता वा यदि वा योनिरोगिणी||४९||
सेवते वातलानि स्त्री क्रुद्धस्तस्याः समीरणः|
निरुणद्ध्यार्तवं योन्यां प्रतिमासमवस्थितम्||५०||
कुक्षिं करोति तद्गर्भलिङ्गमाविष्करोति च|
हृल्लासदौहृदस्तन्यदर्शनक्षामतादिकम्||५१||
क्रमेण वायुसंसर्गात्पित्तयोनितया च तत्|
शोणितं कुरुते तस्या वातपित्तोत्थुगुल्मजान्||५२||
रुक्स्तम्भदाहातीसारतृड्ज्वरादीनुपद्रवान्|
गर्भाशये च सुतरां शूलं दुष्टासृगाश्रये||५३||
योन्याश्च स्रावदौर्गन्ध्यतोदस्पन्दनवेदनाः|
|५४|
Adhikarana garbhalakShaNaraktajalakShaNayorbhedaH (54-55) · Śloka 55
গর্ভলক্ষণাদ্রক্তগুল্মস্য বিলক্ষণং লক্ষণমাহ - - - - |
ন চাঙ্গৈর্গর্ভবদ্গুল্মঃ স্ফুরত্যপি তু শূলবান্||৫৪||
পিণ্ডীভূতঃ স এবাস্যাঃ কদাচিত্স্পন্দতে চিরাত্|
ন চাস্যা বর্দ্ধতে কুক্ষিগুল্ম এব তু বর্দ্ধতে||৫৫||
View original
गर्भलक्षणाद्रक्तगुल्मस्य विलक्षणं लक्षणमाह - - - - |
न चाङ्गैर्गर्भवद्गुल्मः स्फुरत्यपि तु शूलवान्||५४||
पिण्डीभूतः स एवास्याः कदाचित्स्पन्दते चिरात्|
न चास्या वर्द्धते कुक्षिगुल्म एव तु वर्द्धते||५५||
Adhikarana gulmavidradhyorbhedaH (56-57) · Śloka 57
অথ গুল্মবিদ্রধ্যোর্লক্ষণভেদং কথযতি - - - - স্বদোষসংশ্রযো গুল্মঃ সর্বো ভবতি তেন সঃ|
পাকং চিরেণ ভজতে নৈব বা, বিদ্রধিঃ পুনঃ||৫৬||
পচ্যতে শীঘ্রমত্যর্থং দুষ্টরক্তাশ্রযত্বতঃ|
অতঃ শীঘ্রবিদাহিত্বাদ্বিদ্রধিঃ সোঽভিধীযতে||৫৭||
View original
अथ गुल्मविद्रध्योर्लक्षणभेदं कथयति - - - - स्वदोषसंश्रयो गुल्मः सर्वो भवति तेन सः|
पाकं चिरेण भजते नैव वा, विद्रधिः पुनः||५६||
पच्यते शीघ्रमत्यर्थं दुष्टरक्ताश्रयत्वतः|
अतः शीघ्रविदाहित्वाद्विद्रधिः सोऽभिधीयते||५७||
Adhikarana bAhyAbhyantarayorlakShaNam (58-3) · Śloka 3
অথ গুল্মস্য বাহ্যাভ্যন্তরলক্ষণমাহ - - - - গুল্মেঽন্তরাশ্রযে বস্তিকুক্ষিহৃত্প্লীহবেদনাঃ|
অগ্নিবর্ণবলভ্রংশো বেগানাং চাপ্রবর্তনম্||৫৮||
অতো বিপর্যযো বাহ্যে কোষ্ঠাঙ্গেষু তু নাতিরুক্|
বৈবর্ণ্যমবকাশস্য বহিরুন্নততাঽধিকম্||৫৯||
ইতি গুল্মনিদানম্||৩||
View original
अथ गुल्मस्य बाह्याभ्यन्तरलक्षणमाह - - - - गुल्मेऽन्तराश्रये बस्तिकुक्षिहृत्प्लीहवेदनाः|
अग्निवर्णबलभ्रंशो वेगानां चाप्रवर्तनम्||५८||
अतो विपर्ययो बाह्ये कोष्ठाङ्गेषु तु नातिरुक्|
वैवर्ण्यमवकाशस्य बहिरुन्नतताऽधिकम्||५९||
इति गुल्मनिदानम्||३||
Adhikarana AnAhasya lakShaNam (60) · Śloka 60
গুল্মানামানাহভূযিষ্ঠত্বাদানাহলক্ষণমাহ - - - - সাটোপমত্যুগ্ররুজমাধ্মানমুদরে ভৃশম্|
ঊর্ধ্বাধোবাতরোধেন তমানাহং প্রচক্ষতে||৬০||
View original
गुल्मानामानाहभूयिष्ठत्वादानाहलक्षणमाह - - - - साटोपमत्युग्ररुजमाध्मानमुदरे भृशम्|
ऊर्ध्वाधोवातरोधेन तमानाहं प्रचक्षते||६०||
Adhikarana aShThIlAyAH lakShaNam, pratyaShThIlAyAH lakShaNam (61) · Śloka 61
ঘনোঽষ্ঠীলোপমো গ্রন্থিরষ্ঠীলোর্ধ্বং সমুন্নতঃ|
আনাহলিঙ্গস্তির্যক্তু প্রত্যষ্ঠীলা তদাকৃতিঃ||৬১||
View original
घनोऽष्ठीलोपमो ग्रन्थिरष्ठीलोर्ध्वं समुन्नतः|
आनाहलिङ्गस्तिर्यक्तु प्रत्यष्ठीला तदाकृतिः||६१||
Adhikarana tUnIpratUnyoH lakShaNam (62) · Śloka 62
তূনীপ্রতূন্যৌ লক্ষযতি - - - - পক্বাশযাদ্গুদোপস্থং বাযুস্তীব্ররুজঃ প্রযান্|
তূনী, প্রতূনী তু ভবেত্স এবাতো বিপর্যযে||৬২||
View original
तूनीप्रतून्यौ लक्षयति - - - - पक्वाशयाद्गुदोपस्थं वायुस्तीव्ररुजः प्रयान्|
तूनी, प्रतूनी तु भवेत्स एवातो विपर्यये||६२||
Adhikarana gulmasya pUrvarUpam (11) · Śloka 11
উদ্গারবাহুল্যপুরীষবন্ধ- তৃপ্ত্যক্ষমত্বান্ত্রবিকূজনানি|
আটোপমাধ্মানমপক্তিশক্তি- মাসন্নগুল্মস্য বদন্তি চিহ্নম্||৬৩||
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানে বিদ্রধিবৃদ্ধিগুল্মনিদানং নামৈকাদশোঽধ্যাযঃ||১১||
View original
उद्गारबाहुल्यपुरीषबन्ध- तृप्त्यक्षमत्वान्त्रविकूजनानि|
आटोपमाध्मानमपक्तिशक्ति- मासन्नगुल्मस्य वदन्ति चिह्नम्||६३||
इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां तृतीये निदानस्थाने विद्रधिवृद्धिगुल्मनिदानं नामैकादशोऽध्यायः||११||