Adhikarana SodhanAdigaNasa~ggrahodhyAyaH (2) · Śloka 2
যতো দোষোপক্রমণীযে দ্বিবিধোপক্রমণীযে চ নানাবিধা উপক্রমা অভিহিতাঃ, তে চ মদনমধুকাদিভেষজাশ্রযাঃ, অতস্তানি শোধনাদ্যুপযোগীনি সর্বোপক্রমাধিকারীণি সঞ্জিঘৃক্ষুরধ্যাযমিমমারেভে - - - - অথাতঃশোধনাদিগণসঙ্গ্রহমধ্যাযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
গদ্যসূত্রে||২||
View original
यतो दोषोपक्रमणीये द्विविधोपक्रमणीये च नानाविधा उपक्रमा अभिहिताः, ते च मदनमधुकादिभेषजाश्रयाः, अतस्तानि शोधनाद्युपयोगीनि सर्वोपक्रमाधिकारीणि सञ्जिघृक्षुरध्यायमिममारेभे - - - - अथातःशोधनादिगणसङ्ग्रहमध्यायं व्याख्यास्यामः|
इति ह स्माहुरात्रेयादयो महर्षयः|
गद्यसूत्रे||२||
Adhikarana vamanagaNaH (1) · Śloka 1
শোধনং চতুর্বিধম্,- বমনবিরেচনাস্থাপনশিরোবিরেচনদ্রব্যভেদেন|
তত্রাপি বমনস্যৌষধগণং তাবত্পূর্বং বক্তি - - - - মদনমধুকলম্বানিম্ববিম্বীবিশালা- ত্রপুসকুটজমূর্বাদেবদালীকৃমিঘ্নম্|
বিদুলদহনচিত্রাঃ কোশবত্যৌ করঞ্জঃ কণলবণবচৈলাসর্ষপাশ্র্ছর্দনানি||১||
View original
शोधनं चतुर्विधम्,- वमनविरेचनास्थापनशिरोविरेचनद्रव्यभेदेन|
तत्रापि वमनस्यौषधगणं तावत्पूर्वं वक्ति - - - - मदनमधुकलम्बानिम्बबिम्बीविशाला- त्रपुसकुटजमूर्वादेवदालीकृमिघ्नम्|
विदुलदहनचित्राः कोशवत्यौ करञ्जः कणलवणवचैलासर्षपाश्र्छर्दनानि||१||
Adhikarana virecanagaNaH (2) · Śloka 2
নিকুম্ভকুম্ভত্রিফলাগবাক্ষী- স্রুক্শঙ্খিনীনীলিনিতিল্বকানি|
শম্যাককম্পিল্লকহেমদুগ্ধা দুগ্ধং চ মূত্রং চ বিরেচনানি||২||
View original
निकुम्भकुम्भत्रिफलागवाक्षी- स्रुक्शङ्खिनीनीलिनितिल्वकानि|
शम्याककम्पिल्लकहेमदुग्धा दुग्धं च मूत्रं च विरेचनानि||२||
Adhikarana nirUhagaNaH (3) · Śloka 3
মদনকুটজকুষ্ঠদেবদালী- মধুকবচাদশমূলদারুরাস্নাঃ|
যবমিশিকৃতবেধনং কুলত্থা মধু লবণং ত্রিবৃতা নিরূহণানি||৩||
View original
मदनकुटजकुष्ठदेवदाली- मधुकवचादशमूलदारुरास्नाः|
यवमिशिकृतवेधनं कुलत्था मधु लवणं त्रिवृता निरूहणानि||३||
Adhikarana nAvanagaNaH (4) · Śloka 4
বেল্লাপামার্গব্যোষদার্বীসুরালা বীজং শৈরীষং বার্হতং শৈগ্রবং চ|
সারো মাধূকঃ সৈন্ধবং তার্ক্ষ্যশৈলং ত্রুট্যৌ পৃথ্বীকা শোধযন্ত্যুত্তমাঙ্গম্||৪||
View original
वेल्लापामार्गव्योषदार्वीसुराला बीजं शैरीषं बार्हतं शैग्रवं च|
सारो माधूकः सैन्धवं तार्क्ष्यशैलं त्रुट्यौ पृथ्वीका शोधयन्त्युत्तमाङ्गम्||४||
Adhikarana vAtaghnagaNaH (5) · Śloka 5
ভদ্রদারু নতং কুষ্ঠং দশমূলং বলাদ্বযম্|
বাযুং বীরতরাদিশ্চ বিদার্যাদিশ্চ নাশযেত্||৫||
View original
भद्रदारु नतं कुष्ठं दशमूलं बलाद्वयम्|
वायुं वीरतरादिश्च विदार्यादिश्च नाशयेत्||५||
Adhikarana pittaghnagaNaH (6) · Śloka 6
দূর্বাঽনন্তা নিম্ববাসাঽঽত্মগুপ্তা গুন্দ্রাঽভীরুঃ শীতপাকী প্রিযঙ্গুঃ|
ন্যগ্রোধাদিঃ পদ্মকাদিঃ স্থিরে দ্বে পদ্মং বন্যং সারিবাদিশ্চ পিত্তম্||৬||
View original
दूर्वाऽनन्ता निम्बवासाऽऽत्मगुप्ता गुन्द्राऽभीरुः शीतपाकी प्रियङ्गुः|
न्यग्रोधादिः पद्मकादिः स्थिरे द्वे पद्मं वन्यं सारिवादिश्च पित्तम्||६||
Adhikarana shleShmaghnagaNaH (7) · Śloka 7
আরগ্বধাদিরর্কাদির্মুষ্ককাদ্যোঽসনাদিকঃ|
সুরসাদিঃ সমুস্তাদির্বত্সকাদির্বলাসজিত্||৭||
View original
आरग्वधादिरर्कादिर्मुष्ककाद्योऽसनादिकः|
सुरसादिः समुस्तादिर्वत्सकादिर्बलासजित्||७||
Adhikarana jIvanIyAkhyo gaNaH (8) · Śloka 8
জীবন্তি কাকোল্যৌ মেদে দ্বে মুদ্গমাষপর্ণ্যৌ চ|
ৠষভকজীবকমধুকং চেতি গণো জীবনীযাখ্যঃ||৮||
View original
जीवन्ति काकोल्यौ मेदे द्वे मुद्गमाषपर्ण्यौ च|
ॠषभकजीवकमधुकं चेति गणो जीवनीयाख्यः||८||
Adhikarana vidAryAdigaNaH (9-10) · Śloka 10
বিদারিপঞ্চাঙ্গুলবৃশ্চিকালী- বৃশ্চীবদেবাহ্বযশূর্পপর্ণ্যঃ|
কণ্ডূকরী জীবনহ্রস্বসংজ্ঞে দ্বে পঞ্চকে গোপসুতা ত্রিপাদী||৯||
বিদার্যাদিরযং হৃদ্যো ব্রূংহণো বাতপিত্তহা|
শোষগুল্মাঙ্গমর্দোর্ধ্বশ্বাসকাসহরো গণঃ||১০||
View original
विदारिपञ्चाङ्गुलवृश्चिकाली- वृश्चीवदेवाह्वयशूर्पपर्ण्यः|
कण्डूकरी जीवनह्रस्वसंज्ञे द्वे पञ्चके गोपसुता त्रिपादी||९||
विदार्यादिरयं हृद्यो ब्रूंहणो वातपित्तहा|
शोषगुल्माङ्गमर्दोर्ध्वश्वासकासहरो गणः||१०||
Adhikarana sArivAdigaNaH (11) · Śloka 11
সারিবোশীরকাশ্মর্যমধূকশিশিরদ্বযম্|
যষ্টী পরূষকং হন্তি দাহপিত্তাস্রতৃড্জ্বরান্||১১||
View original
सारिवोशीरकाश्मर्यमधूकशिशिरद्वयम्|
यष्टी परूषकं हन्ति दाहपित्तास्रतृड्ज्वरान्||११||
Adhikarana padmakAdigaNaH (12) · Śloka 12
পদ্মকপুণ্ড্রৌ বৃদ্ধিতুগর্দ্য্ধঃ শৃঙ্গ্যমৃতা দশ জীবনসংজ্ঞাঃ|
স্তন্যকরা ঘ্নন্তীরণপিত্তং প্রীণনজীবনবৃংহণবৃষ্যাঃ||১২||
View original
पद्मकपुण्ड्रौ वृद्धितुगर्द्य्धः शृङ्ग्यमृता दश जीवनसंज्ञाः|
स्तन्यकरा घ्नन्तीरणपित्तं प्रीणनजीवनबृंहणवृष्याः||१२||
Adhikarana parUShakAdigaNaH (13) · Śloka 13
পরূষকং বরা দ্রাক্ষা কট্ফলং কতকাত্ ফলম্|
রাজাহ্বং দাডিমং শাকং তৃণ্মূত্রামযবাতজিত্||১৩||
View original
परूषकं वरा द्राक्षा कट्फलं कतकात् फलम्|
राजाह्वं दाडिमं शाकं तृण्मूत्रामयवातजित्||१३||
Adhikarana a~jjanAdigaNaH (14) · Śloka 14
অঞ্জনং ফলিনী মাংসী পদ্মোত্পলরসাঞ্জনম্|
সৈলামধুকনাগাহ্বং বিষান্তর্দাহপিত্তনুত্||১৪||
View original
अञ्जनं फलिनी मांसी पद्मोत्पलरसाञ्जनम्|
सैलामधुकनागाह्वं विषान्तर्दाहपित्तनुत्||१४||
Adhikarana paTolAdigaNaH (15) · Śloka 15
পটোলকটুরোহিণীচন্দনং মধুস্রবগুডূচিপাঠান্বিতম্|
নিহন্তি কফপিত্তকুষ্ঠজ্বরান্ বিষং বমিমরোচকং কামলাম্||১৫||
View original
पटोलकटुरोहिणीचन्दनं मधुस्रवगुडूचिपाठान्वितम्|
निहन्ति कफपित्तकुष्ठज्वरान् विषं वमिमरोचकं कामलाम्||१५||
Adhikarana guDUcyAdigaNaH (16) · Śloka 16
গুডূচীপদ্মকারিষ্টধানকারক্তচন্দনম্|
পিত্তশ্লেষ্মজ্বরচ্ছর্দিদাহতৃষ্ণাঘ্নমগ্নিকৃত্||১৬||
View original
गुडूचीपद्मकारिष्टधानकारक्तचन्दनम्|
पित्तश्लेष्मज्वरच्छर्दिदाहतृष्णाघ्नमग्निकृत्||१६||
Adhikarana AragvadhAdigaNaH (17-18) · Śloka 18
আরগ্বধেন্দ্রযবপাটলিকাকতিক্তা- নিম্বামৃতামধুরসাস্রুববৃক্ষপাঠাঃ|
ভূনিম্বসৈর্যক্রপতোলকরঞ্জযুগ্ম- সপ্তচ্ছদাগ্নিসুষবীফলবাণঘোণ্টাঃ||১৭||
আরগ্বধাদির্জযতি ছর্দিকুষ্ঠবিষজ্বরান্|
কফং কণ্ডূং প্রমেহং চ দুষ্টব্রণবিশোধনঃ||১৮||
View original
आरग्वधेन्द्रयवपाटलिकाकतिक्ता- निम्बामृतामधुरसास्रुववृक्षपाठाः|
भूनिम्बसैर्यक्रपतोलकरञ्जयुग्म- सप्तच्छदाग्निसुषवीफलबाणघोण्टाः||१७||
आरग्वधादिर्जयति छर्दिकुष्ठविषज्वरान्|
कफं कण्डूं प्रमेहं च दुष्टव्रणविशोधनः||१८||
Adhikarana asanAdigaNaH (19-20) · Śloka 20
অসনতিনিশভূর্জশ্বেতবাহপ্রকীর্যাঃ খদিরকদরভণ্ডীশিংশিপামেষশৃঙ্গ্যঃ|
ত্রিহিমতলপলাশা জোঙ্গকঃ শাকশালৌ ক্রমুকধবকলিঙ্গচ্ছাপকর্ণাশ্বকর্ণাঃ||১৯||
অসনাদির্বিজযতে শ্বিত্রকুষ্ঠকফক্রিমীন্|
পাণ্ডুরোগং প্রমেহং চ মেদোদোষনিবর্হণঃ||২০||
View original
असनतिनिशभूर्जश्वेतवाहप्रकीर्याः खदिरकदरभण्डीशिंशिपामेषशृङ्ग्यः|
त्रिहिमतलपलाशा जोङ्गकः शाकशालौ क्रमुकधवकलिङ्गच्छापकर्णाश्वकर्णाः||१९||
असनादिर्विजयते श्वित्रकुष्ठकफक्रिमीन्|
पाण्डुरोगं प्रमेहं च मेदोदोषनिबर्हणः||२०||
Adhikarana varUNAdigaNaH (49)) · Śloka 22
বরুণসৈর্যকযুগ্মশতাবরী- দহনমোরটবিল্ববিষাণিকাঃ|
দ্বিবৃহতীদ্বিকরঞ্জজযাদ্বযং বহলপল্লবদর্ভরুজাকরাঃ||২১||
বরুণাদিঃ কফং মেদো মন্দাগ্নিত্বং নিযচ্ছতি|
আঢ্যবাতং শিরঃশূলং গুল্মং চান্তঃ সবিদ্রধিম্||২২||
View original
वरुणसैर्यकयुग्मशतावरी- दहनमोरटबिल्वविषाणिकाः|
द्विबृहतीद्विकरञ्जजयाद्वयं बहलपल्लवदर्भरुजाकराः||२१||
वरुणादिः कफं मेदो मन्दाग्नित्वं नियच्छति|
आढ्यवातं शिरःशूलं गुल्मं चान्तः सविद्रधिम्||२२||
Adhikarana UShakAdigaNaH (23) · Śloka 23
ঊষকস্তুত্থকং হিঙ্গু কাসীসদ্বযসৈন্ধবম্|
সশিলাজতু কৃচ্ছ্রাশ্মগুল্মমেদঃকফাপহম্||২৩||
View original
ऊषकस्तुत्थकं हिङ्गु कासीसद्वयसैन्धवम्|
सशिलाजतु कृच्छ्राश्मगुल्ममेदःकफापहम्||२३||
Adhikarana vIratarAdigaNaH (24-25) · Śloka 25
বেল্লন্তরারণিকবূকবৃষাশ্মভেদ- গোকণ্টকেত্কটসহাচরবাণকাশাঃ|
বৃক্ষাদনীনলকুশদ্বযগুণ্ঠগুন্দ্রা- ভল্লূকমোরটকুরণ্টকরম্ভপার্থাঃ||২৪||
বর্গো বীরতরাদ্যোঽযং হন্তি বাতকৃতান্ গদান্|
অশ্মরীশর্করামূত্রকৃচ্ছ্রাঘাতরুজাহরঃ||২৫||
View original
वेल्लन्तरारणिकबूकवृषाश्मभेद- गोकण्टकेत्कटसहाचरबाणकाशाः|
वृक्षादनीनलकुशद्वयगुण्ठगुन्द्रा- भल्लूकमोरटकुरण्टकरम्भपार्थाः||२४||
वर्गो वीरतराद्योऽयं हन्ति वातकृतान् गदान्|
अश्मरीशर्करामूत्रकृच्छ्राघातरुजाहरः||२५||
Adhikarana rodhrAdigaNaH (26-27) · Śloka 27
রোধ্রশাবরকরোধ্রপলাশা জিঙ্গিণীসরলকট্ফলযুক্তাঃ|
কুত্সিতাম্বকদলীগতশোকাঃ সৈলবালুপরিপেলবমোচাঃ||২৬||
এষ রোধ্রাদিকো নাম মেদঃ কফহরো গণঃ|
যোনিদোষহরঃ স্তম্ভী বর্ণ্যো বিষবিনাশনঃ||২৭||
View original
रोध्रशाबरकरोध्रपलाशा जिङ्गिणीसरलकट्फलयुक्ताः|
कुत्सिताम्बकदलीगतशोकाः सैलवालुपरिपेलवमोचाः||२६||
एष रोध्रादिको नाम मेदः कफहरो गणः|
योनिदोषहरः स्तम्भी वर्ण्यो विषविनाशनः||२७||
Adhikarana arkAdigaNaH (28-29) · Śloka 29
অর্কালর্কৌ নাগদন্তী বিশল্যা ভার্ঙ্গী রাস্না বৃশ্চিকালী প্রকীর্যা|
প্রত্যক্পুষ্পী পীততৈলোদকীর্যা শ্বেতাযুগ্মং তাপসানাং চ বৃক্ষঃ||২৮||
অযমর্কাদিকো বর্গঃ কফমেদোবিষাপহঃ|
কৃমিকুষ্ঠপ্রশমনো বিশেষাদ্ব্রণশোধনঃ||২৯||
View original
अर्कालर्कौ नागदन्ती विशल्या भार्ङ्गी रास्ना वृश्चिकाली प्रकीर्या|
प्रत्यक्पुष्पी पीततैलोदकीर्या श्वेतायुग्मं तापसानां च वृक्षः||२८||
अयमर्कादिको वर्गः कफमेदोविषापहः|
कृमिकुष्ठप्रशमनो विशेषाद्व्रणशोधनः||२९||
Adhikarana surasAdigaNaH (30-31) · Śloka 31
সুরসযুগফণিজ্জং কালমালা বিডঙ্গং খরবুসবৃষকর্ণীকট্ফলং কাসমর্দঃ|
ক্ষবকসরসিভাঙ্গীকার্মুকাঃ কাকমাচী কুলহলবিষমুষ্টীভূস্তৃণো ভূতকেশী||৩০||
সুরসাদির্গণঃ শ্লেষ্মমেদঃকৃমিনিষূদনঃ|
প্রতিশ্যাযারুচিশ্বাসকাসঘ্নো ব্রণশোধনঃ||৩১||
View original
सुरसयुगफणिज्जं कालमाला विडङ्गं खरबुसवृषकर्णीकट्फलं कासमर्दः|
क्षवकसरसिभाङ्गीकार्मुकाः काकमाची कुलहलविषमुष्टीभूस्तृणो भूतकेशी||३०||
सुरसादिर्गणः श्लेष्ममेदःकृमिनिषूदनः|
प्रतिश्यायारुचिश्वासकासघ्नो व्रणशोधनः||३१||
Adhikarana muShkakAdigaNaH (32) · Śloka 32
মুষ্ককস্নুগ্বরাদ্বীপিপলাশধবশিংশিপাঃ|
গুল্মমেহাশ্মরীপাণ্ডুমেদোর্শঃকফশুক্রজিত্||৩২||
View original
मुष्ककस्नुग्वराद्वीपिपलाशधवशिंशिपाः|
गुल्ममेहाश्मरीपाण्डुमेदोर्शःकफशुक्रजित्||३२||
Adhikarana vatsAkAdigaNaH (33-34) · Śloka 34
বত্সকমূর্বাভার্ঙ্গী- কটুকা মরীচং ঘুণপ্রিযা চ গণ্ডীরম্|
এলা পাঠাঽজাজী কট্বঙ্গফলাজমোদসিদ্ধার্থবচাঃ||৩৩||
জীরকহিঙ্গুবিডঙ্গং পশুগন্ধা পঞ্চকোলকং হন্তি|
চলকফমেদঃপীনসগুল্মজ্বরশূলদুর্নাম্নঃ||৩৪||
View original
वत्सकमूर्वाभार्ङ्गी- कटुका मरीचं घुणप्रिया च गण्डीरम्|
एला पाठाऽजाजी कट्वङ्गफलाजमोदसिद्धार्थवचाः||३३||
जीरकहिङ्गुविडङ्गं पशुगन्धा पञ्चकोलकं हन्ति|
चलकफमेदःपीनसगुल्मज्वरशूलदुर्नाम्नः||३४||
Adhikarana vacAharidrAdigaNau (35-36) · Śloka 36
বচাজলদদেবাহ্বনাগরাতিবিষাভযাঃ|
হরিদ্রাদ্বযযষ্ট্যাহ্বকলশীকুটজোদ্ভবাঃ||৩৫||
বচাহরিদ্রাদিগণাবামাতীসারনাশনৌ|
মেদঃকফাঢ্যপবনস্তন্যদোষনিবর্হণৌ||৩৬||
View original
वचाजलददेवाह्वनागरातिविषाभयाः|
हरिद्राद्वययष्ट्याह्वकलशीकुटजोद्भवाः||३५||
वचाहरिद्रादिगणावामातीसारनाशनौ|
मेदःकफाढ्यपवनस्तन्यदोषनिबर्हणौ||३६||
Adhikarana priya~ggvambaShThAdigaNau (21)) · Śloka 39
প্রিযঙ্গুপুষ্পাঞ্জনযুগ্মপদ্মাঃ পদ্মাদ্রজো যোজনবল্ল্যনন্তা|
মানদ্রুমো মোচরসঃ সমঙ্গা পুন্নাগশীতং মদনীযহেতুঃ||৩৭||
অম্বষ্ঠা মধুকং নমস্করী নন্দীবৃক্ষপলাশকচ্ছুরাঃ|
রোধ্রং ধাতকিবিল্বপেশিকে কট্বঙ্গঃ কমলোদ্ভবং রজঃ||৩৮||
গণৌ প্রিযড্গ্বম্বষ্ঠাদী পক্বাতীসারনাশনৌ|
সন্ধানীযৌ হিতৌ পিত্তে ব্রণানামপি রোপণৌ||৩৯||
View original
प्रियङ्गुपुष्पाञ्जनयुग्मपद्माः पद्माद्रजो योजनवल्ल्यनन्ता|
मानद्रुमो मोचरसः समङ्गा पुन्नागशीतं मदनीयहेतुः||३७||
अम्बष्ठा मधुकं नमस्करी नन्दीवृक्षपलाशकच्छुराः|
रोध्रं धातकिबिल्वपेशिके कट्वङ्गः कमलोद्भवं रजः||३८||
गणौ प्रियड्ग्वम्बष्ठादी पक्वातीसारनाशनौ|
सन्धानीयौ हितौ पित्ते व्रणानामपि रोपणौ||३९||
Adhikarana mustAdigaNaH (40) · Śloka 40
মুস্তাবচাগ্নিদ্বিনিশাদ্বিতিক্তা- ভল্লাতপাঠাত্রিফলাবিষাখ্যাঃ|
কুষ্ঠং ত্রুটী হৈমবতী চ যোনি- স্তন্যামযঘ্না মলপাচনাশ্চ||৪০||
View original
मुस्तावचाग्निद्विनिशाद्वितिक्ता- भल्लातपाठात्रिफलाविषाख्याः|
कुष्ठं त्रुटी हैमवती च योनि- स्तन्यामयघ्ना मलपाचनाश्च||४०||
Adhikarana nyagrodhAdigaNaH (41-42) · Śloka 42
ন্যগ্রোধপিপ্পলসদাফলরোধ্রযুগ্মং জম্বূদ্বযার্জুনকপীতনসোমবল্কাঃ|
প্লক্ষাম্রবঞ্জুলপিযালপলাশনন্দী- কোলীকদম্ববিরলামধুকং মধূকম্||৪১||
ন্যগ্রোধাদির্গণো ব্রণ্যঃ সঙ্গ্রাহী ভগ্নসাধনঃ|
মেদঃপিত্তাস্রতৃড্দাহযোনিরোগনিবর্হণঃ||৪২||
View original
न्यग्रोधपिप्पलसदाफलरोध्रयुग्मं जम्बूद्वयार्जुनकपीतनसोमवल्काः|
प्लक्षाम्रवञ्जुलपियालपलाशनन्दी- कोलीकदम्बविरलामधुकं मधूकम्||४१||
न्यग्रोधादिर्गणो व्रण्यः सङ्ग्राही भग्नसाधनः|
मेदःपित्तास्रतृड्दाहयोनिरोगनिबर्हणः||४२||
Adhikarana elAdigaNaH (43-44) · Śloka 44
এলাযুগ্মতুরুষ্ককুষ্ঠফলিনীমাংসীজলধ্যামকং স্পৃক্কাচোরকচোচপত্রতগরস্থৌণেযজাতীরসাঃ|
শুক্তির্ব্যাঘ্রনখোঽমরাহ্বমগুরুঃ শ্রীবাসকঃ কুঙ্কুমং চণ্ডাগুগ্গুলুদেবধূপখপুরাঃ পুন্নাগনাগাহ্বযম্||৪৩||
এলাদিকো বাতকফৌ বিষং চ বিনিযচ্ছতি|
বর্ণপ্রসাদনঃ কণ্ডূপিটিকাকোঠনাশনঃ||৪৪||
View original
एलायुग्मतुरुष्ककुष्ठफलिनीमांसीजलध्यामकं स्पृक्काचोरकचोचपत्रतगरस्थौणेयजातीरसाः|
शुक्तिर्व्याघ्रनखोऽमराह्वमगुरुः श्रीवासकः कुङ्कुमं चण्डागुग्गुलुदेवधूपखपुराः पुन्नागनागाह्वयम्||४३||
एलादिको वातकफौ विषं च विनियच्छति|
वर्णप्रसादनः कण्डूपिटिकाकोठनाशनः||४४||
Adhikarana shyAmAdigaNaH (45) · Śloka 45
শ্যামাদন্তীদ্রবন্তীক্রমুককুটরণা- শঙ্খিনীচর্মসাহ্বা- স্বর্ণক্ষীরীগবাক্ষীশিখরিরজনক- চ্ছিন্নরোহাকরঞ্জাঃ|
বস্তান্ত্রী ব্যাধিঘাতো বহলবহুরস- স্তীক্ষ্ণবৃক্ষাত্ ফলানি শ্যামাদ্যো হন্তি গুল্মং বিষমরুচিকফৌ হৃদ্রুজং মূত্রকৃচ্ছ্রম্||৪৫||
View original
श्यामादन्तीद्रवन्तीक्रमुककुटरणा- शङ्खिनीचर्मसाह्वा- स्वर्णक्षीरीगवाक्षीशिखरिरजनक- च्छिन्नरोहाकरञ्जाः|
बस्तान्त्री व्याधिघातो बहलबहुरस- स्तीक्ष्णवृक्षात् फलानि श्यामाद्यो हन्ति गुल्मं विषमरुचिकफौ हृद्रुजं मूत्रकृच्छ्रम्||४५||
Adhikarana iti trayastriMshadgaNAH (46) · Śloka 46
ত্রযস্ত্রিংশদিতি প্রোক্তা বর্গাস্তেষু ত্বলাভতঃ|
যুঞ্জ্যাত্তদ্বিধমন্যচ্চ দ্রব্যং জহ্যাদযৌগিকম্||৪৬||
View original
त्रयस्त्रिंशदिति प्रोक्ता वर्गास्तेषु त्वलाभतः|
युञ्ज्यात्तद्विधमन्यच्च द्रव्यं जह्यादयौगिकम्||४६||
Adhikarana teShu kasyacidravyasyAlAbhe tadvidhamanyadyojyam, ete vargAH sarvakalpayogyAshca (15) · Śloka 15
এতে বর্গা দোষদূষ্যাদ্যপেক্ষ্য কল্কক্কাথস্নেহলেহাদিযুক্তাঃ|
পানে নস্যেঽন্বাসনেঽন্তর্বহির্বা লেপাভ্যঙ্গৈর্ঘ্নন্তি রোগান্ সুকৃচ্ছ্রান্||৪৭||
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে শোধনাদিগণসঙ্গ্রহো নাম পঞ্চদশোঽধ্যাযঃ||১৫||
View original
एते वर्गा दोषदूष्याद्यपेक्ष्य कल्कक्काथस्नेहलेहादियुक्ताः|
पाने नस्येऽन्वासनेऽन्तर्बहिर्वा लेपाभ्यङ्गैर्घ्नन्ति रोगान् सुकृच्छ्रान्||४७||
इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां सूत्रस्थाने शोधनादिगणसङ्ग्रहो नाम पञ्चदशोऽध्यायः||१५||