15. śōdhanādigaṇasaṅgrahōdhyāyaḥ

Adhikarana SodhanAdigaNasa~ggrahodhyAyaH (2) · Śloka 2

ಯತೋ ದೋಷೋಪಕ್ರಮಣೀಯೇ ದ್ವಿವಿಧೋಪಕ್ರಮಣೀಯೇ ಚ ನಾನಾವಿಧಾ ಉಪಕ್ರಮಾ ಅಭಿಹಿತಾಃ, ತೇ ಚ ಮದನಮಧುಕಾದಿಭೇಷಜಾಶ್ರಯಾಃ, ಅತಸ್ತಾನಿ ಶೋಧನಾದ್ಯುಪಯೋಗೀನಿ ಸರ್ವೋಪಕ್ರಮಾಧಿಕಾರೀಣಿ ಸಞ್ಜಿಘೃಕ್ಷುರಧ್ಯಾಯಮಿಮಮಾರೇಭೇ - - - - ಅಥಾತಃಶೋಧನಾದಿಗಣಸಙ್ಗ್ರಹಮಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| ಗದ್ಯಸೂತ್ರೇ||೨||

Adhikarana vamanagaNaH (1) · Śloka 1

ಶೋಧನಂ ಚತುರ್ವಿಧಮ್,- ವಮನವಿರೇಚನಾಸ್ಥಾಪನಶಿರೋವಿರೇಚನದ್ರವ್ಯಭೇದೇನ| ತತ್ರಾಪಿ ವಮನಸ್ಯೌಷಧಗಣಂ ತಾವತ್ಪೂರ್ವಂ ವಕ್ತಿ - - - - ಮದನಮಧುಕಲಮ್ಬಾನಿಮ್ಬಬಿಮ್ಬೀವಿಶಾಲಾ- ತ್ರಪುಸಕುಟಜಮೂರ್ವಾದೇವದಾಲೀಕೃಮಿಘ್ನಮ್| ವಿದುಲದಹನಚಿತ್ರಾಃ ಕೋಶವತ್ಯೌ ಕರಞ್ಜಃ ಕಣಲವಣವಚೈಲಾಸರ್ಷಪಾಶ್ರ್ಛರ್ದನಾನಿ||೧||

Adhikarana virecanagaNaH (2) · Śloka 2

ನಿಕುಮ್ಭಕುಮ್ಭತ್ರಿಫಲಾಗವಾಕ್ಷೀ- ಸ್ರುಕ್ಶಙ್ಖಿನೀನೀಲಿನಿತಿಲ್ವಕಾನಿ| ಶಮ್ಯಾಕಕಮ್ಪಿಲ್ಲಕಹೇಮದುಗ್ಧಾ ದುಗ್ಧಂ ಚ ಮೂತ್ರಂ ಚ ವಿರೇಚನಾನಿ||೨||

Adhikarana nirUhagaNaH (3) · Śloka 3

ಮದನಕುಟಜಕುಷ್ಠದೇವದಾಲೀ- ಮಧುಕವಚಾದಶಮೂಲದಾರುರಾಸ್ನಾಃ| ಯವಮಿಶಿಕೃತವೇಧನಂ ಕುಲತ್ಥಾ ಮಧು ಲವಣಂ ತ್ರಿವೃತಾ ನಿರೂಹಣಾನಿ||೩||

Adhikarana nAvanagaNaH (4) · Śloka 4

ವೇಲ್ಲಾಪಾಮಾರ್ಗವ್ಯೋಷದಾರ್ವೀಸುರಾಲಾ ಬೀಜಂ ಶೈರೀಷಂ ಬಾರ್ಹತಂ ಶೈಗ್ರವಂ ಚ| ಸಾರೋ ಮಾಧೂಕಃ ಸೈನ್ಧವಂ ತಾರ್ಕ್ಷ್ಯಶೈಲಂ ತ್ರುಟ್ಯೌ ಪೃಥ್ವೀಕಾ ಶೋಧಯನ್ತ್ಯುತ್ತಮಾಙ್ಗಮ್||೪||

Adhikarana vAtaghnagaNaH (5) · Śloka 5

ಭದ್ರದಾರು ನತಂ ಕುಷ್ಠಂ ದಶಮೂಲಂ ಬಲಾದ್ವಯಮ್| ವಾಯುಂ ವೀರತರಾದಿಶ್ಚ ವಿದಾರ್ಯಾದಿಶ್ಚ ನಾಶಯೇತ್||೫||

Adhikarana pittaghnagaNaH (6) · Śloka 6

ದೂರ್ವಾಽನನ್ತಾ ನಿಮ್ಬವಾಸಾಽಽತ್ಮಗುಪ್ತಾ ಗುನ್ದ್ರಾಽಭೀರುಃ ಶೀತಪಾಕೀ ಪ್ರಿಯಙ್ಗುಃ| ನ್ಯಗ್ರೋಧಾದಿಃ ಪದ್ಮಕಾದಿಃ ಸ್ಥಿರೇ ದ್ವೇ ಪದ್ಮಂ ವನ್ಯಂ ಸಾರಿವಾದಿಶ್ಚ ಪಿತ್ತಮ್||೬||

Adhikarana shleShmaghnagaNaH (7) · Śloka 7

ಆರಗ್ವಧಾದಿರರ್ಕಾದಿರ್ಮುಷ್ಕಕಾದ್ಯೋಽಸನಾದಿಕಃ| ಸುರಸಾದಿಃ ಸಮುಸ್ತಾದಿರ್ವತ್ಸಕಾದಿರ್ಬಲಾಸಜಿತ್||೭||

Adhikarana jIvanIyAkhyo gaNaH (8) · Śloka 8

ಜೀವನ್ತಿ ಕಾಕೋಲ್ಯೌ ಮೇದೇ ದ್ವೇ ಮುದ್ಗಮಾಷಪರ್ಣ್ಯೌ ಚ| ೠಷಭಕಜೀವಕಮಧುಕಂ ಚೇತಿ ಗಣೋ ಜೀವನೀಯಾಖ್ಯಃ||೮||

Adhikarana vidAryAdigaNaH (9-10) · Śloka 10

ವಿದಾರಿಪಞ್ಚಾಙ್ಗುಲವೃಶ್ಚಿಕಾಲೀ- ವೃಶ್ಚೀವದೇವಾಹ್ವಯಶೂರ್ಪಪರ್ಣ್ಯಃ| ಕಣ್ಡೂಕರೀ ಜೀವನಹ್ರಸ್ವಸಂಜ್ಞೇ ದ್ವೇ ಪಞ್ಚಕೇ ಗೋಪಸುತಾ ತ್ರಿಪಾದೀ||೯|| ವಿದಾರ್ಯಾದಿರಯಂ ಹೃದ್ಯೋ ಬ್ರೂಂಹಣೋ ವಾತಪಿತ್ತಹಾ| ಶೋಷಗುಲ್ಮಾಙ್ಗಮರ್ದೋರ್ಧ್ವಶ್ವಾಸಕಾಸಹರೋ ಗಣಃ||೧೦||

Adhikarana sArivAdigaNaH (11) · Śloka 11

ಸಾರಿವೋಶೀರಕಾಶ್ಮರ್ಯಮಧೂಕಶಿಶಿರದ್ವಯಮ್| ಯಷ್ಟೀ ಪರೂಷಕಂ ಹನ್ತಿ ದಾಹಪಿತ್ತಾಸ್ರತೃಡ್ಜ್ವರಾನ್||೧೧||

Adhikarana padmakAdigaNaH (12) · Śloka 12

ಪದ್ಮಕಪುಣ್ಡ್ರೌ ವೃದ್ಧಿತುಗರ್ದ್ಯ್ಧಃ ಶೃಙ್ಗ್ಯಮೃತಾ ದಶ ಜೀವನಸಂಜ್ಞಾಃ| ಸ್ತನ್ಯಕರಾ ಘ್ನನ್ತೀರಣಪಿತ್ತಂ ಪ್ರೀಣನಜೀವನಬೃಂಹಣವೃಷ್ಯಾಃ||೧೨||

Adhikarana parUShakAdigaNaH (13) · Śloka 13

ಪರೂಷಕಂ ವರಾ ದ್ರಾಕ್ಷಾ ಕಟ್ಫಲಂ ಕತಕಾತ್ ಫಲಮ್| ರಾಜಾಹ್ವಂ ದಾಡಿಮಂ ಶಾಕಂ ತೃಣ್ಮೂತ್ರಾಮಯವಾತಜಿತ್||೧೩||

Adhikarana a~jjanAdigaNaH (14) · Śloka 14

ಅಞ್ಜನಂ ಫಲಿನೀ ಮಾಂಸೀ ಪದ್ಮೋತ್ಪಲರಸಾಞ್ಜನಮ್| ಸೈಲಾಮಧುಕನಾಗಾಹ್ವಂ ವಿಷಾನ್ತರ್ದಾಹಪಿತ್ತನುತ್||೧೪||

Adhikarana paTolAdigaNaH (15) · Śloka 15

ಪಟೋಲಕಟುರೋಹಿಣೀಚನ್ದನಂ ಮಧುಸ್ರವಗುಡೂಚಿಪಾಠಾನ್ವಿತಮ್| ನಿಹನ್ತಿ ಕಫಪಿತ್ತಕುಷ್ಠಜ್ವರಾನ್ ವಿಷಂ ವಮಿಮರೋಚಕಂ ಕಾಮಲಾಮ್||೧೫||

Adhikarana guDUcyAdigaNaH (16) · Śloka 16

ಗುಡೂಚೀಪದ್ಮಕಾರಿಷ್ಟಧಾನಕಾರಕ್ತಚನ್ದನಮ್| ಪಿತ್ತಶ್ಲೇಷ್ಮಜ್ವರಚ್ಛರ್ದಿದಾಹತೃಷ್ಣಾಘ್ನಮಗ್ನಿಕೃತ್||೧೬||

Adhikarana AragvadhAdigaNaH (17-18) · Śloka 18

ಆರಗ್ವಧೇನ್ದ್ರಯವಪಾಟಲಿಕಾಕತಿಕ್ತಾ- ನಿಮ್ಬಾಮೃತಾಮಧುರಸಾಸ್ರುವವೃಕ್ಷಪಾಠಾಃ| ಭೂನಿಮ್ಬಸೈರ್ಯಕ್ರಪತೋಲಕರಞ್ಜಯುಗ್ಮ- ಸಪ್ತಚ್ಛದಾಗ್ನಿಸುಷವೀಫಲಬಾಣಘೋಣ್ಟಾಃ||೧೭|| ಆರಗ್ವಧಾದಿರ್ಜಯತಿ ಛರ್ದಿಕುಷ್ಠವಿಷಜ್ವರಾನ್| ಕಫಂ ಕಣ್ಡೂಂ ಪ್ರಮೇಹಂ ಚ ದುಷ್ಟವ್ರಣವಿಶೋಧನಃ||೧೮||

Adhikarana asanAdigaNaH (19-20) · Śloka 20

ಅಸನತಿನಿಶಭೂರ್ಜಶ್ವೇತವಾಹಪ್ರಕೀರ್ಯಾಃ ಖದಿರಕದರಭಣ್ಡೀಶಿಂಶಿಪಾಮೇಷಶೃಙ್ಗ್ಯಃ| ತ್ರಿಹಿಮತಲಪಲಾಶಾ ಜೋಙ್ಗಕಃ ಶಾಕಶಾಲೌ ಕ್ರಮುಕಧವಕಲಿಙ್ಗಚ್ಛಾಪಕರ್ಣಾಶ್ವಕರ್ಣಾಃ||೧೯|| ಅಸನಾದಿರ್ವಿಜಯತೇ ಶ್ವಿತ್ರಕುಷ್ಠಕಫಕ್ರಿಮೀನ್| ಪಾಣ್ಡುರೋಗಂ ಪ್ರಮೇಹಂ ಚ ಮೇದೋದೋಷನಿಬರ್ಹಣಃ||೨೦||

Adhikarana varUNAdigaNaH (49)) · Śloka 22

ವರುಣಸೈರ್ಯಕಯುಗ್ಮಶತಾವರೀ- ದಹನಮೋರಟಬಿಲ್ವವಿಷಾಣಿಕಾಃ| ದ್ವಿಬೃಹತೀದ್ವಿಕರಞ್ಜಜಯಾದ್ವಯಂ ಬಹಲಪಲ್ಲವದರ್ಭರುಜಾಕರಾಃ||೨೧|| ವರುಣಾದಿಃ ಕಫಂ ಮೇದೋ ಮನ್ದಾಗ್ನಿತ್ವಂ ನಿಯಚ್ಛತಿ| ಆಢ್ಯವಾತಂ ಶಿರಃಶೂಲಂ ಗುಲ್ಮಂ ಚಾನ್ತಃ ಸವಿದ್ರಧಿಮ್||೨೨||

Adhikarana UShakAdigaNaH (23) · Śloka 23

ಊಷಕಸ್ತುತ್ಥಕಂ ಹಿಙ್ಗು ಕಾಸೀಸದ್ವಯಸೈನ್ಧವಮ್| ಸಶಿಲಾಜತು ಕೃಚ್ಛ್ರಾಶ್ಮಗುಲ್ಮಮೇದಃಕಫಾಪಹಮ್||೨೩||

Adhikarana vIratarAdigaNaH (24-25) · Śloka 25

ವೇಲ್ಲನ್ತರಾರಣಿಕಬೂಕವೃಷಾಶ್ಮಭೇದ- ಗೋಕಣ್ಟಕೇತ್ಕಟಸಹಾಚರಬಾಣಕಾಶಾಃ| ವೃಕ್ಷಾದನೀನಲಕುಶದ್ವಯಗುಣ್ಠಗುನ್ದ್ರಾ- ಭಲ್ಲೂಕಮೋರಟಕುರಣ್ಟಕರಮ್ಭಪಾರ್ಥಾಃ||೨೪|| ವರ್ಗೋ ವೀರತರಾದ್ಯೋಽಯಂ ಹನ್ತಿ ವಾತಕೃತಾನ್ ಗದಾನ್| ಅಶ್ಮರೀಶರ್ಕರಾಮೂತ್ರಕೃಚ್ಛ್ರಾಘಾತರುಜಾಹರಃ||೨೫||

Adhikarana rodhrAdigaNaH (26-27) · Śloka 27

ರೋಧ್ರಶಾಬರಕರೋಧ್ರಪಲಾಶಾ ಜಿಙ್ಗಿಣೀಸರಲಕಟ್ಫಲಯುಕ್ತಾಃ| ಕುತ್ಸಿತಾಮ್ಬಕದಲೀಗತಶೋಕಾಃ ಸೈಲವಾಲುಪರಿಪೇಲವಮೋಚಾಃ||೨೬|| ಏಷ ರೋಧ್ರಾದಿಕೋ ನಾಮ ಮೇದಃ ಕಫಹರೋ ಗಣಃ| ಯೋನಿದೋಷಹರಃ ಸ್ತಮ್ಭೀ ವರ್ಣ್ಯೋ ವಿಷವಿನಾಶನಃ||೨೭||

Adhikarana arkAdigaNaH (28-29) · Śloka 29

ಅರ್ಕಾಲರ್ಕೌ ನಾಗದನ್ತೀ ವಿಶಲ್ಯಾ ಭಾರ್ಙ್ಗೀ ರಾಸ್ನಾ ವೃಶ್ಚಿಕಾಲೀ ಪ್ರಕೀರ್ಯಾ| ಪ್ರತ್ಯಕ್ಪುಷ್ಪೀ ಪೀತತೈಲೋದಕೀರ್ಯಾ ಶ್ವೇತಾಯುಗ್ಮಂ ತಾಪಸಾನಾಂ ಚ ವೃಕ್ಷಃ||೨೮|| ಅಯಮರ್ಕಾದಿಕೋ ವರ್ಗಃ ಕಫಮೇದೋವಿಷಾಪಹಃ| ಕೃಮಿಕುಷ್ಠಪ್ರಶಮನೋ ವಿಶೇಷಾದ್ವ್ರಣಶೋಧನಃ||೨೯||

Adhikarana surasAdigaNaH (30-31) · Śloka 31

ಸುರಸಯುಗಫಣಿಜ್ಜಂ ಕಾಲಮಾಲಾ ವಿಡಙ್ಗಂ ಖರಬುಸವೃಷಕರ್ಣೀಕಟ್ಫಲಂ ಕಾಸಮರ್ದಃ| ಕ್ಷವಕಸರಸಿಭಾಙ್ಗೀಕಾರ್ಮುಕಾಃ ಕಾಕಮಾಚೀ ಕುಲಹಲವಿಷಮುಷ್ಟೀಭೂಸ್ತೃಣೋ ಭೂತಕೇಶೀ||೩೦|| ಸುರಸಾದಿರ್ಗಣಃ ಶ್ಲೇಷ್ಮಮೇದಃಕೃಮಿನಿಷೂದನಃ| ಪ್ರತಿಶ್ಯಾಯಾರುಚಿಶ್ವಾಸಕಾಸಘ್ನೋ ವ್ರಣಶೋಧನಃ||೩೧||

Adhikarana muShkakAdigaNaH (32) · Śloka 32

ಮುಷ್ಕಕಸ್ನುಗ್ವರಾದ್ವೀಪಿಪಲಾಶಧವಶಿಂಶಿಪಾಃ| ಗುಲ್ಮಮೇಹಾಶ್ಮರೀಪಾಣ್ಡುಮೇದೋರ್ಶಃಕಫಶುಕ್ರಜಿತ್||೩೨||

Adhikarana vatsAkAdigaNaH (33-34) · Śloka 34

ವತ್ಸಕಮೂರ್ವಾಭಾರ್ಙ್ಗೀ- ಕಟುಕಾ ಮರೀಚಂ ಘುಣಪ್ರಿಯಾ ಚ ಗಣ್ಡೀರಮ್| ಏಲಾ ಪಾಠಾಽಜಾಜೀ ಕಟ್ವಙ್ಗಫಲಾಜಮೋದಸಿದ್ಧಾರ್ಥವಚಾಃ||೩೩|| ಜೀರಕಹಿಙ್ಗುವಿಡಙ್ಗಂ ಪಶುಗನ್ಧಾ ಪಞ್ಚಕೋಲಕಂ ಹನ್ತಿ| ಚಲಕಫಮೇದಃಪೀನಸಗುಲ್ಮಜ್ವರಶೂಲದುರ್ನಾಮ್ನಃ||೩೪||

Adhikarana vacAharidrAdigaNau (35-36) · Śloka 36

ವಚಾಜಲದದೇವಾಹ್ವನಾಗರಾತಿವಿಷಾಭಯಾಃ| ಹರಿದ್ರಾದ್ವಯಯಷ್ಟ್ಯಾಹ್ವಕಲಶೀಕುಟಜೋದ್ಭವಾಃ||೩೫|| ವಚಾಹರಿದ್ರಾದಿಗಣಾವಾಮಾತೀಸಾರನಾಶನೌ| ಮೇದಃಕಫಾಢ್ಯಪವನಸ್ತನ್ಯದೋಷನಿಬರ್ಹಣೌ||೩೬||

Adhikarana priya~ggvambaShThAdigaNau (21)) · Śloka 39

ಪ್ರಿಯಙ್ಗುಪುಷ್ಪಾಞ್ಜನಯುಗ್ಮಪದ್ಮಾಃ ಪದ್ಮಾದ್ರಜೋ ಯೋಜನವಲ್ಲ್ಯನನ್ತಾ| ಮಾನದ್ರುಮೋ ಮೋಚರಸಃ ಸಮಙ್ಗಾ ಪುನ್ನಾಗಶೀತಂ ಮದನೀಯಹೇತುಃ||೩೭|| ಅಮ್ಬಷ್ಠಾ ಮಧುಕಂ ನಮಸ್ಕರೀ ನನ್ದೀವೃಕ್ಷಪಲಾಶಕಚ್ಛುರಾಃ| ರೋಧ್ರಂ ಧಾತಕಿಬಿಲ್ವಪೇಶಿಕೇ ಕಟ್ವಙ್ಗಃ ಕಮಲೋದ್ಭವಂ ರಜಃ||೩೮|| ಗಣೌ ಪ್ರಿಯಡ್ಗ್ವಮ್ಬಷ್ಠಾದೀ ಪಕ್ವಾತೀಸಾರನಾಶನೌ| ಸನ್ಧಾನೀಯೌ ಹಿತೌ ಪಿತ್ತೇ ವ್ರಣಾನಾಮಪಿ ರೋಪಣೌ||೩೯||

Adhikarana mustAdigaNaH (40) · Śloka 40

ಮುಸ್ತಾವಚಾಗ್ನಿದ್ವಿನಿಶಾದ್ವಿತಿಕ್ತಾ- ಭಲ್ಲಾತಪಾಠಾತ್ರಿಫಲಾವಿಷಾಖ್ಯಾಃ| ಕುಷ್ಠಂ ತ್ರುಟೀ ಹೈಮವತೀ ಚ ಯೋನಿ- ಸ್ತನ್ಯಾಮಯಘ್ನಾ ಮಲಪಾಚನಾಶ್ಚ||೪೦||

Adhikarana nyagrodhAdigaNaH (41-42) · Śloka 42

ನ್ಯಗ್ರೋಧಪಿಪ್ಪಲಸದಾಫಲರೋಧ್ರಯುಗ್ಮಂ ಜಮ್ಬೂದ್ವಯಾರ್ಜುನಕಪೀತನಸೋಮವಲ್ಕಾಃ| ಪ್ಲಕ್ಷಾಮ್ರವಞ್ಜುಲಪಿಯಾಲಪಲಾಶನನ್ದೀ- ಕೋಲೀಕದಮ್ಬವಿರಲಾಮಧುಕಂ ಮಧೂಕಮ್||೪೧|| ನ್ಯಗ್ರೋಧಾದಿರ್ಗಣೋ ವ್ರಣ್ಯಃ ಸಙ್ಗ್ರಾಹೀ ಭಗ್ನಸಾಧನಃ| ಮೇದಃಪಿತ್ತಾಸ್ರತೃಡ್ದಾಹಯೋನಿರೋಗನಿಬರ್ಹಣಃ||೪೨||

Adhikarana elAdigaNaH (43-44) · Śloka 44

ಏಲಾಯುಗ್ಮತುರುಷ್ಕಕುಷ್ಠಫಲಿನೀಮಾಂಸೀಜಲಧ್ಯಾಮಕಂ ಸ್ಪೃಕ್ಕಾಚೋರಕಚೋಚಪತ್ರತಗರಸ್ಥೌಣೇಯಜಾತೀರಸಾಃ| ಶುಕ್ತಿರ್ವ್ಯಾಘ್ರನಖೋಽಮರಾಹ್ವಮಗುರುಃ ಶ್ರೀವಾಸಕಃ ಕುಙ್ಕುಮಂ ಚಣ್ಡಾಗುಗ್ಗುಲುದೇವಧೂಪಖಪುರಾಃ ಪುನ್ನಾಗನಾಗಾಹ್ವಯಮ್||೪೩|| ಏಲಾದಿಕೋ ವಾತಕಫೌ ವಿಷಂ ಚ ವಿನಿಯಚ್ಛತಿ| ವರ್ಣಪ್ರಸಾದನಃ ಕಣ್ಡೂಪಿಟಿಕಾಕೋಠನಾಶನಃ||೪೪||

Adhikarana shyAmAdigaNaH (45) · Śloka 45

ಶ್ಯಾಮಾದನ್ತೀದ್ರವನ್ತೀಕ್ರಮುಕಕುಟರಣಾ- ಶಙ್ಖಿನೀಚರ್ಮಸಾಹ್ವಾ- ಸ್ವರ್ಣಕ್ಷೀರೀಗವಾಕ್ಷೀಶಿಖರಿರಜನಕ- ಚ್ಛಿನ್ನರೋಹಾಕರಞ್ಜಾಃ| ಬಸ್ತಾನ್ತ್ರೀ ವ್ಯಾಧಿಘಾತೋ ಬಹಲಬಹುರಸ- ಸ್ತೀಕ್ಷ್ಣವೃಕ್ಷಾತ್ ಫಲಾನಿ ಶ್ಯಾಮಾದ್ಯೋ ಹನ್ತಿ ಗುಲ್ಮಂ ವಿಷಮರುಚಿಕಫೌ ಹೃದ್ರುಜಂ ಮೂತ್ರಕೃಚ್ಛ್ರಮ್||೪೫||

Adhikarana iti trayastriMshadgaNAH (46) · Śloka 46

ತ್ರಯಸ್ತ್ರಿಂಶದಿತಿ ಪ್ರೋಕ್ತಾ ವರ್ಗಾಸ್ತೇಷು ತ್ವಲಾಭತಃ| ಯುಞ್ಜ್ಯಾತ್ತದ್ವಿಧಮನ್ಯಚ್ಚ ದ್ರವ್ಯಂ ಜಹ್ಯಾದಯೌಗಿಕಮ್||೪೬||

Adhikarana teShu kasyacidravyasyAlAbhe tadvidhamanyadyojyam, ete vargAH sarvakalpayogyAshca (15) · Śloka 15

ಏತೇ ವರ್ಗಾ ದೋಷದೂಷ್ಯಾದ್ಯಪೇಕ್ಷ್ಯ ಕಲ್ಕಕ್ಕಾಥಸ್ನೇಹಲೇಹಾದಿಯುಕ್ತಾಃ| ಪಾನೇ ನಸ್ಯೇಽನ್ವಾಸನೇಽನ್ತರ್ಬಹಿರ್ವಾ ಲೇಪಾಭ್ಯಙ್ಗೈರ್ಘ್ನನ್ತಿ ರೋಗಾನ್ ಸುಕೃಚ್ಛ್ರಾನ್||೪೭|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಸೂತ್ರಸ್ಥಾನೇ ಶೋಧನಾದಿಗಣಸಙ್ಗ್ರಹೋ ನಾಮ ಪಞ್ಚದಶೋಽಧ್ಯಾಯಃ||೧೫||