36. sarpaviṣapratiṣēdhādhyāyaḥ

Adhikarana adhyAyopakramaH (1) · Śloka 1

|১|

Adhikarana sarpaviShapratiShedhAdhyAyaH ---------- bhaumapannagAnAM trividhatvam (2) · Śloka 2

অথাতঃ সর্পবিষপ্রতিষেধং ব্যাখ্যাস্যামঃ| ইতি হ স্মাহুরাত্রযাদযো মহর্ষযঃ| (গদ্যসূত্রে|২| ) দর্বীকরা মণ্ডলিনো রাজীমন্তশ্চ পন্নগাঃ| ত্রিধা সমাসতো ভৌমাঃ, ভিদ্যন্তে তে ত্বনেকধা||১|| ব্যাসতো যোনিভেদেন নোচ্যন্তেঽনুপযোগিনঃ| |২|

Adhikarana darvIkarAdInAM viShaM krameNa rUkShakaTukAdikaM vAtAdi kopanaM ca (2-3) · Śloka 3

| বিশেষাদ্রূক্ষকটুকমম্লোষ্ণং স্বাদুশীতলম্||২|| বিষং দর্বীকরাদীনাং ক্রমাদ্বাতাদিকোপনম্| |৩|

Adhikarana darvIkarAdInAM tAruNyAdiShu viSholbaNatvam (3-4) · Śloka 4

| তরুণ্যমধ্যবৃদ্ধত্বে বৃষ্টিশীতাতপেষু চ||৩|| বিষোল্বণা ভবন্ত্যেতে ব্যন্তরা ঋতুসন্ধিষু| |৪|

Adhikarana darvIkarANAM lakShaNam (4-5) · Śloka 5

| রথাঙ্গলাঙ্গলচ্ছত্রস্বস্তিকাঙ্কুশধারিণঃ||৪|| ফণিনঃ শীঘ্রগতযঃ সর্পা দর্বীকরাঃ স্মৃতাঃ| |৫|

Adhikarana maNDalinAM lakShaNam (5-6) · Śloka 6

| জ্ঞেযা মণ্ডলিনোঽভোগা মণ্ডলৈর্বিবিধৈশ্চিতাঃ||৫|| প্রাংশবো মন্দগমনাঃ| |৬|

Adhikarana rAjImatAM lakShaNam (6) · Śloka 6

রাজীমন্তস্তু রাজিভিঃ| স্নিগ্ধা বিচিত্রবর্ণাভিস্তির্যগূর্ধ্বং চ চিত্রিতাঃ||৬||

Adhikarana gaudherasya lakShaNam (7) · Śloka 7

বিজাতযোঽধুনোচ্যন্তে - গোধাসুতস্তু গৌধেরো বিষে দর্বীকরৈঃ সমঃ| চতুষ্পাদ্|৭|

Adhikarana eteShAmeva sa~gkarAt vyantarAj~jeyAH (7-8) · Śloka 8

| ব্যন্তরান্ বিদ্যাদেতেষামেব সঙ্করাত্||৭|| ব্যামিশ্রলক্ষণাস্তে হি সন্নিপাতপ্রকোপনাঃ| |৮|

Adhikarana sarpadashane AhArAdikAraNAni (8-9) · Śloka 9

| আহারার্থং ভযাত্ পাদস্পর্শাদতিবিষাত্ ক্রুধঃ||৮|| পাপবৃত্তিতযা বৈরাদ্দেবর্ষিযমচোদনাত্| দশন্তি সর্পাস্তেষূক্তং বিষাধিক্যং যথোত্তরম্||৯||

Adhikarana kAraNaM j~jAtvA yathAsvaM pratikriyA (10) · Śloka 10

আদিষ্টাত্ কারণং জ্ঞাত্বা প্রতিকুর্যাদ্যথাযথম্| |১০|

Adhikarana vyantarasya mArgAshrayatvam (10) · Śloka 10

| ব্যন্তরঃ পাপশীলত্বান্মার্গমাশ্রিত্য তিষ্ঠতি||১০||

Adhikarana tuNDAhatasya lakShaNam, vyAlIDhasya lakShaNam, vyAlutpasya lakShaNam dashTakasya lakShaNam dashTanipIDitasya lakShaNam, eShAM sAdhyAsAdhyatvam (11-14) · Śloka 14

যত্র লালাপরিক্লেদমাত্রং গাত্রে প্রদৃশ্যতে| ন তু দংষ্ট্রাকৃতং দংশং তত্তুণ্ডাহতমাদিশেত্||১১|| একং দংষ্ট্রাপদং দ্বে বা ব্যালীঢাখ্যমশোণিতম্| দংষ্ট্রাপদে সরক্তে দ্বে ব্যালুপ্তং, ত্রীণি তানি তু||১২|| মাংসচ্ছেদাদবিচ্ছিন্নরক্তবাহীনি দষ্টকম্| দংষ্ট্রাপদানি চত্বারি তদ্বদ্দষ্টনিপীডিতম্||১৩|| নির্বিষং দ্বযমত্রাদ্যমসাধ্যং পশ্চিমং বদেত্| |১৪|

Adhikarana sarpaviShasya raktaprAptyaiva vardhanam (14-15) · Śloka 15

| বিষং নাহেযমপ্রাপ্য রক্তং দূষযতে বপুঃ||১৪|| রক্তমণ্বপি তু প্রাপ্তং বর্ধতে তৈলমম্বুবত্| |১৫|

Adhikarana sarpA~ggAbhihatasya lakShaNam (15-16) · Śloka 16

| ভীরোস্তু সর্পসংস্পর্শাদ্ভযেন কুপিতোঽনিলঃ||১৫|| কদাচিত্কুরুতে শোফং সর্পাঙ্গাভিহতং তু তত্| |১৬|

Adhikarana sha~gkaviShasya lakShaNam (16-17) · Śloka 17

| দুর্গান্ধকারে বিদ্ধস্য কেনচিদ্দষ্টশঙ্কযা||১৬|| বিষোদ্বেগো জ্বরশ্চর্দির্মূর্চ্ছা দাহোঽপি বা ভবেত্| গ্লানির্মোহোঽতিসারো বা তচ্ছঙ্কাবিষমুচ্যতে||১৭||

Adhikarana saviShadaMshasya lakShaNam , nirviShadaMshasya lakShaNam (18) · Śloka 18

তুদ্যতে সবিষো দংশঃ কণ্ডূশোফরুজন্বিতঃ| দহ্যতে গ্রথিতঃ কিঞ্চিদ্বিপরীতস্তু নির্বিষঃ||১৮||

Adhikarana darvIkarANAM prathamavegasya lakShaNam, dvitIyavegasya lakShaNam, tRutIyavegasya lakShaNam, caturthavegasya lakShaNam, pa~jcamavegasya lakShaNam, ShaShThavegasya lakShaNam, saptamavegasya lakShaNam (19-22) · Śloka 22

পূর্বে দর্বীকৃতাং বেগে দুষ্টং শ্যাবীভবত্যসৃক্| শ্যাবতা তেন বক্ত্রাদৌ সর্পন্তীব চ কীটকাঃ||১৯|| দ্বিতীযে গ্রন্থযো বেগে, তৃতীযে মূর্ধ্নি গৌরবম্| দৃগ্রোধো দংশবিক্লেদশ্চতুর্থে ষ্ঠীবনং বমিঃ||২০|| সন্ধিবিশ্লেষণং তন্দ্রা পঞ্চমে পর্বভেদনম্| দাহো হিধ্মা চ, ষষ্ঠে তু হৃত্পীডা গাত্রগৌরবম্||২১|| মূর্চ্ছা বিপাকোঽতীসারঃ, প্রাপ্য শুক্রং তু সপ্তমে| স্কন্ধপৃষ্ঠকটীভঙ্গঃ সর্বচেষ্টানিবর্তনম্||২২||

Adhikarana maNDalidaShTasya prathamavegasya lakShaNam, dvitIyavegasya lakShaNam, trutIyaIvegasya lakShaNam, caturthavegasya lakShaNam, pa~jcamavegasya lakShaNam, ShaShThavegasya lakShaNam, saptamavegasya lakShaNam (23-24) · Śloka 24

অথ মণ্ডলিদষ্টস্য দুষ্টং পীতীভবত্যসৃক্| তেন পীতাঙ্গতা দাহো, দ্বিতীযে শ্বযথূদ্ভবঃ||২৩|| তৃতীযে দংশবিক্লেদঃ স্বেদস্তৃষ্ণা চ জাযতে| চতুর্থে জ্বর্যতে, দাহঃ পঞ্চমে সর্বগাত্রগঃ||২৪||

Adhikarana rAjImaddaShTasya prathamavegasya lakShaNam, dvitIyavegasya lakShaNam, tRUtIyavegasya lakShaNam, caturthavegasya lakShaNam, pa~jcamavegasya lakShaNam, ShaShThasaptamavegayoH lakShaNam (25-27) · Śloka 27

দষ্টস্য রাজিলৈর্দুষ্টং পাণ্ডুতাং যাতি শোণিতম্| পাণ্ডুতা তেন গাত্রাণাং, দ্বিতীযে গুরুতাঽতি চ||২৫|| তৃতীযে দংশবিক্লেদো নাসিকাক্ষিমুখস্রবাঃ| চতুর্থে গরিমা মূর্ধ্নো মন্যাস্তম্ভশ্চ, পঞ্চমে||২৬|| গাত্রভঙ্গো জ্বরঃ শীতঃ শেষযোঃ পূর্ববদ্বদেত্| |২৭|

Adhikarana pa~jcasu vegeShu cikitsA kAryA ShaShThasaptamayorna kAryA (27) · Śloka 27

| কুর্যাত্পঞ্চসু বেগেষু চিকিত্সাং, ন ততঃ পরম্||২৭||

Adhikarana alpaviShasarpANAM lakShaNam (28-30) · Śloka 30

জলাপ্লুতা রতিক্ষীণা ভীতা নকুলনির্জিতাঃ| শীতবাতাতপব্যাধিক্ষুত্তৃষ্ণাশ্রমপীডিতাঃ||২৮|| তূর্ণং দেশান্তরাযাতা বিমুক্তবিষকঞ্চুকাঃ| কুষৌষধীকণ্টকবদ্যে চরন্তি চ কাননম্||২৯|| দেশং চ দিব্যাধ্যুষিতং সর্পাস্তেঽল্পবিষা মতাঃ| |৩০|

Adhikarana shmashAnAdiShu marmasu ca daShTasyAsAdhyatvam (30-32) · Śloka 32

| শ্মশানচিতিচৈত্যাদৌ পঞ্চমীপক্ষসন্ধিষু||৩০|| অষ্টমীনবমীসন্ধ্যামধ্যরাত্রিদিনেষু চ| যাম্যাগ্নেযমঘাশ্লেষাবিশাখাপূর্বনৈঃঋতে||৩১|| নৈঃ-ঋতাখ্যে মুহূর্তে চ দষ্টং মর্মসু চ ত্যজেত্| |৩২|

Adhikarana sarpadaShTo sitAsyAkShAdiyuto na jIvati (32-33) · Śloka 33

| দষ্টমাত্রঃ সিতাস্যাক্ষঃ শীর্যমাণশিরোরুহঃ||৩২|| স্তব্ধজিহ্বো মুহুর্মূর্চ্ছন্ শীতোচ্ছ্বাসো ন জীবতি| |৩৩|

Adhikarana sarpadaShTo yugapat hidhmAdiyuto na jIvati (33-34) · Śloka 34

| হিধ্মা শ্বাসো বমিঃ কাসো দষ্টমাত্রস্য দেহিনঃ||৩৩|| জাযন্তে যুগপদ্যস্য স হৃচ্ছূলী ন জীবতি| |৩৪|

Adhikarana sarpadaShTo viShapItAdishca phenavamanAdilakShaNayuto na jIvati (34-36) · Śloka 36

| ফেনং বমতি নিঃসংজ্ঞঃ শ্যাবপাদকরাননঃ||৩৪|| নাসাবসাদো ভঙ্গোঽঙ্গে বিড্ভেদঃ শ্লথসন্ধিতা| বিষপীতস্য দষ্টস্য দিগ্ধেনাভিহতস্য চ||৩৫|| ভবন্ত্যেতানি রূপাণি সম্প্রাপ্তে জীবিতক্ষযে| |৩৬|

Adhikarana sarpadaShTo tIkShNanasyaishcetanAbhAvAdirna jIvati (36-37) · Śloka 37

| ন নস্যৈশ্চেতনা তীক্ষ্ণৈর্ন ক্ষতাত্ ক্ষতজাগমঃ||৩৬|| দণ্ডাহতস্য নো রাজিঃ প্রযাতস্য যমান্তিকম্| |৩৭|

Adhikarana ato~anyathA viShamAshu shamaM nayet (37-38) · Śloka 38

| অতোঽন্যথা তু ত্বরযা প্রদীপ্তাগারবদ্ভিষক্||৩৭|| রক্ষন্ কণ্ঠগতান্ প্রাণান্ বিষমাশু শমং নযেত্| |৩৮|

Adhikarana daShTasya viShaM mAtrAshatAddehaM prakramate (38-39) · Śloka 39

| মাত্রাশতং বিষং স্থিত্বা দংশে দষ্টস্য দেহিনঃ||৩৮|| দেহং প্রক্রমতে ধাতূন্ রুধিরাদীন্ প্রদূষযত্| |৩৯|

Adhikarana etasminnantare daMshasyotkartanAdikaM kAryam (39-40) · Śloka 40

| এতস্মিন্নন্তরে কর্ম দংশস্যোত্কর্তনাদিকম্||৩৯|| কুর্যাচ্ছীঘ্রং যথা দেহে বিষবল্লী ন রোহতি| |৪০|

Adhikarana daShTamAtrastameva sarpamAshu dashedityAdi (40-41) · Śloka 41

| দষ্টমাত্রো দশেদাশু তমেব পবনাশিনম্||৪০|| লোষ্টং মহীং বা দশনৈস্ছিত্ত্বা চানু সসম্ভ্রমম্| নিষ্ঠীবেন সমালিম্পেদ্দংশং কর্ণমলেন বা||৪১||

Adhikarana bandhanena viShastambhanaprakAraH (42-43) · Śloka 43

দংশস্যোপরি বধ্নীযাদরিষ্টাং চতুরঙ্গুলে| ক্ষৌমাদিভির্বেণিকযা সিদ্ধৈর্মন্ত্রৈশ্চ মন্ত্রবিত্||৪২|| অম্বুবত্ সেতুবন্ধেন বন্ধেন স্তভ্যতে বিষম্| ন বহন্তি সিরাশ্চাস্য বিষং বন্ধাভিপীডিতাঃ||৪৩||

Adhikarana anu niShpIDya daMshamuddharet (44) · Śloka 44

নিষ্পীড্যানূদ্ধেরদ্দংশং মর্মসন্ধ্যগতং তথা| ন জাযতে বিষাদ্বেগো বীজনাশাদিবাঙ্কুরঃ||৪৪||

Adhikarana maNDalItaradaMshasya prataptahemAdinA dahanam (45-46) · Śloka 46

দংশং মণ্ডলিনাং মুক্ত্বা পিত্তলত্বাদথাপরম্| প্রতপ্তৈর্হেমলোহাদ্যৈর্দহেদাশূল্মুকেন বা||৪৫|| করোতি ভস্মসাত্সদ্যো বহ্নিঃ কিং নাম তু ক্ষতম্| |৪৬|

Adhikarana maNDalItaradaMshasya mRudAdipUrNavatkreNa vA~a~acUShaNam, agadairmuhura~ggalepaH, candanAdisalilena secanam (46-48) · Śloka 48

| আচূষেত্ পূর্ণবক্ত্রো বা মৃদ্ভস্মাগদগোমযৈঃ||৪৬|| প্রচ্ছাযান্তররিষ্টাযাং মাংসলং তু বিশেষতঃ| অঙ্গং সহৈব দংশেন লেপযেদগদৈর্মুহুঃ||৪৭|| চন্দনোশীরযুক্তেন সলিলেন চ সেচযেত্| |৪৮|

Adhikarana maNDalItaradaMshasya viShe pravisRute sirAvyadhaH (48-49) · Śloka 49

| বিষে প্রবিসৃতে বিধ্যেত্সিরাং সা পরমা ক্রিযা||৪৮|| রক্তে নির্হ্রিযমাণে হি কৃত্স্নং নির্হ্রীযতে বিষম্| |৪৯|

Adhikarana saviShaparaktasya lakShaNam (49-50) · Śloka 50

| দুর্গন্ধং সবিষং রক্তমগ্নৌ চটচটাযতে||৪৯|| যথাদোষং বিশুদ্ধং চ পূর্ববল্লক্ষযেদসৃক্| |৫০|

Adhikarana sirAsvadRushyamAnAsu shRu~ggAdinA raktamokShaNam (50) · Śloka 50

| সিরাস্বদৃষ্যমানাসু যোজ্যাঃ শৃঙ্গজলৌকসঃ||৫০||

Adhikarana srutasheSharaktasya shItalepAdinA stambhanam (51) · Śloka 51

শোণিতং স্রুতশেষং চ প্রবিলীনং বিষোষ্মণা| লেপসেকৈঃ সুবহুশঃ স্তম্ভযেদ্ভৃশশীতলৈঃ||৫১||

Adhikarana askanne rakte mUrcchAdayaH, teShu shItopacArAdishca (52) · Śloka 52

অস্কন্নে বিষবেগাদ্ধি মূর্চ্ছাযমদহৃদ্দ্রবাঃ| ভবন্তি তান্ জযেচ্ছীতৈর্বীজেচ্চারোমহর্ষতঃ||৫২||

Adhikarana skanne rakte viShavegashAntiH (53) · Śloka 53

স্কন্নে তু রুধিরে সদ্যো বিষবেগঃ প্রশাম্যতি| |৫৩|

Adhikarana viShaM tIkShNatvAt hRudayakarShaNam, hRudayarakShaNAya ghRutAdi pAnam, hRudayAvaraNe hRudishleShmopacayaH (53-54) · Śloka 54

| বিষং কর্ষতি তীক্ষ্ণত্বাদ্ হৃদযং তস্য গুপ্তযে||৫৩|| পিবেদ্ধৃতং ঘৃতক্ষৌদ্রমগদং বা ঘৃতাপ্লুতম্| হৃদযাবরণে চাস্য শ্লেষ্মা হৃদ্যুপচীযতে||৫৪||

Adhikarana tataH pravRuttagauravAdervamanam (55-56) · Śloka 56

প্রবৃত্তগৌরবোত্ক্লেশহৃল্লাসং বামযেত্ততঃ| দ্রবৈঃ কাঞ্জিককৌলত্থতৈলমদ্যাদিবর্জিতৈঃ||৫৫|| বমনৈর্বিষহৃদ্ভিশ্চ নৈবং ব্যাপ্নোতি তদ্বপুঃ| |৫৬|

Adhikarana bhuja~ggadoShAdyavalokanapUrvaM vishiShTA kriyA (56-57) · Śloka 57

| ভুজঙ্গদোষপ্রকৃতিস্থানবেগবিশেষতঃ||৫৬|| সুসূক্ষ্মং সম্যগালোচ্য বিশিষ্টাং চাচরেত্ক্রিযাম্| |৫৭|

Adhikarana darvIkarairdaShTe sinduvAritamUlAdikaM pAnaM nasyaM ca (57-58) · Śloka 58

| সিন্দুবারিতমূলানি শ্বেতা চ গিরিকর্ণিকা||৫৭|| পানং দর্বীকরৈর্দষ্টে নস্যং মধু সপাকলম্| |৫৮|

Adhikarana kRuShNasarpeNa daShTe cAraTyAdi lepaH kShaudrAdiyutaghRutapAnaM ca (58-59) · Śloka 59

| কৃষ্ণসর্পেণ দষ্টস্য লিম্পেদ্দংশং হৃতেঽসৃজি||৫৮|| চারটীনাকুলীভ্যাং বা তীক্ষ্ণমূলবিষেণ বা| পানং চ ক্ষৌদ্রমঞ্জিষ্ঠাগৃহধূমযুতং ঘৃতম্||৫৯||

Adhikarana phaNinAM rAjImatAM ca viShe tandulIyakAdyagadaH (60-61) · Śloka 61

তন্দুলীযককাশ্মর্যকিণিহীগিরিকর্ণিকাঃ| মাতুলুঙ্গী সিতা শেলুঃ পাননস্যাঞ্জনৈর্হিতঃ||৬০|| অগদঃ ফণিনাং ঘোরে বিষে রাজীমতামপি| |৬১|

Adhikarana maNDaliviShe sugandhAdyagadaH (61-62) · Śloka 62

| সমাঃ সুগন্ধামৃদ্বীকাশ্বেতাখ্যাগজদন্তিকাঃ||৬১|| অর্ধাংশং সৌরসং পত্রং কপিত্থং বিল্বদাডিমম্| সক্ষৌদ্রো মণ্ডলিবিষে বিশেষাদগদো হিতঃ||৬২||

Adhikarana maNDaliviShe himavAnnAmAgadaH (63-64) · Śloka 64

পঞ্চবল্কবরাযষ্টীনাগপুষ্পৈলবালুকম্| জীবকর্ষভকৌ শীতং সিতা পদ্মকমুত্পলম্||৬৩|| সক্ষৌদ্রো হিমবান্নাম হন্তি মণ্ডলিনাং বিষম্| লেপাচ্ছ্বযথুবীসর্পবিস্ফোটজ্বরদাহহা||৬৪||

Adhikarana maNDaliviShe kAshmaryAdipAnam (65) · Śloka 65

কাশ্মর্যং বটশুঙ্গানি জীবকর্ষভকৌ সিতা| মঞ্জিষ্ঠা মধুকং চেতি দষ্টো মণ্ডলিনা পিবেত্||৬৫||

Adhikarana gonasaviShe vaMshatvagAdiko~aShTA~ggo~agadaH (66-67) · Śloka 67

বংশত্বগ্বীজকটুকাপাটলীবীজনাগরম্| শিরীপবীজাতিবিষে মূলং গাবেধুকং বচা||৬৬|| পিষ্টো গোবারিণাঽষ্টাঙ্গো হন্তি গোনসজং বিষম্| |৬৭|

Adhikarana rAjImatAM viShe kaTukAdayaH (67-68) · Śloka 68

| কটুকাতিবিষাকুষ্ঠগৃহধূমহরেণুকাঃ||৬৭|| সক্ষৌদ্রব্যোষতগরা ঘ্নন্তি রাজীমতাং বিষম্| |৬৮|

Adhikarana kANDacitrAyA viShe daMshaM bhuvi nikhanet tataH pracchitaM sarpiH - pralepAdi (68-70) · Śloka 70

| নিখনেত্কাণ্ডচিত্রাযা দংশং যামদ্বযং ভুবি||৬৮|| উদ্ধৃত্য প্রচ্ছিতং সর্পির্ধান্যমৃদ্ভ্যাং প্রলেপযেত্| পিবেত্পুরাণং চ ঘৃতং বরাচূর্ণাবচূর্ণিতম্||৬৯|| জীর্ণে বিরিক্তো ভুঞ্জীত যবান্নং সূপসংস্কৃতম্| |৭০|

Adhikarana vyantaradaShTaviShe karavIrAdyagadaH (70-71) · Śloka 71

| করবীরার্ককুসুমমূললাঙ্গলিকাকণাঃ||৭০|| কল্কযেদারনালেন পাঠামরিচসংযুতাঃ| এষ ব্যন্তরদষ্টানামগদঃ সার্বকার্মিকঃ||৭১||

Adhikarana sarpadaShTaviShe bhAvitasitamaricasya pAnanasyA~jjanam (72) · Śloka 72

শিরীষপুষ্পস্বরসে সপ্তাহং মরিচং সিতম্| ভাবিতং সর্পদষ্টানাং পাননস্যাঞ্জনে হিতম্||৭২||

Adhikarana takShakadaShTaviShe natAdipAnam (73) · Śloka 73

দ্বিপলং নতকুষ্ঠাভ্যাং ঘৃতক্ষৌদ্রং চতুষ্পলম্| অপি তক্ষকদষ্টানাং পানমেতত্সুখপ্রদম্||৭৩||

Adhikarana darvIkRutAM prathame vege raktasrAvAdi (74) · Śloka 74

অথ দর্বীকৃতাং বেগে পূর্বে বিস্ত্রাব্য শোণিতম্| অগদং মধুসর্পির্ভ্যাং সংযুক্তং ত্বরিতং পিবেত্||৭৪||

Adhikarana darvIkRutAM dvitIye vege vamanAdi (75) · Śloka 75

দ্বিতীযে বমনং কৃত্বা তদ্বদেবাগদং পিবেত্| |৭৫|

Adhikarana darvIkRutAM tRutIye vege viShaghnama~jjanAdi (75) · Śloka 75

| বিষাপহে প্রযুঞ্জীত তৃতীযেঽঞ্জননাবনে||৭৫||

Adhikarana darvIkRutAM caturthe vege vamanaM yavAgUshca (76) · Śloka 76

পিবেচ্চতুর্থে পূর্বোক্তাং যবাগূং বমনে কৃতে| |৭৬|

Adhikarana darvIkRutAM pa~jcame ShaShThe ca vege vamanaM, yavAgU, shItalepAdi¶É (76-77) · Śloka 77

| ষষ্ঠপঞ্চমযোঃ শীতৈর্দিগ্ধং সিক্তমভীক্ষ্ণশঃ||৭৬|| পাযযেদ্বমনং তীক্ষ্ণং যবাগূং চ বিষাপহৈঃ| |৭৭|

Adhikarana darvIkRutAm saptame vege tIkShNA~jjanAdi (77-78) · Śloka 78

| অগদং সপ্তমে তীক্ষ্ণং যুঞ্জ্যাদঞ্জননস্যযোঃ||৭৭|| কৃত্বাঽবগাঢং শস্ত্রেণ মূর্ধ্নি কাকপদং ততঃ| মাংসং সরুধিরং তস্য চর্ম বা তত্র নিক্ষিপেত্||৭৮||

Adhikarana maNDalinAM tRutIye vege vamanaM peyA ca (79) · Śloka 79

তৃতীযে বমিতঃ পেযাং বেগে মণ্ডলিনাং পিবেত্| |৭৯|

Adhikarana maNDalinAM ShaShThe vege tIkShaNAgadAdi (79) · Śloka 79

| অতীক্ষ্ণমগদং ষষ্ঠে গণং বা পদ্মকাদিকম্||৭৯||

Adhikarana rAjImatAM prathame vege raktasrAvAdi (80) · Śloka 80

অদ্যেঽবগাঢং প্রচ্ছায বেগে দষ্টস্য রাজিলৈঃ| অলাবুনা হরেদ্রক্তং পূর্ববচ্চাগদং পিবেত্||৮০||

Adhikarana rAjImatAM ShaShThe vege tIkShNA~jjanAdi (81) · Śloka 81

ষষ্ঠেঽঞ্জনং তীক্ষ্ণতমমবপীডং চ যোজযেত্| |৮১|

Adhikarana anuktavegeShu darvIkarakriyA (81) · Śloka 81

| অনুক্তেষু চ বেগেষু ক্রিযাং দর্বীকরোদিতাম্||৮১||

Adhikarana garbhiNyAdiShu mRudukriyAdi (82) · Śloka 82

গর্ভিণীবালবৃদ্ধেষু মৃদুং, বিধ্যেত্সিরাং ন চ| |৮২|

Adhikarana sarvaviShaghnaM vajram (82-83) · Śloka 83

| ত্বঙ্মনোহ্বা নিশে বক্রং রসঃ শার্দূলজো নখঃ||৮২|| তমালঃ কেসরং শীতং পীতং তন্দুলবারিণা| হন্তি সর্ববিষাণ্যেতদ্বজ্রং বজ্রমিবাসুরান্||৮৩||

Adhikarana sarvaviShaghnaM bilvamUlAdya~jjanAdi (84-85) · Śloka 85

বিল্বস্য মূলং সুরসস্য পুষ্পং ফলং করঞ্জস্য নতং সুরাহ্বম্| ফলত্রিকং ব্যোষনিশাদ্বযং চ বস্তস্য মূত্রেণ সুসূক্ষ্মপিষ্টম্||৮৪|| ভুজঙ্গলূতোন্দুরবৃশ্চিকাদ্যৈর্বিসূচিকাজীর্ণগরজ্বরৈশ্চ| আর্তান্নরান্ ভূতবিধর্ষিতাংশ্চ স্বস্থীকরোত্যঞ্জনপাননস্যৈঃ||৮৫||

Adhikarana daMshAdapi niHsheShaM viShamuddharet, sheShaM hi viShaM punarvegAya jAyeta (86) · Śloka 86

প্রলেপাদ্যৈশ্চ নিঃশেষং দংশাদপ্যুদ্ধরেদ্বিষম্| ভূযো বেগায জাযেত্ শেষং দূষীবিষায বা||৮৬||

Adhikarana viShApAye kupitavAyvAdInAM snehAdyupakramaH (87-88) · Śloka 88

বিষাপাযেঽনিলং ক্রুদ্ধং স্নেহাদিভিরুপাচরেত্| তৈলমদ্যকুলত্থাম্লবর্জ্যৈঃ পবননাশনৈঃ||৮৭|| পিত্তং পিত্তজ্বরহরৈঃ কষাযস্নেহবস্তিভিঃ| সমাক্ষিকেণ বর্গেণ কফমারগ্বধাদিনা||৮৮||

Adhikarana sarpA~ggABihate Sa~gkAviShArdite ca sitAdipAnaM prokShaNAdi (89-90) · Śloka 90

সিতা বৈগন্ধিকো দ্রাক্ষা পযস্যা মধুকং মধু| পানং সমন্ত্রপূতাম্বু প্রেক্ষণং সান্ত্বহর্ষণম্||৮৯|| সর্পাঙ্গাভিহতে যুঞ্জ্যাত্তথা শঙ্কাবিষার্দিতে| |৯০|

Adhikarana viShashAntyarthaM karketanAdidhAraNam (90-92) · Śloka 92

| কর্কেতনং মরকতং বজ্রং বারণমৌক্তিকম্||৯০|| বৈঢূর্যং গর্দভমণিং পিচুকং বিষমূষিকাম্| হিমবদ্গিরিসম্ভূতাং সোমরাজীং পুনর্নবাম্||৯১|| তথা দ্রোণাং মহাদ্রোণাং মানসীং সর্পজং মণিম্| বিষাণি বিষশান্ত্যর্থং বীর্যবন্তি চ ধারযেত্||৯২||

Adhikarana rAtrisa~jcAre chatrajharjharadhAraNam (36) · Śloka 36

ছত্রী ঝর্ঝরপাণিশ্চ চরেদ্রাত্রৌ বিশেষতঃ| তচ্ছাযাশব্দবিত্রস্তাঃ প্রণশ্যন্তি ভুজঙ্গমাঃ||৯৩|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে সর্পবিষপ্রতিষেধো নাম ষট্ত্রিংশোঽধ্যাযঃ||৩৬||