Adhikarana athA~arshonidAnaM nAma saptamo~adhyAyaH | pratij~jA (1) · Śloka 1
அதாதோऽர்ஶஸாஂ நிதாநஂ நாமாத்யாயஂ வ்யாக்யாஸ்யாமஃ| இதி ஹ ஸ்மாஹுராத்ரேயாதயோ மஹர்ஷயஃ||௧||
अथातोऽर्शसां निदानं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana arshonirvacanaM tatsvarUpAdi ca (2) · Śloka 2
அரிவத்விஶஸந்தீத்யர்ஶாஂஸி| தாநி புநர்பஹுப்ரகாராணி| ஸுபஹூபத்ரவாணி ச| பாயுமேட்ராதிஸஂஶ்ரயா மாஂஸகீலாஃ||௨||
अरिवद्विशसन्तीत्यर्शांसि| तानि पुनर्बहुप्रकाराणि| सुबहूपद्रवाणि च| पायुमेढ्रादिसंश्रया मांसकीलाः||२||
🔊 Audio coming soon
Adhikarana arshasAM dvividhairdvaividhyam (3) · Śloka 3
ஸமாஸதஸ்து த்விவிதாந்யர்ஶாஂஸி| ஸஹஜாநி ஜந்மோத்தரகாலஜாநி ச| புநஶ்ச த்விவிதாநி| ஶுஷ்காண்யார்த்ராணி ச||௩||
समासतस्तु द्विविधान्यर्शांसि| सहजानि जन्मोत्तरकालजानि च| पुनश्च द्विविधानि| शुष्काण्यार्द्राणि च||३||
🔊 Audio coming soon
Adhikarana arshasAmadhiShThAnam (4) · Śloka 4
ஸர்வேஷாம் புநரதிஷ்டாநஂ மேதோ மாஂஸஂ த்வக்ச||௪||
सर्वेषाम् पुनरधिष्ठानं मेदो मांसं त्वक्च||४||
🔊 Audio coming soon
Adhikarana gudavarNanam (5) · Śloka 5
ஸ்தூலாந்த்ரப்ரதிபத்தோऽர்தபஞ்சாங்குலோ ஹி குதஃ| தஸ்மிந் பூர்வமுக்தா வலீஸஂஜ்ஞாஸ்திஸ்த்ரஃ பேஶ்யோऽத்யர்தாங்குலாஃ| தாஃ ப்ரவாஹிணீ விஸர்ஜநீ ஸஂவரணீ ச| ரோமாந்தாதத்யர்தயவஂ குதௌஷ்டமாஹுஃ||௫||
स्थूलान्त्रप्रतिबद्धोऽर्धपञ्चाङ्गुलो हि गुदः| तस्मिन् पूर्वमुक्ता वलीसंज्ञास्तिस्त्रः पेश्योऽध्यर्धाङ्गुलाः| ताः प्रवाहिणी विसर्जनी संवरणी च| रोमान्तादध्यर्धयवं गुदौष्ठमाहुः||५||
🔊 Audio coming soon
Adhikarana prathamabalIsthAnam (6) · Śloka 6
ப்ரதமா து குதௌஷ்டாதங்குலமாத்ரே||௬||
प्रथमा तु गुदौष्ठादङ्गुलमात्रे||६||
🔊 Audio coming soon
Adhikarana sahajArshasAM heturasAdhyatva~jca (7) · Śloka 7
தத்ர ஸாஹஜாநாஂ குதவலீபீஜோபதப்திராயதநம்| தஸ்யா த்விவிதோ ஹேதுர்மாதாபித்ரோரபசாரோ தைவஂ ச| தாப்யாஂ ஸந்நிபாதப்ரகோபஃ| தஸ்மாத் தாந்யஸாத்யாநி||௭||
तत्र साहजानां गुदवलीबीजोपतप्तिरायतनम्| तस्या द्विविधो हेतुर्मातापित्रोरपचारो दैवं च| ताभ्यां सन्निपातप्रकोपः| तस्मात् तान्यसाध्यानि||७||
🔊 Audio coming soon
Adhikarana kulajavyAdhInAmasAdhyatvam (8) · Śloka 8
ஏதேந குலஜாஃ ஸர்வே விகாரா வ்யாக்யாதாஃ||௮||
एतेन कुलजाः सर्वे विकारा व्याख्याताः||८||
🔊 Audio coming soon
Adhikarana sahajArshasAM visheShalakShaNam (9) · Śloka 9
விஶேஷதஸ்து ஸஹஜாநி துர்தர்ஶநபருஷபாண்டூபசிததாருணாந்யந்தர்முகாநி பஹூபத்ரவோபத்ருதாநி பவந்தி||௯||
विशेषतस्तु सहजानि दुर्दर्शनपरुषपाण्डूपचितदारुणान्यन्तर्मुखानि बहूपद्रवोपद्रुतानि भवन्ति||९||
🔊 Audio coming soon
Adhikarana janmottarajArshasAM ShaDvidhatvam (10) · Śloka 10
அதேதராணி ஷட்விதாநி| பதக்தோஷைஃ ஸஂஸஷ்டைஃ ஸந்நிபதிதைஃ ஶோணிதேந ச||௧௦||
अथेतराणि षड्विधानि| पृथग्दोषैः संसृष्टैः सन्निपतितैः शोणितेन च||१०||
🔊 Audio coming soon
Adhikarana arshassu shuShkatvArdratvayorhetuH (11) · Śloka 11
தத்ர வாதஶ்லேஷ்மோத்தராணி ஶுஷ்காணி| ரக்தபித்தோத்தராண்யார்த்ராணி||௧௧||
तत्र वातश्लेष्मोत्तराणि शुष्काणि| रक्तपित्तोत्तराण्यार्द्राणि||११||
🔊 Audio coming soon
Adhikarana arshasAM nidAnaM samprAptishca (12) · Śloka 12
தோஷப்ரகோபஹேதுஸ்து ப்ராகுக்தஃ| ஸ யதா மலோபசயமாததாதி| புநஶ்சோத்கடகவிஷமகடிநாஸநஸேவநாதுத்ப்ராந்தயாநோஷ்ட்ராதிப்ரயாணாததிவ்யவாயாத்வஸ்திநேத்ராஸம்யக்ப்ரணிதாநாதிநா குதக்ஷணநாதபீக்ஷ்ணஂ ஶீதாம்புஸஂஸ்பர்ஶாச்சைலலோஷ்டதணாதிஸங்கர்ஷாத்| ப்ரததாதிப்ரவாஹணாத்வாதமூத்ரபுரீஷவேகோதீரணதாரணாத்ஸ்த்ரீணாஂ சாऽऽகர்பர்ப்ரஂஶாத்கர்போத்பீடநாத்விஷமப்ரஸூதேரேவஂவிதைஶ்சாபரைஃ குபிதோ வாயுரபாநஸ்தஂ மலமுபசிதமதோகதமாஸாத்ய குதவலீஷ்வாதத்தே| ததஸ்தாஸ்வபிஷ்யண்ணாஸ்வர்ஶாஂஸி ஸம்பவந்தி||௧௨||
दोषप्रकोपहेतुस्तु प्रागुक्तः| स यदा मलोपचयमादधाति| पुनश्चोत्कटकविषमकठिनासनसेवनादुद्भ्रान्तयानोष्ट्रादिप्रयाणादतिव्यवायाद्वस्तिनेत्रासम्यक्प्रणिधानादिना गुदक्षणनादभीक्ष्णं शीताम्बुसंस्पर्शाच्चैललोष्ठतृणादिसङ्घर्षात्| प्रततातिप्रवाहणाद्वातमूत्रपुरीषवेगोदीरणधारणात्स्त्रीणां चाऽऽगर्भर्भ्रंशाद्गर्भोत्पीडनाद्विषमप्रसूतेरेवंविधैश्चापरैः कुपितो वायुरपानस्तं मलमुपचितमधोगतमासाद्य गुदवलीष्वाधत्ते| ततस्तास्वभिष्यण्णास्वर्शांसि सम्भवन्ति||१२||
🔊 Audio coming soon
Adhikarana arshasAM pUrvarUpam (13) · Śloka 13
தேஷாபூர்வரூபாணி கச்ச்ராத் பக்திராந்த்ரகூஜநமுத்காரபாஹுல்யமம்லகோऽந்நாஶ்ரத்தா-விஷ்டம்போऽஶ்மகர்பாபநாபித்வமாடோபோऽதஸ்தாத்கச்ச்ரேண ஸஶப்தஸ்ய ச வாயோஃ ப்ரவத்திர்பஹுமூத்ரத்வமல்பபுரீஷதா குதபரிகர்த்தந ஸவிதஸதநமக்ஷ்ணோஃ ஶ்வயதுரவிமலேந்த்ரியத்வமாலஸ்யஂ தந்த்ரா கார்ஶ்யஂ தௌர்பல்யமாஶங்காக்ரஹணீதோஷஶோபோதர-பாண்டுரோககுல்மேஷு||௧௩||
तेषापूर्वरूपाणि कृच्छ्रात् पक्तिरान्त्रकूजनमुद्गारबाहुल्यमम्लकोऽन्नाश्रद्धा-विष्टम्भोऽश्मगर्भाभनाभित्वमाटोपोऽधस्तात्कृच्छ्रेण सशब्दस्य च वायोः प्रवृत्तिर्बहुमूत्रत्वमल्पपुरीषता गुदपरिकर्त्तन सविथसदनमक्ष्णोः श्वयथुरविमलेन्द्रियत्वमालस्यं तन्द्रा कार्श्यं दौर्बल्यमाशङ्काग्रहणीदोषशोफोदर-पाण्डुरोगगुल्मेषु||१३||
🔊 Audio coming soon
Adhikarana arshasAM rUpANi (14) · Śloka 14
ஜாதேஷு சைதாநி லிங்காநி ப்ரவ்யக்ததராணி பவந்தி||௧௪||
जातेषु चैतानि लिङ्गानि प्रव्यक्ततराणि भवन्ति||१४||
🔊 Audio coming soon
Adhikarana arshobhiranalavyApatteH samprAptiH (15) · Śloka 15
தைஃ கல்வதோமார்கோபரோதாத்வாயுரபாநோ நிவர்த்தமாநஃ ஸமாநவ்யாநோதாநப்ரணாந் பித்தஶ்லேஷ்மாணௌ ச ப்ரகோபயந்நலமுபமத்நாதி||௧௫||
तैः खल्वधोमार्गोपरोधाद्वायुरपानो निवर्त्तमानः समानव्यानोदानप्रणान् पित्तश्लेष्माणौ च प्रकोपयन्नलमुपमृद्नाति||१५||
🔊 Audio coming soon
Adhikarana arshasAM sAmAnyalakShaNam (16) · Śloka 16
அத ஸர்வ ஏவர்ஶஸோ பவத்யதிகஶோ விவர்ணஃ க்ஷாமோ தீநஃ ப்ரசுரவிபத்தவாதமூத்ரபுரீஷோऽஶ்மரீஶர்கராவாந் அநியதவிபத்தமுக்தாமபக்வபிந்நஶுஷ்கவர்சாஸ்ததாந்தராந்தராऽऽமஶ்வேதபாண்துஹரிதபீதரக்தாருணதநுஸாந்த்ரபிச்சலோபவேஶீ நாபிவஂக்ஷணோத்தேஶப்ரசுரபரிகர்திகாऽந்விதஃ ஸகுதஶூலப்ரவாஹிகாப்ரஹர்ஷப்ரமோஹோऽல்பஶுக்ரப்ரஜோऽல்பஶுபுக் ஸிராஸந்ததகாத்ரஃ க்ரோதநோ துருபசாரஃ காஸஶ்வாஸபீநஸதஷ்ணாऽரோசகபாணிபாதவதநாऽக்ஷிகூடஶ்வயதுக்ஷவதுவேபதுவமதுபரீதஸ்தைமிரிகஃ ஶிரஃ ஶீலீ க்ஷாமபிந்நஸ்வரஃ கர்ணரோகீ ஸஜ்வரஃ ஸாங்கமர்தஃ ஸர்வபர்வாऽஸ்திஶூலோऽந்தராந்தரா ஹதயகுக்ஷிபார்ஶ்வபஷ்டபஸ்தித்ரிகக்ரஹோபதப்தஃ ப்ரத்யாநபரஃ பரமலஸஶ்ச||௧௬||
अथ सर्व एवर्शसो भवत्यतिकृशो विवर्णः क्षामो दीनः प्रचुरविबद्धवातमूत्रपुरीषोऽश्मरीशर्करावान् अनियतविबद्धमुक्तामपक्वभिन्नशुष्कवर्चास्तथान्तरान्तराऽऽमश्वेतपाण्दुहरितपीतरक्तारुणतनुसान्द्रपिच्छलोपवेशी नाभिवंक्षणोद्देशप्रचुरपरिकर्तिकाऽन्वितः सगुदशूलप्रवाहिकाप्रहर्षप्रमोहोऽल्पशुक्रप्रजोऽल्पशुभुक् सिरासन्ततगात्रः क्रोधनो दुरुपचारः कासश्वासपीनसतृष्णाऽरोचकपाणिपादवदनाऽक्षिकूटश्वयथुक्षवथुवेपथुवमथुपरीतस्तैमिरिकः शिरः शीली क्षामभिन्नस्वरः कर्णरोगी सज्वरः साङ्गमर्दः सर्वपर्वाऽस्थिशूलोऽन्तरान्तरा हृदयकुक्षिपार्श्वपृष्ठबस्तित्रिकग्रहोपतप्तः प्रध्यानपरः परमलसश्च||१६||
🔊 Audio coming soon
Adhikarana vAtolbaNArshasAM lakShaNam (17) · Śloka 17
தத்ர வாதோல்பணாநி ஶுஷ்கம்லாநகடிநபருஷரூக்ஷஶ்யாவாரூணாநி தீக்ஷ்ணஸ்புடிதமுகாநி விஷமமத்யாநி கதம்பபுஷ்பதுண்டிகேரீகர்கந்தூஸித்தார்தபிம்பீகர்ஜூரபலப்ரமாணநி வக்ரணி மிதோ விஸதஶாநி கடிபார்ஶ்வாதிஷ்வதிகவேதநாநி ஸஶூலோதாவர்த்தகராணி குல்மாஷ்டீலாப்லீஹோதராணி சாऽஸ்ய தந்நிமித்தாந்யேவ கஷ்ணத்வங்நகநயநவதநமலாஶ்ச பவந்தி||௧௭||
तत्र वातोल्बणानि शुष्कम्लानकठिनपरुषरूक्षश्यावारूणानि तीक्ष्णस्फ़ुटितमुखानि विषममध्यानि कदम्बपुष्पतुण्डिकेरीकर्कन्धूसिद्धार्थबिम्बीखर्जूरफ़लप्रमाणनि वक्रणि मिथो विसदृशानि कटिपार्श्वादिष्वधिकवेदनानि सशूलोदावर्त्तकराणि गुल्माष्ठीलाप्लीहोदराणि चाऽस्य तन्निमित्तान्येव कृष्णत्वङ्नखनयनवदनमलाश्च भवन्ति||१७||
🔊 Audio coming soon
Adhikarana pittolbaNArshasAM lakShaNam (18) · Śloka 18
பித்தோல்பணாநி நீலாக்ராணி ரக்தபீதகஷ்ணாநி மதுஶிதிலாநி ஸ்பர்ஶாऽஸஹாநி விஸ்த்ரகந்தீநி தநூநி தநுரக்தஸ்த்ராவீணி தாஹபாகவந்திஜ்வரமோஹாருசிகராணி யகதப்ரகாஶாநி ஶுகஜிஹ்வாஜலௌகாவக்த்ரஸதஶாநி யவமத்யாநி ப்ரக்லிந்நாநி பிந்நபீதவர்சாஂஸி ஹாரித்ரத்வங்நகாதிகராணி ச||௧௮||
पित्तोल्बणानि नीलाग्राणि रक्तपीतकृष्णानि मृदुशिथिलानि स्पर्शाऽसहानि विस्त्रगन्धीनि तनूनि तनुरक्तस्त्रावीणि दाहपाकवन्तिज्वरमोहारुचिकराणि यकृतप्रकाशानि शुकजिह्वाजलौकावक्त्रसदृशानि यवमध्यानि प्रक्लिन्नानि भिन्नपीतवर्चांसि हारिद्रत्वङ्नखादिकराणि च||१८||
🔊 Audio coming soon
Adhikarana shleShmolbaNArshasAM lakShaNam (2) · Śloka 2
ஶ்லேஷ்மோல்பணாநி மஹாமூலாநி ஸ்திரஸ்நிக்தபாண்டுவத்தோபசிதாநி குருஸ்தப்தஶ்லக்ஷ்ணபிச்சிலாநி ஸுப்தஸுப்தாநி ஸ்பர்ஶக்ஷமாநி கரீரபநஸாஸ்திகோஸ்தநாகாராண்யதிமாத்ரோத்தாநப்ரவாஹிகாவஂக்ஷணாநாஹாநாபிபரிகர்திகாஹல்லாஸப்ரஸேககாஸஶ்வாஸ பீநஸாऽருசிச்சர்திகச்ச்ரமூத்ரப்ரமேஹஶீதஜ்வரஶோபஶிரோகௌரவேந்த்ரியோபலேபாக்நிமார்தவக்லைப்யாமவிகாரப்ரபலாநி ந பித்யந்தே ந ஸ்ரவந்தி கண்டூபஹுலாநி ஸஶ்லேஷ்மவஸாகப்ரகாஶாதிமலோபவேஶீநி ஶுக்லத்வங்நகாதிகராணி ச| ௧௯-௨௦||௨||
श्लेष्मोल्बणानि महामूलानि स्थिरस्निग्धपाण्डुवृत्तोपचितानि गुरुस्तब्धश्लक्ष्णपिच्छिलानि सुप्तसुप्तानि स्पर्शक्षमानि करीरपनसास्थिगोस्तनाकाराण्यतिमात्रोत्थानप्रवाहिकावंक्षणानाहानाभिपरिकर्तिकाहृल्लासप्रसेककासश्वास पीनसाऽरुचिच्छर्दिकृच्छ्रमूत्रप्रमेहशीतज्वरशोफशिरोगौरवेन्द्रियोपलेपाग्निमार्दवक्लैब्यामविकारप्रबलानि न भिद्यन्ते न स्रवन्ति कण्डूबहुलानि सश्लेष्मवसाकप्रकाशातिमलोपवेशीनि शुक्लत्वङ्नखादिकराणि च| १९-२०||२||
🔊 Audio coming soon
Adhikarana saMsargasannipAtArshasAM lakShaNam (21) · Śloka 21
லக்ஷணஸஂகாராத்ஸஂஸர்கஸந்நிபாதஜாநி விபஜேத்||௨௧||
लक्षणसंकारात्संसर्गसन्निपातजानि विभजेत्||२१||
🔊 Audio coming soon
Adhikarana raktArshasAM lakShaNam (22) · Śloka 22
ரக்தோல்பணநி து வடப்ரரோஹவித்ருமகாகநந்திகாபலாபாநி பித்தலக்ஷணாநி ச| ததா காடபுரீஷப்ரதிபீடிதாந்யத்யர்தஂ துஷ்டமுஷ்ணமஸக் ஸஹஸா விஸஜந்தி| தஸ்யாऽதிப்ரவத்தௌ ரக்தக்ஷயோபத்ரவாஃ பவந்திதி||௨௨||
रक्तोल्बणनि तु वटप्ररोहविद्रुमकाकनन्दिकाफ़लाभानि पित्तलक्षणानि च| तथा गाढपुरीषप्रतिपीडितान्यत्यर्थं दुष्टमुष्णमसृक् सहसा विसृजन्ति| तस्याऽतिप्रवृत्तौ रक्तक्षयोपद्रवाः भवन्तिति||२२||
🔊 Audio coming soon
Adhikarana arshasAmupadravabhUtodAvarttanidAnAdilakShaNam (23) · Śloka 23
பவதி சாத்ர ஶ்லோகஃ முத்ககோத்ரவஜூர்ணாஹ்வகரீரசணகாதிபிஃ| ரூக்ஷைஃ ஸஂக்ராஹிபிர்வாயுஃ ஸ்வே ஸ்தாநே குபிதோ பலீ| அதோவஹாநி ஸ்த்ரோதாஂஸி ஸஂருயாதஃ ப்ரஶோஷயந்| புரீஷஂ வாதவிண்மூத்ரஸங்கஂ குர்வீத தாருணம்| தேந தீவ்ரரூஜா கோஷ்டபஹத்பார்ஶ்வகா பவேத்| ஆத்மாநமுதராவேஷ்டோ ஹல்லாஸஃ பரிகர்த்தநம்| பஸ்தௌ ச ஸுதராஂ ஶூலஂ கண்டே ஶ்வயதுஸம்பவஃ| பவநஸ்யோர்த்வகாமித்வஂ ததஶ்சர்த்யருசிஜ்வராஃ| ஹத்ரோகக்ரஹணீதோஷமூத்ரஸங்கப்ரவாஹிகஃ| பாதிர்ய்யதிமிரஶ்வாஸஶிரோருக்காஸபீநஸஃ| மநோவிகாஸ்தஷ்ணாऽஸ்த்ராபித்தகுல்மோதராதயஃ| தே தே ச வாதஜா ரோகா ஜாயந்தே பஶதாருணாஃ| துர்நாம்நாமித்யுதாவர்தஃ பரமோऽயமுபத்ரவஹ்| வாதாபிபூதகோஷ்டாநாஂ தைர்விநாபி ஸ ஜாயதே||௨௩||
भवति चात्र श्लोकः मुद्गकोद्रवजूर्णाह्वकरीरचणकादिभिः| रूक्षैः संग्राहिभिर्वायुः स्वे स्थाने कुपितो बली| अधोवहानि स्त्रोतांसि संरुयाधः प्रशोषयन्| पुरीषं वातविण्मूत्रसङ्गं कुर्वीत दारुणम्| तेन तीव्ररूजा कोष्ठपृहृत्पार्श्वगा भवेत्| आध्मानमुदरावेष्ठो हृल्लासः परिकर्त्तनम्| बस्तौ च सुतरां शूलं गण्डे श्वयथुसम्भवः| पवनस्योर्ध्वगामित्वं ततश्छर्द्यरुचिज्वराः| हृद्रोगग्रहणीदोषमूत्रसङ्गप्रवाहिकः| बाधिर्य्यतिमिरश्वासशिरोरुक्कासपीनसः| मनोविकास्तृष्णाऽस्त्रापित्तगुल्मोदरादयः| ते ते च वातजा रोगा जायन्ते भृशदारुणाः| दुर्नाम्नामित्युदावर्तः परमोऽयमुपद्रवह्| वाताभिभूतकोष्ठानां तैर्विनापि स जायते||२३||
🔊 Audio coming soon
Adhikarana asAdhyayApyA~arshAMsi (24) · Śloka 24
ஸஹஜாநி த்ரிதோஷாணி யாநி சாऽப்யந்தரே பலீ| ஸ்திதாநி தாந்யஸாத்யநி யாப்யந்தேऽக்நிபலாதிபிஃ||௨௪||
सहजानि त्रिदोषाणि यानि चाऽभ्यन्तरे बली| स्थितानि तान्यसाध्यनि याप्यन्तेऽग्निबलादिभिः||२४||
🔊 Audio coming soon
Adhikarana kRucchrasAdhyArshAMsi (25) · Śloka 25
த்வந்த்வஜாநி த்விதீயாயாஂ வலௌ யாந்யாஶ்ரிதாநி ச| கச்ச்ரஸாத்யாநி தாந்யாஹுஃ பரிஸஂவத்ஸராணி ச||௨௫||
द्वन्द्वजानि द्वितीयायां वलौ यान्याश्रितानि च| कृच्छ्रसाध्यानि तान्याहुः परिसंवत्सराणि च||२५||
🔊 Audio coming soon
Adhikarana sukhasAdhyArshAMsi (26) · Śloka 26
பாஹ்யாயாஂ து வலௌ ஜாதாந்யேகதோஷோல்பணாநி ச| அர்ஶாஂஸி ஸுகஸாத்யாநி ந சிரோத்பதிதாநி ச||௨௬||
बाह्यायां तु वलौ जातान्येकदोषोल्बणानि च| अर्शांसि सुखसाध्यानि न चिरोत्पतितानि च||२६||
🔊 Audio coming soon
Adhikarana meDhrAdijArshAMsi svarUpam (27) · Śloka 27
மேட்ராதிஷ்வபி வக்ஷ்யந்தே யதாஸ்வஂ.........||௨௭||
मेढ्रादिष्वपि वक्ष्यन्ते यथास्वं.........||२७||
🔊 Audio coming soon
Adhikarana nAbhijAnAmarshasAM lakShaNAni (28) · Śloka 28
................... நாபிஜாநி து| கண்டூபதாऽஸ்யரூபாணி பிச்சிலாநி மதூநி ச||௨௮||
................... नाभिजानि तु| गण्डूपदाऽस्यरूपाणि पिच्छिलानि मृदूनि च||२८||
🔊 Audio coming soon
Adhikarana carmakIlam, carmakIlasya lakShaNaM samprAptishca (29) · Śloka 29
வ்யாநோ கஹீத்வா ஶ்லேஷ்மாணஂ கரோத்யர்ஶஸ்த்வசோ பஹிஃ| கீலோபமஂ ஸ்திரகரஂ சர்மகீலஂ து தஂ விதுஃ||௨௯||
व्यानो गृहीत्वा श्लेष्माणं करोत्यर्शस्त्वचो बहिः| कीलोपमं स्थिरखरं चर्मकीलं तु तं विदुः||२९||
🔊 Audio coming soon
Adhikarana vAtAdibhedena carmakIla lakShaNam (30) · Śloka 30
வாதேந தோதபாருஷ்யஂ பித்தாதஸிதரக்ததா| ஶ்லேஷ்மணா ஸ்நிக்ததா தஸ்ய க்ரந்தித்வஂஸவர்ணதா||௩௦||
वातेन तोदपारुष्यं पित्तादसितरक्तता| श्लेष्मणा स्निग्धता तस्य ग्रन्थित्वंसवर्णता||३०||
🔊 Audio coming soon
Adhikarana arshasAM shIghracikitsyatvam (31-7) · Śloka 7
அர்ஶஸாஂ ப்ரஶமே யத்நமாऽऽஶு குர்வீத புத்திமாந்| தாந்யாऽऽஶு ஹி குதஂ பத்வா குர்ய்யுர்பத்தகுதோதரம்||௩௧|| இதி வைத்யபதிஸிஂஹபுதஸ்ய ஸூநோர்வாக்பதஸ்ய கதாவஷ்டாங்கஸஂக்ரஹஸஂஹிதாயாஂ நிதாநஸ்தாநே அர்ஶோநிதாநஂநாம ஸப்தமோऽத்யாயஃ||௭||
अर्शसां प्रशमे यत्नमाऽऽशु कुर्वीत बुद्धिमान्| तान्याऽऽशु हि गुदं बध्वा कुर्य्युर्बद्धगुदोदरम्||३१|| इति वैद्यपतिसिंहपुतस्य सूनोर्वाग्भतस्य कृतावष्टाङ्गसंग्रहसंहितायां निदानस्थाने अर्शोनिदानंनाम सप्तमोऽध्यायः||७||
🔊 Audio coming soon