Adhikarana athA~arshonidAnaM nAma saptamo~adhyAyaH | pratij~jA (1) · Śloka 1
అథాతోఽర్శసాం నిదానం నామాధ్యాయం వ్యాఖ్యాస్యామః| ఇతి హ స్మాహురాత్రేయాదయో మహర్షయః||1||
अथातोऽर्शसां निदानं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana arshonirvacanaM tatsvarUpAdi ca (2) · Śloka 2
అరివద్విశసంతీత్యర్శాంసి| తాని పునర్బహుప్రకారాణి| సుబహూపద్రవాణి చ| పాయుమేఢ్రాదిసంశ్రయా మాంసకీలాః||2||
अरिवद्विशसन्तीत्यर्शांसि| तानि पुनर्बहुप्रकाराणि| सुबहूपद्रवाणि च| पायुमेढ्रादिसंश्रया मांसकीलाः||२||
🔊 Audio coming soon
Adhikarana arshasAM dvividhairdvaividhyam (3) · Śloka 3
సమాసతస్తు ద్వివిధాన్యర్శాంసి| సహజాని జన్మోత్తరకాలజాని చ| పునశ్చ ద్వివిధాని| శుష్కాణ్యార్ద్రాణి చ||3||
समासतस्तु द्विविधान्यर्शांसि| सहजानि जन्मोत्तरकालजानि च| पुनश्च द्विविधानि| शुष्काण्यार्द्राणि च||३||
🔊 Audio coming soon
Adhikarana arshasAmadhiShThAnam (4) · Śloka 4
సర్వేషాం పునరధిష్ఠానం మేదో మాంసం త్వక్చ||4||
सर्वेषाम् पुनरधिष्ठानं मेदो मांसं त्वक्च||४||
🔊 Audio coming soon
Adhikarana gudavarNanam (5) · Śloka 5
స్థూలాంత్రప్రతిబద్ధోఽర్ధపంచాంగులో హి గుదః| తస్మిన్ పూర్వముక్తా వలీసంజ్ఞాస్తిస్త్రః పేశ్యోఽధ్యర్ధాంగులాః| తాః ప్రవాహిణీ విసర్జనీ సంవరణీ చ| రోమాంతాదధ్యర్ధయవం గుదౌష్ఠమాహుః||5||
स्थूलान्त्रप्रतिबद्धोऽर्धपञ्चाङ्गुलो हि गुदः| तस्मिन् पूर्वमुक्ता वलीसंज्ञास्तिस्त्रः पेश्योऽध्यर्धाङ्गुलाः| ताः प्रवाहिणी विसर्जनी संवरणी च| रोमान्तादध्यर्धयवं गुदौष्ठमाहुः||५||
🔊 Audio coming soon
Adhikarana prathamabalIsthAnam (6) · Śloka 6
ప్రథమా తు గుదౌష్ఠాదంగులమాత్రే||6||
प्रथमा तु गुदौष्ठादङ्गुलमात्रे||६||
🔊 Audio coming soon
Adhikarana sahajArshasAM heturasAdhyatva~jca (7) · Śloka 7
తత్ర సాహజానాం గుదవలీబీజోపతప్తిరాయతనం| తస్యా ద్వివిధో హేతుర్మాతాపిత్రోరపచారో దైవం చ| తాభ్యాం సన్నిపాతప్రకోపః| తస్మాత్ తాన్యసాధ్యాని||7||
तत्र साहजानां गुदवलीबीजोपतप्तिरायतनम्| तस्या द्विविधो हेतुर्मातापित्रोरपचारो दैवं च| ताभ्यां सन्निपातप्रकोपः| तस्मात् तान्यसाध्यानि||७||
🔊 Audio coming soon
Adhikarana kulajavyAdhInAmasAdhyatvam (8) · Śloka 8
ఏతేన కులజాః సర్వే వికారా వ్యాఖ్యాతాః||8||
एतेन कुलजाः सर्वे विकारा व्याख्याताः||८||
🔊 Audio coming soon
Adhikarana sahajArshasAM visheShalakShaNam (9) · Śloka 9
విశేషతస్తు సహజాని దుర్దర్శనపరుషపాండూపచితదారుణాన్యంతర్ముఖాని బహూపద్రవోపద్రుతాని భవంతి||9||
विशेषतस्तु सहजानि दुर्दर्शनपरुषपाण्डूपचितदारुणान्यन्तर्मुखानि बहूपद्रवोपद्रुतानि भवन्ति||९||
🔊 Audio coming soon
Adhikarana janmottarajArshasAM ShaDvidhatvam (10) · Śloka 10
అథేతరాణి షడ్విధాని| పృథగ్దోషైః సంసృష్టైః సన్నిపతితైః శోణితేన చ||10||
अथेतराणि षड्विधानि| पृथग्दोषैः संसृष्टैः सन्निपतितैः शोणितेन च||१०||
🔊 Audio coming soon
Adhikarana arshassu shuShkatvArdratvayorhetuH (11) · Śloka 11
తత్ర వాతశ్లేష్మోత్తరాణి శుష్కాణి| రక్తపిత్తోత్తరాణ్యార్ద్రాణి||11||
तत्र वातश्लेष्मोत्तराणि शुष्काणि| रक्तपित्तोत्तराण्यार्द्राणि||११||
🔊 Audio coming soon
Adhikarana arshasAM nidAnaM samprAptishca (12) · Śloka 12
దోషప్రకోపహేతుస్తు ప్రాగుక్తః| స యదా మలోపచయమాదధాతి| పునశ్చోత్కటకవిషమకఠినాసనసేవనాదుద్భ్రాంతయానోష్ట్రాదిప్రయాణాదతివ్యవాయాద్వస్తినేత్రాసమ్యక్ప్రణిధానాదినా గుదక్షణనాదభీక్ష్ణం శీతాంబుసంస్పర్శాచ్చైలలోష్ఠతృణాదిసంఘర్షాత్| ప్రతతాతిప్రవాహణాద్వాతమూత్రపురీషవేగోదీరణధారణాత్స్త్రీణాం చాఽఽగర్భర్భ్రంశాద్గర్భోత్పీడనాద్విషమప్రసూతేరేవంవిధైశ్చాపరైః కుపితో వాయురపానస్తం మలముపచితమధోగతమాసాద్య గుదవలీష్వాధత్తే| తతస్తాస్వభిష్యణ్ణాస్వర్శాంసి సంభవంతి||12||
दोषप्रकोपहेतुस्तु प्रागुक्तः| स यदा मलोपचयमादधाति| पुनश्चोत्कटकविषमकठिनासनसेवनादुद्भ्रान्तयानोष्ट्रादिप्रयाणादतिव्यवायाद्वस्तिनेत्रासम्यक्प्रणिधानादिना गुदक्षणनादभीक्ष्णं शीताम्बुसंस्पर्शाच्चैललोष्ठतृणादिसङ्घर्षात्| प्रततातिप्रवाहणाद्वातमूत्रपुरीषवेगोदीरणधारणात्स्त्रीणां चाऽऽगर्भर्भ्रंशाद्गर्भोत्पीडनाद्विषमप्रसूतेरेवंविधैश्चापरैः कुपितो वायुरपानस्तं मलमुपचितमधोगतमासाद्य गुदवलीष्वाधत्ते| ततस्तास्वभिष्यण्णास्वर्शांसि सम्भवन्ति||१२||
🔊 Audio coming soon
Adhikarana arshasAM pUrvarUpam (13) · Śloka 13
తేషాపూర్వరూపాణి కృచ్ఛ్రాత్ పక్తిరాంత్రకూజనముద్గారబాహుల్యమమ్లకోఽన్నాశ్రద్ధా-విష్టంభోఽశ్మగర్భాభనాభిత్వమాటోపోఽధస్తాత్కృచ్ఛ్రేణ సశబ్దస్య చ వాయోః ప్రవృత్తిర్బహుమూత్రత్వమల్పపురీషతా గుదపరికర్త్తన సవిథసదనమక్ష్ణోః శ్వయథురవిమలేంద్రియత్వమాలస్యం తంద్రా కార్శ్యం దౌర్బల్యమాశంకాగ్రహణీదోషశోఫోదర-పాండురోగగుల్మేషు||13||
तेषापूर्वरूपाणि कृच्छ्रात् पक्तिरान्त्रकूजनमुद्गारबाहुल्यमम्लकोऽन्नाश्रद्धा-विष्टम्भोऽश्मगर्भाभनाभित्वमाटोपोऽधस्तात्कृच्छ्रेण सशब्दस्य च वायोः प्रवृत्तिर्बहुमूत्रत्वमल्पपुरीषता गुदपरिकर्त्तन सविथसदनमक्ष्णोः श्वयथुरविमलेन्द्रियत्वमालस्यं तन्द्रा कार्श्यं दौर्बल्यमाशङ्काग्रहणीदोषशोफोदर-पाण्डुरोगगुल्मेषु||१३||
🔊 Audio coming soon
Adhikarana arshasAM rUpANi (14) · Śloka 14
జాతేషు చైతాని లింగాని ప్రవ్యక్తతరాణి భవంతి||14||
जातेषु चैतानि लिङ्गानि प्रव्यक्ततराणि भवन्ति||१४||
🔊 Audio coming soon
Adhikarana arshobhiranalavyApatteH samprAptiH (15) · Śloka 15
తైః ఖల్వధోమార్గోపరోధాద్వాయురపానో నివర్త్తమానః సమానవ్యానోదానప్రణాన్ పిత్తశ్లేష్మాణౌ చ ప్రకోపయన్నలముపమృద్నాతి||15||
तैः खल्वधोमार्गोपरोधाद्वायुरपानो निवर्त्तमानः समानव्यानोदानप्रणान् पित्तश्लेष्माणौ च प्रकोपयन्नलमुपमृद्नाति||१५||
🔊 Audio coming soon
Adhikarana arshasAM sAmAnyalakShaNam (16) · Śloka 16
అథ సర్వ ఏవర్శసో భవత్యతికృశో వివర్ణః క్షామో దీనః ప్రచురవిబద్ధవాతమూత్రపురీషోఽశ్మరీశర్కరావాన్ అనియతవిబద్ధముక్తామపక్వభిన్నశుష్కవర్చాస్తథాంతరాంతరాఽఽమశ్వేతపాందుహరితపీతరక్తారుణతనుసాంద్రపిచ్ఛలోపవేశీ నాభివంక్షణోద్దేశప్రచురపరికర్తికాఽన్వితః సగుదశూలప్రవాహికాప్రహర్షప్రమోహోఽల్పశుక్రప్రజోఽల్పశుభుక్ సిరాసంతతగాత్రః క్రోధనో దురుపచారః కాసశ్వాసపీనసతృష్ణాఽరోచకపాణిపాదవదనాఽక్షికూటశ్వయథుక్షవథువేపథువమథుపరీతస్తైమిరికః శిరః శీలీ క్షామభిన్నస్వరః కర్ణరోగీ సజ్వరః సాంగమర్దః సర్వపర్వాఽస్థిశూలోఽంతరాంతరా హృదయకుక్షిపార్శ్వపృష్ఠబస్తిత్రికగ్రహోపతప్తః ప్రధ్యానపరః పరమలసశ్చ||16||
अथ सर्व एवर्शसो भवत्यतिकृशो विवर्णः क्षामो दीनः प्रचुरविबद्धवातमूत्रपुरीषोऽश्मरीशर्करावान् अनियतविबद्धमुक्तामपक्वभिन्नशुष्कवर्चास्तथान्तरान्तराऽऽमश्वेतपाण्दुहरितपीतरक्तारुणतनुसान्द्रपिच्छलोपवेशी नाभिवंक्षणोद्देशप्रचुरपरिकर्तिकाऽन्वितः सगुदशूलप्रवाहिकाप्रहर्षप्रमोहोऽल्पशुक्रप्रजोऽल्पशुभुक् सिरासन्ततगात्रः क्रोधनो दुरुपचारः कासश्वासपीनसतृष्णाऽरोचकपाणिपादवदनाऽक्षिकूटश्वयथुक्षवथुवेपथुवमथुपरीतस्तैमिरिकः शिरः शीली क्षामभिन्नस्वरः कर्णरोगी सज्वरः साङ्गमर्दः सर्वपर्वाऽस्थिशूलोऽन्तरान्तरा हृदयकुक्षिपार्श्वपृष्ठबस्तित्रिकग्रहोपतप्तः प्रध्यानपरः परमलसश्च||१६||
🔊 Audio coming soon
Adhikarana vAtolbaNArshasAM lakShaNam (17) · Śloka 17
తత్ర వాతోల్బణాని శుష్కమ్లానకఠినపరుషరూక్షశ్యావారూణాని తీక్ష్ణస్ఫుటితముఖాని విషమమధ్యాని కదంబపుష్పతుండికేరీకర్కంధూసిద్ధార్థబింబీఖర్జూరఫలప్రమాణని వక్రణి మిథో విసదృశాని కటిపార్శ్వాదిష్వధికవేదనాని సశూలోదావర్త్తకరాణి గుల్మాష్ఠీలాప్లీహోదరాణి చాఽస్య తన్నిమిత్తాన్యేవ కృష్ణత్వఙ్నఖనయనవదనమలాశ్చ భవంతి||17||
तत्र वातोल्बणानि शुष्कम्लानकठिनपरुषरूक्षश्यावारूणानि तीक्ष्णस्फ़ुटितमुखानि विषममध्यानि कदम्बपुष्पतुण्डिकेरीकर्कन्धूसिद्धार्थबिम्बीखर्जूरफ़लप्रमाणनि वक्रणि मिथो विसदृशानि कटिपार्श्वादिष्वधिकवेदनानि सशूलोदावर्त्तकराणि गुल्माष्ठीलाप्लीहोदराणि चाऽस्य तन्निमित्तान्येव कृष्णत्वङ्नखनयनवदनमलाश्च भवन्ति||१७||
🔊 Audio coming soon
Adhikarana pittolbaNArshasAM lakShaNam (18) · Śloka 18
పిత్తోల్బణాని నీలాగ్రాణి రక్తపీతకృష్ణాని మృదుశిథిలాని స్పర్శాఽసహాని విస్త్రగంధీని తనూని తనురక్తస్త్రావీణి దాహపాకవంతిజ్వరమోహారుచికరాణి యకృతప్రకాశాని శుకజిహ్వాజలౌకావక్త్రసదృశాని యవమధ్యాని ప్రక్లిన్నాని భిన్నపీతవర్చాంసి హారిద్రత్వఙ్నఖాదికరాణి చ||18||
पित्तोल्बणानि नीलाग्राणि रक्तपीतकृष्णानि मृदुशिथिलानि स्पर्शाऽसहानि विस्त्रगन्धीनि तनूनि तनुरक्तस्त्रावीणि दाहपाकवन्तिज्वरमोहारुचिकराणि यकृतप्रकाशानि शुकजिह्वाजलौकावक्त्रसदृशानि यवमध्यानि प्रक्लिन्नानि भिन्नपीतवर्चांसि हारिद्रत्वङ्नखादिकराणि च||१८||
🔊 Audio coming soon
Adhikarana shleShmolbaNArshasAM lakShaNam (2) · Śloka 2
శ్లేష్మోల్బణాని మహామూలాని స్థిరస్నిగ్ధపాండువృత్తోపచితాని గురుస్తబ్ధశ్లక్ష్ణపిచ్ఛిలాని సుప్తసుప్తాని స్పర్శక్షమాని కరీరపనసాస్థిగోస్తనాకారాణ్యతిమాత్రోత్థానప్రవాహికావంక్షణానాహానాభిపరికర్తికాహృల్లాసప్రసేకకాసశ్వాస పీనసాఽరుచిచ్ఛర్దికృచ్ఛ్రమూత్రప్రమేహశీతజ్వరశోఫశిరోగౌరవేంద్రియోపలేపాగ్నిమార్దవక్లైబ్యామవికారప్రబలాని న భిద్యంతే న స్రవంతి కండూబహులాని సశ్లేష్మవసాకప్రకాశాతిమలోపవేశీని శుక్లత్వఙ్నఖాదికరాణి చ| 19-20||2||
श्लेष्मोल्बणानि महामूलानि स्थिरस्निग्धपाण्डुवृत्तोपचितानि गुरुस्तब्धश्लक्ष्णपिच्छिलानि सुप्तसुप्तानि स्पर्शक्षमानि करीरपनसास्थिगोस्तनाकाराण्यतिमात्रोत्थानप्रवाहिकावंक्षणानाहानाभिपरिकर्तिकाहृल्लासप्रसेककासश्वास पीनसाऽरुचिच्छर्दिकृच्छ्रमूत्रप्रमेहशीतज्वरशोफशिरोगौरवेन्द्रियोपलेपाग्निमार्दवक्लैब्यामविकारप्रबलानि न भिद्यन्ते न स्रवन्ति कण्डूबहुलानि सश्लेष्मवसाकप्रकाशातिमलोपवेशीनि शुक्लत्वङ्नखादिकराणि च| १९-२०||२||
🔊 Audio coming soon
Adhikarana saMsargasannipAtArshasAM lakShaNam (21) · Śloka 21
లక్షణసంకారాత్సంసర్గసన్నిపాతజాని విభజేత్||21||
लक्षणसंकारात्संसर्गसन्निपातजानि विभजेत्||२१||
🔊 Audio coming soon
Adhikarana raktArshasAM lakShaNam (22) · Śloka 22
రక్తోల్బణని తు వటప్రరోహవిద్రుమకాకనందికాఫలాభాని పిత్తలక్షణాని చ| తథా గాఢపురీషప్రతిపీడితాన్యత్యర్థం దుష్టముష్ణమసృక్ సహసా విసృజంతి| తస్యాఽతిప్రవృత్తౌ రక్తక్షయోపద్రవాః భవంతితి||22||
रक्तोल्बणनि तु वटप्ररोहविद्रुमकाकनन्दिकाफ़लाभानि पित्तलक्षणानि च| तथा गाढपुरीषप्रतिपीडितान्यत्यर्थं दुष्टमुष्णमसृक् सहसा विसृजन्ति| तस्याऽतिप्रवृत्तौ रक्तक्षयोपद्रवाः भवन्तिति||२२||
🔊 Audio coming soon
Adhikarana arshasAmupadravabhUtodAvarttanidAnAdilakShaNam (23) · Śloka 23
భవతి చాత్ర శ్లోకః ముద్గకోద్రవజూర్ణాహ్వకరీరచణకాదిభిః| రూక్షైః సంగ్రాహిభిర్వాయుః స్వే స్థానే కుపితో బలీ| అధోవహాని స్త్రోతాంసి సంరుయాధః ప్రశోషయన్| పురీషం వాతవిణ్మూత్రసంగం కుర్వీత దారుణం| తేన తీవ్రరూజా కోష్ఠపృహృత్పార్శ్వగా భవేత్| ఆధ్మానముదరావేష్ఠో హృల్లాసః పరికర్త్తనం| బస్తౌ చ సుతరాం శూలం గండే శ్వయథుసంభవః| పవనస్యోర్ధ్వగామిత్వం తతశ్ఛర్ద్యరుచిజ్వరాః| హృద్రోగగ్రహణీదోషమూత్రసంగప్రవాహికః| బాధిర్య్యతిమిరశ్వాసశిరోరుక్కాసపీనసః| మనోవికాస్తృష్ణాఽస్త్రాపిత్తగుల్మోదరాదయః| తే తే చ వాతజా రోగా జాయంతే భృశదారుణాః| దుర్నామ్నామిత్యుదావర్తః పరమోఽయముపద్రవహ్| వాతాభిభూతకోష్ఠానాం తైర్వినాపి స జాయతే||23||
भवति चात्र श्लोकः मुद्गकोद्रवजूर्णाह्वकरीरचणकादिभिः| रूक्षैः संग्राहिभिर्वायुः स्वे स्थाने कुपितो बली| अधोवहानि स्त्रोतांसि संरुयाधः प्रशोषयन्| पुरीषं वातविण्मूत्रसङ्गं कुर्वीत दारुणम्| तेन तीव्ररूजा कोष्ठपृहृत्पार्श्वगा भवेत्| आध्मानमुदरावेष्ठो हृल्लासः परिकर्त्तनम्| बस्तौ च सुतरां शूलं गण्डे श्वयथुसम्भवः| पवनस्योर्ध्वगामित्वं ततश्छर्द्यरुचिज्वराः| हृद्रोगग्रहणीदोषमूत्रसङ्गप्रवाहिकः| बाधिर्य्यतिमिरश्वासशिरोरुक्कासपीनसः| मनोविकास्तृष्णाऽस्त्रापित्तगुल्मोदरादयः| ते ते च वातजा रोगा जायन्ते भृशदारुणाः| दुर्नाम्नामित्युदावर्तः परमोऽयमुपद्रवह्| वाताभिभूतकोष्ठानां तैर्विनापि स जायते||२३||
🔊 Audio coming soon
Adhikarana asAdhyayApyA~arshAMsi (24) · Śloka 24
సహజాని త్రిదోషాణి యాని చాఽభ్యంతరే బలీ| స్థితాని తాన్యసాధ్యని యాప్యంతేఽగ్నిబలాదిభిః||24||
सहजानि त्रिदोषाणि यानि चाऽभ्यन्तरे बली| स्थितानि तान्यसाध्यनि याप्यन्तेऽग्निबलादिभिः||२४||
🔊 Audio coming soon
Adhikarana kRucchrasAdhyArshAMsi (25) · Śloka 25
ద్వంద్వజాని ద్వితీయాయాం వలౌ యాన్యాశ్రితాని చ| కృచ్ఛ్రసాధ్యాని తాన్యాహుః పరిసంవత్సరాణి చ||25||
द्वन्द्वजानि द्वितीयायां वलौ यान्याश्रितानि च| कृच्छ्रसाध्यानि तान्याहुः परिसंवत्सराणि च||२५||
🔊 Audio coming soon
Adhikarana sukhasAdhyArshAMsi (26) · Śloka 26
బాహ్యాయాం తు వలౌ జాతాన్యేకదోషోల్బణాని చ| అర్శాంసి సుఖసాధ్యాని న చిరోత్పతితాని చ||26||
बाह्यायां तु वलौ जातान्येकदोषोल्बणानि च| अर्शांसि सुखसाध्यानि न चिरोत्पतितानि च||२६||
🔊 Audio coming soon
Adhikarana meDhrAdijArshAMsi svarUpam (27) · Śloka 27
మేఢ్రాదిష్వపి వక్ష్యంతే యథాస్వం.........||27||
मेढ्रादिष्वपि वक्ष्यन्ते यथास्वं.........||२७||
🔊 Audio coming soon
Adhikarana nAbhijAnAmarshasAM lakShaNAni (28) · Śloka 28
................... నాభిజాని తు| గండూపదాఽస్యరూపాణి పిచ్ఛిలాని మృదూని చ||28||
................... नाभिजानि तु| गण्डूपदाऽस्यरूपाणि पिच्छिलानि मृदूनि च||२८||
🔊 Audio coming soon
Adhikarana carmakIlam, carmakIlasya lakShaNaM samprAptishca (29) · Śloka 29
వ్యానో గృహీత్వా శ్లేష్మాణం కరోత్యర్శస్త్వచో బహిః| కీలోపమం స్థిరఖరం చర్మకీలం తు తం విదుః||29||
व्यानो गृहीत्वा श्लेष्माणं करोत्यर्शस्त्वचो बहिः| कीलोपमं स्थिरखरं चर्मकीलं तु तं विदुः||२९||
🔊 Audio coming soon
Adhikarana vAtAdibhedena carmakIla lakShaNam (30) · Śloka 30
వాతేన తోదపారుష్యం పిత్తాదసితరక్తతా| శ్లేష్మణా స్నిగ్ధతా తస్య గ్రంథిత్వంసవర్ణతా||30||
वातेन तोदपारुष्यं पित्तादसितरक्तता| श्लेष्मणा स्निग्धता तस्य ग्रन्थित्वंसवर्णता||३०||
🔊 Audio coming soon
Adhikarana arshasAM shIghracikitsyatvam (31-7) · Śloka 7
అర్శసాం ప్రశమే యత్నమాఽఽశు కుర్వీత బుద్ధిమాన్| తాన్యాఽఽశు హి గుదం బధ్వా కుర్య్యుర్బద్ధగుదోదరం||31|| ఇతి వైద్యపతిసింహపుతస్య సూనోర్వాగ్భతస్య కృతావష్టాంగసంగ్రహసంహితాయాం నిదానస్థానే అర్శోనిదానంనామ సప్తమోఽధ్యాయః||7||
अर्शसां प्रशमे यत्नमाऽऽशु कुर्वीत बुद्धिमान्| तान्याऽऽशु हि गुदं बध्वा कुर्य्युर्बद्धगुदोदरम्||३१|| इति वैद्यपतिसिंहपुतस्य सूनोर्वाग्भतस्य कृतावष्टाङ्गसंग्रहसंहितायां निदानस्थाने अर्शोनिदानंनाम सप्तमोऽध्यायः||७||
🔊 Audio coming soon