Adhikarana athA~arshonidAnaM nAma saptamo~adhyAyaH | pratij~jA (1) · Śloka 1
অথাতোঽর্শসাং নিদানং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातोऽर्शसां निदानं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana arshonirvacanaM tatsvarUpAdi ca (2) · Śloka 2
অরিবদ্বিশসন্তীত্যর্শাংসি| তানি পুনর্বহুপ্রকারাণি| সুবহূপদ্রবাণি চ| পাযুমেঢ্রাদিসংশ্রযা মাংসকীলাঃ||২||
अरिवद्विशसन्तीत्यर्शांसि| तानि पुनर्बहुप्रकाराणि| सुबहूपद्रवाणि च| पायुमेढ्रादिसंश्रया मांसकीलाः||२||
🔊 Audio coming soon
Adhikarana arshasAM dvividhairdvaividhyam (3) · Śloka 3
সমাসতস্তু দ্বিবিধান্যর্শাংসি| সহজানি জন্মোত্তরকালজানি চ| পুনশ্চ দ্বিবিধানি| শুষ্কাণ্যার্দ্রাণি চ||৩||
समासतस्तु द्विविधान्यर्शांसि| सहजानि जन्मोत्तरकालजानि च| पुनश्च द्विविधानि| शुष्काण्यार्द्राणि च||३||
🔊 Audio coming soon
Adhikarana arshasAmadhiShThAnam (4) · Śloka 4
সর্বেষাম্ পুনরধিষ্ঠানং মেদো মাংসং ত্বক্চ||৪||
सर्वेषाम् पुनरधिष्ठानं मेदो मांसं त्वक्च||४||
🔊 Audio coming soon
Adhikarana gudavarNanam (5) · Śloka 5
স্থূলান্ত্রপ্রতিবদ্ধোঽর্ধপঞ্চাঙ্গুলো হি গুদঃ| তস্মিন্ পূর্বমুক্তা বলীসংজ্ঞাস্তিস্ত্রঃ পেশ্যোঽধ্যর্ধাঙ্গুলাঃ| তাঃ প্রবাহিণী বিসর্জনী সংবরণী চ| রোমান্তাদধ্যর্ধযবং গুদৌষ্ঠমাহুঃ||৫||
स्थूलान्त्रप्रतिबद्धोऽर्धपञ्चाङ्गुलो हि गुदः| तस्मिन् पूर्वमुक्ता वलीसंज्ञास्तिस्त्रः पेश्योऽध्यर्धाङ्गुलाः| ताः प्रवाहिणी विसर्जनी संवरणी च| रोमान्तादध्यर्धयवं गुदौष्ठमाहुः||५||
🔊 Audio coming soon
Adhikarana prathamabalIsthAnam (6) · Śloka 6
প্রথমা তু গুদৌষ্ঠাদঙ্গুলমাত্রে||৬||
प्रथमा तु गुदौष्ठादङ्गुलमात्रे||६||
🔊 Audio coming soon
Adhikarana sahajArshasAM heturasAdhyatva~jca (7) · Śloka 7
তত্র সাহজানাং গুদবলীবীজোপতপ্তিরাযতনম্| তস্যা দ্বিবিধো হেতুর্মাতাপিত্রোরপচারো দৈবং চ| তাভ্যাং সন্নিপাতপ্রকোপঃ| তস্মাত্ তান্যসাধ্যানি||৭||
तत्र साहजानां गुदवलीबीजोपतप्तिरायतनम्| तस्या द्विविधो हेतुर्मातापित्रोरपचारो दैवं च| ताभ्यां सन्निपातप्रकोपः| तस्मात् तान्यसाध्यानि||७||
🔊 Audio coming soon
Adhikarana kulajavyAdhInAmasAdhyatvam (8) · Śloka 8
এতেন কুলজাঃ সর্বে বিকারা ব্যাখ্যাতাঃ||৮||
एतेन कुलजाः सर्वे विकारा व्याख्याताः||८||
🔊 Audio coming soon
Adhikarana sahajArshasAM visheShalakShaNam (9) · Śloka 9
বিশেষতস্তু সহজানি দুর্দর্শনপরুষপাণ্ডূপচিতদারুণান্যন্তর্মুখানি বহূপদ্রবোপদ্রুতানি ভবন্তি||৯||
विशेषतस्तु सहजानि दुर्दर्शनपरुषपाण्डूपचितदारुणान्यन्तर्मुखानि बहूपद्रवोपद्रुतानि भवन्ति||९||
🔊 Audio coming soon
Adhikarana janmottarajArshasAM ShaDvidhatvam (10) · Śloka 10
অথেতরাণি ষড্বিধানি| পৃথগ্দোষৈঃ সংসৃষ্টৈঃ সন্নিপতিতৈঃ শোণিতেন চ||১০||
अथेतराणि षड्विधानि| पृथग्दोषैः संसृष्टैः सन्निपतितैः शोणितेन च||१०||
🔊 Audio coming soon
Adhikarana arshassu shuShkatvArdratvayorhetuH (11) · Śloka 11
তত্র বাতশ্লেষ্মোত্তরাণি শুষ্কাণি| রক্তপিত্তোত্তরাণ্যার্দ্রাণি||১১||
तत्र वातश्लेष्मोत्तराणि शुष्काणि| रक्तपित्तोत्तराण्यार्द्राणि||११||
🔊 Audio coming soon
Adhikarana arshasAM nidAnaM samprAptishca (12) · Śloka 12
দোষপ্রকোপহেতুস্তু প্রাগুক্তঃ| স যদা মলোপচযমাদধাতি| পুনশ্চোত্কটকবিষমকঠিনাসনসেবনাদুদ্ভ্রান্তযানোষ্ট্রাদিপ্রযাণাদতিব্যবাযাদ্বস্তিনেত্রাসম্যক্প্রণিধানাদিনা গুদক্ষণনাদভীক্ষ্ণং শীতাম্বুসংস্পর্শাচ্চৈললোষ্ঠতৃণাদিসঙ্ঘর্ষাত্| প্রততাতিপ্রবাহণাদ্বাতমূত্রপুরীষবেগোদীরণধারণাত্স্ত্রীণাং চাঽঽগর্ভর্ভ্রংশাদ্গর্ভোত্পীডনাদ্বিষমপ্রসূতেরেবংবিধৈশ্চাপরৈঃ কুপিতো বাযুরপানস্তং মলমুপচিতমধোগতমাসাদ্য গুদবলীষ্বাধত্তে| ততস্তাস্বভিষ্যণ্ণাস্বর্শাংসি সম্ভবন্তি||১২||
दोषप्रकोपहेतुस्तु प्रागुक्तः| स यदा मलोपचयमादधाति| पुनश्चोत्कटकविषमकठिनासनसेवनादुद्भ्रान्तयानोष्ट्रादिप्रयाणादतिव्यवायाद्वस्तिनेत्रासम्यक्प्रणिधानादिना गुदक्षणनादभीक्ष्णं शीताम्बुसंस्पर्शाच्चैललोष्ठतृणादिसङ्घर्षात्| प्रततातिप्रवाहणाद्वातमूत्रपुरीषवेगोदीरणधारणात्स्त्रीणां चाऽऽगर्भर्भ्रंशाद्गर्भोत्पीडनाद्विषमप्रसूतेरेवंविधैश्चापरैः कुपितो वायुरपानस्तं मलमुपचितमधोगतमासाद्य गुदवलीष्वाधत्ते| ततस्तास्वभिष्यण्णास्वर्शांसि सम्भवन्ति||१२||
🔊 Audio coming soon
Adhikarana arshasAM pUrvarUpam (13) · Śloka 13
তেষাপূর্বরূপাণি কৃচ্ছ্রাত্ পক্তিরান্ত্রকূজনমুদ্গারবাহুল্যমম্লকোঽন্নাশ্রদ্ধা-বিষ্টম্ভোঽশ্মগর্ভাভনাভিত্বমাটোপোঽধস্তাত্কৃচ্ছ্রেণ সশব্দস্য চ বাযোঃ প্রবৃত্তির্বহুমূত্রত্বমল্পপুরীষতা গুদপরিকর্ত্তন সবিথসদনমক্ষ্ণোঃ শ্বযথুরবিমলেন্দ্রিযত্বমালস্যং তন্দ্রা কার্শ্যং দৌর্বল্যমাশঙ্কাগ্রহণীদোষশোফোদর-পাণ্ডুরোগগুল্মেষু||১৩||
तेषापूर्वरूपाणि कृच्छ्रात् पक्तिरान्त्रकूजनमुद्गारबाहुल्यमम्लकोऽन्नाश्रद्धा-विष्टम्भोऽश्मगर्भाभनाभित्वमाटोपोऽधस्तात्कृच्छ्रेण सशब्दस्य च वायोः प्रवृत्तिर्बहुमूत्रत्वमल्पपुरीषता गुदपरिकर्त्तन सविथसदनमक्ष्णोः श्वयथुरविमलेन्द्रियत्वमालस्यं तन्द्रा कार्श्यं दौर्बल्यमाशङ्काग्रहणीदोषशोफोदर-पाण्डुरोगगुल्मेषु||१३||
🔊 Audio coming soon
Adhikarana arshasAM rUpANi (14) · Śloka 14
জাতেষু চৈতানি লিঙ্গানি প্রব্যক্ততরাণি ভবন্তি||১৪||
जातेषु चैतानि लिङ्गानि प्रव्यक्ततराणि भवन्ति||१४||
🔊 Audio coming soon
Adhikarana arshobhiranalavyApatteH samprAptiH (15) · Śloka 15
তৈঃ খল্বধোমার্গোপরোধাদ্বাযুরপানো নিবর্ত্তমানঃ সমানব্যানোদানপ্রণান্ পিত্তশ্লেষ্মাণৌ চ প্রকোপযন্নলমুপমৃদ্নাতি||১৫||
तैः खल्वधोमार्गोपरोधाद्वायुरपानो निवर्त्तमानः समानव्यानोदानप्रणान् पित्तश्लेष्माणौ च प्रकोपयन्नलमुपमृद्नाति||१५||
🔊 Audio coming soon
Adhikarana arshasAM sAmAnyalakShaNam (16) · Śloka 16
অথ সর্ব এবর্শসো ভবত্যতিকৃশো বিবর্ণঃ ক্ষামো দীনঃ প্রচুরবিবদ্ধবাতমূত্রপুরীষোঽশ্মরীশর্করাবান্ অনিযতবিবদ্ধমুক্তামপক্বভিন্নশুষ্কবর্চাস্তথান্তরান্তরাঽঽমশ্বেতপাণ্দুহরিতপীতরক্তারুণতনুসান্দ্রপিচ্ছলোপবেশী নাভিবংক্ষণোদ্দেশপ্রচুরপরিকর্তিকাঽন্বিতঃ সগুদশূলপ্রবাহিকাপ্রহর্ষপ্রমোহোঽল্পশুক্রপ্রজোঽল্পশুভুক্ সিরাসন্ততগাত্রঃ ক্রোধনো দুরুপচারঃ কাসশ্বাসপীনসতৃষ্ণাঽরোচকপাণিপাদবদনাঽক্ষিকূটশ্বযথুক্ষবথুবেপথুবমথুপরীতস্তৈমিরিকঃ শিরঃ শীলী ক্ষামভিন্নস্বরঃ কর্ণরোগী সজ্বরঃ সাঙ্গমর্দঃ সর্বপর্বাঽস্থিশূলোঽন্তরান্তরা হৃদযকুক্ষিপার্শ্বপৃষ্ঠবস্তিত্রিকগ্রহোপতপ্তঃ প্রধ্যানপরঃ পরমলসশ্চ||১৬||
अथ सर्व एवर्शसो भवत्यतिकृशो विवर्णः क्षामो दीनः प्रचुरविबद्धवातमूत्रपुरीषोऽश्मरीशर्करावान् अनियतविबद्धमुक्तामपक्वभिन्नशुष्कवर्चास्तथान्तरान्तराऽऽमश्वेतपाण्दुहरितपीतरक्तारुणतनुसान्द्रपिच्छलोपवेशी नाभिवंक्षणोद्देशप्रचुरपरिकर्तिकाऽन्वितः सगुदशूलप्रवाहिकाप्रहर्षप्रमोहोऽल्पशुक्रप्रजोऽल्पशुभुक् सिरासन्ततगात्रः क्रोधनो दुरुपचारः कासश्वासपीनसतृष्णाऽरोचकपाणिपादवदनाऽक्षिकूटश्वयथुक्षवथुवेपथुवमथुपरीतस्तैमिरिकः शिरः शीली क्षामभिन्नस्वरः कर्णरोगी सज्वरः साङ्गमर्दः सर्वपर्वाऽस्थिशूलोऽन्तरान्तरा हृदयकुक्षिपार्श्वपृष्ठबस्तित्रिकग्रहोपतप्तः प्रध्यानपरः परमलसश्च||१६||
🔊 Audio coming soon
Adhikarana vAtolbaNArshasAM lakShaNam (17) · Śloka 17
তত্র বাতোল্বণানি শুষ্কম্লানকঠিনপরুষরূক্ষশ্যাবারূণানি তীক্ষ্ণস্ফুটিতমুখানি বিষমমধ্যানি কদম্বপুষ্পতুণ্ডিকেরীকর্কন্ধূসিদ্ধার্থবিম্বীখর্জূরফলপ্রমাণনি বক্রণি মিথো বিসদৃশানি কটিপার্শ্বাদিষ্বধিকবেদনানি সশূলোদাবর্ত্তকরাণি গুল্মাষ্ঠীলাপ্লীহোদরাণি চাঽস্য তন্নিমিত্তান্যেব কৃষ্ণত্বঙ্নখনযনবদনমলাশ্চ ভবন্তি||১৭||
तत्र वातोल्बणानि शुष्कम्लानकठिनपरुषरूक्षश्यावारूणानि तीक्ष्णस्फ़ुटितमुखानि विषममध्यानि कदम्बपुष्पतुण्डिकेरीकर्कन्धूसिद्धार्थबिम्बीखर्जूरफ़लप्रमाणनि वक्रणि मिथो विसदृशानि कटिपार्श्वादिष्वधिकवेदनानि सशूलोदावर्त्तकराणि गुल्माष्ठीलाप्लीहोदराणि चाऽस्य तन्निमित्तान्येव कृष्णत्वङ्नखनयनवदनमलाश्च भवन्ति||१७||
🔊 Audio coming soon
Adhikarana pittolbaNArshasAM lakShaNam (18) · Śloka 18
পিত্তোল্বণানি নীলাগ্রাণি রক্তপীতকৃষ্ণানি মৃদুশিথিলানি স্পর্শাঽসহানি বিস্ত্রগন্ধীনি তনূনি তনুরক্তস্ত্রাবীণি দাহপাকবন্তিজ্বরমোহারুচিকরাণি যকৃতপ্রকাশানি শুকজিহ্বাজলৌকাবক্ত্রসদৃশানি যবমধ্যানি প্রক্লিন্নানি ভিন্নপীতবর্চাংসি হারিদ্রত্বঙ্নখাদিকরাণি চ||১৮||
पित्तोल्बणानि नीलाग्राणि रक्तपीतकृष्णानि मृदुशिथिलानि स्पर्शाऽसहानि विस्त्रगन्धीनि तनूनि तनुरक्तस्त्रावीणि दाहपाकवन्तिज्वरमोहारुचिकराणि यकृतप्रकाशानि शुकजिह्वाजलौकावक्त्रसदृशानि यवमध्यानि प्रक्लिन्नानि भिन्नपीतवर्चांसि हारिद्रत्वङ्नखादिकराणि च||१८||
🔊 Audio coming soon
Adhikarana shleShmolbaNArshasAM lakShaNam (2) · Śloka 2
শ্লেষ্মোল্বণানি মহামূলানি স্থিরস্নিগ্ধপাণ্ডুবৃত্তোপচিতানি গুরুস্তব্ধশ্লক্ষ্ণপিচ্ছিলানি সুপ্তসুপ্তানি স্পর্শক্ষমানি করীরপনসাস্থিগোস্তনাকারাণ্যতিমাত্রোত্থানপ্রবাহিকাবংক্ষণানাহানাভিপরিকর্তিকাহৃল্লাসপ্রসেককাসশ্বাস পীনসাঽরুচিচ্ছর্দিকৃচ্ছ্রমূত্রপ্রমেহশীতজ্বরশোফশিরোগৌরবেন্দ্রিযোপলেপাগ্নিমার্দবক্লৈব্যামবিকারপ্রবলানি ন ভিদ্যন্তে ন স্রবন্তি কণ্ডূবহুলানি সশ্লেষ্মবসাকপ্রকাশাতিমলোপবেশীনি শুক্লত্বঙ্নখাদিকরাণি চ| ১৯-২০||২||
श्लेष्मोल्बणानि महामूलानि स्थिरस्निग्धपाण्डुवृत्तोपचितानि गुरुस्तब्धश्लक्ष्णपिच्छिलानि सुप्तसुप्तानि स्पर्शक्षमानि करीरपनसास्थिगोस्तनाकाराण्यतिमात्रोत्थानप्रवाहिकावंक्षणानाहानाभिपरिकर्तिकाहृल्लासप्रसेककासश्वास पीनसाऽरुचिच्छर्दिकृच्छ्रमूत्रप्रमेहशीतज्वरशोफशिरोगौरवेन्द्रियोपलेपाग्निमार्दवक्लैब्यामविकारप्रबलानि न भिद्यन्ते न स्रवन्ति कण्डूबहुलानि सश्लेष्मवसाकप्रकाशातिमलोपवेशीनि शुक्लत्वङ्नखादिकराणि च| १९-२०||२||
🔊 Audio coming soon
Adhikarana saMsargasannipAtArshasAM lakShaNam (21) · Śloka 21
লক্ষণসংকারাত্সংসর্গসন্নিপাতজানি বিভজেত্||২১||
लक्षणसंकारात्संसर्गसन्निपातजानि विभजेत्||२१||
🔊 Audio coming soon
Adhikarana raktArshasAM lakShaNam (22) · Śloka 22
রক্তোল্বণনি তু বটপ্ররোহবিদ্রুমকাকনন্দিকাফলাভানি পিত্তলক্ষণানি চ| তথা গাঢপুরীষপ্রতিপীডিতান্যত্যর্থং দুষ্টমুষ্ণমসৃক্ সহসা বিসৃজন্তি| তস্যাঽতিপ্রবৃত্তৌ রক্তক্ষযোপদ্রবাঃ ভবন্তিতি||২২||
रक्तोल्बणनि तु वटप्ररोहविद्रुमकाकनन्दिकाफ़लाभानि पित्तलक्षणानि च| तथा गाढपुरीषप्रतिपीडितान्यत्यर्थं दुष्टमुष्णमसृक् सहसा विसृजन्ति| तस्याऽतिप्रवृत्तौ रक्तक्षयोपद्रवाः भवन्तिति||२२||
🔊 Audio coming soon
Adhikarana arshasAmupadravabhUtodAvarttanidAnAdilakShaNam (23) · Śloka 23
ভবতি চাত্র শ্লোকঃ মুদ্গকোদ্রবজূর্ণাহ্বকরীরচণকাদিভিঃ| রূক্ষৈঃ সংগ্রাহিভির্বাযুঃ স্বে স্থানে কুপিতো বলী| অধোবহানি স্ত্রোতাংসি সংরুযাধঃ প্রশোষযন্| পুরীষং বাতবিণ্মূত্রসঙ্গং কুর্বীত দারুণম্| তেন তীব্ররূজা কোষ্ঠপৃহৃত্পার্শ্বগা ভবেত্| আধ্মানমুদরাবেষ্ঠো হৃল্লাসঃ পরিকর্ত্তনম্| বস্তৌ চ সুতরাং শূলং গণ্ডে শ্বযথুসম্ভবঃ| পবনস্যোর্ধ্বগামিত্বং ততশ্ছর্দ্যরুচিজ্বরাঃ| হৃদ্রোগগ্রহণীদোষমূত্রসঙ্গপ্রবাহিকঃ| বাধির্য্যতিমিরশ্বাসশিরোরুক্কাসপীনসঃ| মনোবিকাস্তৃষ্ণাঽস্ত্রাপিত্তগুল্মোদরাদযঃ| তে তে চ বাতজা রোগা জাযন্তে ভৃশদারুণাঃ| দুর্নাম্নামিত্যুদাবর্তঃ পরমোঽযমুপদ্রবহ্| বাতাভিভূতকোষ্ঠানাং তৈর্বিনাপি স জাযতে||২৩||
भवति चात्र श्लोकः मुद्गकोद्रवजूर्णाह्वकरीरचणकादिभिः| रूक्षैः संग्राहिभिर्वायुः स्वे स्थाने कुपितो बली| अधोवहानि स्त्रोतांसि संरुयाधः प्रशोषयन्| पुरीषं वातविण्मूत्रसङ्गं कुर्वीत दारुणम्| तेन तीव्ररूजा कोष्ठपृहृत्पार्श्वगा भवेत्| आध्मानमुदरावेष्ठो हृल्लासः परिकर्त्तनम्| बस्तौ च सुतरां शूलं गण्डे श्वयथुसम्भवः| पवनस्योर्ध्वगामित्वं ततश्छर्द्यरुचिज्वराः| हृद्रोगग्रहणीदोषमूत्रसङ्गप्रवाहिकः| बाधिर्य्यतिमिरश्वासशिरोरुक्कासपीनसः| मनोविकास्तृष्णाऽस्त्रापित्तगुल्मोदरादयः| ते ते च वातजा रोगा जायन्ते भृशदारुणाः| दुर्नाम्नामित्युदावर्तः परमोऽयमुपद्रवह्| वाताभिभूतकोष्ठानां तैर्विनापि स जायते||२३||
🔊 Audio coming soon
Adhikarana asAdhyayApyA~arshAMsi (24) · Śloka 24
সহজানি ত্রিদোষাণি যানি চাঽভ্যন্তরে বলী| স্থিতানি তান্যসাধ্যনি যাপ্যন্তেঽগ্নিবলাদিভিঃ||২৪||
सहजानि त्रिदोषाणि यानि चाऽभ्यन्तरे बली| स्थितानि तान्यसाध्यनि याप्यन्तेऽग्निबलादिभिः||२४||
🔊 Audio coming soon
Adhikarana kRucchrasAdhyArshAMsi (25) · Śloka 25
দ্বন্দ্বজানি দ্বিতীযাযাং বলৌ যান্যাশ্রিতানি চ| কৃচ্ছ্রসাধ্যানি তান্যাহুঃ পরিসংবত্সরাণি চ||২৫||
द्वन्द्वजानि द्वितीयायां वलौ यान्याश्रितानि च| कृच्छ्रसाध्यानि तान्याहुः परिसंवत्सराणि च||२५||
🔊 Audio coming soon
Adhikarana sukhasAdhyArshAMsi (26) · Śloka 26
বাহ্যাযাং তু বলৌ জাতান্যেকদোষোল্বণানি চ| অর্শাংসি সুখসাধ্যানি ন চিরোত্পতিতানি চ||২৬||
बाह्यायां तु वलौ जातान्येकदोषोल्बणानि च| अर्शांसि सुखसाध्यानि न चिरोत्पतितानि च||२६||
🔊 Audio coming soon
Adhikarana meDhrAdijArshAMsi svarUpam (27) · Śloka 27
মেঢ্রাদিষ্বপি বক্ষ্যন্তে যথাস্বং.........||২৭||
मेढ्रादिष्वपि वक्ष्यन्ते यथास्वं.........||२७||
🔊 Audio coming soon
Adhikarana nAbhijAnAmarshasAM lakShaNAni (28) · Śloka 28
................... নাভিজানি তু| গণ্ডূপদাঽস্যরূপাণি পিচ্ছিলানি মৃদূনি চ||২৮||
................... नाभिजानि तु| गण्डूपदाऽस्यरूपाणि पिच्छिलानि मृदूनि च||२८||
🔊 Audio coming soon
Adhikarana carmakIlam, carmakIlasya lakShaNaM samprAptishca (29) · Śloka 29
ব্যানো গৃহীত্বা শ্লেষ্মাণং করোত্যর্শস্ত্বচো বহিঃ| কীলোপমং স্থিরখরং চর্মকীলং তু তং বিদুঃ||২৯||
व्यानो गृहीत्वा श्लेष्माणं करोत्यर्शस्त्वचो बहिः| कीलोपमं स्थिरखरं चर्मकीलं तु तं विदुः||२९||
🔊 Audio coming soon
Adhikarana vAtAdibhedena carmakIla lakShaNam (30) · Śloka 30
বাতেন তোদপারুষ্যং পিত্তাদসিতরক্ততা| শ্লেষ্মণা স্নিগ্ধতা তস্য গ্রন্থিত্বংসবর্ণতা||৩০||
वातेन तोदपारुष्यं पित्तादसितरक्तता| श्लेष्मणा स्निग्धता तस्य ग्रन्थित्वंसवर्णता||३०||
🔊 Audio coming soon
Adhikarana arshasAM shIghracikitsyatvam (31-7) · Śloka 7
অর্শসাং প্রশমে যত্নমাঽঽশু কুর্বীত বুদ্ধিমান্| তান্যাঽঽশু হি গুদং বধ্বা কুর্য্যুর্বদ্ধগুদোদরম্||৩১|| ইতি বৈদ্যপতিসিংহপুতস্য সূনোর্বাগ্ভতস্য কৃতাবষ্টাঙ্গসংগ্রহসংহিতাযাং নিদানস্থানে অর্শোনিদানংনাম সপ্তমোঽধ্যাযঃ||৭||
अर्शसां प्रशमे यत्नमाऽऽशु कुर्वीत बुद्धिमान्| तान्याऽऽशु हि गुदं बध्वा कुर्य्युर्बद्धगुदोदरम्||३१|| इति वैद्यपतिसिंहपुतस्य सूनोर्वाग्भतस्य कृतावष्टाङ्गसंग्रहसंहितायां निदानस्थाने अर्शोनिदानंनाम सप्तमोऽध्यायः||७||
🔊 Audio coming soon