Adhikarana athodaranidAnaM nAma dvAdasho~adhyAyaH | pratij~jA (1) · Śloka 1
athāta udaranidānaṁ nāmādhyāyaṁ vyākhyāsyāmaḥ| iti ha smāhurātrēyādayō maharṣayaḥ||1||
अथात उदरनिदानं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana udarasya nidAnaM samprAptishca (2) · Śloka 2
rōgāḥ sarvē'pi mandē'gnau sutaramudarāṇi tu| ajīrṇānmaliniścānnairjāyantē malasañcayāt| ūrdhvādhō dhātavō rudhvā vāhinīrambuvāhinīḥ| prāṇāgnyapānānsandūṣya kuryyustvaṅmāṁsasandhigāḥ| ādhmāpya kukṣimudaram.............................||2||
रोगाः सर्वेऽपि मन्देऽग्नौ सुतरमुदराणि तु| अजीर्णान्मलिनिश्चान्नैर्जायन्ते मलसञ्चयात्| ऊर्ध्वाधो धातवो रुध्वा वाहिनीरम्बुवाहिनीः| प्राणाग्न्यपानान्सन्दूष्य कुर्य्युस्त्वङ्मांससन्धिगाः| आध्माप्य कुक्षिमुदरम्.............................||२||
🔊 Audio coming soon
Adhikarana udaraprabhedAH (3) · Śloka 3
...................... aṣṭadhā tacca bhidyatē| pr̥thagdōṣaiḥ samastaiśca plīhabaddhakṣatōdakaiḥ||3||
...................... अष्टधा तच्च भिद्यते| पृथग्दोषैः समस्तैश्च प्लीहबद्धक्षतोदकैः||३||
🔊 Audio coming soon
Adhikarana udararogisAmAnyalakShaNam (4) · Śloka 4
tēnārttāḥ śuṣkatālvōṣṭhāḥ śūnapādakarōdarāḥ| naṣṭacēṣṭābalāhāraḥ kr̥śāḥ pradhmātakukṣayaḥ| syuḥ prētarūpāḥ puruṣāḥ .........................||4||
तेनार्त्ताः शुष्कताल्वोष्ठाः शूनपादकरोदराः| नष्टचेष्टाबलाहारः कृशाः प्रध्मातकुक्षयः| स्युः प्रेतरूपाः पुरुषाः .........................||४||
🔊 Audio coming soon
Adhikarana udarapUrvarUpANi (5) · Śloka 5
..................................bhāvinastasya lakṣaṇam| kṣunnāśō'nnaṁ cirātsarvaṁ savidāhaṁ ca pacyatē| jīrṇājīrṇaṁ na jānāti sauhityaṁ sahatē na ca| kṣīyatē balataḥ śaśvat śvasityalpē'pi cēṣṭitē| vr̥ddhirviśō'pravr̥ttiśca kiñcicchōphaśca pādayōḥ| rugbastisandhau tatatāladhvalpā bhōjanairapi| rājījanmavalīnāśō jaṭharē.............................||5||
..................................भाविनस्तस्य लक्षणम्| क्षुन्नाशोऽन्नं चिरात्सर्वं सविदाहं च पच्यते| जीर्णाजीर्णं न जानाति सौहित्यं सहते न च| क्षीयते बलतः शश्वत् श्वसित्यल्पेऽपि चेष्टिते| वृद्धिर्विशोऽप्रवृत्तिश्च किञ्चिच्छोफश्च पादयोः| रुग्बस्तिसन्धौ तततालध्वल्पा भोजनैरपि| राजीजन्मवलीनाशो जठरे.............................||५||
🔊 Audio coming soon
Adhikarana udarasAmAnyalakShaNam (6) · Śloka 6
......................................jaṭharēṣu tu| sarvēṣu tandrā sadanaṁ malasaṅgō'lpavahnitā| dāhaḥ śvayathurādhmānamantrē salilasambhavaḥ||6||
......................................जठरेषु तु| सर्वेषु तन्द्रा सदनं मलसङ्गोऽल्पवह्निता| दाहः श्वयथुराध्मानमन्त्रे सलिलसम्भवः||६||
🔊 Audio coming soon
Adhikarana asa~jjAtajalasyodarasya lakShaNam (7) · Śloka 7
sarvaṁ tvatōyamaruṇamaśōphaṁ nātibhārikam| gavākṣitaṁ sirājālaiḥ sadā guḍuguḍāyatē| nābhimantraṁ ca viṣṭabhya vēgaṁ kr̥tvā praṇaśyati| mārutō hr̥tkaṭīnābhipāyuvaṁkṣaṇavēdanaḥ| saśabdō niścarēdvāyurviḍbaddhā mūtramalpakam| nā'timandhō'nalō laulyanna ca syādvirasaṁ makham||7||
सर्वं त्वतोयमरुणमशोफं नातिभारिकम्| गवाक्षितं सिराजालैः सदा गुडुगुडायते| नाभिमन्त्रं च विष्टभ्य वेगं कृत्वा प्रणश्यति| मारुतो हृत्कटीनाभिपायुवंक्षणवेदनः| सशब्दो निश्चरेद्वायुर्विड्बद्धा मूत्रमल्पकम्| नाऽतिमन्धोऽनलो लौल्यन्न च स्याद्विरसं मखम्||७||
🔊 Audio coming soon
Adhikarana vAtodaralakShaNam (8) · Śloka 8
tatra vātōdarē śōphaḥ pāṇipanmuṣkasandhiṣu| kukṣipārśvōdarakaṭī pr̥ṣṭharukparvabhēdanam| śuṣkakāsō'ṅgamardō'dhō gurutā malasaṁgrahaḥ| śyāvāruṇatvagāditvamakasmād hnāsavr̥ddhimat| satōdabhēdamudaraṁ tanukr̥ṣṇasirātatam| ādhmātadr̥tivacchabdamāhataṁ prakarōti ca| vāyuścātra sarukśabdō vicarētsarvatō gatiḥ||8||
तत्र वातोदरे शोफः पाणिपन्मुष्कसन्धिषु| कुक्षिपार्श्वोदरकटी पृष्ठरुक्पर्वभेदनम्| शुष्ककासोऽङ्गमर्दोऽधो गुरुता मलसंग्रहः| श्यावारुणत्वगादित्वमकस्माद् ह्नासवृद्धिमत्| सतोदभेदमुदरं तनुकृष्णसिराततम्| आध्मातदृतिवच्छब्दमाहतं प्रकरोति च| वायुश्चात्र सरुक्शब्दो विचरेत्सर्वतो गतिः||८||
🔊 Audio coming soon
Adhikarana pittodaralakShaNam (9) · Śloka 9
pittōdarē jvarō mūrcchā dāhastr̥ṭkaṭukāsyatā| bhramō'tīsāraḥ pītatvaṁ tvagādāvudaraṁ harit| pītatāmrasirānaddhaṁ sasvēdaṁ sōṣma dahyatē| dhūmāyati mr̥dusparśaṁ kṣiprapākaṁ pradūyatē||9||
पित्तोदरे ज्वरो मूर्च्छा दाहस्तृट्कटुकास्यता| भ्रमोऽतीसारः पीतत्वं त्वगादावुदरं हरित्| पीतताम्रसिरानद्धं सस्वेदं सोष्म दह्यते| धूमायति मृदुस्पर्शं क्षिप्रपाकं प्रदूयते||९||
🔊 Audio coming soon
Adhikarana shleShmodaralakShaNam (10) · Śloka 10
ślēṣmōdarē'ṅgasadanaṁ svāpaḥ śvayathugauravam| nidrōtklēśā'ruciśvāsakāsaśuklatvagāditāḥ| udaraṁ stimitaṁ snigdhaṁ śuklarājītataṁ mahat| cirābhivr̥ddhikaṭhinaṁ śītasparśaṁ guru sthiram||10||
श्लेष्मोदरेऽङ्गसदनं स्वापः श्वयथुगौरवम्| निद्रोत्क्लेशाऽरुचिश्वासकासशुक्लत्वगादिताः| उदरं स्तिमितं स्निग्धं शुक्लराजीततं महत्| चिराभिवृद्धिकठिनं शीतस्पर्शं गुरु स्थिरम्||१०||
🔊 Audio coming soon
Adhikarana sannipAtodarasya nidAnAdi (11) · Śloka 11
tridōṣakōpanaistaistaiḥ strīdattaiśca rajōmalaiḥ| garadūṣīviṣādyaiśca saraktāḥ sañcitā malāḥ| kōṣṭhaṁ prāpya vikurvāṇāḥ śōphamūrcchābhramānvitam| kuryyustriliṅgamudaraṁ śīghrapākaṁ sudāruṇam| bādhatē tacca sutarāṁ śītavātābhradarśanē||11||
त्रिदोषकोपनैस्तैस्तैः स्त्रीदत्तैश्च रजोमलैः| गरदूषीविषाद्यैश्च सरक्ताः सञ्चिता मलाः| कोष्ठं प्राप्य विकुर्वाणाः शोफमूर्च्छाभ्रमान्वितम्| कुर्य्युस्त्रिलिङ्गमुदरं शीघ्रपाकं सुदारुणम्| बाधते तच्च सुतरां शीतवाताभ्रदर्शने||११||
🔊 Audio coming soon
Adhikarana plIhodarasya nidAnAdi (12) · Śloka 12
atyāśitasya saṁkṣōbhādyānapānādicēṣṭitaiḥ| ativyavāyabhārādhvagamanavyādhikarśanaiḥ| vāmapārśvāśritaḥ plīhācyutaḥ sthānādvivardhatē| śōṇitaṁ vā rasādibhyō vivr̥ddhaṁ taṁ vivarddhayēt||12||
अत्याशितस्य संक्षोभाद्यानपानादिचेष्टितैः| अतिव्यवायभाराध्वगमनव्याधिकर्शनैः| वामपार्श्वाश्रितः प्लीहाच्युतः स्थानाद्विवर्धते| शोणितं वा रसादिभ्यो विवृद्धं तं विवर्द्धयेत्||१२||
🔊 Audio coming soon
Adhikarana plIhodarasya saMsthAnaM lakShaNa~jca (13) · Śloka 13
sō'ṣṭhīlēvātikaṭhinaḥ prōnnataḥ kūrmapr̥ṣṭhavat| kramēṇa varddhamānaśca kukṣāvudaramāvahēt| śvāsakāsapipāsāsyavairasyādhmānarugjvaraiḥ| pāṇḍutvamūrccharjñacchardībhirdāhamōhaiśca saṁyutam| aruṇābhaṁ vivarṇaṁ vā nīlahāridrarājimat||13||
सोऽष्ठीलेवातिकठिनः प्रोन्नतः कूर्मपृष्ठवत्| क्रमेण वर्द्धमानश्च कुक्षावुदरमावहेत्| श्वासकासपिपासास्यवैरस्याध्मानरुग्ज्वरैः| पाण्डुत्वमूर्च्छर्ज्ञच्छर्दीभिर्दाहमोहैश्च संयुतम्| अरुणाभं विवर्णं वा नीलहारिद्रराजिमत्||१३||
🔊 Audio coming soon
Adhikarana plIhodare doShAdhikyaj~jAnopAyaH (14) · Śloka 14
udāvartarugā''nāhairmōhatr̥ḍdahanajvaraiḥ| gauravārucikāṭhinyairvidyāttatra malān kramāt||14||
उदावर्तरुगाऽऽनाहैर्मोहतृड्दहनज्वरैः| गौरवारुचिकाठिन्यैर्विद्यात्तत्र मलान् क्रमात्||१४||
🔊 Audio coming soon
Adhikarana yakRududaram (15) · Śloka 15
plīhavaddakṣiṇātpārśvātkuryādyakr̥dapi cyutam||15||
प्लीहवद्दक्षिणात्पार्श्वात्कुर्याद्यकृदपि च्युतम्||१५||
🔊 Audio coming soon
Adhikarana baddhodarasya samprAptiH (16) · Śloka 16
pakṣmabālasahānnēna bhuktairbaddhāyanē gudē| durnāmabhirudāvarttairēnnairvāntrōpalēpibhiḥ| varcaḥ pittakaphānrudhvā karōti kupitō'nilaḥ| apānō jaṭharaṁ ...............................||16||
पक्ष्मबालसहान्नेन भुक्तैर्बद्धायने गुदे| दुर्नामभिरुदावर्त्तैरेन्नैर्वान्त्रोपलेपिभिः| वर्चः पित्तकफान्रुध्वा करोति कुपितोऽनिलः| अपानो जठरं ...............................||१६||
🔊 Audio coming soon
Adhikarana baddhodarasya lakShaNam (17) · Śloka 17
............................... tēna syurdāhajvaratr̥ṭkṣavāḥ| kāsaśvāsōrusadanaṁ śirōhr̥nnābhipāyuruk| malasaṅgō'ruciśchardirudaraṁ mūḍhamārutam| sthiraṁ nīlāruṇasirārājīnaddhamarāji vā| nābhērupari ca prāyō gōpucchākr̥ti jāyatē||17||
............................... तेन स्युर्दाहज्वरतृट्क्षवाः| कासश्वासोरुसदनं शिरोहृन्नाभिपायुरुक्| मलसङ्गोऽरुचिश्छर्दिरुदरं मूढमारुतम्| स्थिरं नीलारुणसिराराजीनद्धमराजि वा| नाभेरुपरि च प्रायो गोपुच्छाकृति जायते||१७||
🔊 Audio coming soon
Adhikarana chidrodaranidAnasamprAptilakShaNam (18) · Śloka 18
asthyādiśalyaiḥ sānnaiśca bhuktairatyaśanēna vā| bhidyatē pacyatē cāntraṁ tacchidraiśca sravan bahiḥ| āma ēva gudādēti tatō'lpālpaṁ saviḍrasaḥ| tulyaḥ kuṇapagandhēna picchilaḥ pītalōhitaḥ| śēṣaścāpūryya jaṭharaṁ ghōramāvahēt| vardhatē tadadhō nābhērāśu caiti jalātmatām| udriktadōṣarūpañca vyāptañca śvāsatr̥ḍbhramaiḥ| chidrōdaramidaṁ prāhuḥ parisrāvīti cāparē||18||
अस्थ्यादिशल्यैः सान्नैश्च भुक्तैरत्यशनेन वा| भिद्यते पच्यते चान्त्रं तच्छिद्रैश्च स्रवन् बहिः| आम एव गुदादेति ततोऽल्पाल्पं सविड्रसः| तुल्यः कुणपगन्धेन पिच्छिलः पीतलोहितः| शेषश्चापूर्य्य जठरं घोरमावहेत्| वर्धते तदधो नाभेराशु चैति जलात्मताम्| उद्रिक्तदोषरूपञ्च व्याप्तञ्च श्वासतृड्भ्रमैः| छिद्रोदरमिदं प्राहुः परिस्रावीति चापरे||१८||
🔊 Audio coming soon
Adhikarana jalodaranidAnasamprAptilakShaNAni (19) · Śloka 19
pravr̥ttasnēhapānādēḥ sahasā''māmbupāyinaḥ| atyambupānānmandāgnēḥ kṣīṇasyātikr̥śasya vā| rudhvāmbumārgānanilaḥ kaphaśca jalamūrcchitaḥ| varddhayētāṁ tadēvāmbu tatsthānādudarāśritau| tataḥ syādudaraṁ tr̥ṣṇāgudasrutirujānvitam| kāsaśvāsāruciyutaṁ nānāvarṇasirātatam| tōyapūrṇadr̥tisparśaśabdaprakṣōbhavēpathuḥ| dakōdaraṁ mahatsnigdhaṁ sthiramāvr̥ttanābhitat||19||
प्रवृत्तस्नेहपानादेः सहसाऽऽमाम्बुपायिनः| अत्यम्बुपानान्मन्दाग्नेः क्षीणस्यातिकृशस्य वा| रुध्वाम्बुमार्गाननिलः कफश्च जलमूर्च्छितः| वर्द्धयेतां तदेवाम्बु तत्स्थानादुदराश्रितौ| ततः स्यादुदरं तृष्णागुदस्रुतिरुजान्वितम्| कासश्वासारुचियुतं नानावर्णसिराततम्| तोयपूर्णदृतिस्पर्शशब्दप्रक्षोभवेपथुः| दकोदरं महत्स्निग्धं स्थिरमावृत्तनाभितत्||१९||
🔊 Audio coming soon
Adhikarana upekShAyAM sarvodarANAM jalodaratvaprAptiH (20) · Śloka 20
upēkṣayā ca sarvēṣu dōṣāḥ svasthānataścyutāḥ| pākād dravā dravīkuryyaḥ sandhīn srōtōmukhānyapi| svēdaśca bāhyasrōtassu vihatastiryyagā''sthitaḥ| tadēvōdakamāpyāyya picchāṁ kuryāttadā bhavēt| gurūdaraṁ sthiraṁ vr̥ttamāhataṁ ca na śabdavat| mr̥du vyapētarājīkaṁ nābhyāṁ spr̥ṣṭaṁ ca sarpati| tadanūdakajanmāsmin kukṣivr̥ddhistatō'dhikam| sirāntardhānamudakaṁ jaṭharōktaṁ ca lakṣaṇam||20||
उपेक्षया च सर्वेषु दोषाः स्वस्थानतश्च्युताः| पाकाद् द्रवा द्रवीकुर्य्यः सन्धीन् स्रोतोमुखान्यपि| स्वेदश्च बाह्यस्रोतस्सु विहतस्तिर्य्यगाऽऽस्थितः| तदेवोदकमाप्याय्य पिच्छां कुर्यात्तदा भवेत्| गुरूदरं स्थिरं वृत्तमाहतं च न शब्दवत्| मृदु व्यपेतराजीकं नाभ्यां स्पृष्टं च सर्पति| तदनूदकजन्मास्मिन् कुक्षिवृद्धिस्ततोऽधिकम्| सिरान्तर्धानमुदकं जठरोक्तं च लक्षणम्||२०||
🔊 Audio coming soon
Adhikarana vAtAdyudarANAM yathottaraM kRucchratvam (21) · Śloka 21
vātapittakaphaplīhasannipātadakōdaram| kr̥cchraṁ yathōttaraṁ..................||21||
वातपित्तकफप्लीहसन्निपातदकोदरम्| कृच्छ्रं यथोत्तरं..................||२१||
🔊 Audio coming soon
Adhikarana asAdhyodaram (22) · Śloka 22
................................pakṣātparaṁ prāyō'parē hataḥ| sarvañca jātasalilaṁ riṣṭōktōpadravānvitam||22||
................................पक्षात्परं प्रायोऽपरे हतः| सर्वञ्च जातसलिलं रिष्टोक्तोपद्रवान्वितम्||२२||
🔊 Audio coming soon
Adhikarana sarvasyaivodarasya kRucchratamatvAdi (23) · Śloka 23
janmanaivōdaraṁ sarvaṁ prāyaḥ kr̥cchratamaṁ matam||23||
जन्मनैवोदरं सर्वं प्रायः कृच्छ्रतमं मतम्||२३||
🔊 Audio coming soon
Adhikarana sAdhyodaralakShaNam (24-12) · Śloka 12
balinastadajātāmbuyatnasādhyaṁ navōtthitam||24|| iti vaidyapatisiṁhaguptasya sūnōrvāgbhaṭasya kr̥tau aṣṭāṅgasaṁgrahasaṁhitāyāṁ nidānasthānē udaranidānaṁnāma dvādaśō'dhyāyaḥ||12||
बलिनस्तदजाताम्बुयत्नसाध्यं नवोत्थितम्||२४|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां निदानस्थाने उदरनिदानंनाम द्वादशोऽध्यायः||१२||
🔊 Audio coming soon