Adhikarana aShTA~ggasaMgrahaH-sharIrasthAne-tRutIyo~adhyAyaH ------ atha garBopacaraNIyo nAma tRutIyo~adhyAyaH----- pratij~jA (1) · Śloka 1
ಆಥಾತೋ ಗರ್ಭೋಪಚರಣೀಯಂ ಶಾರೀರಮಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||
आथातो गर्भोपचरणीयं शारीरमध्यायं व्याख़्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana garbhiNyAH prathamamAsakRutyam (2) · Śloka 2
ಪ್ರಥಮೇ ಮಾಸಿ ಗರ್ಭಿಣಿ ಕ್ಷೀರಮನುಪಸಂಸ್ಕೃತಂ ಮಾತ್ರಾವಚ್ಛೀತಂ ಕಾಲೇಕಾಲೇ ಪಿಬೇತ್| ತಸ್ಮಿನ್ನಪಿ ಚಾದ್ಯಂ ದ್ವಾದಶರಾತ್ರಂ ಕ್ಷೀರೋದ್ಭವಂ ಸರ್ಪಿಃ ಶಾಲಿಪರ್ಣೀಪಲಾಶಾಭ್ಯಾಂ ಶೃತಂ ಕನಕರಜತಕ್ವಥಿತಮ್ ಶೀತೋದಕಾನುಪಾನಂ ಪಿಬೇತ್| ಸ್ವಾದು ಶೀತಂ ದ್ರವಪ್ರಾಯಸಾತ್ಮ್ಯಞ್ಚ ಸಾಯಮ್ಪ್ರಾತರಾಹಾರಯೇತ್| ನ ಚಾಭ್ಯಙ್ಗೋದ್ವರ್ತನಾನಿ ಸೇವೇತ| ಯಥೋ- ಕ್ತಾನಿ ಚ ದೋಷಕರಾಣಿ ಪರಿಹರೇದ್ ಆಪಞ್ಚಮಾತ್ ಮಾಸಾದ್ ವಿಶೇಷೇಣ||೨||
प्रथमे मासि गर्भिणि क्षीरमनुपसंस्कृतं मात्रावच्छीतं कालेकाले पिबेत्| तस्मिन्नपि चाद्यं द्वादशरात्रं क्षीरोद्भवं सर्पिः शालिपर्णीपलाशाभ्यां शृतं कनकरजतक्वथितम् शीतोदकानुपानं पिबेत्| स्वादु शीतं द्रवप्रायसात्म्यञ्च सायम्प्रातराहारयेत्| न चाभ्यङ्गोद्वर्तनानि सेवेत| यथो- क्तानि च दोषकराणि परिहरेद् आपञ्चमात् मासाद् विशेषेण||२||
🔊 Audio coming soon
Adhikarana dvitIyamAse sevanIyam (3) · Śloka 3
ದ್ವಿತೀಯೇ ಮಧುರೌಷಧಸಿದ್ಧಂ ಪಯಃ ಪಿಬೇತ್||೩||
द्वितीये मधुरौषधसिद्धं पयः पिबेत्||३||
🔊 Audio coming soon
Adhikarana dvitIye mAsi madhurairdrAkShAmadhukAdibhi siddhaM payaH pibet|| 3|| (4) · Śloka 4
ತೃತೀಯೇ ತದೇವ ಸರ್ಪಿರ್ಮಧುಭ್ಯಾಮ್||೪||
तृतीये तदेव सर्पिर्मधुभ्याम्||४||
🔊 Audio coming soon
Adhikarana caturthamAse sevanIyam (5) · Śloka 5
ಚತುರ್ಥೇಽಕ್ಷಮಾತ್ರನವನೀತಯುಕ್ತಮ್||೫||
चतुर्थेऽक्षमात्रनवनीतयुक्तम्||५||
🔊 Audio coming soon
Adhikarana pa~jcamamAse sevanIyam (6) · Śloka 6
ಪಞ್ಚಮೇ ಕ್ಷೀರಸರ್ಪಿಃ||೬||
पञ्चमे क्षीरसर्पिः||६||
🔊 Audio coming soon
Adhikarana ShaShThasaptamamAsayoH sevanIyam (7) · Śloka 7
ಷಷ್ಠೇ ತದೇವ ಮಧುರೌಷಧಸಿದ್ಧಂ ಸಪ್ತಮೇ ಚ||೭||
षष्ठे तदेव मधुरौषधसिद्धं सप्तमे च||७||
🔊 Audio coming soon
Adhikarana ShaShThe madhurauShadhaiH siddhaM tadeva kShIrasarpiH ca|| 7|| (8) · Śloka 8
ತಸ್ಮಿಂಸ್ತು ಗರ್ಭಸ್ಯ ಕೇಶೋತ್ಪತ್ತ್ಯಾ ಮಾತುರ್ವಿದಾಹೋ ಭವತೀತಿ ಸ್ತ್ರಿ-ಯೋ ಭಾಷನ್ತೇ| ನೇತಿ ಭಗವಾನಾತ್ರೇಯಃ| ಗರ್ಭೋತ್ಪೀಡನಾತ್ತು ದೋಷಾ ಹೃದಯಂ ಪ್ರಾಪ್ಯ ವಿದಹನ್ತಿ ತತಃ ಕಣ್ಡೂರ್ಜಾಯತೇ ಕಣ್ಡ್ವಾ ಕಿ- ಕ್ಕಿಸಮ್||೮||
तस्मिंस्तु गर्भस्य केशोत्पत्त्या मातुर्विदाहो भवतीति स्त्रि-यो भाषन्ते| नेति भगवानात्रेयः| गर्भोत्पीडनात्तु दोषा हृदयं प्राप्य विदहन्ति ततः कण्डूर्जायते कण्ड्वा कि- क्किसम्||८||
🔊 Audio coming soon
Adhikarana saptamamAsikagarbhopadrave sevanIyAni (9) · Śloka 9
ತತ್ರ ಕೋಲೋದಕೇನ ನವನೀತಸ್ಯ ಮಧುರೌಷಧಸಿದ್ಧಸ್ಯ ಪಾಣಿ- ತಲಮಾತ್ರಮಸ್ಯೈ ದದ್ಯಾತ್| ಚನ್ದನಮೃಣಾಲಕಲ್ಕೈಶ್ಚ ಸ್ತನೋದರಂ ಮೃದ್ನೀಯಾತ್| ಶಿರೀಷಧಾತಕೀಸರ್ಷಪಮಧುಕಚೂರ್ಣೈರ್ವಾ| ಕುಟಜಾರ್ಜಕಬೀಜಮುಸ್ತಹರಿದ್ರಾಕಲ್ಕೈರ್ವಾ| ನಿಮ್ಬಕೋಲಸುರಸಮಞ್ಜಿಷ್ಠಾ- ಕಲ್ಕೈರ್ವಾ| ಶಶಹರಿಣಪೃಷತರುಧಿರಯುಕ್ತಯಾ ವಾ ತ್ರಿಫಲಯಾ| ಕರವೀರಕರಞ್ಜಪತ್ರಕಲ್ಕಸಿದ್ಧೇನ ಚ ತೈಲೇನಾಭ್ಯಙ್ಗಃ| ಪರಿಷೇಕಃ ಪುನರ್ಮಾಲತೀಮಧುಕಸಿದ್ಧೇನಾಮ್ಭಸ| ಕಣ್ಡೂಯನಂ ವರ್ಜಯೇತ್| ತ್ವಗ್ಭೇದವೈರುಪ್ಯಪರಿಹಾರಾರ್ಥಂ ಸ್ನಾನೋದ್ವರ್ತನಂ ಚ ಶೀಲಯೇತ್| ಮಧುರಂ ಚಾಹಾರಮಲ್ಪಮಲ್ಪಸ್ನೇಹಲವಣಮಲ್ಪೋದಕಾನುಪಾನಂ ಭುಞ್ಜೀತ||೯||
तत्र कोलोदकेन नवनीतस्य मधुरौषधसिद्धस्य पाणि- तलमात्रमस्यै दद्यात्| चन्दनमृणालकल्कैश्च स्तनोदरं मृद्नीयात्| शिरीषधातकीसर्षपमधुकचूर्णैर्वा| कुटजार्जकबीजमुस्तहरिद्राकल्कैर्वा| निम्बकोलसुरसमञ्जिष्ठा- कल्कैर्वा| शशहरिणपृषतरुधिरयुक्तया वा त्रिफलया| करवीरकरञ्जपत्रकल्कसिद्धेन च तैलेनाभ्यङ्गः| परिषेकः पुनर्मालतीमधुकसिद्धेनाम्भस| कण्डूयनं वर्जयेत्| त्वग्भेदवैरुप्यपरिहारार्थं स्नानोद्वर्तनं च शीलयेत्| मधुरं चाहारमल्पमल्पस्नेहलवणमल्पोदकानुपानं भुञ्जीत||९||
🔊 Audio coming soon
Adhikarana garbhiNyAH aShTame mAse sevanIyAni (10) · Śloka 10
ಅಷ್ಟಮೇ ಕ್ಷೀರಯವಾಗೂಂ ಸರ್ಪಿಷ್ಮತೀಂ ಪಿಬೇತ್| ನೇತಿ ಖಣ್ಡಕಾಪ್ಯಃಗರ್ಭಸ್ಯ ಪೈಙ್ಗಲ್ಯಾ ಬಾಧಭಯಾತ್| ಅಸ್ತು ಪೈಙ್ಗಲ್ಯಾ ಬಾಧಸ್ತಥಾಪ್ಯೇವಂ ಕುರ್ವೀತ| ನೀರುಜಂ ಬಲವರ್ಣಸತ್ತ್ವಸಂಹನನಸಮ್ಪದುಪೇತಂ ಜ್ಞಾತೀನಾಮಗ್ರಗಣ್ಯಮಪತ್ಯಂ ಜನಯತೀತಿ ಭಗವಾನಾತ್ರೇಯಃ| ಬದರೋದಕೇನ ಪಲಲಪಯೋದಧಿಮಸ್ತುತೈಲಲವಣಫಲಘೃತಯುಕ್ತೇನಾಸ್ಥಾಪಯೇತ್| ಪುರಾಣವಿಡ್ವಿಶುದ್ಧ್ಯರ್ಥಂ ಮಧುಕಾದಿಮಧುರೌಷಧಸಿದ್ಧೇನ ಚ ತೈಲೇನಾನುವಾಸಯೇದನುಲೋಮನಾಯ ವಾಯೋಃ ಅನುಲೋಮೇ ಹಿ ಮಾರುತೇ ಸಾ ಸುಖಮನುಪದ್ರವಾ ಪ್ರಸೂತೇ| ಗರ್ಭಿಣೀಂ ತು ನ್ಯುಬ್ಜಾಮಾಸ್ಥಾಪಯೇದನುವಾಸಯೇದ್ವಾ| ತಥಾಽಸ್ಯಾ ವಿವೃತಮಾರ್ಗತಯಾ ಸಮ್ಯಗೌಷಧನಮನುಪ್ರವಿಶತಿ| ತತ ಊರ್ಧ್ವಂ ಸ್ನಿಗ್ಧಾಭಿರ್ಯವಾಗೂಭಿ- ರ್ಜಾಙ್ಗಲರಸೈಶ್ಚೋಪಾಚರೇದಾಪ್ರಸವಕಾಲಾದಿತಿ ಭಗವಾನ್ ಧನ್ವ- ನ್ತರಿಃ||೧೦||
अष्टमे क्षीरयवागूं सर्पिष्मतीं पिबेत्| नेति खण्डकाप्यःगर्भस्य पैङ्गल्या बाधभयात्| अस्तु पैङ्गल्या बाधस्तथाप्येवं कुर्वीत| नीरुजं बलवर्णसत्त्वसंहननसम्पदुपेतं ज्ञातीनामग्रगण्यमपत्यं जनयतीति भगवानात्रेयः| बदरोदकेन पललपयोदधिमस्तुतैललवणफलघृतयुक्तेनास्थापयेत्| पुराणविड्विशुद्ध्यर्थं मधुकादिमधुरौषधसिद्धेन च तैलेनानुवासयेदनुलोमनाय वायोः अनुलोमे हि मारुते सा सुखमनुपद्रवा प्रसूते| गर्भिणीं तु न्युब्जामास्थापयेदनुवासयेद्वा| तथाऽस्या विवृतमार्गतया सम्यगौषधनमनुप्रविशति| तत ऊर्ध्वं स्निग्धाभिर्यवागूभि- र्जाङ्गलरसैश्चोपाचरेदाप्रसवकालादिति भगवान् धन्व- न्तरिः||१०||
🔊 Audio coming soon
Adhikarana navame mAse karaNIyAni garbhiNIkRutyAni (11) · Śloka 11
ನವಮೇ ತು ತತ ಏವಾನುವಾಸನತೈಲಾತ್ ಪಿಚುಂ ಯೋನೌ ಪ್ರಣಯೇದ್ ಗರ್ಭಮಾರ್ಗಾಶಯಯೋಃ ಸ್ನೇಹನಾರ್ಥಮಿತಿ||೧೧||
नवमे तु तत एवानुवासनतैलात् पिचुं योनौ प्रणयेद् गर्भमार्गाशययोः स्नेहनार्थमिति||११||
🔊 Audio coming soon
Adhikarana garbhiNIniyamAnusaraNaphalam (12) · Śloka 12
ಅನೇನ ಪ್ರಥಮಮಾಸಾದಾರಭ್ಯ ಕ್ರಮೇಣ ಗರ್ಭಿಣ್ಯಾ ಪ್ರಸವಕಾಲೇ ಗರ್ಭಧಾರಿಣೀಕುಕ್ಷಿಕಟೀಪಾರ್ಶ್ವಪೃಷ್ಠಂ ಮೃದು ಭವತಿ| ವಾಯುಶ್ಚಾನುಲೋಮಃ ಸಮ್ಪದ್ಯತೇ| ಮೂತ್ರಪುರೀಷಂ ಚ ಪ್ರಕೃತಿಭೂತಂ ಜರಾಯುಶ್ಚ ಮಾರ್ಗಂ ಪ್ರತಿಪದ್ಯತೇ| ಪುತ್ರಂ ಚೇಷ್ಟಂ ಕಲ್ಯಮಾಯುಷ್ವನ್ತಂ ಸುಖಿನಂ ಸುಖೇನ ಕಾಲೇ ಬಲವತೀ ಪ್ರಸೂತೇ||೧೨||
अनेन प्रथममासादारभ्य क्रमेण गर्भिण्या प्रसवकाले गर्भधारिणीकुक्षिकटीपार्श्वपृष्ठं मृदु भवति| वायुश्चानुलोमः सम्पद्यते| मूत्रपुरीषं च प्रकृतिभूतं जरायुश्च मार्गं प्रतिपद्यते| पुत्रं चेष्टं कल्यमायुष्वन्तं सुखिनं सुखेन काले बलवती प्रसूते||१२||
🔊 Audio coming soon
Adhikarana garbhiNyAH snAnodakam (13) · Śloka 13
ಬಿಲ್ವಕಾರ್ಪಾಸೀಪಪ್ಫಣಾಪಾತಲೀಪಿಚುಮರ್ದಾಗ್ನಿಮನ್ಥಮಾಂಸೀವರ್ಧಮಾನಕಪತ್ರಭಙ್ಗಕ್ವಾಥೇನ ಶೀತೇನ ಸರ್ವಗನ್ಧೋದಕೇನ ವಾ ಗರ್ಭಿಣ್ಯಾಃ ಪ್ರತ್ಯಹಂ ಸ್ನಾನಮುಪದಿಶೇತ್||೧೩||
बिल्वकार्पासीपप्फणापातलीपिचुमर्दाग्निमन्थमांसीवर्धमानकपत्रभङ्गक्वाथेन शीतेन सर्वगन्धोदकेन वा गर्भिण्याः प्रत्यहं स्नानमुपदिशेत्||१३||
🔊 Audio coming soon
Adhikarana sUtikAgAranirmitiH (14) · Śloka 14
ಪ್ರಾಕ್ ಚೈವಾಸ್ಯಾ ನವಮಾನ್ಮಾಸಾದಪ್ರಹೃತಾಸ್ಥಿಶರ್ಕರಾಕಪಾಲೇ ಪ್ರಶಸ್ತೇ ದೇಶೇ ವಾಸ್ತುವಿದ್ಯಾಪ್ರಶಸ್ತಂ ಸರ್ವರ್ತ್ತುಸುಖಮುಖಹೃತಸರ್ವೋ- ಪಕರಣಂ ಸನ್ನಿಹಿತಜ್ವಲನಂ ಪ್ರಾಗ್ದ್ವಾರಮುದಙ್ದ್ವಾರಂ ವಾ ಸೂತಿಕಾಗಾರಂ ಕಾರಯೇತ್||೧೪||
प्राक् चैवास्या नवमान्मासादप्रहृतास्थिशर्कराकपाले प्रशस्ते देशे वास्तुविद्याप्रशस्तं सर्वर्त्तुसुखमुखहृतसर्वो- पकरणं सन्निहितज्वलनं प्राग्द्वारमुदङ्द्वारं वा सूतिकागारं कारयेत्||१४||
🔊 Audio coming soon
Adhikarana garbhiNyAH sUtikAgAre praveshaH viNmUtra- vibandhe phalavartidAna~jca (15) · Śloka 15
ತತ್ರಾನುಕೂಲೇಷು ನಕ್ಷತ್ರಾದಿಷು ಪುಣ್ಯಾಹಶಬ್ದೇನ ಗೋಬ್ರಾಹ್ಮಣವೃದ್ಧಾ- ನ್ನ್ತ್ವಾಽಽವರ್ತಮಾನಾ ಪ್ರದಕ್ಷಿಣಂ ಪ್ರವಿಶ್ಯ ಬಹುಶಃ ಪ್ರಸೂತಾಭಿರ- ನುರಕ್ತಾಭಿರವಿಷಾದಾಭಿಃ ಕ್ಲೇಶಕ್ಷಮಾಭಿಃ ಪರಿವೃತಾ ಸ್ವ- ಸ್ತ್ಯಯನಪರಾನುಲೋಮನೈರಾಹಾರವಿಹಾರೈರನುಲೋಮಿತವಾತಮೂತ್ರಪುರೀಷಾ ಪ್ರಸವಕಾಲಮುದೀಕ್ಷೇತ| ಸ್ವಲ್ಪೇಽಪಿ ಚ ವಿಣ್ಮೂತ್ರಪುರೀಷಾ ಪ್ರಸವ- ಕಾಲಮುದೀಕ್ಷೇತ| ಸ್ವಲ್ಪೇಽಪಿ ಚ ವಿಣ್ಮೂತ್ರವಿಬನ್ಧೇ ಫಲವರ್ತೀಃ ಪ್ರಣಿದದ್ಯಾತ್||೧೫||
तत्रानुकूलेषु नक्षत्रादिषु पुण्याहशब्देन गोब्राह्मणवृद्धा- न्न्त्वाऽऽवर्तमाना प्रदक्षिणं प्रविश्य बहुशः प्रसूताभिर- नुरक्ताभिरविषादाभिः क्लेशक्षमाभिः परिवृता स्व- स्त्ययनपरानुलोमनैराहारविहारैरनुलोमितवातमूत्रपुरीषा प्रसवकालमुदीक्षेत| स्वल्पेऽपि च विण्मूत्रपुरीषा प्रसव- कालमुदीक्षेत| स्वल्पेऽपि च विण्मूत्रविबन्धे फलवर्तीः प्रणिदद्यात्||१५||
🔊 Audio coming soon
Adhikarana AsannaprasavAyA lakShaNAni (16) · Śloka 16
ತತ್ರಾಸನ್ನಪ್ರಸವಾಯಾಃ ಕ್ಲಮೋ ಗ್ಲಾನಿರ್ಮುಕ್ತಬನ್ಧನೇ ಇವಾ- ಕ್ಷಿಣೀ ನಿಷ್ಠೀವಿಕಾ ಮೂತ್ರಪುರೀಷಬಾಹುಲ್ಯಂ ಶಿಥಿಲಕುಕ್ಷಿ- ತಾಽಧೋಗುರುತ್ವಮನ್ನಾನಭಿಲಾಷೋ ವೇದನೋದರಹೃದಯಕಟೀಬಸ್ತಿ- ವಙ್ಕ್ಷಣೇಷು ತೋದಭೇದಶೂಲಸ್ಫುರಣಸ್ರವಣಾನಿ ಚ ಯೋನ್ಯೌ ಭವನ್ತಿ| ತದನನ್ತರಮಾವೀನಾಂ ಪ್ರಾದುರ್ಭಾವೋ ಗರ್ಭೋದಕಪ್ರವಾಹಶ್ಚ||೧೬||
तत्रासन्नप्रसवायाः क्लमो ग्लानिर्मुक्तबन्धने इवा- क्षिणी निष्ठीविका मूत्रपुरीषबाहुल्यं शिथिलकुक्षि- ताऽधोगुरुत्वमन्नानभिलाषो वेदनोदरहृदयकटीबस्ति- वङ्क्षणेषु तोदभेदशूलस्फुरणस्रवणानि च योन्यौ भवन्ति| तदनन्तरमावीनां प्रादुर्भावो गर्भोदकप्रवाहश्च||१६||
🔊 Audio coming soon
Adhikarana upasthitagarbhAyA yavAgUpAnam (17) · Śloka 17
ಅಥೈನಾಮುಪಸ್ಥಿತಗರ್ಭಾಂ ಕೃತಕೌತುಕಮಙ್ಗಲಾಂ ಪುನ್ನಾಮಫಲಹಸ್ತಾಂ ಸ್ವಭ್ಯಕ್ತಾಮುಷ್ಣೋದಕಪರಿಷಿಕ್ತಾಂ ಸಘೃತಾಂ ಯವಾಗೂಂ ಪಾಯಯೇತ್||೧೭||
अथैनामुपस्थितगर्भां कृतकौतुकमङ्गलां पुन्नामफलहस्तां स्वभ्यक्तामुष्णोदकपरिषिक्तां सघृतां यवागूं पाययेत्||१७||
🔊 Audio coming soon
Adhikarana AvIprAdurbhAvottarakRutyam (18) · Śloka 18
ತತಃ ಸುರಕ್ತಾರ್ಷಭಚರ್ಮಪ್ರಚ್ಛದೇ ಮೃದುನಿ ಭೂಮಿಶಯನೇ ಶಯಾನಾ- ಮುತ್ತಾನಾಮಾಭುಗ್ನಸಕ್ಥಿಪೃಷ್ಠಾಮಹತವಾಸಸೋಽಶಙ್ಕನೀಯಾಃ ಪ್ರಿಯ- ದರ್ಶನಾಃ ಪರಿಣತವಯಸಃ ಪ್ರಜನನಕುಶಲಾಃ ಪ್ರಗಲ್ಭಃ ಕೃತ್ತ- ನಖಾಃ ಸ್ತ್ರಿಯಃ ಸೂತಿಕಾಂ ಸೂನೃತಾಭಿರ್ವಾಣೀಭಿರಾಶ್ವಾಸಯನ್ತ್ಯಃ ಪರ್ಯುಪಾಸೀರನ್||೧೮||
ततः सुरक्तार्षभचर्मप्रच्छदे मृदुनि भूमिशयने शयाना- मुत्तानामाभुग्नसक्थिपृष्ठामहतवाससोऽशङ्कनीयाः प्रिय- दर्शनाः परिणतवयसः प्रजननकुशलाः प्रगल्भः कृत्त- नखाः स्त्रियः सूतिकां सूनृताभिर्वाणीभिराश्वासयन्त्यः पर्युपासीरन्||१८||
🔊 Audio coming soon
Adhikarana garbhasyAdhomukhatvasampAdanam (19) · Śloka 19
ಅಥಾಸ್ಯೈ ದದ್ಯಾತ್ ಕುಷ್ಠೈಲಾಲಾಙ್ಗಲೀವಚಾಚವ್ಯಚಿತ್ರಕಚಿರಿ- ಬಿಲ್ವಚೂರ್ಣಮುಪಾಘ್ರಾತುಂ ಮುಹುರ್ಮುಹುಃ| ತಥಾ ಭೂರ್ಜಪತ್ರಶಿಂಶಪಾಸರ್ಜರಸಾನ್ಯತಮಧೂಮಮನ್ತರಾನ್ತರಾ ಚ| ಪಾರ್ಶ್ವಪೃಷ್ಠಕಟೀಸಕ್ಥಿದೇಶಾನ್ ಕೋಷ್ಣೇನ ತೈಲೇನಾಭ್ಯಜ್ಯಾನುಸುಖಮಸ್ಯಾ ಮೃದ್ನೀಯಾತ್| ಏವಮವಾಕ್ ಪರಿವರ್ತ್ತತೇ ಗರ್ಭಃ||೧೯||
अथास्यै दद्यात् कुष्ठैलालाङ्गलीवचाचव्यचित्रकचिरि- बिल्वचूर्णमुपाघ्रातुं मुहुर्मुहुः| तथा भूर्जपत्रशिंशपासर्जरसान्यतमधूममन्तरान्तरा च| पार्श्वपृष्ठकटीसक्थिदेशान् कोष्णेन तैलेनाभ्यज्यानुसुखमस्या मृद्नीयात्| एवमवाक् परिवर्त्तते गर्भः||१९||
🔊 Audio coming soon
Adhikarana adhomukhagarbhalakShaNam (20) · Śloka 20
ತಸ್ಯ ಲಕ್ಷಣಮ್ವಿಮುಚ್ಯ ಹೃದಯಮುದರಮಾವಿಶತಿ| ಬಸ್ತಿಶಿರೋಽವಗೃಹ್ಣಾತಿ ತ್ವರಯನ್ತ್ಯೇನಾಮಾವ್ಯಃ||೨೦||
तस्य लक्षणम्विमुच्य हृदयमुदरमाविशति| बस्तिशिरोऽवगृह्णाति त्वरयन्त्येनामाव्यः||२०||
🔊 Audio coming soon
Adhikarana garbhaparivartane upAyAntaram (21) · Śloka 21
ನ ಚೇದೇವಂ ಪರಿವರ್ತ್ತತೇ ತತೋ ಮುಹುರ್ಮುಹುರ್ಜೃಮ್ಭಣಂ ಚಙ್ಕ್ರಮಣಞ್ಚ ಕಾರಯತಿವ್ಯಾನನನ್ತರೋಕ್ತಂ ವಿಧಿಮ್||೨೧||
न चेदेवं परिवर्त्तते ततो मुहुर्मुहुर्जृम्भणं चङ्क्रमणञ्च कारयतिव्याननन्तरोक्तं विधिम्||२१||
🔊 Audio coming soon
Adhikarana anyamatena garbhaparivarttanopAyaH (22) · Śloka 22
ಅನ್ಯೇ ತು ಮುಸಲೇನ ಉಲೂಖಲಂ ಧಾನ್ಯಪೂರ್ಣಮಾಹನನೀಯಮಿತ್ಯಾಹುಃ||೨೨||
अन्ये तु मुसलेन उलूखलं धान्यपूर्णमाहननीयमित्याहुः||२२||
🔊 Audio coming soon
Adhikarana tanniShedhashca (23) · Śloka 23
ತತ್ತು ನ ಸಮ್ಯಕ್| ದಾರುಣವ್ಯಾಯಾಮವರ್ಜನಂ ಹಿ ಗರ್ಭಿಣ್ಯಾಃ ಸತತಮುದಪದಿಶ್ಯತೇ| ವಿಶೇಷತಶ್ಚ ಪ್ರಸವಕಾಲೇ| ಪ್ರಚಲಿತಸರ್ವಧಾತುದೋಷಾಯಾಃ ಸೌಕುಮಾರ್ಯ್ಯತ್ವಾನ್ನಾರ್ಯ್ಯಾ ಮುಸಲವ್ಯಾಯಾಮೇನೇರಿತೋ ವಾಯುರನ್ತರಂ ಲಬ್ಧ್ವಾ ಪ್ರಾಣಾನ್ ಹಿಂಸ್ಯಾದಿತಿ||೨೩||
तत्तु न सम्यक्| दारुणव्यायामवर्जनं हि गर्भिण्याः सततमुदपदिश्यते| विशेषतश्च प्रसवकाले| प्रचलितसर्वधातुदोषायाः सौकुमार्य्यत्वान्नार्य्या मुसलव्यायामेनेरितो वायुरन्तरं लब्ध्वा प्राणान् हिंस्यादिति||२३||
🔊 Audio coming soon
Adhikarana garbhaparivRuttyuttarakRutyam (24) · Śloka 24
ಅಥ ಪರಿವೃತ್ತಗರ್ಭಾಂ ಪರ್ಯ್ಯಙ್ಕಮೇನಾಮಾರೋಪ್ಯ ಕುಶಲಾ ಸ್ತ್ರೀ ಪಾದತೋಽಸ್ಯಾ ನಿಷಣ್ಣಾಯಾ ಯೋನಿಮನುಲೋಮಮನುಸುಖಮಭ್ಯಜ್ಯ ಸ್ಫಿಜೌ ಪಾದಾಭ್ಯಾಂ ಪೀಡಯೇತ್| ಯೋನಿಞ್ಚ ಪುನಃ ಪುನಃ ಪ್ರಸಾಧಯೇತ್| ಬ್ರೂಯಾಚ್ಚ, ಸುಭಗೇ! ಶನೈಃ ಶನೈಃ ಪ್ರವಾಹಯಸ್ವ| ಸುಪ್ರಸನ್ನಸ್ತೇಮುಖವರ್ಣಃ ಪುತ್ರಂ ಜನಯಿಷ್ಯತೀತಿ||೨೪||
अथ परिवृत्तगर्भां पर्य्यङ्कमेनामारोप्य कुशला स्त्री पादतोऽस्या निषण्णाया योनिमनुलोममनुसुखमभ्यज्य स्फिजौ पादाभ्यां पीडयेत्| योनिञ्च पुनः पुनः प्रसाधयेत्| ब्रूयाच्च, सुभगे! शनैः शनैः प्रवाहयस्व| सुप्रसन्नस्तेमुखवर्णः पुत्रं जनयिष्यतीति||२४||
🔊 Audio coming soon
Adhikarana garbhaprasavakaramantrajapaH (25) · Śloka 25
ಅನ್ಯಾ ತು ವಾಮಕರ್ಣೇಽಸ್ಯಾ ಮನ್ತ್ರಮಿಮಂ ಜಪೇತ್ಕ್ಷಿತಿರ್ಜಲಂ ವಿಯತ್ತೇಜೋ ವಾಯುರ್ವಿಷ್ಣುಃ ಪ್ರಜಾಪ್ರತಿಃ| ಸಗರ್ಭಾಂ ತ್ವಾಂ ಸದಾ ಪಾತು ವೈಶಲ್ಯಂ ವಾ ದಧಾತ್ವಪಿ| ಪ್ರಸೂಷ್ವ ತ್ವಮವಿಕ್ಲಿಷ್ಟಮವಿಕ್ಲಿಷ್ಟಾ ಶುಭಾನನೇ| ಕಾರ್ತಿಕೇಯದ್ಯುತಿಂ ಪುತ್ರಂ ಕಾರ್ತಿಕೇಯಾದಿರಕ್ಷಿತಮ್| ಇತಿ| ತಥಾ- ಇಹಾಮೃತಞ್ಚ ಸೋಮಶ್ಚ ಚಿತ್ರಭಾನುಶ್ಚ ಭಾಮಿನಿ| ಉಚ್ಚೈಃಶ್ರವಾಶ್ಚ ತುರಗೋ ಮನ್ದಿರೇ ನಿವಸನ್ತು ತೇ| ಇದಮಮೃತಮಪಾಂ ಸಮುದ್ಧೃತಂ ವೈತವಲಘು ಗರ್ಭಮಿಮಂ ಪ್ರಮುಞ್ಚತು ಸ್ತ್ರೀ| ತದನಲಪವನಾರ್ಕವಾಸವಾಸ್ತೇ ಸಹ ಲವಣಾಮ್ಬುಧರೈರ್ದಿಶನ್ತು ಶಾನ್ತಿಮಿತಿ||೨೫||
अन्या तु वामकर्णेऽस्या मन्त्रमिमं जपेत्क्षितिर्जलं वियत्तेजो वायुर्विष्णुः प्रजाप्रतिः| सगर्भां त्वां सदा पातु वैशल्यं वा दधात्वपि| प्रसूष्व त्वमविक्लिष्टमविक्लिष्टा शुभानने| कार्तिकेयद्युतिं पुत्रं कार्तिकेयादिरक्षितम्| इति| तथा- इहामृतञ्च सोमश्च चित्रभानुश्च भामिनि| उच्चैःश्रवाश्च तुरगो मन्दिरे निवसन्तु ते| इदममृतमपां समुद्धृतं वैतवलघु गर्भमिमं प्रमुञ्चतु स्त्री| तदनलपवनार्कवासवास्ते सह लवणाम्बुधरैर्दिशन्तु शान्तिमिति||२५||
🔊 Audio coming soon
Adhikarana akAlapravAhaNe kAle~apravAhaNe ca doShaH (26) · Śloka 26
ತಥಾ ಪರಾಽನುಶಿಷ್ಯಾದನಾಗತಾಯಾಂ ವೇದನಾಯಾಂ ಮಾ ಪ್ರವಾಹಿಷ್ಠಾಃ| ಅಕಾಲಪ್ರವಾಹಣಂ ಹಿ ವಿಣ್ಮೂತ್ರಾದಿವೇಗಾನಾಮಿವೋದೀರಣಮನರ್ಥ- ಕರಮಹಿತಞ್ಚ ಗರ್ಭಸ್ಯ ಶ್ವಾಸಕಾಸಶೇಷಕುಬ್ಜತಾದಿಕಾ- ರಿತ್ವಾತ್| ತಥಾ ತೇಷಾಮೇವ ವಿಧಾರಣಮಿವ ವೇದನಾಯಾಮಪ್ರವಾ- ಹಣಮುಪಘಾತಾಯ| ತತೋ ಯಥೋಕ್ತಂ ಕುರುಷ್ವ||೨೬||
तथा पराऽनुशिष्यादनागतायां वेदनायां मा प्रवाहिष्ठाः| अकालप्रवाहणं हि विण्मूत्रादिवेगानामिवोदीरणमनर्थ- करमहितञ्च गर्भस्य श्वासकासशेषकुब्जतादिका- रित्वात्| तथा तेषामेव विधारणमिव वेदनायामप्रवा- हणमुपघाताय| ततो यथोक्तं कुरुष्व||२६||
🔊 Audio coming soon
Adhikarana pravAhaNakramaH (27) · Śloka 27
ಶನೈಃ ಶನೈಶ್ಚ ಪೂರ್ವಂ ಪ್ರವಾಹಿಷ್ಠಾಃ| ನಿಗರ್ಭೇ ಬಾಢಮ್| ಗರ್ಭಸ್ಯ ಯೋನಿಮುಖಪ್ರತಿಪತ್ತೌ ಬಾಢತರಮಾಽಽಪ್ರಸವಾದಿತಿ||೨೭||
शनैः शनैश्च पूर्वं प्रवाहिष्ठाः| निगर्भे बाढम्| गर्भस्य योनिमुखप्रतिपत्तौ बाढतरमाऽऽप्रसवादिति||२७||
🔊 Audio coming soon
Adhikarana pravAhamAnAyAH garbhiNyAH harShaNam (28) · Śloka 28
ತಸ್ಯಾಸ್ತು ಪ್ರವಾಹಮಾನಾಯಾಃ ಸ್ತ್ರಿಯಃ ಶಬ್ದಂ ಕುರ್ಯ್ಯುಃ ಪ್ರಜಾತಾ, ಪ್ರಜಾತಾಧನ್ಯಂ ಧನ್ಯಂ ಪುತ್ರಮಿತಿ| ತಥಾಽಸ್ಯಾ ಹರ್ಷೇಣ ಪ್ರಾಣಾ ಆಪ್ಯಾಯನ್ತೇ||೨೮||
तस्यास्तु प्रवाहमानायाः स्त्रियः शब्दं कुर्य्युः प्रजाता, प्रजाताधन्यं धन्यं पुत्रमिति| तथाऽस्या हर्षेण प्राणा आप्यायन्ते||२८||
🔊 Audio coming soon
Adhikarana garbhasa~gge cikitsA (29) · Śloka 29
ಗರ್ಭಸಙ್ಗೇ ತು ಯೋನಿಂ ಧೂಪಯೇತ್| ಕೃಷ್ಣಸರ್ಪನಿರ್ಮೋಕೇನ ಪಿಣ್ಡೀತಕೇನ ವಾ| ಬಧ್ನೀಯಾಚ್ಚ ಹಿರಣ್ಯಪುಷ್ಪೀಮೂಲಂ ಹಸ್ತಪಾದೇ| ಧಾರಯೇಚ್ಚ ಸುವರ್ಚಲಾಂ ವಿಶಲ್ಯಾಂ ವಾ||೨೯||
गर्भसङ्गे तु योनिं धूपयेत्| कृष्णसर्पनिर्मोकेन पिण्डीतकेन वा| बध्नीयाच्च हिरण्यपुष्पीमूलं हस्तपादे| धारयेच्च सुवर्चलां विशल्यां वा||२९||
🔊 Audio coming soon
Adhikarana aparAsa~gge upacArAH (30) · Śloka 30
ಅಥ ಪ್ರಸೂತಾಯಾ ನ ಚೇದಪರಾ ಪತತಿ ತತೋ ದಕ್ಷಿಣೇನ ಪಾಣಿನಾ ನಾಭೇರುಪರಿಷ್ಟಾದ್ಬಲವದುಪಪೀಡ್ಯ ಅನ್ಯೇನ ಪೃಷ್ಠತ ಉಪಸಂಗೃಹ್ಯ ವಿಧು- ನುಯಾತ್| ಪಾರ್ಷ್ಣ್ಯಾ ವಾ ಶ್ರೋಣೀಮಾಕೋಟಯೇತ್| ಸ್ಫಿಜೌ ವೋಪಸಂಗೃಹ್ಯಾ ಸುಪೀಡಿತಂ ನಿಪೀಡಯೇತ್| ವೇಣ್ಯಾಽಙ್ಗುಲ್ಯಾ ವಾ ಕೇಶವೇಷ್ಟಿತಯಾ ಚ ಕಣ್ಠತಾಲೂ ಪರಾಮೃಶೇತ್| ಭೂರ್ಜಪತ್ರಕಾಚಮಣಿಸರ್ಪನಿರ್ಮೋಕೈಶ್ಚ ಯೋನಿಂ ಧೂಪಯೇತ್| ಭೂರ್ಜಗುಗ್ಗುಲುಭ್ಯಾಂ ವಾ| ಶಾಲಿಮೂಲಸಿದ್ಧೇನ ವ ಸರ್ಪಿಷಾ ಯೋನಿಮಭ್ಯಜ್ಯ ಕಟುಕಾಲಾಬುಜಾಲಿನೀನಿಮ್ಬಸರ್ಪನಿರ್ಮೋಕೈರ್ಧೂಪಯೇತ್| ಗುಡನಾಗರಕಲ್ಕೇನ ವಾ| ತದೇವ ವಾ ಭಕ್ಷಯೇತ್| ಲಾಙ್ಗಲೀಮೂಲಕಲ್ಕೇನ ವಾ ಪಾಣಿಮುದರಂ ಚಾಲಿಮ್ಪೇತ್| ಮಹಾವೃಕ್ಷಕ್ಷೀರಂ ವಾ ಮೂರ್ಧನ್ಯಷೇಚಯೇತ್| ಕುಷ್ಠತಾಲೀಸಕಲ್ಕಂ ಬಿಲ್ವಬಲ್ವಜಯೂಷಮೈರೇಯಾಸವಸುರಾಮಣ್ಡಾನ್ಯತಮೇನ ವ್ಯೋಷತೀಕ್ಷ್ಣೋಷ್ಣೇನ ವಾಽಮ್ಲೇನ ಕುಲತ್ಥರಸೇನ ಮಧುಕಪಿಪ್ಪಲೀಸಮ್ಪಾಕೇನ ವ ಪಾಯಯೇತ್| ಪಿಪ್ಪಲ್ಯೇಲಾಕೋಲವಿಡಚವ್ಯಚಿತ್ರಕೋಪಕುಬ್ಜಿಕಾಕಲ್ಕಂ ವಾ| ಖರಸ್ಯ ವೃಷಭಸ್ಯ ವಾ ಜೀವತೋ ದಕ್ಷಿಣಂ ಕರ್ಣಮುದ್ಧೃತ್ಯ ಬಿಲ್ವಕುಲತ್ಥಬಲ್ವಜಯೂಷಾನೀನಾಪ್ಲಾವನಾನಾಮನ್ಯತಮೇ ಪ್ರಕ್ಷಿಪ್ಯ ಮುಹೂರ್ತ್ತಸ್ಥಿತಮುದ್ಧೃತ್ಯ ತದಾಪ್ಲಾವನಂ ಪಾಯಯೇತ್| ಕುಷ್ಠೈಲಾಕಲ್ಕಂ ವಾ ಸುರಯಾ| ಅರ್ಕಾಲರ್ಕಕಷಾಯಂ ವಾ ಪ್ರಜಾತಾಂಸುರೋನ್ಮಿಶ್ರಮ್| ಕುಷ್ಠಲಾಙ್ಗಲಿಕೀಮೂಲಕಲ್ಕಂ ವಾ ಮದ್ಯಮೂತ್ರಾನ್ಯತರೇಣ| ವತ್ಸಕಾದಿಚೂರ್ಣಂ ವಾ ಮದ್ಯೇನ| ಶತಪುಷ್ಪಾಕುಷ್ಠಮದನಹಿಙ್ಗುಸಿದ್ಧಸ್ಯ ಚ ತೈಲಸ್ಯ ಪಿಚುಂ ಗ್ರಾಹಯೇತ್| ತತಶ್ಚೈನಾಮನುವಾಸನಕಾಲೇಽನುವಾಸಯೇತ್| ಬಿಲ್ವಬಲ್ವಜಯೂಷಾದ್ಯಾಪ್ಲಾವನೈಶ್ಚ ಫಲಜೀಮೂತಕೇಕ್ಷ್ವಾಕು- ಧಾಮಾರ್ಗವಕುಟಜಾರ್ಕಕೃತವೇಧನಹಸ್ತಿಪರ್ಣ್ಯಭೀರೂಪಹಿತೈರಾಸ್ಥಾಪಯೇತ್| ಸಿದ್ಧಾರ್ಥಕಕುಷ್ಠಲಾಙ್ಗಲಿಕೀಮಹಾವೃಕ್ಷಕ್ಷೀರಾಮಿಶ್ರೇಣ ವಾ ಸುರಾಮಣ್ಡೇನ| ಶಾಲ್ಮಲೀವೃನ್ತಾನಿ ವಾ ಸ್ವಿನ್ನಾನ್ಯಾಪೋಥ್ಯ ಪಞ್ಚಮೂಲಕಷಾಯೇ ವಿಮರ್ದ್ದಯೇತ್| ತೇನ ಚ ಪೂತೇನ ಸ್ನೇಹವತಾ ಫಲಾದಿಯುಕ್ತೇನೇತಿ| ಯಥೋಕ್ತಾಸ್ಥಾಪನದ್ರವ್ಯಸಿದ್ಧೇನ ಕಟುತೈಲೇನೋತ್ತರಬಸ್ತಿಂ ದದ್ಯಾತ್| ಶಿಗ್ರುಸುಮುಖಮರಿಚಾಜಾಜೀಚಿತ್ರಕಕಲ್ಕಕ್ಷೀರಗೋಮೂತ್ರಸಿದ್ಧೇನ ವಾ ಕಟುತೈಲೇನಾಽನುವಾಸಯೇತ್| ಉಮಾಶಾಲ್ಮಲೀಪಿಚ್ಛಯಾ ವಾ ಸಘೃತಯಾ ಯೋನಿಂ ಪೂರಯಿತ್ವ ವಿಧುನುಯಾತ್| ಸ್ನಿಗ್ಧೇನ ವ ಕೃತನಖೇನ ಪಾಣಿನಾ ನಾಲಾನುಸಾರತೋಽಪಹರೇತ್||೩೦||
अथ प्रसूताया न चेदपरा पतति ततो दक्षिणेन पाणिना नाभेरुपरिष्टाद्बलवदुपपीड्य अन्येन पृष्ठत उपसंगृह्य विधु- नुयात्| पार्ष्ण्या वा श्रोणीमाकोटयेत्| स्फिजौ वोपसंगृह्या सुपीडितं निपीडयेत्| वेण्याऽङ्गुल्या वा केशवेष्टितया च कण्ठतालू परामृशेत्| भूर्जपत्रकाचमणिसर्पनिर्मोकैश्च योनिं धूपयेत्| भूर्जगुग्गुलुभ्यां वा| शालिमूलसिद्धेन व सर्पिषा योनिमभ्यज्य कटुकालाबुजालिनीनिम्बसर्पनिर्मोकैर्धूपयेत्| गुडनागरकल्केन वा| तदेव वा भक्षयेत्| लाङ्गलीमूलकल्केन वा पाणिमुदरं चालिम्पेत्| महावृक्षक्षीरं वा मूर्धन्यषेचयेत्| कुष्ठतालीसकल्कं बिल्वबल्वजयूषमैरेयासवसुरामण्डान्यतमेन व्योषतीक्ष्णोष्णेन वाऽम्लेन कुलत्थरसेन मधुकपिप्पलीसम्पाकेन व पाययेत्| पिप्पल्येलाकोलविडचव्यचित्रकोपकुब्जिकाकल्कं वा| खरस्य वृषभस्य वा जीवतो दक्षिणं कर्णमुद्धृत्य बिल्वकुलत्थबल्वजयूषानीनाप्लावनानामन्यतमे प्रक्षिप्य मुहूर्त्तस्थितमुद्धृत्य तदाप्लावनं पाययेत्| कुष्ठैलाकल्कं वा सुरया| अर्कालर्ककषायं वा प्रजातांसुरोन्मिश्रम्| कुष्ठलाङ्गलिकीमूलकल्कं वा मद्यमूत्रान्यतरेण| वत्सकादिचूर्णं वा मद्येन| शतपुष्पाकुष्ठमदनहिङ्गुसिद्धस्य च तैलस्य पिचुं ग्राहयेत्| ततश्चैनामनुवासनकालेऽनुवासयेत्| बिल्वबल्वजयूषाद्याप्लावनैश्च फलजीमूतकेक्ष्वाकु- धामार्गवकुटजार्ककृतवेधनहस्तिपर्ण्यभीरूपहितैरास्थापयेत्| सिद्धार्थककुष्ठलाङ्गलिकीमहावृक्षक्षीरामिश्रेण वा सुरामण्डेन| शाल्मलीवृन्तानि वा स्विन्नान्यापोथ्य पञ्चमूलकषाये विमर्द्दयेत्| तेन च पूतेन स्नेहवता फलादियुक्तेनेति| यथोक्तास्थापनद्रव्यसिद्धेन कटुतैलेनोत्तरबस्तिं दद्यात्| शिग्रुसुमुखमरिचाजाजीचित्रककल्कक्षीरगोमूत्रसिद्धेन वा कटुतैलेनाऽनुवासयेत्| उमाशाल्मलीपिच्छया वा सघृतया योनिं पूरयित्व विधुनुयात्| स्निग्धेन व कृतनखेन पाणिना नालानुसारतोऽपहरेत्||३०||
🔊 Audio coming soon
Adhikarana prasUtAyAH makkllashUle cikitsa (31) · Śloka 31
ಪ್ರಜಾತಾಯಾಂ ಚೇದ್ಬಸ್ತಿಮೂರ್ಧೋದರೇಷು ಶೂಲಂ ಮಕ್ಕಲ್ಲಾಖ್ಯಂ ಸ್ಯಾತ್ತತ್ರ ಯವಕ್ಷಾರಚೂರ್ಣಂ ಸರ್ಪಿಷಾ ಸುಖೋಷ್ಣೋದಕೇನ ವಾ ಪಿಬೇತ್| ವರಣಾದಿಂ ವಾ ಸಪಞ್ಚಕೋಲಮೇಲಾಪ್ರತೀವಾಪಮ್| ಅಥವಾ ವೀರತರಾದಿಮೂಷರಾದಿಪ್ರತೀವಾಪಮ್| ಲವಣಚೂರ್ಣಂ ವಾ ವತ್ಸಕಾದಿನಿರ್ಯೂಹೇಣ| ವತ್ಸಕಾದಿಂ ವಾ ಮದಿರಯಾ| ಅಂಶುಮತೀದ್ವಯಕ್ವಾಥೇನ ವಾ ಮರಿಚಭದ್ರದಾರುಕಲ್ಕಮ್| ಭಾರ್ಙ್ಗೀನಾಗರದೇವದಾರುಕಲ್ಕಂ ವೋಷ್ಣಾಮ್ಭಸಾ| ಪುರಾಣಗುಡಂ ವ ತ್ರಿಕಟುತ್ರಿಜಾತಕಧನಿಕಾಚೂರ್ಣಸಂಸೃಷ್ಟಂ ಭಕ್ಷಯೇತ್||೩೧||
प्रजातायां चेद्बस्तिमूर्धोदरेषु शूलं मक्कल्लाख्यं स्यात्तत्र यवक्षारचूर्णं सर्पिषा सुखोष्णोदकेन वा पिबेत्| वरणादिं वा सपञ्चकोलमेलाप्रतीवापम्| अथवा वीरतरादिमूषरादिप्रतीवापम्| लवणचूर्णं वा वत्सकादिनिर्यूहेण| वत्सकादिं वा मदिरया| अंशुमतीद्वयक्वाथेन वा मरिचभद्रदारुकल्कम्| भार्ङ्गीनागरदेवदारुकल्कं वोष्णाम्भसा| पुराणगुडं व त्रिकटुत्रिजातकधनिकाचूर्णसंसृष्टं भक्षयेत्||३१||
🔊 Audio coming soon
Adhikarana yonibhraMshe cikitsA (32) · Śloka 32
ತಸ್ಯಾಶ್ಚೇತ್ ಸ್ವಸ್ಥಾನತೋ ಯೋನಿರ್ಭ್ರಶ್ಯೇತ್ ತತೋ ಯಸ್ಯಕಸ್ಯ- ಚಿಚ್ಛೋಣಿತೇನಾಭ್ಯಜ್ಯ ಯೋನಿಂ ಯಥಾಸ್ಥಾನಂ ಕುಶಲಾ ಸ್ತ್ರೀ ನಿವೇಶಯೇತ್| ನಿವಿಷ್ಟಾಂ ಚಾಽಶೋಕರೋಹಿಣೀಬರ್ಹಿಷೋಶೀರಪ್ರಿಯಙ್ಗುದೇವದಾರುಕಲ್ಕವಿಪಕ್ವೇನ ತೈಲೇನ ಬಹುಶಃ ಸ್ವೇದಯೇತ್ ಪೂರಯೇತ್ ಬ್ರೂಯಾಚ್ಚ 'ಗಚ್ಛ ಸುಭಗೇ! ಸ್ವಸ್ಥಾನಮ್' ಇತಿ|೩೨|
तस्याश्चेत् स्वस्थानतो योनिर्भ्रश्येत् ततो यस्यकस्य- चिच्छोणितेनाभ्यज्य योनिं यथास्थानं कुशला स्त्री निवेशयेत्| निविष्टां चाऽशोकरोहिणीबर्हिषोशीरप्रियङ्गुदेवदारुकल्कविपक्वेन तैलेन बहुशः स्वेदयेत् पूरयेत् ब्रूयाच्च 'गच्छ सुभगे! स्वस्थानम्' इति|३२|
🔊 Audio coming soon
Adhikarana sadyo jAtasya bAlasyopacArAdeshaH (32) · Śloka 32
ತಸ್ಯಾಶ್ಚೇತ್ ಸ್ವಸ್ಥಾನತೋ ಯೋನಿರ್ಭ್ರಶ್ಯೇತ್ ತತೋ ಯಸ್ಯಕಸ್ಯ- ಚಿಚ್ಛೋಣಿತೇನಾಭ್ಯಜ್ಯ ಯೋನಿಂ ಯಥಾಸ್ಥಾನಂ ಕುಶಲಾ ಸ್ತ್ರೀ ನಿವೇಶಯೇತ್| ನಿವಿಷ್ಟಾಂ ಚಾಽಶೋಕರೋಹಿಣೀಬರ್ಹಿಷೋಶೀರಪ್ರಿಯಙ್ಗು- ದೇವದಾರುಕಲ್ಕವಿಪಕ್ವೇನ ತೈಲೇನ ಬಹುಶಃ ಸ್ವೇದಯೇತ್ ಪೂರಯೇತ್ ಬ್ರೂಯಾಚ್ಚ 'ಗಚ್ಛ ಸುಭಗೇ! ಸ್ವಸ್ಥಾನಮ್' ಇತಿ||೩೨||
तस्याश्चेत् स्वस्थानतो योनिर्भ्रश्येत् ततो यस्यकस्य- चिच्छोणितेनाभ्यज्य योनिं यथास्थानं कुशला स्त्री निवेशयेत्| निविष्टां चाऽशोकरोहिणीबर्हिषोशीरप्रियङ्गु- देवदारुकल्कविपक्वेन तैलेन बहुशः स्वेदयेत् पूरयेत् ब्रूयाच्च 'गच्छ सुभगे! स्वस्थानम्' इति||३२||
🔊 Audio coming soon
Adhikarana sadyo jAtasya bAlasyopacArAdeshaH (33) · Śloka 33
ತದ್ವಚ್ಚಾನ್ಯತಮಾ ಸ್ತ್ರೀ ಜಾತಮಾತ್ರಮೇವ ಬಾಲಂ ಬಾಲೋಪಚರಣೀಯೇನ ವಿಧಿನೋಪಪಾದಯೇತ್| ತಮುಪದೇಕ್ಷ್ಯತೇ ತೂತ್ತರೇಷು||೩೩||
तद्वच्चान्यतमा स्त्री जातमात्रमेव बालं बालोपचरणीयेन विधिनोपपादयेत्| तमुपदेक्ष्यते तूत्तरेषु||३३||
🔊 Audio coming soon
Adhikarana sUtikAyA upacArAH (34) · Śloka 34
ಅಥ ಸೂತಿಕಾಂ ಬಲಾತೈಲೇನಾಭ್ಯಜ್ಯಾತ್| ಬುಭುಕ್ಷಿತಾಞ್ಚ ಪಞ್ಚಕೋಲಚೂರ್ಣೇನ ಯವಾನ್ಯುಪಕುಞ್ಚಿಕಾಚವ್ಯಚಿತ್ರಕವ್ಯೋಷಸೈನ್ಧವ- ಚೂರ್ಣೇನ ವ ಯುಕ್ತಾಮಹಃ ಪರಿಣಾಮಿನೀಂ ಯಥಾ ಸಾತ್ಮ್ಯಂ ಸ್ನೇಹಮಾತ್ರಾಂ ಪಾಯಯೇತ್| ಸ್ನೇಹಾಯೋಗ್ಯಾಂ ವಾತಹರೌಷಧಕ್ವಾಥಂ ಹ್ರಸ್ವಪಞ್ಚಮೂಲಕ್ವಾಥಂ ವಾ| ಪೀತವತ್ಯಾಶ್ಚ ಯಮಕೇನಾಭ್ಯಜ್ಯ ವೇಷ್ಟಯೇದುದರಂ ವಸ್ತ್ರೇಣ| ತಥಾ ನ ವಾಯುರುದರವಿಕೃತಿಮುತ್ಪಾದಯೇದನವಕಾಶತ್ವಾತ್| ಜೀರ್ಣೇ ತು ಸ್ನೇಹೇ ಪೂರ್ವೌಷಧೈರೇವ ಸಿದ್ಧಾಂ ವಿದಾರ್ಯ್ಯಾದಿಗಣಕ್ವಾಥೇನ ಕ್ಷೀರೇಣ ವಾ ಯವಾಗೂಂ ಸುಸ್ವಿನ್ನಾಂ ದ್ರವಾಂ ಮಾತ್ರಯಾ ಪಾಯಯೇತ್| ಪ್ರಾಕ್ಸ್ನೇಹಯವಾಗೂಪಾನಾಭ್ಯಾಂ ಚೋಭಯಕಾಲಮುಷ್ಣೋದಕೇನ ಪರಿಷೇಚಯೇತ್| ಏವಂ ತ್ರಿರಾತ್ರಂ ಪಞ್ಚರಾತ್ರಂ ಸಪ್ತರಾತ್ರಂ ವಾಽನುಪಾಲ್ಯ ತತೋ ಯವಕೋಲಕುಲತ್ಥಯೂಷೇಣ ಲಘುನಾ ಚಾನ್ನಪಾನೇನ| ದ್ವಾದಶರಾತ್ರಾತ್ ಪರಂ ಜಾಙ್ಗಲರಸಾದಿಭಿಶ್ಚ ಕ್ರಮಾದಾಪ್ಯಾಯಯೇದಗ್ನಿಬಲಾದೀನ್ಯಪೇಕ್ಷ್ಯ| ಕ್ವಥಿತಶೀತಂ ಚ ತೋಯಂ ಪಾಯಯೇತ್| ತಥಾ ಜೀವನೀಯಬೃಂಹಣೀಯಮಧುರವಾತಹರಸಿದ್ಧೈರಭ್ಯಙ್ಗೋದ್ವರ್ತನಪರಿಷೇಕಾವಗಾಹೈರನ್ನ- ಪಾನೈಶ್ಚ ಹೃದ್ಯೈರುಪಾಚರೇತ್||೩೪||
अथ सूतिकां बलातैलेनाभ्यज्यात्| बुभुक्षिताञ्च पञ्चकोलचूर्णेन यवान्युपकुञ्चिकाचव्यचित्रकव्योषसैन्धव- चूर्णेन व युक्तामहः परिणामिनीं यथा सात्म्यं स्नेहमात्रां पाययेत्| स्नेहायोग्यां वातहरौषधक्वाथं ह्रस्वपञ्चमूलक्वाथं वा| पीतवत्याश्च यमकेनाभ्यज्य वेष्टयेदुदरं वस्त्रेण| तथा न वायुरुदरविकृतिमुत्पादयेदनवकाशत्वात्| जीर्णे तु स्नेहे पूर्वौषधैरेव सिद्धां विदार्य्यादिगणक्वाथेन क्षीरेण वा यवागूं सुस्विन्नां द्रवां मात्रया पाययेत्| प्राक्स्नेहयवागूपानाभ्यां चोभयकालमुष्णोदकेन परिषेचयेत्| एवं त्रिरात्रं पञ्चरात्रं सप्तरात्रं वाऽनुपाल्य ततो यवकोलकुलत्थयूषेण लघुना चान्नपानेन| द्वादशरात्रात् परं जाङ्गलरसादिभिश्च क्रमादाप्याययेदग्निबलादीन्यपेक्ष्य| क्वथितशीतं च तोयं पाययेत्| तथा जीवनीयबृंहणीयमधुरवातहरसिद्धैरभ्यङ्गोद्वर्तनपरिषेकावगाहैरन्न- पानैश्च हृद्यैरुपाचरेत्||३४||
🔊 Audio coming soon
Adhikarana sUtikopacArAnusaraNaphalam (35) · Śloka 35
ಏವಂ ಹಿ ಗರ್ಭವೃದ್ಧಿಕ್ಷಪಿತಶಿಥಿಲಸರ್ವಶರೀರಧಾತುಪ್ರವಾಹಣ- ವೇದನಾಕ್ಲೇದರಕ್ತನಿಸ್ಸೃತಿವಿಶೇಷಶೂನ್ಯಶರೀರಾಚ್ಚ ಪುನರ್ನವೀ- ಭವತಿ||೩೫||
एवं हि गर्भवृद्धिक्षपितशिथिलसर्वशरीरधातुप्रवाहण- वेदनाक्लेदरक्तनिस्सृतिविशेषशून्यशरीराच्च पुनर्नवी- भवति||३५||
🔊 Audio coming soon
Adhikarana sUtikAniyamAnusaraNAvashyakatA (36) · Śloka 36
ಅತ ಏವ ಚ ಸೂತಿಕಾಯಾ ವ್ಯಾಧಿಃ ಕೃಚ್ಛ್ರಸಾಧ್ಯೋ ಭವತ್ಯಸಾಧ್ಯೋ ವಾ| ತಸ್ಮಾತ್ತಾಂ ಯಥೋಕ್ತೇನ ವಿಧಿನಾ ಪ್ರಯತ್ನೇನೋಪಚರೇತ್||೩೬||
अत एव च सूतिकाया व्याधिः कृच्छ्रसाध्यो भवत्यसाध्यो वा| तस्मात्तां यथोक्तेन विधिना प्रयत्नेनोपचरेत्||३६||
🔊 Audio coming soon
Adhikarana sUtikAbhidhAnanivRuttisamayaH (37) · Śloka 37
ಏವಂ ಸಾಧ್ಯರ್ಧಮಾಸಮುಪಸಂಸ್ಕೃತಾ ಕ್ರಮೇಣ ವಿಮುಕ್ತಾಹಾರವಿಹಾರಯನ್ತ್ರಣಾ ವಿಗತಸೂತಿಕಾಭಿಧಾನಾ ಸ್ಯಾತ್| ಪುನರಾರ್ತ್ತವದರ್ಶನಾದಿತ್ಯೇಕೇ||೩೭||
एवं साध्यर्धमासमुपसंस्कृता क्रमेण विमुक्ताहारविहारयन्त्रणा विगतसूतिकाभिधाना स्यात्| पुनरार्त्तवदर्शनादित्येके||३७||
🔊 Audio coming soon
Adhikarana adhyAyopasaMhAraH (38) · Śloka 38
ಇತ್ಯಾದ್ಯಂ ಮಾಸಮಾದಾಯ ಯಾವದ್ಗರ್ಭಕ್ಷಮಾ ಪುನಃ| ಸ್ತ್ರೀ ಸ್ಯಾತ್ ತಾವದ್ ವಿಧಿಃ ಸರ್ವಃ ಸರ್ವಥಾ ಸಾಧು ದರ್ಶಿತಃ||೩೮|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತೋಉ ಅಷ್ಟಾಙ್ಗಸಂಗ್ರಹಸಂಹಿತಾಯಾಂ ಶಾರೀರಸ್ಥಾನೇ ಗರ್ಭೋ- ಪಚರಣೀಯೋ ನಾಮ ತೃತೀಯೋಽಧ್ಯಾಯಃ||೩೮||
इत्याद्यं मासमादाय यावद्गर्भक्षमा पुनः| स्त्री स्यात् तावद् विधिः सर्वः सर्वथा साधु दर्शितः||३८|| इति वैद्यपतिसिंहगुप्तस्य सूनोर्वाग्भटस्य कृतोउ अष्टाङ्गसंग्रहसंहितायां शारीरस्थाने गर्भो- पचरणीयो नाम तृतीयोऽध्यायः||३८||
🔊 Audio coming soon