Adhikarana pratij~jA (1) · Śloka 1
অথাতঃ পুত্রকামীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
View original
अथातः पुत्रकामीयमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
1. putrakāmīyaḥ
Adhikarana puruShasya vivAhavayaH pariNayArthaM strINAM lakShaNa~jca (2) · Śloka 2
অথ খলু পুমানেকবিংশতিবর্ষঃ কন্যামতুল্যগোত্রাং তুল্যাভিজনামসঞ্চারিরোগকুলপ্রসূতাং রূপশীললক্ষণসম্পন্নামনূনামবিনষ্টদন্তৌষ্ঠকর্ণনাসানখকেশস্তনীং মৃদুমরোগপ্রকৃতিমকপিলামপিঙ্গলামহীনাধিকাঙ্গীং দ্বাদশবর্ষদেশীযামমরভুজগসরিদচলবৃক্ষপক্ষিনক্ষত্রান্ত্যপ্রেষ্যভীষণকনামান্যনুদ্বহন্তীমনঘামনিন্দ্যামানিন্দ্যেন বিধিনোদ্বহেত্||২||
View original
अथ खलु पुमानेकविंशतिवर्षः कन्यामतुल्यगोत्रां तुल्याभिजनामसञ्चारिरोगकुलप्रसूतां रूपशीललक्षणसम्पन्नामनूनामविनष्टदन्तौष्ठकर्णनासानखकेशस्तनीं मृदुमरोगप्रकृतिमकपिलामपिङ्गलामहीनाधिकाङ्गीं द्वादशवर्षदेशीयाममरभुजगसरिदचलवृक्षपक्षिनक्षत्रान्त्यप्रेष्यभीषणकनामान्यनुद्वहन्तीमनघामनिन्द्यामानिन्द्येन विधिनोद्वहेत्||२||
🔊 Audio coming soon
Adhikarana dampatyoH putrotpAdanavayaH (3) · Śloka 3
তস্যাং ষোডশবর্ষাযাং পঞ্চবিংশতিবর্ষঃ পুরুষঃ পুত্রার্থং প্রযতেত| তদা হি তৌ প্রাপ্তবীর্যৌ বীর্যান্বিতমপত্যং জনযতঃ||৩||
View original
तस्यां षोडशवर्षायां पञ्चविंशतिवर्षः पुरुषः पुत्रार्थं प्रयतेत| तदा हि तौ प्राप्तवीर्यौ वीर्यान्वितमपत्यं जनयतः||३||
🔊 Audio coming soon
Adhikarana nyUnAbdAbhyAM RutorAdyadinatraye shukrArtavadoShe ca garbhasambhave doShAH (4) · Śloka 4
ঊনপঞ্চবিংশতিবর্ষেণোনষোডশবর্ষাযামাহিতো গর্ভঃ কুক্ষিস্থ এব বিনাশমাপ্নুযাদল্পাযুর্বলারোগ্যবিভবো বা স্যাদ্বিকলেন্দ্রিযো বা ঋতাবাদ্যে চ রাত্রিত্রযে তথা দুষ্টে শুক্রার্তব ইতি||৪||
View original
ऊनपञ्चविंशतिवर्षेणोनषोडशवर्षायामाहितो गर्भः कुक्षिस्थ एव विनाशमाप्नुयादल्पायुर्बलारोग्यविभवो वा स्याद्विकलेन्द्रियो वा ऋतावाद्ये च रात्रित्रये तथा दुष्टे शुक्रार्तव इति||४||
🔊 Audio coming soon
Adhikarana shukrotpattiH (5) · Śloka 5
তত্রাহারস্য সম্যক্পরিণতস্য ক্রমান্মজ্জাজমনুপ্রাপ্তস্য সারঃ শুক্রসংজ্ঞাং লভতে||৫||
View original
तत्राहारस्य सम्यक्परिणतस्य क्रमान्मज्जाजमनुप्राप्तस्य सारः शुक्रसंज्ञां लभते||५||
🔊 Audio coming soon
Adhikarana shukrasya sthAnAni (6) · Śloka 6
তত্তু ক্ষীর ইব সর্পিরিক্ষুরস ইব গুডঃ শরীরে শুক্রধরাং কলামাশ্রিত্যাস্রুতং সর্বাঙ্গব্যাপিতযা স্থিতম্| বিশেষতশ্চ মজ্জমুষ্কস্তনেষু||৬||
View original
तत्तु क्षीर इव सर्पिरिक्षुरस इव गुडः शरीरे शुक्रधरां कलामाश्रित्यास्रुतं सर्वाङ्गव्यापितया स्थितम्| विशेषतश्च मज्जमुष्कस्तनेषु||६||
🔊 Audio coming soon
Adhikarana shukrapravRuttau hetuH| (7) · Śloka 7
হর্ষোদীরিতং তু সঙ্ঘট্টনেন হৃদযাবেশাত্ পিণ্ডীভূতমঙ্গাদঙ্গাত্ প্রবর্ততে||৭||
View original
हर्षोदीरितं तु सङ्घट्टनेन हृदयावेशात् पिण्डीभूतमङ्गादङ्गात् प्रवर्तते||७||
🔊 Audio coming soon
Adhikarana garbhAdhAnayogyaM shukram| (8) · Śloka 8
তত্ সৌম্যং স্নিগ্ধং গুরু শুক্লং মধুগন্ধি মধুরং পিচ্ছিলং বহু বহলং ঘৃততৈলক্ষৌদ্রান্যতমবর্ণং চ শুক্রং গর্ভাধানযোগ্যং ভবতি||৮||
View original
तत् सौम्यं स्निग्धं गुरु शुक्लं मधुगन्धि मधुरं पिच्छिलं बहु बहलं घृततैलक्षौद्रान्यतमवर्णं च शुक्रं गर्भाधानयोग्यं भवति||८||
🔊 Audio coming soon
Adhikarana ArtavalakShaNam| (9) · Śloka 9
তথা রক্তমেব চ স্ত্রীণাং মাসে মাসে গর্ভকোষ্ঠমনুপ্রাপ্য ত্র্যহং প্রবর্তমানমার্তবমিত্যাহুঃ||৯||
View original
तथा रक्तमेव च स्त्रीणां मासे मासे गर्भकोष्ठमनुप्राप्य त्र्यहं प्रवर्तमानमार्तवमित्याहुः||९||
🔊 Audio coming soon
Adhikarana asRugdarAdicikitsA| (10) · Śloka 10
অতিপ্রসঙ্গেনানৃতাবৃতৌ বা তদেবাসৃগ্দরং প্রদরং ব্যাপদং চ রক্তযোনিসংজ্ঞাং লভতে| তত্সাধনে রক্তপিত্তচিকিত্সিতং গুহ্যরোগপ্রতিষেধং চেক্ষেত||১০||
View original
अतिप्रसङ्गेनानृतावृतौ वा तदेवासृग्दरं प्रदरं व्यापदं च रक्तयोनिसंज्ञां लभते| तत्साधने रक्तपित्तचिकित्सितं गुह्यरोगप्रतिषेधं चेक्षेत||१०||
🔊 Audio coming soon
Adhikarana ArtavApravRuttistaccikitsAsUtraM ca| (11) · Śloka 11
বাতকফাবৃতমার্গাণাঞ্চাপ্রবর্তমানং পিত্তলৈরুপাচরেত্||১১||
View original
वातकफावृतमार्गाणाञ्चाप्रवर्तमानं पित्तलैरुपाचरेत्||११||
🔊 Audio coming soon
Adhikarana raktagulmaH taccikitsAtideshashca| (12) · Śloka 12
তদ্ধি বর্দ্ধমানমন্তর্বর্তমানং সশুক্রমশুক্রং বা জীবরহিতং বাতলান্যাসেবমানাযা যোষিতো গর্ভলিঙ্গানি দর্শযদ্ গুল্মীভবতি| তত্র গুল্মচিকিত্সিতমীক্ষেত||১২||
View original
तद्धि वर्द्धमानमन्तर्वर्तमानं सशुक्रमशुक्रं वा जीवरहितं वातलान्यासेवमानाया योषितो गर्भलिङ्गानि दर्शयद् गुल्मीभवति| तत्र गुल्मचिकित्सितमीक्षेत||१२||
🔊 Audio coming soon
Adhikarana duShTArtavajanyaM vAtodarantaccikitsAsUtra~jca| (13) · Śloka 13
কদাচিদ্বা গর্ভ ইব বাতোদরং ভবতি তদ্বাতোপশমনৈরুপশাম্যতি||১৩||
View original
कदाचिद्वा गर्भ इव वातोदरं भवति तद्वातोपशमनैरुपशाम्यति||१३||
🔊 Audio coming soon
Adhikarana asRu~gnirodhe garbhabhramaH| (14) · Śloka 14
তদেব কদাচিদ্ আর্তবং সৌম্যৈর্বৃংহণাত্মভিরাহারবিহারৈঃ স্তম্ভিতমনুপদ্রবমেবোদরং গর্ভাধিষ্ঠিতমিব বর্ধযতি| যেন তামগর্ভাং গর্ভিণীমাহুর্মূঢাঃ||১৪||
View original
तदेव कदाचिद् आर्तवं सौम्यैर्बृंहणात्मभिराहारविहारैः स्तम्भितमनुपद्रवमेवोदरं गर्भाधिष्ठितमिव वर्धयति| येन तामगर्भां गर्भिणीमाहुर्मूढाः||१४||
🔊 Audio coming soon
Adhikarana garbhasya bhUtahatatvabhrAntiH| (15) · Śloka 15
ততো বিরীতৈর্যদৃচ্ছযা বা প্রবৃত্তে রক্তে গর্ভশরীরমপশ্যন্তো ভূতহৃতমিত্যজ্ঞা ব্রুবতে||১৫||
View original
ततो विरीतैर्यदृच्छया वा प्रवृत्ते रक्ते गर्भशरीरमपश्यन्तो भूतहृतमित्यज्ञा ब्रुवते||१५||
🔊 Audio coming soon
Adhikarana rakShasAM sharIrApaharaNe~ashaktiH (16) · Śloka 16
যস্মাত্ সম্ভবত্যোজসোঽপহরণং রক্ষোভির্ন তু শরীরাপহরণমনিষ্টত্বাদশক্তের্বা| ইচ্ছাশক্ত্যোর্হি প্রবৃত্তেরুপলব্ধিঃ ন চ দৃশ্যতে কস্যচিদমানুষৈর্দেহাপ্রহারঃ||১৬||
View original
यस्मात् सम्भवत्योजसोऽपहरणं रक्षोभिर्न तु शरीरापहरणमनिष्टत्वादशक्तेर्वा| इच्छाशक्त्योर्हि प्रवृत्तेरुपलब्धिः न च दृश्यते कस्यचिदमानुषैर्देहाप्रहारः||१६||
🔊 Audio coming soon
Adhikarana AkShepapUrvako rakShobhiH sharIrApaharaNaniShedhaH| (17) · Śloka 17
যদি চ দৃষ্টমপি সমুল্লঙ্ঘ্য কেচিদতিশক্তিযুক্তা গর্ভস্য শরীরাক্ষেপে প্রবর্তন্তে তদা কথমিব প্রাপ্তাবসরাস্তজ্জননীমুপেক্ষেরন্||১৭||
View original
यदि च दृष्टमपि समुल्लङ्घ्य केचिदतिशक्तियुक्ता गर्भस्य शरीराक्षेपे प्रवर्तन्ते तदा कथमिव प्राप्तावसरास्तज्जननीमुपेक्षेरन्||१७||
🔊 Audio coming soon
Adhikarana shuddhArtavalakShaNam| (18) · Śloka 18
আর্তবং পুনঃ শশরুধিরলাক্ষারসোপমং ধৌতঞ্চ বিরজ্যমানং শুদ্ধমাহুঃ||১৮||
View original
आर्तवं पुनः शशरुधिरलाक्षारसोपमं धौतञ्च विरज्यमानं शुद्धमाहुः||१८||
🔊 Audio coming soon
Adhikarana strIpuMsayo rajaH shukrAdInAmanupalabdhikAlaH| (19) · Śloka 19
যথা চ বালস্য জীর্ণস্য বা তরোঃ পুষ্পফলং পুষ্পফলস্য বা তদ্বিধস্য গন্ধো নোপলভ্যতে তথৈব নোনষোডশাতীতসপ্ততিবর্ষস্য পুংসঃ শুক্ররোমাদযো যোষিতশ্চোনদ্বাদশাতীতপঞ্চাশদ্বর্ষাযা রজস্তন্যাদয ইতি||১৯||
View original
यथा च बालस्य जीर्णस्य वा तरोः पुष्पफलं पुष्पफलस्य वा तद्विधस्य गन्धो नोपलभ्यते तथैव नोनषोडशातीतसप्ततिवर्षस्य पुंसः शुक्ररोमादयो योषितश्चोनद्वादशातीतपञ्चाशद्वर्षाया रजस्तन्यादय इति||१९||
🔊 Audio coming soon
Adhikarana shukrArtavayorA~a~apyAyanam| (20) · Śloka 20
অথ শুদ্ধশুক্রার্তবমরোগং মিথোঽনুরক্তং মিথুনমুপস্নেহ্যবিধিবত্ সংশোধ্যাস্থাপনানুবাসনাভ্যামুপাচরেত্| বিশেষতস্তু ঘৃতক্ষীরবদ্ভির্মধুরৌষধসংস্কারৈঃ পুরুষম্, তৈলেন নারীং পিত্তলৈশ্চ মাংসৈঃ| এবং হি সমানগুণতযা শুক্রার্তবমাপ্যাযতে||২০||
View original
अथ शुद्धशुक्रार्तवमरोगं मिथोऽनुरक्तं मिथुनमुपस्नेह्यविधिवत् संशोध्यास्थापनानुवासनाभ्यामुपाचरेत्| विशेषतस्तु घृतक्षीरवद्भिर्मधुरौषधसंस्कारैः पुरुषम्, तैलेन नारीं पित्तलैश्च मांसैः| एवं हि समानगुणतया शुक्रार्तवमाप्यायते||२०||
🔊 Audio coming soon
Adhikarana garbhAsambhavakarAH shukradoShAH| (21) · Śloka 21
বাতপিত্তশ্লেষ্মকুণপগন্ধিগ্রন্থিপূযক্ষীণমূত্রপুরীষরেতাংসি ত্ববীজানি ভবন্তি||২১||
View original
वातपित्तश्लेष्मकुणपगन्धिग्रन्थिपूयक्षीणमूत्रपुरीषरेतांसि त्वबीजानि भवन्ति||२१||
🔊 Audio coming soon
Adhikarana vAtAdiduShTasya shukrasya lakShaNAni| (22) · Śloka 22
তত্র তনু রূক্ষং ফেনিলমরুণমল্পং বিচ্ছিন্নং সরুজং চিরাচ্চ নিষিচ্যতে বাতেন| কিঞ্চিত্ পীতমপিচ্ছিলমানীলং বা দহদিব প্রবর্ততে পিত্তেন| মজ্জোসংসৃষ্টং প্রভূতং বিবদ্ধং চাম্ভসি চ কিঞ্চিন্মজ্জতি শ্লেষ্মণা| কুণপগন্ধ্যনল্পং রক্তেন| গ্রন্থিভূতং বাতশ্লেষ্মভ্যাম্| পূতি পূযনিভং পিত্তশ্লেষ্মভ্যাম্| ক্ষীণং বাতপিত্তাভ্যাম্| তদুক্তং সসাধনং প্রাক্| মূত্রপুরীষগন্ধি সন্নিপাতেন||২২||
View original
तत्र तनु रूक्षं फेनिलमरुणमल्पं विच्छिन्नं सरुजं चिराच्च निषिच्यते वातेन| किञ्चित् पीतमपिच्छिलमानीलं वा दहदिव प्रवर्तते पित्तेन| मज्जोसंसृष्टं प्रभूतं विबद्धं चाम्भसि च किञ्चिन्मज्जति श्लेष्मणा| कुणपगन्ध्यनल्पं रक्तेन| ग्रन्थिभूतं वातश्लेष्मभ्याम्| पूति पूयनिभं पित्तश्लेष्मभ्याम्| क्षीणं वातपित्ताभ्याम्| तदुक्तं ससाधनं प्राक्| मूत्रपुरीषगन्धि सन्निपातेन||२२||
🔊 Audio coming soon
Adhikarana duShTArtavalakShaNAtideshaH duShTashukrArtavayoH sAdhyatvAdi ca| (23) · Śloka 23
আর্তবমপি শুক্রবদ্ দোষৈরুপসৃষ্টমবীজমেব| তস্য লিঙ্গং নাম চ পূর্ববত্| তেষু কুণপগ্রন্থিপূযক্ষীণরেতাংসি কৃচ্ছ্রসাধ্যানি| মূত্রপুরীষশুক্রার্তবং ত্বসাধ্যং কুণপগ্রন্থিপূযার্তবং চ||২৩||
View original
आर्तवमपि शुक्रवद् दोषैरुपसृष्टमबीजमेव| तस्य लिङ्गं नाम च पूर्ववत्| तेषु कुणपग्रन्थिपूयक्षीणरेतांसि कृच्छ्रसाध्यानि| मूत्रपुरीषशुक्रार्तवं त्वसाध्यं कुणपग्रन्थिपूयार्तवं च||२३||
🔊 Audio coming soon
Adhikarana vAtAditriduShTayoH shukrArtavadoShayoshcikitsAtideshaH| (24) · Śloka 24
তত্রাদ্যাংস্ত্রীন্ শুক্রার্ত্তবদোষান্ যথাস্বং দোষসাধনেন সাধযেত্| গুহ্যযোনিরোগপ্রতিষেধেন চোভযান্||২৪||
View original
तत्राद्यांस्त्रीन् शुक्रार्त्तवदोषान् यथास्वं दोषसाधनेन साधयेत्| गुह्ययोनिरोगप्रतिषेधेन चोभयान्||२४||
🔊 Audio coming soon
Adhikarana vAtikashukradoShe cikitsAvisheShaH| (25) · Śloka 25
অপি চ-- বাতিকে শুক্রদোষে বসুকসৈন্ধবফলাম্লসিদ্ধং যবক্ষারপ্রতীবাপং সর্পিষ্পানম্| বিল্ববিদারীসিদ্ধং ক্ষীরযুক্তমাস্থাপনম্| মধুকভদ্রদারুসিদ্ধং তৈলমনুবাসনং ক্ষীরকুলীররসসিদ্ধং তৈলমুত্তরবস্তিঃ||২৫||
View original
अपि च-- वातिके शुक्रदोषे वसुकसैन्धवफलाम्लसिद्धं यवक्षारप्रतीवापं सर्पिष्पानम्| बिल्वविदारीसिद्धं क्षीरयुक्तमास्थापनम्| मधुकभद्रदारुसिद्धं तैलमनुवासनं क्षीरकुलीररससिद्धं तैलमुत्तरबस्तिः||२५||
🔊 Audio coming soon
Adhikarana paittikashukradoShe cikitsAvisheShaH| (26) · Śloka 26
পৈত্তিকে কাণ্ডেক্ষুশ্বদংষ্ট্রাগুডূচীসিদ্ধং মূর্বামধূকপ্রতীবাপং সর্পিষ্পানম্| ত্রিবৃচ্চূর্ণঃ সঘৃতো বিরেকঃ| পযস্যাশ্রীপর্ণীসিদ্ধং ক্ষীরযুক্তমাস্থাপনম্| মধুকমুদ্গপর্ণীসিদ্ধং তৈলমনুবাসনমুত্তরবস্তিশ্চ||২৬||
View original
पैत्तिके काण्डेक्षुश्वदंष्ट्रागुडूचीसिद्धं मूर्वामधूकप्रतीवापं सर्पिष्पानम्| त्रिवृच्चूर्णः सघृतो विरेकः| पयस्याश्रीपर्णीसिद्धं क्षीरयुक्तमास्थापनम्| मधुकमुद्गपर्णीसिद्धं तैलमनुवासनमुत्तरबस्तिश्च||२६||
🔊 Audio coming soon
Adhikarana shlaiShmikashukradoShe cikitsAvisheShaH| (27) · Śloka 27
শ্লৈষ্মিকে পাষাণভেদাঽশ্মন্তকাঽঽমলকক্বাথসিদ্ধং পিপ্পলীমধুকচূর্ণপ্রতীবাপং সর্পিষ্পানম্| মদনফলকষাযো বমনম্| দন্তীবিডঙ্গচূর্ণস্তৈললীঢো বিরেকঃ| রাজবৃক্ষমদনফলকষাযপ্রগাঢমাঽঽস্থাপনম্| মধুকপিপ্পলীসিদ্ধং তৈলমনুবাসনমুত্তরবস্তিশ্চ||২৭||
View original
श्लैष्मिके पाषाणभेदाऽश्मन्तकाऽऽमलकक्वाथसिद्धं पिप्पलीमधुकचूर्णप्रतीवापं सर्पिष्पानम्| मदनफलकषायो वमनम्| दन्तीविडङ्गचूर्णस्तैललीढो विरेकः| राजवृक्षमदनफलकषायप्रगाढमाऽऽस्थापनम्| मधुकपिप्पलीसिद्धं तैलमनुवासनमुत्तरबस्तिश्च||२७||
🔊 Audio coming soon
Adhikarana vAtajArttavadoShe cikitsAvisheShaH| (28) · Śloka 28
বাতজে পুষ্পদোষে ভার্ঙ্গীমধুকভদ্রদারুসিদ্ধং সর্পিষ্পানম্| কাশ্মর্য্যক্ষুদ্রসহাসিদ্ধং বা ক্ষীরম্| মধুকশৃগালবিন্নাকল্কং পযস্সর্পিস্সহিতং প্রিযঙ্গুতিলকল্কং বা যোনৌ ধারযেত্| সরলমুদ্গপর্ণীকষাযঃ প্রক্ষালনম্||২৮||
View original
वातजे पुष्पदोषे भार्ङ्गीमधुकभद्रदारुसिद्धं सर्पिष्पानम्| काश्मर्य्यक्षुद्रसहासिद्धं वा क्षीरम्| मधुकशृगालविन्नाकल्कं पयस्सर्पिस्सहितं प्रियङ्गुतिलकल्कं वा योनौ धारयेत्| सरलमुद्गपर्णीकषायः प्रक्षालनम्||२८||
🔊 Audio coming soon
Adhikarana pittajArtavadoShe cikitsAvisheShaH| (29) · Śloka 29
পিত্তজে কাকোলীদ্বযবিদারীমূলক্বাথমুত্পলপদ্মকক্বাথং মধূকপুষ্পকাশ্মর্য্যফলক্বাথং বা সশর্করং পিবেত্| শ্বেতচন্দনক্বাথং বা সক্ষৌদ্রম্| ধবধাতকীকল্কং বা ঘৃতেন বা মধুকমধুরসামৃদ্বীকাকল্কম্| শম্যাকগবাক্ষীক্ষীরং বিরেকঃ| চন্দনপযস্যাকল্কং যোনৌ ধারযেত্| গৌরিকারিষ্টকষাযঃ প্রক্ষালনম্||২৯||
View original
पित्तजे काकोलीद्वयविदारीमूलक्वाथमुत्पलपद्मकक्वाथं मधूकपुष्पकाश्मर्य्यफलक्वाथं वा सशर्करं पिबेत्| श्वेतचन्दनक्वाथं वा सक्षौद्रम्| धवधातकीकल्कं वा घृतेन वा मधुकमधुरसामृद्वीकाकल्कम्| शम्याकगवाक्षीक्षीरं विरेकः| चन्दनपयस्याकल्कं योनौ धारयेत्| गौरिकारिष्टकषायः प्रक्षालनम्||२९||
🔊 Audio coming soon
Adhikarana shlaiShmikArttavadoShe cikitsAvisheShaH| (30) · Śloka 30
শ্লৈষ্মিকে কুটজকটুকাশ্বগন্ধাক্বাথং পিবেত্| সমাক্ষিকং বা ক্ষীরিবৃক্ষপ্রবালক্বাথম্| এতেষামেব বা চূর্ণং মধুঘৃতাভ্যাং লিহ্যাত্| মদনফলকষাযেণ বমনম্| তত্কল্কমেব চ যোনৌ ধারযেত্| লোধ্রতিন্দুককষাযঃ প্রক্ষালনং বস্তমেষমূত্রং বা||৩০||
View original
श्लैष्मिके कुटजकटुकाश्वगन्धाक्वाथं पिबेत्| समाक्षिकं वा क्षीरिवृक्षप्रवालक्वाथम्| एतेषामेव वा चूर्णं मधुघृताभ्यां लिह्यात्| मदनफलकषायेण वमनम्| तत्कल्कमेव च योनौ धारयेत्| लोध्रतिन्दुककषायः प्रक्षालनं बस्तमेषमूत्रं वा||३०||
🔊 Audio coming soon
Adhikarana kuNaparetasi cikitsA| (31) · Śloka 31
কুণপরেতসি ধাতকীপুষ্পখদিরার্জুনদাডিমৈঃ সিদ্ধমসনাদিভির্বা সর্পিঃ পাযযেত্||৩১||
View original
कुणपरेतसि धातकीपुष्पखदिरार्जुनदाडिमैः सिद्धमसनादिभिर्वा सर्पिः पाययेत्||३१||
🔊 Audio coming soon
Adhikarana granthiretasi cikitsA| (32) · Śloka 32
গ্রন্থিরেতসি পাষাণভেদা পলাশভস্মনা বা||৩২||
View original
ग्रन्थिरेतसि पाषाणभेदा पलाशभस्मना वा||३२||
🔊 Audio coming soon
Adhikarana pUyaretasi cikitsA| (33) · Śloka 33
পূযরেতসি পরুষকাদিন্যগ্রোধাদিভ্যাম্||৩৩||
View original
पूयरेतसि परुषकादिन्यग्रोधादिभ्याम्||३३||
🔊 Audio coming soon
Adhikarana mUtrapurISharetasi cikitsA| (34) · Śloka 34
মূত্রপুরীষরেতসি বাযুনাতিবিকৃতে হিঙ্গূশীরচিত্রকৈরথবা চিত্রকবিতুন্নকপ্রিযঙ্গুসমঙ্গামৃণালসিদ্ধম্ এলামোচচূর্ণপ্রতীবাপম্||৩৪||
View original
मूत्रपुरीषरेतसि वायुनातिविकृते हिङ्गूशीरचित्रकैरथवा चित्रकवितुन्नकप्रियङ्गुसमङ्गामृणालसिद्धम् एलामोचचूर्णप्रतीवापम्||३४||
🔊 Audio coming soon
Adhikarana granthyArtave cikitsA| (35) · Śloka 35
তথ গ্রন্থ্যার্ত্তবে পাঠাত্রিকণ্টকবৃক্ষকক্বাথম্||৩৫||
View original
तथ ग्रन्थ्यार्त्तवे पाठात्रिकण्टकवृक्षकक्वाथम्||३५||
🔊 Audio coming soon
Adhikarana kuNapapUyArttave cikitsA| (36) · Śloka 36
কুণপপূযার্ত্তবে চন্দনক্বাথং পিবেত্| ত্রিফলাকল্কক্বাথৌ চাত্র ধারণাচমনে||৩৬||
View original
कुणपपूयार्त्तवे चन्दनक्वाथं पिबेत्| त्रिफलाकल्कक्वाथौ चात्र धारणाचमने||३६||
🔊 Audio coming soon
Adhikarana shukrArttavadoSheShu sAmAnyA cikitsA| (37) · Śloka 37
সর্বেষু চ শুক্রার্ত্তবদোষেষু স্ত্রীপুংসৌ স্নেহাদিকর্মভির্বিশেষেণ চোত্তরবস্তিভিঃ পুনঃ পুনরুপাচরেত্| যথাস্বং চ যোনৌ কল্কৈঃ পিচুভিশ্চ| ইত্যেবং বিশুদ্ধশুক্রার্ত্তবৌ পূর্বোক্তং বিধিমাসেবেতাম্||৩৭||
View original
सर्वेषु च शुक्रार्त्तवदोषेषु स्त्रीपुंसौ स्नेहादिकर्मभिर्विशेषेण चोत्तरबस्तिभिः पुनः पुनरुपाचरेत्| यथास्वं च योनौ कल्कैः पिचुभिश्च| इत्येवं विशुद्धशुक्रार्त्तवौ पूर्वोक्तं विधिमासेवेताम्||३७||
🔊 Audio coming soon
Adhikarana RutukAlaH tatra matAntarANi ca| (38) · Śloka 38
ঋতুস্তু দৃষ্টার্ত্তবো দ্বাদশরাত্রং ভবতি| ষোডশরাত্রমিত্যন্যে| শুদ্ধযোনিগর্ভাশযার্ত্তবাযা মাসমপি কেচিত্| তদ্বদদৃষ্টার্ত্তবোঽপ্যস্তীত্যপরে||৩৮||
View original
ऋतुस्तु दृष्टार्त्तवो द्वादशरात्रं भवति| षोडशरात्रमित्यन्ये| शुद्धयोनिगर्भाशयार्त्तवाया मासमपि केचित्| तद्वददृष्टार्त्तवोऽप्यस्तीत्यपरे||३८||
🔊 Audio coming soon
Adhikarana RutumatyA lakShaNam| (39) · Śloka 39
ক্ষামপ্রসন্নবদনাং স্ফুরচ্ছ্রোণিপযোধরাম্| স্রস্তাক্ষিকুক্ষিং পুংস্কামাং বিন্দ্যাদৃতুমতীং স্ত্রিযম্||৩৯||
View original
क्षामप्रसन्नवदनां स्फुरच्छ्रोणिपयोधराम्| स्रस्ताक्षिकुक्षिं पुंस्कामां विन्द्यादृतुमतीं स्त्रियम्||३९||
🔊 Audio coming soon
Adhikarana RutAvatIte garbhAsambhavasya hetuH| (40) · Śloka 40
পদ্মং সঙ্কোচমাযাতি দিনেঽতীতে যথা তথা| ঋতাবতীতে যোনিঃ স্যাচ্ছুক্রং নাতঃ প্রতীচ্ছতি||৪০||
View original
पद्मं सङ्कोचमायाति दिनेऽतीते यथा तथा| ऋतावतीते योनिः स्याच्छुक्रं नातः प्रतीच्छति||४०||
🔊 Audio coming soon
Adhikarana Arttavasa~jcayakAlaH vAyorArttavaprartakattva~jca| (41) · Śloka 41
মাসেনোপচিতং রক্তং ধমনীভ্যামৃতৌ পুনঃ| ঈষত্কৃষ্ণং বিগন্ধং চ বাযুর্যোনিমুখান্নুদেত্||৪১||
View original
मासेनोपचितं रक्तं धमनीभ्यामृतौ पुनः| ईषत्कृष्णं विगन्धं च वायुर्योनिमुखान्नुदेत्||४१||
🔊 Audio coming soon
Adhikarana RutumatyA niyamAH| (42) · Śloka 42
ততঃ পুষ্পদর্শনি প্রথমদিবসাত্প্রভৃতি ব্রহ্মচারিণী, স্নানাদ্যলঙ্কাররহিতা, দর্ভসংস্তরশাযিনী ত্রিরাত্রমাসীত| পর্ণশরাবকরতলান্যতমেন যাবকং পযসা সিদ্ধমল্পং কর্শনার্থম্ অশ্নীযাত্| তীক্ষ্ণোষ্ণাঽম্ললবণানি চ বর্জযেত্||৪২||
View original
ततः पुष्पदर्शनि प्रथमदिवसात्प्रभृति ब्रह्मचारिणी, स्नानाद्यलङ्काररहिता, दर्भसंस्तरशायिनी त्रिरात्रमासीत| पर्णशरावकरतलान्यतमेन यावकं पयसा सिद्धमल्पं कर्शनार्थम् अश्नीयात्| तीक्ष्णोष्णाऽम्ललवणानि च वर्जयेत्||४२||
🔊 Audio coming soon
Adhikarana RutusnAtAyAH prathamabhartRudarshanavidhiH tatra hetushca| (43) · Śloka 43
চতুর্থেঽহন্যুদ্বর্ত্তিতা শীতসলিলস্নাতাঽনুলিপ্তাঽলঙ্কৃতা শুক্লমাল্যাম্বরা কৃতমঙ্গলস্বস্ত্যযনৈবংবিধমেবং ভর্ত্তারং পশ্যেদনন্যমনাঃ| তদা হি যাদৃশমেব পশ্যতি চিন্তযতি বা তাদৃশং প্রসূত ইতি||৪৩||
View original
चतुर्थेऽहन्युद्वर्त्तिता शीतसलिलस्नाताऽनुलिप्ताऽलङ्कृता शुक्लमाल्याम्बरा कृतमङ्गलस्वस्त्ययनैवंविधमेवं भर्त्तारं पश्येदनन्यमनाः| तदा हि यादृशमेव पश्यति चिन्तयति वा तादृशं प्रसूत इति||४३||
🔊 Audio coming soon
Adhikarana gunavatputrArthI saptarAtramupekSheta| (44) · Śloka 44
ততঃ স্নানাত্ পুনরপি গুণবত্ পুত্রার্থী ত্রিরাত্রম্ উপেক্ষেত| পুষ্পদর্শনাত্ সপ্তরাত্রম্||৪৪||
View original
ततः स्नानात् पुनरपि गुणवत् पुत्रार्थी त्रिरात्रम् उपेक्षेत| पुष्पदर्शनात् सप्तरात्रम्||४४||
🔊 Audio coming soon
Adhikarana yugmAsu putrakAmaH saMvishet| (45) · Śloka 45
অথাষ্টম্যাং দশম্যাং দ্বাদশ্যাং বা রাত্রৌ পুত্রকামঃ সংবিশেত্||৪৫||
View original
अथाष्टम्यां दशम्यां द्वादश्यां वा रात्रौ पुत्रकामः संविशेत्||४५||
🔊 Audio coming soon
Adhikarana ayugmAsu duhitRukAmaH saMvishet| (46) · Śloka 46
পঞ্চম্যাং সপ্তম্যাং নবম্যাং বা দুহিতৃকামঃ||৪৬||
View original
पञ्चम्यां सप्तम्यां नवम्यां वा दुहितृकामः||४६||
🔊 Audio coming soon
Adhikarana prashastarAtriShUttarottarA rAtrayaH prashastatarAH| (47) · Śloka 47
তাসূত্তরোত্তরমাযুরারোগ্যৈশ্বর্য্যসৌভাগ্যবলবর্ণেন্দ্রিযসম্পদপত্যস্য ভবতি| অতঃ পরং তূত্তরোত্তরমেবাযুরাদীনাং হ্রাসঃ||৪৭||
View original
तासूत्तरोत्तरमायुरारोग्यैश्वर्य्यसौभाग्यबलवर्णेन्द्रियसम्पदपत्यस्य भवति| अतः परं तूत्तरोत्तरमेवायुरादीनां ह्रासः||४७||
🔊 Audio coming soon
Adhikarana strIpuMgarbhasambhave upapattiH| (48) · Śloka 48
তত্র যুগ্মাসু রাত্রিষ্বল্পীভবত্যার্ত্তবমযুগ্মাস্বাপ্যায্যতে| তস্মাত্তাসু ক্রমাত্ পুত্রস্য দুহিতুশ্চ জন্ম| অতএব চানুপরতার্ত্তবদর্শনাং পুত্রার্থী বিপ্রকৃষ্টেষ্বপ্যহস্তু নোপেযাত্||৪৮||
View original
तत्र युग्मासु रात्रिष्वल्पीभवत्यार्त्तवमयुग्मास्वाप्याय्यते| तस्मात्तासु क्रमात् पुत्रस्य दुहितुश्च जन्म| अतएव चानुपरतार्त्तवदर्शनां पुत्रार्थी विप्रकृष्टेष्वप्यहस्तु नोपेयात्||४८||
🔊 Audio coming soon
Adhikarana AhArAvashAdyugmAyugmAsu shukrasya nyUnAdhikye durapatyatA| (49) · Śloka 49
যদি ত্বাহারনুরোধাদযুগ্মাসু শুক্রস্যাধিকতা চ ন্যূনতা স্যাত্ততঃ পুমান্ স্ত্র্যাকৃতির্দুর্বলো হীনাঙ্গো বা জাযতে| স্ত্রী চ পুরুষাকৃতির্দুর্বলা হীনাঙ্গী বা||৪৯||
View original
यदि त्वाहारनुरोधादयुग्मासु शुक्रस्याधिकता च न्यूनता स्यात्ततः पुमान् स्त्र्याकृतिर्दुर्बलो हीनाङ्गो वा जायते| स्त्री च पुरुषाकृतिर्दुर्बला हीनाङ्गी वा||४९||
🔊 Audio coming soon
Adhikarana klIbA~apratyatAyAH kAraNam| (50) · Śloka 50
একাদশীত্রযোদশ্যোস্তু নপুংসকং স্যাত্||৫০||
View original
एकादशीत्रयोदश्योस्तु नपुंसकं स्यात्||५०||
🔊 Audio coming soon
Adhikarana putrIyaM vidhAnAdi| (51) · Śloka 51
অথোপাধ্যাযঃ পুত্রীযং বিধানমাচরেত্| শূদ্রাযাস্তু মন্ত্রবর্জিতম্| যাদৃশং চ পুত্রমাশাসীত তদ্রূপবর্ণচরিতাঞ্জনপদাননুচিন্তযেতি স্ত্রী বাচ্যা চ| তজ্জনপদাহারবিহারোপচারপরিচ্ছদাংশ্চানুবিদধীত্||৫১||
View original
अथोपाध्यायः पुत्रीयं विधानमाचरेत्| शूद्रायास्तु मन्त्रवर्जितम्| यादृशं च पुत्रमाशासीत तद्रूपवर्णचरिताञ्जनपदाननुचिन्तयेति स्त्री वाच्या च| तज्जनपदाहारविहारोपचारपरिच्छदांश्चानुविदधीत्||५१||
🔊 Audio coming soon
Adhikarana putrIyavidhyanuShThAnAtparaM dampatyoshcaryyA| (52) · Śloka 52
কর্মান্তে চ পুমান্ মাসং ব্রহ্মচারী সর্পিঃক্ষীরাভ্যাং শল্যোদনমভিপ্রাশ্য নাত্যাঽঽশিতঃ সুখী স্রগ্বী সুমনাঃ প্রীণীতাঙ্গঃ শুক্লনিবসনো মৌহূর্তিকানুমতে রাত্রিভাগে কল্যাণানি চিন্তযাস্তদভিকামঃ স্বাস্তীর্ণং শযনং দক্ষিণেন পাদেন প্রাগারোহেত্| তদ্বিধৈব চ প্রমদা কর্শিতাঙ্গী তৈলমাষোত্তরাহারা, পূর্বং বামপাদেন পুরুষস্য দক্ষিণতঃ শয্যামধিরোহেত্||৫২||
View original
कर्मान्ते च पुमान् मासं ब्रह्मचारी सर्पिःक्षीराभ्यां शल्योदनमभिप्राश्य नात्याऽऽशितः सुखी स्रग्वी सुमनाः प्रीणीताङ्गः शुक्लनिवसनो मौहूर्तिकानुमते रात्रिभागे कल्याणानि चिन्तयास्तदभिकामः स्वास्तीर्णं शयनं दक्षिणेन पादेन प्रागारोहेत्| तद्विधैव च प्रमदा कर्शिताङ्गी तैलमाषोत्तराहारा, पूर्वं वामपादेन पुरुषस्य दक्षिणतः शय्यामधिरोहेत्||५२||
🔊 Audio coming soon
Adhikarana shayyAdhirohaNe prayojyamantrAH| (53) · Śloka 53
তত্র মন্ত্রং প্রযুঞ্জীত-- 'আযুরসি, সর্বতঃ প্রতিষ্ঠাসি, ধাতা ত্বা দধাতু, বিধাতা ত্বা দধাতু, ব্রহ্মবর্চসা ভব ইতি| ব্রহ্মা বৃহস্পতির্বিষ্ণুঃ সোমসূর্যস্তথাঽশ্বিনৌ| ভগোঽথ মিত্রাবরুণৌ বীরং দধতু মে সুতম্||৫৩||
View original
तत्र मन्त्रं प्रयुञ्जीत-- 'आयुरसि, सर्वतः प्रतिष्ठासि, धाता त्वा दधातु, विधाता त्वा दधातु, ब्रह्मवर्चसा भव इति| ब्रह्मा बृहस्पतिर्विष्णुः सोमसूर्यस्तथाऽश्विनौ| भगोऽथ मित्रावरुणौ वीरं दधतु मे सुतम्||५३||
🔊 Audio coming soon
Adhikarana saMveshanaprakArastaduttarakRutya~jca| (54) · Śloka 54
ততঃ পরস্পরং সামভিরভিসান্ত্ব্য সহর্ষমনুকূলং সংবিশেতাম্| পর্যাপ্তে চৈনাং শীতোদকেন সহসা পরিষিঞ্চেত্||৫৪||
View original
ततः परस्परं सामभिरभिसान्त्व्य सहर्षमनुकूलं संविशेताम्| पर्याप्ते चैनां शीतोदकेन सहसा परिषिञ्चेत्||५४||
🔊 Audio coming soon
Adhikarana maithune~ayogyau strIpuruShau (55) · Śloka 55
তত্রাঽত্যাশিতা, ক্ষুধিতা, পিপাসিতা, ভীতা, বিমনাঃ, শোকার্ত্তা, ক্রুদ্ধাঽতিমেদুরাঽন্যকামাঽব্যবাযকামা বা ন গর্ভং ধত্তে, বিগুণং বা| তথা পুরুষোঽপি| ন চাসৌ অধস্তিষ্ঠেত্| তথা হি স্ত্রীচেষ্টঃ পুমাঞ্জাযতে, পুংশ্চেষ্টা বা স্ত্রী||৫৫||
View original
तत्राऽत्याशिता, क्षुधिता, पिपासिता, भीता, विमनाः, शोकार्त्ता, क्रुद्धाऽतिमेदुराऽन्यकामाऽव्यवायकामा वा न गर्भं धत्ते, विगुणं वा| तथा पुरुषोऽपि| न चासौ अधस्तिष्ठेत्| तथा हि स्त्रीचेष्टः पुमाञ्जायते, पुंश्चेष्टा वा स्त्री||५५||
🔊 Audio coming soon
Adhikarana nyubjapArshvagatastrIsevananiShedhAdi (56) · Śloka 56
ন চ ন্যুব্জাং বা সেবেত| ন্যুব্জাযাং বাতো বলবান্ স যোনিং পীডযতি| দক্ষিণপার্শ্বগতাযাঃ শ্লেষ্মা পীডিতশ্চ্যুতঃ পিদধাতি গর্ভাশযম্| বামপার্শ্বগতাযাস্তদ্বত্ পিত্তং বিদহতি রক্তশুক্রে| তস্মাদুত্তানং বীজং গৃহ্ণীযাত্| তথা হি যথাস্থানমেব তিষ্ঠন্তি দোষাঃ||৫৬||
View original
न च न्युब्जां वा सेवेत| न्युब्जायां वातो बलवान् स योनिं पीडयति| दक्षिणपार्श्वगतायाः श्लेष्मा पीडितश्च्युतः पिदधाति गर्भाशयम्| वामपार्श्वगतायास्तद्वत् पित्तं विदहति रक्तशुक्रे| तस्मादुत्तानं बीजं गृह्णीयात्| तथा हि यथास्थानमेव तिष्ठन्ति दोषाः||५६||
🔊 Audio coming soon
Adhikarana puMsavanakAlaH matAntarANi ca (57) · Śloka 57
লব্ধগর্ভাং চৈনাং বিদিত্বা, প্রাগ্ব্যক্তীভাবাদ্গর্ভস্য পুষ্যে পুংসবনানি প্রযুঞ্জীত| দ্বাদশরাত্রমিত্যন্যে| তত্রাপি যুগ্মদিনেষ্বিতি কেচিত্| প্রত্যহমিত্যপরে||৫৭||
View original
लब्धगर्भां चैनां विदित्वा, प्राग्व्यक्तीभावाद्गर्भस्य पुष्ये पुंसवनानि प्रयुञ्जीत| द्वादशरात्रमित्यन्ये| तत्रापि युग्मदिनेष्विति केचित्| प्रत्यहमित्यपरे||५७||
🔊 Audio coming soon
Adhikarana puMsavanavidhiH (58) · Śloka 58
তদ্যথা-- লক্ষ্মণা-বটশ্রৃঙ্গ-সহদেবা-বিশ্ব-দেবানাম-ন্যতমাং ক্ষীরেঽভিষুত্য ত্রীশ্চতুরো বা বিন্দূন্ দক্ষিণে নাসাপুটে স্বযমাসিঞ্চেত্ পিচুনা| বামে তু দুহিতৃকামা| ন চৈতান্ নিষ্ঠীবেত্| তথা পুষ্যোদ্ধৃতাযাঃ শ্বেতবৃহত্যা মূলকল্কাদ্রসং নাবযেত্| তদ্বচ্চোত্পলপত্রং কুমুদপত্রং লক্ষ্মণামূলং বটশৃঙ্গাণি চাষ্টৌ চ নাবযেত্| শুক্ল-মাল্যাম্বরধরা চ নারী পুষ্যোদ্ধৃতাযা লক্ষ্মণাযা মূলকল্কমুদুম্বরমাত্রং পযসা পিবেত্ পুত্রস্যোত্পাদনায স্থিতযে চ| তদ্বদ্গৌরদণ্ডমপামার্গং জীবকর্ষভকৌ শঙ্খপুষ্পীমধ্যদণ্ডাং সহচরং নগ্নজিতমগ্নিজিহ্বামষ্টৌ বা বটশ্রৃঙ্গানি| শালিপিষ্টস্য চ পচ্যমানস্যোষ্মাণমাঘ্রায তদ্রসং দেহল্যাং স্থিতা পূর্ববন্নাবযেত্| যচ্চান্যদপি ব্রাহ্মণা বৃদ্ধস্ত্রিযো বা ব্রূযুস্তচ্চ কুর্যাত্||৫৮||
View original
तद्यथा-- लक्ष्मणा-वटश्रृङ्ग-सहदेवा-विश्व-देवानाम-न्यतमां क्षीरेऽभिषुत्य त्रीश्चतुरो वा बिन्दून् दक्षिणे नासापुटे स्वयमासिञ्चेत् पिचुना| वामे तु दुहितृकामा| न चैतान् निष्ठीवेत्| तथा पुष्योद्धृतायाः श्वेतबृहत्या मूलकल्काद्रसं नावयेत्| तद्वच्चोत्पलपत्रं कुमुदपत्रं लक्ष्मणामूलं वटशृङ्गाणि चाष्टौ च नावयेत्| शुक्ल-माल्याम्बरधरा च नारी पुष्योद्धृताया लक्ष्मणाया मूलकल्कमुदुम्बरमात्रं पयसा पिबेत् पुत्रस्योत्पादनाय स्थितये च| तद्वद्गौरदण्डमपामार्गं जीवकर्षभकौ शङ्खपुष्पीमध्यदण्डां सहचरं नग्नजितमग्निजिह्वामष्टौ वा वटश्रृङ्गानि| शालिपिष्टस्य च पच्यमानस्योष्माणमाघ्राय तद्रसं देहल्यां स्थिता पूर्ववन्नावयेत्| यच्चान्यदपि ब्राह्मणा वृद्धस्त्रियो वा ब्रूयुस्तच्च कुर्यात्||५८||
🔊 Audio coming soon
Adhikarana garbhasthApanAni (59) · Śloka 7
ততঃ প্রজাস্থাপনাখ্যা দশৌষধীঃ শিরসা দক্ষিণেন চ পাণিনা ধারযেত্| এতাভিশ্চ সিদ্ধং পযো ঘৃতং বা পিবেত্| এতাভিরেব পুষ্যে-পুষ্যে স্নাযাত্| সদা চ সমালভেত| তথা সর্বাসাং জীবনীযানামৌষধীনাং সদোপযোগস্তৈর্বিধানৈঃ| ইতি গর্ভস্থাপনানি| সৌম্যাকৃতিবচনোপচারচেষ্টাশ্চ প্রিযহিতানুবর্তিনঃ পরিচারকাস্তথা ভর্তেতি||৭||
View original
ततः प्रजास्थापनाख्या दशौषधीः शिरसा दक्षिणेन च पाणिना धारयेत्| एताभिश्च सिद्धं पयो घृतं वा पिबेत्| एताभिरेव पुष्ये-पुष्ये स्नायात्| सदा च समालभेत| तथा सर्वासां जीवनीयानामौषधीनां सदोपयोगस्तैर्विधानैः| इति गर्भस्थापनानि| सौम्याकृतिवचनोपचारचेष्टाश्च प्रियहितानुवर्तिनः परिचारकास्तथा भर्तेति||७||
🔊 Audio coming soon
Adhikarana punarupagamananiShedhakAlaH (60) · Śloka 60
পুনশ্চৈনাং মাসাদুপেযাত্||৬০||
View original
पुनश्चैनां मासादुपेयात्||६०||
🔊 Audio coming soon
Adhikarana garbhasya varNavisheShahetavaH (61) · Śloka 61
তত্র শুক্রে শুক্লে ঘৃতমণ্ডাভে বা গর্ভস্য গৌরত্বম্| তৈলাভে কৃষ্ণত্বম্| মধ্বাভে শ্যামত্বম্| তথা ক্ষীরাদিমধুরাণামুপযোগাত্ মাতুরুদকবিহারাচ্চ গৌরতা| তিলান্নবিদাহিনাং কৃষ্ণতা| ব্যামিশ্রাণাং শ্যামতা| দেশকুলানুবৃত্তিতশ্চ বর্ণভেদঃ| তথা তেজোধাতোরুদকাঽঽকাশধাতুসম্পর্কাদ্গৌরতা, ভূবাযুসম্পর্কাত্ কৃষ্ণতা, সর্বধাতুসাম্যে শ্যামতা||৬১||
View original
तत्र शुक्रे शुक्ले घृतमण्डाभे वा गर्भस्य गौरत्वम्| तैलाभे कृष्णत्वम्| मध्वाभे श्यामत्वम्| तथा क्षीरादिमधुराणामुपयोगात् मातुरुदकविहाराच्च गौरता| तिलान्नविदाहिनां कृष्णता| व्यामिश्राणां श्यामता| देशकुलानुवृत्तितश्च वर्णभेदः| तथा तेजोधातोरुदकाऽऽकाशधातुसम्पर्काद्गौरता, भूवायुसम्पर्कात् कृष्णता, सर्वधातुसाम्ये श्यामता||६१||
🔊 Audio coming soon
Adhikarana garbhasya sattvavisheShakarANi (62) · Śloka 62
সত্ত্ববিশেষকরাণি পুনর্মাতাপিতৃসত্ত্বাদযোঽন্তর্বত্ন্যাঃ শ্রুতযশ্চাভীক্ষ্ণং স্বোপচিতং চ কর্ম ভবতি| পূর্বাভ্যাসশ্চেতি||৬২||
View original
सत्त्वविशेषकराणि पुनर्मातापितृसत्त्वादयोऽन्तर्वत्न्याः श्रुतयश्चाभीक्ष्णं स्वोपचितं च कर्म भवति| पूर्वाभ्यासश्चेति||६२||
🔊 Audio coming soon
Adhikarana adhyAyopasaMhAraH (63) · Śloka 63
ভবন্তি চাত্র||৬৩||
View original
भवन्ति चात्र||६३||
🔊 Audio coming soon
Adhikarana Arttavasya bahvalpakAlasthitau hetuH (64) · Śloka 64
ঘৃতক্ষীরাদিনিত্যাসু মুদিতাসু কফাত্মসু| আর্ত্তবং তিষ্ঠতি চিরং বিপরীতাস্বতোঽন্যথা||৬৪||
View original
घृतक्षीरादिनित्यासु मुदितासु कफात्मसु| आर्त्तवं तिष्ठति चिरं विपरीतास्वतोऽन्यथा||६४||
🔊 Audio coming soon
Adhikarana shuddhe garbhAshaye bIjanipAtAdeva garbhagrahaNam (65) · Śloka 65
নিপাতাদেব গৃহ্ণাতি রাগং বাসো যথাঽমলম্| ধ্রুবং গর্ভং তথা বীজং ক্ষেত্রং বীজমুপস্কৃতম্||৬৫||
View original
निपातादेव गृह्णाति रागं वासो यथाऽमलम्| ध्रुवं गर्भं तथा बीजं क्षेत्रं बीजमुपस्कृतम्||६५||
🔊 Audio coming soon
Adhikarana garbhali~ggAbdivyakteH pUrvameva puMsavanasya anuShTheyatvam (66) · Śloka 66
অবিরুদ্ধে ধ্রুবং দৈব কালে যুক্তস্য কর্মণঃ| সিদ্ধিঃ পুংসবনাদ্যস্মাত্পূর্বং ব্যক্তেঃ প্রযোজযেত্||৬৬||
View original
अविरुद्धे ध्रुवं दैव काले युक्तस्य कर्मणः| सिद्धिः पुंसवनाद्यस्मात्पूर्वं व्यक्तेः प्रयोजयेत्||६६||
🔊 Audio coming soon
Adhikarana puMsavanAdividhinA jAtAnAM putrANAM sadguNatvam (67) · Śloka 67
জাতাশ্চৈবং রূপবন্তো মহাসত্ত্বাশ্চিরাযুষঃ| ঋণান্মোচযিতারঃ স্যুঃ সুপুত্রাঃ পুত্রিণাং মতাঃ||৬৭||
View original
जाताश्चैवं रूपवन्तो महासत्त्वाश्चिरायुषः| ऋणान्मोचयितारः स्युः सुपुत्राः पुत्रिणां मताः||६७||
🔊 Audio coming soon
Adhikarana devatAdiratAnAM mahAguNaputrotpattiH (68) · Śloka 68
দেবতাচারশৌচাদিরতা সূতে মহাগুণম্| ধাবত্যেবং চাচরিতং প্রাগ্জন্মাভ্যাসযোগতঃ||৬৮||
View original
देवताचारशौचादिरता सूते महागुणम्| धावत्येवं चाचरितं प्राग्जन्माभ्यासयोगतः||६८||
🔊 Audio coming soon
Adhikarana strIshukrasya garbhaM pratyaki~jcitkaratvam (69-5) · Śloka 5
যোষিতোঽপি স্রবত্যেব শুক্রং পুংসঃ সমাগমে| গর্ভস্য তত্র কিঞ্চিত্তুং করোতীতি ন চিন্ত্যতে||৬৯|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং শারীরস্থানেঽঙ্গ- বিভাগো নাম প্রথমোঽধ্যাযঃ||৫||
View original
योषितोऽपि स्रवत्येव शुक्रं पुंसः समागमे| गर्भस्य तत्र किञ्चित्तुं करोतीति न चिन्त्यते||६९|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां शारीरस्थानेऽङ्ग- विभागो नाम प्रथमोऽध्यायः||५||
🔊 Audio coming soon