Adhikarana pratij~jA (1) · Śloka 1
athātaḥ putrakāmīyamadhyāyaṁ vyākhyāsyāmaḥ| iti ha smāhurātrēyādayō maharṣayaḥ||1||
View original
अथातः पुत्रकामीयमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
1. putrakāmīyaḥ
Adhikarana puruShasya vivAhavayaH pariNayArthaM strINAM lakShaNa~jca (2) · Śloka 2
atha khalu pumānēkaviṁśativarṣaḥ kanyāmatulyagōtrāṁ tulyābhijanāmasañcārirōgakulaprasūtāṁ rūpaśīlalakṣaṇasampannāmanūnāmavinaṣṭadantauṣṭhakarṇanāsānakhakēśastanīṁ mr̥dumarōgaprakr̥timakapilāmapiṅgalāmahīnādhikāṅgīṁ dvādaśavarṣadēśīyāmamarabhujagasaridacalavr̥kṣapakṣinakṣatrāntyaprēṣyabhīṣaṇakanāmānyanudvahantīmanaghāmanindyāmānindyēna vidhinōdvahēt||2||
View original
अथ खलु पुमानेकविंशतिवर्षः कन्यामतुल्यगोत्रां तुल्याभिजनामसञ्चारिरोगकुलप्रसूतां रूपशीललक्षणसम्पन्नामनूनामविनष्टदन्तौष्ठकर्णनासानखकेशस्तनीं मृदुमरोगप्रकृतिमकपिलामपिङ्गलामहीनाधिकाङ्गीं द्वादशवर्षदेशीयाममरभुजगसरिदचलवृक्षपक्षिनक्षत्रान्त्यप्रेष्यभीषणकनामान्यनुद्वहन्तीमनघामनिन्द्यामानिन्द्येन विधिनोद्वहेत्||२||
🔊 Audio coming soon
Adhikarana dampatyoH putrotpAdanavayaH (3) · Śloka 3
tasyāṁ ṣōḍaśavarṣāyāṁ pañcaviṁśativarṣaḥ puruṣaḥ putrārthaṁ prayatēta| tadā hi tau prāptavīryau vīryānvitamapatyaṁ janayataḥ||3||
View original
तस्यां षोडशवर्षायां पञ्चविंशतिवर्षः पुरुषः पुत्रार्थं प्रयतेत| तदा हि तौ प्राप्तवीर्यौ वीर्यान्वितमपत्यं जनयतः||३||
🔊 Audio coming soon
Adhikarana nyUnAbdAbhyAM RutorAdyadinatraye shukrArtavadoShe ca garbhasambhave doShAH (4) · Śloka 4
ūnapañcaviṁśativarṣēṇōnaṣōḍaśavarṣāyāmāhitō garbhaḥ kukṣistha ēva vināśamāpnuyādalpāyurbalārōgyavibhavō vā syādvikalēndriyō vā r̥tāvādyē ca rātritrayē tathā duṣṭē śukrārtava iti||4||
View original
ऊनपञ्चविंशतिवर्षेणोनषोडशवर्षायामाहितो गर्भः कुक्षिस्थ एव विनाशमाप्नुयादल्पायुर्बलारोग्यविभवो वा स्याद्विकलेन्द्रियो वा ऋतावाद्ये च रात्रित्रये तथा दुष्टे शुक्रार्तव इति||४||
🔊 Audio coming soon
Adhikarana shukrotpattiH (5) · Śloka 5
tatrāhārasya samyakpariṇatasya kramānmajjājamanuprāptasya sāraḥ śukrasaṁjñāṁ labhatē||5||
View original
तत्राहारस्य सम्यक्परिणतस्य क्रमान्मज्जाजमनुप्राप्तस्य सारः शुक्रसंज्ञां लभते||५||
🔊 Audio coming soon
Adhikarana shukrasya sthAnAni (6) · Śloka 6
tattu kṣīra iva sarpirikṣurasa iva guḍaḥ śarīrē śukradharāṁ kalāmāśrityāsrutaṁ sarvāṅgavyāpitayā sthitam| viśēṣataśca majjamuṣkastanēṣu||6||
View original
तत्तु क्षीर इव सर्पिरिक्षुरस इव गुडः शरीरे शुक्रधरां कलामाश्रित्यास्रुतं सर्वाङ्गव्यापितया स्थितम्| विशेषतश्च मज्जमुष्कस्तनेषु||६||
🔊 Audio coming soon
Adhikarana shukrapravRuttau hetuH| (7) · Śloka 7
harṣōdīritaṁ tu saṅghaṭṭanēna hr̥dayāvēśāt piṇḍībhūtamaṅgādaṅgāt pravartatē||7||
View original
हर्षोदीरितं तु सङ्घट्टनेन हृदयावेशात् पिण्डीभूतमङ्गादङ्गात् प्रवर्तते||७||
🔊 Audio coming soon
Adhikarana garbhAdhAnayogyaM shukram| (8) · Śloka 8
tat saumyaṁ snigdhaṁ guru śuklaṁ madhugandhi madhuraṁ picchilaṁ bahu bahalaṁ ghr̥tatailakṣaudrānyatamavarṇaṁ ca śukraṁ garbhādhānayōgyaṁ bhavati||8||
View original
तत् सौम्यं स्निग्धं गुरु शुक्लं मधुगन्धि मधुरं पिच्छिलं बहु बहलं घृततैलक्षौद्रान्यतमवर्णं च शुक्रं गर्भाधानयोग्यं भवति||८||
🔊 Audio coming soon
Adhikarana ArtavalakShaNam| (9) · Śloka 9
tathā raktamēva ca strīṇāṁ māsē māsē garbhakōṣṭhamanuprāpya tryahaṁ pravartamānamārtavamityāhuḥ||9||
View original
तथा रक्तमेव च स्त्रीणां मासे मासे गर्भकोष्ठमनुप्राप्य त्र्यहं प्रवर्तमानमार्तवमित्याहुः||९||
🔊 Audio coming soon
Adhikarana asRugdarAdicikitsA| (10) · Śloka 10
atiprasaṅgēnānr̥tāvr̥tau vā tadēvāsr̥gdaraṁ pradaraṁ vyāpadaṁ ca raktayōnisaṁjñāṁ labhatē| tatsādhanē raktapittacikitsitaṁ guhyarōgapratiṣēdhaṁ cēkṣēta||10||
View original
अतिप्रसङ्गेनानृतावृतौ वा तदेवासृग्दरं प्रदरं व्यापदं च रक्तयोनिसंज्ञां लभते| तत्साधने रक्तपित्तचिकित्सितं गुह्यरोगप्रतिषेधं चेक्षेत||१०||
🔊 Audio coming soon
Adhikarana ArtavApravRuttistaccikitsAsUtraM ca| (11) · Śloka 11
vātakaphāvr̥tamārgāṇāñcāpravartamānaṁ pittalairupācarēt||11||
View original
वातकफावृतमार्गाणाञ्चाप्रवर्तमानं पित्तलैरुपाचरेत्||११||
🔊 Audio coming soon
Adhikarana raktagulmaH taccikitsAtideshashca| (12) · Śloka 12
taddhi varddhamānamantarvartamānaṁ saśukramaśukraṁ vā jīvarahitaṁ vātalānyāsēvamānāyā yōṣitō garbhaliṅgāni darśayad gulmībhavati| tatra gulmacikitsitamīkṣēta||12||
View original
तद्धि वर्द्धमानमन्तर्वर्तमानं सशुक्रमशुक्रं वा जीवरहितं वातलान्यासेवमानाया योषितो गर्भलिङ्गानि दर्शयद् गुल्मीभवति| तत्र गुल्मचिकित्सितमीक्षेत||१२||
🔊 Audio coming soon
Adhikarana duShTArtavajanyaM vAtodarantaccikitsAsUtra~jca| (13) · Śloka 13
kadācidvā garbha iva vātōdaraṁ bhavati tadvātōpaśamanairupaśāmyati||13||
View original
कदाचिद्वा गर्भ इव वातोदरं भवति तद्वातोपशमनैरुपशाम्यति||१३||
🔊 Audio coming soon
Adhikarana asRu~gnirodhe garbhabhramaH| (14) · Śloka 14
tadēva kadācid ārtavaṁ saumyairbr̥ṁhaṇātmabhirāhāravihāraiḥ stambhitamanupadravamēvōdaraṁ garbhādhiṣṭhitamiva vardhayati| yēna tāmagarbhāṁ garbhiṇīmāhurmūḍhāḥ||14||
View original
तदेव कदाचिद् आर्तवं सौम्यैर्बृंहणात्मभिराहारविहारैः स्तम्भितमनुपद्रवमेवोदरं गर्भाधिष्ठितमिव वर्धयति| येन तामगर्भां गर्भिणीमाहुर्मूढाः||१४||
🔊 Audio coming soon
Adhikarana garbhasya bhUtahatatvabhrAntiH| (15) · Śloka 15
tatō virītairyadr̥cchayā vā pravr̥ttē raktē garbhaśarīramapaśyantō bhūtahr̥tamityajñā bruvatē||15||
View original
ततो विरीतैर्यदृच्छया वा प्रवृत्ते रक्ते गर्भशरीरमपश्यन्तो भूतहृतमित्यज्ञा ब्रुवते||१५||
🔊 Audio coming soon
Adhikarana rakShasAM sharIrApaharaNe~ashaktiH (16) · Śloka 16
yasmāt sambhavatyōjasō'paharaṇaṁ rakṣōbhirna tu śarīrāpaharaṇamaniṣṭatvādaśaktērvā| icchāśaktyōrhi pravr̥ttērupalabdhiḥ na ca dr̥śyatē kasyacidamānuṣairdēhāprahāraḥ||16||
View original
यस्मात् सम्भवत्योजसोऽपहरणं रक्षोभिर्न तु शरीरापहरणमनिष्टत्वादशक्तेर्वा| इच्छाशक्त्योर्हि प्रवृत्तेरुपलब्धिः न च दृश्यते कस्यचिदमानुषैर्देहाप्रहारः||१६||
🔊 Audio coming soon
Adhikarana AkShepapUrvako rakShobhiH sharIrApaharaNaniShedhaH| (17) · Śloka 17
yadi ca dr̥ṣṭamapi samullaṅghya kēcidatiśaktiyuktā garbhasya śarīrākṣēpē pravartantē tadā kathamiva prāptāvasarāstajjananīmupēkṣēran||17||
View original
यदि च दृष्टमपि समुल्लङ्घ्य केचिदतिशक्तियुक्ता गर्भस्य शरीराक्षेपे प्रवर्तन्ते तदा कथमिव प्राप्तावसरास्तज्जननीमुपेक्षेरन्||१७||
🔊 Audio coming soon
Adhikarana shuddhArtavalakShaNam| (18) · Śloka 18
ārtavaṁ punaḥ śaśarudhiralākṣārasōpamaṁ dhautañca virajyamānaṁ śuddhamāhuḥ||18||
View original
आर्तवं पुनः शशरुधिरलाक्षारसोपमं धौतञ्च विरज्यमानं शुद्धमाहुः||१८||
🔊 Audio coming soon
Adhikarana strIpuMsayo rajaH shukrAdInAmanupalabdhikAlaH| (19) · Śloka 19
yathā ca bālasya jīrṇasya vā tarōḥ puṣpaphalaṁ puṣpaphalasya vā tadvidhasya gandhō nōpalabhyatē tathaiva nōnaṣōḍaśātītasaptativarṣasya puṁsaḥ śukrarōmādayō yōṣitaścōnadvādaśātītapañcāśadvarṣāyā rajastanyādaya iti||19||
View original
यथा च बालस्य जीर्णस्य वा तरोः पुष्पफलं पुष्पफलस्य वा तद्विधस्य गन्धो नोपलभ्यते तथैव नोनषोडशातीतसप्ततिवर्षस्य पुंसः शुक्ररोमादयो योषितश्चोनद्वादशातीतपञ्चाशद्वर्षाया रजस्तन्यादय इति||१९||
🔊 Audio coming soon
Adhikarana shukrArtavayorA~a~apyAyanam| (20) · Śloka 20
atha śuddhaśukrārtavamarōgaṁ mithō'nuraktaṁ mithunamupasnēhyavidhivat saṁśōdhyāsthāpanānuvāsanābhyāmupācarēt| viśēṣatastu ghr̥takṣīravadbhirmadhurauṣadhasaṁskāraiḥ puruṣam, tailēna nārīṁ pittalaiśca māṁsaiḥ| ēvaṁ hi samānaguṇatayā śukrārtavamāpyāyatē||20||
View original
अथ शुद्धशुक्रार्तवमरोगं मिथोऽनुरक्तं मिथुनमुपस्नेह्यविधिवत् संशोध्यास्थापनानुवासनाभ्यामुपाचरेत्| विशेषतस्तु घृतक्षीरवद्भिर्मधुरौषधसंस्कारैः पुरुषम्, तैलेन नारीं पित्तलैश्च मांसैः| एवं हि समानगुणतया शुक्रार्तवमाप्यायते||२०||
🔊 Audio coming soon
Adhikarana garbhAsambhavakarAH shukradoShAH| (21) · Śloka 21
vātapittaślēṣmakuṇapagandhigranthipūyakṣīṇamūtrapurīṣarētāṁsi tvabījāni bhavanti||21||
View original
वातपित्तश्लेष्मकुणपगन्धिग्रन्थिपूयक्षीणमूत्रपुरीषरेतांसि त्वबीजानि भवन्ति||२१||
🔊 Audio coming soon
Adhikarana vAtAdiduShTasya shukrasya lakShaNAni| (22) · Śloka 22
tatra tanu rūkṣaṁ phēnilamaruṇamalpaṁ vicchinnaṁ sarujaṁ cirācca niṣicyatē vātēna| kiñcit pītamapicchilamānīlaṁ vā dahadiva pravartatē pittēna| majjōsaṁsr̥ṣṭaṁ prabhūtaṁ vibaddhaṁ cāmbhasi ca kiñcinmajjati ślēṣmaṇā| kuṇapagandhyanalpaṁ raktēna| granthibhūtaṁ vātaślēṣmabhyām| pūti pūyanibhaṁ pittaślēṣmabhyām| kṣīṇaṁ vātapittābhyām| taduktaṁ sasādhanaṁ prāk| mūtrapurīṣagandhi sannipātēna||22||
View original
तत्र तनु रूक्षं फेनिलमरुणमल्पं विच्छिन्नं सरुजं चिराच्च निषिच्यते वातेन| किञ्चित् पीतमपिच्छिलमानीलं वा दहदिव प्रवर्तते पित्तेन| मज्जोसंसृष्टं प्रभूतं विबद्धं चाम्भसि च किञ्चिन्मज्जति श्लेष्मणा| कुणपगन्ध्यनल्पं रक्तेन| ग्रन्थिभूतं वातश्लेष्मभ्याम्| पूति पूयनिभं पित्तश्लेष्मभ्याम्| क्षीणं वातपित्ताभ्याम्| तदुक्तं ससाधनं प्राक्| मूत्रपुरीषगन्धि सन्निपातेन||२२||
🔊 Audio coming soon
Adhikarana duShTArtavalakShaNAtideshaH duShTashukrArtavayoH sAdhyatvAdi ca| (23) · Śloka 23
ārtavamapi śukravad dōṣairupasr̥ṣṭamabījamēva| tasya liṅgaṁ nāma ca pūrvavat| tēṣu kuṇapagranthipūyakṣīṇarētāṁsi kr̥cchrasādhyāni| mūtrapurīṣaśukrārtavaṁ tvasādhyaṁ kuṇapagranthipūyārtavaṁ ca||23||
View original
आर्तवमपि शुक्रवद् दोषैरुपसृष्टमबीजमेव| तस्य लिङ्गं नाम च पूर्ववत्| तेषु कुणपग्रन्थिपूयक्षीणरेतांसि कृच्छ्रसाध्यानि| मूत्रपुरीषशुक्रार्तवं त्वसाध्यं कुणपग्रन्थिपूयार्तवं च||२३||
🔊 Audio coming soon
Adhikarana vAtAditriduShTayoH shukrArtavadoShayoshcikitsAtideshaH| (24) · Śloka 24
tatrādyāṁstrīn śukrārttavadōṣān yathāsvaṁ dōṣasādhanēna sādhayēt| guhyayōnirōgapratiṣēdhēna cōbhayān||24||
View original
तत्राद्यांस्त्रीन् शुक्रार्त्तवदोषान् यथास्वं दोषसाधनेन साधयेत्| गुह्ययोनिरोगप्रतिषेधेन चोभयान्||२४||
🔊 Audio coming soon
Adhikarana vAtikashukradoShe cikitsAvisheShaH| (25) · Śloka 25
api ca-- vātikē śukradōṣē vasukasaindhavaphalāmlasiddhaṁ yavakṣārapratīvāpaṁ sarpiṣpānam| bilvavidārīsiddhaṁ kṣīrayuktamāsthāpanam| madhukabhadradārusiddhaṁ tailamanuvāsanaṁ kṣīrakulīrarasasiddhaṁ tailamuttarabastiḥ||25||
View original
अपि च-- वातिके शुक्रदोषे वसुकसैन्धवफलाम्लसिद्धं यवक्षारप्रतीवापं सर्पिष्पानम्| बिल्वविदारीसिद्धं क्षीरयुक्तमास्थापनम्| मधुकभद्रदारुसिद्धं तैलमनुवासनं क्षीरकुलीररससिद्धं तैलमुत्तरबस्तिः||२५||
🔊 Audio coming soon
Adhikarana paittikashukradoShe cikitsAvisheShaH| (26) · Śloka 26
paittikē kāṇḍēkṣuśvadaṁṣṭrāguḍūcīsiddhaṁ mūrvāmadhūkapratīvāpaṁ sarpiṣpānam| trivr̥ccūrṇaḥ saghr̥tō virēkaḥ| payasyāśrīparṇīsiddhaṁ kṣīrayuktamāsthāpanam| madhukamudgaparṇīsiddhaṁ tailamanuvāsanamuttarabastiśca||26||
View original
पैत्तिके काण्डेक्षुश्वदंष्ट्रागुडूचीसिद्धं मूर्वामधूकप्रतीवापं सर्पिष्पानम्| त्रिवृच्चूर्णः सघृतो विरेकः| पयस्याश्रीपर्णीसिद्धं क्षीरयुक्तमास्थापनम्| मधुकमुद्गपर्णीसिद्धं तैलमनुवासनमुत्तरबस्तिश्च||२६||
🔊 Audio coming soon
Adhikarana shlaiShmikashukradoShe cikitsAvisheShaH| (27) · Śloka 27
ślaiṣmikē pāṣāṇabhēdā'śmantakā''malakakvāthasiddhaṁ pippalīmadhukacūrṇapratīvāpaṁ sarpiṣpānam| madanaphalakaṣāyō vamanam| dantīviḍaṅgacūrṇastailalīḍhō virēkaḥ| rājavr̥kṣamadanaphalakaṣāyapragāḍhamā''sthāpanam| madhukapippalīsiddhaṁ tailamanuvāsanamuttarabastiśca||27||
View original
श्लैष्मिके पाषाणभेदाऽश्मन्तकाऽऽमलकक्वाथसिद्धं पिप्पलीमधुकचूर्णप्रतीवापं सर्पिष्पानम्| मदनफलकषायो वमनम्| दन्तीविडङ्गचूर्णस्तैललीढो विरेकः| राजवृक्षमदनफलकषायप्रगाढमाऽऽस्थापनम्| मधुकपिप्पलीसिद्धं तैलमनुवासनमुत्तरबस्तिश्च||२७||
🔊 Audio coming soon
Adhikarana vAtajArttavadoShe cikitsAvisheShaH| (28) · Śloka 28
vātajē puṣpadōṣē bhārṅgīmadhukabhadradārusiddhaṁ sarpiṣpānam| kāśmaryyakṣudrasahāsiddhaṁ vā kṣīram| madhukaśr̥gālavinnākalkaṁ payassarpissahitaṁ priyaṅgutilakalkaṁ vā yōnau dhārayēt| saralamudgaparṇīkaṣāyaḥ prakṣālanam||28||
View original
वातजे पुष्पदोषे भार्ङ्गीमधुकभद्रदारुसिद्धं सर्पिष्पानम्| काश्मर्य्यक्षुद्रसहासिद्धं वा क्षीरम्| मधुकशृगालविन्नाकल्कं पयस्सर्पिस्सहितं प्रियङ्गुतिलकल्कं वा योनौ धारयेत्| सरलमुद्गपर्णीकषायः प्रक्षालनम्||२८||
🔊 Audio coming soon
Adhikarana pittajArtavadoShe cikitsAvisheShaH| (29) · Śloka 29
pittajē kākōlīdvayavidārīmūlakvāthamutpalapadmakakvāthaṁ madhūkapuṣpakāśmaryyaphalakvāthaṁ vā saśarkaraṁ pibēt| śvētacandanakvāthaṁ vā sakṣaudram| dhavadhātakīkalkaṁ vā ghr̥tēna vā madhukamadhurasāmr̥dvīkākalkam| śamyākagavākṣīkṣīraṁ virēkaḥ| candanapayasyākalkaṁ yōnau dhārayēt| gaurikāriṣṭakaṣāyaḥ prakṣālanam||29||
View original
पित्तजे काकोलीद्वयविदारीमूलक्वाथमुत्पलपद्मकक्वाथं मधूकपुष्पकाश्मर्य्यफलक्वाथं वा सशर्करं पिबेत्| श्वेतचन्दनक्वाथं वा सक्षौद्रम्| धवधातकीकल्कं वा घृतेन वा मधुकमधुरसामृद्वीकाकल्कम्| शम्याकगवाक्षीक्षीरं विरेकः| चन्दनपयस्याकल्कं योनौ धारयेत्| गौरिकारिष्टकषायः प्रक्षालनम्||२९||
🔊 Audio coming soon
Adhikarana shlaiShmikArttavadoShe cikitsAvisheShaH| (30) · Śloka 30
ślaiṣmikē kuṭajakaṭukāśvagandhākvāthaṁ pibēt| samākṣikaṁ vā kṣīrivr̥kṣapravālakvātham| ētēṣāmēva vā cūrṇaṁ madhughr̥tābhyāṁ lihyāt| madanaphalakaṣāyēṇa vamanam| tatkalkamēva ca yōnau dhārayēt| lōdhratindukakaṣāyaḥ prakṣālanaṁ bastamēṣamūtraṁ vā||30||
View original
श्लैष्मिके कुटजकटुकाश्वगन्धाक्वाथं पिबेत्| समाक्षिकं वा क्षीरिवृक्षप्रवालक्वाथम्| एतेषामेव वा चूर्णं मधुघृताभ्यां लिह्यात्| मदनफलकषायेण वमनम्| तत्कल्कमेव च योनौ धारयेत्| लोध्रतिन्दुककषायः प्रक्षालनं बस्तमेषमूत्रं वा||३०||
🔊 Audio coming soon
Adhikarana kuNaparetasi cikitsA| (31) · Śloka 31
kuṇaparētasi dhātakīpuṣpakhadirārjunadāḍimaiḥ siddhamasanādibhirvā sarpiḥ pāyayēt||31||
View original
कुणपरेतसि धातकीपुष्पखदिरार्जुनदाडिमैः सिद्धमसनादिभिर्वा सर्पिः पाययेत्||३१||
🔊 Audio coming soon
Adhikarana granthiretasi cikitsA| (32) · Śloka 32
granthirētasi pāṣāṇabhēdā palāśabhasmanā vā||32||
View original
ग्रन्थिरेतसि पाषाणभेदा पलाशभस्मना वा||३२||
🔊 Audio coming soon
Adhikarana pUyaretasi cikitsA| (33) · Śloka 33
pūyarētasi paruṣakādinyagrōdhādibhyām||33||
View original
पूयरेतसि परुषकादिन्यग्रोधादिभ्याम्||३३||
🔊 Audio coming soon
Adhikarana mUtrapurISharetasi cikitsA| (34) · Śloka 34
mūtrapurīṣarētasi vāyunātivikr̥tē hiṅgūśīracitrakairathavā citrakavitunnakapriyaṅgusamaṅgāmr̥ṇālasiddham ēlāmōcacūrṇapratīvāpam||34||
View original
मूत्रपुरीषरेतसि वायुनातिविकृते हिङ्गूशीरचित्रकैरथवा चित्रकवितुन्नकप्रियङ्गुसमङ्गामृणालसिद्धम् एलामोचचूर्णप्रतीवापम्||३४||
🔊 Audio coming soon
Adhikarana granthyArtave cikitsA| (35) · Śloka 35
tatha granthyārttavē pāṭhātrikaṇṭakavr̥kṣakakvātham||35||
View original
तथ ग्रन्थ्यार्त्तवे पाठात्रिकण्टकवृक्षकक्वाथम्||३५||
🔊 Audio coming soon
Adhikarana kuNapapUyArttave cikitsA| (36) · Śloka 36
kuṇapapūyārttavē candanakvāthaṁ pibēt| triphalākalkakvāthau cātra dhāraṇācamanē||36||
View original
कुणपपूयार्त्तवे चन्दनक्वाथं पिबेत्| त्रिफलाकल्कक्वाथौ चात्र धारणाचमने||३६||
🔊 Audio coming soon
Adhikarana shukrArttavadoSheShu sAmAnyA cikitsA| (37) · Śloka 37
sarvēṣu ca śukrārttavadōṣēṣu strīpuṁsau snēhādikarmabhirviśēṣēṇa cōttarabastibhiḥ punaḥ punarupācarēt| yathāsvaṁ ca yōnau kalkaiḥ picubhiśca| ityēvaṁ viśuddhaśukrārttavau pūrvōktaṁ vidhimāsēvētām||37||
View original
सर्वेषु च शुक्रार्त्तवदोषेषु स्त्रीपुंसौ स्नेहादिकर्मभिर्विशेषेण चोत्तरबस्तिभिः पुनः पुनरुपाचरेत्| यथास्वं च योनौ कल्कैः पिचुभिश्च| इत्येवं विशुद्धशुक्रार्त्तवौ पूर्वोक्तं विधिमासेवेताम्||३७||
🔊 Audio coming soon
Adhikarana RutukAlaH tatra matAntarANi ca| (38) · Śloka 38
r̥tustu dr̥ṣṭārttavō dvādaśarātraṁ bhavati| ṣōḍaśarātramityanyē| śuddhayōnigarbhāśayārttavāyā māsamapi kēcit| tadvadadr̥ṣṭārttavō'pyastītyaparē||38||
View original
ऋतुस्तु दृष्टार्त्तवो द्वादशरात्रं भवति| षोडशरात्रमित्यन्ये| शुद्धयोनिगर्भाशयार्त्तवाया मासमपि केचित्| तद्वददृष्टार्त्तवोऽप्यस्तीत्यपरे||३८||
🔊 Audio coming soon
Adhikarana RutumatyA lakShaNam| (39) · Śloka 39
kṣāmaprasannavadanāṁ sphuracchrōṇipayōdharām| srastākṣikukṣiṁ puṁskāmāṁ vindyādr̥tumatīṁ striyam||39||
View original
क्षामप्रसन्नवदनां स्फुरच्छ्रोणिपयोधराम्| स्रस्ताक्षिकुक्षिं पुंस्कामां विन्द्यादृतुमतीं स्त्रियम्||३९||
🔊 Audio coming soon
Adhikarana RutAvatIte garbhAsambhavasya hetuH| (40) · Śloka 40
padmaṁ saṅkōcamāyāti dinē'tītē yathā tathā| r̥tāvatītē yōniḥ syācchukraṁ nātaḥ pratīcchati||40||
View original
पद्मं सङ्कोचमायाति दिनेऽतीते यथा तथा| ऋतावतीते योनिः स्याच्छुक्रं नातः प्रतीच्छति||४०||
🔊 Audio coming soon
Adhikarana Arttavasa~jcayakAlaH vAyorArttavaprartakattva~jca| (41) · Śloka 41
māsēnōpacitaṁ raktaṁ dhamanībhyāmr̥tau punaḥ| īṣatkr̥ṣṇaṁ vigandhaṁ ca vāyuryōnimukhānnudēt||41||
View original
मासेनोपचितं रक्तं धमनीभ्यामृतौ पुनः| ईषत्कृष्णं विगन्धं च वायुर्योनिमुखान्नुदेत्||४१||
🔊 Audio coming soon
Adhikarana RutumatyA niyamAH| (42) · Śloka 42
tataḥ puṣpadarśani prathamadivasātprabhr̥ti brahmacāriṇī, snānādyalaṅkārarahitā, darbhasaṁstaraśāyinī trirātramāsīta| parṇaśarāvakaratalānyatamēna yāvakaṁ payasā siddhamalpaṁ karśanārtham aśnīyāt| tīkṣṇōṣṇā'mlalavaṇāni ca varjayēt||42||
View original
ततः पुष्पदर्शनि प्रथमदिवसात्प्रभृति ब्रह्मचारिणी, स्नानाद्यलङ्काररहिता, दर्भसंस्तरशायिनी त्रिरात्रमासीत| पर्णशरावकरतलान्यतमेन यावकं पयसा सिद्धमल्पं कर्शनार्थम् अश्नीयात्| तीक्ष्णोष्णाऽम्ललवणानि च वर्जयेत्||४२||
🔊 Audio coming soon
Adhikarana RutusnAtAyAH prathamabhartRudarshanavidhiH tatra hetushca| (43) · Śloka 43
caturthē'hanyudvarttitā śītasalilasnātā'nuliptā'laṅkr̥tā śuklamālyāmbarā kr̥tamaṅgalasvastyayanaivaṁvidhamēvaṁ bharttāraṁ paśyēdananyamanāḥ| tadā hi yādr̥śamēva paśyati cintayati vā tādr̥śaṁ prasūta iti||43||
View original
चतुर्थेऽहन्युद्वर्त्तिता शीतसलिलस्नाताऽनुलिप्ताऽलङ्कृता शुक्लमाल्याम्बरा कृतमङ्गलस्वस्त्ययनैवंविधमेवं भर्त्तारं पश्येदनन्यमनाः| तदा हि यादृशमेव पश्यति चिन्तयति वा तादृशं प्रसूत इति||४३||
🔊 Audio coming soon
Adhikarana gunavatputrArthI saptarAtramupekSheta| (44) · Śloka 44
tataḥ snānāt punarapi guṇavat putrārthī trirātram upēkṣēta| puṣpadarśanāt saptarātram||44||
View original
ततः स्नानात् पुनरपि गुणवत् पुत्रार्थी त्रिरात्रम् उपेक्षेत| पुष्पदर्शनात् सप्तरात्रम्||४४||
🔊 Audio coming soon
Adhikarana yugmAsu putrakAmaH saMvishet| (45) · Śloka 45
athāṣṭamyāṁ daśamyāṁ dvādaśyāṁ vā rātrau putrakāmaḥ saṁviśēt||45||
View original
अथाष्टम्यां दशम्यां द्वादश्यां वा रात्रौ पुत्रकामः संविशेत्||४५||
🔊 Audio coming soon
Adhikarana ayugmAsu duhitRukAmaH saMvishet| (46) · Śloka 46
pañcamyāṁ saptamyāṁ navamyāṁ vā duhitr̥kāmaḥ||46||
View original
पञ्चम्यां सप्तम्यां नवम्यां वा दुहितृकामः||४६||
🔊 Audio coming soon
Adhikarana prashastarAtriShUttarottarA rAtrayaH prashastatarAH| (47) · Śloka 47
tāsūttarōttaramāyurārōgyaiśvaryyasaubhāgyabalavarṇēndriyasampadapatyasya bhavati| ataḥ paraṁ tūttarōttaramēvāyurādīnāṁ hrāsaḥ||47||
View original
तासूत्तरोत्तरमायुरारोग्यैश्वर्य्यसौभाग्यबलवर्णेन्द्रियसम्पदपत्यस्य भवति| अतः परं तूत्तरोत्तरमेवायुरादीनां ह्रासः||४७||
🔊 Audio coming soon
Adhikarana strIpuMgarbhasambhave upapattiH| (48) · Śloka 48
tatra yugmāsu rātriṣvalpībhavatyārttavamayugmāsvāpyāyyatē| tasmāttāsu kramāt putrasya duhituśca janma| ataēva cānuparatārttavadarśanāṁ putrārthī viprakr̥ṣṭēṣvapyahastu nōpēyāt||48||
View original
तत्र युग्मासु रात्रिष्वल्पीभवत्यार्त्तवमयुग्मास्वाप्याय्यते| तस्मात्तासु क्रमात् पुत्रस्य दुहितुश्च जन्म| अतएव चानुपरतार्त्तवदर्शनां पुत्रार्थी विप्रकृष्टेष्वप्यहस्तु नोपेयात्||४८||
🔊 Audio coming soon
Adhikarana AhArAvashAdyugmAyugmAsu shukrasya nyUnAdhikye durapatyatA| (49) · Śloka 49
yadi tvāhāranurōdhādayugmāsu śukrasyādhikatā ca nyūnatā syāttataḥ pumān stryākr̥tirdurbalō hīnāṅgō vā jāyatē| strī ca puruṣākr̥tirdurbalā hīnāṅgī vā||49||
View original
यदि त्वाहारनुरोधादयुग्मासु शुक्रस्याधिकता च न्यूनता स्यात्ततः पुमान् स्त्र्याकृतिर्दुर्बलो हीनाङ्गो वा जायते| स्त्री च पुरुषाकृतिर्दुर्बला हीनाङ्गी वा||४९||
🔊 Audio coming soon
Adhikarana klIbA~apratyatAyAH kAraNam| (50) · Śloka 50
ēkādaśītrayōdaśyōstu napuṁsakaṁ syāt||50||
View original
एकादशीत्रयोदश्योस्तु नपुंसकं स्यात्||५०||
🔊 Audio coming soon
Adhikarana putrIyaM vidhAnAdi| (51) · Śloka 51
athōpādhyāyaḥ putrīyaṁ vidhānamācarēt| śūdrāyāstu mantravarjitam| yādr̥śaṁ ca putramāśāsīta tadrūpavarṇacaritāñjanapadānanucintayēti strī vācyā ca| tajjanapadāhāravihārōpacāraparicchadāṁścānuvidadhīt||51||
View original
अथोपाध्यायः पुत्रीयं विधानमाचरेत्| शूद्रायास्तु मन्त्रवर्जितम्| यादृशं च पुत्रमाशासीत तद्रूपवर्णचरिताञ्जनपदाननुचिन्तयेति स्त्री वाच्या च| तज्जनपदाहारविहारोपचारपरिच्छदांश्चानुविदधीत्||५१||
🔊 Audio coming soon
Adhikarana putrIyavidhyanuShThAnAtparaM dampatyoshcaryyA| (52) · Śloka 52
karmāntē ca pumān māsaṁ brahmacārī sarpiḥkṣīrābhyāṁ śalyōdanamabhiprāśya nātyā''śitaḥ sukhī sragvī sumanāḥ prīṇītāṅgaḥ śuklanivasanō mauhūrtikānumatē rātribhāgē kalyāṇāni cintayāstadabhikāmaḥ svāstīrṇaṁ śayanaṁ dakṣiṇēna pādēna prāgārōhēt| tadvidhaiva ca pramadā karśitāṅgī tailamāṣōttarāhārā, pūrvaṁ vāmapādēna puruṣasya dakṣiṇataḥ śayyāmadhirōhēt||52||
View original
कर्मान्ते च पुमान् मासं ब्रह्मचारी सर्पिःक्षीराभ्यां शल्योदनमभिप्राश्य नात्याऽऽशितः सुखी स्रग्वी सुमनाः प्रीणीताङ्गः शुक्लनिवसनो मौहूर्तिकानुमते रात्रिभागे कल्याणानि चिन्तयास्तदभिकामः स्वास्तीर्णं शयनं दक्षिणेन पादेन प्रागारोहेत्| तद्विधैव च प्रमदा कर्शिताङ्गी तैलमाषोत्तराहारा, पूर्वं वामपादेन पुरुषस्य दक्षिणतः शय्यामधिरोहेत्||५२||
🔊 Audio coming soon
Adhikarana shayyAdhirohaNe prayojyamantrAH| (53) · Śloka 53
tatra mantraṁ prayuñjīta-- 'āyurasi, sarvataḥ pratiṣṭhāsi, dhātā tvā dadhātu, vidhātā tvā dadhātu, brahmavarcasā bhava iti| brahmā br̥haspatirviṣṇuḥ sōmasūryastathā'śvinau| bhagō'tha mitrāvaruṇau vīraṁ dadhatu mē sutam||53||
View original
तत्र मन्त्रं प्रयुञ्जीत-- 'आयुरसि, सर्वतः प्रतिष्ठासि, धाता त्वा दधातु, विधाता त्वा दधातु, ब्रह्मवर्चसा भव इति| ब्रह्मा बृहस्पतिर्विष्णुः सोमसूर्यस्तथाऽश्विनौ| भगोऽथ मित्रावरुणौ वीरं दधतु मे सुतम्||५३||
🔊 Audio coming soon
Adhikarana saMveshanaprakArastaduttarakRutya~jca| (54) · Śloka 54
tataḥ parasparaṁ sāmabhirabhisāntvya saharṣamanukūlaṁ saṁviśētām| paryāptē caināṁ śītōdakēna sahasā pariṣiñcēt||54||
View original
ततः परस्परं सामभिरभिसान्त्व्य सहर्षमनुकूलं संविशेताम्| पर्याप्ते चैनां शीतोदकेन सहसा परिषिञ्चेत्||५४||
🔊 Audio coming soon
Adhikarana maithune~ayogyau strIpuruShau (55) · Śloka 55
tatrā'tyāśitā, kṣudhitā, pipāsitā, bhītā, vimanāḥ, śōkārttā, kruddhā'timēdurā'nyakāmā'vyavāyakāmā vā na garbhaṁ dhattē, viguṇaṁ vā| tathā puruṣō'pi| na cāsau adhastiṣṭhēt| tathā hi strīcēṣṭaḥ pumāñjāyatē, puṁścēṣṭā vā strī||55||
View original
तत्राऽत्याशिता, क्षुधिता, पिपासिता, भीता, विमनाः, शोकार्त्ता, क्रुद्धाऽतिमेदुराऽन्यकामाऽव्यवायकामा वा न गर्भं धत्ते, विगुणं वा| तथा पुरुषोऽपि| न चासौ अधस्तिष्ठेत्| तथा हि स्त्रीचेष्टः पुमाञ्जायते, पुंश्चेष्टा वा स्त्री||५५||
🔊 Audio coming soon
Adhikarana nyubjapArshvagatastrIsevananiShedhAdi (56) · Śloka 56
na ca nyubjāṁ vā sēvēta| nyubjāyāṁ vātō balavān sa yōniṁ pīḍayati| dakṣiṇapārśvagatāyāḥ ślēṣmā pīḍitaścyutaḥ pidadhāti garbhāśayam| vāmapārśvagatāyāstadvat pittaṁ vidahati raktaśukrē| tasmāduttānaṁ bījaṁ gr̥hṇīyāt| tathā hi yathāsthānamēva tiṣṭhanti dōṣāḥ||56||
View original
न च न्युब्जां वा सेवेत| न्युब्जायां वातो बलवान् स योनिं पीडयति| दक्षिणपार्श्वगतायाः श्लेष्मा पीडितश्च्युतः पिदधाति गर्भाशयम्| वामपार्श्वगतायास्तद्वत् पित्तं विदहति रक्तशुक्रे| तस्मादुत्तानं बीजं गृह्णीयात्| तथा हि यथास्थानमेव तिष्ठन्ति दोषाः||५६||
🔊 Audio coming soon
Adhikarana puMsavanakAlaH matAntarANi ca (57) · Śloka 57
labdhagarbhāṁ caināṁ viditvā, prāgvyaktībhāvādgarbhasya puṣyē puṁsavanāni prayuñjīta| dvādaśarātramityanyē| tatrāpi yugmadinēṣviti kēcit| pratyahamityaparē||57||
View original
लब्धगर्भां चैनां विदित्वा, प्राग्व्यक्तीभावाद्गर्भस्य पुष्ये पुंसवनानि प्रयुञ्जीत| द्वादशरात्रमित्यन्ये| तत्रापि युग्मदिनेष्विति केचित्| प्रत्यहमित्यपरे||५७||
🔊 Audio coming soon
Adhikarana puMsavanavidhiH (58) · Śloka 58
tadyathā-- lakṣmaṇā-vaṭaśṟuṅga-sahadēvā-viśva-dēvānāma-nyatamāṁ kṣīrē'bhiṣutya trīścaturō vā bindūn dakṣiṇē nāsāpuṭē svayamāsiñcēt picunā| vāmē tu duhitr̥kāmā| na caitān niṣṭhīvēt| tathā puṣyōddhr̥tāyāḥ śvētabr̥hatyā mūlakalkādrasaṁ nāvayēt| tadvaccōtpalapatraṁ kumudapatraṁ lakṣmaṇāmūlaṁ vaṭaśr̥ṅgāṇi cāṣṭau ca nāvayēt| śukla-mālyāmbaradharā ca nārī puṣyōddhr̥tāyā lakṣmaṇāyā mūlakalkamudumbaramātraṁ payasā pibēt putrasyōtpādanāya sthitayē ca| tadvadgauradaṇḍamapāmārgaṁ jīvakarṣabhakau śaṅkhapuṣpīmadhyadaṇḍāṁ sahacaraṁ nagnajitamagnijihvāmaṣṭau vā vaṭaśṟuṅgāni| śālipiṣṭasya ca pacyamānasyōṣmāṇamāghrāya tadrasaṁ dēhalyāṁ sthitā pūrvavannāvayēt| yaccānyadapi brāhmaṇā vr̥ddhastriyō vā brūyustacca kuryāt||58||
View original
तद्यथा-- लक्ष्मणा-वटश्रृङ्ग-सहदेवा-विश्व-देवानाम-न्यतमां क्षीरेऽभिषुत्य त्रीश्चतुरो वा बिन्दून् दक्षिणे नासापुटे स्वयमासिञ्चेत् पिचुना| वामे तु दुहितृकामा| न चैतान् निष्ठीवेत्| तथा पुष्योद्धृतायाः श्वेतबृहत्या मूलकल्काद्रसं नावयेत्| तद्वच्चोत्पलपत्रं कुमुदपत्रं लक्ष्मणामूलं वटशृङ्गाणि चाष्टौ च नावयेत्| शुक्ल-माल्याम्बरधरा च नारी पुष्योद्धृताया लक्ष्मणाया मूलकल्कमुदुम्बरमात्रं पयसा पिबेत् पुत्रस्योत्पादनाय स्थितये च| तद्वद्गौरदण्डमपामार्गं जीवकर्षभकौ शङ्खपुष्पीमध्यदण्डां सहचरं नग्नजितमग्निजिह्वामष्टौ वा वटश्रृङ्गानि| शालिपिष्टस्य च पच्यमानस्योष्माणमाघ्राय तद्रसं देहल्यां स्थिता पूर्ववन्नावयेत्| यच्चान्यदपि ब्राह्मणा वृद्धस्त्रियो वा ब्रूयुस्तच्च कुर्यात्||५८||
🔊 Audio coming soon
Adhikarana garbhasthApanAni (59) · Śloka 7
tataḥ prajāsthāpanākhyā daśauṣadhīḥ śirasā dakṣiṇēna ca pāṇinā dhārayēt| ētābhiśca siddhaṁ payō ghr̥taṁ vā pibēt| ētābhirēva puṣyē-puṣyē snāyāt| sadā ca samālabhēta| tathā sarvāsāṁ jīvanīyānāmauṣadhīnāṁ sadōpayōgastairvidhānaiḥ| iti garbhasthāpanāni| saumyākr̥tivacanōpacāracēṣṭāśca priyahitānuvartinaḥ paricārakāstathā bhartēti||7||
View original
ततः प्रजास्थापनाख्या दशौषधीः शिरसा दक्षिणेन च पाणिना धारयेत्| एताभिश्च सिद्धं पयो घृतं वा पिबेत्| एताभिरेव पुष्ये-पुष्ये स्नायात्| सदा च समालभेत| तथा सर्वासां जीवनीयानामौषधीनां सदोपयोगस्तैर्विधानैः| इति गर्भस्थापनानि| सौम्याकृतिवचनोपचारचेष्टाश्च प्रियहितानुवर्तिनः परिचारकास्तथा भर्तेति||७||
🔊 Audio coming soon
Adhikarana punarupagamananiShedhakAlaH (60) · Śloka 60
punaścaināṁ māsādupēyāt||60||
View original
पुनश्चैनां मासादुपेयात्||६०||
🔊 Audio coming soon
Adhikarana garbhasya varNavisheShahetavaH (61) · Śloka 61
tatra śukrē śuklē ghr̥tamaṇḍābhē vā garbhasya gauratvam| tailābhē kr̥ṣṇatvam| madhvābhē śyāmatvam| tathā kṣīrādimadhurāṇāmupayōgāt māturudakavihārācca gauratā| tilānnavidāhināṁ kr̥ṣṇatā| vyāmiśrāṇāṁ śyāmatā| dēśakulānuvr̥ttitaśca varṇabhēdaḥ| tathā tējōdhātōrudakā''kāśadhātusamparkādgauratā, bhūvāyusamparkāt kr̥ṣṇatā, sarvadhātusāmyē śyāmatā||61||
View original
तत्र शुक्रे शुक्ले घृतमण्डाभे वा गर्भस्य गौरत्वम्| तैलाभे कृष्णत्वम्| मध्वाभे श्यामत्वम्| तथा क्षीरादिमधुराणामुपयोगात् मातुरुदकविहाराच्च गौरता| तिलान्नविदाहिनां कृष्णता| व्यामिश्राणां श्यामता| देशकुलानुवृत्तितश्च वर्णभेदः| तथा तेजोधातोरुदकाऽऽकाशधातुसम्पर्काद्गौरता, भूवायुसम्पर्कात् कृष्णता, सर्वधातुसाम्ये श्यामता||६१||
🔊 Audio coming soon
Adhikarana garbhasya sattvavisheShakarANi (62) · Śloka 62
sattvaviśēṣakarāṇi punarmātāpitr̥sattvādayō'ntarvatnyāḥ śrutayaścābhīkṣṇaṁ svōpacitaṁ ca karma bhavati| pūrvābhyāsaścēti||62||
View original
सत्त्वविशेषकराणि पुनर्मातापितृसत्त्वादयोऽन्तर्वत्न्याः श्रुतयश्चाभीक्ष्णं स्वोपचितं च कर्म भवति| पूर्वाभ्यासश्चेति||६२||
🔊 Audio coming soon
Adhikarana adhyAyopasaMhAraH (63) · Śloka 63
bhavanti cātra||63||
View original
भवन्ति चात्र||६३||
🔊 Audio coming soon
Adhikarana Arttavasya bahvalpakAlasthitau hetuH (64) · Śloka 64
ghr̥takṣīrādinityāsu muditāsu kaphātmasu| ārttavaṁ tiṣṭhati ciraṁ viparītāsvatō'nyathā||64||
View original
घृतक्षीरादिनित्यासु मुदितासु कफात्मसु| आर्त्तवं तिष्ठति चिरं विपरीतास्वतोऽन्यथा||६४||
🔊 Audio coming soon
Adhikarana shuddhe garbhAshaye bIjanipAtAdeva garbhagrahaNam (65) · Śloka 65
nipātādēva gr̥hṇāti rāgaṁ vāsō yathā'malam| dhruvaṁ garbhaṁ tathā bījaṁ kṣētraṁ bījamupaskr̥tam||65||
View original
निपातादेव गृह्णाति रागं वासो यथाऽमलम्| ध्रुवं गर्भं तथा बीजं क्षेत्रं बीजमुपस्कृतम्||६५||
🔊 Audio coming soon
Adhikarana garbhali~ggAbdivyakteH pUrvameva puMsavanasya anuShTheyatvam (66) · Śloka 66
aviruddhē dhruvaṁ daiva kālē yuktasya karmaṇaḥ| siddhiḥ puṁsavanādyasmātpūrvaṁ vyaktēḥ prayōjayēt||66||
View original
अविरुद्धे ध्रुवं दैव काले युक्तस्य कर्मणः| सिद्धिः पुंसवनाद्यस्मात्पूर्वं व्यक्तेः प्रयोजयेत्||६६||
🔊 Audio coming soon
Adhikarana puMsavanAdividhinA jAtAnAM putrANAM sadguNatvam (67) · Śloka 67
jātāścaivaṁ rūpavantō mahāsattvāścirāyuṣaḥ| r̥ṇānmōcayitāraḥ syuḥ suputrāḥ putriṇāṁ matāḥ||67||
View original
जाताश्चैवं रूपवन्तो महासत्त्वाश्चिरायुषः| ऋणान्मोचयितारः स्युः सुपुत्राः पुत्रिणां मताः||६७||
🔊 Audio coming soon
Adhikarana devatAdiratAnAM mahAguNaputrotpattiH (68) · Śloka 68
dēvatācāraśaucādiratā sūtē mahāguṇam| dhāvatyēvaṁ cācaritaṁ prāgjanmābhyāsayōgataḥ||68||
View original
देवताचारशौचादिरता सूते महागुणम्| धावत्येवं चाचरितं प्राग्जन्माभ्यासयोगतः||६८||
🔊 Audio coming soon
Adhikarana strIshukrasya garbhaM pratyaki~jcitkaratvam (69-5) · Śloka 5
yōṣitō'pi sravatyēva śukraṁ puṁsaḥ samāgamē| garbhasya tatra kiñcittuṁ karōtīti na cintyatē||69|| iti vaidyapatisiṁhaguptasya sūnōrvāgbhaṭasya kr̥tau aṣṭāṅgasaṁgrahasaṁhitāyāṁ śārīrasthānē'ṅga- vibhāgō nāma prathamō'dhyāyaḥ||5||
View original
योषितोऽपि स्रवत्येव शुक्रं पुंसः समागमे| गर्भस्य तत्र किञ्चित्तुं करोतीति न चिन्त्यते||६९|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां शारीरस्थानेऽङ्ग- विभागो नाम प्रथमोऽध्यायः||५||
🔊 Audio coming soon