1. putrakāmīyaḥ

Adhikarana pratij~jA (1) · Śloka 1

ಅಥಾತಃ ಪುತ್ರಕಾಮೀಯಮಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana puruShasya vivAhavayaH pariNayArthaM strINAM lakShaNa~jca (2) · Śloka 2

ಅಥ ಖಲು ಪುಮಾನೇಕವಿಂಶತಿವರ್ಷಃ ಕನ್ಯಾಮತುಲ್ಯಗೋತ್ರಾಂ ತುಲ್ಯಾಭಿಜನಾಮಸಞ್ಚಾರಿರೋಗಕುಲಪ್ರಸೂತಾಂ ರೂಪಶೀಲಲಕ್ಷಣಸಮ್ಪನ್ನಾಮನೂನಾಮವಿನಷ್ಟದನ್ತೌಷ್ಠಕರ್ಣನಾಸಾನಖಕೇಶಸ್ತನೀಂ ಮೃದುಮರೋಗಪ್ರಕೃತಿಮಕಪಿಲಾಮಪಿಙ್ಗಲಾಮಹೀನಾಧಿಕಾಙ್ಗೀಂ ದ್ವಾದಶವರ್ಷದೇಶೀಯಾಮಮರಭುಜಗಸರಿದಚಲವೃಕ್ಷಪಕ್ಷಿನಕ್ಷತ್ರಾನ್ತ್ಯಪ್ರೇಷ್ಯಭೀಷಣಕನಾಮಾನ್ಯನುದ್ವಹನ್ತೀಮನಘಾಮನಿನ್ದ್ಯಾಮಾನಿನ್ದ್ಯೇನ ವಿಧಿನೋದ್ವಹೇತ್||೨||

Adhikarana dampatyoH putrotpAdanavayaH (3) · Śloka 3

ತಸ್ಯಾಂ ಷೋಡಶವರ್ಷಾಯಾಂ ಪಞ್ಚವಿಂಶತಿವರ್ಷಃ ಪುರುಷಃ ಪುತ್ರಾರ್ಥಂ ಪ್ರಯತೇತ| ತದಾ ಹಿ ತೌ ಪ್ರಾಪ್ತವೀರ್ಯೌ ವೀರ್ಯಾನ್ವಿತಮಪತ್ಯಂ ಜನಯತಃ||೩||

Adhikarana nyUnAbdAbhyAM RutorAdyadinatraye shukrArtavadoShe ca garbhasambhave doShAH (4) · Śloka 4

ಊನಪಞ್ಚವಿಂಶತಿವರ್ಷೇಣೋನಷೋಡಶವರ್ಷಾಯಾಮಾಹಿತೋ ಗರ್ಭಃ ಕುಕ್ಷಿಸ್ಥ ಏವ ವಿನಾಶಮಾಪ್ನುಯಾದಲ್ಪಾಯುರ್ಬಲಾರೋಗ್ಯವಿಭವೋ ವಾ ಸ್ಯಾದ್ವಿಕಲೇನ್ದ್ರಿಯೋ ವಾ ಋತಾವಾದ್ಯೇ ಚ ರಾತ್ರಿತ್ರಯೇ ತಥಾ ದುಷ್ಟೇ ಶುಕ್ರಾರ್ತವ ಇತಿ||೪||

Adhikarana shukrotpattiH (5) · Śloka 5

ತತ್ರಾಹಾರಸ್ಯ ಸಮ್ಯಕ್ಪರಿಣತಸ್ಯ ಕ್ರಮಾನ್ಮಜ್ಜಾಜಮನುಪ್ರಾಪ್ತಸ್ಯ ಸಾರಃ ಶುಕ್ರಸಂಜ್ಞಾಂ ಲಭತೇ||೫||

Adhikarana shukrasya sthAnAni (6) · Śloka 6

ತತ್ತು ಕ್ಷೀರ ಇವ ಸರ್ಪಿರಿಕ್ಷುರಸ ಇವ ಗುಡಃ ಶರೀರೇ ಶುಕ್ರಧರಾಂ ಕಲಾಮಾಶ್ರಿತ್ಯಾಸ್ರುತಂ ಸರ್ವಾಙ್ಗವ್ಯಾಪಿತಯಾ ಸ್ಥಿತಮ್| ವಿಶೇಷತಶ್ಚ ಮಜ್ಜಮುಷ್ಕಸ್ತನೇಷು||೬||

Adhikarana shukrapravRuttau hetuH| (7) · Śloka 7

ಹರ್ಷೋದೀರಿತಂ ತು ಸಙ್ಘಟ್ಟನೇನ ಹೃದಯಾವೇಶಾತ್ ಪಿಣ್ಡೀಭೂತಮಙ್ಗಾದಙ್ಗಾತ್ ಪ್ರವರ್ತತೇ||೭||

Adhikarana garbhAdhAnayogyaM shukram| (8) · Śloka 8

ತತ್ ಸೌಮ್ಯಂ ಸ್ನಿಗ್ಧಂ ಗುರು ಶುಕ್ಲಂ ಮಧುಗನ್ಧಿ ಮಧುರಂ ಪಿಚ್ಛಿಲಂ ಬಹು ಬಹಲಂ ಘೃತತೈಲಕ್ಷೌದ್ರಾನ್ಯತಮವರ್ಣಂ ಚ ಶುಕ್ರಂ ಗರ್ಭಾಧಾನಯೋಗ್ಯಂ ಭವತಿ||೮||

Adhikarana ArtavalakShaNam| (9) · Śloka 9

ತಥಾ ರಕ್ತಮೇವ ಚ ಸ್ತ್ರೀಣಾಂ ಮಾಸೇ ಮಾಸೇ ಗರ್ಭಕೋಷ್ಠಮನುಪ್ರಾಪ್ಯ ತ್ರ್ಯಹಂ ಪ್ರವರ್ತಮಾನಮಾರ್ತವಮಿತ್ಯಾಹುಃ||೯||

Adhikarana asRugdarAdicikitsA| (10) · Śloka 10

ಅತಿಪ್ರಸಙ್ಗೇನಾನೃತಾವೃತೌ ವಾ ತದೇವಾಸೃಗ್ದರಂ ಪ್ರದರಂ ವ್ಯಾಪದಂ ಚ ರಕ್ತಯೋನಿಸಂಜ್ಞಾಂ ಲಭತೇ| ತತ್ಸಾಧನೇ ರಕ್ತಪಿತ್ತಚಿಕಿತ್ಸಿತಂ ಗುಹ್ಯರೋಗಪ್ರತಿಷೇಧಂ ಚೇಕ್ಷೇತ||೧೦||

Adhikarana ArtavApravRuttistaccikitsAsUtraM ca| (11) · Śloka 11

ವಾತಕಫಾವೃತಮಾರ್ಗಾಣಾಞ್ಚಾಪ್ರವರ್ತಮಾನಂ ಪಿತ್ತಲೈರುಪಾಚರೇತ್||೧೧||

Adhikarana raktagulmaH taccikitsAtideshashca| (12) · Śloka 12

ತದ್ಧಿ ವರ್ದ್ಧಮಾನಮನ್ತರ್ವರ್ತಮಾನಂ ಸಶುಕ್ರಮಶುಕ್ರಂ ವಾ ಜೀವರಹಿತಂ ವಾತಲಾನ್ಯಾಸೇವಮಾನಾಯಾ ಯೋಷಿತೋ ಗರ್ಭಲಿಙ್ಗಾನಿ ದರ್ಶಯದ್ ಗುಲ್ಮೀಭವತಿ| ತತ್ರ ಗುಲ್ಮಚಿಕಿತ್ಸಿತಮೀಕ್ಷೇತ||೧೨||

Adhikarana duShTArtavajanyaM vAtodarantaccikitsAsUtra~jca| (13) · Śloka 13

ಕದಾಚಿದ್ವಾ ಗರ್ಭ ಇವ ವಾತೋದರಂ ಭವತಿ ತದ್ವಾತೋಪಶಮನೈರುಪಶಾಮ್ಯತಿ||೧೩||

Adhikarana asRu~gnirodhe garbhabhramaH| (14) · Śloka 14

ತದೇವ ಕದಾಚಿದ್ ಆರ್ತವಂ ಸೌಮ್ಯೈರ್ಬೃಂಹಣಾತ್ಮಭಿರಾಹಾರವಿಹಾರೈಃ ಸ್ತಮ್ಭಿತಮನುಪದ್ರವಮೇವೋದರಂ ಗರ್ಭಾಧಿಷ್ಠಿತಮಿವ ವರ್ಧಯತಿ| ಯೇನ ತಾಮಗರ್ಭಾಂ ಗರ್ಭಿಣೀಮಾಹುರ್ಮೂಢಾಃ||೧೪||

Adhikarana garbhasya bhUtahatatvabhrAntiH| (15) · Śloka 15

ತತೋ ವಿರೀತೈರ್ಯದೃಚ್ಛಯಾ ವಾ ಪ್ರವೃತ್ತೇ ರಕ್ತೇ ಗರ್ಭಶರೀರಮಪಶ್ಯನ್ತೋ ಭೂತಹೃತಮಿತ್ಯಜ್ಞಾ ಬ್ರುವತೇ||೧೫||

Adhikarana rakShasAM sharIrApaharaNe~ashaktiH (16) · Śloka 16

ಯಸ್ಮಾತ್ ಸಮ್ಭವತ್ಯೋಜಸೋಽಪಹರಣಂ ರಕ್ಷೋಭಿರ್ನ ತು ಶರೀರಾಪಹರಣಮನಿಷ್ಟತ್ವಾದಶಕ್ತೇರ್ವಾ| ಇಚ್ಛಾಶಕ್ತ್ಯೋರ್ಹಿ ಪ್ರವೃತ್ತೇರುಪಲಬ್ಧಿಃ ನ ಚ ದೃಶ್ಯತೇ ಕಸ್ಯಚಿದಮಾನುಷೈರ್ದೇಹಾಪ್ರಹಾರಃ||೧೬||

Adhikarana AkShepapUrvako rakShobhiH sharIrApaharaNaniShedhaH| (17) · Śloka 17

ಯದಿ ಚ ದೃಷ್ಟಮಪಿ ಸಮುಲ್ಲಙ್ಘ್ಯ ಕೇಚಿದತಿಶಕ್ತಿಯುಕ್ತಾ ಗರ್ಭಸ್ಯ ಶರೀರಾಕ್ಷೇಪೇ ಪ್ರವರ್ತನ್ತೇ ತದಾ ಕಥಮಿವ ಪ್ರಾಪ್ತಾವಸರಾಸ್ತಜ್ಜನನೀಮುಪೇಕ್ಷೇರನ್||೧೭||

Adhikarana shuddhArtavalakShaNam| (18) · Śloka 18

ಆರ್ತವಂ ಪುನಃ ಶಶರುಧಿರಲಾಕ್ಷಾರಸೋಪಮಂ ಧೌತಞ್ಚ ವಿರಜ್ಯಮಾನಂ ಶುದ್ಧಮಾಹುಃ||೧೮||

Adhikarana strIpuMsayo rajaH shukrAdInAmanupalabdhikAlaH| (19) · Śloka 19

ಯಥಾ ಚ ಬಾಲಸ್ಯ ಜೀರ್ಣಸ್ಯ ವಾ ತರೋಃ ಪುಷ್ಪಫಲಂ ಪುಷ್ಪಫಲಸ್ಯ ವಾ ತದ್ವಿಧಸ್ಯ ಗನ್ಧೋ ನೋಪಲಭ್ಯತೇ ತಥೈವ ನೋನಷೋಡಶಾತೀತಸಪ್ತತಿವರ್ಷಸ್ಯ ಪುಂಸಃ ಶುಕ್ರರೋಮಾದಯೋ ಯೋಷಿತಶ್ಚೋನದ್ವಾದಶಾತೀತಪಞ್ಚಾಶದ್ವರ್ಷಾಯಾ ರಜಸ್ತನ್ಯಾದಯ ಇತಿ||೧೯||

Adhikarana shukrArtavayorA~a~apyAyanam| (20) · Śloka 20

ಅಥ ಶುದ್ಧಶುಕ್ರಾರ್ತವಮರೋಗಂ ಮಿಥೋಽನುರಕ್ತಂ ಮಿಥುನಮುಪಸ್ನೇಹ್ಯವಿಧಿವತ್ ಸಂಶೋಧ್ಯಾಸ್ಥಾಪನಾನುವಾಸನಾಭ್ಯಾಮುಪಾಚರೇತ್| ವಿಶೇಷತಸ್ತು ಘೃತಕ್ಷೀರವದ್ಭಿರ್ಮಧುರೌಷಧಸಂಸ್ಕಾರೈಃ ಪುರುಷಮ್, ತೈಲೇನ ನಾರೀಂ ಪಿತ್ತಲೈಶ್ಚ ಮಾಂಸೈಃ| ಏವಂ ಹಿ ಸಮಾನಗುಣತಯಾ ಶುಕ್ರಾರ್ತವಮಾಪ್ಯಾಯತೇ||೨೦||

Adhikarana garbhAsambhavakarAH shukradoShAH| (21) · Śloka 21

ವಾತಪಿತ್ತಶ್ಲೇಷ್ಮಕುಣಪಗನ್ಧಿಗ್ರನ್ಥಿಪೂಯಕ್ಷೀಣಮೂತ್ರಪುರೀಷರೇತಾಂಸಿ ತ್ವಬೀಜಾನಿ ಭವನ್ತಿ||೨೧||

Adhikarana vAtAdiduShTasya shukrasya lakShaNAni| (22) · Śloka 22

ತತ್ರ ತನು ರೂಕ್ಷಂ ಫೇನಿಲಮರುಣಮಲ್ಪಂ ವಿಚ್ಛಿನ್ನಂ ಸರುಜಂ ಚಿರಾಚ್ಚ ನಿಷಿಚ್ಯತೇ ವಾತೇನ| ಕಿಞ್ಚಿತ್ ಪೀತಮಪಿಚ್ಛಿಲಮಾನೀಲಂ ವಾ ದಹದಿವ ಪ್ರವರ್ತತೇ ಪಿತ್ತೇನ| ಮಜ್ಜೋಸಂಸೃಷ್ಟಂ ಪ್ರಭೂತಂ ವಿಬದ್ಧಂ ಚಾಮ್ಭಸಿ ಚ ಕಿಞ್ಚಿನ್ಮಜ್ಜತಿ ಶ್ಲೇಷ್ಮಣಾ| ಕುಣಪಗನ್ಧ್ಯನಲ್ಪಂ ರಕ್ತೇನ| ಗ್ರನ್ಥಿಭೂತಂ ವಾತಶ್ಲೇಷ್ಮಭ್ಯಾಮ್| ಪೂತಿ ಪೂಯನಿಭಂ ಪಿತ್ತಶ್ಲೇಷ್ಮಭ್ಯಾಮ್| ಕ್ಷೀಣಂ ವಾತಪಿತ್ತಾಭ್ಯಾಮ್| ತದುಕ್ತಂ ಸಸಾಧನಂ ಪ್ರಾಕ್| ಮೂತ್ರಪುರೀಷಗನ್ಧಿ ಸನ್ನಿಪಾತೇನ||೨೨||

Adhikarana duShTArtavalakShaNAtideshaH duShTashukrArtavayoH sAdhyatvAdi ca| (23) · Śloka 23

ಆರ್ತವಮಪಿ ಶುಕ್ರವದ್ ದೋಷೈರುಪಸೃಷ್ಟಮಬೀಜಮೇವ| ತಸ್ಯ ಲಿಙ್ಗಂ ನಾಮ ಚ ಪೂರ್ವವತ್| ತೇಷು ಕುಣಪಗ್ರನ್ಥಿಪೂಯಕ್ಷೀಣರೇತಾಂಸಿ ಕೃಚ್ಛ್ರಸಾಧ್ಯಾನಿ| ಮೂತ್ರಪುರೀಷಶುಕ್ರಾರ್ತವಂ ತ್ವಸಾಧ್ಯಂ ಕುಣಪಗ್ರನ್ಥಿಪೂಯಾರ್ತವಂ ಚ||೨೩||

Adhikarana vAtAditriduShTayoH shukrArtavadoShayoshcikitsAtideshaH| (24) · Śloka 24

ತತ್ರಾದ್ಯಾಂಸ್ತ್ರೀನ್ ಶುಕ್ರಾರ್ತ್ತವದೋಷಾನ್ ಯಥಾಸ್ವಂ ದೋಷಸಾಧನೇನ ಸಾಧಯೇತ್| ಗುಹ್ಯಯೋನಿರೋಗಪ್ರತಿಷೇಧೇನ ಚೋಭಯಾನ್||೨೪||

Adhikarana vAtikashukradoShe cikitsAvisheShaH| (25) · Śloka 25

ಅಪಿ ಚ-- ವಾತಿಕೇ ಶುಕ್ರದೋಷೇ ವಸುಕಸೈನ್ಧವಫಲಾಮ್ಲಸಿದ್ಧಂ ಯವಕ್ಷಾರಪ್ರತೀವಾಪಂ ಸರ್ಪಿಷ್ಪಾನಮ್| ಬಿಲ್ವವಿದಾರೀಸಿದ್ಧಂ ಕ್ಷೀರಯುಕ್ತಮಾಸ್ಥಾಪನಮ್| ಮಧುಕಭದ್ರದಾರುಸಿದ್ಧಂ ತೈಲಮನುವಾಸನಂ ಕ್ಷೀರಕುಲೀರರಸಸಿದ್ಧಂ ತೈಲಮುತ್ತರಬಸ್ತಿಃ||೨೫||

Adhikarana paittikashukradoShe cikitsAvisheShaH| (26) · Śloka 26

ಪೈತ್ತಿಕೇ ಕಾಣ್ಡೇಕ್ಷುಶ್ವದಂಷ್ಟ್ರಾಗುಡೂಚೀಸಿದ್ಧಂ ಮೂರ್ವಾಮಧೂಕಪ್ರತೀವಾಪಂ ಸರ್ಪಿಷ್ಪಾನಮ್| ತ್ರಿವೃಚ್ಚೂರ್ಣಃ ಸಘೃತೋ ವಿರೇಕಃ| ಪಯಸ್ಯಾಶ್ರೀಪರ್ಣೀಸಿದ್ಧಂ ಕ್ಷೀರಯುಕ್ತಮಾಸ್ಥಾಪನಮ್| ಮಧುಕಮುದ್ಗಪರ್ಣೀಸಿದ್ಧಂ ತೈಲಮನುವಾಸನಮುತ್ತರಬಸ್ತಿಶ್ಚ||೨೬||

Adhikarana shlaiShmikashukradoShe cikitsAvisheShaH| (27) · Śloka 27

ಶ್ಲೈಷ್ಮಿಕೇ ಪಾಷಾಣಭೇದಾಽಶ್ಮನ್ತಕಾಽಽಮಲಕಕ್ವಾಥಸಿದ್ಧಂ ಪಿಪ್ಪಲೀಮಧುಕಚೂರ್ಣಪ್ರತೀವಾಪಂ ಸರ್ಪಿಷ್ಪಾನಮ್| ಮದನಫಲಕಷಾಯೋ ವಮನಮ್| ದನ್ತೀವಿಡಙ್ಗಚೂರ್ಣಸ್ತೈಲಲೀಢೋ ವಿರೇಕಃ| ರಾಜವೃಕ್ಷಮದನಫಲಕಷಾಯಪ್ರಗಾಢಮಾಽಽಸ್ಥಾಪನಮ್| ಮಧುಕಪಿಪ್ಪಲೀಸಿದ್ಧಂ ತೈಲಮನುವಾಸನಮುತ್ತರಬಸ್ತಿಶ್ಚ||೨೭||

Adhikarana vAtajArttavadoShe cikitsAvisheShaH| (28) · Śloka 28

ವಾತಜೇ ಪುಷ್ಪದೋಷೇ ಭಾರ್ಙ್ಗೀಮಧುಕಭದ್ರದಾರುಸಿದ್ಧಂ ಸರ್ಪಿಷ್ಪಾನಮ್| ಕಾಶ್ಮರ್ಯ್ಯಕ್ಷುದ್ರಸಹಾಸಿದ್ಧಂ ವಾ ಕ್ಷೀರಮ್| ಮಧುಕಶೃಗಾಲವಿನ್ನಾಕಲ್ಕಂ ಪಯಸ್ಸರ್ಪಿಸ್ಸಹಿತಂ ಪ್ರಿಯಙ್ಗುತಿಲಕಲ್ಕಂ ವಾ ಯೋನೌ ಧಾರಯೇತ್| ಸರಲಮುದ್ಗಪರ್ಣೀಕಷಾಯಃ ಪ್ರಕ್ಷಾಲನಮ್||೨೮||

Adhikarana pittajArtavadoShe cikitsAvisheShaH| (29) · Śloka 29

ಪಿತ್ತಜೇ ಕಾಕೋಲೀದ್ವಯವಿದಾರೀಮೂಲಕ್ವಾಥಮುತ್ಪಲಪದ್ಮಕಕ್ವಾಥಂ ಮಧೂಕಪುಷ್ಪಕಾಶ್ಮರ್ಯ್ಯಫಲಕ್ವಾಥಂ ವಾ ಸಶರ್ಕರಂ ಪಿಬೇತ್| ಶ್ವೇತಚನ್ದನಕ್ವಾಥಂ ವಾ ಸಕ್ಷೌದ್ರಮ್| ಧವಧಾತಕೀಕಲ್ಕಂ ವಾ ಘೃತೇನ ವಾ ಮಧುಕಮಧುರಸಾಮೃದ್ವೀಕಾಕಲ್ಕಮ್| ಶಮ್ಯಾಕಗವಾಕ್ಷೀಕ್ಷೀರಂ ವಿರೇಕಃ| ಚನ್ದನಪಯಸ್ಯಾಕಲ್ಕಂ ಯೋನೌ ಧಾರಯೇತ್| ಗೌರಿಕಾರಿಷ್ಟಕಷಾಯಃ ಪ್ರಕ್ಷಾಲನಮ್||೨೯||

Adhikarana shlaiShmikArttavadoShe cikitsAvisheShaH| (30) · Śloka 30

ಶ್ಲೈಷ್ಮಿಕೇ ಕುಟಜಕಟುಕಾಶ್ವಗನ್ಧಾಕ್ವಾಥಂ ಪಿಬೇತ್| ಸಮಾಕ್ಷಿಕಂ ವಾ ಕ್ಷೀರಿವೃಕ್ಷಪ್ರವಾಲಕ್ವಾಥಮ್| ಏತೇಷಾಮೇವ ವಾ ಚೂರ್ಣಂ ಮಧುಘೃತಾಭ್ಯಾಂ ಲಿಹ್ಯಾತ್| ಮದನಫಲಕಷಾಯೇಣ ವಮನಮ್| ತತ್ಕಲ್ಕಮೇವ ಚ ಯೋನೌ ಧಾರಯೇತ್| ಲೋಧ್ರತಿನ್ದುಕಕಷಾಯಃ ಪ್ರಕ್ಷಾಲನಂ ಬಸ್ತಮೇಷಮೂತ್ರಂ ವಾ||೩೦||

Adhikarana kuNaparetasi cikitsA| (31) · Śloka 31

ಕುಣಪರೇತಸಿ ಧಾತಕೀಪುಷ್ಪಖದಿರಾರ್ಜುನದಾಡಿಮೈಃ ಸಿದ್ಧಮಸನಾದಿಭಿರ್ವಾ ಸರ್ಪಿಃ ಪಾಯಯೇತ್||೩೧||

Adhikarana granthiretasi cikitsA| (32) · Śloka 32

ಗ್ರನ್ಥಿರೇತಸಿ ಪಾಷಾಣಭೇದಾ ಪಲಾಶಭಸ್ಮನಾ ವಾ||೩೨||

Adhikarana pUyaretasi cikitsA| (33) · Śloka 33

ಪೂಯರೇತಸಿ ಪರುಷಕಾದಿನ್ಯಗ್ರೋಧಾದಿಭ್ಯಾಮ್||೩೩||

Adhikarana mUtrapurISharetasi cikitsA| (34) · Śloka 34

ಮೂತ್ರಪುರೀಷರೇತಸಿ ವಾಯುನಾತಿವಿಕೃತೇ ಹಿಙ್ಗೂಶೀರಚಿತ್ರಕೈರಥವಾ ಚಿತ್ರಕವಿತುನ್ನಕಪ್ರಿಯಙ್ಗುಸಮಙ್ಗಾಮೃಣಾಲಸಿದ್ಧಮ್ ಏಲಾಮೋಚಚೂರ್ಣಪ್ರತೀವಾಪಮ್||೩೪||

Adhikarana granthyArtave cikitsA| (35) · Śloka 35

ತಥ ಗ್ರನ್ಥ್ಯಾರ್ತ್ತವೇ ಪಾಠಾತ್ರಿಕಣ್ಟಕವೃಕ್ಷಕಕ್ವಾಥಮ್||೩೫||

Adhikarana kuNapapUyArttave cikitsA| (36) · Śloka 36

ಕುಣಪಪೂಯಾರ್ತ್ತವೇ ಚನ್ದನಕ್ವಾಥಂ ಪಿಬೇತ್| ತ್ರಿಫಲಾಕಲ್ಕಕ್ವಾಥೌ ಚಾತ್ರ ಧಾರಣಾಚಮನೇ||೩೬||

Adhikarana shukrArttavadoSheShu sAmAnyA cikitsA| (37) · Śloka 37

ಸರ್ವೇಷು ಚ ಶುಕ್ರಾರ್ತ್ತವದೋಷೇಷು ಸ್ತ್ರೀಪುಂಸೌ ಸ್ನೇಹಾದಿಕರ್ಮಭಿರ್ವಿಶೇಷೇಣ ಚೋತ್ತರಬಸ್ತಿಭಿಃ ಪುನಃ ಪುನರುಪಾಚರೇತ್| ಯಥಾಸ್ವಂ ಚ ಯೋನೌ ಕಲ್ಕೈಃ ಪಿಚುಭಿಶ್ಚ| ಇತ್ಯೇವಂ ವಿಶುದ್ಧಶುಕ್ರಾರ್ತ್ತವೌ ಪೂರ್ವೋಕ್ತಂ ವಿಧಿಮಾಸೇವೇತಾಮ್||೩೭||

Adhikarana RutukAlaH tatra matAntarANi ca| (38) · Śloka 38

ಋತುಸ್ತು ದೃಷ್ಟಾರ್ತ್ತವೋ ದ್ವಾದಶರಾತ್ರಂ ಭವತಿ| ಷೋಡಶರಾತ್ರಮಿತ್ಯನ್ಯೇ| ಶುದ್ಧಯೋನಿಗರ್ಭಾಶಯಾರ್ತ್ತವಾಯಾ ಮಾಸಮಪಿ ಕೇಚಿತ್| ತದ್ವದದೃಷ್ಟಾರ್ತ್ತವೋಽಪ್ಯಸ್ತೀತ್ಯಪರೇ||೩೮||

Adhikarana RutumatyA lakShaNam| (39) · Śloka 39

ಕ್ಷಾಮಪ್ರಸನ್ನವದನಾಂ ಸ್ಫುರಚ್ಛ್ರೋಣಿಪಯೋಧರಾಮ್| ಸ್ರಸ್ತಾಕ್ಷಿಕುಕ್ಷಿಂ ಪುಂಸ್ಕಾಮಾಂ ವಿನ್ದ್ಯಾದೃತುಮತೀಂ ಸ್ತ್ರಿಯಮ್||೩೯||

Adhikarana RutAvatIte garbhAsambhavasya hetuH| (40) · Śloka 40

ಪದ್ಮಂ ಸಙ್ಕೋಚಮಾಯಾತಿ ದಿನೇಽತೀತೇ ಯಥಾ ತಥಾ| ಋತಾವತೀತೇ ಯೋನಿಃ ಸ್ಯಾಚ್ಛುಕ್ರಂ ನಾತಃ ಪ್ರತೀಚ್ಛತಿ||೪೦||

Adhikarana Arttavasa~jcayakAlaH vAyorArttavaprartakattva~jca| (41) · Śloka 41

ಮಾಸೇನೋಪಚಿತಂ ರಕ್ತಂ ಧಮನೀಭ್ಯಾಮೃತೌ ಪುನಃ| ಈಷತ್ಕೃಷ್ಣಂ ವಿಗನ್ಧಂ ಚ ವಾಯುರ್ಯೋನಿಮುಖಾನ್ನುದೇತ್||೪೧||

Adhikarana RutumatyA niyamAH| (42) · Śloka 42

ತತಃ ಪುಷ್ಪದರ್ಶನಿ ಪ್ರಥಮದಿವಸಾತ್ಪ್ರಭೃತಿ ಬ್ರಹ್ಮಚಾರಿಣೀ, ಸ್ನಾನಾದ್ಯಲಙ್ಕಾರರಹಿತಾ, ದರ್ಭಸಂಸ್ತರಶಾಯಿನೀ ತ್ರಿರಾತ್ರಮಾಸೀತ| ಪರ್ಣಶರಾವಕರತಲಾನ್ಯತಮೇನ ಯಾವಕಂ ಪಯಸಾ ಸಿದ್ಧಮಲ್ಪಂ ಕರ್ಶನಾರ್ಥಮ್ ಅಶ್ನೀಯಾತ್| ತೀಕ್ಷ್ಣೋಷ್ಣಾಽಮ್ಲಲವಣಾನಿ ಚ ವರ್ಜಯೇತ್||೪೨||

Adhikarana RutusnAtAyAH prathamabhartRudarshanavidhiH tatra hetushca| (43) · Śloka 43

ಚತುರ್ಥೇಽಹನ್ಯುದ್ವರ್ತ್ತಿತಾ ಶೀತಸಲಿಲಸ್ನಾತಾಽನುಲಿಪ್ತಾಽಲಙ್ಕೃತಾ ಶುಕ್ಲಮಾಲ್ಯಾಮ್ಬರಾ ಕೃತಮಙ್ಗಲಸ್ವಸ್ತ್ಯಯನೈವಂವಿಧಮೇವಂ ಭರ್ತ್ತಾರಂ ಪಶ್ಯೇದನನ್ಯಮನಾಃ| ತದಾ ಹಿ ಯಾದೃಶಮೇವ ಪಶ್ಯತಿ ಚಿನ್ತಯತಿ ವಾ ತಾದೃಶಂ ಪ್ರಸೂತ ಇತಿ||೪೩||

Adhikarana gunavatputrArthI saptarAtramupekSheta| (44) · Śloka 44

ತತಃ ಸ್ನಾನಾತ್ ಪುನರಪಿ ಗುಣವತ್ ಪುತ್ರಾರ್ಥೀ ತ್ರಿರಾತ್ರಮ್ ಉಪೇಕ್ಷೇತ| ಪುಷ್ಪದರ್ಶನಾತ್ ಸಪ್ತರಾತ್ರಮ್||೪೪||

Adhikarana yugmAsu putrakAmaH saMvishet| (45) · Śloka 45

ಅಥಾಷ್ಟಮ್ಯಾಂ ದಶಮ್ಯಾಂ ದ್ವಾದಶ್ಯಾಂ ವಾ ರಾತ್ರೌ ಪುತ್ರಕಾಮಃ ಸಂವಿಶೇತ್||೪೫||

Adhikarana ayugmAsu duhitRukAmaH saMvishet| (46) · Śloka 46

ಪಞ್ಚಮ್ಯಾಂ ಸಪ್ತಮ್ಯಾಂ ನವಮ್ಯಾಂ ವಾ ದುಹಿತೃಕಾಮಃ||೪೬||

Adhikarana prashastarAtriShUttarottarA rAtrayaH prashastatarAH| (47) · Śloka 47

ತಾಸೂತ್ತರೋತ್ತರಮಾಯುರಾರೋಗ್ಯೈಶ್ವರ್ಯ್ಯಸೌಭಾಗ್ಯಬಲವರ್ಣೇನ್ದ್ರಿಯಸಮ್ಪದಪತ್ಯಸ್ಯ ಭವತಿ| ಅತಃ ಪರಂ ತೂತ್ತರೋತ್ತರಮೇವಾಯುರಾದೀನಾಂ ಹ್ರಾಸಃ||೪೭||

Adhikarana strIpuMgarbhasambhave upapattiH| (48) · Śloka 48

ತತ್ರ ಯುಗ್ಮಾಸು ರಾತ್ರಿಷ್ವಲ್ಪೀಭವತ್ಯಾರ್ತ್ತವಮಯುಗ್ಮಾಸ್ವಾಪ್ಯಾಯ್ಯತೇ| ತಸ್ಮಾತ್ತಾಸು ಕ್ರಮಾತ್ ಪುತ್ರಸ್ಯ ದುಹಿತುಶ್ಚ ಜನ್ಮ| ಅತಏವ ಚಾನುಪರತಾರ್ತ್ತವದರ್ಶನಾಂ ಪುತ್ರಾರ್ಥೀ ವಿಪ್ರಕೃಷ್ಟೇಷ್ವಪ್ಯಹಸ್ತು ನೋಪೇಯಾತ್||೪೮||

Adhikarana AhArAvashAdyugmAyugmAsu shukrasya nyUnAdhikye durapatyatA| (49) · Śloka 49

ಯದಿ ತ್ವಾಹಾರನುರೋಧಾದಯುಗ್ಮಾಸು ಶುಕ್ರಸ್ಯಾಧಿಕತಾ ಚ ನ್ಯೂನತಾ ಸ್ಯಾತ್ತತಃ ಪುಮಾನ್ ಸ್ತ್ರ್ಯಾಕೃತಿರ್ದುರ್ಬಲೋ ಹೀನಾಙ್ಗೋ ವಾ ಜಾಯತೇ| ಸ್ತ್ರೀ ಚ ಪುರುಷಾಕೃತಿರ್ದುರ್ಬಲಾ ಹೀನಾಙ್ಗೀ ವಾ||೪೯||

Adhikarana klIbA~apratyatAyAH kAraNam| (50) · Śloka 50

ಏಕಾದಶೀತ್ರಯೋದಶ್ಯೋಸ್ತು ನಪುಂಸಕಂ ಸ್ಯಾತ್||೫೦||

Adhikarana putrIyaM vidhAnAdi| (51) · Śloka 51

ಅಥೋಪಾಧ್ಯಾಯಃ ಪುತ್ರೀಯಂ ವಿಧಾನಮಾಚರೇತ್| ಶೂದ್ರಾಯಾಸ್ತು ಮನ್ತ್ರವರ್ಜಿತಮ್| ಯಾದೃಶಂ ಚ ಪುತ್ರಮಾಶಾಸೀತ ತದ್ರೂಪವರ್ಣಚರಿತಾಞ್ಜನಪದಾನನುಚಿನ್ತಯೇತಿ ಸ್ತ್ರೀ ವಾಚ್ಯಾ ಚ| ತಜ್ಜನಪದಾಹಾರವಿಹಾರೋಪಚಾರಪರಿಚ್ಛದಾಂಶ್ಚಾನುವಿದಧೀತ್||೫೧||

Adhikarana putrIyavidhyanuShThAnAtparaM dampatyoshcaryyA| (52) · Śloka 52

ಕರ್ಮಾನ್ತೇ ಚ ಪುಮಾನ್ ಮಾಸಂ ಬ್ರಹ್ಮಚಾರೀ ಸರ್ಪಿಃಕ್ಷೀರಾಭ್ಯಾಂ ಶಲ್ಯೋದನಮಭಿಪ್ರಾಶ್ಯ ನಾತ್ಯಾಽಽಶಿತಃ ಸುಖೀ ಸ್ರಗ್ವೀ ಸುಮನಾಃ ಪ್ರೀಣೀತಾಙ್ಗಃ ಶುಕ್ಲನಿವಸನೋ ಮೌಹೂರ್ತಿಕಾನುಮತೇ ರಾತ್ರಿಭಾಗೇ ಕಲ್ಯಾಣಾನಿ ಚಿನ್ತಯಾಸ್ತದಭಿಕಾಮಃ ಸ್ವಾಸ್ತೀರ್ಣಂ ಶಯನಂ ದಕ್ಷಿಣೇನ ಪಾದೇನ ಪ್ರಾಗಾರೋಹೇತ್| ತದ್ವಿಧೈವ ಚ ಪ್ರಮದಾ ಕರ್ಶಿತಾಙ್ಗೀ ತೈಲಮಾಷೋತ್ತರಾಹಾರಾ, ಪೂರ್ವಂ ವಾಮಪಾದೇನ ಪುರುಷಸ್ಯ ದಕ್ಷಿಣತಃ ಶಯ್ಯಾಮಧಿರೋಹೇತ್||೫೨||

Adhikarana shayyAdhirohaNe prayojyamantrAH| (53) · Śloka 53

ತತ್ರ ಮನ್ತ್ರಂ ಪ್ರಯುಞ್ಜೀತ-- 'ಆಯುರಸಿ, ಸರ್ವತಃ ಪ್ರತಿಷ್ಠಾಸಿ, ಧಾತಾ ತ್ವಾ ದಧಾತು, ವಿಧಾತಾ ತ್ವಾ ದಧಾತು, ಬ್ರಹ್ಮವರ್ಚಸಾ ಭವ ಇತಿ| ಬ್ರಹ್ಮಾ ಬೃಹಸ್ಪತಿರ್ವಿಷ್ಣುಃ ಸೋಮಸೂರ್ಯಸ್ತಥಾಽಶ್ವಿನೌ| ಭಗೋಽಥ ಮಿತ್ರಾವರುಣೌ ವೀರಂ ದಧತು ಮೇ ಸುತಮ್||೫೩||

Adhikarana saMveshanaprakArastaduttarakRutya~jca| (54) · Śloka 54

ತತಃ ಪರಸ್ಪರಂ ಸಾಮಭಿರಭಿಸಾನ್ತ್ವ್ಯ ಸಹರ್ಷಮನುಕೂಲಂ ಸಂವಿಶೇತಾಮ್| ಪರ್ಯಾಪ್ತೇ ಚೈನಾಂ ಶೀತೋದಕೇನ ಸಹಸಾ ಪರಿಷಿಞ್ಚೇತ್||೫೪||

Adhikarana maithune~ayogyau strIpuruShau (55) · Śloka 55

ತತ್ರಾಽತ್ಯಾಶಿತಾ, ಕ್ಷುಧಿತಾ, ಪಿಪಾಸಿತಾ, ಭೀತಾ, ವಿಮನಾಃ, ಶೋಕಾರ್ತ್ತಾ, ಕ್ರುದ್ಧಾಽತಿಮೇದುರಾಽನ್ಯಕಾಮಾಽವ್ಯವಾಯಕಾಮಾ ವಾ ನ ಗರ್ಭಂ ಧತ್ತೇ, ವಿಗುಣಂ ವಾ| ತಥಾ ಪುರುಷೋಽಪಿ| ನ ಚಾಸೌ ಅಧಸ್ತಿಷ್ಠೇತ್| ತಥಾ ಹಿ ಸ್ತ್ರೀಚೇಷ್ಟಃ ಪುಮಾಞ್ಜಾಯತೇ, ಪುಂಶ್ಚೇಷ್ಟಾ ವಾ ಸ್ತ್ರೀ||೫೫||

Adhikarana nyubjapArshvagatastrIsevananiShedhAdi (56) · Śloka 56

ನ ಚ ನ್ಯುಬ್ಜಾಂ ವಾ ಸೇವೇತ| ನ್ಯುಬ್ಜಾಯಾಂ ವಾತೋ ಬಲವಾನ್ ಸ ಯೋನಿಂ ಪೀಡಯತಿ| ದಕ್ಷಿಣಪಾರ್ಶ್ವಗತಾಯಾಃ ಶ್ಲೇಷ್ಮಾ ಪೀಡಿತಶ್ಚ್ಯುತಃ ಪಿದಧಾತಿ ಗರ್ಭಾಶಯಮ್| ವಾಮಪಾರ್ಶ್ವಗತಾಯಾಸ್ತದ್ವತ್ ಪಿತ್ತಂ ವಿದಹತಿ ರಕ್ತಶುಕ್ರೇ| ತಸ್ಮಾದುತ್ತಾನಂ ಬೀಜಂ ಗೃಹ್ಣೀಯಾತ್| ತಥಾ ಹಿ ಯಥಾಸ್ಥಾನಮೇವ ತಿಷ್ಠನ್ತಿ ದೋಷಾಃ||೫೬||

Adhikarana puMsavanakAlaH matAntarANi ca (57) · Śloka 57

ಲಬ್ಧಗರ್ಭಾಂ ಚೈನಾಂ ವಿದಿತ್ವಾ, ಪ್ರಾಗ್ವ್ಯಕ್ತೀಭಾವಾದ್ಗರ್ಭಸ್ಯ ಪುಷ್ಯೇ ಪುಂಸವನಾನಿ ಪ್ರಯುಞ್ಜೀತ| ದ್ವಾದಶರಾತ್ರಮಿತ್ಯನ್ಯೇ| ತತ್ರಾಪಿ ಯುಗ್ಮದಿನೇಷ್ವಿತಿ ಕೇಚಿತ್| ಪ್ರತ್ಯಹಮಿತ್ಯಪರೇ||೫೭||

Adhikarana puMsavanavidhiH (58) · Śloka 58

ತದ್ಯಥಾ-- ಲಕ್ಷ್ಮಣಾ-ವಟಶ್ರೃಙ್ಗ-ಸಹದೇವಾ-ವಿಶ್ವ-ದೇವಾನಾಮ-ನ್ಯತಮಾಂ ಕ್ಷೀರೇಽಭಿಷುತ್ಯ ತ್ರೀಶ್ಚತುರೋ ವಾ ಬಿನ್ದೂನ್ ದಕ್ಷಿಣೇ ನಾಸಾಪುಟೇ ಸ್ವಯಮಾಸಿಞ್ಚೇತ್ ಪಿಚುನಾ| ವಾಮೇ ತು ದುಹಿತೃಕಾಮಾ| ನ ಚೈತಾನ್ ನಿಷ್ಠೀವೇತ್| ತಥಾ ಪುಷ್ಯೋದ್ಧೃತಾಯಾಃ ಶ್ವೇತಬೃಹತ್ಯಾ ಮೂಲಕಲ್ಕಾದ್ರಸಂ ನಾವಯೇತ್| ತದ್ವಚ್ಚೋತ್ಪಲಪತ್ರಂ ಕುಮುದಪತ್ರಂ ಲಕ್ಷ್ಮಣಾಮೂಲಂ ವಟಶೃಙ್ಗಾಣಿ ಚಾಷ್ಟೌ ಚ ನಾವಯೇತ್| ಶುಕ್ಲ-ಮಾಲ್ಯಾಮ್ಬರಧರಾ ಚ ನಾರೀ ಪುಷ್ಯೋದ್ಧೃತಾಯಾ ಲಕ್ಷ್ಮಣಾಯಾ ಮೂಲಕಲ್ಕಮುದುಮ್ಬರಮಾತ್ರಂ ಪಯಸಾ ಪಿಬೇತ್ ಪುತ್ರಸ್ಯೋತ್ಪಾದನಾಯ ಸ್ಥಿತಯೇ ಚ| ತದ್ವದ್ಗೌರದಣ್ಡಮಪಾಮಾರ್ಗಂ ಜೀವಕರ್ಷಭಕೌ ಶಙ್ಖಪುಷ್ಪೀಮಧ್ಯದಣ್ಡಾಂ ಸಹಚರಂ ನಗ್ನಜಿತಮಗ್ನಿಜಿಹ್ವಾಮಷ್ಟೌ ವಾ ವಟಶ್ರೃಙ್ಗಾನಿ| ಶಾಲಿಪಿಷ್ಟಸ್ಯ ಚ ಪಚ್ಯಮಾನಸ್ಯೋಷ್ಮಾಣಮಾಘ್ರಾಯ ತದ್ರಸಂ ದೇಹಲ್ಯಾಂ ಸ್ಥಿತಾ ಪೂರ್ವವನ್ನಾವಯೇತ್| ಯಚ್ಚಾನ್ಯದಪಿ ಬ್ರಾಹ್ಮಣಾ ವೃದ್ಧಸ್ತ್ರಿಯೋ ವಾ ಬ್ರೂಯುಸ್ತಚ್ಚ ಕುರ್ಯಾತ್||೫೮||

Adhikarana garbhasthApanAni (59) · Śloka 7

ತತಃ ಪ್ರಜಾಸ್ಥಾಪನಾಖ್ಯಾ ದಶೌಷಧೀಃ ಶಿರಸಾ ದಕ್ಷಿಣೇನ ಚ ಪಾಣಿನಾ ಧಾರಯೇತ್| ಏತಾಭಿಶ್ಚ ಸಿದ್ಧಂ ಪಯೋ ಘೃತಂ ವಾ ಪಿಬೇತ್| ಏತಾಭಿರೇವ ಪುಷ್ಯೇ-ಪುಷ್ಯೇ ಸ್ನಾಯಾತ್| ಸದಾ ಚ ಸಮಾಲಭೇತ| ತಥಾ ಸರ್ವಾಸಾಂ ಜೀವನೀಯಾನಾಮೌಷಧೀನಾಂ ಸದೋಪಯೋಗಸ್ತೈರ್ವಿಧಾನೈಃ| ಇತಿ ಗರ್ಭಸ್ಥಾಪನಾನಿ| ಸೌಮ್ಯಾಕೃತಿವಚನೋಪಚಾರಚೇಷ್ಟಾಶ್ಚ ಪ್ರಿಯಹಿತಾನುವರ್ತಿನಃ ಪರಿಚಾರಕಾಸ್ತಥಾ ಭರ್ತೇತಿ||೭||

Adhikarana punarupagamananiShedhakAlaH (60) · Śloka 60

ಪುನಶ್ಚೈನಾಂ ಮಾಸಾದುಪೇಯಾತ್||೬೦||

Adhikarana garbhasya varNavisheShahetavaH (61) · Śloka 61

ತತ್ರ ಶುಕ್ರೇ ಶುಕ್ಲೇ ಘೃತಮಣ್ಡಾಭೇ ವಾ ಗರ್ಭಸ್ಯ ಗೌರತ್ವಮ್| ತೈಲಾಭೇ ಕೃಷ್ಣತ್ವಮ್| ಮಧ್ವಾಭೇ ಶ್ಯಾಮತ್ವಮ್| ತಥಾ ಕ್ಷೀರಾದಿಮಧುರಾಣಾಮುಪಯೋಗಾತ್ ಮಾತುರುದಕವಿಹಾರಾಚ್ಚ ಗೌರತಾ| ತಿಲಾನ್ನವಿದಾಹಿನಾಂ ಕೃಷ್ಣತಾ| ವ್ಯಾಮಿಶ್ರಾಣಾಂ ಶ್ಯಾಮತಾ| ದೇಶಕುಲಾನುವೃತ್ತಿತಶ್ಚ ವರ್ಣಭೇದಃ| ತಥಾ ತೇಜೋಧಾತೋರುದಕಾಽಽಕಾಶಧಾತುಸಮ್ಪರ್ಕಾದ್ಗೌರತಾ, ಭೂವಾಯುಸಮ್ಪರ್ಕಾತ್ ಕೃಷ್ಣತಾ, ಸರ್ವಧಾತುಸಾಮ್ಯೇ ಶ್ಯಾಮತಾ||೬೧||

Adhikarana garbhasya sattvavisheShakarANi (62) · Śloka 62

ಸತ್ತ್ವವಿಶೇಷಕರಾಣಿ ಪುನರ್ಮಾತಾಪಿತೃಸತ್ತ್ವಾದಯೋಽನ್ತರ್ವತ್ನ್ಯಾಃ ಶ್ರುತಯಶ್ಚಾಭೀಕ್ಷ್ಣಂ ಸ್ವೋಪಚಿತಂ ಚ ಕರ್ಮ ಭವತಿ| ಪೂರ್ವಾಭ್ಯಾಸಶ್ಚೇತಿ||೬೨||

Adhikarana adhyAyopasaMhAraH (63) · Śloka 63

ಭವನ್ತಿ ಚಾತ್ರ||೬೩||

Adhikarana Arttavasya bahvalpakAlasthitau hetuH (64) · Śloka 64

ಘೃತಕ್ಷೀರಾದಿನಿತ್ಯಾಸು ಮುದಿತಾಸು ಕಫಾತ್ಮಸು| ಆರ್ತ್ತವಂ ತಿಷ್ಠತಿ ಚಿರಂ ವಿಪರೀತಾಸ್ವತೋಽನ್ಯಥಾ||೬೪||

Adhikarana shuddhe garbhAshaye bIjanipAtAdeva garbhagrahaNam (65) · Śloka 65

ನಿಪಾತಾದೇವ ಗೃಹ್ಣಾತಿ ರಾಗಂ ವಾಸೋ ಯಥಾಽಮಲಮ್| ಧ್ರುವಂ ಗರ್ಭಂ ತಥಾ ಬೀಜಂ ಕ್ಷೇತ್ರಂ ಬೀಜಮುಪಸ್ಕೃತಮ್||೬೫||

Adhikarana garbhali~ggAbdivyakteH pUrvameva puMsavanasya anuShTheyatvam (66) · Śloka 66

ಅವಿರುದ್ಧೇ ಧ್ರುವಂ ದೈವ ಕಾಲೇ ಯುಕ್ತಸ್ಯ ಕರ್ಮಣಃ| ಸಿದ್ಧಿಃ ಪುಂಸವನಾದ್ಯಸ್ಮಾತ್ಪೂರ್ವಂ ವ್ಯಕ್ತೇಃ ಪ್ರಯೋಜಯೇತ್||೬೬||

Adhikarana puMsavanAdividhinA jAtAnAM putrANAM sadguNatvam (67) · Śloka 67

ಜಾತಾಶ್ಚೈವಂ ರೂಪವನ್ತೋ ಮಹಾಸತ್ತ್ವಾಶ್ಚಿರಾಯುಷಃ| ಋಣಾನ್ಮೋಚಯಿತಾರಃ ಸ್ಯುಃ ಸುಪುತ್ರಾಃ ಪುತ್ರಿಣಾಂ ಮತಾಃ||೬೭||

Adhikarana devatAdiratAnAM mahAguNaputrotpattiH (68) · Śloka 68

ದೇವತಾಚಾರಶೌಚಾದಿರತಾ ಸೂತೇ ಮಹಾಗುಣಮ್| ಧಾವತ್ಯೇವಂ ಚಾಚರಿತಂ ಪ್ರಾಗ್ಜನ್ಮಾಭ್ಯಾಸಯೋಗತಃ||೬೮||

Adhikarana strIshukrasya garbhaM pratyaki~jcitkaratvam (69-5) · Śloka 5

ಯೋಷಿತೋಽಪಿ ಸ್ರವತ್ಯೇವ ಶುಕ್ರಂ ಪುಂಸಃ ಸಮಾಗಮೇ| ಗರ್ಭಸ್ಯ ತತ್ರ ಕಿಞ್ಚಿತ್ತುಂ ಕರೋತೀತಿ ನ ಚಿನ್ತ್ಯತೇ||೬೯|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತೌ ಅಷ್ಟಾಙ್ಗಸಂಗ್ರಹಸಂಹಿತಾಯಾಂ ಶಾರೀರಸ್ಥಾನೇಽಙ್ಗ- ವಿಭಾಗೋ ನಾಮ ಪ್ರಥಮೋಽಧ್ಯಾಯಃ||೫||