🔊 Audio coming soon
Show commentary
śaśilēka vyākhyā (indu kr̥ta)
śārīramānasadōṣōpaghātakramēṇa bhūtavijñānīyādhyāya ārabhyatē||
AYANAACADEMYby Dr Vijaya Dwarampudi
Open Academy navigation
7. bhūtavijñānīyaḥ
athātō bhūtavijñānīyaṁ nāmādhyāyaṁ vyākhyāsyāmaḥ| iti ha smāhurātrēyādayō maharṣayaḥ||1||
View original
अथातो भूतविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Show commentary
śaśilēka vyākhyā (indu kr̥ta)
athāta ityādi pūrvavat|| 1||
aṣṭādaśa bhūtādhipatayaḥ| tadyathā-surāsuragandharvāraga yakṣabrahmarākṣasarākṣasapiśācaprētakūṣmāṇḍakākhōrdamauki raṇavētālapitaraḥ r̥ṣiguruvr̥ddhasiddhāśca| tē punaḥ pr̥thak kōṭiparivārāḥ| tēṣāmapi pratyēkamaparisaṅkhyēyaḥ pari vāra ityanantō bhūtalōkaḥ||2||
View original
अष्टादश भूताधिपतयः| तद्यथा-सुरासुरगन्धर्वारग यक्षब्रह्मराक्षसराक्षसपिशाचप्रेतकूष्माण्डकाखोर्दमौकि रणवेतालपितरः ऋषिगुरुवृद्धसिद्धाश्च| ते पुनः पृथक् कोटिपरिवाराः| तेषामपि प्रत्येकमपरिसङ्ख्येयः परि वार इत्यनन्तो भूतलोकः||२||
🔊 Audio coming soon
Show commentary
śaśilēka vyākhyā (indu kr̥ta)
yathā'ṣṭādaśabhūtādhipatayō bhavanti| tadyathētyādinā tathā darśayati| tē ca surādayaḥ pr̥thak pratyēkaṁ kōṭiparivārāḥ tēṣāmapi parivārāṇāṁ pratyēkamaparisaṅkhyēyaḥ parivāra ityanēna prakārēṇāntō bhūtalōkaḥ|| 2||
sarvē'pi ca prāyēṇāhārakāmā niśā'rdhavicāriṇō bhayā nakā māṁsāsr̥gvasāśinaḥ||3||
View original
सर्वेऽपि च प्रायेणाहारकामा निशाऽर्धविचारिणो भया नका मांसासृग्वसाशिनः||३||
🔊 Audio coming soon
Show commentary
śaśilēka vyākhyā (indu kr̥ta)
sarvē'pi bhūtalōkā āhārakāminaḥ santō niśā'rdhavicāriṇō bhavanti| bhayānakā bhayaṅkarā māṁsādyāśinaśca|| 3||
api ca surāsurādisaṁvāsasaṁsargāttacchīlācārakarmatayā ca tatsaṁjñāṁ labhantē||4||
View original
अपि च सुरासुरादिसंवाससंसर्गात्तच्छीलाचारकर्मतया च तत्संज्ञां लभन्ते||४||
🔊 Audio coming soon
Show commentary
śaśilēka vyākhyā (indu kr̥ta)
api cēti samuccayē| ya ētē'smābhiḥ surādayaḥ pradarśitāḥ na tē purandarabalicitrarathavāsukidhanadaprabhr̥tayō jñēyā api tvanya ēva| tēṣāṁ tu surādīnāṁ saṁvāsasaṁsargāttatsadr̥śaśīlāditayā ca surādisaṁjñāṁ labhantē|| 4||
tēṣāṁ punaranupravēśē kāraṇaṁ sadyaḥ pūrvakr̥tō vā viśēṣēṇa prajñāparādhaḥ| tēna hi kāmakrōdhalōbhamōhādijanitēna praluptadharmō bhinna vratācāraśaucō malīmasaḥ pūjyānatikrāmannātmānamupahanti| tatastamātmahanamavatāragavēṣiṇō dēvādigrahā apyanughnanti| tadvadunmādāpasmārōpaplutacittaṁ tathā jvarādyāmayōpahatamapi| viśēṣataśca vraṇinaḥ pūyāsr̥ksnēhagandhēna||5||
View original
तेषां पुनरनुप्रवेशे कारणं सद्यः पूर्वकृतो वा विशेषेण प्रज्ञापराधः| तेन हि कामक्रोधलोभमोहादिजनितेन प्रलुप्तधर्मो भिन्न व्रताचारशौचो मलीमसः पूज्यानतिक्रामन्नात्मानमुपहन्ति| ततस्तमात्महनमवतारगवेषिणो देवादिग्रहा अप्यनुघ्नन्ति| तद्वदुन्मादापस्मारोपप्लुतचित्तं तथा ज्वराद्यामयोपहतमपि| विशेषतश्च व्रणिनः पूयासृक्स्नेहगन्धेन||५||
🔊 Audio coming soon
Show commentary
śaśilēka vyākhyā (indu kr̥ta)
tēṣāṁ tu dēhānupravēśē puṁsāṁ prajñhāparādhō viśēṣataḥ kāraṇam| kiṁbhūtaḥ prajñāparādha āha| sadyaḥ kr̥tō vā pūrvajanmakr̥tō vā| sa ca sūtra uktaḥ| tēna hi prajñāparādhanakāmādijanitēna luptadharmatvādiyukta ātmānamuhanti| bhinnaśabdasya naṣṭaparyāyasya śaucāntēna sambandhaḥ| taṁ tathāvidhamātmanaiva hatātmānamavatāragavēṣiṇaśchidrānvēṣiṇō dēvādigrahā apyanu paścāt ghnanti| tadvadēvōnmādēnāpasmārēṇa vōpaplutacittaṁ dēvādayō'nughnanti| vraṇinaśca puruṣāṇ pūyādigandhēna hētunā viśēṣatō'nughnanti||5||
ēvaṁvidhāṁstu puruṣanēṣvāghātakālēṣvabhigacchanti| tadyathā-pāpasya karmaṇaḥ samārambhē| pūrvakr̥tasya vā pariṇāmakālē| ēkasya vā śūnyagr̥hanivāsē| catuṣpathādhiṣṭhānē va| sandhyāvēlāyāmaprayatabhāvē vā pakṣasandhiṣu yā mithunībhāvē| rajasvalābhigamanē vā| viguṇē vādhyā panahōmabalimaṅgalaprayōgē| niyamabrahmacaryavratabhaṅgē vā| mahāhavē vā| dēśapurakulavināśē vā| mahāgrahōpagamanē vā| striyā vā prajananakālē| vividhabhūtāśucisaṁsparśē vā| vamanavirēcanarudhirasrāvē vā| aśucēraprayatasya vā caityadēvāyatanābhigamanē vā| māṁsamadhuguḍātilamadyōcchiṣṭē vā| digvāsasi vā| niśi nagaracatuṣpathōpavanaśmaśā nābhigamanē vā| dvijagurusurayatipūjyavyatikramē vā||6||
View original
एवंविधांस्तु पुरुषनेष्वाघातकालेष्वभिगच्छन्ति| तद्यथा-पापस्य कर्मणः समारम्भे| पूर्वकृतस्य वा परिणामकाले| एकस्य वा शून्यगृहनिवासे| चतुष्पथाधिष्ठाने व| सन्ध्यावेलायामप्रयतभावे वा पक्षसन्धिषु या मिथुनीभावे| रजस्वलाभिगमने वा| विगुणे वाध्या पनहोमबलिमङ्गलप्रयोगे| नियमब्रह्मचर्यव्रतभङ्गे वा| महाहवे वा| देशपुरकुलविनाशे वा| महाग्रहोपगमने वा| स्त्रिया वा प्रजननकाले| विविधभूताशुचिसंस्पर्शे वा| वमनविरेचनरुधिरस्रावे वा| अशुचेरप्रयतस्य वा चैत्यदेवायतनाभिगमने वा| मांसमधुगुडातिलमद्योच्छिष्टे वा| दिग्वाससि वा| निशि नगरचतुष्पथोपवनश्मशा नाभिगमने वा| द्विजगुरुसुरयतिपूज्यव्यतिक्रमे वा||६||
🔊 Audio coming soon
Show commentary
śaśilēka vyākhyā (indu kr̥ta)
ēvaṁvidhān pūrvōktaprakārān puruṣāṁstu ēṣu vakṣyamāṇēṣvāghātakālēṣu chidrēṣu dēvādayō'bhigamanaṁ kurvanti| kēṣvityāha-tadyathētyādi| pāpaṁ karma hiṁsādiḥ| aprayatabhāvō'śucitvam| pakṣasandhayō'ṣṭamīcaturdaśyamāvāsyāḥ| mithunībhāvō yōṣitā ratiḥ| athavādhyāpanādīnāṁ prayōṇē viguṇē śāstraniṣiddhē| athavā niyamādibhaṅgē| śāstratō niyamaḥ smr̥taḥ| mahāhavō mahān saṁgrāmaḥ| dēśavināśē vā puravināśē vā kulavināśē vā| mahāgrahasya rāhōrupagamanē vā| striyāḥ prajananakālaḥ prasūtikālaḥ| athavā vividhānāṁ bhūtānāmaśucīnāṁ saṁsparśē vā| vamanādīnāṁ prayōgē vā| aśucēraprayatasya vā sataścaityādyabhigamanē vā| māṁsādyucchiṣṭē vā| digvāsasi nagnē| niśi vā nagarādyabhigamanē| dvijādīnāṁ pūjyānāṁ vyatikramē vā|| 6||
tatrāvalōkayantō janayanti manōvikāraṁ surāsuragrahāḥ| spr̥śantō gandharvāḥ| samāviśantō bhujagāḥ| yakṣāścātmagandhamāghrāpayantaḥ| rākṣasā vāhayantō'dhiruhya| tathaiva piśācādyāḥ| darśayantaḥ pitarō'bhiśapanta r̥ṣiguru vr̥ddhasiddhāḥ||7||
View original
तत्रावलोकयन्तो जनयन्ति मनोविकारं सुरासुरग्रहाः| स्पृशन्तो गन्धर्वाः| समाविशन्तो भुजगाः| यक्षाश्चात्मगन्धमाघ्रापयन्तः| राक्षसा वाहयन्तोऽधिरुह्य| तथैव पिशाचाद्याः| दर्शयन्तः पितरोऽभिशपन्त ऋषिगुरु वृद्धसिद्धाः||७||
🔊 Audio coming soon
Show commentary
śaśilēka vyākhyā (indu kr̥ta)
tatrētyādinā yō grahō yēna prakārēṇa manōvikāraṁ janayatīti pradarśyatē| subōdham| rākṣasā adhiruhya vāhayantastathaiva piśācādyā api| pitarō darśayantaḥ| r̥śyādayastvabhiśāpaṁ kurvantaḥ| api ca| ādūṣayantaḥ puruṣasya dēhaṁ dēvādayaḥ svaistu guṇaprabhāvaiḥ| viśantyadr̥śyāstarasā yathaiva chāyātapau darpaṇasūryakāntau|| 7||
tatra śīlavantaṁ cōkṣācāraṁ śuklāmbaradharaṁ tapaḥsvā dhyāyaparaṁ prāyaḥ śuklapratipadi trayōdaśyāṁ caturdaśyāṁ paurṇamāsyāṁ vā dēvā gr̥hṇanti| krōdhanaṁ kadaryamātmasambhāvinaṁ kularūpagarvitaṁ kr̥ṣṇadvādaśyāṁ kr̥ṣṇatrayōdaśyāṁ sandhya yōścāsurāḥ| priyanr̥ttagītavāditragandhamālyāmbaraṁ paradāra ratam cōkṣācāraṁ prāyaścaturthyāmaṣṭamyāṁ dvādaśyāṁ caturdaśyāṁ ca gandharvāḥ| svapnaśīlaṁ capalamanimittakrōdhanamarthasiddhaṁ brāhmaṇaṁ prāyaḥ pañcamyāṁ sandhyayōrmadhyāhnē ca nāgāḥ| sattvabalarūpagāndharvadhanaśauryayuktaṁ mālyānulēpanahā syapriyamativyākaraṇaṁ prāyaḥ śuklasaptamyāmēkādaśyāñca yakṣāḥ| svādhyāyatapōvratacaryādēvayatigurupūjārataṁ bhraṣṭaśaucaṁ vā brāhmaṇamabrāhmaṇaṁ vā brahmavādinaṁ śūraṁ māninaṁ dēvāgāra salilakrīḍanapriyaṁ ca skhalitabrahmacaryaṁ prāyaḥ śukla pañcamyāmaṣṭamyāṁ pūrṇacandradarśanē sandhyāsu ca brahmarākṣasāḥ| hīnastvaṁ piśunaṁ stēnaṁ lubdhaṁ śaṭhaṁ prāyō dvitīyātr̥tī yāṣṭamīṣu rākṣasapiśācādayaḥ| kalipānapriyamasūyāvantaṁ paruṣabhāṣiṇaṁ bahvāśinaṁ ca kr̥ṣṇanavamīdvādaśyōrniśi ca rākṣasāḥ| ātmaślāghinaṁ kūṭasākṣyapradaṁ parōpatāpinaṁ ca caturdaśyāṁ piśācādayaḥ| mātāpitr̥guruvr̥ddhasiddhācāryōpasēvinaṁ prāyō daśamyāmamā vāsyāṁ ca pitaraḥ| tadvidhamēva ca prāyaḥ ṣaṣṭhyāṁ navamyāṁ ca guruvr̥ddhasiddhāḥ| tathaiva ca snānaśuciviviktasēvinaṁ dharmaśāstraśrutikāvyakuśalamr̥ṣayaḥ||8||
View original
तत्र शीलवन्तं चोक्षाचारं शुक्लाम्बरधरं तपःस्वा ध्यायपरं प्रायः शुक्लप्रतिपदि त्रयोदश्यां चतुर्दश्यां पौर्णमास्यां वा देवा गृह्णन्ति| क्रोधनं कदर्यमात्मसम्भाविनं कुलरूपगर्वितं कृष्णद्वादश्यां कृष्णत्रयोदश्यां सन्ध्य योश्चासुराः| प्रियनृत्तगीतवादित्रगन्धमाल्याम्बरं परदार रतम् चोक्षाचारं प्रायश्चतुर्थ्यामष्टम्यां द्वादश्यां चतुर्दश्यां च गन्धर्वाः| स्वप्नशीलं चपलमनिमित्तक्रोधनमर्थसिद्धं ब्राह्मणं प्रायः पञ्चम्यां सन्ध्ययोर्मध्याह्ने च नागाः| सत्त्वबलरूपगान्धर्वधनशौर्ययुक्तं माल्यानुलेपनहा स्यप्रियमतिव्याकरणं प्रायः शुक्लसप्तम्यामेकादश्याञ्च यक्षाः| स्वाध्यायतपोव्रतचर्यादेवयतिगुरुपूजारतं भ्रष्टशौचं वा ब्राह्मणमब्राह्मणं वा ब्रह्मवादिनं शूरं मानिनं देवागार सलिलक्रीडनप्रियं च स्खलितब्रह्मचर्यं प्रायः शुक्ल पञ्चम्यामष्टम्यां पूर्णचन्द्रदर्शने सन्ध्यासु च ब्रह्मराक्षसाः| हीनस्त्वं पिशुनं स्तेनं लुब्धं शठं प्रायो द्वितीयातृती याष्टमीषु राक्षसपिशाचादयः| कलिपानप्रियमसूयावन्तं परुषभाषिणं बह्वाशिनं च कृष्णनवमीद्वादश्योर्निशि च राक्षसाः| आत्मश्लाघिनं कूटसाक्ष्यप्रदं परोपतापिनं च चतुर्दश्यां पिशाचादयः| मातापितृगुरुवृद्धसिद्धाचार्योपसेविनं प्रायो दशम्याममा वास्यां च पितरः| तद्विधमेव च प्रायः षष्ठ्यां नवम्यां च गुरुवृद्धसिद्धाः| तथैव च स्नानशुचिविविक्तसेविनं धर्मशास्त्रश्रुतिकाव्यकुशलमृषयः||८||
🔊 Audio coming soon
Show commentary
śaśilēka vyākhyā (indu kr̥ta)
tatra śīlavatvādiguṇaṁ prāyaḥ śuklapratipadādiṣu dēvā gr̥hṇanti| krōdhanādikaṁ kr̥ṣṇadvādaśyādiṣvasurāḥ| priyanr̥ttagītādikaṁ caturthyādiṣu gandharvāḥ| svapnaśīlādikaṁ pañcamyādiṣu nāgāḥ| nyasyārthēsiddhō'rthasiddhaḥ| sattvādiyuktaṁ mālyādipriyaṁ ca vācamatikramyacarati yastaṁ śuklasaptamyādiṣu yakṣāḥ| svādhyāyādirataṁ brāhmaṇamabrāhmaṇaṁ vā brahmavādinaṁ vēdapāṭhaśīlaṁ dēvāgārādipriyaṁ skhalitabrahmacaryaṁ ca śuklapañcamyādiṣu brahmarākṣasāḥ| hīnasattvādikaṁ dvitīyādiṣu rākṣasapiśācādayaḥ| tatra viśēṣaḥ kalipriyādikaṁ kr̥ṣṇanavamyadiṣu rākṣasāḥ| ātmaślāghipravr̥ttinaṁ caturdaśyāṁ piśācādayaḥ| kūṭasākṣyamasatyasākṣyam| mātrādyupasēvinaṁ pitarō daśamyādikē| tadvidhamēva ca mātrādyupasēvinaṁ ṣaṣṭhyādikē gurvādayaḥ| tathaiva cēti ṣaṣṭhyāṁ navamyāṁ ca snānādisēvinaṁ dharmaśāstrādikuśalaṁ carṣayaḥ|| 8||
tēṣāṁ tu grahīṣyatāṁ pūrvārūpāṇi bhavanti| tadyathā-dēva gōbrāhmaṇatapasvināṁ hiṁsārucitvaṁ nr̥śaṁsābhiprāyatā kōpa natvamaratirōjōvarṇacchāyābalavapuṣāṁ cōpataptiḥ svapnē dēvādibhirbhartsanaṁ pravarttanaṁ ca||9||
View original
तेषां तु ग्रहीष्यतां पूर्वारूपाणि भवन्ति| तद्यथा-देव गोब्राह्मणतपस्विनां हिंसारुचित्वं नृशंसाभिप्रायता कोप नत्वमरतिरोजोवर्णच्छायाबलवपुषां चोपतप्तिः स्वप्ने देवादिभिर्भर्त्सनं प्रवर्त्तनं च||९||
🔊 Audio coming soon
Show commentary
śaśilēka vyākhyā (indu kr̥ta)
tēṣāṁ tu sarvēṣāṁ surādīnāṁ grahīṣyatāṁ grahaṇaṁ kariṣyatāṁ pūrvarūpāṇi bhavanti| kānītyāha-tadyathētyādi| upataptērōjōvarṇādibhiḥ sambandhaḥ| svapnē dēvādibhirbhartsanaṁ santarjanam| pravartanaṁ ca yathōktēṣu vyāpārēṣu|| 9||
tatra saumyadr̥ṣṭiṁ gambhīramapradhr̥ṣyamakōpanaṁ śucimanidraṁ bhōja nānābhilāṣiṇamalpasvēdamūtrapurīṣavācaṁ saṁskr̥tavādinaṁ dēvadvijagurubhaktaṁ śuklamālyāmbarasaritpulinaśailōcca bhavanadadhikṣīrasurabhipriyaṁ cirādakṣiṇī nimīlayantaṁvara pradātāraṁ śubhagandhaṁ varcasvinaṁ phullapadmōpamamukhaṁ dēvagrahēṇa gr̥hītaṁ vidyāt| tatrāpi gōvr̥ṣamiva nadantaṁ dīptamukhanayanamādīptēna svarēṇa sarvamā bhāṣamāṇamīśvarēṇa| mēghastanitavidyudr̥ṣṭīrvācā visr̥jantamindrēṇa| dhanāni vācā prayacchantamācchindantaṁ ca dhanadēna| surāsavasamagandhaṁ kāṣṭhatr̥ṇarajjvādi sarvaṁ pāśamabhimanyamānaṁ varuṇēna||10||
View original
तत्र सौम्यदृष्टिं गम्भीरमप्रधृष्यमकोपनं शुचिमनिद्रं भोज नानाभिलाषिणमल्पस्वेदमूत्रपुरीषवाचं संस्कृतवादिनं देवद्विजगुरुभक्तं शुक्लमाल्याम्बरसरित्पुलिनशैलोच्च भवनदधिक्षीरसुरभिप्रियं चिरादक्षिणी निमीलयन्तंवर प्रदातारं शुभगन्धं वर्चस्विनं फुल्लपद्मोपममुखं देवग्रहेण गृहीतं विद्यात्| तत्रापि गोवृषमिव नदन्तं दीप्तमुखनयनमादीप्तेन स्वरेण सर्वमा भाषमाणमीश्वरेण| मेघस्तनितविद्युदृष्टीर्वाचा विसृजन्तमिन्द्रेण| धनानि वाचा प्रयच्छन्तमाच्छिन्दन्तं च धनदेन| सुरासवसमगन्धं काष्ठतृणरज्ज्वादि सर्वं पाशमभिमन्यमानं वरुणेन||१०||
🔊 Audio coming soon
Show commentary
śaśilēka vyākhyā (indu kr̥ta)
tatrētyādinā surādināmaṣṭādaśānāmaviṣṭānāṁ kramēṇa lakṣaṇam| tatra saumyadr̥ṣṭyādikaṁ dēvagrahēṇa gr̥hītaṁ vidyāt| gambhīram| yasya prabhāvādākārē krōdhaśōkabhayādayaḥ bhāvasthā nōpalakṣyantē tadgāmbhīryamiti smr̥tamiti| tēna yuktam| svēdādivāgantānāmalpaśabdēna sambandhaḥ| bhaktaśabdasya dēvādibhiḥ| priyaśabdasya mālyādibhiḥ| varcasvī tējasvī| tatrāpītyādinā īśvarākhyasya dēvaviśēṣasya lakṣaṇam| gōvr̥ṣō madōtkaṭō gauḥ| ādīptaḥ svara ōjasvī| mēdhastanitādi vācā visr̥jantamindrākhyēna dēvēna gr̥hītaṁ vidyāt| vācaiva dhanāni prayacchantaṁ dhanadēna gr̥hītaṁ vidyāt| varuṇākhyēna dēvēna gr̥hītaḥ surādigandhō bhavati| kāṣṭhādikañca sarvam pāśaṁ manyatē| iti dēvānāṁ lakṣaṇam|| 10||
jihvādr̥ṣṭiṁ duṣṭātmānaṁ krōdhanamatr̥ptaṁ sasvēdagātraṁ dēva brāhmaṇagurudvēṣiṇaṁ nirbhayamabhimāninaṁ śūraṁ vyavasāyinaṁ rudrō'hamindrō'hamupēndrō'haṁ skandō'haṁ viśākhē'hami tyādibhāṣamāṇaṁ vikr̥tavācamasakr̥ddhasantaṁ surāmiṣaruciṁ dantairnakhaiśca parān hiṁsantamasurēṇa||11||
View original
जिह्वादृष्टिं दुष्टात्मानं क्रोधनमतृप्तं सस्वेदगात्रं देव ब्राह्मणगुरुद्वेषिणं निर्भयमभिमानिनं शूरं व्यवसायिनं रुद्रोऽहमिन्द्रोऽहमुपेन्द्रोऽहं स्कन्दोऽहं विशाखेऽहमि त्यादिभाषमाणं विकृतवाचमसकृद्धसन्तं सुरामिषरुचिं दन्तैर्नखैश्च परान् हिंसन्तमसुरेण||११||
🔊 Audio coming soon
Show commentary
śaśilēka vyākhyā (indu kr̥ta)
jihvādr̥ṣṭyādikamasurēṇa gr̥hītaṁ vidyāt| duṣṭātmānaṁ duṣṭabuddhim||11||
svācāraṁ hr̥ṣṭātmānaṁ śubhagandhamalpavyavahāraṁ nr̥tyantaṁ gāyantaṁ mukhavādyāni kurvantaṁ priyōdyānapulinaraktavastrasnānamā- lyānulēpanadhūpānnapānahāsalīlā śr̥ṅgārakathāgāndharvaṁ gandha rvēṇa| tatrāpi śirō dhunānaṁ kalahaṁ kurvantaṁ saṁrambhēṇa jā-garūkaṁ paṭhantaṁ hasantaṁ hasanēna||12||
View original
स्वाचारं हृष्टात्मानं शुभगन्धमल्पव्यवहारं नृत्यन्तं गायन्तं मुखवाद्यानि कुर्वन्तं प्रियोद्यानपुलिनरक्तवस्त्रस्नानमा- ल्यानुलेपनधूपान्नपानहासलीला शृङ्गारकथागान्धर्वं गन्ध र्वेण| तत्रापि शिरो धुनानं कलहं कुर्वन्तं संरम्भेण जा-गरूकं पठन्तं हसन्तं हसनेन||१२||
🔊 Audio coming soon
Show commentary
śaśilēka vyākhyā (indu kr̥ta)
svācārādikaṁ gandharvēṇa gr̥hītaṁ vidyāt| tatrāpi śirō dhunānamityādikaṁ hasanēna| iti gandharvāḥ|| 12||
krōdhanamaniśaṁ niḥśvasantaṁ bhramantamātapatrāt trasyantaṁ raktākṣaṁ stabdhadr̥ṣṭiṁ jihvāṁ lōlayantaṁ sr̥kkiṇyau lihānamadhōmukha śāyinaṁ calaṁ vakragāminaṁ bilamavalōkya sarpavadūrdhvaṁ prasarantaṁ jalaughaghanadunnubhisvanairhr̥ṣyantaṁ kṣīraghr̥taguḍamadhu snānamālyapriyaṁ gātrāṇi kampayantaṁ dantaiḥ khādantaṁ jalē'vatīrṇamuttaraṇamanicchantamuragēṇa||13||
View original
क्रोधनमनिशं निःश्वसन्तं भ्रमन्तमातपत्रात् त्रस्यन्तं रक्ताक्षं स्तब्धदृष्टिं जिह्वां लोलयन्तं सृक्किण्यौ लिहानमधोमुख शायिनं चलं वक्रगामिनं बिलमवलोक्य सर्पवदूर्ध्वं प्रसरन्तं जलौघघनदुन्नुभिस्वनैर्हृष्यन्तं क्षीरघृतगुडमधु स्नानमाल्यप्रियं गात्राणि कम्पयन्तं दन्तैः खादन्तं जलेऽवतीर्णमुत्तरणमनिच्छन्तमुरगेण||१३||
🔊 Audio coming soon
Show commentary
śaśilēka vyākhyā (indu kr̥ta)
krōdhanatvādiguṇamuragēṇa gr̥hītaṁ vidyāt| aniśaṁ pratikṣaṇaṁ jihvāṁ lōlayantaṁ parilōlayantam| sr̥kkiṇyāvōṣṭhasandhī| bilaṁ chidramavalōkya dr̥ṣṭvā sarpavadūrdhvaṁ prasarantam| jalaughādisvanairhr̥ṣyantam| jalaughādisvanairhr̥ṣyantam| priyaśabdasya kṣīrādibhiḥ sambandhaḥ|| 13||
asakr̥t svapnarōdanahāsanr̥tyagītapāṭhakathānnapānasnāna mālyadhūpagandharaktavastraratiṁ raktatrastaviplutākṣaṁ drutaṁ sagarvaṁ mattamiva gacchantaṁ vastrāntamutkarṣayantaṁ calitāgrahastaṁ bahu bhāṣiṇaṁ strīlōlupaṁ madyāmiṣapriyaṁ sannahya śastraṁ mr̥gayamāṇa matibalamavyathaṁ hr̥ṣṭaṁ tuṣṭamalparōṣaṁ kiṁ kasmai dadāmīti vādinaṁ śubhagandhaṁ varcasvinaṁ dvijātivaidyaparibhāvinaṁ rahasya bhāṣiṇaṁ yakṣēṇa||14||
View original
असकृत् स्वप्नरोदनहासनृत्यगीतपाठकथान्नपानस्नान माल्यधूपगन्धरक्तवस्त्ररतिं रक्तत्रस्तविप्लुताक्षं द्रुतं सगर्वं मत्तमिव गच्छन्तं वस्त्रान्तमुत्कर्षयन्तं चलिताग्रहस्तं बहु भाषिणं स्त्रीलोलुपं मद्यामिषप्रियं सन्नह्य शस्त्रं मृगयमाण मतिबलमव्यथं हृष्टं तुष्टमल्परोषं किं कस्मै ददामीति वादिनं शुभगन्धं वर्चस्विनं द्विजातिवैद्यपरिभाविनं रहस्य भाषिणं यक्षेण||१४||
🔊 Audio coming soon
Show commentary
śaśilēka vyākhyā (indu kr̥ta)
asakr̥tsvapnādiratiṁ raktākṣatvādiguṇañca yakṣēṇa gr̥hītaṁ vidyāt| vastrāntamañcalam| sannahya kaṅkaṭaṁ gr̥hītvā yuddhāya śastraṁ mārgayantam||14||
tatrāpi hr̥ṣitarōmāṇamūrdhvēkṣaṇaṁ prahr̥ṣṭanayanaṁ caṇḍaṁ paruṣaṁ mahāninādaṁ maṇivarēṇa| rahōhasitanr̥tyagītānyācaranta mākīrṇē maunamāsēvamānaṁ vikaṭēna||15||
View original
तत्रापि हृषितरोमाणमूर्ध्वेक्षणं प्रहृष्टनयनं चण्डं परुषं महानिनादं मणिवरेण| रहोहसितनृत्यगीतान्याचरन्त माकीर्णे मौनमासेवमानं विकटेन||१५||
🔊 Audio coming soon
Show commentary
śaśilēka vyākhyā (indu kr̥ta)
tatrāpītyādinā yakṣaviśēṣāḥ| hr̥ṣitarōmatvādirūpaṁ maṇivarākhyēna yakṣēṇa gr̥hītaṁ vidyāt| rahaḥprabhr̥tyācarantamākīrṇē janasaṁkulē maunamācarantaṁ vikaṭākhyēna yakṣēṇa gr̥hītaṁ vidyāt||15||
hāsanr̥ttapriyamākrōśinaṁ pradhāvinaṁ dēvadvijabhiṣagdvēṣiṇaṁ mantra vēdaśāstrābhidhāyinaṁ kāṣṭhaśastrādibhiścātmānamāghnantaṁ chidraprahāriṇaṁ vaidyarandhrānvēṣiṇaṁ bhōḥśabdavādinaṁ paruṣaṁ raudra cēṣṭaṁ śīghragāminaṁ brahmarākṣasēna| tatrāpi vikr̥tasvaraṁ bhāṣayantamutrāsayantaṁ brahmavādinaṁ saṁskr̥tabhāṣiṇaṁ bahuśa stōyaṁ yācantaṁ yajñasēnēna||16||
View original
हासनृत्तप्रियमाक्रोशिनं प्रधाविनं देवद्विजभिषग्द्वेषिणं मन्त्र वेदशास्त्राभिधायिनं काष्ठशस्त्रादिभिश्चात्मानमाघ्नन्तं छिद्रप्रहारिणं वैद्यरन्ध्रान्वेषिणं भोःशब्दवादिनं परुषं रौद्र चेष्टं शीघ्रगामिनं ब्रह्मराक्षसेन| तत्रापि विकृतस्वरं भाषयन्तमुत्रासयन्तं ब्रह्मवादिनं संस्कृतभाषिणं बहुश स्तोयं याचन्तं यज्ञसेनेन||१६||
🔊 Audio coming soon
Show commentary
śaśilēka vyākhyā (indu kr̥ta)
hāsanr̥ttapriyādiguṇaṁ brahmarākṣasēna gr̥hītaṁ vidyāt| vaidyasya randhrānvēṣiṇaṁ randhraṁ praharaṇāvasaram| tatrāpi brahmarākṣasēṣu madhyē vikr̥tasvarādiguṇaṁ yajñasēnākhyēna gr̥hītaṁ vidyāt| iti yakṣāḥ||16||
sakRrōdhadr̥ṣṭiṁ bhrūkuṭimudvahantaṁ bhairavāsyaṁ tvaritamabhidhāvantaṁ ruvantaṁ sasambhramaṁ praharantaṁ naṣṭanidraṁ niśāvicāriṇamanna dvēṣiṇamanāhāramapyatibalinamannakālē hasantaṁ nirlajjaṁ śūraṁ rōṣaṇamapriyavādinamaśuciṁ strīmadyamāṁsaraktamālyapriyaṁ raktamāmivaṁ vā dr̥ṣṭvōṣṭhau parilihantaṁ dīnaṁ śaṅkitaṁ dhāva ntamakasmādrudantaṁ hasantaṁ gāyantaṁ nr̥tyantaṁ nirarthakaṁ pari bhāṣamāṇaṁ rākṣasēna| tatrāpi paruṣacchaviṁ bhūmiṁ tāḍayanta makasmādrudantaṁ viśākhēna| bhinnagadgadakaṇṭhamaṅgāni bhañja yantaṁ jihvāṁ parilihānamakṣamālayā japamānaṁ śaucamabhīkṣṇaṁ kurvāṇaṁ saṅamēna| mēghavidyududayāyāsatē krudhyantaṁ jalavr̥ṣṭiṁ samantānmanyamānaṁ śakaṭaniṣpīḍinaṁ vidyunmālinā| āma māṁsapalamūlakāpūpaparamānnayācinaṁ rūkṣacchaviṁ virū pākṣēṇa||17||
View original
सक्ऱ्रोधदृष्टिं भ्रूकुटिमुद्वहन्तं भैरवास्यं त्वरितमभिधावन्तं रुवन्तं ससम्भ्रमं प्रहरन्तं नष्टनिद्रं निशाविचारिणमन्न द्वेषिणमनाहारमप्यतिबलिनमन्नकाले हसन्तं निर्लज्जं शूरं रोषणमप्रियवादिनमशुचिं स्त्रीमद्यमांसरक्तमाल्यप्रियं रक्तमामिवं वा दृष्ट्वोष्ठौ परिलिहन्तं दीनं शङ्कितं धाव न्तमकस्माद्रुदन्तं हसन्तं गायन्तं नृत्यन्तं निरर्थकं परि भाषमाणं राक्षसेन| तत्रापि परुषच्छविं भूमिं ताडयन्त मकस्माद्रुदन्तं विशाखेन| भिन्नगद्गदकण्ठमङ्गानि भञ्ज यन्तं जिह्वां परिलिहानमक्षमालया जपमानं शौचमभीक्ष्णं कुर्वाणं सङमेन| मेघविद्युदुदयायासते क्रुध्यन्तं जलवृष्टिं समन्तान्मन्यमानं शकटनिष्पीडिनं विद्युन्मालिना| आम मांसपलमूलकापूपपरमान्नयाचिनं रूक्षच्छविं विरू पाक्षेण||१७||
🔊 Audio coming soon
Show commentary
śaśilēka vyākhyā (indu kr̥ta)
sakrōdhadr̥ṣṭitvādiyuktaṁ rākṣasēna gr̥hītaṁ vidyāt| bhairavaṁ bhīṣaṇam| ruvantaṁ śabdaṁ kurvantam| priyaśabdasya stryādibhiḥ sambandhaḥ| akasmāditi śaṅkitādināpi sambaddhyatē| tatrāpi rākṣasēṣu madhyē paruṣacchavitvādiyuktaṁ viśākhākhyēna rākṣasēna gr̥hītaṁ vidyāt| bhinnagadgadakaṇṭhatvādiyuktaṁ saṅgamākhyēna gr̥hītam| asatē abhavatē mēghādyudayāya krudhyantamēvamādiguṇaṁ vidyunmālinā gr̥hītam| āmamāṁsādiyācinaṁ rūkṣacchaviṁ ca virūpākṣēṇa gr̥hītaṁ vidyāt| iti rākṣasaviśēṣāḥ|| 17||
asvasthacittaṁ naikatra tiṣṭhantaṁ paridhāvinaṁ dayitanr̥tyagīta hāsōcchiṣṭamadyamāṁsaśūnyanivāsaratiṁ purastādabhighnantaṁ nirbhartsanāddīnaśaṅkitavadanaṁ nakhairātmavapuṣi likhantaṁ naṣṭa smr̥tiṁ baddhābaddhabhāṣiṇamakasmādrudantaṁ duḥkhānyāvēdayamāna mudhvastarūkṣadēhasvaraṁ durgandhamaśuciṁ nagnaṁ malinaṁ rathyācaila tr̥ṇābharaṇāṁ saṅkarakūṭakāṣṭhāśvārōhiṇaṁ lōlaṁ bahvāśinaṁ piśācēna||18||
View original
अस्वस्थचित्तं नैकत्र तिष्ठन्तं परिधाविनं दयितनृत्यगीत हासोच्छिष्टमद्यमांसशून्यनिवासरतिं पुरस्तादभिघ्नन्तं निर्भर्त्सनाद्दीनशङ्कितवदनं नखैरात्मवपुषि लिखन्तं नष्ट स्मृतिं बद्धाबद्धभाषिणमकस्माद्रुदन्तं दुःखान्यावेदयमान मुध्वस्तरूक्षदेहस्वरं दुर्गन्धमशुचिं नग्नं मलिनं रथ्याचैल तृणाभरणां सङ्करकूटकाष्ठाश्वारोहिणं लोलं बह्वाशिनं पिशाचेन||१८||
🔊 Audio coming soon
Show commentary
śaśilēka vyākhyā (indu kr̥ta)
asvasthacittatvādiguṇaṁ piśācēna gr̥hītaṁ vidyāt| nirbhartsanaṁ santarjanam| āvēdayamānaṁ kathayantam| rathyācailaṁ mārgavastra khaṇḍikā| saṅkarakūṭamavakaranikaram| kāṣṭhamayyaśvapratikr̥tiḥ kāṣṭhāśvaḥ|| 18||
tatrāpi bhōjanaṁ dr̥ṣṭvā hasantaṁ visvaraṁ krōśantaṁ nityabhītaṁ kaśmalēna| sarvagātrāṇi spandayantaṁ muhurmuhurdhāvantaṁ bhīṣa yamāṇaṁ kuśēna| vaidya dr̥ṣṭvā kupyantaṁ bhramadbhōjina bahvāśinaṁ bhasmagaṇṭhanaśayanaṁ striyōmārgē rundhānaṁ mūtrapurīṣavimardinaṁ nistējasā| prētākr̥ticēṣṭāgandhaṁ tr̥ṇacchēdinaṁ bhītamāhāra dvēṣiṇaṁ prētēna||19||
View original
तत्रापि भोजनं दृष्ट्वा हसन्तं विस्वरं क्रोशन्तं नित्यभीतं कश्मलेन| सर्वगात्राणि स्पन्दयन्तं मुहुर्मुहुर्धावन्तं भीष यमाणं कुशेन| वैद्य दृष्ट्वा कुप्यन्तं भ्रमद्भोजिन बह्वाशिनं भस्मगण्ठनशयनं स्त्रियोमार्गे रुन्धानं मूत्रपुरीषविमर्दिनं निस्तेजसा| प्रेताकृतिचेष्टागन्धं तृणच्छेदिनं भीतमाहार द्वेषिणं प्रेतेन||१९||
🔊 Audio coming soon
Show commentary
śaśilēka vyākhyā (indu kr̥ta)
tatrāpi piśācagrahēṣvapi prētākr̥tītyādyantēna granthēna kaśmalādibhiḥ prētāntairgr̥hītānāṁ lakṣaṇaṁ subōdham| iti piśācāḥ||19||
bahupralāpamugravākyaṁ vilambitagatiṁ kr̥ṣṇavadanaṁ śūnaprala mbavr̥ṣaṇaṁ kūṣmāṇḍēna||20||
View original
बहुप्रलापमुग्रवाक्यं विलम्बितगतिं कृष्णवदनं शूनप्रल म्बवृषणं कूष्माण्डेन||२०||
🔊 Audio coming soon
Show commentary
śaśilēka vyākhyā (indu kr̥ta)
bahupralāpādiguṇaṁ kuṣmāṇḍēna gr̥hītaṁ vidyāt||20||
nagnaṁ dhāvantamakasmādaśmakāṣṭhādi gr̥hītvā bhramantaṁ tr̥ṇa cīramālyanivasanamutrastadr̥ṣṭiṁ paruṣābhidhayinaṁ śmaśāna śūnyaikavr̥kṣarathyāniṣēviṇaṁ tilānnamadyāmiṣasaktadr̥ṣṭiṁ kākhōrdēna||21||
View original
नग्नं धावन्तमकस्मादश्मकाष्ठादि गृहीत्वा भ्रमन्तं तृण चीरमाल्यनिवसनमुत्रस्तदृष्टिं परुषाभिधयिनं श्मशान शून्यैकवृक्षरथ्यानिषेविणं तिलान्नमद्यामिषसक्तदृष्टिं काखोर्देन||२१||
🔊 Audio coming soon
Show commentary
śaśilēka vyākhyā (indu kr̥ta)
nagnatvādiguṇaṁ kākhōrdākhyēna grahēṇādhiṣṭhitaṁ vidyāt| nivasanaśabdasya tr̥ṇādibhiḥ sambandhaḥ| saktaśabdasya tilānnādibhiḥ||21||
ugravādinaṁ raktatrastanēnnamannābhilāṣiṇamudakaṁ prārthayamānaṁ maukiraṇēna||22||
View original
उग्रवादिनं रक्तत्रस्तनेन्नमन्नाभिलाषिणमुदकं प्रार्थयमानं मौकिरणेन||२२||
🔊 Audio coming soon
Show commentary
śaśilēka vyākhyā (indu kr̥ta)
ugravāgādiyutaṁ maukiraṇēna gr̥hītaṁ vidyāt|| 22||
satyavādinaṁ parivēpinaṁ dhūpagandhamālyaratimatinidrāluṁ vētā lēna||23||
View original
सत्यवादिनं परिवेपिनं धूपगन्धमाल्यरतिमतिनिद्रालुं वेता लेन||२३||
🔊 Audio coming soon
Show commentary
śaśilēka vyākhyā (indu kr̥ta)
satyavāgādiguṇaṁ vētālēna gr̥hītamiti jānīyāt| parivēpanaṁ kampanam||23||
aprasannadr̥ṣṭiṁ calannētrapakṣmāṇaṁ śaṅkitēkṣaṇaṁ dīnavadanaṁ saṁ śuṣkatāluṁ nidrāluṁ pratihatavācamapasavyavastramalpāgni marōcakinaṁ tilaguḍapāyasamāṁsaruciṁ ca pitr̥grahēṇa||24||
View original
अप्रसन्नदृष्टिं चलन्नेत्रपक्ष्माणं शङ्कितेक्षणं दीनवदनं सं शुष्कतालुं निद्रालुं प्रतिहतवाचमपसव्यवस्त्रमल्पाग्नि मरोचकिनं तिलगुडपायसमांसरुचिं च पितृग्रहेण||२४||
🔊 Audio coming soon
Show commentary
śaśilēka vyākhyā (indu kr̥ta)
aprasannadr̥ṣṭitvādiguṇaṁ pitr̥grahēṇa gr̥hītaṁ vidyāt| apasavyamavāmam| ruciśabdastilādibhiḥ sambadhyatē| tēna tilaruciṁ vā guḍaruciṁ vā pāyasaruciṁ vā māṁsaruciṁ vā iti|| 24||
r̥ṣiguruvr̥ddhasiddhānāmabhiśāpānudhyānānurūpavihāra vyāhāraṁ tad grahēṇa gr̥hītaṁ vidyāditi||25||
View original
ऋषिगुरुवृद्धसिद्धानामभिशापानुध्यानानुरूपविहार व्याहारं तद् ग्रहेण गृहीतं विद्यादिति||२५||
🔊 Audio coming soon
Show commentary
śaśilēka vyākhyā (indu kr̥ta)
r̥ṣyādīnāmanyatamasya yasya vā'bhiśāpānudhyānasyānurūpaiḥ pratyakṣānumitairvihārādibhiryuktastaṁ tadgr̥hītamēva vidyāt| (yō narō gurvādīnāṁ śāpasyānudhyānēna 'tē māmēvaṁ śaptavanta' ityādi sarvadā vyavaharati tadvidhāhāracēṣṭō vā bhavati taṁ gurvādyanyatamagrahēṇa gr̥hītaṁ vidyāditi kairalī vyākhyā)||25||
bhavati cātra lakṣayēt jñānavijñānavākcēṣṭābalapauruṣam| puruṣē'pauruṣaṁ yatra tatra bhūtagrahaṁ vadēt||26||
View original
भवति चात्र लक्षयेत् ज्ञानविज्ञानवाक्चेष्टाबलपौरुषम्| पुरुषेऽपौरुषं यत्र तत्र भूतग्रहं वदेत्||२६||
🔊 Audio coming soon
Show commentary
śaśilēka vyākhyā (indu kr̥ta)
yatra yasmin puruṣē'pauruṣamapuruṣōcitaṁ jñānādikaṁ vaidyō lakṣayēt tatra bhūtagrahamastīti vadēditi sādhāraṇaṁ liṅgam||26||
kumāravr̥ndānugataṁ nagnamuddhatamūrdhajam| asvasthamanasaṁ dairghyakālikaṁ sagrahaṁ tyajēt||27|| iti vaidyapatisiṁhaguptasya sūnōrvāgbhaṭasya kr̥tāvaṣṭāṅgasaṁgrahasaṁhitāyāmuttaratantrē bhūtavijñānīyō nāma saptamō'dhyāyaḥ||28||
View original
कुमारवृन्दानुगतं नग्नमुद्धतमूर्धजम्| अस्वस्थमनसं दैर्घ्यकालिकं सग्रहं त्यजेत्||२७|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे भूतविज्ञानीयो नाम सप्तमोऽध्यायः||२८||
🔊 Audio coming soon
Show commentary
śaśilēka vyākhyā (indu kr̥ta)
kumāravr̥ndānugatamityādyasādhyagrahalakṣaṇam ||27|| iti śrīmanmahāmahōpādhyāyēnduviracitāyā- maṣṭāṅgasaṁgrahavyākhyāyāṁ śaśilēkhāyāmuttaratantrē saptamō'dhyāyaḥ