39. guhyarōgapratiṣēdhaḥ

Adhikarana atha guhyarogapratiShedho nAmaikonacatvAriMsho~adhyAyaH, pratij~jA (1) · Śloka 1

ಅಥಾತೋ ಗುಹ್ಯರೋಗಪ್ರತಿಷೇಧಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana apadaMshAnAM cikitsAkramaH (2) · Śloka 2

ಅಪದಂಶೇಷೂತ್ಪನ್ನಮಾತ್ರೇಷು ಪಾಕಪರಿಹಾರಾರ್ಥಂ ಮೇಢ್ರಮಧ್ಯೇ ಸಿರಾಂ ವಿಧ್ಯೇತ್| ಉಭಯತಶ್ಚಾಸ್ಯ ವಿಧಿವದ್ದೋಷಾನಪಹರೇದ್ವಿಶೇಷತೋ ವಿರೇಚನೇನ| ತದ ಯೋಗ್ಯಸ್ಯ ತ್ವತ್ಯುಚ್ಛ್ರಿತಾನಾಸ್ಥಾಪನೇನ| ಯಥಾದೋಷಂ ಚಾಲೇಪಸೇಕಾದೀನವಿರತಂ ವಿದಧ್ಯಾತ್| ಏವಂ ಸದ್ಯ ಏವ ರುಕ್ತೋದಶೋಫರಾಗಸಂರಮ್ಭಾ ನಿವರ್ತನ್ತೇ| ಪಕ್ವೇಷು ತು ಶಸ್ತ್ರಮವಚಾರಯೇತ್| ಸಘೃತಕ್ಷೌದ್ರಶರ್ಕರೇಣ ತಿಲ ಕಲ್ಕೇನಾಲೇಪಯೇತ್||೨||

Adhikarana apadaMsheShu sAmAnyacikitsA (3) · Śloka 3

ಜಮ್ಬ್ವಾಮ್ರಸುಮನೋನೀಪಶ್ವೇತಕಾಮ್ಬೋಜಿಕಾಙ್ಕುರಾನ್| ಸಲ್ಲಕೀಬದೀಬಿಲ್ವಪಲಾಶತಿನಿಶೋದ್ಭವಾಃ| ತ್ವಚಃ ಕ್ಷೀರಿದ್ರುಮಾಣಾಞ್ಚ ತ್ರಿಫಲಾಂ ಚ ಪಚೇಜ್ಜಲೇ| ಸ ಕ್ವಾಥಃ ಕ್ಷಾಲನಂ ತೇನ ಪಕ್ವಂ ತೈಲಞ್ಚ ರೋಪಣಮ್| ಗೋಜೀವಿಡಙ್ಗಮಧುಕಸರ್ವಗನ್ಧೈಶ್ಚ ಪೇಷಿತೈಃ| ತುತ್ಥಗೈರಿಕಲೋಧ್ರೈಲಾಮನೋಹ್ವಾಲರಸಾಞ್ಜನೈಃ| ಹರೇಣುಪುಷ್ಪಕಾಸೀಸಸೌರಾಷ್ಟ್ರೀಲವಣೋತ್ತಮೈಃ| ಲೇಪಃ ಕ್ಷೌದ್ರದ್ರುತೈಃ ಸೂಕ್ಷ್ಮೈರಪದಂಶವ್ರಣಾಪಹಃ| ದಾರ್ವೀತ್ವಕ್ಶಙ್ಖತಾರ್ಕ್ಷ್ಯೋತ್ಥಲಾಕ್ಷಾಗೋಕ್ಷೀರವಿಡ್ರಸಃ| ಸಕ್ಷೌದ್ರತೈಲಸರ್ಪಿರ್ಭಿರ್ಲೇಪಃ ಶ್ರೇಷ್ಠೋ ವ್ರಣೇಽಥವಾ| ಲಾಕ್ಷಾದ್ರಾಕ್ಷಾತಸೀಕ್ಷೌದ್ರಃ ಕ್ಷೌದ್ರಶೈಲೇಯತಾರ್ಕ್ಷ್ಯಜೈಃ| ಕಪಾಲೇ ತ್ರಿಫಲಾಽದಗ್ಧಾ ಸಘೃತಾ ರೋಪಣೀ ಪರಮ್| ಸಾಮಾನ್ಯಂ ಸಾಧನಮಿದಂ...........................||೩||

Adhikarana vAtikApadaMshaicikitsA (4) · Śloka 4

............................ವಾತಿಕಂ ತು ಪ್ರಲೇಪಯೇತ್| ಅಪಕ್ವಂ ಕುಷ್ಠಯಷ್ಟ್ಯಾಹ್ವಸುರದಾರುಪುನರ್ನವೈಃ| ಸ್ನಿಗ್ಧೋಷ್ಣೈರ್ಲೋಹಸರಲರಾಸ್ನಾಪುಣ್ಡ್ರಾಹ್ವಸಂಯುತೈಃ| ಅಥವಾ ನಿಚುಲೈರಣ್ಡಬೀಜಗೋಧೂಮಚಿಕ್ಕಸೈಃ||೪||

Adhikarana paittikApadaMshacikitsA (5) · Śloka 5

ಗೈರಿಕಾಞ್ಜನಮಞ್ಜಿಷ್ಠಾಮಧುಕೋಶೀರಪದ್ಮಕೈಃ| ಸಚನ್ದನೋತ್ಪಲೈಃ ಶೀತೈರ್ಘೃತಾಢ್ಯೈಃ ಪಿತ್ತಸಮ್ಭವಮ್| ಪದ್ಮೋತ್ಪಲಮೃಣಾಲೈರ್ವಾ ಸಸರ್ಜಾರ್ಜುನವೇತಸೈಃ| ಸೇಚಯೇಚ್ಚ ಘೃತಕ್ಷೀರಶರ್ಕರೇಕ್ಷುಮಧೂದಕೈಃ||೫||

Adhikarana shlaiShmikApadaMshacikitsA (6) · Śloka 6

ಧವಸಾಲಾಶ್ವಕರ್ಣಾಜಕರ್ಣತ್ವಗ್ಭಿಃ ಕಫೋತ್ಥಿತಮ್| ಸುರಾಪಿಷ್ಟಾಭಿರುಷ್ಣಾಭಿಃ ಸತೈಲಾಭಿಃ ಪ್ರಲೇಪಯೇತ್| ರಜನ್ಯತಿವಿಷಾಮುಸ್ತಸರಲಾಮರದಾರುಭಿಃ| ಸಪತ್ರಪಾಠಾಪತ್ತೂರೈರಥವಾ ಶ್ಲೇಷ್ಮಸಮ್ಭವಮ್||೬||

Adhikarana pAkaprAptipariharaNam (7) · Śloka 7

ನ ಚ ಯಾತಿ ಯಥಾ ಪಾಕಂ ಪ್ರಯತೇತ ತಥಾ ಭೃಶಮ್| ಪಕ್ವೈಃ ಸ್ನಾಯುಸಿರಾಮಾಂಸೈಃ ಪ್ರಾಯೋ ನಶ್ಯತಿ ಹಿ ಧ್ವಜಃ||೭||

Adhikarana avashiShTApadaMshayoshcikitsA (8) · Śloka 8

ಅಪದಂಶದ್ವಯೇ ಶಿಷ್ಟೇ ಪ್ರತ್ಯಾಖ್ಯಾಯಾಚರೇತ್ ಕ್ರಿಯಾಮ್||೮||

Adhikarana arshasAM cikitsA (9) · Śloka 9

ಅರ್ಶಾಂಸಿ ಯಥಾಯೋಗಂ ಶುದ್ಧದೇಹಸ್ಯ ಶಸ್ತ್ರಕ್ಷಾರಾಗ್ನಿಭಿಃ ಸಾಧ ಯೇತ್| ಉಪದಂಶೋಕ್ತಾ ಚಾತ್ರ ರಸಕ್ರಿಯಾ ಲೇಪಃ||೯||

Adhikarana sarShapikAcikitsA (10) · Śloka 10

ಸರ್ಷಪಿಕಾಂ ವಿಲಿಖ್ಯ ಕಷಾಯೈರವಚೂರ್ಣಯೇತ್| ತೈರೇವ ಚ ತೈಲಂ ವ್ರಣರೋಪಣಂ ಕುರ್ಯಾತ್||೧೦||

Adhikarana avamanthacikitsA (11) · Śloka 11

ಅವಮನ್ಥೇ ಜಲೌಕಸೋ ಯೋಜಯೇತ್| ಪಕ್ವಭಿನ್ನಂ ಧವತಿನ್ದುಕ ಸಲ್ಲಕೀಪತ್ತಙ್ಗಸರ್ಜಕೃತೇನ ತೈಲೇನ ರೋಪಯೇತ್||೧೧||

Adhikarana kumbhIkAcikitsA (12) · Śloka 12

ತದ್ವತ್ ಕುಮ್ಭೀಕಾಮುಪಚರೇತ್| ಲೋಧ್ರತಿನ್ದುಕತ್ರಿಫಲಾಕೃತಸ್ತು ಲೇಪಸ್ತೈಲಂ ಚ ರೋಪಣಮ್||೧೨||

Adhikarana alajIcikitsA (13) · Śloka 13

ಅಲಜೀಂ ಸ್ರುತರಕ್ತಾಂ ಕಷಾಯೈರವಚೂರ್ಣಯೇತ್| ತೇಷ್ವೇವ ಚ ತೈಲಂ ವ್ರಣರೋಪಣಾರ್ಥಂ ಕುರ್ವೀತ||೧೩||

Adhikarana uttamAcikitsA (14) · Śloka 14

ಉತ್ತಮಾಂ ಪಿಟಕಾಂ ಶಸ್ತ್ರೇಣ ಚ್ಛಿತ್ವಾ ಕಷಾಯಚೂರ್ಣಪ್ರದೇಹೈರ್ಮಧು ಮದ್ಭಿರುಪಾಚರೇತ್||೧೪||

Adhikarana puShkarikAdInAM cikitsA (15) · Śloka 15

ಪುಷ್ಕರಿಕಾಸಂವ್ಯೂಢಾಸ್ಪರ್ಶಹಾನಿತ್ವಕ್ಪಾಕೇಷು ಪಿತ್ತವಿಸರ್ಪೋಕ್ತೋ ವಿಧಿಃ||೧೫||

Adhikarana mRuditacikitsA (16) · Śloka 16

ಮೃದಿತಂ ಕೋಷ್ಣೇನ ಬಲಾತೈಲೇನ ಪರಿಷೇಚಯೇತ್| ಮಧುರದ್ರವ್ಯಕಲ್ಕೈ ಶ್ಚ ಸುಖೋಷ್ಣೈರ್ಘೃತಸ್ನಿಗ್ಧೈರುಪನಾಹಯೇತ್||೧೬||

Adhikarana aShThIlikAcikitsA (17) · Śloka 17

ಅಷ್ಠೀಲಿಕಾಂ ಜಲೌಕೋಭಿರ್ಗ್ರಹಯೇತ್| ತಥಾಽನುಪಶಮೇ ಶ್ಲೇಷ್ಮ ಗ್ರನ್ಥಿಮಿವ ಶಸ್ತ್ರೇಣೋದ್ಧರೇತ್||೧೭||

Adhikarana nivRuttacikitsA (18) · Śloka 18

ನಿವೃತ್ತಂ ಸರ್ಪಿಷಾಭ್ಯಜ್ಯ ಸ್ವೇದಯೇತ್| ಸ್ವಿನ್ನಮುಪನಾಹಯೇತ್ತ್ರಿರಾತ್ರಂ ಪಞ್ಚರಾತ್ರಂ ವಾ ಸಾಲ್ವಲೇನ| ತತೋ ಭೂಯಃ ಸ್ವೇದಯಿತ್ವಾ ಘೃತೇನಾ ಭ್ಯಜ್ಯ ಶನೈಃ ಶನೈಶ್ಚರ್ಮ ಸಮಾನಯನ್ ಮಣಿಮವಪೀಡಯೇತ್| ಪೀಡ ಯಿತ್ವಾ ಚ ಪುನರುಪನಾಹಯೇತ್| ಸ್ನಿಗ್ಧೋಷ್ಣಂ ಚಾನ್ನಪಾನಮ್||೧೮||

Adhikarana avapATikAcikitsA (19) · Śloka 19

ಅವಪಾಟಿಕಾಯಾಮಪ್ಯಯಂ ವಿಧಿಃ||೧೯||

Adhikarana niruddhamaNicikitsA (20) · Śloka 20

ನಿರುದ್ಧಮಣೌ ಸುವರ್ಣಾದಿಕೃತಾಂ ದಾರುಜಾಂ ವಾ ಜತುಸೃತಾಂ ನಾಡೀ ಮುಭಯತೋದ್ವಾರಂ ಸ್ನೇಹಾಭ್ಯಕ್ತಾಂ ಸ್ರೋತಸಿ ಪ್ರಣಿಧಾಯ ಸೂಕರಶಿಂ ಶುಮಾರಯೋರ್ವಸಯಾ ಮಜ್ಜ್ಞಾ ವಾ ಪರಿಷೇಚಯೇತ್| ಚಕ್ರತೈಲೇನ ವಾ| ವಾತಹರಸಿದ್ಧೇನ ವಾ ತ್ರಿವೃತೇನ| ತೃತೀಯೇ ತೃತೀಯೇ ಚಾಹನಿ ನಾಡೀಂ ಪೀನತರಾಂ ವಿದಧ್ಯಾತ್| ಏವಮಸ್ಯ ಸ್ರೋತೋದ್ವಾರಂ ವಿವರ್ಧಯೇತ್ ಸ್ನಿಗ್ಧಂ ಚಾಹಾರಂ ಭೋಜಯೇತ್| ಏವಮನುಪಶಾನ್ತೌ ಶಸ್ತ್ರೇಣ ಸೇವನೀಂ ಪರಿಹೃತ್ಯ ದಾರಯಿತ್ವಾ ಸದ್ಯಃ ಕ್ಷತವದುಪಾಚರೇತ್||೨೦||

Adhikarana grathitAdInAM cikitsA (21) · Śloka 21

ಗ್ರಥಿತಂ ನಾಡೀಸ್ವೇದೇನ ಸ್ವೇದಯಿತ್ವಾ ಸ್ನಿಗ್ಧೋಷ್ಣೈರುಪನಾಹಯೇತ್| ಶತಪೋನಕಂ ಲಿಖಿತ್ವಾ ಕಷಾಯರ್ಚೂರ್ಣೈಃ ಸಕ್ಷೌರ್ದ್ರೈರ್ಲೇಪಯೇತ್| ವಿದಾರ್ಯಾದಿಸಿದ್ಧೇನ ಚ ತೈಲೇನ ರೋಪಯೇತ್| ಶರ್ಕರಾರ್ಬುದೇ ರಕ್ತ ವಿದ್ರಧಿವತ್ ಸಾಧನಮ್||೨೧||

Adhikarana sarvaiShvantaHshuddhicikitsA (22) · Śloka 22

ಸರ್ವೇಷು ಚ ಯಥಾಸ್ವಮನ್ತಃ ಶುದ್ಧಿಂ ಕಷಾಯಲೇಪಘೃತತೈಲರಸಕ್ರಿಯಾ ಚೂರ್ಣಶೋಧನರೋಪಣಾನ್ ವಿದಧ್ಯಾತ್||೨೨||

Adhikarana vAtikIyonivyApaccikitsA (23) · Śloka 23

ಯೋನಿವ್ಯಾಪದಿ ತು ವಾತಿಕ್ಯಾಂ ಲವಣತೈಲಾಕ್ತಾಂ ಯೋನಿಂ ಪಿಣ್ಡ ನಾಡೀಕುಮ್ಭೀಪ್ರಭೃತಿಭಿಃ ಸ್ವೇದಯೇತ್| ತತಃ ಸುಖೋಷ್ಣಾಮ್ಬುಪರಿಷಿ ಕ್ತಸರ್ವಗಾತ್ರಾಂ ಜಾಙ್ಗಲರಸೈರ್ಭೋಜಯೇತ್| ಬಲಾದ್ರೋಣದ್ವಯನಿರ್ಯೂಹೇ ಪಯಸ್ಯಾಸಾಲಪರ್ಣೀಮಾಗಧಿಕಶತಾ ವರೀಕಾಕನಾಸಾಶ್ರಾವಣೀಶರ್ಕರಾಜೀವನೀಯಗರ್ಭಂ ಕ್ಷೀರಚತುರ್ಗುಣಂ ಘೃತತೈಲಾಢಕಂ ಸಾಧಯೇತ್ ತತ್ಪಾನಾತ್ ಸರ್ವಾನ್ ವಾತಪಿತ್ತವಿಕಾ ರಾನಪೋಹತಿ ಗರ್ಭಜನನಂ ಚ| ಶತಾವರೀತ್ರಿಫಲಾಗುಡೂಚೀಕಾಶ್ಮರ್ಯಮೃದ್ವೀಕಾಕಾಸಮರ್ದಕಪರೂಷ ಕಹರಿದ್ರಾದ್ವಯಸಹಚರಶುಕನಾಸಾಪುನರ್ನವೈಃ ಕಾರ್ಷಿಕೈರ್ಘೃತಪ್ರಸ್ಥಃ ಸಿದ್ಧಃ ಪೀತೋ ವಾತಜಾನ್ ಯೋನಿರೋಗಾನಪೋಹತಿ ಗರ್ಭಜನನಶ್ಚ| ಸೈನ್ಧವವಚೋಪಕುಞ್ಚಿಕಾಪಿಪ್ಪಲೀವೃಷಕಯವಕ್ಷಾರಾಜಮೋದಾಜಾಜೀ ಸಿತೋಪಲಾಚಿತ್ರಕಚೂರ್ಣೋ ಮದಿರಾಲುಲಿತಃ ಸರ್ಪಿಷಾ ಸಂಯಾವೀಕೃತ್ಯ ಭಕ್ಷಿತೋ ಯೋನಿಪಾರ್ಶ್ವವಸ್ತಿವೇದನಾರ್ಶೋಗುಲ್ಮಹೃದ್ರೋಗಹರಃ| ಶೂಲೇ ವೃಷಕರಾಸ್ನಾಗೋಕ್ಷುರಕ ಶೃತಂ ಪಯಃ ಪಿಬೇತ್| ವೃಷಕ ಮಾತುಲುಙ್ಗಮೂಲಮದಯನ್ತಿಕಾಸೈನ್ಧವಪಿಪ್ಪಲೀಕೃಷ್ಣಜೀರಕಕಲ್ಕಂ ವಾ ಮದ್ಯೇನ| ತೇನೈವ ಚಾರ್ಜಕಮೂಲಂ ಬಿಲ್ವಯುಕ್ತಂ ವಾ ಪಿಪ್ಪಲೀ ಯುಕ್ತಂ ವಾ| ಸೌವರ್ಚಲೋಪಕುಞ್ಚಿಕಾ ಪಿಪ್ಪಲೀರ್ವಾ ಮದ್ಯೇನಾವನ್ತಿ ಸೋಮೇನ ವಾ| ದನ್ತೀತ್ರಿಫಲಾಗುಡೂಚೀಕ್ವಾಥಃ ಸುಖೋಷ್ಣೋ ಯೋನೇಃ ಪರಿಷೇಕಃ| ಕುಷ್ಠತಗರದೇವದಾರುವಾರ್ತಾಕಿನೀಸೈನ್ಧವೈಃ ಸಾಧಿತಂ ತೈಲಂ ಪಿಚುನಾ ಧಾರಯೇತ್| ರಾಸ್ನಾಮಾಲತೀಚ್ಛಿನ್ನರುಹಾಮಧುಕಬಲಾವ್ಯಾಘ್ರೀದೇವದಾರುಚಿತ್ರಕಯೂ ಥಿಕಾಮೂಲೈಃ ಕರ್ಷಾಂಶೈಸ್ತೈಲಪ್ರಸ್ಥಃ ಸಮೂತ್ರೋ ದ್ವಿಗುಣಪಯಸಾ ವಿಪ ಕ್ವಃ ಪಿಚುನಾ ಪ್ರಣೀತೋಽನಿಲಾರ್ತಿಹರಃ| ಬಸ್ತಿಕರ್ಮ ಚಾಭೀಕ್ಷ್ಣಂ ಸ್ವೇದಂ ಚ ಪ್ರಯೋಜಯೇದ್ವಿಶೇಷತೋ ವಾತಹರೈಃ ಸುಕುಮಾರಬಲಾತೈಲಶಿರೀಷತೈಲೈಃ ಶತಪಾಕಸಹಸ್ರಪಾಕೈಶ್ಚಾ ನುವಾಸನಮುತ್ತರವಸ್ತಿಞ್ಚ| ಏಷ ಕ್ರಮೋ ವಿಶೇಷೇಣ ಯೋನಿರ್ವೇದನಾ ಕಾರ್ಕಶ್ಯಸ್ತಮ್ಭಸ್ರಂಸಸ್ಪರ್ಶಹಾನಿಘ್ನಶ್ಚ||೨೩||

Adhikarana aticaraNAdInAM cikitsAkramaH (24) · Śloka 24

ಅತಿಚರಣಾದಿಷು ಸರ್ವಾಸ್ವನಿಲಜಾಸ್ವಯಮೇವ ಕ್ರಮಃ||೨೪||

Adhikarana aticaraNAyAM visheShaH (25) · Śloka 25

ಧಾರಯೇಚ್ಚಾತಿಚರಣಾಯಾಂ ಯವಗೋಧೂಮಕಿಣ್ವಕುಷ್ಠಶತಪುಷ್ಪಾ ಶ್ರಯಾಹ್ವಪ್ರಿಯಙ್ಗುಬಲಾಖುಕರ್ಣೀಕಲ್ಕಕೃತಾಮುತ್ಕಾರಿಕಾಮ್||೨೫||

Adhikarana prAkcaraNAdiShu punaH kramavisheShaH (26) · Śloka 26

ಪ್ರಾಕ್ಚರಣಾಶುಷ್ಕಾವಿಪ್ಲುತಾಕರ್ಣಿನೀಷು ತೈಲಮುತ್ತರಬಸ್ತಿಂ ದದ್ಯಾತ್||೨೬||

Adhikarana viplutAyAM visheShaH (27) · Śloka 27

ಧಾರಯೇಚ್ಚ ವಿಪ್ಲುತಾಯಾಂ ಗೋಮತ್ಸ್ಯಾನ್ಯತರಪಿತ್ತೇನೈಕವಿಂಶತಿ ಕೃತ್ವೋ ಭಾವಿತಾನ್ ಕ್ಷೌಮನಕ್ತಕಾನ್ ಕಿಣ್ವಂ ವಾ ಮಾಕ್ಷಿಕ ಯುಕ್ತಮೇವಮಸ್ಯಾಃ ಸ್ರೋತಾಂಸಿ ವಿಶುದ್ಧ್ಯನ್ತಿ ಕಣ್ಡೂಕ್ಲೇದಶೋ ಫಾಶ್ಚ ನಿವರ್ತನ್ತೇ||೨೭||

Adhikarana karNinyAM visheShaH (28) · Śloka 28

ಕರ್ಣಿನ್ಯಾಂ ತು ಕುಷ್ಠಾರ್ಕಪಲ್ಲವಪಿಪ್ಪಲೀಸೈನ್ಧವೈರ್ಬಸ್ತಮೂತ್ರ ಪಿಷ್ಟೈರ್ವರ್ತ್ತಿ ಕೃತ್ವಾ ಧಾರಯೇತ್| ಶ್ಲೇಷ್ಮಹರಞ್ಚ ಸರ್ವಂ ಕುರ್ಯಾತ್||೨೮||

Adhikarana udAvRuttAyAM visheShaH (29) · Śloka 29

ಉದಾವೃತ್ತಾಯಾಮಾನೂಪಮಾಂಸರಸಾಃ ಕ್ಷೀರಂ ಸ್ವೇದೋ ದಶಮೂಲತ್ರಿವೃತಾ ಕ್ವಾಥಕಲ್ಕಸಿದ್ಧಶ್ಚ ಸ್ನೇಹಃ ಪಾನಾನುವಾಸನೋತ್ತರಬಸ್ತಿಷು| ಯೋನಿಸ್ರಂಸೇ ಚ ಮಹಾಯೋನಿಪ್ರಭೃತಿಷ್ವೇಷ ಏವಂ ವಿಧಿಃ||೨೯||

Adhikarana jAtAghnyAdInAM cikitsA (30) · Śloka 30

ಜಾತಘ್ನೀರಕ್ತಯೋನಿರಕ್ತಕ್ಷಯಾಸು ಕುಟಜಕಾಱ್ಶ್ಮರ್ಯಕ್ವಾಥ ಸಿದ್ಧಂ ಸರ್ಪಿರುತ್ತರಬಸ್ತೌ ದದ್ಯಾತ್| ಅಥವಾ ಮೃಗಾಜಾವಿವರಾ ಹರುಧಿರಾಮ್ಲದಧಿಮಧುಘೃತಾನೀತಿ||೩೦||

Adhikarana doShAnusAraM kramavisheShaH (31) · Śloka 31

ಭವತಿ ಚಾತ್ರ- ಸ್ನೇಹೇನ ವೇದಬಸ್ತ್ಯಾದಿ ವಾತಲಾಸ್ವನಿಲಾಪಹಮ್| ಕಾರಯೇದ್ರಕ್ತಪಿತ್ತಘ್ನಂ ಶೀತಂ ಪಿತ್ತಕೃತಾಸು ಚ| ಶ್ಲೇಷ್ಮಲಾಸು ಚ ರೂಕ್ಷೋಷ್ಣಂ ಕರ್ಮ ಕುರ್ಯಾದ್ಯಥಾಯಥಮ್| ಸನ್ನಿಪಾತೇ ವಿಮಿಶ್ರಂ ತು ಸಂಸೃಷ್ಟಾಸು ಚ ಕಾರಯೇತ್||೩೧||

Adhikarana sthApanApavRuttAyAH karma (32) · Śloka 32

ಸ್ನಿಗ್ಧಸ್ವಿನ್ನಾಂ ತಥಾ ಯೋನಿಂ ದುಃಸ್ಥಿತಾಂ ಸ್ಥಾಪಯೇತ್ಸಮಾಮ್| ಪಾಣಿನಾ ನಮಯೇತ್ ಜಿಹ್ಯಾಂ ಸಂವೃತಾಂ ಪ್ರಥಯೇತ್ ಪುನಃ| ಪ್ರವೇಶಯೇನ್ನಿಸ್ಸೃತಾಂ ಚ ವಿವೃತಾಂ ಪರಿವರ್ತಯೇತ್| ಸ್ಥಾಪನಾಪವೃತಾ ಯೋನಿರ್ಹಿ ಶಲ್ಯಭೂತಾ ಸ್ರಿಯಾಮತಾ||೩೨||

Adhikarana pa~jcakarmabhiH shodhanam (33) · Śloka 33

ಸರ್ವಾಂ ವ್ಯಾಪನ್ನಯೋನಿಂ ಚ ಕರ್ಮಭಿರ್ವಮನಾದಿಭಿಃ| ಮೃದುಭಿಃ ಪಞ್ಚಭಿರ್ನಾರೀಂ ಸ್ನಿಗ್ಧಸ್ವಿನ್ನಾಮುಪಾಚರೇತ್||೩೩||

Adhikarana sthAnApavRuttAyAH karma (34) · Śloka 34

ಸರ್ವತಃ ಸುವಿಶುದ್ಧಾಯಾಃ ಶೇಷಂ ಕರ್ಮ ವಿಧೀಯತೇ| ಬಸ್ತ್ಯಭ್ಯಙ್ಗಪರೀಷೇಕಪ್ರಲೇಪಪಿಚುಧಾರಣಮ್||೩೪||

Adhikarana doShAdyavasthAnusAraM yogavisheShAH (35) · Śloka 35

ಹಿಂಸ್ರಾಕಲ್ಕಂ ಸಮೀರಾರ್ತ್ತೌ ಕೋಷ್ಣಮಭ್ಯಜ್ಯ ಧಾರಯೇತ್| ಪಞ್ಚವಲ್ಕಸ್ಯ ಪಿತ್ತಾರ್ತ್ತ್ತೌ ಶ್ಯಾಮಾದೀನಾಂ ಕಫಾತುರಾ| ವಮಿನ್ಯಾಪ್ಲುತಯೋಶ್ಚೈವ ಸ್ವೇದಯಿತ್ವಾ ಪ್ರಯೋಜಯೇತ್| ತರ್ಪಣಂ ಸ್ನೇಹಪಿಚುಭಿರ್ಭೋಜನಂ ಚಾನಿಲಾಪಹಮ್| ಸಲ್ಲಕೀಜಿಙ್ಗಿಣೀಜಮ್ಬುಧವತ್ವಕ್ಪಞ್ಚವಲ್ಕಲೈಃ| ಕಷಾಯೈಃ ಸಾಧಿತಾತ್ಸ್ನೇಹಾತ್ಪರ್ಯುಪಪ್ಲುತಯೋಃ ಪಿಚುಮ್| ಕುಲೀರಸೂಕರವಸಾ ಸರ್ಪಿರ್ಭಿರ್ಮಧುರೈಃ ಶೃತೈಃ| ಪೂರಯಿತ್ವಾ ಮಹಾಯೋನಿಂ ಬಧ್ನೀಯಾತ್ ಕ್ಷೌಮನಕ್ತಕಃ| ಪ್ರಸ್ರಸ್ತಾಂ ಸರ್ಪಿಷಾಭ್ಯಜ್ಯ ಕ್ಷೀರಸ್ವಿನ್ನಾಂ ಪ್ರವೇಶಯೇತ್| ಬಧ್ನೀಯಾದ್ವೇಶವಾರಸ್ಯ ಪಿಣ್ಡೇನಾಮೂತ್ರಕಾಲತಃ||೩೫||

Adhikarana vAtavyAdhyuktaM karma (36) · Śloka 36

ಯಚ್ಚ ವಾತವಿಕಾರಾಣಾಂ ಕರ್ಮೋಕ್ತಂ ತಚ್ಚ ಕಾರಯೇತ್| ಸರ್ವವ್ಯಾಪತ್ಸು ಮತಿಮಾನ್ ಮಹಾಯೋನ್ಯಾಂ ವಿಶೇಷತಃ| ನ ಹಿ ವಾತಾದೃತೇ ಯೋನಿರ್ವನಿತಾನಾಂ ಪ್ರದುಷ್ಯತಿ| ಅತೋ ಜಿತ್ವಾ ತಮನ್ಯಸ್ಯ ಕುರ್ಯಾದ್ದೋಷಸ್ಯ ಭೇಷಜಮ್||೩೬||

Adhikarana paittike yogavisheShAH (37) · Śloka 37

ಪಿತ್ತಲಾನಾಂ ತು ಯೋನಿನಾಂ ಸೇಕಾಭ್ಯಙ್ಗಪಿಚುಕ್ರಿಯಾಃ| ಶೀತಾಃ ಪಿತ್ತಜಿತಃ ಕಾರ್ಯಾಃ ಸ್ನೇಹನಾರ್ಥಂ ಘೃತಾನಿ ಚ| ಶತಾವರೀಮೂಲತುಲಾಚತುಷ್ಕಾತ್ ಕ್ಷುಣ್ಣಪೀಡಿತಾತ್| ರಸೇನ ಕ್ಷೀರತುಲ್ಯೇನ ಪಾಚಯೇತ ಘೃತಾಢಕಮ್| ಜೀವನೀಯೈಃ ಶತಾವರ್ಯಾ ಮೃದ್ವೀಕಾಭಿಃ ಪರೂಷಕೈಃ| ಪಿಷ್ಟೈಃ ಪ್ರಿಯಾಲೈಶ್ಚಾಕ್ಷಾಂಶೈರ್ಮಧುಕಾಱ್ದ್ಧಪಲಾನ್ವಿತೈಃ| ಸಿದ್ಧಶೀತೇ ತು ಮಧುನಃ ಪಿಪ್ಪಲ್ಯಾಶ್ಚ ಪಲಾಷ್ಟಕಮ್| ಶರ್ಕರಾಯಾ ದಶಪಲಂ ಕ್ಷಿಪೇಲ್ಲಿಹ್ಯಾತ್ ಪಿಚುಂ ತತಃ| ಯೋನ್ಯಸೃಕ್ಶುಕ್ರದೋಷಘ್ನಂ ವೃಷ್ಯಂ ಪುಂಸವನಂ ಪರಮ್| ಕ್ಷತಂ ಕ್ಷಯಮಸೃಕ್ಪಿತ್ತಂ ಕಾಸಂ ಶ್ವಾಸಂ ಹಲೀಮಕಮ್| ಕಾಮಿಲಾಂ ವಾತರುಧಿರಂ ವಿಸರ್ಪಂ ಹೃಚ್ಛಿರೋಗ್ರಹಮ್| ಅಪಸ್ಮಾರಾರ್ದಿತಾಯಾಮಮದೋನ್ಮಾದಾಂಶ್ಚ ನಾಶಯೇತ್| ಏವಮೇವ ಪಯಸ್ಸರ್ಪಿರ್ಜೀವನೀಯೋಪಸಾಧಿತಮ್| ಗರ್ಭದಂ ಪಿತ್ತಜಾನಾಞ್ಚ ರೋಗಾಣಾಂ ಪರಮಂ ಹಿತಮ್||೩೭||

Adhikarana raktayonicikitsAkramaH (38) · Śloka 38

ರಕ್ತಯೋನ್ಯಾಮಸೃಗ್ವರ್ಣೈರನುಬನ್ಧಮವೇಕ್ಷ್ಯ ಚ| ಯಥಾದೋಷೋದಯಂ ಯುಞ್ಜ್ಯಾದ್ರಕ್ತಸ್ಥಾಪನಮೌಷಧಮ್||೩೮||

Adhikarana vAtottarAsRugdaracikitsA (39) · Śloka 39

ತಿಲಚೂರ್ಣಂ ದಧಿಘೃತಂ ಫಾಣಿತಂ ಸೌಕರೀ ವಸಾ| ಕ್ಷೌದ್ರಯುಕ್ತಂ ಜಯೇತ್ಪೀತಂ ವಾತೋತ್ತರಮಸೃಗ್ದರಮ್| ವರಾಹಸ್ಯ ರಸೋ ಮೇಧ್ಯಃ ಸಕೌಲತ್ಥಶ್ಚ ತದ್ಗುಣಃ| ಪತ್ರಕಲ್ಕೋ ಘೃತೇ ಭೃಷ್ಟೋ ರಾಜಾದನಕಪಿತ್ಥಯೋಃ| ಶರ್ಕರಾಕ್ಷೌದ್ರಯಷ್ಟ್ಯಾಹ್ವನಾಗರೈಶ್ಚ ಯುತಂ ದಧಿ||೩೯||

Adhikarana pittottarAsRugdaracikitsA (40) · Śloka 40

ಪಯಸ್ಯೋತ್ಪಲಶಾಲೂಕಬಿಸಕಾಲೀಯವಾರಿಜಮ್| ಸಪಯಶ್ಶರ್ಕರಾಕ್ಷೌದ್ರಂ ರಕ್ತೇ ಪಿತ್ತೋತ್ತರೇ ಪಿಬೇತ್| ತಣ್ಡುಲೀಯಕಮೂಲಂ ವಾ ಸಕ್ಷೌದ್ರಂ ತಣ್ಡುಲಾಮ್ಭಸಾ| ಸತಾರ್ಕ್ಷ್ಯಶೈಲಂ ಲಾಕ್ಷಾಂ ವಾ ಛಾಗೇನ ಪಯಸಾ ಪಿಬೇತ್| ವಾಸಾಘೃತಂ ಮಹಾತಿಕ್ತಂ ರಕ್ತಪಿತ್ತಹಿತಞ್ಚ ಯತ್||೪೦||

Adhikarana kaphottarAsRugdaracikitsA (41) · Śloka 41

ಮಧುಕಂ ತ್ರಿಫಲಾಂ ಲೋಧ್ರಂ ಮುಸ್ತಂ ಸೌರಾಷ್ಟ್ರಿಕಾಂ ಮಧು| ಮದ್ಯೈರ್ನಿಮ್ಬಗುಡೂಚ್ಯೌ ಚ ಕಫಜೇಽಸೃಗ್ದರೇ ಪಿಬೇತ್||೪೧||

Adhikarana puShyAnugaM cUrNam (42) · Śloka 42

ಪಾಠಾಂ ಜಮ್ಬ್ವಾಮ್ರಯೋರಸ್ಥಿಶಿಲೋದ್ಭೇದಂ ರಸಾಞ್ಜನಮ್| ಅಮ್ಬಷ್ಠಾಂ ಶಾಲ್ಮಲೀಪಿಚ್ಛಾಂ ಸಮಙ್ಗಾಂ ವತ್ಸಕತ್ವಚಮ್| ವಾಹ್ನೀಕಬಿಲ್ವಾತಿವಿಷಾಲೋಧ್ರತೋಯದಗೈರಿಕಮ್| ಶುಣ್ಠೀಮಧುಕಮಾಚೀಕರಕ್ತಚನ್ದನಕಟ್ಫಲಮ್| ಕಟ್ವಙ್ಗವತ್ಸಕಾನನ್ತಾ ಧಾತಕೀಮಧುಕಾರ್ಜುನಮ್| ಪುಷ್ಯೇ ಗೃಹೀತ್ವಾ ಸಞ್ಚ್ಚೂರ್ಣ್ಯ ಸಕ್ಷೌದ್ರಂ ತಣ್ಡುಲಾಮ್ಬುನಾ| ಪಿಬೇದರ್ಶಸ್ವತೀಸಾರೇ ರಕ್ತಂ ಯಚ್ಚೋಪವೇಶ್ಯತೇ| ದೋಷಾ ಜನ್ತುಕೃತಾ ಯೇ ಚ ಬಾಲಾನಾಂ ತಾಂಶ್ಚ ನಾಶಯೇತ್| ಯೋನಿದೋಷಂ ರಜೋದೋಷಂ ಶ್ಯಾವಶ್ವೇತಾರುಣಾಸಿತಮ್| ಚೂರ್ಣಂ ಪುಷ್ಯಾನುಗಂ ನಾಮ ಹಿತಮಾತ್ರೇಯಪೂಜಿತಮ್||೪೨||

Adhikarana garbhasrAvoktA cikitsA (43) · Śloka 43

ಸರ್ವೇಷು ಗರ್ಭಸ್ರಾವೋಕ್ತಂ ಪ್ರದರೇಷು ಪ್ರಶಸ್ಯತೇ||೪೩||

Adhikarana raktakShaye cikitsA (44) · Śloka 44

ರಕ್ತಕ್ಷಯಾಯಾಂ ಕ್ಷೀರಞ್ಚ ಜೀವನೀಯ ಶೃತಂ ಪಿಬೇತ್||೪೪||

Adhikarana shlaiShmike yonidoShe varttayaH (45) · Śloka 45

ಯೋನ್ಯಾಂ ಬಲಾಸದುಷ್ಟಾಯಾಂ ವರ್ತ್ತಿಃ ಸಂಶೋಧನೇ ಹಿತಾ| ವಾರಾಹೇ ಬಹುಶಃ ಪಿತ್ತೇ ಭಾವಿತೈರ್ನಕ್ತಕೈಃ ಕೃತಾಃ| ಭಾವಿತಂ ಪಯಸಾಽರ್ಕಸ್ಯ ಮಾಷಚೂರ್ಣಂ ಸಸೈನ್ಧವಮ್| ವರ್ತ್ತಿಃ ಕೃತಾ ಕ್ಷಣಂ ಧಾರ್ಯಾ ಸೇಕ್ತವ್ಯಾನುಸುಖಾಮ್ಬುನಾ| ಪಿಪ್ಪಲೀಮಾಷಮರಿಚಶತಾಹ್ವಾಕುಷ್ಠಸೈನ್ಧವೈಃ| ಪ್ರದೇಶಿನ್ಯಙ್ಗುಲೀತುಲ್ಯಾ ವರ್ತ್ತಿರ್ಯೋನಿವಿಶೋಧನೀ||೪೫||

Adhikarana udumbarashalATusiddhaM tailam (46) · Śloka 46

ಉದುಮ್ಬರಶಲಾಟೂನಾಂ ದ್ರೋಣಂ ದ್ರೋಣೇಽಮ್ಭಸಃ ಪಚೇತ್| ಸಪಞ್ಚವಲ್ಕತಿಲಕಮಾಲತೀನಿಮ್ಬಪಲ್ಲವೇ| ನಿಶಾಸ್ಥಿತೇ ಜಲೇ ತಸ್ಮಿಂಸ್ತೈಲಪ್ರಸ್ಥಂ ವಿಪಾಚಯೇತ್| ಪಲಾಶಶಾಲ್ಮಲೀಲಾಕ್ಷಾಧವನಿರ್ಯಾಸವಲ್ಕಲೈಃ| ಪಿಷ್ಟೈರ್ಯುಕ್ತಂ ತತಃ ಸ್ನೇಹಪಿಚುಂ ಯೋನೌ ನಿಧಾಪಯೇತ್| ಸಶರ್ಕರೈಃ ಕಷಾಯೈಶ್ಚ ಶೀತೈಃ ಕುರ್ವೀತ ಸೇಚನಮ್| ಪಿಚ್ಛಿಲಾ ವಿವೃತಾ ಯೋನಿಶ್ಚಿರದುಷ್ಟಾ ತು ದಾರುಣಾ| ಸಪ್ತಾಹಾಚ್ಛುಧ್ಯತಿ ಕ್ಷಿಪ್ರಮಪತ್ಯಂ ಚ ಸಮಶ್ನುತೇ||೪೬||

Adhikarana udumbarasiddhatailam (47) · Śloka 47

ಉದುಮ್ಬರಸ್ಯ ದುಗ್ಧೇನ ಷಟ್ಕೃತ್ವೋ ಭಾವಿತಾತ್ತಿಲಾತ್| ತೈಲಂ ಕ್ವಾಥೇನ ತಸ್ಯೈವ ಕಾರ್ಯಂ ಧಾರ್ಯಂ ಚ ಪೂರ್ವವತ್||೪೭||

Adhikarana dhAtakyAditailam (48) · Śloka 48

ಧಾತಕ್ಯಾಮಲಕೀಪತ್ರಸ್ರೋತೋಜಮಧುಕೋತ್ಪಲೈಃ| ಜಮ್ಬ್ವಾಮ್ರಸಾರಕಾಸೀಸಲೋಧ್ರಕಟ್ಫಲತಿನ್ದುಕೈಃ| ಸೌರಾಷ್ಟ್ರಿಕಾದಾಡಿಮತ್ವಗುದುಮ್ಬರಶಲಾಟುಭಿಃ| ಅಕ್ಷಮಾತ್ರೈರಜಾಮೂತ್ರೇ ಕ್ಷೀರೇ ಚ ದ್ವಿಗುಣೇ ಪಚೇತ್| ತೈಲಪ್ರಸ್ಥಂ ತದಭ್ಯಙ್ಗಪಿಚುಬಸ್ತಿಷು ಯೋಜಯೇತ್| ಶೂನೋತ್ತಾನೋನ್ನತಾ ಸ್ತಬ್ಧಾ ಪಿಚ್ಛಿಲಾ ಸ್ರಾವಿಣೀ ತಥಾ| ವಿಪ್ಲುತೋಪಪ್ಲುತಾ ಯೋನಿಃ ಸಿಧ್ಯೇತ್ಸಸ್ಫೋಟಶೂಲಿನೀ||೪೮||

Adhikarana dhAvanam (49) · Śloka 49

ಅರ್ಕನಿಮ್ಬಾಮ್ರಕೋಶಾಮ್ರಬಿಲ್ವಬೂಕಧವೋದ್ಭವೈಃ| ಕರೀರಜಿಙ್ಗಿಣೀಜಮ್ಬೂಕರಞ್ಜಾರ್ಜುನಶಿಗ್ರುಜೈಃ| ಪಲಾಶಸಿಧ್ರಕೋತ್ಥೈಶ್ಚ ಕಷಾಯೈರ್ದ್ಧಾವನಂ ಪರಮ್| ಶುಕ್ತಸೀಧುಮಧೂನ್ಮಿಶ್ರೈರ್ಯೋನೇಃ ಸ್ರಾವನಿವಾರಣಮ್| ಕುರ್ಯಾತ್ ಸತಕ್ರಗೋ ಮೂತ್ರಶುಕ್ತೈರ್ವಾ ತ್ರಿಫಲಾರಸೈಃ||೪೯||

Adhikarana yavAntAdishIlanam (50) · Śloka 50

ಯವಾನ್ನಮಭಯಾರಿಷ್ಟಂ ಶೀಧು ತೈಲಂ ಚ ಶೀಲಯೇತ್| ಪಿಪ್ಪಲ್ಯಯೋರಜಃ ಪಥ್ಯಾಪ್ರಯೋಗಾಂಶ್ಚ ಸಮಾಕ್ಷಿಕಾನ್||೫೦||

Adhikarana pANDurAsRugdaracikitsA (51) · Śloka 51

ರೋಹೀತಕಜಟಾಕಲ್ಕಂ ಪಾಣ್ಡುರೇಽಸೃಗ್ದರೇ ಪಿಬೇತ್| ಧಾತ್ರೀಮಜ್ಜ್ಞೋಽಥವಾ ಕಲ್ಕಂ ಸಿತಾಮಾಕ್ಷಿಕಸಂಯುತಮ್| ಮಧುನಾಮಲಕೀಚೂರ್ಣಂ ರಸಂ ವಾ ಪ್ರಾಶಯೇತ್ ಸಿತೇ| ಸಲೋಧ್ರವಲ್ಕೇನ ವಟತ್ವಕ್ಕಷಾಯೇಣ ಧಾವಯೇತ್| ಆಸ್ರಾವೇ ಕ್ಷೌಮಪಟ್ಟಾನ್ ವಾ ಭಾವಿತಾಂಸ್ತೇನ ಧಾರಯೇತ್| ಪ್ಲಕ್ಷತ್ವಕ್ಚೂರ್ಣಪಿಣ್ಡಂ ವಾ ಧಾರಯೇನ್ಮಧುನಾ ಕೃತಮ್| ಯೋನ್ಯಾ ಸ್ನೇಹಾಕ್ತಯಾ ಲೋಧ್ರಪ್ರಿಯಙ್ಗುಮಧುಕಸ್ಯ ವಾ| ಧಾರ್ಯಾ ಮಧುಕೃತಾ ವರ್ತ್ತಿಃ ಕಷಾಯಾಣಾಮ್ ಚ ಭೂರಿಶಃ| ಸ್ರಾವಚ್ಛೇದಾರ್ಥಮಭ್ಯಕ್ತಾಂ ಧೂಪಯೇದ್ವಾ ಘೃತಾಪ್ಲುತೈಃ| ಸರಲಾಗುಗ್ಗುಲುಯವೈಃ ಸತೈಲೈಃ ಕಟುಮತ್ಸ್ಯಕೈಃ||೫೧||

Adhikarana paicchilye cUrNam (52) · Śloka 52

ಕಾಸೀಸಂ ತ್ರಿಫಲಾ ಕಾಙ್ಕ್ಷೀ ಸಾಮ್ರಜಮ್ಬ್ವಸ್ಥಿ ಧಾತಕೀ| ಪೈಚ್ಛಿಲ್ಯೇ ಕ್ಷೌದ್ರಸಂಯುಕ್ತಶ್ಚೂರ್ಣೋ ವೈಶದ್ಯಕಾರಕಃ||೫೨||

Adhikarana daurgandhye cikitsA (53) · Śloka 53

ಪಲಾಶಧಾತಕೀಜಮ್ಬೂಸಮಙ್ಗಾಮೋಚಸರ್ಜಜಃ| ದುರ್ಗನ್ಧೇ ಪಿಚ್ಛಿಲೇ ಕ್ಲೇದೇ ಸ್ತಮ್ಭನಶ್ಚೂರ್ಣ ಇಷ್ಯತೇ| ಆರಗ್ವಧಾದಿವರ್ಗಸ್ಯ ಕಷಾಯಃ ಪರಿಷೇಚನಮ್||೫೩||

Adhikarana stabdhakArkashyayoshcikitsA (54) · Śloka 54

ಸ್ತಬ್ಧಾನಾಂ ಕರ್ಕಶಾನಾಞ್ಚ ಕಾರ್ಯಂ ಮಾರ್ದವಕಾರಕಮ್| ಧಾರಣಂ ವೇಶವಾರಸ್ಯ ಕೃಸರಾ ಪಾಯಸಸ್ಯ ವಾ||೫೪||

Adhikarana pUtigandhe cikitsA (55) · Śloka 55

ದುರ್ಗನ್ಧಾನಾಂ ಕಷಾಯಃ ಸ್ಯಾತ್ತೈಲಂ ವಾ ಕಲ್ಕ ಏವ ವಾ| ಚೂರ್ಣೋ ವಾ ಸರ್ವಗನ್ಧಾನಾಂ ಪೂತಿಗನ್ಧಾಪಕರ್ಷಣಃ||೫೫||

Adhikarana bastidravyANi (56) · Śloka 56

ಶ್ಲೇಷ್ಮಲಾನಾಂ ಕಟುಪ್ರಾಯಾಃ ಸಮೂತ್ರಾ ಬಸ್ತಯೋ ಹಿತಾಃ| ಪಿತ್ತೇ ಸಮಧುಕಕ್ಷೀರಾ ವಾತೇ ತೈಲಾಮ್ಲಸಂಯುತಾಃ| ಸನ್ನಿಪಾತಸಮುತ್ಥಾಯಾಃ ಕರ್ಮ ಸಾಧರಣಂ ಹಿತಮ್||೫೬||

Adhikarana yonibIjayoH shuddhermahattvam (57) · Śloka 57

ಏವಂ ಯೋನಿಷು ಶುದ್ಧಾಸು ಗರ್ಭಂ ವಿನ್ದನ್ತಿ ಯೋಷಿತಃ| ಅದುಷ್ಟೇ ಪ್ರಾಕೃತೇ ಬೀಜೇ ಬೀಜೋಪಕ್ರಮಣೇ ಸತಿ||೫೭||

Adhikarana puruShendriyaparIkShaNam (58) · Śloka 58

ಪಞ್ಚಕರ್ಮವಿಶುದ್ಧಸ್ಯ ಪುರುಷಸ್ಯಾಪಿ ಚೇನ್ದ್ರಿಯಮ್| ಪರೀಕ್ಷ್ಯ ವರ್ಣೈರ್ದೋಷಾಣಾಂ ದುಷ್ಟಂ ತದ್ಘ್ನೈರುಪಾಚರೇತ್||೫೮||

Adhikarana phalasarpiH (59-39) · Śloka 39

ಮಞ್ಜಿಷ್ಠಾಕುಷ್ಠತಗರತ್ರಿಫಲಾಶರ್ಕರಾವಚಾಃ| ದ್ವೇ ನಿಶೇ ಮಧುಕಂ ಮೇದಾ ದೀಪ್ಯಕಃ ಕಟುರೋಹಿಣೀ| ಪಯಸ್ಯಾ ಹಿಙ್ಗು ಕಾಕೋಲೀ ವಾಜಿಗನ್ಧಾ ಶತಾವರೀ| ಪಿಷ್ಟ್ವಾಕ್ಷಾಂಶಂ ಘೃತಪ್ರಸ್ಥಂ ಪಚೇತ್ ಕ್ಷೀರಚತುರ್ಗುಣಮ್| ಯೋನಿಶುಕ್ರಪ್ರದೋಷೇಷು ತತ್ಸರ್ವೇಷು ಪ್ರಶಸ್ಯತೇ| ಆಯುಷ್ಯಂ ಪೌಷ್ಟಿಕಂ ಮೇಧ್ಯಂ ಧನ್ಯಂ ಪುಂಸವನಂ ಪರಮ್| ಫಲಸರ್ಪಿರಿತಿ ಖ್ಯಾತಂ ಪುಷ್ಪೇ ಪೀತಂ ಫಲಾಯ ಯತ್| ಮ್ರಿಯಮಾಣಪ್ರಜಾನಾಂ ಚ ಗರ್ಭಿಣೀನಾಂ ಚ ಪೂಜಿತಮ್| ಏತತ್ಪರಂ ಚ ಬಾಲಾನಾಂ ಗ್ರಹಘ್ನಂ ದೇಹವರ್ದ್ಧನಮ್||೫೯|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾ ವಷ್ಟಾಙ್ಗಸಂಗ್ರಹಸಂಹಿತಾಯಾಮುತ್ತರತನ್ತ್ರೇ ಗುಹ್ಯರೋಗ ಪ್ರತಿಷೇಧೋ ನಾಮೌಕೋನಚತ್ವಾರಿಂಶೋಽಧ್ಯಾಯಃ||೩೯||