38. guhyarōgavijñānīyaḥ

Adhikarana atha guhyarogavij~jAnIyo nAmAShTatriMsho~adhyAyaH, pratij~jA (1) · Śloka 1

ಅಥಾತೋ ಗುಹ್ಯರೋಗವಿಜ್ಞಾನೀಯಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana guhyarogahetuH (2) · Śloka 2

ಸ್ತ್ರೀವ್ಯವಾಯನಿವೃತ್ತಸ್ಯ ಸಹಸಾ ಭಜತೋಽಥವಾ| ದೋಷಾಧ್ಯುಷಿತಸಙ್ಕೀರ್ಣಮಲಿನಾಣುರಜಃ ಪಥಾಮ್| ಅನ್ಯಯೋನಿಮನಿಚ್ಛನ್ತೀಮಗಮ್ಯಾಂ ನವಸೂತಿಕಾಮ್| ದೂಷಿತಂ ಸ್ಪೃಶತಸ್ತೋಯಂ ರತಾನ್ತೇಷ್ವಪಿ ನೈವ ವಾ| ವಿವರ್ಧಯಿಷಯಾ ತೀಕ್ಷ್ಣಾನ್ ಪ್ರಲೇಪಾದೀನ್ ಪ್ರಯಚ್ಛತಃ| ಮುಷ್ಟಿದನ್ತನಖೋತ್ಪೀಡಾವಿಷವಚ್ಛೂಕಪಾತನೈಃ| ವೇಗನಿಗ್ರಹದೀರ್ಘಾತಿಖರಶಷ್ಪವಿಘಟ್ಟನೈಃ| ದೋಷಾ ದುಷ್ಟಾ ಗತಾ ಗುಹ್ಯಂ ತ್ರಯೋವಿಂಶತಿಮಾಮಯಾನ್| ಜನಯನ್ತ್ಯುಪದಂಶಾದೀನ್...........................||೨||

Adhikarana apadaMshAnAM sa~gkhyAsamprAptiH (3) · Śloka 3

..................................ಅಪದಂಶೋಽತ್ರ ಪಞ್ಚಧಾ| ಪೃಥಗ್ದೋಷೈಃ ಸರುಧಿರೈಃ ಸಮಸ್ತೈಶ್ಚ...................||೩||

Adhikarana vAtajApadaMshaH (4) · Śloka 4

................................ಅತ್ರ ಮಾರುತಾತ್| ಮೇಢಶೋಫೋ ರುಜಶ್ಚಿತ್ರಾಃ ಸ್ತಮ್ಭಸ್ತ್ವಕ್ಪರಿಪೋಟನಮ್||೪||

Adhikarana pittajApadaMshaH (5) · Śloka 5

ಪಕ್ವೋದುಮ್ಬರಸಙ್ಕಾಶಂ ಪಿತ್ತೇನ ಶ್ವಯಥುರ್ಜ್ವರಃ||೫||

Adhikarana shleShmajApadaMshaH (6) · Śloka 7

ಶ್ಲೇಷ್ಮಣಾ ಕಠಿನಃ ಸ್ನಿಗ್ಧಃ ಕಣ್ಡೂಮಾಞ್ಛೀತಲೋ ಗುರುಃ||೬|| `|೭|

Adhikarana raktajApaMdashaH (7) · Śloka 7

ಶೋಣಿತೇನಾಸಿತಸ್ಫೋಟಸಮ್ಭವೋಽಸ್ರಶ್ರುತಿರ್ಜ್ವರಃ||೭||

Adhikarana sannipAtajApadaMshaH (8) · Śloka 8

ಸರ್ವಜೇ ಸರ್ವಲಿಙ್ಗತ್ವಂ ಶ್ವಯಥುರ್ಮುಷ್ಕಯೋರಪಿ| ತೀವ್ರಾ ರುಗಾಶು ಪಚನಂ ದರಣಂ ಕೃಮಿಸಮ್ಭವಃ||೮||

Adhikarana apadaMshAnAM sAdhyAsAdhyatA (9) · Śloka 9

ಯಾಪ್ಯೋ ರಕ್ತೋದ್ಭವಸ್ತೇಷಾಂ ಮೃತ್ಯವೇ ಸನ್ನಿಪಾತಜಃ||೯||

Adhikarana arshAMsi (10) · Śloka 10

ಜಾಯನ್ತೇ ಕುಪಿತೈರ್ದೋಷೈರ್ಗುಹ್ಯಾಸೃಕ್ಪಿಶಿತಾಶ್ರಯೈಃ| ಅನ್ತರ್ಬಹಿರ್ವಾ ಮೇಢ್ರಸ್ಯ ಕಣ್ಡೂಲಾ ಮಾಂಸಕೀಲಕಾಃ| ಪಿಚ್ಛಿಲಾಸ್ರಸ್ರವಾ ಯೋನೌ ತದ್ವಚ್ಚ ಛತ್ರಸನ್ನಿಭಾಃ| ತೇಽರ್ಶಾಂಸ್ಯುಪೇಕ್ಷ್ಯಾ ಘ್ನನ್ತಿ ಮೇಢ್ರಪುಂಸ್ತ್ವಭಗಾರ್ತವಮ್||೧೦||

Adhikarana sarShapikAH (11) · Śloka 11

ಗುಹ್ಯಸ್ಯ ಬಹಿರನ್ತರ್ವಾ ಪಿಟಕಾಃ ಕಫರಕ್ತಜಾಃ| ಸರ್ಷಪಾಮಾನಸಂಸ್ಥಾನಾ ಘನಾಃ ಸರ್ಷಪಿಕಾಃ ಸ್ಮೃತಾಃ||೧೧||

Adhikarana avamanthaH (12) · Śloka 12

ಪಿಟಕಾ ಬಹವೋ ದೀರ್ಘಾ ದೀರ್ಯನ್ತೇ ಮಧ್ಯತಶ್ಚ ಯಾಃ| ಸೋಽವಮನ್ಥಃ ಕಫಾಸೃಗ್ಭ್ಯಾಂ ವೇದನಾರೋಮಹರ್ಷವಾನ್||೧೨||

Adhikarana kumbhIkA (13) · Śloka 13

ಕುಮ್ಭೀಕಾ ರಕ್ತಪಿತ್ತೋತ್ಥಾ ಜಾಮ್ಬವಾಸ್ಥಿನಿಭಾಽಶುಜಾಃ||೧೩||

Adhikarana alajI (14) · Śloka 14

ಅಲಜೀಂ ಮೇಹವದ್ವಿದ್ಯಾತ್.............................||೧೪||

Adhikarana uttamA (15) · Śloka 15

.....................................ಉತ್ತಮಾಂ ರಕ್ತಪಿತ್ತಜಾಮ್| ಪಿಟಕಾಂ ಮಾಷಮುದ್ಗಾಭಾಮ್.......................................||೧೫||

Adhikarana puShkarikA (16) · Śloka 16

............................ಪಿಟಕಾ ಪಿಟಕಾಚಿತಾ| ಕರ್ಣಿಕಾ ಪುಷ್ಕರಸ್ಯೇವ ಜ್ಞೇಯಾ ಪುಷ್ಕರಿಕೇತಿ ಸಾ||೧೬||

Adhikarana saMvyUDhapiTakA (17) · Śloka 17

ಪಾಣಿಭ್ಯಾಂ ಭೃಶಸಂವ್ಯೂಢೇ ಸಂವ್ಯೂಢಪಿಟಕಾ ಭವೇತ್||೧೭||

Adhikarana mRuditam (18) · Śloka 18

ಮೃದಿತಂ ಮೃದಿತಂ ವಸ್ತು ಸಂರಬ್ಧಂ ವಾತಕೋಪತಃ||೧೮||

Adhikarana aShThIlikA (19) · Śloka 19

ವಿಷಮಾ ಕಠಿನಾ ಭುಗ್ನಾ ವಾಯುನಾಷ್ಠೀಲಿಕಾ ಸ್ಮೃತಾ||೧೯||

Adhikarana nivRuttam (20) · Śloka 20

ವಿಮರ್ದನಾದಿದುಷ್ಟೇನ ವಾಯುನಾ ಚರ್ಮ ಮೇಢ್ರಜಮ್| ನಿವರ್ತ್ತತೇ ಸರುಗ್ದಾಹಂ ಕ್ವಚಿತ್ಪಾಕಞ್ಚ ಗಚ್ಛತಿ| ಪಿಣ್ಡಿತಂ ಕುಥಿತಂ ಚರ್ಮ ತತ್ಪ್ರಲಮ್ಬಮಧೋಮಣೇಃ| ನಿವೃತ್ತಸಂಜ್ಞಂ ಸಕಫಂ ಕಣ್ಡೂಕಾಠಿನ್ಯವತ್ತು ತತ್||೨೦||

Adhikarana avapATikA (21) · Śloka 21

ದಾರೂಢಂ ಸ್ಫುಟಿತಂ ಚರ್ಮ ನಿರ್ದಿಷ್ಟಮವಪಾಟಿಕಾ||೨೧||

Adhikarana niruddhamaNiH (22) · Śloka 22

ವಾತೇನ ದೂಷಿತಂ ಚರ್ಮ ಮಣೌ ಸಕ್ತಂ ರುಣದ್ಧಿ ಚೇತ್| ಸ್ರೋತೋ ಮೂತ್ರಂ ತತೋಽಭ್ಯೇತಿ ಮನ್ದಧಾರಮವೇದನಮ್| ಮಣೇರ್ವಿಕಾಸರೋಧಶ್ಚ ಸ ನಿರುದ್ಧಮಣಿರ್ಗದಃ||೨೨||

Adhikarana grathitam (23) · Śloka 23

ಲಿಙ್ಗಂ ಶೂಕೈರಿವಾಕೀರ್ಣಂ ಗ್ರಥಿತಾಖ್ಯಂ ಕಫೋದ್ಭವಮ್||೨೩||

Adhikarana sparshahAniH (24) · Śloka 24

ಶೂಕದೂಷಿತರಕ್ತೋತ್ಥಾ ಸ್ಪರ್ಶಹಾನಿಸ್ತದಾಹ್ವಯಾ||೨೪||

Adhikarana shataponakam (25) · Śloka 25

ಛಿದ್ರೈರಣುಮುಖೈರ್ಯತ್ತು ಮೇಹನಂ ಸರ್ವತಶ್ಚಿತಮ್| ವಾತಶೋಣಿತಕೋಪೇನ ತೇ ವಿದ್ಯಾಚ್ಛತಪೋನಕಮ್||೨೫||

Adhikarana tvakpAkaH (26) · Śloka 26

ಪಿತ್ತಾಸೃಗ್ಭ್ಯಾಂ ತ್ವಚಃ ಪಾಕಸ್ತ್ವಕ್ಪಾಕೋ ಜ್ವರದಾಹವಾನ್||೨೬||

Adhikarana mAMsapAkaH (27) · Śloka 27

ಮಾಂಸಪಾಕಃ ಸರ್ವಜಃ ಸರ್ವವೇದನೋ ಮಾಂಸಶಾತನಃ||೨೭||

Adhikarana asRugarbudam (28) · Śloka 28

ಸರಾಗೈರಸಿತೈಃ ಸ್ಫೋಟೈರ್ವೇದನಾಭಿಶ್ಚ ಪೀಡಿತಮ್| ಮೇಹನಂ ವೇದನಾ ಚೋಗ್ರಾ ತಂ ವಿದ್ಯಾದಸೃಗರ್ಬುದಮ್||೨೮||

Adhikarana mAMsArbudaM vidradhishca (29) · Śloka 29

ಮಾಂಸಾರ್ಬುದಂ ಪ್ರಾಗುದಿತಂ ವಿದ್ರಧಿಶ್ಚ ತ್ರಿದೋಷಜಃ||೨೯||

Adhikarana tilakAlakAH (30) · Śloka 30

ಕೃಷ್ಣಾನಿ ಭೂತ್ವಾ ಮಾಂಸಾನಿ ವಿಶೀರ್ಯನ್ತೇ ಸಮನ್ತತಃ| ಪಕ್ವಾನಿ ಸನ್ನಿಪಾತೇನ ತಾನ್ ವಿದ್ಯಾತ್ತಿಲಕಾಲಕಾನ್||೩೦||

Adhikarana sAdhyAsAdhyatA (31) · Śloka 31

ಮಾಂಸೋತ್ಥಮರ್ಬುದಂ ಪಾಕಂ ವಿದ್ರಧಿಂ ತಿಲಕಾಲಕಾನ್| ಚತುರೋ ವರ್ಜಯೇದೇಷಾಂ ಶೇಷಾನ್ ಶೀಘ್ರಮುಪಾಚರೇತ್||೩೧||

Adhikarana strIguhyarogANAM hetuH (yonivyApadaH) (32) · Śloka 32

ವಿಂಶತಿರ್ವ್ಯಾಪದೋ ಯೋನೇರ್ಜಾಯನ್ತೇ ದುಷ್ಟಭೋಜನಾತ್| ವಿಷಮಸ್ಥಾಙ್ಗಶಯನಭೃಶಮೈಥುನಸೇವನೈಃ| ದುಷ್ಟಾರ್ತವಾದಪದ್ರವ್ಯೈರ್ಬೀಜದೋಷೇಣ ದೈವತಃ||೩೨||

Adhikarana vAtikI yonivyApad (33) · Śloka 33

ಯೋನೌ ಕ್ರುದ್ಧೋಽನಿಲಃ ಕುರ್ಯಾದ್ರುಕ್ತೋದಾಯಾಮಸುಪ್ತತಾಃ| ಪಿಪೀಲಿಕಾಸೃಪ್ತಿಮಿವ ಸ್ತಮ್ಭಂ ಕರ್ಕಶತಾಂ ಸ್ವನಮ್| ಫೇನಿಲಾರುಣಕೃಷ್ಣಾಲ್ಪತನುರೂಕ್ಷಾರ್ತ್ತವಸ್ರುತಿಮ್| ಭ್ರಂಶಂ ವಙ್ಕ್ಷಣಪಾರ್ಶ್ವಾದೌ ವ್ಯಥಾಂ ಗುಲ್ಮಂ ಕ್ರಮೇಣ ಚ| ತಾಂಸ್ತಾಂಶ್ಚ ಸ್ವಾನ್ ಗದಾನ್ ವ್ಯಾಪದ್ವಾತಿಕೀ ನಾಮ ಸಾ ಸ್ಮೃತಾ||೩೩||

Adhikarana aticaraNA (34) · Śloka 34

ಸೈವಾತಿಚರಣಾ ಶೋಫಸಂಯುಕ್ತಾತಿವ್ಯವಾಯತಃ||೩೪||

Adhikarana prAkcaraNA (35) · Śloka 35

ಮೈಥುನಾದತಿಬಾಲಾಯಾಃ ಪೃಷ್ಠಜಙ್ಘೋರುವಙ್ಕ್ಷಣಮ್| ರುಜನ್ ಸನ್ದೂಷಯೇದ್ಯೋನಿಂ ವಾಯುಃ ಪ್ರಾಕ್ಚರಣೇತಿ ಸಾ||೩೫||

Adhikarana udAvRuttA (36) · Śloka 36

ವೇಗೋದಾರ್ವತ್ತನಾದ್ಯೋನಿಂ ಪ್ರಪೀಡಯತಿ ಮಾರುತಃ| ಸಾ ಫೇನಿಲಂ ರಜಃಕೃಚ್ಛ್ರಾದುದಾವೃತ್ತಂ ವಿಮುಞ್ಚತಿ| ಇಯಂ ವ್ಯಾಪದುದಾವೃತ್ತಾ..........................||೩೬||

Adhikarana jAtaghnI (37) · Śloka 37

.............................ಜಾತಘ್ನೀ ತು ಯದಾನಿಲಃ| ಜಾತಂ ಜಾತಂ ಸುತಂ ಹನ್ತಿ ರೌಕ್ಷ್ಯಾದ್ದುಷ್ಟಾರ್ತ್ತವೋದ್ಭವಮ್||೩೭||

Adhikarana antarmukhI (38) · Śloka 38

ಅತ್ಯಾಶಿತಾಯಾ ವಿಷಮಂ ಸ್ಥಿತಾಯಾಃ ಸುರತೇ ಮರುತ್| ಅನ್ನೇನೋತ್ಪೀಡಿತೋ ಯೋನೇಃ ಸ್ಥಿತಃ ಸ್ರೋತಸಿ ವಕ್ರಯೇತ್| ಸಸ್ಥಿಮಾಂಸಂ ಮುಖಂ ತೀವ್ರರುಜಮನ್ತರ್ಮುಖೀತಿ ಸಾ||೩೮||

Adhikarana sUcImukhI (39) · Śloka 39

ವಾತಲಾಹಾರಸೇವಿನ್ಯಾ ಜನನ್ಯಾಂ ಕುಪಿತೋಽನಿಲಃ| ಸ್ತ್ರಿಯಾ ಯೋನಿಮಣುದ್ವಾರಾಂ ಕುರ್ಯಾತ್ ಸೂಚೀಮುಖೀತಿ ಸಾ||೩೯||

Adhikarana yonishoShaH (40) · Śloka 40

ವೇಗರೋಧಾದೃತೌ ವಾಯುರ್ದುಷ್ಟೋ ವಿಣ್ಮೂತ್ರಸಂಗ್ರಹಮ್| ಕರೋತಿ ಯೋನಿಶೋಷಞ್ಚ ಶುಷ್ಕಾಖ್ಯಾ ಸಾತಿವೇದನಾ||೪೦||

Adhikarana vAminI (41) · Śloka 41

ಷಡಹಾತ್ ಸಪ್ತರಾತ್ರಾದ್ವಾ ಶುಕ್ರಂ ಗರ್ಭಾಶಯಾನ್ಮರುತ್| ವಮೇತ್ಸರುಙ್ನೀರುಜೋ ವಾ ಯಸ್ಯಾಂ ಸಾ ವಾಮಿನೀ ಮತಾ||೪೧||

Adhikarana ShaNDA (42) · Śloka 42

ಯೋನೌ ವಾತೋಪತಪ್ತಾಯಾಂ ಸ್ತ್ರೀಗರ್ಭೇ ಬೀಜದೋಷತಃ| ನೃದ್ವೇಷಿಣ್ಯಸ್ತನೀ ಚ ಸ್ಯಾತ್ ಷಣ್ಡಸಂಜ್ಞಾನುಪಕ್ರಮಾ||೪೨||

Adhikarana mahAyoniH (43) · Śloka 43

ದುಷ್ಟೋ ವಿಷ್ಟಭ್ಯ ಯೋನ್ಯಾಸ್ಯಂ ಗರ್ಭಕೋಷ್ಠಂ ಚ ಮಾರುತಃ| ಕುರುತೇ ವಿವೃತಾಂ ಸ್ರಸ್ತಾಂ ವಾತಿಕೀಮಿವ ದುಃಖಿತಾಮ್| ಉತ್ಸನ್ನಮಾಂಸಾಂ ತಾಮಾಹುರ್ಮಹಾಯೋನಿಂ ಮಹಾರುಜಮ್||೪೩||

Adhikarana paittikI yonivyApat (44) · Śloka 44

ಯಥಾಸ್ವೈರ್ದೂಷಣೈರ್ದುಷ್ಟಂ ಪಿತ್ತಂ ಯೋನಿಸಮಾಶ್ರಿತಮ್| ಕರೋತಿ ದಾಹಪಾಕೋಷಾ ಪೂತಿಗನ್ಧಜ್ವರಾನ್ವಿತಾಮ್| ಭೃಶೋಷ್ಣಭೂರಿಕುಣಪನೀಲಪೀತಾಸಿತಾರ್ತ್ತವಾಮ್| ಸಾ ವ್ಯಾಪತ್ ಪೈತ್ತಿಕೀ...............................||೪೪||

Adhikarana raktayoniH (45) · Śloka 45

...........................ರಕ್ತಯೋನ್ಯಾಖ್ಯಾಸೃಗತಿಸ್ರುತೇಃ||೪೫||

Adhikarana shlaiShmikI yonivyApat (46) · Śloka 46

ಕಫೋಽಭಿಷ್ಯನ್ದಿಭಿಃ ಕ್ರುದ್ಧಃ ಕುರ್ಯಾದ್ಯೋನಿಮವೇದನಾಮ್| ಶೀತಲಾಂ ಕಣ್ಡುಲಾಂ ಪಾಣ್ಡುಂ ಪಿಚ್ಛಿಲಾಂ ತದ್ವಿಧಸ್ರುತಿಮ್| ಸಾ ವ್ಯಾಪಚ್ಛ್ಲೈಷ್ಮಿಕೀ..............................||೪೬||

Adhikarana lohitakShayAkhyA (47) · Śloka 47

..................ವಾತಪಿತ್ತಾಭ್ಯಾಂ ಕ್ಷೀಯತೇ ರಜಃ| ಸದಾಹಕಾಱ್ಶ್ಯವೈವರ್ಣ್ಯ ಯಸ್ಯಾಂ ಸಾ ಲೋಹಿತಕ್ಷಯಾ||೪೭||

Adhikarana pariplutA (48) · Śloka 48

ಪಿತ್ತಲಾಯಾ ನೃಸಂವಾಸೇ ಕ್ಷವಥೂದ್ಗಾರಧಾರಣಾತ್| ಪಿತ್ತಯುಕ್ತೇನ ಮರುತಾ ಯೋನಿರ್ಭವತಿ ದೂಷಿತಾ| ಶೂನಾ ಸ್ಪರ್ಶಾಸಹಾ ಸಾರ್ತ್ತಿರ್ನೀಲಪೀತಾಸ್ರವಾಹಿನೀ| ಬಸ್ತಿಕುಕ್ಷಿಗುರುತ್ವಾತಿಸಾರಾರೋಚಕಕಾರಿಣೀ| ಶ್ರೋಣಿವಙ್ಕ್ಷಣರುಕ್ತೋದಜ್ವರಕೃತ್ಸಾ ಪರಿಪ್ಲುತಾ||೪೮||

Adhikarana upaplutA (49) · Śloka 49

ವಾತಶ್ಲೇಷ್ಮಾಮಯವ್ಯಾಪ್ತಾ ಶ್ವೇತಪಿಚ್ಛಿಲವಾಹಿನೀ| ಉಪಪ್ಲುತಾ ಸ್ಮೃತಾ ಯೋನಿಃ.......................||೪೯||

Adhikarana viplutA (50) · Śloka 50

............................ವಿಪ್ಲುತಾಖ್ಯಾ ತ್ವಧಾವನಾತ್| ಸಞ್ಜಾತಜನ್ತುಃ ಕಣ್ಡೂಲಾ ಕಣ್ಡ್ವಾ ಚಾತಿರತಿಪ್ರಿಯಾ||೫೦||

Adhikarana karNinI (51) · Śloka 51

ಅಕಾಲವಾಹನಾದ್ವಾಯುಃ ಶ್ಲೇಷ್ಮರಕ್ತವಿಮೂರ್ಚ್ಛಿತಃ| ಕರ್ಣಿಕಾಂ ಜನಯೇದ್ಯೋನೌ ರಜೋಮಾರ್ಗನಿರೋಧಿನೀಮ್| ಸಾ ಕರ್ಣಿನೀ...............................||೫೧||

Adhikarana sAnnipAtikI yonivyApat (52) · Śloka 52

...........................ತ್ರಿಭಿರ್ದೋಷೈರ್ಯೋನಿಗರ್ಭಾಶಯಾಶ್ರಿತೈಃ| ಯಥಾಸ್ವೋಪದ್ರವಕರೈರ್ವ್ಯಾಪತ್ ಸಾ ಸಾನ್ನಿಪಾತಿಕೀ||೫೨||

Adhikarana yonivyApadupadravAH (53-38) · Śloka 38

ಇತಿ ಯೋನಿಗದಾ ನಾರೀ ಯೈಃ ಶುಕ್ರಂ ನ ಪ್ರತೀಚ್ಛತಿ| ತತೋ ಗರ್ಭಂ ನ ಗೃಹ್ಣಾತಿ ರೋಗಾಂಶ್ಚಾಪ್ನೋತಿ ದಾರುಣಾನ್| ಅಸೃಗ್ದರಾರ್ಶೋಗುಲ್ಮಾದೀನಾಬಾಧಾಂಶ್ಚಾನಿಲಾದಿಭಿಃ||೫೩|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾ- ವಷ್ಟಾಙ್ಗಸಂಗ್ರಹಸಂಹಿತಾಯಾಮುತ್ತರತನ್ತ್ರೇ ಗುಹ್ಯರೋಗ- ವಿಜ್ಞಾನೀಯೋ ನಾಮಾಷ್ಟತ್ರಿಂಶೋಽಧ್ಯಾಯಃ||೩೮||