Adhikarana atha guhyarogavij~jAnIyo nAmAShTatriMsho~adhyAyaH, pratij~jA (1) · Śloka 1
athātō guhyarōgavijñānīyaṁ nāmādhyāyaṁ vyākhyāsyāmaḥ| iti ha smāhurātrēyādayō maharṣayaḥ||1||
अथातो गुह्यरोगविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana guhyarogahetuH (2) · Śloka 2
strīvyavāyanivr̥ttasya sahasā bhajatō'thavā| dōṣādhyuṣitasaṅkīrṇamalināṇurajaḥ pathām| anyayōnimanicchantīmagamyāṁ navasūtikām| dūṣitaṁ spr̥śatastōyaṁ ratāntēṣvapi naiva vā| vivardhayiṣayā tīkṣṇān pralēpādīn prayacchataḥ| muṣṭidantanakhōtpīḍāviṣavacchūkapātanaiḥ| vēganigrahadīrghātikharaśaṣpavighaṭṭanaiḥ| dōṣā duṣṭā gatā guhyaṁ trayōviṁśatimāmayān| janayantyupadaṁśādīn...........................||2||
स्त्रीव्यवायनिवृत्तस्य सहसा भजतोऽथवा| दोषाध्युषितसङ्कीर्णमलिनाणुरजः पथाम्| अन्ययोनिमनिच्छन्तीमगम्यां नवसूतिकाम्| दूषितं स्पृशतस्तोयं रतान्तेष्वपि नैव वा| विवर्धयिषया तीक्ष्णान् प्रलेपादीन् प्रयच्छतः| मुष्टिदन्तनखोत्पीडाविषवच्छूकपातनैः| वेगनिग्रहदीर्घातिखरशष्पविघट्टनैः| दोषा दुष्टा गता गुह्यं त्रयोविंशतिमामयान्| जनयन्त्युपदंशादीन्...........................||२||
🔊 Audio coming soon
Adhikarana apadaMshAnAM sa~gkhyAsamprAptiH (3) · Śloka 3
..................................apadaṁśō'tra pañcadhā| pr̥thagdōṣaiḥ sarudhiraiḥ samastaiśca...................||3||
..................................अपदंशोऽत्र पञ्चधा| पृथग्दोषैः सरुधिरैः समस्तैश्च...................||३||
🔊 Audio coming soon
Adhikarana vAtajApadaMshaH (4) · Śloka 4
................................atra mārutāt| mēḍhaśōphō rujaścitrāḥ stambhastvakparipōṭanam||4||
................................अत्र मारुतात्| मेढशोफो रुजश्चित्राः स्तम्भस्त्वक्परिपोटनम्||४||
🔊 Audio coming soon
Adhikarana pittajApadaMshaH (5) · Śloka 5
pakvōdumbarasaṅkāśaṁ pittēna śvayathurjvaraḥ||5||
पक्वोदुम्बरसङ्काशं पित्तेन श्वयथुर्ज्वरः||५||
🔊 Audio coming soon
Adhikarana shleShmajApadaMshaH (6) · Śloka 7
ślēṣmaṇā kaṭhinaḥ snigdhaḥ kaṇḍūmāñchītalō guruḥ||6|| `|7|
श्लेष्मणा कठिनः स्निग्धः कण्डूमाञ्छीतलो गुरुः||६|| `|७|
🔊 Audio coming soon
Adhikarana raktajApaMdashaH (7) · Śloka 7
śōṇitēnāsitasphōṭasambhavō'sraśrutirjvaraḥ||7||
शोणितेनासितस्फोटसम्भवोऽस्रश्रुतिर्ज्वरः||७||
🔊 Audio coming soon
Adhikarana sannipAtajApadaMshaH (8) · Śloka 8
sarvajē sarvaliṅgatvaṁ śvayathurmuṣkayōrapi| tīvrā rugāśu pacanaṁ daraṇaṁ kr̥misambhavaḥ||8||
सर्वजे सर्वलिङ्गत्वं श्वयथुर्मुष्कयोरपि| तीव्रा रुगाशु पचनं दरणं कृमिसम्भवः||८||
🔊 Audio coming soon
Adhikarana apadaMshAnAM sAdhyAsAdhyatA (9) · Śloka 9
yāpyō raktōdbhavastēṣāṁ mr̥tyavē sannipātajaḥ||9||
याप्यो रक्तोद्भवस्तेषां मृत्यवे सन्निपातजः||९||
🔊 Audio coming soon
Adhikarana arshAMsi (10) · Śloka 10
jāyantē kupitairdōṣairguhyāsr̥kpiśitāśrayaiḥ| antarbahirvā mēḍhrasya kaṇḍūlā māṁsakīlakāḥ| picchilāsrasravā yōnau tadvacca chatrasannibhāḥ| tē'rśāṁsyupēkṣyā ghnanti mēḍhrapuṁstvabhagārtavam||10||
जायन्ते कुपितैर्दोषैर्गुह्यासृक्पिशिताश्रयैः| अन्तर्बहिर्वा मेढ्रस्य कण्डूला मांसकीलकाः| पिच्छिलास्रस्रवा योनौ तद्वच्च छत्रसन्निभाः| तेऽर्शांस्युपेक्ष्या घ्नन्ति मेढ्रपुंस्त्वभगार्तवम्||१०||
🔊 Audio coming soon
Adhikarana sarShapikAH (11) · Śloka 11
guhyasya bahirantarvā piṭakāḥ kapharaktajāḥ| sarṣapāmānasaṁsthānā ghanāḥ sarṣapikāḥ smr̥tāḥ||11||
गुह्यस्य बहिरन्तर्वा पिटकाः कफरक्तजाः| सर्षपामानसंस्थाना घनाः सर्षपिकाः स्मृताः||११||
🔊 Audio coming soon
Adhikarana avamanthaH (12) · Śloka 12
piṭakā bahavō dīrghā dīryantē madhyataśca yāḥ| sō'vamanthaḥ kaphāsr̥gbhyāṁ vēdanārōmaharṣavān||12||
पिटका बहवो दीर्घा दीर्यन्ते मध्यतश्च याः| सोऽवमन्थः कफासृग्भ्यां वेदनारोमहर्षवान्||१२||
🔊 Audio coming soon
Adhikarana kumbhIkA (13) · Śloka 13
kumbhīkā raktapittōtthā jāmbavāsthinibhā'śujāḥ||13||
कुम्भीका रक्तपित्तोत्था जाम्बवास्थिनिभाऽशुजाः||१३||
🔊 Audio coming soon
Adhikarana alajI (14) · Śloka 14
alajīṁ mēhavadvidyāt.............................||14||
अलजीं मेहवद्विद्यात्.............................||१४||
🔊 Audio coming soon
Adhikarana uttamA (15) · Śloka 15
.....................................uttamāṁ raktapittajām| piṭakāṁ māṣamudgābhām.......................................||15||
.....................................उत्तमां रक्तपित्तजाम्| पिटकां माषमुद्गाभाम्.......................................||१५||
🔊 Audio coming soon
Adhikarana puShkarikA (16) · Śloka 16
............................piṭakā piṭakācitā| karṇikā puṣkarasyēva jñēyā puṣkarikēti sā||16||
............................पिटका पिटकाचिता| कर्णिका पुष्करस्येव ज्ञेया पुष्करिकेति सा||१६||
🔊 Audio coming soon
Adhikarana saMvyUDhapiTakA (17) · Śloka 17
pāṇibhyāṁ bhr̥śasaṁvyūḍhē saṁvyūḍhapiṭakā bhavēt||17||
पाणिभ्यां भृशसंव्यूढे संव्यूढपिटका भवेत्||१७||
🔊 Audio coming soon
Adhikarana mRuditam (18) · Śloka 18
mr̥ditaṁ mr̥ditaṁ vastu saṁrabdhaṁ vātakōpataḥ||18||
मृदितं मृदितं वस्तु संरब्धं वातकोपतः||१८||
🔊 Audio coming soon
Adhikarana aShThIlikA (19) · Śloka 19
viṣamā kaṭhinā bhugnā vāyunāṣṭhīlikā smr̥tā||19||
विषमा कठिना भुग्ना वायुनाष्ठीलिका स्मृता||१९||
🔊 Audio coming soon
Adhikarana nivRuttam (20) · Śloka 20
vimardanādiduṣṭēna vāyunā carma mēḍhrajam| nivarttatē sarugdāhaṁ kvacitpākañca gacchati| piṇḍitaṁ kuthitaṁ carma tatpralambamadhōmaṇēḥ| nivr̥ttasaṁjñaṁ sakaphaṁ kaṇḍūkāṭhinyavattu tat||20||
विमर्दनादिदुष्टेन वायुना चर्म मेढ्रजम्| निवर्त्तते सरुग्दाहं क्वचित्पाकञ्च गच्छति| पिण्डितं कुथितं चर्म तत्प्रलम्बमधोमणेः| निवृत्तसंज्ञं सकफं कण्डूकाठिन्यवत्तु तत्||२०||
🔊 Audio coming soon
Adhikarana avapATikA (21) · Śloka 21
dārūḍhaṁ sphuṭitaṁ carma nirdiṣṭamavapāṭikā||21||
दारूढं स्फुटितं चर्म निर्दिष्टमवपाटिका||२१||
🔊 Audio coming soon
Adhikarana niruddhamaNiH (22) · Śloka 22
vātēna dūṣitaṁ carma maṇau saktaṁ ruṇaddhi cēt| srōtō mūtraṁ tatō'bhyēti mandadhāramavēdanam| maṇērvikāsarōdhaśca sa niruddhamaṇirgadaḥ||22||
वातेन दूषितं चर्म मणौ सक्तं रुणद्धि चेत्| स्रोतो मूत्रं ततोऽभ्येति मन्दधारमवेदनम्| मणेर्विकासरोधश्च स निरुद्धमणिर्गदः||२२||
🔊 Audio coming soon
Adhikarana grathitam (23) · Śloka 23
liṅgaṁ śūkairivākīrṇaṁ grathitākhyaṁ kaphōdbhavam||23||
लिङ्गं शूकैरिवाकीर्णं ग्रथिताख्यं कफोद्भवम्||२३||
🔊 Audio coming soon
Adhikarana sparshahAniH (24) · Śloka 24
śūkadūṣitaraktōtthā sparśahānistadāhvayā||24||
शूकदूषितरक्तोत्था स्पर्शहानिस्तदाह्वया||२४||
🔊 Audio coming soon
Adhikarana shataponakam (25) · Śloka 25
chidrairaṇumukhairyattu mēhanaṁ sarvataścitam| vātaśōṇitakōpēna tē vidyācchatapōnakam||25||
छिद्रैरणुमुखैर्यत्तु मेहनं सर्वतश्चितम्| वातशोणितकोपेन ते विद्याच्छतपोनकम्||२५||
🔊 Audio coming soon
Adhikarana tvakpAkaH (26) · Śloka 26
pittāsr̥gbhyāṁ tvacaḥ pākastvakpākō jvaradāhavān||26||
पित्तासृग्भ्यां त्वचः पाकस्त्वक्पाको ज्वरदाहवान्||२६||
🔊 Audio coming soon
Adhikarana mAMsapAkaH (27) · Śloka 27
māṁsapākaḥ sarvajaḥ sarvavēdanō māṁsaśātanaḥ||27||
मांसपाकः सर्वजः सर्ववेदनो मांसशातनः||२७||
🔊 Audio coming soon
Adhikarana asRugarbudam (28) · Śloka 28
sarāgairasitaiḥ sphōṭairvēdanābhiśca pīḍitam| mēhanaṁ vēdanā cōgrā taṁ vidyādasr̥garbudam||28||
सरागैरसितैः स्फोटैर्वेदनाभिश्च पीडितम्| मेहनं वेदना चोग्रा तं विद्यादसृगर्बुदम्||२८||
🔊 Audio coming soon
Adhikarana mAMsArbudaM vidradhishca (29) · Śloka 29
māṁsārbudaṁ prāguditaṁ vidradhiśca tridōṣajaḥ||29||
मांसार्बुदं प्रागुदितं विद्रधिश्च त्रिदोषजः||२९||
🔊 Audio coming soon
Adhikarana tilakAlakAH (30) · Śloka 30
kr̥ṣṇāni bhūtvā māṁsāni viśīryantē samantataḥ| pakvāni sannipātēna tān vidyāttilakālakān||30||
कृष्णानि भूत्वा मांसानि विशीर्यन्ते समन्ततः| पक्वानि सन्निपातेन तान् विद्यात्तिलकालकान्||३०||
🔊 Audio coming soon
Adhikarana sAdhyAsAdhyatA (31) · Śloka 31
māṁsōtthamarbudaṁ pākaṁ vidradhiṁ tilakālakān| caturō varjayēdēṣāṁ śēṣān śīghramupācarēt||31||
मांसोत्थमर्बुदं पाकं विद्रधिं तिलकालकान्| चतुरो वर्जयेदेषां शेषान् शीघ्रमुपाचरेत्||३१||
🔊 Audio coming soon
Adhikarana strIguhyarogANAM hetuH (yonivyApadaH) (32) · Śloka 32
viṁśatirvyāpadō yōnērjāyantē duṣṭabhōjanāt| viṣamasthāṅgaśayanabhr̥śamaithunasēvanaiḥ| duṣṭārtavādapadravyairbījadōṣēṇa daivataḥ||32||
विंशतिर्व्यापदो योनेर्जायन्ते दुष्टभोजनात्| विषमस्थाङ्गशयनभृशमैथुनसेवनैः| दुष्टार्तवादपद्रव्यैर्बीजदोषेण दैवतः||३२||
🔊 Audio coming soon
Adhikarana vAtikI yonivyApad (33) · Śloka 33
yōnau kruddhō'nilaḥ kuryādruktōdāyāmasuptatāḥ| pipīlikāsr̥ptimiva stambhaṁ karkaśatāṁ svanam| phēnilāruṇakr̥ṣṇālpatanurūkṣārttavasrutim| bhraṁśaṁ vaṅkṣaṇapārśvādau vyathāṁ gulmaṁ kramēṇa ca| tāṁstāṁśca svān gadān vyāpadvātikī nāma sā smr̥tā||33||
योनौ क्रुद्धोऽनिलः कुर्याद्रुक्तोदायामसुप्तताः| पिपीलिकासृप्तिमिव स्तम्भं कर्कशतां स्वनम्| फेनिलारुणकृष्णाल्पतनुरूक्षार्त्तवस्रुतिम्| भ्रंशं वङ्क्षणपार्श्वादौ व्यथां गुल्मं क्रमेण च| तांस्तांश्च स्वान् गदान् व्यापद्वातिकी नाम सा स्मृता||३३||
🔊 Audio coming soon
Adhikarana aticaraNA (34) · Śloka 34
saivāticaraṇā śōphasaṁyuktātivyavāyataḥ||34||
सैवातिचरणा शोफसंयुक्तातिव्यवायतः||३४||
🔊 Audio coming soon
Adhikarana prAkcaraNA (35) · Śloka 35
maithunādatibālāyāḥ pr̥ṣṭhajaṅghōruvaṅkṣaṇam| rujan sandūṣayēdyōniṁ vāyuḥ prākcaraṇēti sā||35||
मैथुनादतिबालायाः पृष्ठजङ्घोरुवङ्क्षणम्| रुजन् सन्दूषयेद्योनिं वायुः प्राक्चरणेति सा||३५||
🔊 Audio coming soon
Adhikarana udAvRuttA (36) · Śloka 36
vēgōdārvattanādyōniṁ prapīḍayati mārutaḥ| sā phēnilaṁ rajaḥkr̥cchrādudāvr̥ttaṁ vimuñcati| iyaṁ vyāpadudāvr̥ttā..........................||36||
वेगोदार्वत्तनाद्योनिं प्रपीडयति मारुतः| सा फेनिलं रजःकृच्छ्रादुदावृत्तं विमुञ्चति| इयं व्यापदुदावृत्ता..........................||३६||
🔊 Audio coming soon
Adhikarana jAtaghnI (37) · Śloka 37
.............................jātaghnī tu yadānilaḥ| jātaṁ jātaṁ sutaṁ hanti raukṣyādduṣṭārttavōdbhavam||37||
.............................जातघ्नी तु यदानिलः| जातं जातं सुतं हन्ति रौक्ष्याद्दुष्टार्त्तवोद्भवम्||३७||
🔊 Audio coming soon
Adhikarana antarmukhI (38) · Śloka 38
atyāśitāyā viṣamaṁ sthitāyāḥ suratē marut| annēnōtpīḍitō yōnēḥ sthitaḥ srōtasi vakrayēt| sasthimāṁsaṁ mukhaṁ tīvrarujamantarmukhīti sā||38||
अत्याशिताया विषमं स्थितायाः सुरते मरुत्| अन्नेनोत्पीडितो योनेः स्थितः स्रोतसि वक्रयेत्| सस्थिमांसं मुखं तीव्ररुजमन्तर्मुखीति सा||३८||
🔊 Audio coming soon
Adhikarana sUcImukhI (39) · Śloka 39
vātalāhārasēvinyā jananyāṁ kupitō'nilaḥ| striyā yōnimaṇudvārāṁ kuryāt sūcīmukhīti sā||39||
वातलाहारसेविन्या जनन्यां कुपितोऽनिलः| स्त्रिया योनिमणुद्वारां कुर्यात् सूचीमुखीति सा||३९||
🔊 Audio coming soon
Adhikarana yonishoShaH (40) · Śloka 40
vēgarōdhādr̥tau vāyurduṣṭō viṇmūtrasaṁgraham| karōti yōniśōṣañca śuṣkākhyā sātivēdanā||40||
वेगरोधादृतौ वायुर्दुष्टो विण्मूत्रसंग्रहम्| करोति योनिशोषञ्च शुष्काख्या सातिवेदना||४०||
🔊 Audio coming soon
Adhikarana vAminI (41) · Śloka 41
ṣaḍahāt saptarātrādvā śukraṁ garbhāśayānmarut| vamētsaruṅnīrujō vā yasyāṁ sā vāminī matā||41||
षडहात् सप्तरात्राद्वा शुक्रं गर्भाशयान्मरुत्| वमेत्सरुङ्नीरुजो वा यस्यां सा वामिनी मता||४१||
🔊 Audio coming soon
Adhikarana ShaNDA (42) · Śloka 42
yōnau vātōpataptāyāṁ strīgarbhē bījadōṣataḥ| nr̥dvēṣiṇyastanī ca syāt ṣaṇḍasaṁjñānupakramā||42||
योनौ वातोपतप्तायां स्त्रीगर्भे बीजदोषतः| नृद्वेषिण्यस्तनी च स्यात् षण्डसंज्ञानुपक्रमा||४२||
🔊 Audio coming soon
Adhikarana mahAyoniH (43) · Śloka 43
duṣṭō viṣṭabhya yōnyāsyaṁ garbhakōṣṭhaṁ ca mārutaḥ| kurutē vivr̥tāṁ srastāṁ vātikīmiva duḥkhitām| utsannamāṁsāṁ tāmāhurmahāyōniṁ mahārujam||43||
दुष्टो विष्टभ्य योन्यास्यं गर्भकोष्ठं च मारुतः| कुरुते विवृतां स्रस्तां वातिकीमिव दुःखिताम्| उत्सन्नमांसां तामाहुर्महायोनिं महारुजम्||४३||
🔊 Audio coming soon
Adhikarana paittikI yonivyApat (44) · Śloka 44
yathāsvairdūṣaṇairduṣṭaṁ pittaṁ yōnisamāśritam| karōti dāhapākōṣā pūtigandhajvarānvitām| bhr̥śōṣṇabhūrikuṇapanīlapītāsitārttavām| sā vyāpat paittikī...............................||44||
यथास्वैर्दूषणैर्दुष्टं पित्तं योनिसमाश्रितम्| करोति दाहपाकोषा पूतिगन्धज्वरान्विताम्| भृशोष्णभूरिकुणपनीलपीतासितार्त्तवाम्| सा व्यापत् पैत्तिकी...............................||४४||
🔊 Audio coming soon
Adhikarana raktayoniH (45) · Śloka 45
...........................raktayōnyākhyāsr̥gatisrutēḥ||45||
...........................रक्तयोन्याख्यासृगतिस्रुतेः||४५||
🔊 Audio coming soon
Adhikarana shlaiShmikI yonivyApat (46) · Śloka 46
kaphō'bhiṣyandibhiḥ kruddhaḥ kuryādyōnimavēdanām| śītalāṁ kaṇḍulāṁ pāṇḍuṁ picchilāṁ tadvidhasrutim| sā vyāpacchlaiṣmikī..............................||46||
कफोऽभिष्यन्दिभिः क्रुद्धः कुर्याद्योनिमवेदनाम्| शीतलां कण्डुलां पाण्डुं पिच्छिलां तद्विधस्रुतिम्| सा व्यापच्छ्लैष्मिकी..............................||४६||
🔊 Audio coming soon
Adhikarana lohitakShayAkhyA (47) · Śloka 47
..................vātapittābhyāṁ kṣīyatē rajaḥ| sadāhakāRśyavaivarṇya yasyāṁ sā lōhitakṣayā||47||
..................वातपित्ताभ्यां क्षीयते रजः| सदाहकाऱ्श्यवैवर्ण्य यस्यां सा लोहितक्षया||४७||
🔊 Audio coming soon
Adhikarana pariplutA (48) · Śloka 48
pittalāyā nr̥saṁvāsē kṣavathūdgāradhāraṇāt| pittayuktēna marutā yōnirbhavati dūṣitā| śūnā sparśāsahā sārttirnīlapītāsravāhinī| bastikukṣigurutvātisārārōcakakāriṇī| śrōṇivaṅkṣaṇaruktōdajvarakr̥tsā pariplutā||48||
पित्तलाया नृसंवासे क्षवथूद्गारधारणात्| पित्तयुक्तेन मरुता योनिर्भवति दूषिता| शूना स्पर्शासहा सार्त्तिर्नीलपीतास्रवाहिनी| बस्तिकुक्षिगुरुत्वातिसारारोचककारिणी| श्रोणिवङ्क्षणरुक्तोदज्वरकृत्सा परिप्लुता||४८||
🔊 Audio coming soon
Adhikarana upaplutA (49) · Śloka 49
vātaślēṣmāmayavyāptā śvētapicchilavāhinī| upaplutā smr̥tā yōniḥ.......................||49||
वातश्लेष्मामयव्याप्ता श्वेतपिच्छिलवाहिनी| उपप्लुता स्मृता योनिः.......................||४९||
🔊 Audio coming soon
Adhikarana viplutA (50) · Śloka 50
............................viplutākhyā tvadhāvanāt| sañjātajantuḥ kaṇḍūlā kaṇḍvā cātiratipriyā||50||
............................विप्लुताख्या त्वधावनात्| सञ्जातजन्तुः कण्डूला कण्ड्वा चातिरतिप्रिया||५०||
🔊 Audio coming soon
Adhikarana karNinI (51) · Śloka 51
akālavāhanādvāyuḥ ślēṣmaraktavimūrcchitaḥ| karṇikāṁ janayēdyōnau rajōmārganirōdhinīm| sā karṇinī...............................||51||
अकालवाहनाद्वायुः श्लेष्मरक्तविमूर्च्छितः| कर्णिकां जनयेद्योनौ रजोमार्गनिरोधिनीम्| सा कर्णिनी...............................||५१||
🔊 Audio coming soon
Adhikarana sAnnipAtikI yonivyApat (52) · Śloka 52
...........................tribhirdōṣairyōnigarbhāśayāśritaiḥ| yathāsvōpadravakarairvyāpat sā sānnipātikī||52||
...........................त्रिभिर्दोषैर्योनिगर्भाशयाश्रितैः| यथास्वोपद्रवकरैर्व्यापत् सा सान्निपातिकी||५२||
🔊 Audio coming soon
Adhikarana yonivyApadupadravAH (53-38) · Śloka 38
iti yōnigadā nārī yaiḥ śukraṁ na pratīcchati| tatō garbhaṁ na gr̥hṇāti rōgāṁścāpnōti dāruṇān| asr̥gdarārśōgulmādīnābādhāṁścānilādibhiḥ||53|| iti vaidyapatisiṁhaguptasya sūnōrvāgbhaṭasya kr̥tā- vaṣṭāṅgasaṁgrahasaṁhitāyāmuttaratantrē guhyarōga- vijñānīyō nāmāṣṭatriṁśō'dhyāyaḥ||38||
इति योनिगदा नारी यैः शुक्रं न प्रतीच्छति| ततो गर्भं न गृह्णाति रोगांश्चाप्नोति दारुणान्| असृग्दरार्शोगुल्मादीनाबाधांश्चानिलादिभिः||५३|| इति वैद्यपतिसिंहगुप्तस्य सूनोर्वाग्भटस्य कृता- वष्टाङ्गसंग्रहसंहितायामुत्तरतन्त्रे गुह्यरोग- विज्ञानीयो नामाष्टत्रिंशोऽध्यायः||३८||
🔊 Audio coming soon