Adhikarana atha guhyarogavij~jAnIyo nAmAShTatriMsho~adhyAyaH, pratij~jA (1) · Śloka 1
অথাতো গুহ্যরোগবিজ্ঞানীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो गुह्यरोगविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana guhyarogahetuH (2) · Śloka 2
স্ত্রীব্যবাযনিবৃত্তস্য সহসা ভজতোঽথবা| দোষাধ্যুষিতসঙ্কীর্ণমলিনাণুরজঃ পথাম্| অন্যযোনিমনিচ্ছন্তীমগম্যাং নবসূতিকাম্| দূষিতং স্পৃশতস্তোযং রতান্তেষ্বপি নৈব বা| বিবর্ধযিষযা তীক্ষ্ণান্ প্রলেপাদীন্ প্রযচ্ছতঃ| মুষ্টিদন্তনখোত্পীডাবিষবচ্ছূকপাতনৈঃ| বেগনিগ্রহদীর্ঘাতিখরশষ্পবিঘট্টনৈঃ| দোষা দুষ্টা গতা গুহ্যং ত্রযোবিংশতিমামযান্| জনযন্ত্যুপদংশাদীন্...........................||২||
स्त्रीव्यवायनिवृत्तस्य सहसा भजतोऽथवा| दोषाध्युषितसङ्कीर्णमलिनाणुरजः पथाम्| अन्ययोनिमनिच्छन्तीमगम्यां नवसूतिकाम्| दूषितं स्पृशतस्तोयं रतान्तेष्वपि नैव वा| विवर्धयिषया तीक्ष्णान् प्रलेपादीन् प्रयच्छतः| मुष्टिदन्तनखोत्पीडाविषवच्छूकपातनैः| वेगनिग्रहदीर्घातिखरशष्पविघट्टनैः| दोषा दुष्टा गता गुह्यं त्रयोविंशतिमामयान्| जनयन्त्युपदंशादीन्...........................||२||
🔊 Audio coming soon
Adhikarana apadaMshAnAM sa~gkhyAsamprAptiH (3) · Śloka 3
..................................অপদংশোঽত্র পঞ্চধা| পৃথগ্দোষৈঃ সরুধিরৈঃ সমস্তৈশ্চ...................||৩||
..................................अपदंशोऽत्र पञ्चधा| पृथग्दोषैः सरुधिरैः समस्तैश्च...................||३||
🔊 Audio coming soon
Adhikarana vAtajApadaMshaH (4) · Śloka 4
................................অত্র মারুতাত্| মেঢশোফো রুজশ্চিত্রাঃ স্তম্ভস্ত্বক্পরিপোটনম্||৪||
................................अत्र मारुतात्| मेढशोफो रुजश्चित्राः स्तम्भस्त्वक्परिपोटनम्||४||
🔊 Audio coming soon
Adhikarana pittajApadaMshaH (5) · Śloka 5
পক্বোদুম্বরসঙ্কাশং পিত্তেন শ্বযথুর্জ্বরঃ||৫||
पक्वोदुम्बरसङ्काशं पित्तेन श्वयथुर्ज्वरः||५||
🔊 Audio coming soon
Adhikarana shleShmajApadaMshaH (6) · Śloka 7
শ্লেষ্মণা কঠিনঃ স্নিগ্ধঃ কণ্ডূমাঞ্ছীতলো গুরুঃ||৬|| `|৭|
श्लेष्मणा कठिनः स्निग्धः कण्डूमाञ्छीतलो गुरुः||६|| `|७|
🔊 Audio coming soon
Adhikarana raktajApaMdashaH (7) · Śloka 7
শোণিতেনাসিতস্ফোটসম্ভবোঽস্রশ্রুতির্জ্বরঃ||৭||
शोणितेनासितस्फोटसम्भवोऽस्रश्रुतिर्ज्वरः||७||
🔊 Audio coming soon
Adhikarana sannipAtajApadaMshaH (8) · Śloka 8
সর্বজে সর্বলিঙ্গত্বং শ্বযথুর্মুষ্কযোরপি| তীব্রা রুগাশু পচনং দরণং কৃমিসম্ভবঃ||৮||
सर्वजे सर्वलिङ्गत्वं श्वयथुर्मुष्कयोरपि| तीव्रा रुगाशु पचनं दरणं कृमिसम्भवः||८||
🔊 Audio coming soon
Adhikarana apadaMshAnAM sAdhyAsAdhyatA (9) · Śloka 9
যাপ্যো রক্তোদ্ভবস্তেষাং মৃত্যবে সন্নিপাতজঃ||৯||
याप्यो रक्तोद्भवस्तेषां मृत्यवे सन्निपातजः||९||
🔊 Audio coming soon
Adhikarana arshAMsi (10) · Śloka 10
জাযন্তে কুপিতৈর্দোষৈর্গুহ্যাসৃক্পিশিতাশ্রযৈঃ| অন্তর্বহির্বা মেঢ্রস্য কণ্ডূলা মাংসকীলকাঃ| পিচ্ছিলাস্রস্রবা যোনৌ তদ্বচ্চ ছত্রসন্নিভাঃ| তেঽর্শাংস্যুপেক্ষ্যা ঘ্নন্তি মেঢ্রপুংস্ত্বভগার্তবম্||১০||
जायन्ते कुपितैर्दोषैर्गुह्यासृक्पिशिताश्रयैः| अन्तर्बहिर्वा मेढ्रस्य कण्डूला मांसकीलकाः| पिच्छिलास्रस्रवा योनौ तद्वच्च छत्रसन्निभाः| तेऽर्शांस्युपेक्ष्या घ्नन्ति मेढ्रपुंस्त्वभगार्तवम्||१०||
🔊 Audio coming soon
Adhikarana sarShapikAH (11) · Śloka 11
গুহ্যস্য বহিরন্তর্বা পিটকাঃ কফরক্তজাঃ| সর্ষপামানসংস্থানা ঘনাঃ সর্ষপিকাঃ স্মৃতাঃ||১১||
गुह्यस्य बहिरन्तर्वा पिटकाः कफरक्तजाः| सर्षपामानसंस्थाना घनाः सर्षपिकाः स्मृताः||११||
🔊 Audio coming soon
Adhikarana avamanthaH (12) · Śloka 12
পিটকা বহবো দীর্ঘা দীর্যন্তে মধ্যতশ্চ যাঃ| সোঽবমন্থঃ কফাসৃগ্ভ্যাং বেদনারোমহর্ষবান্||১২||
पिटका बहवो दीर्घा दीर्यन्ते मध्यतश्च याः| सोऽवमन्थः कफासृग्भ्यां वेदनारोमहर्षवान्||१२||
🔊 Audio coming soon
Adhikarana kumbhIkA (13) · Śloka 13
কুম্ভীকা রক্তপিত্তোত্থা জাম্ববাস্থিনিভাঽশুজাঃ||১৩||
कुम्भीका रक्तपित्तोत्था जाम्बवास्थिनिभाऽशुजाः||१३||
🔊 Audio coming soon
Adhikarana alajI (14) · Śloka 14
অলজীং মেহবদ্বিদ্যাত্.............................||১৪||
अलजीं मेहवद्विद्यात्.............................||१४||
🔊 Audio coming soon
Adhikarana uttamA (15) · Śloka 15
.....................................উত্তমাং রক্তপিত্তজাম্| পিটকাং মাষমুদ্গাভাম্.......................................||১৫||
.....................................उत्तमां रक्तपित्तजाम्| पिटकां माषमुद्गाभाम्.......................................||१५||
🔊 Audio coming soon
Adhikarana puShkarikA (16) · Śloka 16
............................পিটকা পিটকাচিতা| কর্ণিকা পুষ্করস্যেব জ্ঞেযা পুষ্করিকেতি সা||১৬||
............................पिटका पिटकाचिता| कर्णिका पुष्करस्येव ज्ञेया पुष्करिकेति सा||१६||
🔊 Audio coming soon
Adhikarana saMvyUDhapiTakA (17) · Śloka 17
পাণিভ্যাং ভৃশসংব্যূঢে সংব্যূঢপিটকা ভবেত্||১৭||
पाणिभ्यां भृशसंव्यूढे संव्यूढपिटका भवेत्||१७||
🔊 Audio coming soon
Adhikarana mRuditam (18) · Śloka 18
মৃদিতং মৃদিতং বস্তু সংরব্ধং বাতকোপতঃ||১৮||
मृदितं मृदितं वस्तु संरब्धं वातकोपतः||१८||
🔊 Audio coming soon
Adhikarana aShThIlikA (19) · Śloka 19
বিষমা কঠিনা ভুগ্না বাযুনাষ্ঠীলিকা স্মৃতা||১৯||
विषमा कठिना भुग्ना वायुनाष्ठीलिका स्मृता||१९||
🔊 Audio coming soon
Adhikarana nivRuttam (20) · Śloka 20
বিমর্দনাদিদুষ্টেন বাযুনা চর্ম মেঢ্রজম্| নিবর্ত্ততে সরুগ্দাহং ক্বচিত্পাকঞ্চ গচ্ছতি| পিণ্ডিতং কুথিতং চর্ম তত্প্রলম্বমধোমণেঃ| নিবৃত্তসংজ্ঞং সকফং কণ্ডূকাঠিন্যবত্তু তত্||২০||
विमर्दनादिदुष्टेन वायुना चर्म मेढ्रजम्| निवर्त्तते सरुग्दाहं क्वचित्पाकञ्च गच्छति| पिण्डितं कुथितं चर्म तत्प्रलम्बमधोमणेः| निवृत्तसंज्ञं सकफं कण्डूकाठिन्यवत्तु तत्||२०||
🔊 Audio coming soon
Adhikarana avapATikA (21) · Śloka 21
দারূঢং স্ফুটিতং চর্ম নির্দিষ্টমবপাটিকা||২১||
दारूढं स्फुटितं चर्म निर्दिष्टमवपाटिका||२१||
🔊 Audio coming soon
Adhikarana niruddhamaNiH (22) · Śloka 22
বাতেন দূষিতং চর্ম মণৌ সক্তং রুণদ্ধি চেত্| স্রোতো মূত্রং ততোঽভ্যেতি মন্দধারমবেদনম্| মণের্বিকাসরোধশ্চ স নিরুদ্ধমণির্গদঃ||২২||
वातेन दूषितं चर्म मणौ सक्तं रुणद्धि चेत्| स्रोतो मूत्रं ततोऽभ्येति मन्दधारमवेदनम्| मणेर्विकासरोधश्च स निरुद्धमणिर्गदः||२२||
🔊 Audio coming soon
Adhikarana grathitam (23) · Śloka 23
লিঙ্গং শূকৈরিবাকীর্ণং গ্রথিতাখ্যং কফোদ্ভবম্||২৩||
लिङ्गं शूकैरिवाकीर्णं ग्रथिताख्यं कफोद्भवम्||२३||
🔊 Audio coming soon
Adhikarana sparshahAniH (24) · Śloka 24
শূকদূষিতরক্তোত্থা স্পর্শহানিস্তদাহ্বযা||২৪||
शूकदूषितरक्तोत्था स्पर्शहानिस्तदाह्वया||२४||
🔊 Audio coming soon
Adhikarana shataponakam (25) · Śloka 25
ছিদ্রৈরণুমুখৈর্যত্তু মেহনং সর্বতশ্চিতম্| বাতশোণিতকোপেন তে বিদ্যাচ্ছতপোনকম্||২৫||
छिद्रैरणुमुखैर्यत्तु मेहनं सर्वतश्चितम्| वातशोणितकोपेन ते विद्याच्छतपोनकम्||२५||
🔊 Audio coming soon
Adhikarana tvakpAkaH (26) · Śloka 26
পিত্তাসৃগ্ভ্যাং ত্বচঃ পাকস্ত্বক্পাকো জ্বরদাহবান্||২৬||
पित्तासृग्भ्यां त्वचः पाकस्त्वक्पाको ज्वरदाहवान्||२६||
🔊 Audio coming soon
Adhikarana mAMsapAkaH (27) · Śloka 27
মাংসপাকঃ সর্বজঃ সর্ববেদনো মাংসশাতনঃ||২৭||
मांसपाकः सर्वजः सर्ववेदनो मांसशातनः||२७||
🔊 Audio coming soon
Adhikarana asRugarbudam (28) · Śloka 28
সরাগৈরসিতৈঃ স্ফোটৈর্বেদনাভিশ্চ পীডিতম্| মেহনং বেদনা চোগ্রা তং বিদ্যাদসৃগর্বুদম্||২৮||
सरागैरसितैः स्फोटैर्वेदनाभिश्च पीडितम्| मेहनं वेदना चोग्रा तं विद्यादसृगर्बुदम्||२८||
🔊 Audio coming soon
Adhikarana mAMsArbudaM vidradhishca (29) · Śloka 29
মাংসার্বুদং প্রাগুদিতং বিদ্রধিশ্চ ত্রিদোষজঃ||২৯||
मांसार्बुदं प्रागुदितं विद्रधिश्च त्रिदोषजः||२९||
🔊 Audio coming soon
Adhikarana tilakAlakAH (30) · Śloka 30
কৃষ্ণানি ভূত্বা মাংসানি বিশীর্যন্তে সমন্ততঃ| পক্বানি সন্নিপাতেন তান্ বিদ্যাত্তিলকালকান্||৩০||
कृष्णानि भूत्वा मांसानि विशीर्यन्ते समन्ततः| पक्वानि सन्निपातेन तान् विद्यात्तिलकालकान्||३०||
🔊 Audio coming soon
Adhikarana sAdhyAsAdhyatA (31) · Śloka 31
মাংসোত্থমর্বুদং পাকং বিদ্রধিং তিলকালকান্| চতুরো বর্জযেদেষাং শেষান্ শীঘ্রমুপাচরেত্||৩১||
मांसोत्थमर्बुदं पाकं विद्रधिं तिलकालकान्| चतुरो वर्जयेदेषां शेषान् शीघ्रमुपाचरेत्||३१||
🔊 Audio coming soon
Adhikarana strIguhyarogANAM hetuH (yonivyApadaH) (32) · Śloka 32
বিংশতির্ব্যাপদো যোনের্জাযন্তে দুষ্টভোজনাত্| বিষমস্থাঙ্গশযনভৃশমৈথুনসেবনৈঃ| দুষ্টার্তবাদপদ্রব্যৈর্বীজদোষেণ দৈবতঃ||৩২||
विंशतिर्व्यापदो योनेर्जायन्ते दुष्टभोजनात्| विषमस्थाङ्गशयनभृशमैथुनसेवनैः| दुष्टार्तवादपद्रव्यैर्बीजदोषेण दैवतः||३२||
🔊 Audio coming soon
Adhikarana vAtikI yonivyApad (33) · Śloka 33
যোনৌ ক্রুদ্ধোঽনিলঃ কুর্যাদ্রুক্তোদাযামসুপ্ততাঃ| পিপীলিকাসৃপ্তিমিব স্তম্ভং কর্কশতাং স্বনম্| ফেনিলারুণকৃষ্ণাল্পতনুরূক্ষার্ত্তবস্রুতিম্| ভ্রংশং বঙ্ক্ষণপার্শ্বাদৌ ব্যথাং গুল্মং ক্রমেণ চ| তাংস্তাংশ্চ স্বান্ গদান্ ব্যাপদ্বাতিকী নাম সা স্মৃতা||৩৩||
योनौ क्रुद्धोऽनिलः कुर्याद्रुक्तोदायामसुप्तताः| पिपीलिकासृप्तिमिव स्तम्भं कर्कशतां स्वनम्| फेनिलारुणकृष्णाल्पतनुरूक्षार्त्तवस्रुतिम्| भ्रंशं वङ्क्षणपार्श्वादौ व्यथां गुल्मं क्रमेण च| तांस्तांश्च स्वान् गदान् व्यापद्वातिकी नाम सा स्मृता||३३||
🔊 Audio coming soon
Adhikarana aticaraNA (34) · Śloka 34
সৈবাতিচরণা শোফসংযুক্তাতিব্যবাযতঃ||৩৪||
सैवातिचरणा शोफसंयुक्तातिव्यवायतः||३४||
🔊 Audio coming soon
Adhikarana prAkcaraNA (35) · Śloka 35
মৈথুনাদতিবালাযাঃ পৃষ্ঠজঙ্ঘোরুবঙ্ক্ষণম্| রুজন্ সন্দূষযেদ্যোনিং বাযুঃ প্রাক্চরণেতি সা||৩৫||
मैथुनादतिबालायाः पृष्ठजङ्घोरुवङ्क्षणम्| रुजन् सन्दूषयेद्योनिं वायुः प्राक्चरणेति सा||३५||
🔊 Audio coming soon
Adhikarana udAvRuttA (36) · Śloka 36
বেগোদার্বত্তনাদ্যোনিং প্রপীডযতি মারুতঃ| সা ফেনিলং রজঃকৃচ্ছ্রাদুদাবৃত্তং বিমুঞ্চতি| ইযং ব্যাপদুদাবৃত্তা..........................||৩৬||
वेगोदार्वत्तनाद्योनिं प्रपीडयति मारुतः| सा फेनिलं रजःकृच्छ्रादुदावृत्तं विमुञ्चति| इयं व्यापदुदावृत्ता..........................||३६||
🔊 Audio coming soon
Adhikarana jAtaghnI (37) · Śloka 37
.............................জাতঘ্নী তু যদানিলঃ| জাতং জাতং সুতং হন্তি রৌক্ষ্যাদ্দুষ্টার্ত্তবোদ্ভবম্||৩৭||
.............................जातघ्नी तु यदानिलः| जातं जातं सुतं हन्ति रौक्ष्याद्दुष्टार्त्तवोद्भवम्||३७||
🔊 Audio coming soon
Adhikarana antarmukhI (38) · Śloka 38
অত্যাশিতাযা বিষমং স্থিতাযাঃ সুরতে মরুত্| অন্নেনোত্পীডিতো যোনেঃ স্থিতঃ স্রোতসি বক্রযেত্| সস্থিমাংসং মুখং তীব্ররুজমন্তর্মুখীতি সা||৩৮||
अत्याशिताया विषमं स्थितायाः सुरते मरुत्| अन्नेनोत्पीडितो योनेः स्थितः स्रोतसि वक्रयेत्| सस्थिमांसं मुखं तीव्ररुजमन्तर्मुखीति सा||३८||
🔊 Audio coming soon
Adhikarana sUcImukhI (39) · Śloka 39
বাতলাহারসেবিন্যা জনন্যাং কুপিতোঽনিলঃ| স্ত্রিযা যোনিমণুদ্বারাং কুর্যাত্ সূচীমুখীতি সা||৩৯||
वातलाहारसेविन्या जनन्यां कुपितोऽनिलः| स्त्रिया योनिमणुद्वारां कुर्यात् सूचीमुखीति सा||३९||
🔊 Audio coming soon
Adhikarana yonishoShaH (40) · Śloka 40
বেগরোধাদৃতৌ বাযুর্দুষ্টো বিণ্মূত্রসংগ্রহম্| করোতি যোনিশোষঞ্চ শুষ্কাখ্যা সাতিবেদনা||৪০||
वेगरोधादृतौ वायुर्दुष्टो विण्मूत्रसंग्रहम्| करोति योनिशोषञ्च शुष्काख्या सातिवेदना||४०||
🔊 Audio coming soon
Adhikarana vAminI (41) · Śloka 41
ষডহাত্ সপ্তরাত্রাদ্বা শুক্রং গর্ভাশযান্মরুত্| বমেত্সরুঙ্নীরুজো বা যস্যাং সা বামিনী মতা||৪১||
षडहात् सप्तरात्राद्वा शुक्रं गर्भाशयान्मरुत्| वमेत्सरुङ्नीरुजो वा यस्यां सा वामिनी मता||४१||
🔊 Audio coming soon
Adhikarana ShaNDA (42) · Śloka 42
যোনৌ বাতোপতপ্তাযাং স্ত্রীগর্ভে বীজদোষতঃ| নৃদ্বেষিণ্যস্তনী চ স্যাত্ ষণ্ডসংজ্ঞানুপক্রমা||৪২||
योनौ वातोपतप्तायां स्त्रीगर्भे बीजदोषतः| नृद्वेषिण्यस्तनी च स्यात् षण्डसंज्ञानुपक्रमा||४२||
🔊 Audio coming soon
Adhikarana mahAyoniH (43) · Śloka 43
দুষ্টো বিষ্টভ্য যোন্যাস্যং গর্ভকোষ্ঠং চ মারুতঃ| কুরুতে বিবৃতাং স্রস্তাং বাতিকীমিব দুঃখিতাম্| উত্সন্নমাংসাং তামাহুর্মহাযোনিং মহারুজম্||৪৩||
दुष्टो विष्टभ्य योन्यास्यं गर्भकोष्ठं च मारुतः| कुरुते विवृतां स्रस्तां वातिकीमिव दुःखिताम्| उत्सन्नमांसां तामाहुर्महायोनिं महारुजम्||४३||
🔊 Audio coming soon
Adhikarana paittikI yonivyApat (44) · Śloka 44
যথাস্বৈর্দূষণৈর্দুষ্টং পিত্তং যোনিসমাশ্রিতম্| করোতি দাহপাকোষা পূতিগন্ধজ্বরান্বিতাম্| ভৃশোষ্ণভূরিকুণপনীলপীতাসিতার্ত্তবাম্| সা ব্যাপত্ পৈত্তিকী...............................||৪৪||
यथास्वैर्दूषणैर्दुष्टं पित्तं योनिसमाश्रितम्| करोति दाहपाकोषा पूतिगन्धज्वरान्विताम्| भृशोष्णभूरिकुणपनीलपीतासितार्त्तवाम्| सा व्यापत् पैत्तिकी...............................||४४||
🔊 Audio coming soon
Adhikarana raktayoniH (45) · Śloka 45
...........................রক্তযোন্যাখ্যাসৃগতিস্রুতেঃ||৪৫||
...........................रक्तयोन्याख्यासृगतिस्रुतेः||४५||
🔊 Audio coming soon
Adhikarana shlaiShmikI yonivyApat (46) · Śloka 46
কফোঽভিষ্যন্দিভিঃ ক্রুদ্ধঃ কুর্যাদ্যোনিমবেদনাম্| শীতলাং কণ্ডুলাং পাণ্ডুং পিচ্ছিলাং তদ্বিধস্রুতিম্| সা ব্যাপচ্ছ্লৈষ্মিকী..............................||৪৬||
कफोऽभिष्यन्दिभिः क्रुद्धः कुर्याद्योनिमवेदनाम्| शीतलां कण्डुलां पाण्डुं पिच्छिलां तद्विधस्रुतिम्| सा व्यापच्छ्लैष्मिकी..............................||४६||
🔊 Audio coming soon
Adhikarana lohitakShayAkhyA (47) · Śloka 47
..................বাতপিত্তাভ্যাং ক্ষীযতে রজঃ| সদাহকাড়্শ্যবৈবর্ণ্য যস্যাং সা লোহিতক্ষযা||৪৭||
..................वातपित्ताभ्यां क्षीयते रजः| सदाहकाऱ्श्यवैवर्ण्य यस्यां सा लोहितक्षया||४७||
🔊 Audio coming soon
Adhikarana pariplutA (48) · Śloka 48
পিত্তলাযা নৃসংবাসে ক্ষবথূদ্গারধারণাত্| পিত্তযুক্তেন মরুতা যোনির্ভবতি দূষিতা| শূনা স্পর্শাসহা সার্ত্তির্নীলপীতাস্রবাহিনী| বস্তিকুক্ষিগুরুত্বাতিসারারোচককারিণী| শ্রোণিবঙ্ক্ষণরুক্তোদজ্বরকৃত্সা পরিপ্লুতা||৪৮||
पित्तलाया नृसंवासे क्षवथूद्गारधारणात्| पित्तयुक्तेन मरुता योनिर्भवति दूषिता| शूना स्पर्शासहा सार्त्तिर्नीलपीतास्रवाहिनी| बस्तिकुक्षिगुरुत्वातिसारारोचककारिणी| श्रोणिवङ्क्षणरुक्तोदज्वरकृत्सा परिप्लुता||४८||
🔊 Audio coming soon
Adhikarana upaplutA (49) · Śloka 49
বাতশ্লেষ্মামযব্যাপ্তা শ্বেতপিচ্ছিলবাহিনী| উপপ্লুতা স্মৃতা যোনিঃ.......................||৪৯||
वातश्लेष्मामयव्याप्ता श्वेतपिच्छिलवाहिनी| उपप्लुता स्मृता योनिः.......................||४९||
🔊 Audio coming soon
Adhikarana viplutA (50) · Śloka 50
............................বিপ্লুতাখ্যা ত্বধাবনাত্| সঞ্জাতজন্তুঃ কণ্ডূলা কণ্ড্বা চাতিরতিপ্রিযা||৫০||
............................विप्लुताख्या त्वधावनात्| सञ्जातजन्तुः कण्डूला कण्ड्वा चातिरतिप्रिया||५०||
🔊 Audio coming soon
Adhikarana karNinI (51) · Śloka 51
অকালবাহনাদ্বাযুঃ শ্লেষ্মরক্তবিমূর্চ্ছিতঃ| কর্ণিকাং জনযেদ্যোনৌ রজোমার্গনিরোধিনীম্| সা কর্ণিনী...............................||৫১||
अकालवाहनाद्वायुः श्लेष्मरक्तविमूर्च्छितः| कर्णिकां जनयेद्योनौ रजोमार्गनिरोधिनीम्| सा कर्णिनी...............................||५१||
🔊 Audio coming soon
Adhikarana sAnnipAtikI yonivyApat (52) · Śloka 52
...........................ত্রিভির্দোষৈর্যোনিগর্ভাশযাশ্রিতৈঃ| যথাস্বোপদ্রবকরৈর্ব্যাপত্ সা সান্নিপাতিকী||৫২||
...........................त्रिभिर्दोषैर्योनिगर्भाशयाश्रितैः| यथास्वोपद्रवकरैर्व्यापत् सा सान्निपातिकी||५२||
🔊 Audio coming soon
Adhikarana yonivyApadupadravAH (53-38) · Śloka 38
ইতি যোনিগদা নারী যৈঃ শুক্রং ন প্রতীচ্ছতি| ততো গর্ভং ন গৃহ্ণাতি রোগাংশ্চাপ্নোতি দারুণান্| অসৃগ্দরার্শোগুল্মাদীনাবাধাংশ্চানিলাদিভিঃ||৫৩|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা- বষ্টাঙ্গসংগ্রহসংহিতাযামুত্তরতন্ত্রে গুহ্যরোগ- বিজ্ঞানীযো নামাষ্টত্রিংশোঽধ্যাযঃ||৩৮||
इति योनिगदा नारी यैः शुक्रं न प्रतीच्छति| ततो गर्भं न गृह्णाति रोगांश्चाप्नोति दारुणान्| असृग्दरार्शोगुल्मादीनाबाधांश्चानिलादिभिः||५३|| इति वैद्यपतिसिंहगुप्तस्य सूनोर्वाग्भटस्य कृता- वष्टाङ्गसंग्रहसंहितायामुत्तरतन्त्रे गुह्यरोग- विज्ञानीयो नामाष्टत्रिंशोऽध्यायः||३८||
🔊 Audio coming soon