Adhikarana atha viShapratiShedho nAma catvAriMsho~adhyAyaH, pratij~jA (1) · Śloka 1
athātō viṣapratiṣēdhaṁ nāmādhyāyaṁ vyākhyāsyāmaḥ| iti ha smāhurātrēyādayō maharṣayaḥ||1||
अथातो विषप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana viShasya prAgutpattiH (2) · Śloka 2
purā khalvamr̥tārthaṁ surāsuraiḥ salilanidhērvimadhyamānāt krōdha iva rūpavān sattvaṁ samudbabhūva kr̥ṣṇamanalanayanamurdhva- pradīptakēṣaṁ daṁṣṭrākarālaṁ bhairavārāvarūpam| taddarśanādēva yatō dēvadānavāśca viṣaṇṇāstasmāttadviṣasaṁjñāmavāpa||2||
पुरा खल्वमृतार्थं सुरासुरैः सलिलनिधेर्विमध्यमानात् क्रोध इव रूपवान् सत्त्वं समुद्बभूव कृष्णमनलनयनमुर्ध्व- प्रदीप्तकेषं दंष्ट्राकरालं भैरवारावरूपम्| तद्दर्शनादेव यतो देवदानवाश्च विषण्णास्तस्मात्तद्विषसंज्ञामवाप||२||
🔊 Audio coming soon
Adhikarana viShasyauShadhiShu nyAsaH sthAvaraviSham (3) · Śloka 3
tat sahasaiva sarvabhūtāni nirdagdhukāmamupayōgaviśēṣairviṣa mamr̥tatāṁ vinayamānō brahyānunīyauṣadhīṣu nyastavān| tatastat sthāvarāsu mūrtiṣvadhivasanāt sthāvaramityucyatē||3||
तत् सहसैव सर्वभूतानि निर्दग्धुकाममुपयोगविशेषैर्विष ममृततां विनयमानो ब्रह्यानुनीयौषधीषु न्यस्तवान्| ततस्तत् स्थावरासु मूर्तिष्वधिवसनात् स्थावरमित्युच्यते||३||
🔊 Audio coming soon
Adhikarana ja~ggamaviShodbhavaH (4) · Śloka 4
jaṅgamaṁ punaḥ pr̥thivyā bhārāvatārārthamuragādirūpēṇa viṣṇū- rnirmamē||4||
जङ्गमं पुनः पृथिव्या भारावतारार्थमुरगादिरूपेण विष्णू- र्निर्ममे||४||
🔊 Audio coming soon
Adhikarana sthAvarasya viShasya dashAdhiShThAnAni (5) · Śloka 5
tayōḥ sthāvaraṁ mūlapatrapuṣpaphalatvaksāraniryāsakṣīra dhātukandabhēdāddaśādhiṣṭhānam| tatra mūlaviṣāṇi klīta nakāśvamārakaguñjāsugandhakagargarakakarkarakaraghāṭakā dīni| patraviṣaṁ kālapatrikā lambāvaradakarambhārkādi nām| puṣpaviṣaṁ vallīrēṇukakarambhamahākarambhādīnām| phalaṁ kumudvatīrēṇukākarambhamahākarambhamadanakatuvarakā dīnām| tvaksāraniryāsāḥ karakakaraghāṭakakarambhama hākarambhanārācakādīnām| kṣīraṁ kumudvatī dantīsnuhya rkajālinīvyālādīnām| dhātavō haritālaphēnāśmabhasma raktaprabhr̥tayaḥ| kandajāni tu hālāhalakālakūṭavatsa nābhaśr̥ṅgīsārṣapajālakakardamakavairāṭakamustakamuṣkaka sāktukakrauñcakavālakamahāviṣapuṇḍarīkagālavamūlaka markaṭakarkaṭakakaravīrakēndrāyudhasaṅkōcakalāṅgalakataila pēyakuśapuṣpakē tu puṣpakarōhiṣāñjanābhakādīni||5||
तयोः स्थावरं मूलपत्रपुष्पफलत्वक्सारनिर्यासक्षीर धातुकन्दभेदाद्दशाधिष्ठानम्| तत्र मूलविषाणि क्लीत नकाश्वमारकगुञ्जासुगन्धकगर्गरककर्करकरघाटका दीनि| पत्रविषं कालपत्रिका लम्बावरदकरम्भार्कादि नाम्| पुष्पविषं वल्लीरेणुककरम्भमहाकरम्भादीनाम्| फलं कुमुद्वतीरेणुकाकरम्भमहाकरम्भमदनकतुवरका दीनाम्| त्वक्सारनिर्यासाः करककरघाटककरम्भम हाकरम्भनाराचकादीनाम्| क्षीरं कुमुद्वती दन्तीस्नुह्य र्कजालिनीव्यालादीनाम्| धातवो हरितालफेनाश्मभस्म रक्तप्रभृतयः| कन्दजानि तु हालाहलकालकूटवत्स नाभशृङ्गीसार्षपजालककर्दमकवैराटकमुस्तकमुष्कक साक्तुकक्रौञ्चकवालकमहाविषपुण्डरीकगालवमूलक मर्कटकर्कटककरवीरकेन्द्रायुधसङ्कोचकलाङ्गलकतैल पेयकुशपुष्पके तु पुष्पकरोहिषाञ्जनाभकादीनि||५||
🔊 Audio coming soon
Adhikarana AshrayabhedAnusAraM prabhAvabhedAH (6) · Śloka 6
tatra mūlaviṣairupayuktairudvēṣṭanapralāpamōhāḥ prajāyantē| patra viṣairjr̥mbhōdvēṣṭanaśvāsāḥ| puṣpaviṣaiśchardyādhmānamōhāḥ| phalaviṣairdāhamuṣkaśōphau| tvaksāraniryāsaviṣaiḥ prasē kāsyādaurgandhyapāruṣyaśirōvēdanāḥ| kṣīraviṣairjihvāgauravaṁ śakr̥dbhēdaśca| dhātuviṣaistāludāhamūrcchāhr̥dayapīḍāḥ| sarva mēva ca sthāvaraṁ jvarahidhmādantaharśahanustambhagalagrahaphēna vamanāruciśvāsamūrcchāḥ karōti viśēṣēṇa kandajam| taddhyatitīkṣṇatvādāśukāritaram| itarattu prāyaḥ kālā ntaraprāṇaharam||6||
तत्र मूलविषैरुपयुक्तैरुद्वेष्टनप्रलापमोहाः प्रजायन्ते| पत्र विषैर्जृम्भोद्वेष्टनश्वासाः| पुष्पविषैश्छर्द्याध्मानमोहाः| फलविषैर्दाहमुष्कशोफौ| त्वक्सारनिर्यासविषैः प्रसे कास्यादौर्गन्ध्यपारुष्यशिरोवेदनाः| क्षीरविषैर्जिह्वागौरवं शकृद्भेदश्च| धातुविषैस्तालुदाहमूर्च्छाहृदयपीडाः| सर्व मेव च स्थावरं ज्वरहिध्मादन्तहर्शहनुस्तम्भगलग्रहफेन वमनारुचिश्वासमूर्च्छाः करोति विशेषेण कन्दजम्| तद्ध्यतितीक्ष्णत्वादाशुकारितरम्| इतरत्तु प्रायः काला न्तरप्राणहरम्||६||
🔊 Audio coming soon
Adhikarana sthAvaraviShaM sarvameva maulam (7) · Śloka 7
sarvamapi caitanmaulamityucyatē mūlāśrayatvātpatrādīnām||7||
सर्वमपि चैतन्मौलमित्युच्यते मूलाश्रयत्वात्पत्रादीनाम्||७||
🔊 Audio coming soon
Adhikarana ja~ggamasyAshrayAH prabhAvashca (8) · Śloka 8
jaṅgamasya tvāśrayāḥ ṣōḍaśadr̥ṣṭiniśvāsasparśadaṁṣṭrāmukhana khāsthimūtrapurīṣaśukrārttavalālāśūkapittaśōṇitaśavāni| tāni punaḥ sarpakīṭakaṇabhādyāśritāni| tatkr̥tānyathā svamāmayān sādhanaṁ cōttaratra vakṣyati| sarvañca prāyaśō jaṅgamaṁ nidrātandrāklamadāharōmaharṣaśōpha pākātisārān karōti||8||
जङ्गमस्य त्वाश्रयाः षोडशदृष्टिनिश्वासस्पर्शदंष्ट्रामुखन खास्थिमूत्रपुरीषशुक्रार्त्तवलालाशूकपित्तशोणितशवानि| तानि पुनः सर्पकीटकणभाद्याश्रितानि| तत्कृतान्यथा स्वमामयान् साधनं चोत्तरत्र वक्ष्यति| सर्वञ्च प्रायशो जङ्गमं निद्रातन्द्राक्लमदाहरोमहर्षशोफ पाकातिसारान् करोति||८||
🔊 Audio coming soon
Adhikarana viShasAmAnyaguNAstasya dehe prabhAvashca (9) · Śloka 9
dvividhamapi caitadviṣaṁ tīkṣṇōṣṇarūkṣaviśadasūkṣmavyavā yyāśukārivikāṣilaghvavyaktarasatvairdaśabhirguṇairyuktama pāki ca| tatra taikṣṇyauṣṇyāt pittaṁ raktañca prakōpayati| raukṣyā dvāyum| vaiśadyādasaktavēgaṁ prasarati| saukṣmyādvyavāyi tvācca dōṣadhātumalādīn samastān śarīrāvayavānanu praviśati| āśukāritvādāśu vyāpādayati| vikāṣi tvānmarmacchēdēna matiṁ vyāmōhayati| lāghavāddurnirharamavyakta rasatvācchlēṣmaprayatnēnānnāni viṣatō rakṣēdityuktam| apā kitvāt jarāṁ nō yāti| tēnābhyavahr̥tamavaśyaṁ mārayati| mantrauṣadhabalēna cōpaśamitamapi, pratyayamāsādyapunaḥ praku pyatīti||9||
द्विविधमपि चैतद्विषं तीक्ष्णोष्णरूक्षविशदसूक्ष्मव्यवा य्याशुकारिविकाषिलघ्वव्यक्तरसत्वैर्दशभिर्गुणैर्युक्तम पाकि च| तत्र तैक्ष्ण्यौष्ण्यात् पित्तं रक्तञ्च प्रकोपयति| रौक्ष्या द्वायुम्| वैशद्यादसक्तवेगं प्रसरति| सौक्ष्म्याद्व्यवायि त्वाच्च दोषधातुमलादीन् समस्तान् शरीरावयवाननु प्रविशति| आशुकारित्वादाशु व्यापादयति| विकाषि त्वान्मर्मच्छेदेन मतिं व्यामोहयति| लाघवाद्दुर्निर्हरमव्यक्त रसत्वाच्छ्लेष्मप्रयत्नेनान्नानि विषतो रक्षेदित्युक्तम्| अपा कित्वात् जरां नो याति| तेनाभ्यवहृतमवश्यं मारयति| मन्त्रौषधबलेन चोपशमितमपि, प्रत्ययमासाद्यपुनः प्रकु प्यतीति||९||
🔊 Audio coming soon
Adhikarana viShasya kRutrimAkRutrimau bhedau (10) · Śloka 10
bhavati cātra- sthāvaraṁ jaṅgamaṁ cēti viṣaṁ prōktamakr̥trimam| kr̥trimaṁ garasaṁjñaṁ tu kriyatē vividhauṣadhaiḥ| hanti yōgavaśēnāśu cirācciratarācca tat| śōphapāṇḍūdarōnmādadurnāmādīn karōti vā||10||
भवति चात्र- स्थावरं जङ्गमं चेति विषं प्रोक्तमकृत्रिमम्| कृत्रिमं गरसंज्ञं तु क्रियते विविधौषधैः| हन्ति योगवशेनाशु चिराच्चिरतराच्च तत्| शोफपाण्डूदरोन्माददुर्नामादीन् करोति वा||१०||
🔊 Audio coming soon
Adhikarana viShasya prANaharatvam (11) · Śloka 11
api caitadviṣaṁ sarvaṁ tīkṣṇādyairanvitaṁ guṇaiḥ| vātapittōttaraṁ nr̥ṇāṁ sadyō harati jīvitam||11||
अपि चैतद्विषं सर्वं तीक्ष्णाद्यैरन्वितं गुणैः| वातपित्तोत्तरं नृणां सद्यो हरति जीवितम्||११||
🔊 Audio coming soon
Adhikarana viShasya prANaharaNe kramaH (12) · Śloka 12
viṣaṁ hi dēhaṁ samprāpya prāgdūṣayati śōṇitam| kaphapittānilāṁścānu samadōṣaṁ sahāśayān| tatō hr̥dayamāsthāya dēhōcchēdāya kalpatē| śarīrē dūṣitē raktē sarvaṁ cimicimāyatē| kōṭhaḥ samaṇḍalaḥ svēdō rōmaharṣaśca jāyatē| kṣudrakīṭā ivāṅgēṣu visarpantīti manyatē| vināmayati gātrāṇi jr̥mbhatē śiśirapriyaḥ| vyāpinastasya duṣṭasya drutasya viṣatējasā| vātādayō vaśaṁ yānti balinō'pyabalā iva||12||
विषं हि देहं सम्प्राप्य प्राग्दूषयति शोणितम्| कफपित्तानिलांश्चानु समदोषं सहाशयान्| ततो हृदयमास्थाय देहोच्छेदाय कल्पते| शरीरे दूषिते रक्ते सर्वं चिमिचिमायते| कोठः समण्डलः स्वेदो रोमहर्षश्च जायते| क्षुद्रकीटा इवाङ्गेषु विसर्पन्तीति मन्यते| विनामयति गात्राणि जृम्भते शिशिरप्रियः| व्यापिनस्तस्य दुष्टस्य द्रुतस्य विषतेजसा| वातादयो वशं यान्ति बलिनोऽप्यबला इव||१२||
🔊 Audio coming soon
Adhikarana doShAshayAnusAraM viShaprabhAvaH (13) · Śloka 13
viṣaṁ yaddōṣabhūyiṣṭhaṁ taṁ dōṣaṁ prāk prapadyatē| āśayē yasya yasyaiva tatastadavatiṣṭhatē| tajjān vikārān kurutē yān sarvaiṣūpadēkṣyati| vātāśayasthaṁ kurutē tathā ślēṣmāmayānapi| pittaślēṣmāśayagataṁ tadvatpittakaphōdbhavān| tatrāpi cōttamāṅgasthē sakōṭhaṁ śūyatē śiraḥ| viśēṣādakṣikūṭauṣṭhanāsāsyaṁ hr̥ṣṭadantatā| tāluśōṣō rujā mūrdhni vaktrē cimicimāyanam| arthēṣu cakṣurādīnāmapravr̥ttirhanugrahaḥ| ityanyatrāpi ca viṣaṁ sthitamaṅgē'bhilakṣayēt| vyāpyaivaṁ sakalaṁ dēhamuparudhya ca vāhinīḥ| viṣaṁ viṣamiva kṣipraṁ prāṇānasya nirasyati||13||
विषं यद्दोषभूयिष्ठं तं दोषं प्राक् प्रपद्यते| आशये यस्य यस्यैव ततस्तदवतिष्ठते| तज्जान् विकारान् कुरुते यान् सर्वैषूपदेक्ष्यति| वाताशयस्थं कुरुते तथा श्लेष्मामयानपि| पित्तश्लेष्माशयगतं तद्वत्पित्तकफोद्भवान्| तत्रापि चोत्तमाङ्गस्थे सकोठं शूयते शिरः| विशेषादक्षिकूटौष्ठनासास्यं हृष्टदन्तता| तालुशोषो रुजा मूर्ध्नि वक्त्रे चिमिचिमायनम्| अर्थेषु चक्षुरादीनामप्रवृत्तिर्हनुग्रहः| इत्यन्यत्रापि च विषं स्थितमङ्गेऽभिलक्षयेत्| व्याप्यैवं सकलं देहमुपरुध्य च वाहिनीः| विषं विषमिव क्षिप्रं प्राणानस्य निरस्यति||१३||
🔊 Audio coming soon
Adhikarana viShajagdhAdimAMsaprabhAvaH (14) · Śloka 14
pītaṁ mr̥tasya hr̥dayē jagdhadigdhābhividdhayōḥ| daṁśē tiṣṭhati bhūyiṣṭhaṁ sarvataḥ piṇḍitaṁ viṣam| nādyādatō viśēṣēṇa tēṣāṁ māṁsaṁ tadāśrayam| yathāsvaṁ bhakṣitē pīḍā yathāsvaṁ ca kriyākramaḥ||14||
पीतं मृतस्य हृदये जग्धदिग्धाभिविद्धयोः| दंशे तिष्ठति भूयिष्ठं सर्वतः पिण्डितं विषम्| नाद्यादतो विशेषेण तेषां मांसं तदाश्रयम्| यथास्वं भक्षिते पीडा यथास्वं च क्रियाक्रमः||१४||
🔊 Audio coming soon
Adhikarana viShavegeShu matadvayam (15) · Śloka 15
saptavēgān viṣasyāhuraṣṭāviti punarvasuḥ||15||
सप्तवेगान् विषस्याहुरष्टाविति पुनर्वसुः||१५||
🔊 Audio coming soon
Adhikarana viShavegAnAM lakShaNAni (16) · Śloka 16
duṣyati prathamē vēgē rasaścharddiprasēkakr̥t| dvitīya'sraṁ cimicimājr̥mbhāvēpathukāri tat| tr̥tīyē piśitaṁ kaṇḍūkōṭhamaṇḍalaśōphadam| dōṣāścaturthē tēṣu syuryathāyamupadravāḥ| pañcamē darśanabhrāntiḥ ṣaṣṭhē hidhmā samudbhavaḥ| saptamē skandhabhaṅgō'sya jāyatē mr̥tyuraṣṭamē||16||
दुष्यति प्रथमे वेगे रसश्छर्द्दिप्रसेककृत्| द्वितीयऽस्रं चिमिचिमाजृम्भावेपथुकारि तत्| तृतीये पिशितं कण्डूकोठमण्डलशोफदम्| दोषाश्चतुर्थे तेषु स्युर्यथायमुपद्रवाः| पञ्चमे दर्शनभ्रान्तिः षष्ठे हिध्मा समुद्भवः| सप्तमे स्कन्धभङ्गोऽस्य जायते मृत्युरष्टमे||१६||
🔊 Audio coming soon
Adhikarana nagnajitasya matam (17) · Śloka 17
duṣyati prathamē raktaṁ dvitīyē śvayathūdbhavaḥ| tr̥tīyē'ṅgē cimicimā caturthē jvaramūrcchanā| pañcamē pāṇḍujihvāsyaśōṣaḥ ṣaṣṭhē hr̥di vyathā| saptamē maraṇaṁ vēga iti nagnajitō matam||17||
दुष्यति प्रथमे रक्तं द्वितीये श्वयथूद्भवः| तृतीयेऽङ्गे चिमिचिमा चतुर्थे ज्वरमूर्च्छना| पञ्चमे पाण्डुजिह्वास्यशोषः षष्ठे हृदि व्यथा| सप्तमे मरणं वेग इति नग्नजितो मतम्||१७||
🔊 Audio coming soon
Adhikarana videhapatimatam (18) · Śloka 18
mūrcchā hr̥di paraṁ pīḍā śirōrugapatantrakaḥ| hidhmā ca dāruṇō marmacchēdō jīvitasaṁśayaḥ| saptēti vēgā mūrcchādyāḥ vidēhapatinā smr̥taḥ||18||
मूर्च्छा हृदि परं पीडा शिरोरुगपतन्त्रकः| हिध्मा च दारुणो मर्मच्छेदो जीवितसंशयः| सप्तेति वेगा मूर्च्छाद्याः विदेहपतिना स्मृतः||१८||
🔊 Audio coming soon
Adhikarana AlambAyanamatam (19) · Śloka 19
raktamāṁsavasāsnāyu tathāsthyādyāsrayaḥ kramāt| āśrayāḥ sapta saptānāmityālambāyanō'bravīt||19||
रक्तमांसवसास्नायु तथास्थ्याद्यास्रयः क्रमात्| आश्रयाः सप्त सप्तानामित्यालम्बायनोऽब्रवीत्||१९||
🔊 Audio coming soon
Adhikarana dhanvantarimatam (20) · Śloka 20
vēgān dhanvantaristadvat sarpadaṣṭasya manyatē| snāvavarjantu tatsthānē dōṣānicchati kōṣṭhagān||20||
वेगान् धन्वन्तरिस्तद्वत् सर्पदष्टस्य मन्यते| स्नाववर्जन्तु तत्स्थाने दोषानिच्छति कोष्ठगान्||२०||
🔊 Audio coming soon
Adhikarana viShavegavyAkhyA (21) · Śloka 21
dhātvantarēṣu yāḥ sapta kalāḥ pūrvaṁ prakīrttitāḥ| atītya tāsāmēkaikāṁ vēgaṁ prakurutē viṣam||21||
धात्वन्तरेषु याः सप्त कलाः पूर्वं प्रकीर्त्तिताः| अतीत्य तासामेकैकां वेगं प्रकुरुते विषम्||२१||
🔊 Audio coming soon
Adhikarana vegAntarakAlaH (23) · Śloka 23
tatkālakalpaṁ kālēna kalāmabhyēti yāvatā| ūhyamānaṁ samīrēṇa tāvadvēgāntaraṁ smr̥tam||23||
तत्कालकल्पं कालेन कलामभ्येति यावता| ऊह्यमानं समीरेण तावद्वेगान्तरं स्मृतम्||२३||
🔊 Audio coming soon
Adhikarana dUShIviSham (24) · Śloka 24
jīrṇaṁ viṣaghnauṣadhibhirhaṁ vā davāgnivātātapaśōṣitaṁ vā| svabhāvatō vā na guṇaiḥ suyuktaṁ dūṣīviṣākhyāṁ viṣamabhyupaiti||24||
जीर्णं विषग़्नौषधिभिर्हं वा दवाग्निवातातपशोषितं वा| स्वभावतो वा न गुणैः सुयुक्तं दूषीविषाख़्यां विषमभ्युपैति||२४||
🔊 Audio coming soon
Adhikarana dUShIviShasyAvibhAvyAtA (25) · Śloka 25
vīryālpabhāvādavibhāvyamētat kaphāvr̥taṁ varṣagaṇānubandhi||25||
वीर्याल्पभावादविभाव्यमेतत् कफावृतं वर्षगणानुबन्धि||२५||
🔊 Audio coming soon
Adhikarana dUShIviShalakShaNAni (26) · Śloka 26
tēnārditō bhinnapurīṣavarṇō duṣṭāsrarōgī tr̥ḍarōcakārttaḥ| mūrcchan vaman gadgadavāgvimuhyan bhavēcca dūṣyōdaraliṅgajuṣṭaḥ||26||
तेनार्दितो भिन्नपुरीषवर्णो दुष्टास्ररोगी तृडरोचकार्त्तः| मूर्च्छन् वमन् गद्गदवाग्विमुह्यन् भवेच्च दूष्योदरलिङ्गजुष्टः||२६||
🔊 Audio coming soon
Adhikarana AshayAdyanusAraM prabhAvaH (27) · Śloka 27
āmāśayasthē kaphavātarōgī pittaśayasthē'nilapittarōgī| bhavēnnarō dhvastaśirōruhāṅgō vilūnapakṣaḥ sa yathā vihaṅgaḥ| sthitaṁ rasādiṣvathavā vicitrān karōti dhātuprabhavān vikārān||27||
आमाशयस्थे कफवातरोगी पित्तशयस्थेऽनिलपित्तरोगी| भवेन्नरो ध्वस्तशिरोरुहाङ्गो विलूनपक्षः स यथा विहङ्गः| स्थितं रसादिष्वथवा विचित्रान् करोति धातुप्रभवान् विकारान्||२७||
🔊 Audio coming soon
Adhikarana dUShIviShasyAnvarthatA (28) · Śloka 28
prāgvātājīrṇaśītābhradivāsvapnāhitāśanaiḥ| duṣṭaṁ dūṣayatē dhātūnatō dūṣīviṣaṁ smr̥tam||28||
प्राग्वाताजीर्णशीताभ्रदिवास्वप्नाहिताशनैः| दुष्टं दूषयते धातूनतो दूषीविषं स्मृतम्||२८||
🔊 Audio coming soon
Adhikarana sthAvaraviShavegAnAM lakShaNAni prathamavege lakShaNAni (29) · Śloka 29
sthāvarasyōpayuktasya pūrvē vēgē'tha jāyatē| jihvāyāḥ śyāvatā stambhō mūrcchā trāsaḥ klamō vamiḥ||29||
स्थावरस्योपयुक्तस्य पूर्वे वेगेऽथ जायते| जिह्वायाः श्यावता स्तम्भो मूर्च्छा त्रासः क्लमो वमिः||२९||
🔊 Audio coming soon
Adhikarana dvitIyavege lakShaNAni (30) · Śloka 30
dvitīyē vēpathuḥ svēdō dāhaḥ kaṇṭhē ca vēdanāḥ| viṣaṁ cāmāśayaṁ prāptaṁ kurutē hr̥di vēdanām||30||
द्वितीये वेपथुः स्वेदो दाहः कण्ठे च वेदनाः| विषं चामाशयं प्राप्तं कुरुते हृदि वेदनाम्||३०||
🔊 Audio coming soon
Adhikarana tRutIyavege lakShaNAni (31) · Śloka 31
tāluśōṣastr̥tīyē tu śūlaṁ cāmāśayē bhr̥śam| durbalē harati śūnē jāyētē cāsya lōcanē||31||
तालुशोषस्तृतीये तु शूलं चामाशये भृशम्| दुर्बले हरति शूने जायेते चास्य लोचने||३१||
🔊 Audio coming soon
Adhikarana caturthavege lakShaNAni (32) · Śloka 32
pakvāśayagatē tōdahidhmākāsāntrakūjanam| caturthē jāyatē vēgē śirasaścātigauravam||32||
पक्वाशयगते तोदहिध्माकासान्त्रकूजनम्| चतुर्थे जायते वेगे शिरसश्चातिगौरवम्||३२||
🔊 Audio coming soon
Adhikarana pa~jcamavege lakShaNAni (33) · Śloka 33
kaphaprasēkō vaivarṇya parvabhēdaśca pañcamē| sarvadōṣaprakōpaśca pakvādhānē ca vēdanā||33||
कफप्रसेको वैवर्ण्य पर्वभेदश्च पञ्चमे| सर्वदोषप्रकोपश्च पक्वाधाने च वेदना||३३||
🔊 Audio coming soon
Adhikarana ShaShThavege lakShaNAni (34) · Śloka 34
ṣaṣṭhē saṁjñāpraṇāśaśca subhr̥śaṁ cātisāryatē||34||
षष्ठे संज्ञाप्रणाशश्च सुभृशं चातिसार्यते||३४||
🔊 Audio coming soon
Adhikarana saptamavege lakShaNAni (35) · Śloka 35
skandhapr̥ṣṭhakaṭībhaṅgō bhavēnmr̥tyuśca saptamē||35||
स्कन्धपृष्ठकटीभङ्गो भवेन्मृत्युश्च सप्तमे||३५||
🔊 Audio coming soon
Adhikarana sthAvaraviShavegAnAM cikitsA prathamaviShavege cikitsA (36) · Śloka 36
prathamē viṣavēgē'tha vāntaṁ śītāmbusēcitam| sarpirmadhubhyāṁ saṁyuktamagadaṁ pāyayēd drutam||36||
प्रथमे विषवेगेऽथ वान्तं शीताम्बुसेचितम्| सर्पिर्मधुभ्यां संयुक्तमगदं पाययेद् द्रुतम्||३६||
🔊 Audio coming soon
Adhikarana dvitIyavege cikitsA (37) · Śloka 37
dvitīyē pūrvavadvāntaṁ viriktaṁ cānu pāyayēt||37||
द्वितीये पूर्ववद्वान्तं विरिक्तं चानु पाययेत्||३७||
🔊 Audio coming soon
Adhikarana tRutIyavege cikitsA (38) · Śloka 38
tr̥tīyē'gadapānaṁ ca hitaṁ nasyaṁ tathā'ñjanam||38||
तृतीयेऽगदपानं च हितं नस्यं तथाऽञ्जनम्||३८||
🔊 Audio coming soon
Adhikarana caturthavege cikitsA (39) · Śloka 39
caturthē snēhasaṁyuktamagadaṁ pratibhōjayēt||39||
चतुर्थे स्नेहसंयुक्तमगदं प्रतिभोजयेत्||३९||
🔊 Audio coming soon
Adhikarana pa~jcamavege cikitsA (40) · Śloka 40
pañcamē madhukakvāthamākṣikābhyāṁ yutaṁ hitam||40||
पञ्चमे मधुकक्वाथमाक्षिकाभ्यां युतं हितम्||४०||
🔊 Audio coming soon
Adhikarana ShaShThavege cikitsA (41) · Śloka 41
ṣaṣṭhē'tisāravat siddhiḥ..........................||41||
षष्ठेऽतिसारवत् सिद्धिः..........................||४१||
🔊 Audio coming soon
Adhikarana saptamavege cikitsA (42) · Śloka 42
..............................avapīḍastu saptamē| mūrdhni kākapadaṁ kr̥tvā sāsr̥gvā piśitaṁ kṣipēt||42||
..............................अवपीडस्तु सप्तमे| मूर्ध्नि काकपदं कृत्वा सासृग्वा पिशितं क्षिपेत्||४२||
🔊 Audio coming soon
Adhikarana viShaghnI yavAgUH (43) · Śloka 43
kōśātakyagnikaḥ pāṭhā sūryavallyamr̥tābhayāḥ| śēluḥ śirīṣaḥ kiṇihī haridrē kṣudrasāhvayā| punarnavē trikaṭukaṁ br̥hatyau śārivē balē| ēṣāṁ yavāgūṁ niryūhē śītāṁ saghr̥tamākṣikām| yuñjyādvēgāntarē sarvaviṣaghnīṁ kr̥takarmaṇaḥ||43||
कोशातक्यग्निकः पाठा सूर्यवल्ल्यमृताभयाः| शेलुः शिरीषः किणिही हरिद्रे क्षुद्रसाह्वया| पुनर्नवे त्रिकटुकं बृहत्यौ शारिवे बले| एषां यवागूं निर्यूहे शीतां सघृतमाक्षिकाम्| युञ्ज्याद्वेगान्तरे सर्वविषघ्नीं कृतकर्मणः||४३||
🔊 Audio coming soon
Adhikarana aparA yavAgUH (44) · Śloka 44
tadvanmadhūkamadhukapadmakēsaracandanaiḥ||44||
तद्वन्मधूकमधुकपद्मकेसरचन्दनैः||४४||
🔊 Audio coming soon
Adhikarana agadAnAM prayogaH (45) · Śloka 45
agadān vakṣyatē cātaḥ siddhān pūrvarṣinirmitān| sarvēṣu sarvāvasthēṣu yē viṣēṣu paraṁ hitāḥ||45||
अगदान् वक्ष्यते चातः सिद्धान् पूर्वर्षिनिर्मितान्| सर्वेषु सर्वावस्थेषु ये विषेषु परं हिताः||४५||
🔊 Audio coming soon
Adhikarana sa~jjIvano agadaH (46) · Śloka 46
candanaṁ kuṅkumaṁ kuṣṭhaṁ kāṅkṣī lākṣā priyaṅgavaḥ| mustasthauṇēyaśailēyarōcanā madanaplavam| śrīvēṣṭakaviḍaṅgailā viśālālamanaśśilāḥ| surasaprasavaspr̥kkā rajanīdvayavālakam| hiṅgusiddhārthakāḥ padmacāriṇī padmakēsaram| jātyāḥ puṣpaṁ pravālaśca puṣpamarkaśirīṣayōḥ| dvirōdhrabr̥hatī kauntī madhukaṁ gandhanākulī| mudgaparṇī kaṇā śyāmā dhyāmakaṁ naladaṁ natam| sinduvārakaśakyākadēvadārumayūrakam| puṣyē samāhr̥taiḥ piṣṭairyōjyastairagadōttamaḥ| sañjīvanaḥ prāgamr̥tādvihitō'yaṁ svayambhuvā| pānanasyañjanāghrāṇadhūmālēpanadhāraṇaiḥ| jīvanō viṣasuptānāṁ rājadvārē jayāvahaḥ| dhanyō dhānyadhanāyuḥśrīkṣēmapuṣṭisukhapradaḥ| gr̥hē sthitō viṣālakṣmīmantrajvaragaragrahān| kr̥tyākārmaṇakākhōrdavyālajantusarīsr̥pān| svapnōpaghātaduḥ svapnatōyāgniriputaskarān| nihantyakālamaraṇamārakāśānivigrahān||46||
चन्दनं कुङ्कुमं कुष्ठं काङ्क्षी लाक्षा प्रियङ्गवः| मुस्तस्थौणेयशैलेयरोचना मदनप्लवम्| श्रीवेष्टकविडङ्गैला विशालालमनश्शिलाः| सुरसप्रसवस्पृक्का रजनीद्वयवालकम्| हिङ्गुसिद्धार्थकाः पद्मचारिणी पद्मकेसरम्| जात्याः पुष्पं प्रवालश्च पुष्पमर्कशिरीषयोः| द्विरोध्रबृहती कौन्ती मधुकं गन्धनाकुली| मुद्गपर्णी कणा श्यामा ध्यामकं नलदं नतम्| सिन्दुवारकशक्याकदेवदारुमयूरकम्| पुष्ये समाहृतैः पिष्टैर्योज्यस्तैरगदोत्तमः| सञ्जीवनः प्रागमृताद्विहितोऽयं स्वयम्भुवा| पाननस्यञ्जनाघ्राणधूमालेपनधारणैः| जीवनो विषसुप्तानां राजद्वारे जयावहः| धन्यो धान्यधनायुःश्रीक्षेमपुष्टिसुखप्रदः| गृहे स्थितो विषालक्ष्मीमन्त्रज्वरगरग्रहान्| कृत्याकार्मणकाखोर्दव्यालजन्तुसरीसृपान्| स्वप्नोपघातदुः स्वप्नतोयाग्निरिपुतस्करान्| निहन्त्यकालमरणमारकाशानिविग्रहान्||४६||
🔊 Audio coming soon
Adhikarana yApano agadaH (47) · Śloka 47
candanaṁ vālakaṁ mustaṁ dhyāmakaṁ kaṭukā natam| dāḍimaṁ kuṅkumaṁ śuṇṭhī kapitthaṁ vatsalāphalam| karañjabījaṁ maricamutpalaṁ kamalaṁ dalam| nalamūlamapāmārgaṁ karavīrakamañjanam| lākṣāmālatyahicchatra nāgapuṣpāmlavētasam| viṣālārōcanāśyāmā śaṅkhapuṣpīpriyaṅgukā| ajājīsārivākuṣṭhamajamōdaḥ kuraṇḍakaḥ| vayasthā sinduvārailā kāyasthā cāraṭī vacā| karkaṭī pūtanā kēśī śvētā ca girikarṇikā| gōlōmī siṁhalōmī ca varṣābhurgajapippalī| agadō yāpanākhyō'yaṁ pūrvēṇa sadr̥śō guṇaiḥ||47||
चन्दनं वालकं मुस्तं ध्यामकं कटुका नतम्| दाडिमं कुङ्कुमं शुण्ठी कपित्थं वत्सलाफलम्| करञ्जबीजं मरिचमुत्पलं कमलं दलम्| नलमूलमपामार्गं करवीरकमञ्जनम्| लाक्षामालत्यहिच्छत्र नागपुष्पाम्लवेतसम्| विषालारोचनाश्यामा शङ्खपुष्पीप्रियङ्गुका| अजाजीसारिवाकुष्ठमजमोदः कुरण्डकः| वयस्था सिन्दुवारैला कायस्था चारटी वचा| कर्कटी पूतना केशी श्वेता च गिरिकर्णिका| गोलोमी सिंहलोमी च वर्षाभुर्गजपिप्पली| अगदो यापनाख्योऽयं पूर्वेण सदृशो गुणैः||४७||
🔊 Audio coming soon
Adhikarana sUryodayo agadaH (48) · Śloka 48
śrīvēṣṭakaṁ haridrē dvē kōvidāraṁ manaśśilām| pippalīṁ pāṭalī padmāṁ śvētāñca girikarṇikām| mañjiṣṭhāṁ br̥hatī vakraṁ yaṣṭī maricakēsaram| phalinīṁ kiṇihīṁ cēti gavāṁ pittēna bhāvayēt| sūryōdayō hanti viṣaṁ tamaḥ sūryōdayō yathā||48||
श्रीवेष्टकं हरिद्रे द्वे कोविदारं मनश्शिलाम्| पिप्पलीं पाटली पद्मां श्वेताञ्च गिरिकर्णिकाम्| मञ्जिष्ठां बृहती वक्रं यष्टी मरिचकेसरम्| फलिनीं किणिहीं चेति गवां पित्तेन भावयेत्| सूर्योदयो हन्ति विषं तमः सूर्योदयो यथा||४८||
🔊 Audio coming soon
Adhikarana apare agadAH (49) · Śloka 49
nimbapatraṁ gr̥hāddhūmaṁ phāṇitaṁ br̥hatīphalam| gōpittayuktamagadaḥ paramaṁ mr̥tajīvanaḥ| gōpittakuṣṭhasurasamadhukadviniśaṁ tathā| viśālārajanīkuṣṭhaśvapittavyōṣatumbaruḥ| vacāśirīṣapañcāṅgī mr̥tasañjīvanō'gadaḥ| pañcāṅgāni śirīṣasya śvapittañca varō'gadaḥ| priyaṅgutagaraṁ lākṣā mañjiṣṭhā madhukaṁ madhu| haridrā cētyayaṁ śrēṣṭhaḥ kauṭalyadayitō'gadaḥ| visaṁjñānāṁ viṣairghōraiḥ prahārairnaṣṭacētasām| udbandhānāṁ jalaughē ca mr̥tānāṁ cētanāvahaḥ| śirīṣaphalakākāṇḍasurasāgrapunarnavaiḥ| kakṣyāvāyasisaṁyuktairagadaḥ pūrvavadguṇaiḥ| kaṭukālābumūlāni gavāṁ pittēna kalkayēt| brāhmō dhāryō'yamagadaḥ sarvakarmasu pūjitaḥ| agāradhūmastrivr̥tā gōpittaṁ tryūṣaṇaṁ vacā| prājāpatyō'yamagadaḥ sarvarakṣō viṣāpahaḥ| śvētapuṣkaratulyāṁśairjīvantyā kusumaiḥ kr̥taḥ| rukmapiṭō maṇirddhāryaścāṇakyēṣṭō viṣāpahaḥ| maṁsītvakpatrasurasamanōhvā śītakuṅkumam| niśā vyāghranakhaṁ śuṇṭhī daśāṅgō'yaṁ viṣāpahaḥ| utpātagaṇḍapiṭakādigdhaviddhaviṣāpahaḥ| udumbaratvagjambvasthimadhukōtpalagairikaiḥ| candanōśīranaladanāgakēsarapadmakaiḥ| viśēṣādviṣavisphōṭavisarpajvaradāhahā| śirīṣōdumbaraplakṣanyagrōdhāśvatthavalkalaiḥ| saghr̥tō dāhatr̥ṣṇāsraviṣavīsarpapittahā| gajapippalikāsīsakṣārayaṣṭīmayūrakam| raktā nataṁ vacā dantī śivaḥ śivakr̥tō'gadaḥ| surālāpāvakīsōmābhōgavatyamr̥tānatam| āḍhakīkiṇihīsōmarājī cauśanasō'gadaḥ| ślēṣmātakārkakusumaṁ taṇḍulīyō mayūrakaḥ| surasāmañjarī kākamācī pānē'gadō varaḥ||49||
निम्बपत्रं गृहाद्धूमं फाणितं बृहतीफलम्| गोपित्तयुक्तमगदः परमं मृतजीवनः| गोपित्तकुष्ठसुरसमधुकद्विनिशं तथा| विशालारजनीकुष्ठश्वपित्तव्योषतुम्बरुः| वचाशिरीषपञ्चाङ्गी मृतसञ्जीवनोऽगदः| पञ्चाङ्गानि शिरीषस्य श्वपित्तञ्च वरोऽगदः| प्रियङ्गुतगरं लाक्षा मञ्जिष्ठा मधुकं मधु| हरिद्रा चेत्ययं श्रेष्ठः कौटल्यदयितोऽगदः| विसंज्ञानां विषैर्घोरैः प्रहारैर्नष्टचेतसाम्| उद्बन्धानां जलौघे च मृतानां चेतनावहः| शिरीषफलकाकाण्डसुरसाग्रपुनर्नवैः| कक्ष्यावायसिसंयुक्तैरगदः पूर्ववद्गुणैः| कटुकालाबुमूलानि गवां पित्तेन कल्कयेत्| ब्राह्मो धार्योऽयमगदः सर्वकर्मसु पूजितः| अगारधूमस्त्रिवृता गोपित्तं त्र्यूषणं वचा| प्राजापत्योऽयमगदः सर्वरक्षो विषापहः| श्वेतपुष्करतुल्यांशैर्जीवन्त्या कुसुमैः कृतः| रुक्मपिटो मणिर्द्धार्यश्चाणक्येष्टो विषापहः| मंसीत्वक्पत्रसुरसमनोह्वा शीतकुङ्कुमम्| निशा व्याघ्रनखं शुण्ठी दशाङ्गोऽयं विषापहः| उत्पातगण्डपिटकादिग्धविद्धविषापहः| उदुम्बरत्वग्जम्ब्वस्थिमधुकोत्पलगैरिकैः| चन्दनोशीरनलदनागकेसरपद्मकैः| विशेषाद्विषविस्फोटविसर्पज्वरदाहहा| शिरीषोदुम्बरप्लक्षन्यग्रोधाश्वत्थवल्कलैः| सघृतो दाहतृष्णास्रविषवीसर्पपित्तहा| गजपिप्पलिकासीसक्षारयष्टीमयूरकम्| रक्ता नतं वचा दन्ती शिवः शिवकृतोऽगदः| सुरालापावकीसोमाभोगवत्यमृतानतम्| आढकीकिणिहीसोमराजी चौशनसोऽगदः| श्लेष्मातकार्ककुसुमं तण्डुलीयो मयूरकः| सुरसामञ्जरी काकमाची पानेऽगदो वरः||४९||
🔊 Audio coming soon
Adhikarana dadhyAdikaM mUlaviShaghnam (50) · Śloka 50
dadhyājyākṣaudralavaṇaṁ pītaṁ mūlaviṣāpaham||50||
दध्याज्याक्षौद्रलवणं पीतं मूलविषापहम्||५०||
🔊 Audio coming soon
Adhikarana haridrAdiyogaH (51) · Śloka 51
haridrāsaindhavakṣaudraghr̥taṁ saṁsr̥jya pāyayēt| ārttān mūlaviṣairghōrairdigdhaviddhān viśēṣataḥ||51||
हरिद्रासैन्धवक्षौद्रघृतं संसृज्य पाययेत्| आर्त्तान् मूलविषैर्घोरैर्दिग्धविद्धान् विशेषतः||५१||
🔊 Audio coming soon
Adhikarana nishAyAH antarbahiH prayogaH (52) · Śloka 52
haridrāntarbahiḥ śastā viṣadōṣāturē param||52||
हरिद्रान्तर्बहिः शस्ता विषदोषातुरे परम्||५२||
🔊 Audio coming soon
Adhikarana nishAdya~jjanam (53) · Śloka 53
niśāśvamārasurasakarañjavyōṣadārubhiḥ| añjanaṁ bastramūtrēṇa piṣṭairnētrōparōdhajit||53||
निशाश्वमारसुरसकरञ्जव्योषदारुभिः| अञ्जनं बस्त्रमूत्रेण पिष्टैर्नेत्रोपरोधजित्||५३||
🔊 Audio coming soon
Adhikarana bIjapUrAdya~jjanam (54) · Śloka 54
karṇākṣināsikākaṇṭhajihvārōgēṣu nāvanam| bījapūrāryabr̥hatīphalajyōtiṣmatīkr̥tam||54||
कर्णाक्षिनासिकाकण्ठजिह्वारोगेषु नावनम्| बीजपूरार्यबृहतीफलज्योतिष्मतीकृतम्||५४||
🔊 Audio coming soon
Adhikarana gandhahastI agadaH (55) · Śloka 55
śvēta vacā hiṅvamr̥tā sugandhā kuṣṭhasaindhavam| śirīṣapuṣpadviniśāvyōṣaṭuṇṭukasarṣapāḥ| kapitthamadhyaṁ laśunaṁ karañjō vaṁśalēkhanam| piṣṭvā gōbastamūtrēṇa tatpittēnaiva bhāvayēt| dināni sapta vyatyāsādvinihanti tatō'ñjanāt| viṣaṁ śirasthaṁ mūrddhārttijvarājīrṇāviṣūcikāḥ| apasmāragrahōnmādapāṇḍumēhamadātyayān| śuṣkanētrāmayaśirōrōgapaillagaṇārbudān| kācāndhakārapaṭalakaṇḍūdaurbalyapakṣmaṇaḥ| lēpāt pītakṣatālīḍhadaṣṭadighdaviṣaṁ jayēt| śvitraṁ kr̥cchrāṇi kuṣṭhāni duṣṭanāḍīmahāvraṇān| ānāhārśō gudē lēpāllalāṭē duṣṭapīnasam| yōnilēpēna nārīṇāṁ mūḍhagarbhānulōmanaḥ| unmūlayatyēṣa viṣaṁ gandhahastīva kānanam||55||
श्वेत वचा हिङ्वमृता सुगन्धा कुष्ठसैन्धवम्| शिरीषपुष्पद्विनिशाव्योषटुण्टुकसर्षपाः| कपित्थमध्यं लशुनं करञ्जो वंशलेखनम्| पिष्ट्वा गोबस्तमूत्रेण तत्पित्तेनैव भावयेत्| दिनानि सप्त व्यत्यासाद्विनिहन्ति ततोऽञ्जनात्| विषं शिरस्थं मूर्द्धार्त्तिज्वराजीर्णाविषूचिकाः| अपस्मारग्रहोन्मादपाण्डुमेहमदात्ययान्| शुष्कनेत्रामयशिरोरोगपैल्लगणार्बुदान्| काचान्धकारपटलकण्डूदौर्बल्यपक्ष्मणः| लेपात् पीतक्षतालीढदष्टदिघ्दविषं जयेत्| श्वित्रं कृच्छ्राणि कुष्ठानि दुष्टनाडीमहाव्रणान्| आनाहार्शो गुदे लेपाल्ललाटे दुष्टपीनसम्| योनिलेपेन नारीणां मूढगर्भानुलोमनः| उन्मूलयत्येष विषं गन्धहस्तीव काननम्||५५||
🔊 Audio coming soon
Adhikarana ajito~agadaH (56) · Śloka 56
viḍaṅgapāṭhā triphalājamōdā hiṅgvagnivakraṁ lavaṇasya vargaḥ| vyōṣānvitaṁ sthāvarajaṅgamānāṁ jētā viṣāṇāmagadō'jitākhyaḥ||56||
विडङ्गपाठा त्रिफलाजमोदा हिङ्ग्वग्निवक्रं लवणस्य वर्गः| व्योषान्वितं स्थावरजङ्गमानां जेता विषाणामगदोऽजिताख्यः||५६||
🔊 Audio coming soon
Adhikarana bAlasUryo~agadaH (57) · Śloka 57
manōhvā rōcanā caṇḍā tvagēlāsitasarṣapaiḥ| spr̥kkāhiṅgulakāśmīrakāntābhiḥ kalkitō'gadaḥ| viṣaghnō bālasūryō'yaṁ śrīrakṣāvijayarddhidaḥ||57||
मनोह्वा रोचना चण्डा त्वगेलासितसर्षपैः| स्पृक्काहिङ्गुलकाश्मीरकान्ताभिः कल्कितोऽगदः| विषघ्नो बालसूर्योऽयं श्रीरक्षाविजयर्द्धिदः||५७||
🔊 Audio coming soon
Adhikarana mAheshvaro yogaH (58) · Śloka 58
ajagandhā sagōmūtrā gr̥hadhūmaḥ sagugguluḥ| ēṣa māhēśvarō yōgō na kvacit pratihanyatē||58||
अजगन्धा सगोमूत्रा गृहधूमः सगुग्गुलुः| एष माहेश्वरो योगो न क्वचित् प्रतिहन्यते||५८||
🔊 Audio coming soon
Adhikarana digdhaviddhalakShaNAni (59) · Śloka 59
viṣadigdhēna viddhastu pratāmyati muhurmuhuḥ| vivarṇabhāvaṁ bhajatē viṣādaṁ cāśu gacchati| kīṭairivāvr̥taṁ cāsya gātraṁ cimicimāyatē| śrōṇipr̥ṣṭhaśiraḥ skandhasandhayaḥ syuḥ savēdanāḥ| kr̥ṣṇaduṣṭāsravisrāvī tr̥ṇmūrcchājvaradāhavān| duṣṭikāluṣyavamathuśvāsakāsakaraḥ kṣaṇāt| āraktapītaparyantaḥ śyāvamadhyō'tirugvraṇaḥ| śūyatē pacyatē sadyō gatvā māṁsaṁ ca kr̥ṣṇatām| praklinnaṁ śīryatē'bhīkṣṇaṁ sapicchilaparisravam||59||
विषदिग्धेन विद्धस्तु प्रताम्यति मुहुर्मुहुः| विवर्णभावं भजते विषादं चाशु गच्छति| कीटैरिवावृतं चास्य गात्रं चिमिचिमायते| श्रोणिपृष्ठशिरः स्कन्धसन्धयः स्युः सवेदनाः| कृष्णदुष्टास्रविस्रावी तृण्मूर्च्छाज्वरदाहवान्| दुष्टिकालुष्यवमथुश्वासकासकरः क्षणात्| आरक्तपीतपर्यन्तः श्यावमध्योऽतिरुग्व्रणः| शूयते पच्यते सद्यो गत्वा मांसं च कृष्णताम्| प्रक्लिन्नं शीर्यतेऽभीक्ष्णं सपिच्छिलपरिस्रवम्||५९||
🔊 Audio coming soon
Adhikarana digdhaviddhacikitsA (60) · Śloka 60
kuryādamarmaviddhasya hr̥dayāvaraṇaṁ drutam| śalyamākr̥ṣya taptēna lōhēnānu dahēd vraṇam| athavā muṣkakaśvētāsōmatvaktāmravallitaḥ| śirīṣādgr̥dhranakhyāśca kṣārēṇa pratisārayēt| śukanāsāprativiṣāvyāghRīmūlaiśca lēpayēt| pītadaṣṭacikitsāṁ ca kuryāttasya yathārhataḥ| vraṇē tu pūtipiśitē kriyā pittavisarpavat||60||
कुर्यादमर्मविद्धस्य हृदयावरणं द्रुतम्| शल्यमाकृष्य तप्तेन लोहेनानु दहेद् व्रणम्| अथवा मुष्ककश्वेतासोमत्वक्ताम्रवल्लितः| शिरीषाद्गृध्रनख्याश्च क्षारेण प्रतिसारयेत्| शुकनासाप्रतिविषाव्याघ्ऱीमूलैश्च लेपयेत्| पीतदष्टचिकित्सां च कुर्यात्तस्य यथार्हतः| व्रणे तु पूतिपिशिते क्रिया पित्तविसर्पवत्||६०||
🔊 Audio coming soon
Adhikarana garAkhyaM kRutrimaM viSham (61) · Śloka 61
saubhāgyārthaṁ striyō bhartrē rājñē vārāticōditāḥ| garamāhārasampr̥ktaṁ yacchantyāsannavartinaḥ||61||
सौभाग्यार्थं स्त्रियो भर्त्रे राज्ञे वारातिचोदिताः| गरमाहारसम्पृक्तं यच्छन्त्यासन्नवर्तिनः||६१||
🔊 Audio coming soon
Adhikarana 'gara'nirvacanam (62) · Śloka 62
nānāprāṇyaṅgaśamalaviruddhauṣadhibhasmanām| viṣāṇāñcālpavīryāṇāṁ yōgō gara iti smr̥taḥ||62||
नानाप्राण्यङ्गशमलविरुद्धौषधिभस्मनाम्| विषाणाञ्चाल्पवीर्याणां योगो गर इति स्मृतः||६२||
🔊 Audio coming soon
Adhikarana garaprayukte lakShaNAni (63) · Śloka 63
tēna pāṇḍuḥ kr̥śō'lpāghniḥ kāsaśvāsajvarārditaḥ| vāyunā pratilōmēna svapnacintāparāyaṇaḥ| mahōdarayakr̥tplīhō dīnavāgdurbalō'lasaḥ| śōphavān satatādhmātaḥ śuṣkapādakaraḥ kṣayī| prāyaḥ paśyati śuṣkāṁśca vanaspatijalāśayān| manyatē kr̥ṣṇamātmānaṁ gaurō gauraṁ ca kālakaḥ| vikarṇanāsānayanaṁ paśyēttadvihatēndriyaḥ| ētairanyaiśca bahubhiḥ kliṣṭō ghōrairupadravaiḥ| garārttō nāśamāpnōti kaścitsadyō'cikitsitaḥ||63||
तेन पाण्डुः कृशोऽल्पाघ्निः कासश्वासज्वरार्दितः| वायुना प्रतिलोमेन स्वप्नचिन्तापरायणः| महोदरयकृत्प्लीहो दीनवाग्दुर्बलोऽलसः| शोफवान् सतताध्मातः शुष्कपादकरः क्षयी| प्रायः पश्यति शुष्कांश्च वनस्पतिजलाशयान्| मन्यते कृष्णमात्मानं गौरो गौरं च कालकः| विकर्णनासानयनं पश्येत्तद्विहतेन्द्रियः| एतैरन्यैश्च बहुभिः क्लिष्टो घोरैरुपद्रवैः| गरार्त्तो नाशमाप्नोति कश्चित्सद्योऽचिकित्सितः||६३||
🔊 Audio coming soon
Adhikarana garacikitsAkramaH (64) · Śloka 64
garārttō vāntavānbhuktvā tatpathyaṁ pānabhōjanam| śuddhahr̥cchīlayēddhēma sūtrasthānavidhēḥ smaran||64||
गरार्त्तो वान्तवान्भुक्त्वा तत्पथ्यं पानभोजनम्| शुद्धहृच्छीलयेद्धेम सूत्रस्थानविधेः स्मरन्||६४||
🔊 Audio coming soon
Adhikarana sharkarAdilehaH (65) · Śloka 65
śarkarākṣaudrasaṁyuktaścūrṇastāpyasuvarṇayōḥ| lēhaḥ praśamayatyugraṁ sarvaṁ yōgakr̥taṁ viṣam||65||
शर्कराक्षौद्रसंयुक्तश्चूर्णस्ताप्यसुवर्णयोः| लेहः प्रशमयत्युग्रं सर्वं योगकृतं विषम्||६५||
🔊 Audio coming soon
Adhikarana mUrvAdicUrNam (66) · Śloka 66
mūrvāmr̥tānatakaṇāpaṭōlīcavyacitrakān| vacāmustaviḍaṅgāni takrakōṣṇāmbumastubhiḥ| pibēdrasēna cāmlēna garōpahatapāvakaḥ||66||
मूर्वामृतानतकणापटोलीचव्यचित्रकान्| वचामुस्तविडङ्गानि तक्रकोष्णाम्बुमस्तुभिः| पिबेद्रसेन चाम्लेन गरोपहतपावकः||६६||
🔊 Audio coming soon
Adhikarana pArAvatAmiShAdiyogaH (67) · Śloka 67
pārāvatāmiṣaśaṭīpuṣkarāhvaśr̥taṁ himam| garatr̥ṣṇārujākāsaśvāsahidhmājvarāpaham||67||
पारावतामिषशटीपुष्कराह्वशृतं हिमम्| गरतृष्णारुजाकासश्वासहिध्माज्वरापहम्||६७||
🔊 Audio coming soon
Adhikarana shvAsakAsaghnayogau (68) · Śloka 68
vāyasī śvāsakāsaghnī bhr̥ṣṭājyatriphalārasē| bhārṅgīnāgaraniryūhaḥ śiśiraśca samākṣikaḥ||68||
वायसी श्वासकासघ्नी भृष्टाज्यत्रिफलारसे| भार्ङ्गीनागरनिर्यूहः शिशिरश्च समाक्षिकः||६८||
🔊 Audio coming soon
Adhikarana hareNvAdilepanam (69) · Śloka 69
harēṇucandanaśyāmānaladaṁ ślakṣṇapēṣitam| vilēpanaṁ prayōktavyaṁ garēṇōpahatatvacaḥ||69||
हरेणुचन्दनश्यामानलदं श्लक्ष्णपेषितम्| विलेपनं प्रयोक्तव्यं गरेणोपहतत्वचः||६९||
🔊 Audio coming soon
Adhikarana ma~jjiShThAtipragharShaNam (70) · Śloka 70
mañjiṣṭhā kiṇihī nimbarajanyaśvatthacandanaiḥ| pragharṣaṇaṁ kr̥śānāṁ tu garēṇa kṣapitaujasām||70||
मञ्जिष्ठा किणिही निम्बरजन्यश्वत्थचन्दनैः| प्रघर्षणं कृशानां तु गरेण क्षपितौजसाम्||७०||
🔊 Audio coming soon
Adhikarana shreShThaM pathyam (70) · Śloka 71
pathyaṁ paramamuddiṣṭaṁ śīlanaṁ kṣīrasarpiṣōḥ||71||
पथ्यं परममुद्दिष्टं शीलनं क्षीरसर्पिषोः||७१||
🔊 Audio coming soon
Adhikarana vRuShadisiddhaghRutAniA (72) · Śloka 72
vr̥ṣanimbapaṭōlīnāṁ kvāthēna vipacēt ghr̥tam| abhayāgarbhiṇaṁ śrēṣṭhaṁ tat garasya nibarhaṇam| haridrāṁ nākulīṁ jātīṁ pr̥thakpiṣṭvā vipācayēt| ghr̥tatrayaṁ viṣārttānāmētadārōgyadaṁ param| taṇḍulīyakamūlēna gr̥hadhūmēna caikataḥ| kṣīrēṇa ca ghr̥taṁ siddhaṁ samastaviṣarōgajit| nāgadantī trivr̥ddantī dravantī snukpayaḥ palaiḥ| sādhitaṁ māhiṣaṁ sarpiḥ sagōmūtrāḍhakaṁ hitam| sarpakīṭaviṣarttānāṁ garārttānāṁ ca śāntayē||72||
वृषनिम्बपटोलीनां क्वाथेन विपचेत् घृतम्| अभयागर्भिणं श्रेष्ठं तत् गरस्य निबर्हणम्| हरिद्रां नाकुलीं जातीं पृथक्पिष्ट्वा विपाचयेत्| घृतत्रयं विषार्त्तानामेतदारोग्यदं परम्| तण्डुलीयकमूलेन गृहधूमेन चैकतः| क्षीरेण च घृतं सिद्धं समस्तविषरोगजित्| नागदन्ती त्रिवृद्दन्ती द्रवन्ती स्नुक्पयः पलैः| साधितं माहिषं सर्पिः सगोमूत्राढकं हितम्| सर्पकीटविषर्त्तानां गरार्त्तानां च शान्तये||७२||
🔊 Audio coming soon
Adhikarana ajeyaM ghRutam (73) · Śloka 73
madhukaṁ tagaraṁ kuṣṭhaṁ bhadradāru harēṇavaḥ| mañjiṣṭhailailavālūni nāgapuṣpōtpalaṁ plavam| viḍaṅgaṁ candanaṁ patraṁ priyaṅgurdhyāmakaṁ balā| aṁśumatyau haridrē dvē br̥hatyau sārivādvayam| ēṣāṁ kalkairghr̥taṁ siddhamajēyaṁ nāma viśr̥tam| viṣāṇi hanti sarvāṇi śīghramēva prayōjitam||73||
मधुकं तगरं कुष्ठं भद्रदारु हरेणवः| मञ्जिष्ठैलैलवालूनि नागपुष्पोत्पलं प्लवम्| विडङ्गं चन्दनं पत्रं प्रियङ्गुर्ध्यामकं बला| अंशुमत्यौ हरिद्रे द्वे बृहत्यौ सारिवाद्वयम्| एषां कल्कैर्घृतं सिद्धमजेयं नाम विशृतम्| विषाणि हन्ति सर्वाणि शीघ्रमेव प्रयोजितम्||७३||
🔊 Audio coming soon
Adhikarana amRutaM ghRutam (74) · Śloka 74
śvētē kapōtē bījāni pratyakpuṣpīśirīṣayōḥ| gōmūtrapiṣṭaistaiḥ sarpiḥ siddhaṁ viṣaharaṁ param| amr̥taṁ nāma vikhyātamapi sañjīvayēnmr̥tam||74||
श्वेते कपोते बीजानि प्रत्यक्पुष्पीशिरीषयोः| गोमूत्रपिष्टैस्तैः सर्पिः सिद्धं विषहरं परम्| अमृतं नाम विख्यातमपि सञ्जीवयेन्मृतम्||७४||
🔊 Audio coming soon
Adhikarana shirIShatvagAdighRutam (75) · Śloka 75
śirīṣatvaktritrakaṭukaṁ vidārī candanōtpalam| dvē balē sārivāsphōtabr̥hatīnimbapallavāḥ| bandhujīvāḍhakīmūrvāvāsāsurasavatsakāḥ| pāṭhāṅkōlāśvagandhārkamūlayaṣṭyāhvapadmakam| viśālā br̥hatī lākṣā kōvidāraśatāvarīḥ| kaṭabhīdantyapāmārgapr̥śniparṇīrasāñjanam| śvētau bāṇāśvakhurakau kuṣṭhadārupriṅgukāḥ| sāraṁ madhūkāttriphalāṁ karañjasya phalaṁ vacām| rajanyau lōdhramakṣāṁśaṁ piṣṭvā sādhyaṁ ghr̥tāḍhakam| tulyāmbuchāgagōmūtratryāḍhakē tadviṣāpaham| apasmārakṣayōnmādabhūtagrahagarōdarān| pāṇḍurōgakr̥miplīhagulmōrustambhakārmilāḥ| hanustambhagrahādīṁśca pānābhyañjananāvanaiḥ| hanti sañjīvayati ca viṣōdvandhamr̥tān narān||75||
शिरीषत्वक्त्रित्रकटुकं विदारी चन्दनोत्पलम्| द्वे बले सारिवास्फोतबृहतीनिम्बपल्लवाः| बन्धुजीवाढकीमूर्वावासासुरसवत्सकाः| पाठाङ्कोलाश्वगन्धार्कमूलयष्ट्याह्वपद्मकम्| विशाला बृहती लाक्षा कोविदारशतावरीः| कटभीदन्त्यपामार्गपृश्निपर्णीरसाञ्जनम्| श्वेतौ बाणाश्वखुरकौ कुष्ठदारुप्रिङ्गुकाः| सारं मधूकात्त्रिफलां करञ्जस्य फलं वचाम्| रजन्यौ लोध्रमक्षांशं पिष्ट्वा साध्यं घृताढकम्| तुल्याम्बुछागगोमूत्रत्र्याढके तद्विषापहम्| अपस्मारक्षयोन्मादभूतग्रहगरोदरान्| पाण्डुरोगकृमिप्लीहगुल्मोरुस्तम्भकार्मिलाः| हनुस्तम्भग्रहादींश्च पानाभ्यञ्जननावनैः| हन्ति सञ्जीवयति च विषोद्वन्धमृतान् नरान्||७५||
🔊 Audio coming soon
Adhikarana haritAlaviShArttalakShaNaM cikitsA ca (76) · Śloka 76
bhakṣitē haritālē tu hr̥di dāhō rasāgrahaḥ| ānāhō'mlasya vamanaṁ pītahāridraviṭsrutiḥ| tathā maṇḍalisarpōktā vikārāstacca bhēṣajam| vibhajya yōjayēdūrdhvamadhaḥ saṁśōdhitaṁ ca tam| aṅkōlajālinībījaśukanāsāpriyaṅgukāḥ| lōdhradhyāmakatālīsanatayaṣṭyāhvagugguluḥ| hnībēraṁ bhadrakāṣṭhaṁ ca lēhayēnmadhusarpiṣā| dadyānnakulagōpittayuktaṁ nasyē'jjanē ca tat||76||
भक्षिते हरिताले तु हृदि दाहो रसाग्रहः| आनाहोऽम्लस्य वमनं पीतहारिद्रविट्स्रुतिः| तथा मण्डलिसर्पोक्ता विकारास्तच्च भेषजम्| विभज्य योजयेदूर्ध्वमधः संशोधितं च तम्| अङ्कोलजालिनीबीजशुकनासाप्रियङ्गुकाः| लोध्रध्यामकतालीसनतयष्ट्याह्वगुग्गुलुः| ह्नीबेरं भद्रकाष्ठं च लेहयेन्मधुसर्पिषा| दद्यान्नकुलगोपित्तयुक्तं नस्येऽज्जने च तत्||७६||
🔊 Audio coming soon
Adhikarana dhattUraviShArttalakShaNa~jcikitsA ca (77) · Śloka 77
dhurdhūrakōpayōgēna sarvaṁ paśyati pītakam| kampalālāmadacchardismr̥tibhraṁśabhramānvitaḥ| taṁ vāmayēta madhuraiḥ pāyayēdvā sitāpayaḥ||77||
धुर्धूरकोपयोगेन सर्वं पश्यति पीतकम्| कम्पलालामदच्छर्दिस्मृतिभ्रंशभ्रमान्वितः| तं वामयेत मधुरैः पाययेद्वा सितापयः||७७||
🔊 Audio coming soon
Adhikarana koradUShamadanakayorviShalakShaNaM cikitsA ca (78) · Śloka 78
kōradūṣairmadanakaiḥ prāyō dhurdhūravadgadāḥ| unmādō'kṣivināśaśca tatrāpi vamanaṁ hitam| kūṣmāṇḍakaṁ ca saguḍaṁ bahuśastatra bhakṣayēt| nānāprakāraiḥ saṁyōgaiḥ kōdravā madahētavaḥ| tān vibhajya yathādōṣaṁ cikitsēdavirōdhibhiḥ||78||
कोरदूषैर्मदनकैः प्रायो धुर्धूरवद्गदाः| उन्मादोऽक्षिविनाशश्च तत्रापि वमनं हितम्| कूष्माण्डकं च सगुडं बहुशस्तत्र भक्षयेत्| नानाप्रकारैः संयोगैः कोद्रवा मदहेतवः| तान् विभज्य यथादोषं चिकित्सेदविरोधिभिः||७८||
🔊 Audio coming soon
Adhikarana dUShIviShe kramaH (79) · Śloka 79
dūṣīviṣārttaṁ susvinnamūrdhvaṁ cādhaśca śōdhitam| dūṣīviṣārimagadaṁ lēhayēnmadhunā plutam||79||
दूषीविषार्त्तं सुस्विन्नमूर्ध्वं चाधश्च शोधितम्| दूषीविषारिमगदं लेहयेन्मधुना प्लुतम्||७९||
🔊 Audio coming soon
Adhikarana dUShIviShAriH agadaH (80) · Śloka 80
pippalyō dhyāmakaṁ māṁsī lōdhramēlā suvarcikā| kuṭannaṭaṁ nataṁ kuṣṭhaṁ yaṣṭīcandanagairikam| dūṣīviṣārirnāmnā'yaṁ na cānyatrāpi vāryatē||80||
पिप्पल्यो ध्यामकं मांसी लोध्रमेला सुवर्चिका| कुटन्नटं नतं कुष्ठं यष्टीचन्दनगैरिकम्| दूषीविषारिर्नाम्नाऽयं न चान्यत्रापि वार्यते||८०||
🔊 Audio coming soon
Adhikarana virecanayogau (81) · Śloka 81
harītakī salavaṇā māgadhī maricāni ca| ētaddūṣīviṣārttānāṁ kāśyapōktaṁ virēcanam| yuñjyādvā viṣarōgēṣu rēkē vyōṣādikaṁ bhiṣak||81||
हरीतकी सलवणा मागधी मरिचानि च| एतद्दूषीविषार्त्तानां काश्यपोक्तं विरेचनम्| युञ्ज्याद्वा विषरोगेषु रेके व्योषादिकं भिषक्||८१||
🔊 Audio coming soon
Adhikarana taruNapalAshakShArayogaH (82) · Śloka 82
taruṇasya palāśasya srutaṁ kṣārōdakaṁ pacēt| kvāthē tatra pratīvāpaṁ prakṣipēcchlakṣṇacūrṇitam| vyōṣaṁ śirīṣakusumaṁ madhukaṁ sārivē misim| kuṣṭhaṁ vēllaniśē lākṣāṁ śuklāṁ surasamañjarīm| sindhūtthaṁ raktamr̥nmāṁsī rēṇukāṁ hiṅguvāhvikam| darvīpralēpi tajjātaṁ gōviṣāṇē nidhāpayēt| kṣayagulmōdarārśāṁsi mēhaṁ mandāgnitāṁ jvaram| tvagdōṣakāsāpasmāragrahōnmādabhagandarān| pāṇḍuṁ kaṇṭhasvaragadān plīhānaṁ śvayathuṁ kr̥mīn| kōlamātramataḥ khādan jayēt sarvaviṣāṇi ca||82||
तरुणस्य पलाशस्य स्रुतं क्षारोदकं पचेत्| क्वाथे तत्र प्रतीवापं प्रक्षिपेच्छ्लक्ष्णचूर्णितम्| व्योषं शिरीषकुसुमं मधुकं सारिवे मिसिम्| कुष्ठं वेल्लनिशे लाक्षां शुक्लां सुरसमञ्जरीम्| सिन्धूत्थं रक्तमृन्मांसी रेणुकां हिङ्गुवाह्विकम्| दर्वीप्रलेपि तज्जातं गोविषाणे निधापयेत्| क्षयगुल्मोदरार्शांसि मेहं मन्दाग्नितां ज्वरम्| त्वग्दोषकासापस्मारग्रहोन्मादभगन्दरान्| पाण्डुं कण्ठस्वरगदान् प्लीहानं श्वयथुं कृमीन्| कोलमात्रमतः खादन् जयेत् सर्वविषाणि च||८२||
🔊 Audio coming soon
Adhikarana agadaprabhAvanidarshanam (83) · Śloka 83
viṣaṁ tējōmayaṁ mantraiḥ satyabrahmatapōmayaiḥ| yathā nivāryatē śīghraṁ prayuktairna tathauṣadhaiḥ| na tu sarvamanuṣyāṇāṁ santi bhēṣajasampadaḥ| ajñātarōgasadbhāvē yōgyatā cātidurlabhā| prakupyati viṣaṁ bhūyaḥ kēvalaiścauṣadhairjitam| avāptau siddhamantrāṇāṁ yatētātaścikitsakaḥ| tē'pi ca vratahīnasya hīnā vā svaravarṇataḥ| yasmānna siddhimāyānti tasmādyōjyō'gadakramaḥ||83||
विषं तेजोमयं मन्त्रैः सत्यब्रह्मतपोमयैः| यथा निवार्यते शीघ्रं प्रयुक्तैर्न तथौषधैः| न तु सर्वमनुष्याणां सन्ति भेषजसम्पदः| अज्ञातरोगसद्भावे योग्यता चातिदुर्लभा| प्रकुप्यति विषं भूयः केवलैश्चौषधैर्जितम्| अवाप्तौ सिद्धमन्त्राणां यतेतातश्चिकित्सकः| तेऽपि च व्रतहीनस्य हीना वा स्वरवर्णतः| यस्मान्न सिद्धिमायान्ति तस्माद्योज्योऽगदक्रमः||८३||
🔊 Audio coming soon
Adhikarana viShasa~gkaTam (84) · Śloka 84
viṣaprakr̥tikālānnadōṣadūṣyādisaṅgamē| viṣasaṅkaṭamuddiṣṭaṁ śatasyaikō'tra jīvati||84||
विषप्रकृतिकालान्नदोषदूष्यादिसङ्गमे| विषसङ्कटमुद्दिष्टं शतस्यैकोऽत्र जीवति||८४||
🔊 Audio coming soon
Adhikarana viShavRuddhikAraNAni (85) · Śloka 85
kṣuttr̥ṇāgharmmadaurbalyakrōdhaśōkabhayaśramaḥ| ajīrvavarcōdravatāpittamārutavr̥ddhibhiḥ| tilapuṣpaphalāghrāṇabhūbāṣpaghanagarjitaḥ| hastimūṣikavāditranisvanairviṣasaṅkaṭaiḥ| purō vātōtpalāmōdamadanairvardhatē viṣam||85||
क्षुत्तृणाघर्म्मदौर्बल्यक्रोधशोकभयश्रमः| अजीर्ववर्चोद्रवतापित्तमारुतवृद्धिभिः| तिलपुष्पफलाघ्राणभूबाष्पघनगर्जितः| हस्तिमूषिकवादित्रनिस्वनैर्विषसङ्कटैः| पुरो वातोत्पलामोदमदनैर्वर्धते विषम्||८५||
🔊 Audio coming soon
Adhikarana varShAsu viShavRuddheH kAraNam (86) · Śloka 86
varṣāsu cāmbuyōnitvātsaṁklēdaṁ guḍavadgatam| visarpati ghanāpāyē tadagastyō hinasti ca| prayāti mandavīryatvaṁ viṣaṁ tasmād ghanātyayē||86||
वर्षासु चाम्बुयोनित्वात्संक्लेदं गुडवद्गतम्| विसर्पति घनापाये तदगस्त्यो हिनस्ति च| प्रयाति मन्दवीर्यत्वं विषं तस्माद् घनात्यये||८६||
🔊 Audio coming soon
Adhikarana viShe doShAnusAraM cikitsAkramaH (87) · Śloka 87
iti prakr̥tisātmyartusthānavēgabalābalam| ālōcya nipuṇaṁ buddhyā karmānantaramācarēt| ślaiṣmikaṁ vamanairuṣṇarūkṣatīkṣṇaiḥ pralēpanaiḥ| kaṣāyakaṭutiktaiśca bhōjanaiḥ śamayēdviṣam| paittikaṁ sraṁsanaiḥ sēkapradēhairbhr̥śaśītalaiḥ| kaṣāyatiktamadhurairghr̥tayuktaiśca bhōjanaiḥ| vātātmakaṁ jayētsvādusnigdhāmlalavaṇānvitaiḥ| saghr̥tairbhōjanālēpaistathaiva piśitāśanaiḥ||87||
इति प्रकृतिसात्म्यर्तुस्थानवेगबलाबलम्| आलोच्य निपुणं बुद्ध्या कर्मानन्तरमाचरेत्| श्लैष्मिकं वमनैरुष्णरूक्षतीक्ष्णैः प्रलेपनैः| कषायकटुतिक्तैश्च भोजनैः शमयेद्विषम्| पैत्तिकं स्रंसनैः सेकप्रदेहैर्भृशशीतलैः| कषायतिक्तमधुरैर्घृतयुक्तैश्च भोजनैः| वातात्मकं जयेत्स्वादुस्निग्धाम्ललवणान्वितैः| सघृतैर्भोजनालेपैस्तथैव पिशिताशनैः||८७||
🔊 Audio coming soon
Adhikarana viShaharaNe ghRutaM shreShTham (88) · Śloka 88
nāghr̥taṁ sraṁsanaṁ śastaṁ pralēpō bhōjyamauṣadham| sarvēṣu sarvāvasthāsu viṣēṣu na ghr̥tōpamam| vidyatē bhēṣajaṁ kiñcidviśēṣāt prabalānilē||88||
नाघृतं स्रंसनं शस्तं प्रलेपो भोज्यमौषधम्| सर्वेषु सर्वावस्थासु विषेषु न घृतोपमम्| विद्यते भेषजं किञ्चिद्विशेषात् प्रबलानिले||८८||
🔊 Audio coming soon
Adhikarana raktagaviShacikitsA (89) · Śloka 89
raktagē srāvayēdraktaṁ pittavacca kriyākramaḥ| dūṣīviṣē punastatsthē pañcakarmāṇi cācarēt||89||
रक्तगे स्रावयेद्रक्तं पित्तवच्च क्रियाक्रमः| दूषीविषे पुनस्तत्स्थे पञ्चकर्माणि चाचरेत्||८९||
🔊 Audio coming soon
Adhikarana shirogataviShacikitsA (90) · Śloka 90
gaṇḍūṣaiḥ kavalaiḥ prāśaistīkṣṇaiḥ pradhamanāñjanaiḥ| śirōgataṁ praśamayēdviṣasaṁkramaṇaistathā||90||
गण्डूषैः कवलैः प्राशैस्तीक्ष्णैः प्रधमनाञ्जनैः| शिरोगतं प्रशमयेद्विषसंक्रमणैस्तथा||९०||
🔊 Audio coming soon
Adhikarana ruddhavAyoshcikitsA (91) · Śloka 91
viṣaduṣṭakaphasrōtō ruddhavāyurmr̥tōpamaḥ| yaḥ syādasādhyaliṅgaiśca rahitastasya yōjayēt| mūrdhni kākapadaṁ kr̥tvā kalkaṁ carmakasōdbhavam| dhmāpanaṁ cāsya kaṭābhījālinī kaṭukairhitam||91||
विषदुष्टकफस्रोतो रुद्धवायुर्मृतोपमः| यः स्यादसाध्यलिङ्गैश्च रहितस्तस्य योजयेत्| मूर्ध्नि काकपदं कृत्वा कल्कं चर्मकसोद्भवम्| ध्मापनं चास्य कटाभीजालिनी कटुकैर्हितम्||९१||
🔊 Audio coming soon
Adhikarana AshrayAshrayiNoravirodhena cikitsA (92) · Śloka 92
āśayē yasya dōṣasya viṣaṁ tiṣṭhati taṁ puraḥ| āśrayāśrayiṇōrvidvānavirōdhēna sādhayēt||92||
आशये यस्य दोषस्य विषं तिष्ठति तं पुरः| आश्रयाश्रयिणोर्विद्वानविरोधेन साधयेत्||९२||
🔊 Audio coming soon
Adhikarana AshayAnusAraM cikitsAvisheShaH (93) · Śloka 93
kṣārāgadaḥ kaphasthānasthitē svēdaḥ sirāvyadhaḥ| pittē kṣaudrapayō'mlājyapānasēkāvagāhanam| svēdō vātāśayē dadhnā pānaṁ ca natakuṣṭhayōḥ| kṣīrēṇāgadagarbhēṇa madanasya phalēna ca| āsthāpanaṁ prayuñjīta vātāśayagatē viṣē| pacēdyaṣṭīmadhukvāthē tailaṁ kṣīracaturguṇam| triphalā sarpavētālīśatapuṣpēndurājibhiḥ| anantayā ca tatpānanāvanābhyaṅgabastiṣu| bhōjanē ca praṇihitaṁ hanti vātāśayādviṣam| balayā sōmarājyā vā pacētpāṭalayā'thavā| ghr̥tamaṇḍasamaṁ tailamānuvāsanikaṁ param||93||
क्षारागदः कफस्थानस्थिते स्वेदः सिराव्यधः| पित्ते क्षौद्रपयोऽम्लाज्यपानसेकावगाहनम्| स्वेदो वाताशये दध्ना पानं च नतकुष्ठयोः| क्षीरेणागदगर्भेण मदनस्य फलेन च| आस्थापनं प्रयुञ्जीत वाताशयगते विषे| पचेद्यष्टीमधुक्वाथे तैलं क्षीरचतुर्गुणम्| त्रिफला सर्पवेतालीशतपुष्पेन्दुराजिभिः| अनन्तया च तत्पाननावनाभ्यङ्गबस्तिषु| भोजने च प्रणिहितं हन्ति वाताशयाद्विषम्| बलया सोमराज्या वा पचेत्पाटलयाऽथवा| घृतमण्डसमं तैलमानुवासनिकं परम्||९३||
🔊 Audio coming soon
Adhikarana pathyanirdeshaH (94) · Śloka 94
viṣōpadravapathyaṁ ca vīkṣya yuñjyādyathāmayam|94|
विषोपद्रवपथ्यं च वीक्ष्य युञ्ज्याद्यथामयम्|९४|
🔊 Audio coming soon
Adhikarana AshayAnusAraM sAdhyAsAdhyatA (94-40) · Śloka 40
ayatnācchlēṣmagaṁ sādhyaṁ yatnātpittāśayāśritam| sudussādhamasādhyaṁ vā vātāśayagataṁ viṣam||94|| iti vaidyapatisiṁhaguptasya sūnōrvāgbhaṭasya kr̥tā vaṣṭāṅgasaṁgrahasaṁhitāyāmuttaratantrē viṣa pratiṣēdhō nāma catvāriṁśō'dhyāyaḥ||40||
अयत्नाच्छ्लेष्मगं साध्यं यत्नात्पित्ताशयाश्रितम्| सुदुस्साधमसाध्यं वा वाताशयगतं विषम्||९४|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे विष प्रतिषेधो नाम चत्वारिंशोऽध्यायः||४०||
🔊 Audio coming soon