Adhikarana 1 (1-2) · Śloka 2
ಅಥಾತೋ ಮದನಕಲ್ಪಂ ವ್ಯಾಖ್ಯಾಸ್ಯಾಮಃ||೧|| ಇತಿ ಹ ಸ್ಮಾಹ ಭಗವಾನಾತ್ರೇಯಃ||೨||
View original
अथातो मदनकल्पं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
1. madanakalpaḥ
Adhikarana 2 (3) · Śloka 3
ಅಥ ಖಲು ವಮನವಿರೇಚನಾರ್ಥಂ ವಮನವಿರೇಚನದ್ರವ್ಯಾಣಾಂ ಸುಖೋಪಭೋಗತಮೈಃ ಸಹಾನ್ಯೈರ್ದ್ರವ್ಯೈರ್ವಿವಿಧೈಃ ಕಲ್ಪನಾರ್ಥಂ ಭೇದಾರ್ಥಂ ವಿಭಾಗಾರ್ಥಂ ಚೇತ್ಯರ್ಥಃ , ತದ್ಯೋಗಾನಾಂ ಚ ಕ್ರಿಯಾವಿಧೇಃ ಸುಖೋಪಾಯಸ್ಯ ಸಮ್ಯಗುಪಕಲ್ಪನಾರ್ಥಂ ಕಲ್ಪಸ್ಥಾನಮುಪದೇಕ್ಷ್ಯಾಮೋಽಗ್ನಿವೇಶ!||೩||
View original
अथ खलु वमनविरेचनार्थं वमनविरेचनद्रव्याणां सुखोपभोगतमैः सहान्यैर्द्रव्यैर्विविधैः कल्पनार्थं भेदार्थं विभागार्थं चेत्यर्थः , तद्योगानां च क्रियाविधेः सुखोपायस्य सम्यगुपकल्पनार्थं कल्पस्थानमुपदेक्ष्यामोऽग्निवेश!||३||
🔊 Audio coming soon
Adhikarana 3 (4) · Śloka 4
ತತ್ರ ದೋಷಹರಣಮೂರ್ಧ್ವಭಾಗಂ ವಮನಸಞ್ಜ್ಞಕಮ್, ಅಧೋಭಾಗಂ ವಿರೇಚನಸಞ್ಜ್ಞಕಮ್; ಉಭಯಂ ವಾ ಶರೀರಮಲವಿರೇಚನಾದ್ವಿರೇಚನಸಞ್ಜ್ಞಾಂ ಲಭತೇ||೪||
View original
तत्र दोषहरणमूर्ध्वभागं वमनसञ्ज्ञकम्, अधोभागं विरेचनसञ्ज्ञकम्; उभयं वा शरीरमलविरेचनाद्विरेचनसञ्ज्ञां लभते||४||
🔊 Audio coming soon
Adhikarana 4 (5) · Śloka 5
ತತ್ರೋಷ್ಣ-ತೀಕ್ಷ್ಣ-ಸೂಕ್ಷ್ಮ-ವ್ಯವಾಯಿ-ವಿಕಾಶೀನ್ಯೌಷಧಾನಿ ಸ್ವವೀರ್ಯೇಣ ಹೃದಯಮುಪೇತ್ಯ ಧಮನೀರನುಸೃತ್ಯ ಸ್ಥೂಲಾಣುಸ್ರೋತೋಭ್ಯಃ ಕೇವಲಂ ಶರೀರಗತಂ ದೋಷಸಙ್ಘಾತಮಾಗ್ನೇಯತ್ವಾದ್ ವಿಷ್ಯನ್ದಯನ್ತಿ, ತೈಕ್ಷ್ಣ್ಯಾದ್ ವಿಚ್ಛಿನ್ದನ್ತಿ, ಸ ವಿಚ್ಛಿನ್ನಃ ಪರಿಪ್ಲವನ್ ಸ್ನೇಹಭಾವಿತೇ ಕಾಯೇ ಸ್ನೇಹಾಕ್ತಭಾಜನಸ್ಥಮಿವ ಕ್ಷೌದ್ರಮಸಜ್ಜನ್ನಣುಪ್ರವಣಭಾವಾದಾಮಾಶಯಮಾಗಮ್ಯೋದಾನಪ್ರಣುನ್ನೋಽಗ್ನಿವಾಯ್ವಾತ್ಮಕತ್ವಾದೂರ್ಧ್ವಭಾಗಪ್ರಭಾವಾದೌಷಧಸ್ಯೋರ್ಧ್ವಮುತ್ಕ್ಷಿಪ್ಯತೇ, ಸಲಿಲಪೃಥಿವ್ಯಾತ್ಮಕತ್ವಾದಧೋಭಾಗಪ್ರಭಾವಾಚ್ಚೌಷಧಸ್ಯಾಧಃ ಪ್ರವರ್ತತೇ, ಉಭಯತಶ್ಚೋಭಯಗುಣತ್ವಾತ್| ಇತಿ ಲಕ್ಷಣೋದ್ದೇಶಃ||೫||
View original
तत्रोष्ण-तीक्ष्ण-सूक्ष्म-व्यवायि-विकाशीन्यौषधानि स्ववीर्येण हृदयमुपेत्य धमनीरनुसृत्य स्थूलाणुस्रोतोभ्यः केवलं शरीरगतं दोषसङ्घातमाग्नेयत्वाद् विष्यन्दयन्ति, तैक्ष्ण्याद् विच्छिन्दन्ति, स विच्छिन्नः परिप्लवन् स्नेहभाविते काये स्नेहाक्तभाजनस्थमिव क्षौद्रमसज्जन्नणुप्रवणभावादामाशयमागम्योदानप्रणुन्नोऽग्निवाय्वात्मकत्वादूर्ध्वभागप्रभावादौषधस्योर्ध्वमुत्क्षिप्यते, सलिलपृथिव्यात्मकत्वादधोभागप्रभावाच्चौषधस्याधः प्रवर्तते, उभयतश्चोभयगुणत्वात्| इति लक्षणोद्देशः||५||
🔊 Audio coming soon
Adhikarana 5 (6) · Śloka 6
ತತ್ರ ಫಲ-ಜೀಮೂತಕೇಕ್ಷ್ವಾಕು-ಧಾಮಾರ್ಗವ-ಕುಟಜ-ಕೃತವೇಧನಾನಾಂ, ಶ್ಯಾಮಾ-ತ್ರಿವೃಚ್ಚತುರಙ್ಗುಲ-ತಿಲ್ವಕ-ಮಹಾವೃಕ್ಷ-ಸಪ್ತಲಾ-ಶಙ್ಖಿನೀ-ದನ್ತೀ-ದ್ರವನ್ತೀನಾಂ ಚ, ನಾನಾವಿಧದೇಶಕಾಲಸಮ್ಭವಾಸ್ವಾದ-ರಸ-ವೀರ್ಯ-ವಿಪಾಕ-ಪ್ರಭಾವಗ್ರಹಣಾದ್ ದೇಹ-ದೋಷ-ಪ್ರಕೃತಿ-ವಯೋ-ಬಲಾಗ್ನಿ-ಭಕ್ತಿ-ಸಾತ್ಮ್ಯ-ರೋಗಾವಸ್ಥಾದೀನಾಂ ನಾನಾಪ್ರಭಾವವತ್ತ್ವಾಚ್ಚ , ವಿಚಿತ್ರಗನ್ಧ-ವರ್ಣ-ರಸ-ಸ್ಪರ್ಶಾನಾಮುಪಯೋಗಸುಖಾರ್ಥಮಸಙ್ಖ್ಯೇಯಸಂಯೋಗಾನಾಮಪಿ ಚ ಸತಾಂ ದ್ರವ್ಯಾಣಾಂ ವಿಕಲ್ಪಮಾರ್ಗೋಪದರ್ಶನಾರ್ಥಂ ಷಡ್ವಿರೇಚನಯೋಗಶತಾನಿ ವ್ಯಾಖ್ಯಾಸ್ಯಾಮಃ||೬||
View original
तत्र फल-जीमूतकेक्ष्वाकु-धामार्गव-कुटज-कृतवेधनानां, श्यामा-त्रिवृच्चतुरङ्गुल-तिल्वक-महावृक्ष-सप्तला-शङ्खिनी-दन्ती-द्रवन्तीनां च, नानाविधदेशकालसम्भवास्वाद-रस-वीर्य-विपाक-प्रभावग्रहणाद् देह-दोष-प्रकृति-वयो-बलाग्नि-भक्ति-सात्म्य-रोगावस्थादीनां नानाप्रभाववत्त्वाच्च , विचित्रगन्ध-वर्ण-रस-स्पर्शानामुपयोगसुखार्थमसङ्ख्येयसंयोगानामपि च सतां द्रव्याणां विकल्पमार्गोपदर्शनार्थं षड्विरेचनयोगशतानि व्याख्यास्यामः||६||
🔊 Audio coming soon
Adhikarana 6 (7) · Śloka 7
ತಾನಿ ತು ದ್ರವ್ಯಾಣಿ ದೇಶ-ಕಾಲ-ಗುಣ-ಭಾಜನ-ಸಮ್ಪದ್ವೀರ್ಯಬಲಾಧಾನಾತ್ ಕ್ರಿಯಾಸಮರ್ಥತಮಾನಿ ಭವನ್ತಿ||೭||
View original
तानि तु द्रव्याणि देश-काल-गुण-भाजन-सम्पद्वीर्यबलाधानात् क्रियासमर्थतमानि भवन्ति||७||
🔊 Audio coming soon
Adhikarana 7 (8) · Śloka 8
ತ್ರಿವಿಧಃ ಖಲು ದೇಶಃ- ಜಾಙ್ಗಲಃ, ಆನೂಪಃ, ಸಾಧಾರಣಶ್ಚೇತಿ| ತತ್ರ ಜಾಙ್ಗಲಃ ಪರ್ಯಾಕಾಶಭೂಯಿಷ್ಠಃ, ತರುಭಿರಪಿ ಚ ಕದರ-ಖದಿರಾಸನಾಶ್ವಕರ್ಣ-ಧವ-ತಿನಿಶ-ಶಲ್ಲಕೀ-ಸಾಲ-ಸೋಮವಲ್ಕ-ಬದರೀ-ತಿನ್ದುಕಾಶ್ವತ್ಥ-ವಟಾಮಲಕೀವನಗಹನಃ, ಅನೇಕಶಮೀ-ಕಕುಭ-ಶಿಂಶಪಾಪ್ರಾಯಃ, ಸ್ಥಿರಶುಷ್ಕಪವನಬಲವಿಧೂಯಮಾನಪ್ರನೃತ್ಯತ್ತರುಣವಿಟಪಃ, ಪ್ರತತಮೃಗತೃಷ್ಣಿಕೋಪಗೂಢತನುಖರಪರುಷಸಿಕತಾಶರ್ಕರಾಬಹುಲಃ, ಲಾವತಿತ್ತಿರಿಚಕೋರಾನುಚರಿತಭೂಮಿಭಾಗಃ, ವಾತಪಿತ್ತಬಹುಲಃ, ಸ್ಥಿರಕಠಿನಮನುಷ್ಯಪ್ರಾಯೋ ಜ್ಞೇಯಃ, ಅಥಾನೂಪೋ ಹಿನ್ತಾಲತಮಾಲನಾರಿಕೇಲಕದಲೀವನಗಹನಃ, ಸರಿತ್ಸಮುದ್ರಪರ್ಯನ್ತಪ್ರಾಯಃ, ಶಿಶಿರಪವನಬಹುಲಃ, ವಞ್ಜುಲವಾನೀರೋಪಶೋಭಿತತೀರಾಭಿಃ ಸರಿದ್ಭಿರುಪಗತಭೂಮಿಭಾಗಃ, ಕ್ಷಿತಿಧರನಿಕುಞ್ಜೋಪಶೋಭಿತಃ, ಮನ್ದಪವನಾನುವೀಜಿತಕ್ಷಿತಿರುಹಗಹನಃ, ಅನೇಕವನರಾಜೀಪುಷ್ಪಿತವನಗಹನಭೂಮಿಭಾಗಃ, ಸ್ನಿಗ್ಧತರುಪ್ರತಾನೋಪಗೂಢಃ, ಹಂಸ-ಚಕ್ರವಾಕ-ಬಲಾಕಾ-ನನ್ದೀಮುಖ-ಪುಣ್ಡರೀಕ-ಕಾದಮ್ಬ-ಮದ್ಗು -ಭೃಙ್ಗರಾಜ-ಶತಪತ್ರ-ಮತ್ತಕೋಕಿಲಾನುನಾದಿತತರುವಿಟಪಃ, ಸುಕುಮಾರಪುರುಷಃ, ಪವನಕಫಪ್ರಾಯೋ ಜ್ಞೇಯಃ; ಅನಯೋರೇವ ದ್ವಯೋರ್ದೇಶಯೋರ್ವೀರುದ್ವನಸ್ಪತಿವಾನಸ್ಪತ್ಯಶಕುನಿಮೃಗಗಣಯುತಃ ಸ್ಥಿರಸುಕುಮಾರಬಲವರ್ಣಸಂಹನನೋಪಪನ್ನಸಾಧಾರಣಗುಣಯುಕ್ತಪುರುಷಃ ಸಾಧಾರಣೋ ಜ್ಞೇಯಃ||೮||
View original
त्रिविधः खलु देशः- जाङ्गलः, आनूपः, साधारणश्चेति| तत्र जाङ्गलः पर्याकाशभूयिष्ठः, तरुभिरपि च कदर-खदिरासनाश्वकर्ण-धव-तिनिश-शल्लकी-साल-सोमवल्क-बदरी-तिन्दुकाश्वत्थ-वटामलकीवनगहनः, अनेकशमी-ककुभ-शिंशपाप्रायः, स्थिरशुष्कपवनबलविधूयमानप्रनृत्यत्तरुणविटपः, प्रततमृगतृष्णिकोपगूढतनुखरपरुषसिकताशर्कराबहुलः, लावतित्तिरिचकोरानुचरितभूमिभागः, वातपित्तबहुलः, स्थिरकठिनमनुष्यप्रायो ज्ञेयः, अथानूपो हिन्तालतमालनारिकेलकदलीवनगहनः, सरित्समुद्रपर्यन्तप्रायः, शिशिरपवनबहुलः, वञ्जुलवानीरोपशोभिततीराभिः सरिद्भिरुपगतभूमिभागः, क्षितिधरनिकुञ्जोपशोभितः, मन्दपवनानुवीजितक्षितिरुहगहनः, अनेकवनराजीपुष्पितवनगहनभूमिभागः, स्निग्धतरुप्रतानोपगूढः, हंस-चक्रवाक-बलाका-नन्दीमुख-पुण्डरीक-कादम्ब-मद्गु -भृङ्गराज-शतपत्र-मत्तकोकिलानुनादिततरुविटपः, सुकुमारपुरुषः, पवनकफप्रायो ज्ञेयः; अनयोरेव द्वयोर्देशयोर्वीरुद्वनस्पतिवानस्पत्यशकुनिमृगगणयुतः स्थिरसुकुमारबलवर्णसंहननोपपन्नसाधारणगुणयुक्तपुरुषः साधारणो ज्ञेयः||८||
🔊 Audio coming soon
Adhikarana 8 (9) · Śloka 9
ತತ್ರ ದೇಶೇ ಸಾಧಾರಣೇ ಜಾಙ್ಗಲೇ ವಾ ಯಥಾಕಾಲಂ ಶಿಶಿರಾತಪಪವನಸಲಿಲಸೇವಿತೇ ಸಮೇ ಶುಚೌ ಪ್ರದಕ್ಷಿಣೋದಕೇ ಶ್ಮಶಾನ-ಚೈತ್ಯ-ದೇವಯಜನಾಗಾರ-ಸಭಾ-ಶ್ವಭ್ರಾರಾಮ-ವಲ್ಮೀಕೋಷರವಿರಹಿತೇ ಕುಶರೋಹಿಷಾಸ್ತೀರ್ಣೇ ಸ್ನಿಗ್ಧಕೃಷ್ಣಮಧುರಮೃತ್ತಿಕೇ ಸುವರ್ಣವರ್ಣಮಧುರಮೃತ್ತಿಕೇ ವಾ ಮೃದಾವಫಾಲಕೃಷ್ಟೇಽನುಪಹತೇಽನ್ಯೈರ್ಬಲವತ್ತರೈರ್ದ್ರುಮೈರೌಷಧಾನಿ ಜಾತಾನಿ ಪ್ರಶಸ್ಯನ್ತೇ||೯||
View original
तत्र देशे साधारणे जाङ्गले वा यथाकालं शिशिरातपपवनसलिलसेविते समे शुचौ प्रदक्षिणोदके श्मशान-चैत्य-देवयजनागार-सभा-श्वभ्राराम-वल्मीकोषरविरहिते कुशरोहिषास्तीर्णे स्निग्धकृष्णमधुरमृत्तिके सुवर्णवर्णमधुरमृत्तिके वा मृदावफालकृष्टेऽनुपहतेऽन्यैर्बलवत्तरैर्द्रुमैरौषधानि जातानि प्रशस्यन्ते||९||
🔊 Audio coming soon
Adhikarana 9 (10) · Śloka 10
ತತ್ರ ಯಾನಿ ಕಾಲಜಾತಾನ್ಯುಪಾಗತಸಮ್ಪೂರ್ಣಪ್ರಮಾಣ-ರಸವೀರ್ಯ-ಗನ್ಧಾನಿ ಕಾಲಾತಪಾಗ್ನಿಸಲಿಲಪವನಜನ್ತುಭಿರನುಪಹತಗನ್ಧ-ವರ್ಣ-ರಸ-ಸ್ಪರ್ಶ-ಪ್ರಭಾವಾಣಿ ಪ್ರತ್ಯಗ್ರಾಣ್ಯುದೀಚ್ಯಾಂ ದಿಶಿ ಸ್ಥಿತಾನಿ; ತೇಷಾಂ ಶಾಖಾಪಲಾಶಮಚಿರಪ್ರರೂಢಂ ವರ್ಷಾವಸನ್ತಯೋರ್ಗ್ರಾಹ್ಯಂ, ಗ್ರೀಷ್ಮೇ ಮೂಲಾನಿ ಶಿಶಿರೇ ವಾ ಶೀರ್ಣಪ್ರರೂಢಪರ್ಣಾನಾಂ, ಶರದಿ ತ್ವಕ್ಕನ್ದಕ್ಷೀರಾಣಿ, ಹೇಮನ್ತೇ ಸಾರಾಣಿ, ಯಥರ್ತು ಪುಷ್ಪಫಲಮಿತಿ; ಮಙ್ಗಲಾಚಾರಃ ಕಲ್ಯಾಣವೃತ್ತಃ ಶುಚಿಃ ಶುಕ್ಲವಾಸಾಃ ಸಮ್ಪೂಜ್ಯ ದೇವತಾ ಅಶ್ವಿನೌ ಗೋಬ್ರಾಹ್ಮಣಾಂಶ್ಚ ಕೃತೋಪವಾಸಃ ಪ್ರಾಙ್ಮುಖ ಉದಙ್ಮುಖೋ ವಾ ಗೃಹ್ಣೀಯಾತ್||೧೦||
View original
तत्र यानि कालजातान्युपागतसम्पूर्णप्रमाण-रसवीर्य-गन्धानि कालातपाग्निसलिलपवनजन्तुभिरनुपहतगन्ध-वर्ण-रस-स्पर्श-प्रभावाणि प्रत्यग्राण्युदीच्यां दिशि स्थितानि; तेषां शाखापलाशमचिरप्ररूढं वर्षावसन्तयोर्ग्राह्यं, ग्रीष्मे मूलानि शिशिरे वा शीर्णप्ररूढपर्णानां, शरदि त्वक्कन्दक्षीराणि, हेमन्ते साराणि, यथर्तु पुष्पफलमिति; मङ्गलाचारः कल्याणवृत्तः शुचिः शुक्लवासाः सम्पूज्य देवता अश्विनौ गोब्राह्मणांश्च कृतोपवासः प्राङ्मुख उदङ्मुखो वा गृह्णीयात्||१०||
🔊 Audio coming soon
Adhikarana 10 (11) · Śloka 11
ಗೃಹೀತ್ವಾ ಚಾನುರೂಪಗುಣವದ್ಭಾಜನಸ್ಥಾನ್ಯಾಗಾರೇಷೂ ಪ್ರಾಗುದಗ್ದ್ವಾರೇಷು ನಿವಾತಪ್ರವಾತೈಕದೇಶೇಷು ನಿತ್ಯಪುಷ್ಪೋಪಹಾರಬಲಿಕರ್ಮವತ್ಸು, ಅಗ್ನಿ-ಸಲಿಲೋಪಸ್ವೇದ-ಧೂಮ-ರಜೋ-ಮೂಷಕ-ಚತುಷ್ಪದಾಮನಭಿಗಮನೀಯಾನಿ ಸ್ವವಚ್ಛನ್ನಾನಿ ಶಿಕ್ಯೇಷ್ವಾಸಜ್ಯ ಸ್ಥಾಪಯೇತ್||೧೧||
View original
गृहीत्वा चानुरूपगुणवद्भाजनस्थान्यागारेषू प्रागुदग्द्वारेषु निवातप्रवातैकदेशेषु नित्यपुष्पोपहारबलिकर्मवत्सु, अग्नि-सलिलोपस्वेद-धूम-रजो-मूषक-चतुष्पदामनभिगमनीयानि स्ववच्छन्नानि शिक्येष्वासज्य स्थापयेत्||११||
🔊 Audio coming soon
Adhikarana 11 (12) · Śloka 12
ತಾನಿ ಚ ಯಥಾದೋಷಂ ಪ್ರಯುಞ್ಜೀತ ಸುರಾ-ಸೌವೀರಕ-ತುಷೋದಕ-ಮೈರೇಯ-ಮೇದಕ-ಧಾನ್ಯಾಮ್ಲ -ಫಲಾಮ್ಲ-ದಧ್ಯಮ್ಲಾದಿಭಿರ್ವಾತೇ, ಮೃದ್ವೀಕಾಮಲಕ -ಮಧು-ಮಧುಕ-ಪರೂಷಕ-ಫಾಣಿತಕ್ಷೀರಾದಿಭಿಃ ಪಿತ್ತೇ, ಶ್ಲೇಷ್ಮಣಿ ತು ಮಧು-ಮೂತ್ರ-ಕಷಾಯಾದಿಭಿರ್ಭಾವಿತಾನ್ಯಾಲೋಡಿತಾನಿ ಚ; ಇತ್ಯುದ್ದೇಶಃ| ತಂ ವಿಸ್ತರೇಣ ದ್ರವ್ಯ-ದೇಹ-ದೋಷ-ಸಾತ್ಮ್ಯಾದೀನಿ ಪ್ರವಿಭಜ್ಯ ವ್ಯಾಖ್ಯಾಸ್ಯಾಮಃ||೧೨||
View original
तानि च यथादोषं प्रयुञ्जीत सुरा-सौवीरक-तुषोदक-मैरेय-मेदक-धान्याम्ल -फलाम्ल-दध्यम्लादिभिर्वाते, मृद्वीकामलक -मधु-मधुक-परूषक-फाणितक्षीरादिभिः पित्ते, श्लेष्मणि तु मधु-मूत्र-कषायादिभिर्भावितान्यालोडितानि च; इत्युद्देशः| तं विस्तरेण द्रव्य-देह-दोष-सात्म्यादीनि प्रविभज्य व्याख्यास्यामः||१२||
🔊 Audio coming soon
Adhikarana 12 (13) · Śloka 13
ವಮನದ್ರವ್ಯಾಣಾಂ ಮದನಫಲಾನಿ ಶ್ರೇಷ್ಠತಮಾನ್ಯಾಚಕ್ಷತೇ, ಅನಪಾಯಿತ್ವಾತ್| ತಾನಿ ವಸನ್ತಗ್ರೀಷ್ಮಯೋರನ್ತರೇ ಪುಷ್ಯಾಶ್ವಯುಗ್ಭ್ಯಾಂ ಮೃಗಶಿರಸಾ ವಾ ಗೃಹ್ಣೀಯಾನ್ಮೈತ್ರೇ ಮುಹೂರ್ತೇ| ಯಾನಿ ಪಕ್ವಾನ್ಯಕಾಣಾನ್ಯಹರಿತಾನಿ ಪಾಣ್ಡೂನ್ಯಕ್ರಿಮೀಣ್ಯಪೂತೀನ್ಯಜನ್ತುಜಗ್ಧಾನ್ಯಹ್ರಸ್ವಾನಿ; ತಾನಿ ಪ್ರಮೃಜ್ಯ , ಕುಶಪುಟೇ ಬದ್ಧ್ವಾ, ಗೋಮಯೇನಾಲಿಪ್ಯ, ಯವತು(ಬು)ಷಮಾಷಶಾಲಿಕುಲತ್ಥಮುದ್ಗಪಲಾನಾಮನ್ಯತಮೇ ನಿದಧ್ಯಾದಷ್ಟರಾತ್ರಮ್| ಅತ ಊರ್ಧ್ವಂ ಮೃದೂಭೂತಾನಿ ಮಧ್ವಿಷ್ಟಗನ್ಧಾನ್ಯುದ್ಧೃತ್ಯ ಶೋಷಯೇತ್| ಸುಶುಷ್ಕಾಣಾಂ ಫಲಪಿಪ್ಪಲೀರುದ್ಧರೇತ್ | ತಾಸಾಂ ಘೃತದಧಿಮಧುಪಲಲವಿಮೃದಿತಾನಾಂ ಪುನಃ ಶುಷ್ಕಾಣಾಂ ನವಂ ಕಲಶಂ ಸುಪ್ರಮೃಷ್ಟವಾಲುಕಮರಜಸ್ಕಮಾಕಣ್ಠಂ ಪೂರಯಿತ್ವಾ ಸ್ವವಚ್ಛನ್ನಂ ಸ್ವನುಗುಪ್ತಂ ಶಿಕ್ಯೇಷ್ವಾಸಜ್ಯ ಸಮ್ಯಕ್ ಸ್ಥಾಪಯೇತ್||೧೩||
View original
वमनद्रव्याणां मदनफलानि श्रेष्ठतमान्याचक्षते, अनपायित्वात्| तानि वसन्तग्रीष्मयोरन्तरे पुष्याश्वयुग्भ्यां मृगशिरसा वा गृह्णीयान्मैत्रे मुहूर्ते| यानि पक्वान्यकाणान्यहरितानि पाण्डून्यक्रिमीण्यपूतीन्यजन्तुजग्धान्यह्रस्वानि; तानि प्रमृज्य , कुशपुटे बद्ध्वा, गोमयेनालिप्य, यवतु(बु)षमाषशालिकुलत्थमुद्गपलानामन्यतमे निदध्यादष्टरात्रम्| अत ऊर्ध्वं मृदूभूतानि मध्विष्टगन्धान्युद्धृत्य शोषयेत्| सुशुष्काणां फलपिप्पलीरुद्धरेत् | तासां घृतदधिमधुपललविमृदितानां पुनः शुष्काणां नवं कलशं सुप्रमृष्टवालुकमरजस्कमाकण्ठं पूरयित्वा स्ववच्छन्नं स्वनुगुप्तं शिक्येष्वासज्य सम्यक् स्थापयेत्||१३||
🔊 Audio coming soon
Adhikarana 13 (14) · Śloka 14
ಅಥ ಚ್ಛರ್ದನೀಯಮಾತುರಂ ದ್ವ್ಯಹಂ ತ್ರ್ಯಹಂ ವಾ ಸ್ನೇಹಸ್ವೇದೋಪಪನ್ನಂ ಶ್ವಶ್ಛರ್ದಯಿತವ್ಯಮಿತಿ ಗ್ರಾಮ್ಯಾನೂಪೌದಕಮಾಂಸರಸ-ಕ್ಷೀರ-ದಧಿ-ಮಾಷ-ತಿಲ-ಶಾಕಾದಿಭಿಃ ಸಮುತ್ಕ್ಲೇಶಿತಶ್ಲೇಷ್ಮಾಣಂ ವ್ಯುಷಿತಂ ಜೀರ್ಣಾಹಾರಂ ಪೂರ್ವಾಹ್ಣೇ ಕೃತಬಲಿಹೋಮಮಙ್ಗಲಪ್ರಾಯಶ್ಚಿತ್ತಂ ನಿರನ್ನಮನತಿಸ್ನಿಗ್ಧಂ ಯವಾಗ್ವಾ ಘೃತಮಾತ್ರಾಂ ಪೀತವನ್ತಂ, ತಾಸಾಂ ಫಲಪಿಪ್ಪಲೀನಾಮನ್ತರ್ನಖಮುಷ್ಟಿಂ ಯಾವದ್ವಾ ಸಾಧು ಮನ್ಯೇತ ಜರ್ಜರೀಕೃತ್ಯ ಯಷ್ಟಿಮಧುಕಷಾಯೇಣ ಕೋವಿದಾರ-ಕರ್ಬುದಾರ-ನೀಪ-ವಿದುಲ-ಬಿಮ್ಬೀ-ಶಣಪುಷ್ಪೀ-ಸದಾಪುಷ್ಪೀ-ಪ್ರತ್ಯಕ್ಪುಷ್ಪೀ-ಕಷಾಯಾಣಾಮನ್ಯತಮೇನ ವಾ ರಾತ್ರಿಮುಷಿತಂ ವಿಮೃದ್ಯ ಪೂತಂ ಮಧುಸೈನ್ಧವಯುಕ್ತಂ ಸುಖೋಷ್ಣಂ ಕೃತ್ವಾ ಪೂರ್ಣಂ ಶರಾವಂ ಮನ್ತ್ರೇಣಾನೇನಾಭಿಮನ್ತ್ರಯೇತ್- ‘ॐ ಬ್ರಹ್ಮದಕ್ಷಾಶ್ವಿರುದ್ರೇನ್ದ್ರಭೂಚನ್ದ್ರಾರ್ಕಾನಿಲಾನಲಾಃ| ಋಷಯಃ ಸೌಷಧಿಗ್ರಾಮಾ ಭೂತಸಙ್ಘಾಶ್ಚ ಪಾನ್ತು ತೇ| ರಸಾಯನಮಿವರ್ಷೀಣಾಂ ದೇವಾನಾಮಮೃತಂ ಯಥಾ| ಸುಧೇವೋತ್ತಮನಾಗಾನಾಂ ಭೈಷಜ್ಯಮಿದಮಸ್ತು ತೇ’| ಇತ್ಯೇವಮಭಿಮನ್ತ್ರ್ಯೋದಙ್ಮುಖಂ ಪ್ರಾಙ್ಮುಖಂ ವಾಽಽತುರಂ ಪಾಯಯೇಚ್ಛ್ಲೇಷ್ಮಜ್ವರಗುಲ್ಮಪ್ರತಿಶ್ಯಾಯಾರ್ತಂ ವಿಶೇಷೇಣ ಪುನಃ ಪುನರಾಪಿತ್ತಾಗಮನಾತ್, ತೇನ ಸಾಧು ವಮತಿ; ಹೀನವೇಗಂ ತು ಪಿಪ್ಪಲ್ಯಾಮಲಕ-ಸರ್ಷಪ-ವಚಾಕಲ್ಕಲವಣೋಷ್ಣೋದಕೈಃ ಪುನಃ ಪುನಃ ಪ್ರವರ್ತಯೇದಾಪಿತ್ತದರ್ಶನಾತ್| ಇತ್ಯೇಷ ಸರ್ವಶ್ಛರ್ದನಯೋಗವಿಧಿಃ||೧೪||
View original
अथ च्छर्दनीयमातुरं द्व्यहं त्र्यहं वा स्नेहस्वेदोपपन्नं श्वश्छर्दयितव्यमिति ग्राम्यानूपौदकमांसरस-क्षीर-दधि-माष-तिल-शाकादिभिः समुत्क्लेशितश्लेष्माणं व्युषितं जीर्णाहारं पूर्वाह्णे कृतबलिहोममङ्गलप्रायश्चित्तं निरन्नमनतिस्निग्धं यवाग्वा घृतमात्रां पीतवन्तं, तासां फलपिप्पलीनामन्तर्नखमुष्टिं यावद्वा साधु मन्येत जर्जरीकृत्य यष्टिमधुकषायेण कोविदार-कर्बुदार-नीप-विदुल-बिम्बी-शणपुष्पी-सदापुष्पी-प्रत्यक्पुष्पी-कषायाणामन्यतमेन वा रात्रिमुषितं विमृद्य पूतं मधुसैन्धवयुक्तं सुखोष्णं कृत्वा पूर्णं शरावं मन्त्रेणानेनाभिमन्त्रयेत्- ‘ॐ ब्रह्मदक्षाश्विरुद्रेन्द्रभूचन्द्रार्कानिलानलाः| ऋषयः सौषधिग्रामा भूतसङ्घाश्च पान्तु ते| रसायनमिवर्षीणां देवानाममृतं यथा| सुधेवोत्तमनागानां भैषज्यमिदमस्तु ते’| इत्येवमभिमन्त्र्योदङ्मुखं प्राङ्मुखं वाऽऽतुरं पाययेच्छ्लेष्मज्वरगुल्मप्रतिश्यायार्तं विशेषेण पुनः पुनरापित्तागमनात्, तेन साधु वमति; हीनवेगं तु पिप्पल्यामलक-सर्षप-वचाकल्कलवणोष्णोदकैः पुनः पुनः प्रवर्तयेदापित्तदर्शनात्| इत्येष सर्वश्छर्दनयोगविधिः||१४||
🔊 Audio coming soon
Adhikarana 14 (15) · Śloka 15
ಸರ್ವೇಷು ತು ಮಧುಸೈನ್ಧವಂ ಕಫವಿಲಯನಚ್ಛೇದಾರ್ಥಂ ವಮನೇಷು ವಿದಧ್ಯಾತ್| ನ ಚೋಷ್ಣವಿರೋಧೋ ಮಧುನಶ್ಛರ್ದನಯೋಗಯುಕ್ತಸ್ಯ, ಅವಿಪಕ್ವಪ್ರತ್ಯಾಗಮನಾದ್ದೋಷನಿರ್ಹರಣಾಚ್ಚ||೧೫||
View original
सर्वेषु तु मधुसैन्धवं कफविलयनच्छेदार्थं वमनेषु विदध्यात्| न चोष्णविरोधो मधुनश्छर्दनयोगयुक्तस्य, अविपक्वप्रत्यागमनाद्दोषनिर्हरणाच्च||१५||
🔊 Audio coming soon
Adhikarana 15 (16) · Śloka 16
ಫಲಪಿಪ್ಪಲೀನಾಂ ದ್ವೌ ದ್ವೌ ಭಾಗೌ ಕೋವಿದಾರಾದಿಕಷಾಯೇಣ ತ್ರಿಃಸಪ್ತಕೃತ್ವಃ ಸ್ರಾವಯೇತ್, ತೇನ ರಸೇನ ತೃತೀಯಂ ಭಾಗಂ ಪಿಷ್ಟ್ವಾ ಮಾತ್ರಾಂ ಹರೀತಕೀಭಿರ್ಬಿಭೀತಕೈರಾಮಲೈರ್ವಾ ತುಲ್ಯಾಂ ವರ್ತಯೇತ್, ತಾಸಾಮೇಕಾಂ ದ್ವೇ ವಾ ಪೂರ್ವೋಕ್ತಾನಾಂ ಕಷಾಯಾಣಾಮನ್ಯತಮಸ್ಯಾಞ್ಜಲಿಮಾತ್ರೇಣ ವಿಮೃದ್ಯ ಬಲವಚ್ಛ್ಲೇಷ್ಮಪ್ರಸೇಕಗ್ರನ್ಥಿಜ್ವರೋದರಾರುಚಿಷು ಪಾಯಯೇದಿತಿ ಸಮಾನಂ ಪೂರ್ವೇಣ||೧೬||
View original
फलपिप्पलीनां द्वौ द्वौ भागौ कोविदारादिकषायेण त्रिःसप्तकृत्वः स्रावयेत्, तेन रसेन तृतीयं भागं पिष्ट्वा मात्रां हरीतकीभिर्बिभीतकैरामलैर्वा तुल्यां वर्तयेत्, तासामेकां द्वे वा पूर्वोक्तानां कषायाणामन्यतमस्याञ्जलिमात्रेण विमृद्य बलवच्छ्लेष्मप्रसेकग्रन्थिज्वरोदरारुचिषु पाययेदिति समानं पूर्वेण||१६||
🔊 Audio coming soon
Adhikarana 16 (17) · Śloka 17
ಫಲಪಿಪ್ಪಲೀಕ್ಷೀರಂ, ತೇನ ವಾ ಕ್ಷೀರಯವಾಗೂಮಧೋಭಾಗೇ ರಕ್ತಪಿತ್ತೇ ಹೃದ್ದಾಹೇ ಚ; ತಜ್ಜಸ್ಯ ವಾ ದಧ್ನ ಉತ್ತರಕಂ ಕಫಚ್ಛರ್ದಿತಮಕಪ್ರಸೇಕೇಷು ; ತಸ್ಯ ವಾ ಪಯಸಃ ಶೀತಸ್ಯ ಸನ್ತಾನಿಕಾಞ್ಜಲಿಂ ಪಿತ್ತೇ ಪ್ರಕುಪಿತೇ ಉರಃಕಣ್ಠಹೃದಯೇ ಚ ತನುಕಫೋಪದಿಗ್ಧೇ, ಇತಿ ಸಮಾನಂ ಪೂರ್ವೇಣ||೧೭||
View original
फलपिप्पलीक्षीरं, तेन वा क्षीरयवागूमधोभागे रक्तपित्ते हृद्दाहे च; तज्जस्य वा दध्न उत्तरकं कफच्छर्दितमकप्रसेकेषु ; तस्य वा पयसः शीतस्य सन्तानिकाञ्जलिं पित्ते प्रकुपिते उरःकण्ठहृदये च तनुकफोपदिग्धे, इति समानं पूर्वेण||१७||
🔊 Audio coming soon
Adhikarana 17 (18) · Śloka 18
ಫಲಪಿಪ್ಪಲೀಶೃತಕ್ಷೀರಾನ್ನವನೀತಮುತ್ಪನ್ನಂ ಫಲಾದಿಕಲ್ಕಕಷಾಯಸಿದ್ಧಂ ಕಫಾಭಿಭೂತಾಗ್ನಿಂ ವಿಶುಷ್ಯದ್ದೇಹಂ ಚ ಮಾತ್ರಯಾ ಪಾಯಯೇದಿತಿ ಸಮಾನಂ ಪೂರ್ವೇಣ||೧೮||
View original
फलपिप्पलीशृतक्षीरान्नवनीतमुत्पन्नं फलादिकल्ककषायसिद्धं कफाभिभूताग्निं विशुष्यद्देहं च मात्रया पाययेदिति समानं पूर्वेण||१८||
🔊 Audio coming soon
Adhikarana 18 (19) · Śloka 19
ಫಲಪಿಪ್ಪಲೀನಾಂ ಫಲಾದಿಕಷಾಯೇಣ ತ್ರಿಃಸಪ್ತಕೃತ್ವಃ ಸುಪರಿಭಾವಿತೇನ ಪುಷ್ಪರಜಃಪ್ರಕಾಶೇನ ಚೂರ್ಣೇನ ಸರಸಿ ಸಞ್ಜಾತಂ ಬೃಹತ್ಸರೋರುಹಂ ಸಾಯಾಹ್ನೇಽವಚೂರ್ಣಯೇತ್, ತದ್ರಾತ್ರಿವ್ಯುಷಿತಂ ಪ್ರಭಾತೇ ಪುನರವಚೂರ್ಣಿತಮುದ್ಧೃತ್ಯ ಹರಿದ್ರಾಕೃಸರಕ್ಷೀರಯವಾಗೂನಾಮನ್ಯತಮಂ ಸೈನ್ಧವಗುಡಫಾಣಿತಯುಕ್ತಮಾಕಣ್ಠಂ ಪೀತವನ್ತಮಾಘ್ರಾಪಯೇತ್ ಸುಕುಮಾರಮುತ್ಕ್ಲಿಷ್ಟಪಿತ್ತಕಫಮೌಷಧದ್ವೇಷಿಣಮಿತಿ ಸಮಾನಂ ಪೂರ್ವೇಣ||೧೯||
View original
फलपिप्पलीनां फलादिकषायेण त्रिःसप्तकृत्वः सुपरिभावितेन पुष्परजःप्रकाशेन चूर्णेन सरसि सञ्जातं बृहत्सरोरुहं सायाह्नेऽवचूर्णयेत्, तद्रात्रिव्युषितं प्रभाते पुनरवचूर्णितमुद्धृत्य हरिद्राकृसरक्षीरयवागूनामन्यतमं सैन्धवगुडफाणितयुक्तमाकण्ठं पीतवन्तमाघ्रापयेत् सुकुमारमुत्क्लिष्टपित्तकफमौषधद्वेषिणमिति समानं पूर्वेण||१९||
🔊 Audio coming soon
Adhikarana 19 (20) · Śloka 20
ಫಲಪಿಪ್ಪಲೀನಾಂ ಭಲ್ಲಾತಕವಿಧಿಪರಿಸ್ರುತಂ ಸ್ವರಸಂ ಪಕ್ತ್ವಾ ಫಾಣಿತೀಭೂತಮಾತನ್ತುಲೀಭಾವಾಲ್ಲೇಹಯೇತ್; ಆತಪಶುಷ್ಕಂ ವಾ ಚೂರ್ಣೀಕೃತಂ ಜೀಮೂತಕಾದಿಕಷಾಯೇಣ ಪಿತ್ತೇ ಕಫಸ್ಥಾನಗತೇ ಪಾಯಯೇದಿತಿ ಸಮಾನಂ ಪೂರ್ವೇಣ||೨೦||
View original
फलपिप्पलीनां भल्लातकविधिपरिस्रुतं स्वरसं पक्त्वा फाणितीभूतमातन्तुलीभावाल्लेहयेत्; आतपशुष्कं वा चूर्णीकृतं जीमूतकादिकषायेण पित्ते कफस्थानगते पाययेदिति समानं पूर्वेण||२०||
🔊 Audio coming soon
Adhikarana 20 (21) · Śloka 21
ಫಲಪಿಪ್ಪಲೀಚೂರ್ಣಾನಿ ಪೂರ್ವವತ್ ಫಲಾದೀನಾಂ ಷಣ್ಣಾಮನ್ಯತಮಕಷಾಯಸ್ರುತಾನಿ ವರ್ತಿಕ್ರಿಯಾಃ ಫಲಾದಿಕಷಾಯೋಪಸರ್ಜನಾಃ ಪೇಯಾ ಇತಿ ಸಮಾನಂ ಪೂರ್ವೇಣ||೨೧||
View original
फलपिप्पलीचूर्णानि पूर्ववत् फलादीनां षण्णामन्यतमकषायस्रुतानि वर्तिक्रियाः फलादिकषायोपसर्जनाः पेया इति समानं पूर्वेण||२१||
🔊 Audio coming soon
Adhikarana 21 (22) · Śloka 22
ಫಲಪಿಪ್ಪಲೀನಾಮಾರಗ್ವಧ -ವೃಕ್ಷಕ-ಸ್ವಾದುಕಣ್ಟಕ-ಪಾಠಾ-ಪಾಟಲಾ-ಶಾರ್ಙ್ಗೇಷ್ಟಾ-ಮೂರ್ವಾ-ಸಪ್ತಪರ್ಣ-ನಕ್ತಮಾಲ-ಪಿಚುಮರ್ದ-ಪಟೋಲ-ಸುಷವೀ-ಗುಡೂಚೀ-ಸೋಮವಲ್ಕ-ದ್ವೀಪಿಕಾನಾಂ ಪಿಪ್ಪಲೀ-ಪಿಪ್ಪಲೀಮೂಲ-ಹಸ್ತಿಪಿಪ್ಪಲೀ-ಚಿತ್ರಕ-ಶೃಙ್ಗವೇರಾಣಾಂ ಚಾನ್ಯತಮಕಷಾಯೇಣ ಸಿದ್ಧೋ ಲೇಹ ಇತಿ ಸಮಾನಂ ಪೂರ್ವೇಣ||೨೨||
View original
फलपिप्पलीनामारग्वध -वृक्षक-स्वादुकण्टक-पाठा-पाटला-शार्ङ्गेष्टा-मूर्वा-सप्तपर्ण-नक्तमाल-पिचुमर्द-पटोल-सुषवी-गुडूची-सोमवल्क-द्वीपिकानां पिप्पली-पिप्पलीमूल-हस्तिपिप्पली-चित्रक-शृङ्गवेराणां चान्यतमकषायेण सिद्धो लेह इति समानं पूर्वेण||२२||
🔊 Audio coming soon
Adhikarana 22 (23) · Śloka 23
ಫಲಪಿಪ್ಪಲೀಷ್ವೇಲಾ-ಹರೇಣುಕಾ-ಶತಪುಷ್ಪಾ-ಕುಸ್ತುಮ್ಬುರು-ತಗರ-ಕುಷ್ಠ-ತ್ವಕ್-ಚೋರಕ-ಮರುಬಕಾಗುರು-ಗುಗ್ಗುಲ್ವೇಲವಾಲುಕ-ಶ್ರೀವೇಷ್ಟಕ-ಪರಿಪೇಲವ-ಮಾಂಸೀ-ಶೈಲೇಯಕ-ಸ್ಥೌಣೇಯಕ-ಸರಲ-ಪಾರಾವತಪದ್ಯಶೋಕರೋಹಿಣೀನಾಂ ವಿಂಶತೇರನ್ಯತಮಸ್ಯ ಕಷಾಯೇಣ ಸಾಧಿತೋತ್ಕಾರಿಕಾ ಉತ್ಕಾರಿಕಾಕಲ್ಪೇನ, ಮೋದಕಾ ವಾ ಮೋದಕಕಲ್ಪೇನ, ಯಥಾದೋಷರೋಗಭಕ್ತಿ ಪ್ರಯೋಜ್ಯಾ ಇತಿ ಸಮಾನಂ ಪೂರ್ವೇಣ||೨೩||
View original
फलपिप्पलीष्वेला-हरेणुका-शतपुष्पा-कुस्तुम्बुरु-तगर-कुष्ठ-त्वक्-चोरक-मरुबकागुरु-गुग्गुल्वेलवालुक-श्रीवेष्टक-परिपेलव-मांसी-शैलेयक-स्थौणेयक-सरल-पारावतपद्यशोकरोहिणीनां विंशतेरन्यतमस्य कषायेण साधितोत्कारिका उत्कारिकाकल्पेन, मोदका वा मोदककल्पेन, यथादोषरोगभक्ति प्रयोज्या इति समानं पूर्वेण||२३||
🔊 Audio coming soon
Adhikarana 23 (24-25) · Śloka 25
ಫಲಪಿಪ್ಪಲೀಸ್ವರಸಕಷಾಯಪರಿಭಾವಿತಾನಿ ತಿಲಶಾಲಿತಣ್ಡುಲಪಿಷ್ಟಾನಿ ತತ್ಕಷಾಯೋಪಸರ್ಜನಾನಿ ಶಷ್ಕುಲೀಕಲ್ಪೇನ ವಾ ಶಷ್ಕುಲ್ಯಃ, ಪೂಪಕಲ್ಪೇನ ವಾ ಪೂಪಾಃ ಇತಿ ಸಮಾನಂ ಪೂರ್ವೇಣ||೨೪|| ಏತೇನೈವ ಚ ಕಲ್ಪೇನ ಸುಮುಖ-ಸುರಸ-ಕುಠೇರಕ-ಕಾಣ್ಡೀರ-ಕಾಲಮಾಲಕ-ಪರ್ಣಾಸಕ-ಕ್ಷವಕ-ಫಣಿಜ್ಝಕ-ಗೃಞ್ಜನ-ಕಾಸಮರ್ದ-ಭೃಙ್ಗರಾಜಾನಾಂ ಪೋಟೇಕ್ಷುವಾಲಿಕಾ-ಕಾಲಙ್ಕತಕ-ದಣ್ಡೈರಕಾಣಾಂ ಚಾನ್ಯತಮಸ್ಯ ಕಷಾಯೇಣ ಕಾರಯೇತ್||೨೫||
View original
फलपिप्पलीस्वरसकषायपरिभावितानि तिलशालितण्डुलपिष्टानि तत्कषायोपसर्जनानि शष्कुलीकल्पेन वा शष्कुल्यः, पूपकल्पेन वा पूपाः इति समानं पूर्वेण||२४|| एतेनैव च कल्पेन सुमुख-सुरस-कुठेरक-काण्डीर-कालमालक-पर्णासक-क्षवक-फणिज्झक-गृञ्जन-कासमर्द-भृङ्गराजानां पोटेक्षुवालिका-कालङ्कतक-दण्डैरकाणां चान्यतमस्य कषायेण कारयेत्||२५||
🔊 Audio coming soon
Adhikarana 24 (26) · Śloka 26
ತಥಾ ಬದರಷಾಡವ-ರಾಗ-ಲೇಹ-ಮೋದಕೋತ್ಕಾರಿಕಾ-ತರ್ಪಣ-ಪಾನಕ-ಮಾಂಸರಸ-ಯೂಷ-ಮದ್ಯಾನಾಂ ಮದನಫಲಾನ್ಯನ್ಯತಮೇನೋಪಸೃಜ್ಯ ಯಥಾದೋಷರೋಗಭಕ್ತಿ ದದ್ಯಾತ್; ತೈಃ ಸಾಧು ವಮತೀತಿ||೨೬||
View original
तथा बदरषाडव-राग-लेह-मोदकोत्कारिका-तर्पण-पानक-मांसरस-यूष-मद्यानां मदनफलान्यन्यतमेनोपसृज्य यथादोषरोगभक्ति दद्यात्; तैः साधु वमतीति||२६||
🔊 Audio coming soon
Adhikarana 25 (27) · Śloka 27
ಮದನಃ ಕರಹಾಟಶ್ಚ ರಾಠಃ ಪಿಣ್ಡೀತಕಃ ಫಲಮ್| ಶ್ವಸನಶ್ಚೇತಿ ಪರ್ಯಾಯೈರುಚ್ಯತೇ ತಸ್ಯ ಕಲ್ಪನಾ||೨೭||
View original
मदनः करहाटश्च राठः पिण्डीतकः फलम्| श्वसनश्चेति पर्यायैरुच्यते तस्य कल्पना||२७||
🔊 Audio coming soon
Adhikarana 26 (28-30) · Śloka 30
ತತ್ರ ಶ್ಲೋಕಾಃ- ನವ ಯೋಗಾಃ ಕಷಾಯೇಷು, ಮಾತ್ರಾಸ್ವಷ್ಟೌ , ಪಯೋಘೃತೇ| ಪಞ್ಚ, ಫಾಣಿತಚೂರ್ಣೇ ದ್ವೌ ಘ್ರೇಯೇ, ವರ್ತಿಕ್ರಿಯಾಸು ಷಟ್||೨೮|| ವಿಂಶತಿರ್ವಿಂಶತಿರ್ಲೇಹಮೋದಕೋತ್ಕಾರಿಕಾಸು ಚ| ಶಷ್ಕುಲೀಪೂಪಯೋಶ್ಚೋಕ್ತಾ ಯೋಗಾಃ ಷೋಡಶ ಷೋಡಶ||೨೯|| ದಶಾನ್ಯೇ ಷಾಡವಾದ್ಯೇಷು ತ್ರಯಸ್ತ್ರಿಂಶದಿದಂ ಶತಮ್| ಯೋಗಾನಾಂ ವಿಧಿವದ್ದಿಷ್ಟಂ ಫಲಕಲ್ಪೇ ಮಹರ್ಷಿಣಾ||೩೦||
View original
तत्र श्लोकाः- नव योगाः कषायेषु, मात्रास्वष्टौ , पयोघृते| पञ्च, फाणितचूर्णे द्वौ घ्रेये, वर्तिक्रियासु षट्||२८|| विंशतिर्विंशतिर्लेहमोदकोत्कारिकासु च| शष्कुलीपूपयोश्चोक्ता योगाः षोडश षोडश||२९|| दशान्ये षाडवाद्येषु त्रयस्त्रिंशदिदं शतम्| योगानां विधिवद्दिष्टं फलकल्पे महर्षिणा||३०||
🔊 Audio coming soon
Adhikarana puShpikA · Śloka 1
ಇತ್ಯಗ್ನಿವೇಶಕೃತೇ ತನ್ತ್ರೇ ಚರಕಪ್ರತಿಸಂಸ್ಕೃತೇಽಪ್ರಾಪ್ತೇ ದೃಢಬಲಸಮ್ಪೂರಿತೇ ಕಲ್ಪಸ್ಥಾನೇ ಮದನಕಲ್ಪೋ ನಾಮ ಪ್ರಥಮೋಽಧ್ಯಾಯಃ||೧||
View original
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते कल्पस्थाने मदनकल्पो नाम प्रथमोऽध्यायः||१||
🔊 Audio coming soon