Adhikarana 1 (1-2) · Śloka 2
அதாதஸ்த்ரிவிதரோகவிஶேஷவிஜ்ஞாநீயஂ விமாநஂ வ்யாக்யாஸ்யாமஃ||௧|| இதி ஹ ஸ்மாஹ பகவாநாத்ரேயஃ||௨||
View original
अथातस्त्रिविधरोगविशेषविज्ञानीयं विमानं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
4. trividharōgaviśēṣavijñānīyavimānam
Adhikarana 2 (3) · Śloka 3
த்ரிவிதஂ கலு ரோகவிஶேஷவிஜ்ஞாநஂ பவதி; தத்யதா ஆப்தோபதேஶஃ, ப்ரத்யக்ஷம், அநுமாநஂ சேதி||௩||
View original
त्रिविधं खलु रोगविशेषविज्ञानं भवति; तद्यथा आप्तोपदेशः, प्रत्यक्षम्, अनुमानं चेति||३||
🔊 Audio coming soon
Adhikarana 3 (4) · Śloka 4
தத்ராப்தோபதேஶோ நாமாப்தவசநம்| ஆப்தா ஹ்யவிதர்கஸ்மதிவிபாகவிதோ நிஷ்ப்ரீத்யுபதாபதர்ஶிநஶ்ச| தேஷாமேவங்குணயோகாத்யத்வசநஂ தத் ப்ரமாணம்| அப்ரமாணஂ புநர்மத்தோந்மத்தமூர்கரக்ததுஷ்டாதுஷ்டவசநமிதி ; ப்ரத்யக்ஷஂ து கலு தத்யத் ஸ்வயமிந்த்ரியைர்மநஸா சோபலப்யதே| அநுமாநஂ கலு தர்கோ யுக்த்யபேக்ஷஃ||௪||
View original
तत्राप्तोपदेशो नामाप्तवचनम्| आप्ता ह्यवितर्कस्मृतिविभागविदो निष्प्रीत्युपतापदर्शिनश्च| तेषामेवङ्गुणयोगाद्यद्वचनं तत् प्रमाणम्| अप्रमाणं पुनर्मत्तोन्मत्तमूर्खरक्तदुष्टादुष्टवचनमिति ; प्रत्यक्षं तु खलु तद्यत् स्वयमिन्द्रियैर्मनसा चोपलभ्यते| अनुमानं खलु तर्को युक्त्यपेक्षः||४||
🔊 Audio coming soon
Adhikarana 4 (5) · Śloka 5
த்ரிவிதேந கல்வநேந ஜ்ஞாநஸமுதாயேந பூர்வஂ பரீக்ஷ்ய ரோகஂ ஸர்வதா ஸர்வமதோத்தரகாலமத்யவஸாநமதோஷஂ பவதி, ந ஹி ஜ்ஞாநாவயவேந கத்ஸ்நே ஜ்ஞேயே ஜ்ஞாநமுத்பத்யதே| த்ரிவிதே த்வஸ்மிந் ஜ்ஞாநஸமுதயே பூர்வமாப்தோபதேஶாஜ்ஜ்ஞாநஂ, ததஃ ப்ரத்யக்ஷாநுமாநாப்யாஂ பரீக்ஷோபபத்யதே| கிஂ ஹ்யநுபதிஷ்டஂ பூர்வஂ யத்தத் ப்ரத்யக்ஷாநுமாநாப்யாஂ பரீக்ஷமாணோ வித்யாத்| தஸ்மாத்த்விவிதா பரீக்ஷா ஜ்ஞாநவதாஂ ப்ரத்யக்ஷம், அநுமாநஂ ச; த்ரிவிதா வா ஸஹோபதேஶேந||௫||
View original
त्रिविधेन खल्वनेन ज्ञानसमुदायेन पूर्वं परीक्ष्य रोगं सर्वथा सर्वमथोत्तरकालमध्यवसानमदोषं भवति, न हि ज्ञानावयवेन कृत्स्ने ज्ञेये ज्ञानमुत्पद्यते| त्रिविधे त्वस्मिन् ज्ञानसमुदये पूर्वमाप्तोपदेशाज्ज्ञानं, ततः प्रत्यक्षानुमानाभ्यां परीक्षोपपद्यते| किं ह्यनुपदिष्टं पूर्वं यत्तत् प्रत्यक्षानुमानाभ्यां परीक्षमाणो विद्यात्| तस्माद्द्विविधा परीक्षा ज्ञानवतां प्रत्यक्षम्, अनुमानं च; त्रिविधा वा सहोपदेशेन||५||
🔊 Audio coming soon
Adhikarana 5 (6) · Śloka 6
தத்ரேதமுபதிஶந்தி புத்திமந்தஃ- ரோகமேகைகமேவம்ப்ரகோபணமேவஂயோநிமேவமுத்தாநமேவமாத்மாநமேவமதிஷ்டாநமேவஂவேதநமேவஂ ஸஂஸ்தாநமேவஂஶப்தஸ்பர்ஶரூபரஸகந்தமேவமுபத்ரவமேவஂவத்திஸ்தாநக்ஷயஸமந்விதமேவமுதர்க மேவந்நாமாநமேவஂயோகஂ வித்யாத்; தஸ்மிந்நியஂ ப்ரதீகாரார்தா ப்ரவத்திரதவா நிவத்திரித்யுபதேஶாஜ்ஜ்ஞாயதே||௬||
View original
तत्रेदमुपदिशन्ति बुद्धिमन्तः- रोगमेकैकमेवम्प्रकोपणमेवंयोनिमेवमुत्थानमेवमात्मानमेवमधिष्ठानमेवंवेदनमेवं संस्थानमेवंशब्दस्पर्शरूपरसगन्धमेवमुपद्रवमेवंवृद्धिस्थानक्षयसमन्वितमेवमुदर्क मेवन्नामानमेवंयोगं विद्यात्; तस्मिन्नियं प्रतीकारार्था प्रवृत्तिरथवा निवृत्तिरित्युपदेशाज्ज्ञायते||६||
🔊 Audio coming soon
Adhikarana 6 (7) · Śloka 7
ப்ரத்யக்ஷதஸ்து கலு ரோகதத்த்வஂ புபுத்ஸுஃ ஸர்வைரிந்த்ரியைஃ ஸர்வாநிந்த்ரியார்தாநாதுரஶரீரகதாந் பரீக்ஷேத, அந்யத்ர ரஸஜ்ஞாநாத்; தத்யதா- அந்த்ரகூஜநஂ, ஸந்திஸ்புடநமங்குலீபர்வணாஂ ச, ஸ்வரவிஶேஷாஂஶ்ச, யே சாந்யேऽபி கேசிச்சரீரோபகதாஃ ஶப்தாஃ ஸ்யுஸ்தாஞ்ச்ரோத்ரேண பரீக்ஷேத; வர்ணஸஂஸ்தாநப்ரமாணச்சாயாஃ , ஶரீரப்ரகதிவிகாரௌ, சக்ஷுர்வைஷயிகாணி யாநி சாந்யாந்யநுக்தாநி தாநி சக்ஷுஷா பரீக்ஷேத; ரஸஂ து கல்வாதுரஶரீரகதமிந்த்ரியவைஷயிகமப்யநுமாநாதவகச்சேத், ந ஹ்யஸ்ய ப்ரத்யக்ஷேண க்ரஹணமுபபத்யதே, தஸ்மாதாதுரபரிப்ரஶ்நேநைவாதுரமுகரஸஂ வித்யாத், யூகாபஸர்பணேந த்வஸ்ய ஶரீரவைரஸ்யஂ, மக்ஷிகோபஸர்பணேந ஶரீரமாதுர்யஂ, லோஹிதபித்தஸந்தேஹே து கிஂ தாரிலோஹிதஂ லோஹிதபித்தஂ வேதி ஶ்வகாகபக்ஷணாத்தாரிலோஹிதமபக்ஷணால்லோஹிதபித்தமித்யநுமாதவ்யம், ஏவமந்யாநப்யாதுரஶரீரகதாந் ரஸாநநுமிமீத; கந்தாஂஸ்து கலு ஸர்வஶரீரகதாநாதுரஸ்ய ப்ரகதிவைகாரிகாந் க்ராணேந பரீக்ஷேத; ஸ்பர்ஶஂ ச பாணிநா ப்ரகதிவிகதியுக்தம்| இதி ப்ரத்யக்ஷதோऽநுமாநாதுபதேஶதஶ்ச பரீக்ஷணமுக்தம்||௭||
View original
प्रत्यक्षतस्तु खलु रोगतत्त्वं बुभुत्सुः सर्वैरिन्द्रियैः सर्वानिन्द्रियार्थानातुरशरीरगतान् परीक्षेत, अन्यत्र रसज्ञानात्; तद्यथा- अन्त्रकूजनं, सन्धिस्फुटनमङ्गुलीपर्वणां च, स्वरविशेषांश्च, ये चान्येऽपि केचिच्छरीरोपगताः शब्दाः स्युस्ताञ्छ्रोत्रेण परीक्षेत; वर्णसंस्थानप्रमाणच्छायाः , शरीरप्रकृतिविकारौ, चक्षुर्वैषयिकाणि यानि चान्यान्यनुक्तानि तानि चक्षुषा परीक्षेत; रसं तु खल्वातुरशरीरगतमिन्द्रियवैषयिकमप्यनुमानादवगच्छेत्, न ह्यस्य प्रत्यक्षेण ग्रहणमुपपद्यते, तस्मादातुरपरिप्रश्नेनैवातुरमुखरसं विद्यात्, यूकापसर्पणेन त्वस्य शरीरवैरस्यं, मक्षिकोपसर्पणेन शरीरमाधुर्यं, लोहितपित्तसन्देहे तु किं धारिलोहितं लोहितपित्तं वेति श्वकाकभक्षणाद्धारिलोहितमभक्षणाल्लोहितपित्तमित्यनुमातव्यम्, एवमन्यानप्यातुरशरीरगतान् रसाननुमिमीत; गन्धांस्तु खलु सर्वशरीरगतानातुरस्य प्रकृतिवैकारिकान् घ्राणेन परीक्षेत; स्पर्शं च पाणिना प्रकृतिविकृतियुक्तम्| इति प्रत्यक्षतोऽनुमानादुपदेशतश्च परीक्षणमुक्तम्||७||
🔊 Audio coming soon
Adhikarana 7 (8) · Śloka 8
இமே து கல்வந்யேऽப்யேவமேவ பூயோऽநுமாநஜ்ஞேயா பவந்தி பாவாஃ| தத்யதா- அக்நிஂ ஜரணஶக்த்யா பரீக்ஷேத, பலஂ வ்யாயாமஶக்த்யா, ஶ்ரோத்ராதீநி ஶப்தாத்யர்தக்ரஹணேந, மநோऽர்தாவ்யபிசரணேந, விஜ்ஞாநஂ வ்யவஸாயேந, ரஜஃஸங்கேந, மோஹமவிஜ்ஞாநேந, க்ரோதமபித்ரோஹேண, ஶோகஂ தைந்யேந, ஹர்ஷமாமோதேந, ப்ரீதிஂ தோஷேண, பயஂ விஷாதேந, தைர்யமவிஷாதேந, வீர்யமுத்தாநேந , அவஸ்தாநமவிப்ரமேண, ஶ்ரத்தாமபிப்ராயேண, மேதாஂ க்ரஹணேந, ஸஞ்ஜ்ஞாஂ நாமக்ரஹணேந, ஸ்மதிஂ ஸ்மரணேந, ஹ்ரியமபத்ரபணேந, ஶீலமநுஶீலநேந, த்வேஷஂ ப்ரதிஷேதேந, உபதிமநுபந்தேந , ததிமலௌல்யேந, வஶ்யதாஂ விதேயதயா, வயோபக்திஸாத்ம்யவ்யாதிஸமுத்தாநாநி காலதேஶோபஶயவேதநாவிஶேஷேண, கூடலிங்கஂ வ்யாதிமுபஶயாநுபஶயாப்யாஂ, தோஷப்ரமாணவிஶேஷமபசாரவிஶேஷேண, ஆயுஷஃ க்ஷயமரிஷ்டைஃ, உபஸ்திதஶ்ரேயஸ்த்வஂ கல்யாணாபிநிவேஶேந, அமலஂ ஸத்த்வமவிகாரேண, க்ரஹண்யாஸ்து மதுதாருணத்வஂ ஸ்வப்நதர்ஶநமபிப்ராயஂ த்விஷ்டேஷ்டஸுகதுஃகாநி சாதுரபரிப்ரஶ்நேநைவ வித்யாதிதி||௮||
View original
इमे तु खल्वन्येऽप्येवमेव भूयोऽनुमानज्ञेया भवन्ति भावाः| तद्यथा- अग्निं जरणशक्त्या परीक्षेत, बलं व्यायामशक्त्या, श्रोत्रादीनि शब्दाद्यर्थग्रहणेन, मनोऽर्थाव्यभिचरणेन, विज्ञानं व्यवसायेन, रजःसङ्गेन, मोहमविज्ञानेन, क्रोधमभिद्रोहेण, शोकं दैन्येन, हर्षमामोदेन, प्रीतिं तोषेण, भयं विषादेन, धैर्यमविषादेन, वीर्यमुत्थानेन , अवस्थानमविभ्रमेण, श्रद्धामभिप्रायेण, मेधां ग्रहणेन, सञ्ज्ञां नामग्रहणेन, स्मृतिं स्मरणेन, ह्रियमपत्रपणेन, शीलमनुशीलनेन, द्वेषं प्रतिषेधेन, उपधिमनुबन्धेन , धृतिमलौल्येन, वश्यतां विधेयतया, वयोभक्तिसात्म्यव्याधिसमुत्थानानि कालदेशोपशयवेदनाविशेषेण, गूढलिङ्गं व्याधिमुपशयानुपशयाभ्यां, दोषप्रमाणविशेषमपचारविशेषेण, आयुषः क्षयमरिष्टैः, उपस्थितश्रेयस्त्वं कल्याणाभिनिवेशेन, अमलं सत्त्वमविकारेण, ग्रहण्यास्तु मृदुदारुणत्वं स्वप्नदर्शनमभिप्रायं द्विष्टेष्टसुखदुःखानि चातुरपरिप्रश्नेनैव विद्यादिति||८||
🔊 Audio coming soon
Adhikarana 8 (9-14) · Śloka 14
பவந்தி சாத்ர- ஆப்ததஶ்சோபதேஶேந ப்ரத்யக்ஷகரணேந ச| அநுமாநேந ச வ்யாதீந் ஸம்யக்வித்யாத்விசக்ஷணஃ||௯|| ஸர்வதா ஸர்வமாலோச்ய யதாஸம்பவமர்தவித்| அதாத்யவஸ்யேத்தத்த்வே ச கார்யே ச ததநந்தரம்||௧௦|| கார்யதத்த்வவிஶேஷஜ்ஞஃ ப்ரதிபத்தௌ ந முஹ்யதி| அமூடஃ பலமாப்நோதி யதமோஹநிமித்தஜம்||௧௧|| ஜ்ஞாநபுத்திப்ரதீபேந யோ நாவிஶதி தத்த்வவித் | ஆதுரஸ்யாந்தராத்மாநஂ ந ஸ ரோகாஂஶ்சிகித்ஸதி||௧௨|| தத்ர ஶ்லோகௌ- ஸர்வரோகவிஶேஷாணாஂ த்ரிவிதஂ ஜ்ஞாநஸங்க்ரஹம்| யதா சோபதிஶந்த்யாப்தாஃ ப்ரத்யக்ஷஂ கஹ்யதே யதா||௧௩|| யே யதா சாநுமாநேந ஜ்ஞேயாஸ்தாஂஶ்சாப்யுதாரதீஃ| பாவாஂஸ்த்ரிரோகவிஜ்ஞாநே விமாநே முநிருக்தவாந்||௧௪||
View original
भवन्ति चात्र- आप्ततश्चोपदेशेन प्रत्यक्षकरणेन च| अनुमानेन च व्याधीन् सम्यग्विद्याद्विचक्षणः||९|| सर्वथा सर्वमालोच्य यथासम्भवमर्थवित्| अथाध्यवस्येत्तत्त्वे च कार्ये च तदनन्तरम्||१०|| कार्यतत्त्वविशेषज्ञः प्रतिपत्तौ न मुह्यति| अमूढः फलमाप्नोति यदमोहनिमित्तजम्||११|| ज्ञानबुद्धिप्रदीपेन यो नाविशति तत्त्ववित् | आतुरस्यान्तरात्मानं न स रोगांश्चिकित्सति||१२|| तत्र श्लोकौ- सर्वरोगविशेषाणां त्रिविधं ज्ञानसङ्ग्रहम्| यथा चोपदिशन्त्याप्ताः प्रत्यक्षं गृह्यते यथा||१३|| ये यथा चानुमानेन ज्ञेयास्तांश्चाप्युदारधीः| भावांस्त्रिरोगविज्ञाने विमाने मुनिरुक्तवान्||१४||
🔊 Audio coming soon
Adhikarana puShpikA · Śloka 4
இத்யக்நிவேஶகதே தந்த்ரே சரகப்ரதிஸஂஸ்கதே விமாநஸ்தாநே த்ரிவிதரோகவிஶேஷவிஜ்ஞாநீயஂ விமாநஂ நாம சதுர்தோऽத்யாயஃ||௪||
View original
इत्यग्निवेशकृते तन्त्रे चरकप्रतिसंस्कृते विमानस्थाने त्रिविधरोगविशेषविज्ञानीयं विमानं नाम चतुर्थोऽध्यायः||४||
🔊 Audio coming soon