Adhikarana AmavAtasya nidAnapUrvikA samprAptiH (1-5) · Śloka 5
অথামবাতনিদানম্ |
বিরুদ্ধাহারচেষ্টস্য মন্দাগ্নের্নিশ্চলস্য চ |
স্নিগ্ধং ভুক্তবতো হ্যন্নং ব্যাযামং কুর্বতস্তথা ||১||
বাযুনা প্রেরিতো হ্যামঃ শ্লেষ্মস্থানং প্রধাবতি |
তেনাত্যর্থং বিদগ্ধোঽসৌ ধমনীঃ প্রতিপদ্যতে ||২||
বাতপিত্তকফৈর্ভূযো দূষিতঃ সোঽন্নজো রসঃ |
স্রোতাংস্যভিষ্যন্দযতি নানাবর্ণোঽতিপিচ্ছিলঃ ||৩||
জনযত্যাশু দৌর্বল্যং গৌরবং হৃদযস্য চ |
ব্যাধীনামাশ্রযো হ্যেষ আমসঞ্জ্ঞোঽতিদারুণঃ ||৪||
যুগপত্কুপিতাবন্তস্ত্রিকসন্ধিপ্রবেশকৌ |
স্তব্ধং চ কুরুতো গাত্রমামবাতঃ স উচ্যতে ||৫||
View original
अथामवातनिदानम् |
विरुद्धाहारचेष्टस्य मन्दाग्नेर्निश्चलस्य च |
स्निग्धं भुक्तवतो ह्यन्नं व्यायामं कुर्वतस्तथा ||१||
वायुना प्रेरितो ह्यामः श्लेष्मस्थानं प्रधावति |
तेनात्यर्थं विदग्धोऽसौ धमनीः प्रतिपद्यते ||२||
वातपित्तकफैर्भूयो दूषितः सोऽन्नजो रसः |
स्रोतांस्यभिष्यन्दयति नानावर्णोऽतिपिच्छिलः ||३||
जनयत्याशु दौर्बल्यं गौरवं हृदयस्य च |
व्याधीनामाश्रयो ह्येष आमसञ्ज्ञोऽतिदारुणः ||४||
युगपत्कुपितावन्तस्त्रिकसन्धिप्रवेशकौ |
स्तब्धं च कुरुतो गात्रमामवातः स उच्यते ||५||
Adhikarana AmavAtasya sAmAnyalakShaNam (6) · Śloka 6
অঙ্গমর্দোঽরুচিস্তৃষ্ণা আলস্যং গৌরবং জ্বরঃ |
অপাকঃ শূনতাঽঙ্গানামামবাতস্য লক্ষণম্ ||৬||
View original
अङ्गमर्दोऽरुचिस्तृष्णा आलस्यं गौरवं ज्वरः |
अपाकः शूनताऽङ्गानामामवातस्य लक्षणम् ||६||
Adhikarana prakupitasyAmavAtasya lakShaNam (7-10) · Śloka 10
স কষ্টঃ সর্বরোগাণাং যদা প্রকুপিতো ভবেত্ |
হস্তপাদশিরোগুল্ফত্রিকজানূরুসন্ধিষু ||৭||
করোতি সরুজং শোথং যত্র দোষঃ প্রপদ্যতে |
স দেশো রুজ্যতেঽত্যর্থং ব্যাবিদ্ধ ইব বৃশ্চিকৈঃ ||৮||
জনযেত্ সোঽগ্নিদৌর্বল্যং প্রসেকারুচিগৌরবম্ |
উত্সাহহানিং বৈরস্যং দাহং চ বহুমূত্রতাম্ ||৯||
কুক্ষৌ কঠিনতাং শূলং তথা নিদ্রাবিপর্যযম্ |
তৃট্ছর্দিভ্রমমূর্ছাশ্চ হৃদ্গ্রহং বিড্বিবদ্ধতাম্ |
জাড্যান্ত্রকূজমানাহং কষ্টাংশ্চান্যানুপদ্রবান্ ||১০||
View original
स कष्टः सर्वरोगाणां यदा प्रकुपितो भवेत् |
हस्तपादशिरोगुल्फत्रिकजानूरुसन्धिषु ||७||
करोति सरुजं शोथं यत्र दोषः प्रपद्यते |
स देशो रुज्यतेऽत्यर्थं व्याविद्ध इव वृश्चिकैः ||८||
जनयेत् सोऽग्निदौर्बल्यं प्रसेकारुचिगौरवम् |
उत्साहहानिं वैरस्यं दाहं च बहुमूत्रताम् ||९||
कुक्षौ कठिनतां शूलं तथा निद्राविपर्ययम् |
तृट्छर्दिभ्रममूर्छाश्च हृद्ग्रहं विड्विबद्धताम् |
जाड्यान्त्रकूजमानाहं कष्टांश्चान्यानुपद्रवान् ||१०||
Adhikarana AmavAtasya visheShalakShaNAni (11) · Śloka 11
পিত্তাত্ সদাহরাগং চ, সশূলং পবনানুগম্ |
স্তিমিতং গুরুকণ্ডূং চ কফদুষ্টং তমাদিশেত্ ||১১||
View original
पित्तात् सदाहरागं च, सशूलं पवनानुगम् |
स्तिमितं गुरुकण्डूं च कफदुष्टं तमादिशेत् ||११||
Adhikarana AmavAtasya sAdhyAsAdhyavicAraH (12) · Śloka 12
একদোষানুগঃ সাধ্যো, দ্বিদোষো যাপ্য উচ্যতে |
সর্বদেহচরঃ শোথঃ স কৃচ্ছ্রঃ সান্নিপাতিকঃ ||১২||
View original
एकदोषानुगः साध्यो, द्विदोषो याप्य उच्यते |
सर्वदेहचरः शोथः स कृच्छ्रः सान्निपातिकः ||१२||
Adhikarana puShpikA · Śloka 25
ইতি শ্রীমাধবকরবিরচিতে মাধবনিদানে আমবাতনিদানং সমাপ্তম্ ||২৫||
View original
इति श्रीमाधवकरविरचिते माधवनिदाने आमवातनिदानं समाप्तम् ||२५||