53. visphōṭanidānam

Devanagari IAST (Roman)Telugu Tamil Malayalam Kannada Gujarati Bengali Gurmukhi

Adhikarana visphōṭanidānaṁ, samprāptiśca (1-2) · Śloka 2

atha visphōṭanidānam | kaṭvamlatīkṣṇōṣṇavidāhirūkṣakṣārairajīrṇādhyaśanātapaiśca | tathartudōṣēṇa viparyayēṇa kupyanti dōṣāḥ pavanādayastu ||1|| tvacamāśritya tē raktamāṁsāsthīni pradūṣya ca | ghōrān kurvanti visphōṭān sarvān jvarapuraḥsarān ||2||

View original

अथ विस्फोटनिदानम् | कट्वम्लतीक्ष्णोष्णविदाहिरूक्षक्षारैरजीर्णाध्यशनातपैश्च | तथर्तुदोषेण विपर्ययेण कुप्यन्ति दोषाः पवनादयस्तु ||१|| त्वचमाश्रित्य ते रक्तमांसास्थीनि प्रदूष्य च | घोरान् कुर्वन्ति विस्फोटान् सर्वान् ज्वरपुरःसरान् ||२||

🔊 Audio coming soon

Show commentary

madhukōśa vyākhyā (vijayarakṣita, śrīkaṇṭhadatta kr̥ta)

prāyēṇa dōṣadūṣyacikitsāsāmyādvisphōṭanidānamāha– kaṭvityādi| ajīrṇādhyaśanātapaiścēti ajīrṇāśanamapakvadravyasyāśanam, adhyaśanamajīrṇē bhōjanam; athavā ajīrṇaṁ svarūpatō hēturadhyaśanaṁ ca| r̥tudōṣēṇēti śītōṣṇādīnāmatiyōgēna| viparyayēṇēti r̥tuviparyayaśca r̥tusvabhāvasyānyathābhāvaḥ| ēbhirhētubhiryathāsambhavaṁ pratyēkaṁ dōṣatrayaprakōpō bōddhavyaḥ| jvarapuraḥsarānityanēna jvarasya pūrvarūpatāṁ darśayati||1-2||

ātaṅkadarpaṇa vyākhyā (vācaspati vaidya kr̥ta)

prāyēṇa dōṣadūṣyacikitsitatvatulyatvādatō'nantaraṁ visphōṭanidānārambhaḥ, tasya nidānamāha– kaṭvityādi| ajīrṇāśanamapakvadravyāśanam| adhyaśanamajīrṇabhōjanam| athartudōṣēṇa viparyayēṇēti śītōṣṇādēratiyōgēna r̥tudōṣaḥ, r̥tuviparyayaḥ r̥tusvabhāvasyānyathābhāvāt; ēbhirhētubhiḥ yathāsambhavaṁ pratyēkaṁ dōṣatrayaprakōpō bōddhavyaḥ| visphōṭakasamprāptimāha– tvacamityādi| jvarapuraḥsarānityanēna jvarasya pūrvarūpatāṁ darśayati||1-2||

Adhikarana visphōṭasāmānyaliṅgaṁ, vātaja-pittaja-kaphaja-dvandvajavisphōṭalakṣaṇaṁ ca (3-7) · Śloka 8

agnidagdhanibhāḥ sphōṭāḥ sajvarā raktapittajāḥ | kvacit sarvatra vā dēhē visphōṭā iti tē smr̥tāḥ ||3|| (su. ni. a. 13) | śirōruk śūlabhūyiṣṭhaṁ jvarastr̥ṭ parvabhēdanam | sakr̥ṣṇavarṇatā cēti vātavisphōṭalakṣaṇam ||4|| jvaradāharujāsrāvapākatr̥ṣṇābhiranvitam | pītalōhitavarṇaṁ ca pittavisphōṭalakṣaṇam ||5|| chardyarōcakajāḍyāni kaṇḍūkāṭhinyapāṇḍutāḥ | avēdanaścirātpākī sa visphōṭaḥ kaphātmakaḥ ||6|| vātapittakr̥tō yastu kurutē tīvravēdanām | kaṇḍūstaimityagurubhirjānīyāt kaphavātikam ||7|| kaṇḍūrdāhō jvaraśchardirētaistu kaphapaittikaḥ |8|

View original

अग्निदग्धनिभाः स्फोटाः सज्वरा रक्तपित्तजाः | क्वचित् सर्वत्र वा देहे विस्फोटा इति ते स्मृताः ||३|| (सु. नि. अ. १३) | शिरोरुक् शूलभूयिष्ठं ज्वरस्तृट् पर्वभेदनम् | सकृष्णवर्णता चेति वातविस्फोटलक्षणम् ||४|| ज्वरदाहरुजास्रावपाकतृष्णाभिरन्वितम् | पीतलोहितवर्णं च पित्तविस्फोटलक्षणम् ||५|| छर्द्यरोचकजाड्यानि कण्डूकाठिन्यपाण्डुताः | अवेदनश्चिरात्पाकी स विस्फोटः कफात्मकः ||६|| वातपित्तकृतो यस्तु कुरुते तीव्रवेदनाम् | कण्डूस्तैमित्यगुरुभिर्जानीयात् कफवातिकम् ||७|| कण्डूर्दाहो ज्वरश्छर्दिरेतैस्तु कफपैत्तिकः |८|

🔊 Audio coming soon

Show commentary

madhukōśa vyākhyā (vijayarakṣita, śrīkaṇṭhadatta kr̥ta)

visphōṭasvarūpamāha– agnidagdhanibhā ityādi| raktapittajā iti sarvatraiva visphōṭē raktapittayōravyabhicāritvaṁ, yathā śūlē vātasya; vātānubandhō'pyatra bōddhavyaḥ| yadāha bhōjaḥ– “yadā raktaṁ ca pittaṁ ca vātēnānugataṁ tvaci| agnidagdhanibhān sphōṭān kurutaḥ sarvadēhagān|| sajvarān saparīdāhān vidyādvisphōṭakāṁstu tān||” iti||3-7||–

ātaṅkadarpaṇa vyākhyā (vācaspati vaidya kr̥ta)

visphōṭakasāmānyaliṅgamāha– agnītyādi| sajvarā iti jvarastēṣāṁ pūrvarūpatvēna jñēyaḥ| raktapittajā iti sarvavisphōṭēṣu raktapittayōravyabhicāritvaṁ sūcitaṁ śūlēṣu vātasyēva| yaduktaṁ bhōjē– “yadā raktaṁ ca pittaṁ ca vātēnānugataṁ tvaci| agnidagdhanibhān sphōṭānkurutaḥ sarvadēhagān|| sajvarānsaparīdāhān vidyādvisphōṭakāṁstu tān|” iti| kvaciditi kvaciccharīradēśē| vātikavisphōṭamāha– śira ityādi| śūlaṁ śarīrasya tōdarūpaṁ, parvabhēdanaṁ sandhisphuṭanam| paittikamāha– jvarētyādi| sugamam| ślaiṣmikamāha– chardītyādi| vātapaittikamāha– vātētyādi sugamam| kaphajaprasaṅgāt kaphapaittikamāha– kaṇḍūrityādi| ētairlakṣaṇaiḥ kaphapaittikō jñēyaḥ| kaphavātikamāha– kaṇḍviti| staimityamiti niścalatvam||3-7||

Adhikarana tridōṣajavisphōṭalakṣaṇam (8-9) · Śloka 9

madhyē nimnōnnatō'ntē ca kaṭhinō'lpaprapākavān ||8|| dāharāgatr̥ṣāmōhacchardimūrchārujājvarāḥ | pralāpō vēpathustandrā sō'sādhyaḥ syāttridōṣajaḥ ||9||

View original

मध्ये निम्नोन्नतोऽन्ते च कठिनोऽल्पप्रपाकवान् ||८|| दाहरागतृषामोहच्छर्दिमूर्छारुजाज्वराः | प्रलापो वेपथुस्तन्द्रा सोऽसाध्यः स्यात्त्रिदोषजः ||९||

🔊 Audio coming soon

Show commentary

madhukōśa vyākhyā (vijayarakṣita, śrīkaṇṭhadatta kr̥ta)

sānnipātikalakṣaṇamāha– madhya ityādi| madhyē nimnōnnatō'ntē cēti madhyē nimnō'ntē cōnnata ityarthaḥ| nimnōnnata iti prayōgō'siddhasyānityatvēna| ēvaṁ sampūrṇalakṣaṇō yastridōṣajaḥ sō'sādhyaḥ||8-9||

ātaṅkadarpaṇa vyākhyā (vācaspati vaidya kr̥ta)

tridōṣajamāha– madhya iti| madhyē nimnaḥ, antē cōnnata ityarthaḥ| alpaprapākata iti alpapākavānityarthaḥ| mōha indriyāṇām| ēvaṁ sampūrṇalakṣaṇō yastridōṣajaḥ sō'sādhyaḥ||8-9||

Adhikarana raktajavisphōṭalakṣaṇaṁ, sādhyāsādhyavicāraśca (10-11) · Śloka 11

raktā raktasamutthānā guñjāvidrumasannibhāḥ | vēditavyāstu raktēna paittikēna ca hētunā ||10|| na tē siddhiṁ samāyānti siddhairyōgaśatairapi | ēkadōṣōtthitaḥ sādhyaḥ kr̥cchrasādhyō dvidōṣajaḥ | sarvadōṣōtthitō ghōrastvasādhyō bhūryupadravaḥ ||11||

View original

रक्ता रक्तसमुत्थाना गुञ्जाविद्रुमसन्निभाः | वेदितव्यास्तु रक्तेन पैत्तिकेन च हेतुना ||१०|| न ते सिद्धिं समायान्ति सिद्धैर्योगशतैरपि | एकदोषोत्थितः साध्यः कृच्छ्रसाध्यो द्विदोषजः | सर्वदोषोत्थितो घोरस्त्वसाध्यो भूर्युपद्रवः ||११||

🔊 Audio coming soon

Show commentary

madhukōśa vyākhyā (vijayarakṣita, śrīkaṇṭhadatta kr̥ta)

raktajalakṣaṇamāha– raktā ityādi| raktasamutthānā iti lakṣyapadaṁ, vēditavyāstu raktēnēti lakṣaṇapadam, aśmarīhētuḥ tatpūrvamiti yathā; ayamarthaḥ– raktasamutthānāśca visphōṭā bhavanti tē ca kathaṁ vijñēyā ityata uktam– vēditavyāstu raktēnati; athavā raktasamutthānā iti raktaṁ samutthāpayantīti nirucya raktacchardanamabhimatamācāryasya, vēditavyāstu raktēnēti padasya kāraṇadyōtakasyāvyavasthānāt| ghōrō'tyantaduḥkhadaḥ| bhūryupadrava iti atra visarpōkta ēvōpadravō jñēyaḥ||10-11||

ātaṅkadarpaṇa vyākhyā (vācaspati vaidya kr̥ta)

raktajamāha– raktā ityādi| raktā raktavarṇāḥ, raktasamutthānā iti raktasamutthānāśca visphōṭā bhavantītyarthaḥ| tē ca pittahētubhiḥ kupittēna raktēna vēditavyāḥ, raktēnēti lakṣaṇapadaṁ, yathā'śmarīhētu tatpūrvamiti| ghōra iti atyantaduḥkhapradaḥ| bhūryupadrava iti bahūpadravaḥ, atra visarpōktā ēvōpadravā jñēyāḥ||10-11||

Adhikarana puṣpikā · Śloka 53

iti śrīmādhavakaraviracitē mādhavanidānē visphōṭanidānaṁ samāptam ||53||

View original

इति श्रीमाधवकरविरचिते माधवनिदाने विस्फोटनिदानं समाप्तम् ||५३||

🔊 Audio coming soon

Show commentary

madhukōśa vyākhyā (vijayarakṣita, śrīkaṇṭhadatta kr̥ta)

iti śrīkaṇṭhadattakr̥tāyāṁ madhukōśavyākhyāyāṁ visphōṭanidānaṁ samāptam||53||

ātaṅkadarpaṇa vyākhyā (vācaspati vaidya kr̥ta)

iti śrīvācaspativaidyaviracitāyāṁ mādhavanidānavyākhyāyāmātaṅkadarpaṇākhyāyāṁ visphōṭanidānam||53||

← 52. visarpanidānam 54. masūrikānidānam →