Adhikarana visphoTanidAnaM, samprAptishca (1-2) · Śloka 2
অথ বিস্ফোটনিদানম্ |
কট্বম্লতীক্ষ্ণোষ্ণবিদাহিরূক্ষক্ষারৈরজীর্ণাধ্যশনাতপৈশ্চ |
তথর্তুদোষেণ বিপর্যযেণ কুপ্যন্তি দোষাঃ পবনাদযস্তু ||১||
ত্বচমাশ্রিত্য তে রক্তমাংসাস্থীনি প্রদূষ্য চ |
ঘোরান্ কুর্বন্তি বিস্ফোটান্ সর্বান্ জ্বরপুরঃসরান্ ||২||
View original
अथ विस्फोटनिदानम् |
कट्वम्लतीक्ष्णोष्णविदाहिरूक्षक्षारैरजीर्णाध्यशनातपैश्च |
तथर्तुदोषेण विपर्ययेण कुप्यन्ति दोषाः पवनादयस्तु ||१||
त्वचमाश्रित्य ते रक्तमांसास्थीनि प्रदूष्य च |
घोरान् कुर्वन्ति विस्फोटान् सर्वान् ज्वरपुरःसरान् ||२||
Adhikarana visphoTasAmAnyali~ggaM, vAtaja-pittaja-kaphaja-dvandvajavisphoTalakShaNaM ca (3-7) · Śloka 8
অগ্নিদগ্ধনিভাঃ স্ফোটাঃ সজ্বরা রক্তপিত্তজাঃ |
ক্বচিত্ সর্বত্র বা দেহে বিস্ফোটা ইতি তে স্মৃতাঃ ||৩||
(সু. নি. অ. ১৩) |
শিরোরুক্ শূলভূযিষ্ঠং জ্বরস্তৃট্ পর্বভেদনম্ |
সকৃষ্ণবর্ণতা চেতি বাতবিস্ফোটলক্ষণম্ ||৪||
জ্বরদাহরুজাস্রাবপাকতৃষ্ণাভিরন্বিতম্ |
পীতলোহিতবর্ণং চ পিত্তবিস্ফোটলক্ষণম্ ||৫||
ছর্দ্যরোচকজাড্যানি কণ্ডূকাঠিন্যপাণ্ডুতাঃ |
অবেদনশ্চিরাত্পাকী স বিস্ফোটঃ কফাত্মকঃ ||৬||
বাতপিত্তকৃতো যস্তু কুরুতে তীব্রবেদনাম্ |
কণ্ডূস্তৈমিত্যগুরুভির্জানীযাত্ কফবাতিকম্ ||৭||
কণ্ডূর্দাহো জ্বরশ্ছর্দিরেতৈস্তু কফপৈত্তিকঃ |৮|
View original
अग्निदग्धनिभाः स्फोटाः सज्वरा रक्तपित्तजाः |
क्वचित् सर्वत्र वा देहे विस्फोटा इति ते स्मृताः ||३||
(सु. नि. अ. १३) |
शिरोरुक् शूलभूयिष्ठं ज्वरस्तृट् पर्वभेदनम् |
सकृष्णवर्णता चेति वातविस्फोटलक्षणम् ||४||
ज्वरदाहरुजास्रावपाकतृष्णाभिरन्वितम् |
पीतलोहितवर्णं च पित्तविस्फोटलक्षणम् ||५||
छर्द्यरोचकजाड्यानि कण्डूकाठिन्यपाण्डुताः |
अवेदनश्चिरात्पाकी स विस्फोटः कफात्मकः ||६||
वातपित्तकृतो यस्तु कुरुते तीव्रवेदनाम् |
कण्डूस्तैमित्यगुरुभिर्जानीयात् कफवातिकम् ||७||
कण्डूर्दाहो ज्वरश्छर्दिरेतैस्तु कफपैत्तिकः |८|
Adhikarana tridoShajavisphoTalakShaNam (8-9) · Śloka 9
মধ্যে নিম্নোন্নতোঽন্তে চ কঠিনোঽল্পপ্রপাকবান্ ||৮||
দাহরাগতৃষামোহচ্ছর্দিমূর্ছারুজাজ্বরাঃ |
প্রলাপো বেপথুস্তন্দ্রা সোঽসাধ্যঃ স্যাত্ত্রিদোষজঃ ||৯||
View original
मध्ये निम्नोन्नतोऽन्ते च कठिनोऽल्पप्रपाकवान् ||८||
दाहरागतृषामोहच्छर्दिमूर्छारुजाज्वराः |
प्रलापो वेपथुस्तन्द्रा सोऽसाध्यः स्यात्त्रिदोषजः ||९||
Adhikarana raktajavisphoTalakShaNaM, sAdhyAsAdhyavicArashca (10-11) · Śloka 11
রক্তা রক্তসমুত্থানা গুঞ্জাবিদ্রুমসন্নিভাঃ |
বেদিতব্যাস্তু রক্তেন পৈত্তিকেন চ হেতুনা ||১০||
ন তে সিদ্ধিং সমাযান্তি সিদ্ধৈর্যোগশতৈরপি |
একদোষোত্থিতঃ সাধ্যঃ কৃচ্ছ্রসাধ্যো দ্বিদোষজঃ |
সর্বদোষোত্থিতো ঘোরস্ত্বসাধ্যো ভূর্যুপদ্রবঃ ||১১||
View original
रक्ता रक्तसमुत्थाना गुञ्जाविद्रुमसन्निभाः |
वेदितव्यास्तु रक्तेन पैत्तिकेन च हेतुना ||१०||
न ते सिद्धिं समायान्ति सिद्धैर्योगशतैरपि |
एकदोषोत्थितः साध्यः कृच्छ्रसाध्यो द्विदोषजः |
सर्वदोषोत्थितो घोरस्त्वसाध्यो भूर्युपद्रवः ||११||
Adhikarana puShpikA · Śloka 53
ইতি শ্রীমাধবকরবিরচিতে মাধবনিদানে বিস্ফোটনিদানং সমাপ্তম্ ||৫৩||
View original
इति श्रीमाधवकरविरचिते माधवनिदाने विस्फोटनिदानं समाप्तम् ||५३||