16. pakṣmakōpapratiṣēdhādhyāyaḥ

Adhikarana 1 (1-2) · Śloka 2

অথাতঃ পক্ষ্মকোপপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||

Adhikarana 2 (3-6) · Śloka 6

যাপ্যস্তু যো বর্ত্মভবো বিকারঃ পক্ষ্মপ্রকোপোঽভিহিতঃ পুরস্তাত্ | তত্রোপবিষ্টস্য নরস্য চর্ম বর্ত্মোপরিষ্টাদনুতির্যগেব ||৩|| ভ্রুবোরধস্তাত্ পরিমুচ্য ভাগৌ পক্ষ্মাশ্রিতং চৈকমতোঽবকৃন্তেত্ | কনীনকাপাঙ্গসমং সমন্তাদ্যবাকৃতি স্নিগ্ধতনোর্নরস্য ||৪|| উত্কৃত্য শস্ত্রেণ যবপ্রমাণং বালেন সীব্যেদ্ভিষগপ্রমত্তঃ | দত্ত্বা চ সর্পির্মধুনাঽবশেষং কুর্যাদ্বিধানং বিহিতং ব্রণে যত্ ||৫|| ললাটদেশে চ নিবদ্ধপট্টং প্রাক্স্যূতমত্রাপ্যপরং চ বদ্ধ্বা | স্থৈর্যং গতে চাপ্যথ শস্ত্রমার্গে বালান্ বিমুঞ্চেত্ কুশলোঽভিবীক্ষ্য ||৬||

Adhikarana 3 (7) · Śloka 7

এবং ন চেচ্ছাম্যতি তস্য বর্ত্ম নির্ভুজ্য দোষোপহতাং বলিং চ | ততোঽগ্নিনা বা প্রতিসারযেত্তাং ক্ষারেণ বা সম্যগবেক্ষ্য ধীরঃ ||৭||

Adhikarana 4 (8) · Śloka 8

ছিত্বা সমং বাঽপ্যুপপক্ষ্মমালাং সম্যগ্গৃহীত্বা বডিশৈস্ত্রিভিস্তু | পথ্যাফলেন প্রতিসারযেত্তু ঘৃষ্টেন বা তৌবরকেণ সম্যক্ ||৮||

Adhikarana 5 (9) · Śloka 9

চত্বার এতে বিধযো বিহন্তুং পক্ষ্মোপরোধং পৃথগেব শস্তাঃ | বিরেচনাশ্চ্যোতনধূমনস্যলেপাঞ্জনস্নেহরসক্রিযাশ্চ ||৯||

Adhikarana puShpikA · Śloka 16

ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে পক্ষ্মগতরোগপ্রতিষেধো নাম ষোডশোঽধ্যাযঃ ||১৬||