47. pānātyayapratiṣēdhādhyāyaḥ

Adhikarana 1 (1-2) · Śloka 2

অথাতঃ পানাত্যযপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||

Adhikarana 2 (3) · Śloka 3

মদ্যমুষ্ণং তথা তীক্ষ্ণং সূক্ষ্মং বিশদমেব চ | রূক্ষমাশুকরং চৈব ব্যবাযি চ বিকাশি চ ||৩||

Adhikarana 3 (4-5) · Śloka 5

ঔষ্ণ্যাচ্ছীতোপচারং তত্তৈক্ষ্ণ্যাদ্ধন্তি মনোগতিম্ | বিশত্যবযবান্ সৌক্ষ্ম্যাদ্বৈশদ্যাত্কফশুক্রনুত্ ||৪|| মারুতং কোপযেদ্রৌক্ষ্যাদাশুত্বাচ্চাশুকর্মকৃত্ | হর্ষদং চ ব্যবাযিত্বাদ্বিকাশিত্বাদ্বিসর্পতি ||৫||

Adhikarana 4 (6) · Śloka 6

তদম্লং রসতঃ প্রোক্তং লঘু রোচনদীপনম্ | কেচিল্লবণবর্জ্যাংস্তু রসানত্রাদিশন্তি হি ||৬||

Adhikarana 5 (7) · Śloka 7

স্নিগ্ধৈস্তদন্নৈর্মাংসৈশ্চ ভক্ষ্যৈশ্চ সহ সেবিতম্ | ভবেদাযুঃপ্রকর্ষায বলাযোপচযায চ ||৭||

Adhikarana 6 (8) · Śloka 8

কাম্যতা মনসস্তুষ্টির্ধৈর্যং তেজোঽতিবিক্রমঃ | বিধিবত্ সেব্যমানে তু মদ্যে সন্নিহিতা গুণাঃ ||৮||

Adhikarana 7 (9) · Śloka 9

তদেবানন্নমজ্ঞেন সেব্যমানমমাত্রযা | কাযাগ্নিনা হ্যগ্নিসমং সমেত্য কুরুতে মদম্ ||৯||

Adhikarana 8 (10) · Śloka 10

মদেন করণানাং তু ভাবান্যত্বে কৃতে সতি | নিগূঢমপি ভাবং স্বং প্রকাশীকুরুতেঽবশঃ ||১০||

Adhikarana 9 (11) · Śloka 11

ত্র্যবস্থশ্চ মদো জ্ঞেযঃ পূর্বো মধ্যোঽথ পশ্চিমঃ |১১|

Adhikarana 10 (11) · Śloka 11

পূর্বে বীর্যরতিপ্রীতিহর্ষভাষ্যাদিবর্ধনম্ ||১১||

Adhikarana 11 (12) · Śloka 12

প্রলাপো মধ্যমে মোহো যুক্তাযুক্তক্রিযাস্তথা |১২|

Adhikarana 12 (12) · Śloka 12

বিসঞ্জ্ঞঃ পশ্চিমে শেতে নষ্টকর্মক্রিযাগুণঃ ||১২||

Adhikarana 13 (13) · Śloka 13

শ্লৈষ্মিকানল্পপিত্তাংশ্চ স্নিগ্ধান্মাত্রোপসেবিনঃ | পানং ন বাধতেঽত্যর্থং বিপরীতাংস্তু বাধতে ||১৩||

Adhikarana 14 (14) · Śloka 14

নির্ভক্তমেকান্তত এব মদ্যং নিষেব্যমাণং মনুজেন নিত্যম্ | উত্পাদযেত্ কষ্টতমান্ বিকারানাপাদযেচ্চাপি শরীরমেদম্ ||১৪||

Adhikarana 15 (15-16) · Śloka 26

ক্রুদ্ধেন ভীতেন পিপাসিতেন শোকাভিতপ্তেন বুভুক্ষিতেন | ব্যাযামভারাধ্বপরিক্ষতেন বেগাবরোধাভিহতেন চাপি ||১৫|| অত্যম্লভক্ষ্যাবততোদরেণ সাজীর্ণভুক্তেন তথাঽবলেন | উষ্ণাভিতপ্তেন চ সেব্যমানং করোতি মদ্যং বিবিধান্ বিকারান্ ||২৬||

Adhikarana 16 (17) · Śloka 17

পানাত্যযং পরমদং পানাজীর্ণমথাপি বা | পানবিভ্রমমুগ্রং চ তেষাং বক্ষ্যমি লক্ষণম্ ||১৭||

Adhikarana 17 (18) · Śloka 19

স্তম্ভাঙ্গমর্দহৃদযগ্রহতোদকম্পাঃ পানাত্যযেঽনিলকৃতে শিরসো রুজশ্চ | স্বেদপ্রলাপমুখশোষণদাহমূর্চ্ছাঃ পিত্তাত্মকে বদনলোচনপীততা চ ||১৮|| শ্লেষ্মাত্মকে বমথুশীতকফপ্রসেকাঃ সর্বাত্মকে ভবতি সর্ববিকারসম্পত্ |১৯|

Adhikarana 18 (19) · Śloka 20

ঊষ্মাণমঙ্গগুরুতাং বিরসাননত্বং শ্লেষ্মাধিকত্বমরুচিং মলমূত্রসঙ্গম্ ||১৯|| লিঙ্গং পরস্য তু মদস্য বদন্তি তজ্জ্ঞাস্তৃষ্ণাং রুজাং শিরসি সন্ধিষু চাপি ভেদম্ |২০|

Adhikarana 19 (20) · Śloka 21

আধ্মানমুদ্গিরণমম্লরসো বিদাহোঽজীর্ণস্য পানজনিতস্য বদন্তি লিঙ্গম্ ||২০|| জ্ঞেযানি তত্র ভিষজা সুবিনিশ্চিতানি পিত্তপ্রকোপজনিতানি চ কারণানি |২১|

Adhikarana 20 (21) · Śloka 22

হৃদ্গাত্রতোদবমথুজ্বরকণ্ঠধূমমূর্চ্ছাকফস্রবণমূর্ধরুজো বিদাহঃ ||২১|| দ্বেষঃ সুরান্নবিকৃতেষু চ তেষু তেষু তং পানবিভ্রমমুশন্ত্যখিলেন ধীরাঃ |২২|

Adhikarana 21 (22) · Śloka 23

হীনোত্তরৌষ্ঠমতিশীতমমন্দদাহং তৈলপ্রভাস্যমতি(পি)পানহতং বিজহ্যাত্ ||২২|| জিহ্বৌষ্ঠদন্তমসিতং ত্বথবাঽপি নীলং পীতে চ যস্য নযনে রুধিরপ্রভে চ |২৩|

Adhikarana 22 (23) · Śloka 23

হিক্কাজ্বরৌ বমথুবেপথুপার্শ্বশূলাঃ কাসভ্রমাবপি চ পানহতং ভজন্তে ||২৩||

Adhikarana 23 (24) · Śloka 24

তেষাং নিবারণমিদং হি মযোচ্যমানং ব্যক্তাভিধানমখিলেন বিধিং নিবোধ |২৪|

Adhikarana 24 (24) · Śloka 25

মদ্যং তু চুক্রমরিচার্দ্রকদীপ্যকুষ্ঠসৌবর্চলাযুতমলং পবনস্য শান্ত্যৈ ||২৪|| পৃথ্বীকদীপ্যকমহৌষধহিঙ্গুভির্বা সৌবর্চলেন চ যুতং বিতরেত্ সুখায |২৫|

Adhikarana 25 (25) · Śloka 26

আম্রাতকাম্রফলদাডিমমাতুলুঙ্গৈঃ কুর্যাচ্ছুভান্যপি চ ষাডবপানকানি ||২৫|| সেবেত বা ফলরসোপহিতান্ রসাদীনানূপবর্গপিশিতান্যপি গন্ধবন্তি |২৬|

Adhikarana 26 (26) · Śloka 26

পিত্তাত্মকে মধুরবর্গকষাযমিশ্রং মদ্যং হিতং সমধুশর্করমিষ্টগন্ধম্ ||২৬||

Adhikarana 27 (27) · Śloka 27

পীত্বা চ মদ্যমপি চেক্ষুরসপ্রগাঢং নিঃশেষতঃ ক্ষণমবস্থিতমুল্লিখেচ্চ | লাবৈণতিত্তিরিরসাংশ্চ পিবেদনম্লান্ মৌদ্গান্ সুখায সঘৃতান্ সসিতাংশ্চ যূষান্ ||২৭||

Adhikarana 28 (28) · Śloka 28

পানাত্যযে কফকৃতে কফমুল্লিখেচ্চ মদ্যেন বিম্বিবিদুলোদকসংযুতেন | সেবেত তিক্তকটুকাংশ্চ রসানুদারান্ যূষাংশ্চ তিক্তকটুকোপহিতান্ হিতায ||২৮||

Adhikarana 29 (29) · Śloka 29

পথ্যং যবান্নবিকৃতানি চ জাঙ্গলানি শ্লেষ্মঘ্নমন্যদপি যচ্চ নিরত্যযং স্যাত্ |২৯|

Adhikarana 30 (29) · Śloka 29

কুর্যাচ্চ সর্বমথ সর্বভবে বিধানং দ্বন্দ্বোদ্ভবে দ্বযমবেক্ষ্য যথাপ্রধানম্ ||২৯||

Adhikarana 31 (30) · Śloka 30

সামান্যমন্যদপি যচ্চ সমগ্রমগ্র্যং বক্ষ্যামি যচ্চ মনসো মদকৃত্ সুখং চ |৩০|

Adhikarana 32 (30-33) · Śloka 34

ত্বঙ্গাগপুষ্পমগধৈলমধূকধান্যৈঃ শ্লক্ষ্ণৈরজাজিমরিচৈশ্চ কৃতং সমাংশৈঃ ||৩০|| পানং কপিত্থরসবারিপরূষকাঢ্যং পানাত্যযেষু বিধিবত্স্রুতমম্বরান্তে | হ্রীবেরপদ্মপরিপেলবসম্প্রযুক্তৈঃ পুষ্পৈর্বিলিপ্য করবীরজলোদ্ভবৈশ্চ ||৩১|| পিষ্টৈঃ সপদ্মকযুতৈরপি সারিবাদ্যৈঃ সেকং জলৈশ্চ বিতরেদমলৈঃ সুশীতৈঃ | ত্বক্পত্রচোচমরিচৈলভুজঙ্গপুষ্পশ্লেষ্মাতকপ্রসববল্কগুডৈরুপেতম্ ||৩২|| দ্রাক্ষাযুতং হৃতমলং মদিরামযার্তৈস্তত্পানকং শুচি সুগন্ধি নরৈর্নিষেব্যম্ | পিষ্ট্বা পিবেচ্চ মধুকং কটুরোহিণীং চ দ্রাক্ষাং চ মূলমসকৃত্ ত্রপুষীভবং যত্ ||৩৩|| কার্পাসিনীমথ চ নাগবলাং চ তুল্যাং পীত্বা সুখী ভবতি সাধু সুবর্চলাং চ |৩৪|

Adhikarana 33 (34) · Śloka 35

কাশ্মর্যদারুবিডদাডিমপিপ্পলীষু দ্রাক্ষান্বিতাসু কৃতমম্বুনি পানকং যত্ ||৩৪|| তদ্বীজপূরকরসাযুতমাশু পীতং শান্তিং পরাং পরমদে ত্বচিরাত্ করোতি |৩৫|

Adhikarana 34 (35-36) · Śloka 36

দ্রাক্ষাসিতামধুকজীরকধান্যকৃষ্ণাস্বেবং কৃতং ত্রিবৃতযা চ পিবেত্তথৈব ||৩৫|| সৌবর্চলাযুতমুদাররসং ফলাম্লং ভার্গীশৃতেন চ জলেন হিতোঽবসেকঃ ||৩৬||

Adhikarana 35 (37) · Śloka 37

ইক্ষ্বাকুধামার্গববৃক্ষকাণি কাকাহ্বযোদুম্বরিকাশ্চ দুগ্ধে | বিপাচ্য তস্যাঞ্জলিনা বমেদ্ধি মদ্যং পিবেচ্চাহ্নি গতে ত্বজীর্ণে ||৩৭||

Adhikarana 36 (38) · Śloka 39

ত্বক্পিপ্পলীভুজগপুষ্পবিডৈরুপেতং সেবেত হিঙ্গুমরিচৈলযুতং ফলাম্লম্ | উষ্ণাম্বুসৈন্ধবযুতাস্ত্বথবা বিডত্বক্চব্যৈলহিঙ্গুমগধাফলমূলশুণ্ঠীঃ ||৩৮|| হৃদ্যৈঃ খডৈরপি চ ভোজনমত্র শস্তং... |৩৯|

Adhikarana 37 (39-41) · Śloka 41

... দ্রাক্ষাকপিত্থফলদাডিমপানকং যত্ | তত্ পানবিভ্রমহরং মধুশর্করাঢ্যমাম্রাতকোলরসপানকমেব চাপি ||৩৯|| খর্জূরবেত্রককরীরপরূষকেষু দ্রাক্ষাত্রিবৃত্সু চ কৃতং সসিতং হিমং বা | শ্রীপর্ণিযুক্তমথবা তু পিবেদিমানি যষ্ট্যাহ্বযোত্পলহিমাম্বুবিমিশ্রিতানি ||৪০|| ক্ষীরিপ্রবালবিসজীরকনাগপুষ্পপত্রৈলবালুসিতসারিবপদ্মকানি | আম্রাতভব্যকরমর্দকপিত্থকোলবৃক্ষাম্লবেত্রফলজীরকদাডিমানি ||৪১||

Adhikarana 38 (42) · Śloka 42

সেবেত বা মরিচজীরকনাগপুষ্পত্বক্পত্রবিশ্বচবিকৈলযুতান্ রসাংশ্চ | সূক্ষ্মাম্বরস্রুতহিমাংশ্চ সুগন্ধিগন্ধান্ পানোদ্ভবান্নুদতি সপ্তগদানশেষান্ ||৪২||

Adhikarana 39 (43-44) · Śloka 44

পঞ্চেন্দ্রিযার্থবিষযা মৃদুপানযোগা হৃদ্যাঃ সুখাশ্চ মনসঃ সততং নিষেব্যাঃ | পানাত্যযেষু বিকটোরুনিতম্ববত্যঃ পীনোন্নতস্তনভরানতমধ্যদেশাঃ ||৪৩|| প্রৌঢাঃ স্ত্রিযোঽভিনবযৌবনপীনগাত্র্যঃ সেব্যাশ্চ পঞ্চবিষযাতিশযস্বভাবাঃ ||৪৪||

Adhikarana 40 (45) · Śloka 45

পিবেদ্রসং পুষ্পফলোদ্ভবং বা সিতামধূকত্রিসুগন্ধিযুক্তম্ | সঞ্চূর্ণ্য সংযোজ্য চ নাগপুষ্পৈরজাজিকৃষ্ণামরিচৈশ্চ তুল্যৈঃ ||৪৫||

Adhikarana 41 (46) · Śloka 46

বর্ষাভূযষ্ট্যাহ্বমধূকলাক্ষাত্বক্কর্বুদারাঙ্কুরজীরকাণি | দ্রাক্ষাং চ কৃষ্ণামথ কেশরং চ ক্ষীরে সমালোড্য পিবেত্ সুখেপ্সুঃ ||৪৬||

Adhikarana 42 (47) · Śloka 47

ভবেচ্চ মদ্যেন তু যেন পাতিতঃ প্রকামপীতেন সুরাসবাদিনা | তদেব তস্মৈ বিধিবত্ প্রদাপযেদ্বিপর্যযে ভ্রংশমবশ্যমৃচ্ছতি ||৪৭||

Adhikarana 43 (48) · Śloka 48

যথা নরেন্দ্রোপহতস্য কস্যচিদ্ভবেত্ প্রসাদস্তত এব নান্যতঃ | ধ্রুবং তথা মদ্যহতস্য দেহিনো ভবেত্ প্রসাদস্তত এব নান্যতঃ ||৪৮||

Adhikarana 44 (49) · Śloka 49

বিচ্ছিন্নমদ্যঃ সহসা যোঽতিমদ্যং নিষেবতে | তস্য পানাত্যযোদ্দিষ্টা বিকারাঃ সম্ভবন্তি হি ||৪৯||

Adhikarana 45 (50) · Śloka 50

মদ্যস্যাগ্নেযবাযব্যৌ গুণাবম্বু(ম্ভো)বহানি তু | স্রোতাংসি শোষযেযাতাং তেন তৃষ্ণোপজাযতে ||৫০||

Adhikarana 46 (51) · Śloka 51

পাটলোত্পলকন্দেষু মুদ্গপর্ণ্যাং চ সাধিতম্ | পিবেন্মাগধিকোন্মিশ্রং তত্রাম্ভো হিমশীতলম্ ||৫১||

Adhikarana 47 (52) · Śloka 53

সর্পিস্তৈলবসামজ্জদধিভৃঙ্গরসৈর্যুতম্ | ক্বাথেন বিল্বযবযোঃ সর্বগন্ধৈশ্চ পেষিতৈঃ ||৫২|| পক্বমভ্যঞ্জনে শ্রেষ্ঠং... |৫৩|

Adhikarana 48 (53) · Śloka 53

...সেকে ক্বাথশ্চ শীতলঃ |৫৩|

Adhikarana 49 (53) · Śloka 54

রসবন্তি চ ভোজ্যানি যথাস্বমবচারযেত্ ||৫৩|| পানকানি সুশীতানি হৃদ্যানি সুরভীণি চ |৫৪|

Adhikarana 50 (54) · Śloka 54

ত্বচং প্রাপ্তস্তু পানোষ্মা পিত্তরক্তাভিমূর্চ্ছিতঃ | দাহং প্রকুরুতে ঘোরং পিত্তবত্তত্র ভেষজম্ ||৫৪||

Adhikarana 51 (55-56) · Śloka 56

শীতং বিধানমত ঊর্ধ্বমহং প্রবক্ষ্যে দাহপ্রশান্তিকরমৃদ্ধিমতাং নরাণাম্ | তত্রাদিতো মলযজেন হিতঃ প্রদেহশ্চন্দ্রাংশুহারতুহিনোদকশীতলেন ||৫৫|| শীতাম্বুশীতলতরৈশ্চ শযানমেনং হারৈর্মৃণালবলযৈরবলাঃ স্পৃশেযুঃ | ভিন্নোত্পলোজ্জ্বলহিমে শযনে শযীত পত্রেষু বা সজলবিন্দুষু পদ্মিনীনাম্ ||৫৬||

Adhikarana 52 (57) · Śloka 57

আসাদযন্ পবনমাহৃতমঙ্গনাভিঃ কহ্লারপদ্মদলশৈবলসঞ্চযেষু | কান্তৈর্বনান্তপবনৈঃ পরিমৃশ্যমানঃ শক্তশ্চরেদ্ভবনকাননদীর্ঘিকাসু ||৫৭||

Adhikarana 53 (58) · Śloka 59

দাহাভিভূতমথবা পরিষেচযেত্তু লামজ্জকাম্বুরুহচন্দনতোযতোযৈঃ | বিস্রাবিতাং হৃতমলাং নববারিপূর্ণাং পদ্মোত্পলাকুলজলামধিবাসিতাম্বুম্ ||৫৮|| বাপীং ভজেত হরিচন্দনভূষিতাঙ্গঃ কান্তাকরস্পৃশনকর্কশরোমকূপঃ |৫৯|

Adhikarana 54 (59) · Śloka 60

তত্রৈনমম্বুরুহপত্রসমৈঃ স্পৃশন্ত্যঃ শীতৈঃ করোরুবদনৈঃ কঠিনৈঃ স্তনৈশ্চ ||৫৯|| তোযাবগাহকুশলা মধুরস্বভাবাঃ সংহর্ষযেযুরবলাঃ সুকলৈঃ প্রলাপৈঃ |৬০|

Adhikarana 55 (60-61) · Śloka 62

ধারাগৃহে প্রগলিতোদকদুর্দিনাভে ক্লান্তঃ শযীত সলিলানিলশীতকুক্ষৌ ||৬০|| গন্ধোদকৈঃ সকুসুমৈরুপসিক্তভূমৌ পত্রাম্বুচন্দনরসৈরুপলিপ্তকুড্যে | জাত্যুত্পলপ্রিযককেশরপুণ্ডরীকপুন্নাগনাগকরবীরকৃতোপচারে ||৬১|| তস্মিন্ গৃহে কমলরেণ্বরুণে শযীত যত্নাহৃতানিলবিকম্পিতপুষ্পদাম্নি |৬২|

Adhikarana 56 (62-64) · Śloka 64

হেমন্তবিন্ধ্যহিমবন্মলযাচলানাং শীতাম্ভসাং সকদলীহরিতদ্রুমাণাম্ ||৬২|| উদ্ভিন্ননীলনলিনাম্বুরুহাকরাণাং চন্দ্রোদযস্য চ কথাঃ শৃণুযান্মনোজ্ঞাঃ | ম্লানং প্রতান্তমনসং মনসোঽনুকূলাঃ পীনস্তনোরুজঘনা হরিচন্দনাঙ্গ্যঃ ||৬৩|| তা এনমার্দ্রবসনাঃ সহ সংবিশেযুঃ শ্লিষ্ট্বাঽবলাঃ শিথিলমেখলহারযষ্ট্যঃ ||৬৪||

Adhikarana 57 (65) · Śloka 65

হর্ষযেযুর্নরং নার্যঃ স্বগুণৈ রহসি স্থিতাঃ | তাঃ শৈত্যাচ্ছমযেযুশ্চ পিত্তপানাত্যযান্তরম্ ||৬৫||

Adhikarana 58 (66) · Śloka 66

তৃড্দাহরক্তপিত্তেষু কার্যোঽযং ভেষজক্রমঃ | সামান্যতো... |৬৬|

Adhikarana 59 (66) · Śloka 66

... বিশেষং তু শৃণু দাহেষ্বশেষতঃ ||৬৬||

Adhikarana 60 (67-69) · Śloka 69

কৃত্স্নদেহানুগং রক্তমুদ্রিক্তং দহতি হ্যতি | সঞ্চূষ্যতে দহ্যতে চ তাম্রাভস্তাম্রলোচনঃ ||৬৭|| লোহগন্ধাঙ্গবদনো বহ্নিনেবাবকীর্যতে | তং বিলঙ্ঘ্য বিধানেন সংসৃষ্টাহারমাচরেত্ ||৬৮|| অপ্রশাম্যতি দাহে চ রসৈস্তৃপ্তস্য জাঙ্গলৈঃ | শাখাশ্রযা যথান্যাযং রোহিণীর্ব্যধযেত্ সিরাঃ ||৬৯||

Adhikarana 61 (70) · Śloka 70

পিত্তজ্বরসমঃ পিত্তাত্ স চাপ্যস্য বিধির্হিতঃ |৭০|

Adhikarana 62 (70-71) · Śloka 71

তৃষ্ণানিরোধাদব্ধাতৌ ক্ষীণে তেজঃ সমুদ্ধতম্ ||৭০|| সবাহ্যাভ্যন্তরং দেহং দহেদ্বৈ মন্দচেতসঃ | সংশুষ্কগলতাল্বোষ্ঠো জিহ্বাং নিষ্কৃষ্য চেষ্টতে ||৭১||

Adhikarana 63 (72) · Śloka 73

তত্রোপশমযেত্তেজস্ত্বব্ধাতুং চ বিবর্ধযেত্ | পাযযেত্ কামমম্ভশ্চ শর্করাঢ্যং পযোঽপি বা ||৭২|| শীতমিক্ষুরসং মন্থং বিতরেচ্চেরিতং বিধিম্ |৭৩|

Adhikarana 64 (73) · Śloka 74

অসৃজা পূর্ণকোষ্ঠস্য দাহো ভবতি দুঃসহঃ ||৭৩|| বিধিঃ সদ্যোব্রণীযোক্তস্তস্য লক্ষণমেব চ |৭৪|

Adhikarana 65 (74-75) · Śloka 75

ধাতুক্ষযোক্তো যো দাহস্তেন মূর্চ্ছাতৃষান্বিতঃ ||৭৪|| ক্ষামস্বরঃ ক্রিযাহীনো ভৃশং সীদতি পীডিতঃ | রক্তপিত্তবিধিস্তস্য হিতঃ স্নিগ্ধোঽনিলাপহঃ ||৭৫||

Adhikarana 66 (76-77) · Śloka 77

ক্ষতজেনাশ্নতশ্চান্যঃ শোচতো বাঽপ্যনেকধা | তেনান্তর্দহ্যতেঽত্যর্থং তৃষ্ণামূর্চ্ছাপ্রলাপবান্ ||৭৬|| তমিষ্টবিষযোপেতং সুহৃদ্ভিরভিসংবৃতম্ | ক্ষীরমাংসরসাহারং বিধিনোক্তেন সাধযেত্ ||৭৭||

Adhikarana 67 (78) · Śloka 78

মর্মাভিঘাতজোঽপ্যস্তি স চাসাধ্যতমঃ স্মৃতঃ |৭৮|

Adhikarana 68 (78) · Śloka 78

সর্ব এব চ বর্জ্যাঃ স্যুঃ শীতগাত্রেষু দেহিষু ||৭৮|| (এবংবিধো ভবেদ্যস্তু মদিরামযপীডিতঃ ||) |

Adhikarana 69 (79) · Śloka 79

প্রশান্তোপদ্রবে চাপি শোধনং প্রাপ্তমাচরেত্ ||৭৯||

Adhikarana 70 (80) · Śloka 80

সজীরকাণ্যার্দ্রকশৃঙ্গবেরসৌবর্চলান্যর্ধজলপ্লুতানি | মদ্যানি হৃদ্যান্যথ গন্ধবন্তি পীতানি সদ্যঃ শমযন্তি তৃষ্ণাম্ ||৮০||

Adhikarana 71 (81) · Śloka 81

জলপ্লুতশ্চন্দনভূষিতাঙ্গঃ স্রগ্বী সভক্তাং পিশিতোপদংশাম্ | পিবন্ সুরাং নৈব লভেত রোগান্ মনোনুবিঘ্নং চ মদং ন যাতি ||৮১||

Adhikarana puShpikA · Śloka 47

ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে মদাত্যযপ্রতিষেধো নাম (নবমোঽধ্যাযঃ, আদিতঃ) সপ্তচত্বারিংশত্তমোঽধ্যাযঃ ||৪৭||