11. ślēṣmābhiṣyandapratiṣēdhādhyāyaḥ

Adhikarana 1 (1-2) · Śloka 2

അഥാതഃ ശ്ലേഷ്മാഭിഷ്യന്ദപ്രതിഷേധം വ്യാഖ്യാസ്യാമഃ ||൧|| യഥോവാച ഭഗവാന് ധന്വന്തരിഃ ||൨||

Adhikarana 2 (3-4) · Śloka 5

സ്യന്ദാധിമന്ഥൌ കഫജൌ പ്രവൃദ്ധൌ ജയേത് സിരാണാമഥ മോക്ഷണേന | സ്വേദാവപീഡാഞ്ജനധൂമസേകപ്രലേപയോഗൈഃ കവലഗ്രഹൈശ്ച ||൩|| രൂക്ഷൈസ്തഥാऽऽശ്ച്യോതനസംവിധാനൈസ്തഥൈവ രൂക്ഷൈഃ പുടപാകയോഗൈഃ | ത്ര്യഹാത്ത്ര്യഹാച്ചാപ്യപതര്പണാന്തേ പ്രാതസ്തയോസ്തിക്തഘൃതം പ്രശസ്തമ് ||൪|| തദന്നപാനം ച സമാചരേദ്ധി യച്ഛ്ലേഷ്മണോ നൈവ കരോതി വൃദ്ധിമ് |൫|

Adhikarana 3 (5) · Śloka 6

കുടന്നടാസ്ഫോടഫണിജ്ഝബില്വപത്തൂരപില്വര്കകപിത്ഥഭങ്ഗൈഃ ||൫|| സ്വേദം വിദധ്യാത്... |൬|

Adhikarana 4 (6) · Śloka 6

... അഥവാऽനുലേപം ബര്ഹിഷ്ഠശുണ്ഠീസുരകാഷ്ഠകുഷ്ഠൈഃ |൬|

Adhikarana 5 (6-9) · Śloka 10

സിന്ധൂത്ഥഹിങ്ഗുത്രിഫലാമധൂകപ്രപൌണ്ഡരീകാഞ്ജനതുത്ഥതാമ്രൈഃ ||൬|| പിഷ്ടൈര്ജലേനാഞ്ജനവര്തയഃ സ്യുഃ പഥ്യാഹരിദ്രാമധുകാഞ്ജനൈര്വാ | ത്രീണ്യൂഷണാനി ത്രിഫലാ ഹരിദ്രാ വിഡങ്ഗസാരശ്ച സമാനി ച സ്യുഃ ||൭|| ബര്ഹിഷ്ഠകുഷ്ഠാമരകാഷ്ഠശങ്ഖപാഠാമലവ്യോഷമനഃശിലാശ്ച | പിഷ്ട്വാऽമ്ബുനാ വാ കുസുമാനി ജാതികരഞ്ജശോഭാഞ്ജനജാനി യുഞ്ജ്യാത് ||൮|| ഫലം പ്രകീര്യാദഥവാऽപി ശിഗ്രോഃ പുഷ്പം ച തുല്യം ബൃഹതീദ്വയസ്യ | രസാഞ്ജനം സൈന്ധവചന്ദനം ച മനഃശിലാലേ ലശുനം ച തുല്യമ് ||൯|| പിഷ്ട്വാऽഞ്ജനാര്ഥേ കഫജേഷു ധീമാന് വര്തീര്വിദധ്യാന്നയനാമയേഷു |൧൦|

Adhikarana 6 (11-12) · Śloka 12

രോഗേ ബലാസഗ്രഥിതേऽഞ്ജനം ജ്ഞൈഃ കര്തവ്യമേതത് സുവിശുദ്ധകായേ ||൧൦|| നീലാന് യവാന് ഗവ്യപയോऽനുപീതാന് ശലാകിനഃ ശുഷ്കതനൂന് വിദഹ്യ | തഥാऽര്ജകാസ്ഫോതകപിത്ഥബില്വനിര്ഗുണ്ഡിജാതീകുസുമാനി ചൈവ ||൧൧|| തത്ക്ഷാരവത്സൈന്ധവതുത്ഥരോചനം പക്വം വിദധ്യാദഥ ലോഹനാഡ്യാമ് | ഏതദ്ബലാസഗ്രഥിതേऽഞ്ജനം സ്യാദേഷോऽനുകല്പസ്തു ഫണിജ്ഝകാദൌ ||൧൨||

Adhikarana 7 (13) · Śloka 13

മഹൌഷധം മാഗധികാം ച മുസ്താം സസൈന്ധവം യന്മരിചം ച ശുക്ലമ് | തന്മാതുലുങ്ഗസ്വരസേന പിഷ്ടം നേത്രാഞ്ജനം പിഷ്ടകമാശു ഹന്യാത് ||൧൩||

Adhikarana 8 (14) · Śloka 14

ഫലേ ബൃഹത്യാ മഗധോദ്ഭവാനാം നിധായ കല്കം ഫലപാകകാലേ | സ്രോതോജയുക്തം ച തദുദ്ധൃതം സ്യാത്തദ്വത്തു പിഷ്ടേ ... |൧൪|

Adhikarana 9 (14) · Śloka 15

...വിധിരേഷ ചാപി ||൧൪|| വാര്താകശിഗ്ര്വിന്ദ്രസുരാപടോലകിരാതതിക്താമലകീഫലേഷു |൧൫|

Adhikarana 10 (15) · Śloka 16

കാസീസസാമുദ്രരസാഞ്ജനാനി ജാത്യാസ്തഥാ ക്ഷാ(കോ)രകമേവ ചാപി ||൧൫|| പ്രക്ലിന്നവര്ത്മന്യുപദിശ്യതേ തു യോഗാഞ്ജനം തന്മധുനാऽവഘൃഷ്ടമ് |൧൬|

Adhikarana 11 (16) · Śloka 17

നാദേയമഗ്ര്യം മരിചം ച ശുക്ലം നേപാലജാതാ ച സമപ്രമാണാ ||൧൬|| സമാതുലുങ്ഗദ്രവ ഏഷ യോഗഃ കണ്ഡൂം നിഹന്യാത് സകൃദഞ്ജനേന |൧൭|

Adhikarana 12 (17) · Śloka 18

സശൃങ്ഗവേരം സുരദാരു മുസ്തം സിന്ധുപ്രഭൂ(സൂ)തം മുകുലാനി ജാത്യാഃ ||൧൭|| സുരാപ്രപിഷ്ടം ത്വിദമഞ്ജനം ഹി കണ്ഡ്വാം ച ശോഫേ ച ഹിതം വദന്തി |൧൮|

Adhikarana 13 (18) · Śloka 19

സ്യന്ദാധിമന്ഥക്രമമാചരേച്ച സര്വേഷു ചൈതേഷു സദാऽപ്രമത്തഃ ||൧൮|| (വിശേഷതോ നാവനമേവ കാര്യം സംസര്ജനം ചാപി യഥോപദിഷ്ടമ് ) ||൧൯||

Adhikarana puShpikA · Śloka 11

ഇതി സുശ്രുതസംഹിതായാമുത്തരതന്ത്രാന്തര്ഗതേ ശാലാക്യതന്ത്രേ കഫാഭിഷ്യന്ദപ്രതിഷേധോ നാമൈകാദശോऽധ്യായഃ ||൧൧||