11. ślēṣmābhiṣyandapratiṣēdhādhyāyaḥ

Adhikarana 1 (1-2) · Śloka 2

ಅಥಾತಃ ಶ್ಲೇಷ್ಮಾಭಿಷ್ಯನ್ದಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3-4) · Śloka 5

ಸ್ಯನ್ದಾಧಿಮನ್ಥೌ ಕಫಜೌ ಪ್ರವೃದ್ಧೌ ಜಯೇತ್ ಸಿರಾಣಾಮಥ ಮೋಕ್ಷಣೇನ | ಸ್ವೇದಾವಪೀಡಾಞ್ಜನಧೂಮಸೇಕಪ್ರಲೇಪಯೋಗೈಃ ಕವಲಗ್ರಹೈಶ್ಚ ||೩|| ರೂಕ್ಷೈಸ್ತಥಾಽಽಶ್ಚ್ಯೋತನಸಂವಿಧಾನೈಸ್ತಥೈವ ರೂಕ್ಷೈಃ ಪುಟಪಾಕಯೋಗೈಃ | ತ್ರ್ಯಹಾತ್ತ್ರ್ಯಹಾಚ್ಚಾಪ್ಯಪತರ್ಪಣಾನ್ತೇ ಪ್ರಾತಸ್ತಯೋಸ್ತಿಕ್ತಘೃತಂ ಪ್ರಶಸ್ತಮ್ ||೪|| ತದನ್ನಪಾನಂ ಚ ಸಮಾಚರೇದ್ಧಿ ಯಚ್ಛ್ಲೇಷ್ಮಣೋ ನೈವ ಕರೋತಿ ವೃದ್ಧಿಮ್ |೫|

Adhikarana 3 (5) · Śloka 6

ಕುಟನ್ನಟಾಸ್ಫೋಟಫಣಿಜ್ಝಬಿಲ್ವಪತ್ತೂರಪಿಲ್ವರ್ಕಕಪಿತ್ಥಭಙ್ಗೈಃ ||೫|| ಸ್ವೇದಂ ವಿದಧ್ಯಾತ್... |೬|

Adhikarana 4 (6) · Śloka 6

... ಅಥವಾಽನುಲೇಪಂ ಬರ್ಹಿಷ್ಠಶುಣ್ಠೀಸುರಕಾಷ್ಠಕುಷ್ಠೈಃ |೬|

Adhikarana 5 (6-9) · Śloka 10

ಸಿನ್ಧೂತ್ಥಹಿಙ್ಗುತ್ರಿಫಲಾಮಧೂಕಪ್ರಪೌಣ್ಡರೀಕಾಞ್ಜನತುತ್ಥತಾಮ್ರೈಃ ||೬|| ಪಿಷ್ಟೈರ್ಜಲೇನಾಞ್ಜನವರ್ತಯಃ ಸ್ಯುಃ ಪಥ್ಯಾಹರಿದ್ರಾಮಧುಕಾಞ್ಜನೈರ್ವಾ | ತ್ರೀಣ್ಯೂಷಣಾನಿ ತ್ರಿಫಲಾ ಹರಿದ್ರಾ ವಿಡಙ್ಗಸಾರಶ್ಚ ಸಮಾನಿ ಚ ಸ್ಯುಃ ||೭|| ಬರ್ಹಿಷ್ಠಕುಷ್ಠಾಮರಕಾಷ್ಠಶಙ್ಖಪಾಠಾಮಲವ್ಯೋಷಮನಃಶಿಲಾಶ್ಚ | ಪಿಷ್ಟ್ವಾಽಮ್ಬುನಾ ವಾ ಕುಸುಮಾನಿ ಜಾತಿಕರಞ್ಜಶೋಭಾಞ್ಜನಜಾನಿ ಯುಞ್ಜ್ಯಾತ್ ||೮|| ಫಲಂ ಪ್ರಕೀರ್ಯಾದಥವಾಽಪಿ ಶಿಗ್ರೋಃ ಪುಷ್ಪಂ ಚ ತುಲ್ಯಂ ಬೃಹತೀದ್ವಯಸ್ಯ | ರಸಾಞ್ಜನಂ ಸೈನ್ಧವಚನ್ದನಂ ಚ ಮನಃಶಿಲಾಲೇ ಲಶುನಂ ಚ ತುಲ್ಯಮ್ ||೯|| ಪಿಷ್ಟ್ವಾಽಞ್ಜನಾರ್ಥೇ ಕಫಜೇಷು ಧೀಮಾನ್ ವರ್ತೀರ್ವಿದಧ್ಯಾನ್ನಯನಾಮಯೇಷು |೧೦|

Adhikarana 6 (11-12) · Śloka 12

ರೋಗೇ ಬಲಾಸಗ್ರಥಿತೇಽಞ್ಜನಂ ಜ್ಞೈಃ ಕರ್ತವ್ಯಮೇತತ್ ಸುವಿಶುದ್ಧಕಾಯೇ ||೧೦|| ನೀಲಾನ್ ಯವಾನ್ ಗವ್ಯಪಯೋಽನುಪೀತಾನ್ ಶಲಾಕಿನಃ ಶುಷ್ಕತನೂನ್ ವಿದಹ್ಯ | ತಥಾಽರ್ಜಕಾಸ್ಫೋತಕಪಿತ್ಥಬಿಲ್ವನಿರ್ಗುಣ್ಡಿಜಾತೀಕುಸುಮಾನಿ ಚೈವ ||೧೧|| ತತ್ಕ್ಷಾರವತ್ಸೈನ್ಧವತುತ್ಥರೋಚನಂ ಪಕ್ವಂ ವಿದಧ್ಯಾದಥ ಲೋಹನಾಡ್ಯಾಮ್ | ಏತದ್ಬಲಾಸಗ್ರಥಿತೇಽಞ್ಜನಂ ಸ್ಯಾದೇಷೋಽನುಕಲ್ಪಸ್ತು ಫಣಿಜ್ಝಕಾದೌ ||೧೨||

Adhikarana 7 (13) · Śloka 13

ಮಹೌಷಧಂ ಮಾಗಧಿಕಾಂ ಚ ಮುಸ್ತಾಂ ಸಸೈನ್ಧವಂ ಯನ್ಮರಿಚಂ ಚ ಶುಕ್ಲಮ್ | ತನ್ಮಾತುಲುಙ್ಗಸ್ವರಸೇನ ಪಿಷ್ಟಂ ನೇತ್ರಾಞ್ಜನಂ ಪಿಷ್ಟಕಮಾಶು ಹನ್ಯಾತ್ ||೧೩||

Adhikarana 8 (14) · Śloka 14

ಫಲೇ ಬೃಹತ್ಯಾ ಮಗಧೋದ್ಭವಾನಾಂ ನಿಧಾಯ ಕಲ್ಕಂ ಫಲಪಾಕಕಾಲೇ | ಸ್ರೋತೋಜಯುಕ್ತಂ ಚ ತದುದ್ಧೃತಂ ಸ್ಯಾತ್ತದ್ವತ್ತು ಪಿಷ್ಟೇ ... |೧೪|

Adhikarana 9 (14) · Śloka 15

...ವಿಧಿರೇಷ ಚಾಪಿ ||೧೪|| ವಾರ್ತಾಕಶಿಗ್ರ್ವಿನ್ದ್ರಸುರಾಪಟೋಲಕಿರಾತತಿಕ್ತಾಮಲಕೀಫಲೇಷು |೧೫|

Adhikarana 10 (15) · Śloka 16

ಕಾಸೀಸಸಾಮುದ್ರರಸಾಞ್ಜನಾನಿ ಜಾತ್ಯಾಸ್ತಥಾ ಕ್ಷಾ(ಕೋ)ರಕಮೇವ ಚಾಪಿ ||೧೫|| ಪ್ರಕ್ಲಿನ್ನವರ್ತ್ಮನ್ಯುಪದಿಶ್ಯತೇ ತು ಯೋಗಾಞ್ಜನಂ ತನ್ಮಧುನಾಽವಘೃಷ್ಟಮ್ |೧೬|

Adhikarana 11 (16) · Śloka 17

ನಾದೇಯಮಗ್ರ್ಯಂ ಮರಿಚಂ ಚ ಶುಕ್ಲಂ ನೇಪಾಲಜಾತಾ ಚ ಸಮಪ್ರಮಾಣಾ ||೧೬|| ಸಮಾತುಲುಙ್ಗದ್ರವ ಏಷ ಯೋಗಃ ಕಣ್ಡೂಂ ನಿಹನ್ಯಾತ್ ಸಕೃದಞ್ಜನೇನ |೧೭|

Adhikarana 12 (17) · Śloka 18

ಸಶೃಙ್ಗವೇರಂ ಸುರದಾರು ಮುಸ್ತಂ ಸಿನ್ಧುಪ್ರಭೂ(ಸೂ)ತಂ ಮುಕುಲಾನಿ ಜಾತ್ಯಾಃ ||೧೭|| ಸುರಾಪ್ರಪಿಷ್ಟಂ ತ್ವಿದಮಞ್ಜನಂ ಹಿ ಕಣ್ಡ್ವಾಂ ಚ ಶೋಫೇ ಚ ಹಿತಂ ವದನ್ತಿ |೧೮|

Adhikarana 13 (18) · Śloka 19

ಸ್ಯನ್ದಾಧಿಮನ್ಥಕ್ರಮಮಾಚರೇಚ್ಚ ಸರ್ವೇಷು ಚೈತೇಷು ಸದಾಽಪ್ರಮತ್ತಃ ||೧೮|| (ವಿಶೇಷತೋ ನಾವನಮೇವ ಕಾರ್ಯಂ ಸಂಸರ್ಜನಂ ಚಾಪಿ ಯಥೋಪದಿಷ್ಟಮ್ ) ||೧೯||

Adhikarana puShpikA · Śloka 11

ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಶಾಲಾಕ್ಯತನ್ತ್ರೇ ಕಫಾಭಿಷ್ಯನ್ದಪ್ರತಿಷೇಧೋ ನಾಮೈಕಾದಶೋಽಧ್ಯಾಯಃ ||೧೧||