10. pittābhiṣyandapratiṣēdhādhyāyaḥ

Adhikarana 1 (1-2) · Śloka 2

അഥാതഃ പിത്താഭിഷ്യന്ദപ്രതിഷേധം വ്യാഖ്യാസ്യാമഃ ||൧|| യഥോവാച ഭഗവാന് ധന്വന്തരിഃ ||൨||

Adhikarana 2 (3) · Śloka 3

പിത്തസ്യന്ദേ പൈത്തികേ ചാധിമന്ഥേ രക്താസ്രാവഃ സ്രംസനം ചാപി കാര്യമ് | അക്ഷ്ണോഃ സേകാലേപനസ്യാഞ്ജനാനി പൈത്തേ ച സ്യാദ്യദ്വിസര്പേ വിധാനമ് ||൩||

Adhikarana 3 (4-5) · Śloka 6

ഗുന്ദ്രാം ശാലിം ശൈവലം ശൈലഭേദം ദാര്വീമേലാമുത്പലം രോധ്രമഭ്രമ് | പദ്മാത്പത്രം ശര്കരാ ദര്ഭമിക്ഷും താലം രോധ്രം വേതസം പദ്മകം ച ||൪|| ദ്രാക്ഷാം ക്ഷൌദ്രം ചന്ദനം യഷ്ടികാഹ്വം യോഷിത്ക്ഷീരം രാത്ര്യനന്തേ ച പിഷ്ട്വാ | സര്പിഃസിദ്ധം തര്പണേ സേകനസ്യേ ശസ്തം ക്ഷീരം സിദ്ധമേതേഷു ചാജമ് ||൫|| യോജ്യോ വര്ഗോ വ്യസ്ത ഏഷോऽന്യഥാ വാ സമ്യങ്നസ്യേऽഷ്ടാര്ധസങ്ഖ്യേऽപി നിത്യമ് |൬|

Adhikarana 4 (6) · Śloka 6

ക്രിയാഃ സര്വാ പിത്തഹര്യഃ പ്രശസ്താസ്ത്ര്യഹാച്ചോര്ധ്വം ക്ഷീരസര്പിശ്ച നസ്യമ് ||൬||

Adhikarana 5 (7) · Śloka 7

പാലാശം സ്യാച്ഛോണിതം ചാഞ്ജനാര്ഥേ ശല്ലക്യാ വാ ശര്കരാക്ഷൌദ്രയുക്തമ് |൭|

Adhikarana 6 (7) · Śloka 7

രസക്രിയാം ശര്കരാക്ഷൌദ്രയുക്താം പാലിന്ദ്യാം വാ മധുകേ വാऽപി കുര്യാത് ||൭||

Adhikarana 7 (8) · Śloka 8

മുസ്താ ഫേനഃ സാഗരസ്യോത്പലം ച കൃമിഘ്നൈലാധാത്രിബീജാദ്രസശ്ച |൮|

Adhikarana 8 (8) · Śloka 8

താലീശൈലാഗൈരികോശീരശങ്ഖൈരേവം യുഞ്ജ്യാദഞ്ജനം സ്തന്യപിഷ്ടൈഃ ||൮||

Adhikarana 9 (9) · Śloka 9

ചൂര്ണം കുര്യാദഞ്ജനാര്ഥേ രസോ വാ സ്തന്യോപേതോ ധാതകീസ്യന്ദനാഭ്യാമ് |൯|

Adhikarana 10 (9) · Śloka 9

യോഷിത്സ്തന്യം ശാതകുമ്ഭം വിഘൃഷ്ടം ക്ഷൌദ്രോപേതം കൈംശുകം ചാപി പുഷ്പമ് ||൯||

Adhikarana 11 (10) · Śloka 10

രോധ്രം ദ്രാക്ഷാം ശര്കരാമുത്പലം ച നാര്യാഃ ക്ഷീരേ യഷ്ടികാഹ്വം വചാം ച | പിഷ്ട്വാ ക്ഷീരേ വര്ണകസ്യ ത്വചം ച തോയോന്മിശ്രേ ചന്ദനോദുമ്ബരേ ച ||൧൦||

Adhikarana 12 (11-12) · Śloka 12

കാര്യഃ ഫേനഃ സാഗരസ്യാഞ്ജനാര്ഥേ നാരീസ്തന്യേ മാക്ഷികേ ചാപി ഘൃഷ്ടഃ | യോഷിത്സ്തന്യേ സ്ഥാപിതം യഷ്ടികാഹ്വം രോധ്രം ദ്രാക്ഷാം ശര്കരാമുത്പലം ച ||൧൧|| ക്ഷൌമാബദ്ധം പഥ്യമാശ്ച്യോതനേ വാ സര്പിര്ഘൃഷ്ടം യഷ്ടികാഹ്വം സരോധ്രമ് | തോയോന്മിശ്രാഃ കാശ്മരീധാത്രിപഥ്യാസ്തദ്വച്ചാഹുഃ കട്ഫലം ചാമ്ബുനൈവ ||൧൨||

Adhikarana 13 (13) · Śloka 13

ഏഷോऽമ്ലാഖ്യേऽനുക്രമശ്ചാപി ശുക്തൌ കാര്യഃ സര്വഃ സ്യാത്സിരാമോക്ഷവര്ജ്യഃ ||൧൩||

Adhikarana 14 (14) · Śloka 14

സര്പിഃ പേയം ത്രൈഫലം തൈല്വകം വാ പേയം വാ സ്യാത് കേവലം യത് പുരാണമ് |൧൪|

Adhikarana 15 (14) · Śloka 14

ദോഷേऽധസ്താച്ഛുക്തികായാമപാസ്തേ ശീതൈര്ദ്രവ്യൈരഞ്ജനം കാര്യമാശു ||൧൪||

Adhikarana 16 (15) · Śloka 15

വൈദൂര്യം യത് സ്ഫാടികം വൈദ്രുമം ച മൌക്തം ശാങ്ഖം രാജതം ശാതകുമ്ഭമ് | ചൂര്ണം സൂക്ഷ്മം ശര്കരാക്ഷൌദ്രയുക്തം ശുക്തിം ഹന്യാദഞ്ജനം ചൈതദാശു ||൧൫||

Adhikarana 17 (16) · Śloka 16

യുഞ്ജ്യാത് സര്പിര്ധൂമദര്ശീ നരസ്തു ശേഷം കുര്യാദ്രക്തപിത്തേ വിധാനമ് | യച്ചൈവാന്യത് പിത്തഹൃച്ചാപി സര്വം യദ്വീസര്പേ പൈത്തികേ വൈ വിധാനമ് ||൧൬||

Adhikarana puShpikA · Śloka 10

ഇതി സുശ്രുതസംഹിതായാമുത്തരതന്ത്രാന്തര്ഗതേ ശാലാക്യതന്ത്രേ പിത്താഭിഷ്യന്ദപ്രതിഷേധോ നാമ ദശമോऽധ്യായഃ ||൧൦||