14. gulmacikitsitādhyāyaḥ

Adhikarana gulmacikitsAdhyAyaH vAtagulme baddhashakRudvAtAdau snigdhaM kRutvA svedaH vAtagulme svedasya Palam (2-3) · Śloka 3

অথাতো গুল্মচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) গুল্মং বদ্ধশকৃদ্বাতং বাতিকং তীব্রবেদনম্| রূক্ষশীতোদ্ভবং তৈলৈঃ সাধযেদ্বাতরোগিকৈঃ||১|| পানান্নান্বাসনাভ্যঙ্গৈঃ স্নিগ্ধস্য স্বেদমাচরেত্| আনাহবেদনাস্তম্ভবিবন্ধেষু বিশেষতঃ||২|| স্রোতসাং মার্দবং কৃত্বা জিত্বা মারুতমুল্বণম্| ভিত্বা বিবন্ধং স্নিগ্ধস্য স্বেদো গুল্মমপোহতি||৩||

Adhikarana gulme snehapAnaM hitamUrdhvanABije gulme visheSheNa snehapAnam pakvAshayagate bastiH jaTharAshraye snehA bastiSca (4) · Śloka 4

স্নেহপানং হিতং গুল্মে বিশেষেণোর্ধ্বনাভিজে| পক্বাশযগতে বস্তিরুভযং জঠরাশ্রযে||৪||

Adhikarana vAtagulme dIptAgnyAdau bRuMhaNAnyannapAnAni snehAnirUhA anuvAsanASca (5-6) · Śloka 6

দীপ্তেঽগ্নৌ বাতিকে গুল্মে বিবন্ধেঽনিলবর্চসোঃ| বৃংহণান্যন্নপানানি স্নিগ্ধোষ্ণানি প্রদাপযেত্||৫|| পুনঃপুনঃ স্নেহপানং নিরূহাঃ সানুবাসনাঃ| প্রযোজ্যা বাতজে গুল্মে কফপিত্তানুরক্ষিণঃ||৬||

Adhikarana bastikarma paraM gulmaghnam tasya hetuH ato vAtapittakaPagulmeShu sAnuvAsanA nirUhAH (7-8) · Śloka 8

বস্তিকর্ম পরং বিদ্যাদ্গুল্মঘ্নং, তদ্ধি মারুতম্| স্বস্থানে প্রথমং জিত্বা সদ্যো গুল্মমপোহতি||৭|| তস্মাদভীক্ষ্ণশো গুল্মা নিরূহৈঃ সানুবাসনৈঃ| প্রযুজ্যমানৈঃ শাম্যন্তি বাতপিত্তকফাত্মকাঃ||৮||

Adhikarana vAtagulme shUlAnAhaharaM hi~ggvAdisarpiH (9-10) · Śloka 10

হিঙ্গুসৌবর্চলব্যোষবিডদিমদীপ্যকৈঃ| পুষ্করাজাজিধান্যাম্লবেতসক্ষারচিত্রকৈঃ||৯|| শঠীবচাগন্ধৈলাসুরসৈর্দধিসংযুতৈঃ| শূলানাহহরং সর্পিঃ সাধযেদ্বাতগুল্মিনাম্||১০||

Adhikarana vAtagulme udarAnAhAdau ca hapuShAdisarpiH (11-13) · Śloka 13

হপুষোষণপৃথ্বীকাপঞ্চকোলকদীপ্যকৈঃ| সাজাজীসৈন্ধবৈর্দধ্না দুগ্ধেন চ রসেন চ||১১|| দাডিমান্মূলকাত্কোলাত্পচেত্সর্পির্নিহন্তি তত্| বাতগুল্মোদরানাহপার্শ্বহৃত্কোষ্ঠবেদনাঃ||১২|| যোন্যর্শোগ্রহণীদোষকাসশ্বাসারুচিজ্বরান্| |১৩|

Adhikarana vAtagulme dAdhikaM ghRutam (13-21) · Śloka 21

| দশমূলং বলাং কালাং সুষবীং দ্বৌ পুনর্নবৌ||১৩|| পৌষ্করৈরণ্ডরাস্নাশ্বগন্ধাভার্গ্যমৃতাশঠীঃ| পচেদ্গন্ধপলাশং চ দ্রোণেঽপাং দ্বিপলোন্মিতম্||১৪|| যবৈঃ কোলৈঃ কুলত্থৈশ্চ মাষৈশ্চ প্রাস্থিকৈঃ সহ| ক্বাথেঽস্মিন্দধিপাত্রে চ ঘৃতপ্রস্থং বিপাচযেত্||১৫|| স্বরসৈর্দাডিমাম্রাতমাতুলুঙ্গোদ্ভবৈর্যুতম্| তথা তুষাম্বুধান্যাম্লশুক্তৈঃ শ্লক্ষ্ণৈশ্চ কল্কিতৈঃ||১৬|| ভার্গীতুম্বুরুষড্গ্রন্থাগ্রন্থিরাস্নাগ্নিধান্যকৈঃ| যবানকযবান্যম্লবেতসাসিতজীরকৈঃ||১৭|| অজাজীহিঙ্গুহপুষাকারবীবৃষকোষকৈঃ| নিকুম্ভকুম্ভমূর্বেভপিপ্পলীবেল্লদাডিমৈঃ||১৮|| শ্বদংষ্ট্রাত্রপুসৈর্বারুবীজহিংস্রাশ্মভেদকৈঃ| মিসিদ্বিক্ষারসুরসসারিবানীলিনীফলৈঃ||১৯|| ত্রিকটুত্রিপটূপেতৈর্দাধিকং তহ্যপোহতি| রোগানাশুতরান্ পূর্বান্ কষ্টানপি চ শীলিতম্||২০|| অপস্মারগদোন্মাদমূত্রাঘাতানিলামযান্| |২১|

Adhikarana vAtagulme tryUShaNAdi ghRutam (21-22) · Śloka 22

| ত্র্যূষণত্রিফলাধান্যচবিকাবেল্লচিত্রকৈঃ||২১|| কল্কীকৃতৈর্ঘৃতং পক্বং সক্ষীরং বাতগুল্মনুত্| |২২|

Adhikarana vAtagulme lashunAdighRutam (22-25) · Śloka 25

| তুলাং লশুনকন্দানাং পৃথক্পঞ্চপলাংশকম্||২২|| পঞ্চমূলং মহচ্চাম্বুভারার্ধে তদ্বিপাচযেত্| পাদশেষং তদর্ধেন দাডিমস্বরসং সুরাম্||২৩|| ধান্যাম্লং দধি চাদায পিষ্টাংশ্চার্ধপলাংশকান্| ত্র্যূষণত্রিফলাহিঙ্গুযবানীচব্যদীপ্যকান্||২৪|| সাম্লবেতসসিন্ধূত্থদেবদারূন্ পচেদ্ধৃতাত্| তৈঃ প্রস্থং তত্পরং সর্ববাতগুল্মবিকারজিত্||২৫||

Adhikarana vAtagulme ShaTpalaM ghRutamapi (26-27) · Śloka 27

ষট্পলং বা পিবেত্ সর্পির্যদুক্তং রাজযক্ষ্মণি| প্রসন্নযা বা ক্ষীরার্থঃ সুরযা দাডিমেন বা||২৬|| ঘৃতে মারুতগুল্মঘ্নঃ কার্যো দধ্নঃ সরেণ বা| |২৭|

Adhikarana vAtagulme vRuddhaM kaPamullikhet (27-28) · Śloka 28

| বাতগুল্মে কফো বৃদ্ধো হত্বাঽগ্নিমরুচিং যদি||২৭|| হৃল্লাসং গৌরবং তন্দ্রাং জনযেদুল্লিখেত্তু তম্| |২৮|

Adhikarana vAtagulme shUlAdiShu kvAthacUrNa vaTakAH (28-29) · Śloka 29

| শূলানাহবিবন্ধেষু জ্ঞাত্বা সস্নেহমাশযম্||২৮|| নির্যূহচূর্ণবটকাঃ প্রযোজ্যা ঘৃতভেষজৈঃ| |২৯|

Adhikarana vAtagulme shUlA cUrNAnAmanupAnam (29-30) · Śloka 30

| কোলদাডিমঘর্মাম্বুতক্রমদ্যাম্লকাঞ্জিকৈঃ||২৯|| মণ্ডেন বা পিবেত্প্রাতশ্চূর্ণান্যন্নস্য বা পুরঃ| |৩০|

Adhikarana vAtagulme kaPayukte vaTakAH (30-31) · Śloka 31

| চূর্ণানি মাতুলুঙ্গস্য ভাবিতান্যসকৃদ্রসে||৩০|| কুর্বীত কার্মুকতরান্ বটকান্ কফবাতযঃ| |৩১|

Adhikarana vAtagulme hiDgvAdi cUrNaM hRucCUlakRucCragulmAdiharam (31-33) · Śloka 33

হিঙ্গুবচাবিজযাপশুগন্ধা- দাডিমদীপ্যকধান্যকপাঠাঃ| পুষ্করমূলশঠীহপুষাগ্নি- ক্ষারযুগত্রিপটুত্রিকটূনি||৩১|| সাজাজিচব্যং সহতিত্তিডীকং সবেতসাম্লং বিনিহন্তি চূর্ণম্| হৃত্পার্শ্ববস্তিত্রিকযোনিপাযু- শূলানি বায্বামকফোদ্ভবানি||৩২|| কৃচ্ছ্রান্ গুল্মান্ বাতবিণ্মূত্রসঙ্গং কণ্ঠে বন্ধং হৃদ্গ্রহং পাণ্ডুরোগম্| অন্নাশ্রদ্ধাপ্লীহদুর্নামহিধ্মা- বর্ধ্মাধ্মানশ্বাসকাসাগ্নিসাদান্||৩৩||

Adhikarana vAtagulme vaishvAnaraScUrNaH (34) · Śloka 34

লবণযবানীদীপ্যক- কণনাগরমুত্তরোত্তরং বৃদ্ধম্| সর্বসমাংশহরীতকী- চূর্ণং বৈশ্বানরঃ সাক্ষাত্||৩৪||

Adhikarana vAtagulme trikaTukAdi cUrNam (35) · Śloka 35

ত্রিকটুকমজমোদা সৈন্ধবং জীরকে দ্বে সমধরণধৃতানামষ্টমো হিঙ্গুভাগঃ| প্রথমকবলভোজ্যঃ সর্পিষা সংপ্রযুক্তো জনযতি জঠরাগ্নিং বাতগুল্মং নিহন্তি||৩৫||

Adhikarana vAtagulme shArdUlaScUrNaH (36) · Śloka 36

হিঙ্গূগ্রাবিডশুণ্ঠ্যজাজিবিজযাবাট্যাভিধানামযৈ- শ্চূর্ণঃ কুম্ভনিকুম্ভমূলসহিতৈর্ভাগোত্তরং বর্ধিতৈঃ| পীতঃ কোষ্ণজলেন কোষ্ঠজরুজো গুল্মোদরাদীনযং শার্দূলঃ প্রসভং প্রমথ্য হরতি ব্যাধীন্ মৃগৌঘানিব||৩৬||

Adhikarana vAtagulme sindhUtthAdicUrNam (37) · Śloka 37

সিন্ধূত্থপথ্যাকণদীপ্যকানাং চূর্ণানি তোযৈঃ পিবতাং কবোষ্ণৈঃ| প্রযাতি নাশং কফবাতজন্মা নারাচনির্ভিন্ন ইবামযৌঘঃ||৩৭||

Adhikarana vAtagulme pUtIkAdiBasma (38) · Śloka 38

পূতিকপত্রগজচির্ভটচব্যবহ্নি- ব্যোষং চ সংস্তরচিতং লবণোপধানম্| দগ্ধ্বা বিচূর্ণ্য দধিমস্তুযুতং প্রযোজ্যং গুল্মোদরশ্বযথুপাণ্ডুগুদোদ্ভবেষু||৩৮||

Adhikarana vAtagulme hi~ggvAdi (39-40) · Śloka 40

| হিঙ্গুত্রিগুণং সৈন্ধবমস্মাত্ত্রিগুণং চ তৈলমৈরণ্ডম্||৩৯|| তত্ত্রিগুণরসোনরসং গুল্মোদরবর্ধ্মশূলঘ্নম্| |৪০|

Adhikarana vAtagulme mAtulu~ggarasAdi (40-41) · Śloka 41

| মাতুলুঙ্গরসো হিঙ্গু দাডিমং বিডসৈন্ধবম্||৪০|| সুরামণ্ডেন পাতব্যং বাতগুল্মরুজাপহম্| |৪১|

Adhikarana vAtagulme shuNThyAdicUrNam (41-42) · Śloka 42

| শুণ্ঠ্যাঃ কর্ষং গুডস্য দ্বৌ ধৌতাত্কৃষ্ণতিলাত্পলম্||৪১|| খাদন্নেকত্র সঞ্চূর্ণ্য কোষ্ণক্ষীরানুপো জযেত্| বাতহৃদ্রোগগুল্মার্শোযোনিশূলশকৃদ্গ্রহান্||৪২||

Adhikarana vAtagulme sakaPe eraNDatailaM prasannayA,vAtagulme sapite eraNDatailaM payasA (43) · Śloka 43

পিবেদেরণ্ডতৈলং তু বাতগুল্মী প্রসন্নযা| শ্লেষ্মণ্যনুবলে বাযৌ, পিত্তে তু পযসা সহ||৪৩||

Adhikarana vAtagulme sasantApe sasneho virekaH vAtagulme sasantApe raktamokShaH (44-45) · Śloka 45

বিবৃদ্ধং যদি বা পিত্তং সন্তাপং বাতগুল্মিনঃ| কুর্যাদ্বিরেচনীযোঽসৌ সস্নেহৈরানুলোমিকৈঃ||৪৪|| তাপানুবৃত্তাবেবং চ রক্তং তস্যাবসেচযেত্| |৪৫|

Adhikarana vAtagulme lashunakShIraM udAvartAdiharam (45-47) · Śloka 47

| সাধযেচ্ছুদ্ধশুষ্কস্য লশুনস্য চতুষ্পলম্||৪৫|| ক্ষীরোদকেঽষ্টগুণিতে ক্ষীরশেষং চ পাচযেত্| বাতগুল্মমুদাবর্তং গৃধ্রসীং বিষমজ্বরম্||৪৬|| হৃদ্রোগং বিদ্রধিং শোষং সাধযত্যাশু তত্পযঃ| |৪৭|

Adhikarana vAtagulme tailAdimishraNam (47-48) · Śloka 48

| তৈলং প্রসন্না গোমূত্রমারনালং যবাগ্রজঃ||৪৭|| গুল্মং জঠরমানাহং পীতমেকত্র সাধযেত্| |৪৮|

Adhikarana vAtagulme citrakAdikvAthaH (48-49) · Śloka 49

| চিত্রকগ্রন্থিকৈরণ্ডশুণ্ঠীক্বাথঃ পরং হিতঃ||৪৮|| শূলানাহবিবন্ধেশু সহিঙ্গুবিডসৈন্ধবঃ| |৪৯|

Adhikarana vAtagulme puShkarAdikvAthaH (49-50) · Śloka 50

| পুষ্করৈরণ্ডযোর্মূলং যবধন্বযবাসকম্||৪৯|| জলেন ক্বথিতং পীতং কোষ্ঠদাহরুজাপহম্| |৫০|

Adhikarana vAtagulme vATyAdikvAthaH (50-51) · Śloka 51

| বাট্যাহ্বৈরণ্ডদর্ভাণাং মূলং দারু মহৌষধম্||৫০|| পীতং নিঃক্বাথ্য তোযেন কোষ্ঠপৃষ্ঠাংসশূলজিত্| |৫১|

Adhikarana vAtagulme shilAjatu payasA (51-52) · Śloka 52

| শিলাজং পযসাঽনল্পপঞ্চমূলশ্রৃতেন বা||৫১|| বাতগুল্মী পিবেত্| |৫২|

Adhikarana vAtagulme udAvarte vATyaBojanam (52) · Śloka 52

বাট্যমুদাবর্তে তু ভোজযেত্| স্নিগ্ধং পৈপ্পলিকৈর্যূষৈর্মূলকানাং রসেন বা||৫২||

Adhikarana vAtagulme baddhaviNmArUte yavAnnaM kulmAshA vA (53) · Śloka 53

বদ্ধবিণ্মারুতোঽশ্র্নীযাত্ক্ষীরেণোষ্ণেন যাবকম্| কুল্মাষান্ বা বহুস্নেহান্ ভক্ষযেল্লবণোত্তরান্||৫৩||

Adhikarana vAtagulme samale nIlinyAdi ghRutam (54) · Śloka 54

নীলিনীত্রিবৃতাদন্তীপথ্যাকম্পিল্লকৈঃ সহ| সমলায ঘৃতং দেযং সবিডক্ষারনাগরম্||৫৪||

Adhikarana vAtagulme kukkuTAdimAMsam (55-58) · Śloka 58

নীলিনীং ত্রিফলাং রাস্নাং বলাং কটুকরোহিণীম্| পচেদ্বিডঙ্গং ব্যাঘ্রীং চ পালিকানি জলাঢকে||৫৫|| রসেঽষ্টভাগশেষে তু ঘৃতপ্রস্থং বিপাচযেত্| দধ্নঃ প্রস্থেন সংযোজ্য সুধাক্ষীরপলেন চ||৫৬|| ততো ঘৃতপলং দদ্যাদ্যবাগূমণ্ডমিশ্রিতম্| জীর্ণে সম্যগ্বিরিক্তং চ ভোজযেদ্রসভোজনম্||৫৭|| গুল্মকুষ্ঠোদরব্যঙ্গশোফপাণ্ড্বামযজ্বরান্| শ্বিত্রং প্লীহানমুন্মাদং হন্ত্যেতন্নীলিনীঘৃতম্||৫৮||

Adhikarana vAtagulme shAlyannaM madirA ghRutam (59) · Śloka 59

কুক্কুটাশ্চ মযূরাশ্চ তিত্তিরিক্রৌঞ্চবর্তকাঃ| শালযো মদিরা সর্পির্বাতগুল্মচিকিত্সিতম্||৫৯||

Adhikarana vAtagulme annapAnaM ca (60) · Śloka 60

মিতমুষ্ণং দ্রবং স্নিগ্ধং ভোজনং বাতগুল্মিনাম্| সমণ্ডা বারুণী পানং তপ্তং বা ধান্যকৈর্জলম্||৬০||

Adhikarana pittagulme snigdhoShNaje virekaH (61) · Śloka 61

স্নিগ্ধোষ্ণেনোদিতে গুল্মে পৈত্তিকে স্রংসনং হিতম্| |৬১|

Adhikarana pittagulme drAkShAdivirecanam (61-62) · Śloka 62

দ্রাক্ষাভযাগুডরসং কম্পিল্লং বা মধুদ্রুতম্||৬১|| কল্পোত্কং রক্তপিত্তোক্তং| |৬২|

Adhikarana pittagulme rUkShoShNaje saMshamanam,pittarUkSho tiktAdighRutam pittarUkSho tRuNapa~jcamUlAdi kShIram (62-63) · Śloka 63

গুল্মে রূক্ষোষ্ণজে পুনঃ| পরং সংশমনং সর্পিস্তিক্তং বাসাঘৃতং শ্রৃতম্||৬২|| তৃণাখ্যপঞ্চাক্বাথে জীবনীযগণেন বা| শ্রৃতং তেনৈব বা ক্ষীরং ন্যগ্রোধাদিগণেন বা||৬৩||

Adhikarana pittagulme rUkShoShNaje Atyayike virek (64) · Śloka 64

তত্রাপি স্রংসনং যুঞ্জ্যাচ্ছীঘ্রমাত্যযিকে ভিষক্| |৬৪|

Adhikarana pittagulme rUkShoShNaje Atyayike virekadravyaghRutaM kShIraM vAhNaje (64) · Śloka 64

| বৈরেচনিকসিদ্ধেন সর্পিষা পযসাঽপি বা||৬৪||

Adhikarana pittagulme AmalakAdighRutam (65-66) · Śloka 66

রসেনামলকেক্ষূণাং ঘৃতপ্রস্থং বিপাচযেত্| পথ্যাপাদং পিবেত্সর্পিস্তত্সিদ্ধং পিত্তগুল্মনুত্||৬৫|| পিবেদ্বা তৈল্বকং সর্পির্যচ্চোক্তং পিত্তবিদ্রধৌ| |৬৬|

Adhikarana pittagulme drAkShAdikalkaH (66-67) · Śloka 67

| দ্রাক্ষাং পযস্যাং মধুকং চন্দনং পদ্মকং মধু||৬৬|| পিবেত্তণ্ডুলতোযেন পিত্তগুল্মোপশান্তযে| |৬৭|

Adhikarana pittagulme trAyamANAkvAthaH (67-69) · Śloka 69

| দ্বিপলং ত্রাযমাণাযা জলদ্বিপ্রস্থসাধিতম্||৬৭|| অষ্টভাগস্থিতং পূতং কোষ্ণং ক্ষীরসমং পিবেত্| পিবেদুপরি তস্যোষ্ণং ক্ষীরমেব যথাবলম্||৬৮|| তেন নির্হৃতদোষস্য গুল্মঃ শাম্যতি পৈত্তিকঃ| |৬৯|

Adhikarana pittagulme dAhe shItairghRutAdibhirabhya~ggalepasparshAdiShu raktaharaNamulme (69-70) · Śloka 70

| দাহেঽভ্যঙ্গো ঘৃতৈঃ শীতৈঃ সাজ্যৈর্লেপো হিমৌষধৈঃ||৬৯|| স্পর্শঃ সরোরুহাং পত্রৈঃ পাত্রৈশ্চ প্রচলজ্জলৈঃ| |৭০|

Adhikarana pittagulme raktasruteH phalamulme (70-72) · Śloka 72

| বিদাহপূর্বরূপেষু শূলে বহ্নেশ্চ মার্দবে||৭০|| বহুশোঽপহরেদ্রক্তং পিত্তগুল্মে বিশেষতঃ| ছিন্নমূলা বিদহ্যন্তে ন গুল্মা যান্তি চ ক্ষযম্||৭১|| রক্তং হি ব্যম্লতাং যাতি, তচ্চ নাস্তি ন চাস্তি রুক্| |৭২|

Adhikarana pittagulme mlAnatve jA~ggalarasaH pitta sasheShArtau sarpiH (72-73) · Śloka 73

| হৃতদোষং পরিম্লানং জাঙ্গলৈস্তর্পিতং রসৈঃ||৭২|| সমাশ্বস্তং সশোষার্তিং সর্পিরভ্যাসযেত্পুনঃ| |৭৩|

Adhikarana pittagulme pAkonmukhe pittavidradhivat kriyA (73-74) · Śloka 74

| রক্তপিত্তাতিবৃদ্ধত্বাত্ক্রিযামনুপলভ্য বা||৭৩|| গুল্মে পাকোন্মুখে সর্বা পিত্তবিদ্রধিবত্ক্রিযা| |৭৪|

Adhikarana pittagulme annaM pAnaM ca (74-75) · Śloka 75

| শালির্গব্যাজপযসী পটোলী জাঙ্গলং ঘৃতম্||৭৪|| ধাত্রী পরূষকং দ্রাক্ষা খর্জূরং দাডিমং সিতা| ভোজ্যং, পানেঽম্বু বলযা বৃহত্যাদ্যৈশ্চ সাধিতম্||৭৫||

Adhikarana shleShmagulme pUrvaM vamanam shleShmAvamye upavAsaH shleShma tiktAdisaMsargyA hi~ggvAdiBiSca vanhisandhukShaNam (76-77) · Śloka 77

শ্লেষ্মজে বামযেত্পূর্বমবম্যমুপবাসযেত্| তিক্তোষ্ণকটুসংসর্গ্যা বহ্নিং সন্ধুক্ষযেত্ততঃ||৭৬|| হিঙ্গ্বাদিভিশ্চ দ্বিগুণক্ষারহিঙ্গ্বম্লবেতসৈঃ| |৭৭|

Adhikarana shleShmagulme nigUDhatvAdiyute svedanaM ghRutapAnaM ca (77-78) · Śloka 78

| নিগূঢং যদি বোন্নদ্ধং স্তিমিতং কঠিনং স্থিরম্||৭৭|| আনাহাদিযুতং গুল্মং সংস্বেদ্য বিনযেদনু| ঘৃতং সক্ষারকটুকং পাতব্যং কফগুল্মিনাম্||৭৮||

Adhikarana shleShmagulme dashamUlaghRutam (79) · Śloka 79

সব্যোষক্ষারলবণং সহিঙ্গুবিডদাডিমম্| কফগুল্মং জযত্যাশু দশমূলশ্ঘৃতং ঋতম্||৭৯||

Adhikarana shleShmagulme bhallAtakaghRutam (80-83) · Śloka 83

ভল্লাতকানাং দ্বিপলং পঞ্চমূলং পলোন্মিতম্| অল্পং তোযাঢকে সাধ্যং পাদশেষেণ তেন চ||৮০|| তুল্যং ঘৃতং তুল্যপযো বিপচেদক্ষসম্মিতৈঃ| বিডঙ্গহিঙ্গুসিন্ধূত্থযাবশূকশঠীবিডৈঃ||৮১|| সদ্বীপিরাস্নাযষ্ট্যাহ্বষড্গ্রন্থাকণনাগরৈঃ| এতদ্ভল্লাতকঘৃতং কফগুল্মহরং পরম্||৮২|| প্লীহপাণ্ড্বামযশ্বাসগ্রহণীরোগকাসজিত্| |৮৩|

Adhikarana shleShmagulme sarvadehe ca svedaH (83) · Śloka 83

| ততোঽস্য গুল্মে দেহে চ সমস্তে স্বেদমাচরেত্||৮৩||

Adhikarana shleShmagulme snehasvedaphalam (84) · Śloka 84

সর্বত্র গুল্মে প্রথমং স্নেহস্বেদোপপাদিতে| যা ক্রিযা ক্রিযতে যাতি সা সিদ্ধিং ন বিরূক্ষিতে||৮৪||

Adhikarana shleShmagulme ghaTikAyojanam shleShma tato gulmavidAraNam shleShma tataH prapIDanaM mraMkShaNaM ca (85-87) · Śloka 87

স্নিগ্ধস্বিন্নশরীরস্য গুল্মে শৈথিল্যমাগতে| যথোক্তাং ঘটিকাং ন্যস্যেদ্গৃহীতেঽপনযেচ্চ তাম্||৮৫|| বস্ত্রান্তরং ততঃ কৃত্বা ছিন্দ্যাদ্গুল্মং প্রমাণবিত্| বিমার্গাজপদাদর্শৈর্যথালাভং প্রপীডযেত্||৮৬|| প্রমৃজ্যাদ্গুল্মমেবৈকং ন ত্বন্ত্রহৃদযং স্পৃশেত্| |৮৭|

Adhikarana shleShmagulme tato lepaH svedashca (87-88) · Śloka 88

| তিলৈরণ্ডাতসীবীজসর্ষপৈঃ পরিলিপ্য চ||৮৭|| শ্লেষ্মগুল্মমযস্পাত্রৈঃ সুখোষ্ণৈঃ স্বেদযেত্ততঃ| |৮৮|

Adhikarana shleShmagulme evaM sthAnAccalite virecanairbastibhishca shodhanam (88-89) · Śloka 89

| এবং চ বিসৃতং স্থানাত্ কফগুল্মং বিরেচনৈঃ||৮৮|| সস্নেহৈর্বস্তিভিশ্চৈনং শোধযেদ্দাশমূলিকৈঃ| |৮৯|

Adhikarana shleShmagulme miSrakaH sneha sraMsanaH (89-91) · Śloka 91

| পিপ্পল্যামলকদ্রাক্ষাশ্যামাদ্যৈঃ পালিকৈঃ পচেত্||৮৯|| এরণ্ডতৈলহবিষোঃ প্রস্থৌ পযসি ষড্গুণে| সিদ্ধোঽযং মিশ্রকঃ স্নেহো গুল্মিনাং স্রংসনং হিতম্||৯০|| বৃদ্ধিবিদ্রধিশূলেষু বাতব্যাধিষু চামৃতম্| |৯১|

Adhikarana shleShmagulme nIlinIghRutaM straMsanam shleShma sukumAraM ghRutaM straMsanam (91-92) · Śloka 92

| পিবেদ্বা নীলিনীসর্পির্মাত্রযা দ্বিপলীনযা||৯১|| তথৈব সুকুমারাখ্যং ঘৃতান্যৌদরিকাণি বা| |৯২|

Adhikarana shleShmagulme udaroktaghRutAni sraMsanam shleShma dantIharItakyaH straMsanam (92-97) · Śloka 97

| দ্রোণেঽম্ভসঃ পচেদ্দন্ত্যাঃ পলানাং পঞ্চবিংশতিম্||৯২|| চিত্রকস্য তথা পথ্যাস্তাবতীস্তদ্রসে স্রুতে| দ্বিপ্রস্থে সাধযেত্পূতে ক্ষিপেদ্দন্তীসমং গুডম্||৯৩|| তৈলাত্পলানি চত্বারি ত্রিবৃতাযাশ্চ চর্ণতঃ| কণাকর্ষৌ তথা শুণ্ঠ্যাঃ সিদ্ধে লেহে তু শীতলে||৯৪|| মধু তৈলসমং দদ্যাচ্চতুর্জাতাচ্চতুর্থিকাম্| অতো হরীতকীমেকাং সাবলেহপলামদন্||৯৫|| সুখং বিরিচ্যতে স্নিগ্ধো দোষপ্রস্থমনামযঃ| গুল্মহৃদ্রোগদুর্নামশোফানাহগরোদরান্||৯৬|| কুষ্ঠোত্ক্লেশারুচিপ্লীহগ্রহণীবিষমজ্বরান্| ঘ্নন্তি দন্তীহরীতক্যঃ পাণ্ডুতাং চ সকামলাম্||৯৭||

Adhikarana shleShmagulme trivRutAcUrNam straMsanam (98) · Śloka 98

সুধাক্ষীরদ্রবং চূর্ণং ত্রিবৃতাযাঃ সুভাবিতম্| কার্ষিকং মধুসর্পির্ভ্যাং লীঢ্বা সাধু বিরিচ্যতে||৯৮||

Adhikarana shleShmagulme kuShThAdicUrNam sraMsanam (99) · Śloka 99

কুষ্ঠশ্যামাত্রিবৃদ্দন্তীবিজযাক্ষারগুগ্গুলূন্| গোমূত্রেণ পিবেদকং তেন গুগ্গুলুমেব বা||৯৯||

Adhikarana shleShmagulme gugguluH sraMsanam shleShma kalpasidhyuktA nirUhAH (100) · Śloka 100

নিরূহান্ কল্পসিধ্দ্যুক্তান্ যোজযেদ্গুল্মনাশনান্| |১০০|

Adhikarana shleShmagulme kRutamUlatvAdiyute kShArAriShTAgnikarmANi (100-102) · Śloka 102

| কৃতমূলং মহাবাস্তুং কঠিনং স্তিমিতং গুরুম্||১০০|| গূঢমাংসং জযেদ্গুল্মং ক্ষারারিষ্টাগ্নিকর্মভিঃ| একান্তরং দ্ব্য্ন্তরং বা বিশ্রময্যাথ বা ত্র্যহম্||১০১|| শরীরদোষবলযোর্বর্ধনক্ষপণোদ্যতঃ| |১০২|

Adhikarana shleShmagulme arshoshmarIgrahaNyuktAHkShArAH (102) · Śloka 102

| অর্শোশ্মরীগ্রহণ্যুক্তাঃ ক্ষারা যোজ্যাঃ কফোল্বণে||১০২||

Adhikarana shleShmagulme kShAraH CedanaBedanapAtanakRut (103-108) · Śloka 108

দেবদারুত্রিবৃদ্দন্তীকটুকাপঞ্চকোলকম্| স্বর্জিকাযাবশূকাখ্যৌ শ্রেষ্ঠাপাঠোপকুঞ্চকম্||১০৩|| কুষ্ঠং সর্পসুগন্ধাং চ দ্ব্যক্ষাংশং পটুপঞ্চকম্| পালিকং চূর্ণিতং তৈলবসাদধিঘৃতাপ্লুতম্||১০৪|| ঘতস্যান্তঃ পচেত্পক্বমগ্নিবর্ণে ঘটে চ তম্| ক্ষারং গৃহীত্বা ক্ষীরাজ্যতক্রমদ্যাদিভিঃ পিবেত্||১০৫|| গুল্মোদাবর্তবর্ধ্মার্শোজঠরগ্রহণীকৃমীন্| অপস্মারগরোন্মাদযোনিশুক্রামযাশ্মরীঃ||১০৬|| ক্ষারাগদোঽযং শমযেদ্বিষং চাখুভুজঙ্গজম্| শ্লেষ্মাণং মধুরং স্নিগ্ধং রসক্ষীরঘৃতাশিনঃ||১০৭|| ছিত্ত্বা ভিত্ত্বাঽঽশযাত্ ক্ষারঃ ক্ষরত্বাত্ক্ষারযত্যধঃ| |১০৮|

Adhikarana shleShmagulme mandAgnyAdiyute AsavAriShTayojanA (108-109) · Śloka 109

| মন্দেঽগ্নাবরুচৌ সাত্মযৈর্মদ্যৈঃ সস্নেহমশ্নতাম্||১০৮|| যোজযেদাসবারিষ্টান্নিগদান্ মার্গশুদ্ধযে| |১০৯|

Adhikarana shleShmagulme shAlyAdyannam shleShma vArUNyAdipAnam (109-112) · Śloka 112

| শালযঃ ষষ্টিকা জীর্ণাঃ কুলত্থা জাঙ্গলং ফলম্||১০৯|| চিরিবিল্বাগ্নিতর্কারীযবানীবরুণাঙ্কুরাঃ| শিগ্রুস্তরুণবিল্বানি বালং শুষ্কং চ মূলকম্||১১০|| বীজপূরকহিঙ্গ্বম্লবেতসক্ষারদাডিমম্| ব্যোষং তক্রং ঘৃতং তৈলং ভক্তং, পানং তু বারুণী||১১১|| ধান্যাম্লং মস্তু তক্রং চ যবানীবিডচূর্ণিতম্| পঞ্চমূলশ্রৃতং বারি জীর্ণং মার্দ্বীকমেব বা||১১২||

Adhikarana shleShmagulme surA jagalaSca (113) · Śloka 113

পিপ্পলীপিপ্পলীমূলচিত্রকাজাজিসৈন্ধবৈঃ| সুরা গুল্মং জযত্যাশু জগলশ্চ বিমিশ্রিতঃ||১১৩||

Adhikarana shleShmagulme vamanAdiBirashame dAhaH (114-115) · Śloka 115

বমনৈর্লঙ্ঘনৈঃ স্বেদৈঃ সর্পিঃপানৈর্বিরেচনৈঃ| বস্তিক্ষারাসবারিষ্টগুলিকাপথ্যভোজনৈঃ||১১৪|| শ্লৈষ্মিকো বদ্ধমূলত্বাদ্যদি গুল্মো ন শাম্যতি| তস্য দাহং হৃতে রক্তে কুর্যাদন্তে শরাদিভিঃ||১১৫||

Adhikarana shleShmagulme dAhavidhAnam (116-118) · Śloka 118

অথ গুল্মং সপর্যন্তং বাসসাঽন্তরিতং ভিষক্| নাভিবস্ত্যন্ত্রহৃদযং রোমরাজীং চ বর্জযন্||১১৬|| নাতিগাঢং পরিমৃশেচ্ছরেণ জ্বলতাঽথবা| লোহেনারণিকোত্থেন দারুণা তৈন্দুকেন বা||১১৭|| ততোঽগ্নিবেগে শমিতে শীতৈর্ব্রণ ইব ক্রিযা| |১১৮|

Adhikarana shleShmagulme AmAnvaye la~gghanAdi dvidoShaje tridoShaje ca gulme mishraH kramaH (118-119) · Śloka 119

| আমান্বযে তু পেযাদ্যৈঃ সন্ধুষ্যাগ্নিং বিলঙ্ঘিতে||১১৮|| স্বং স্বং কুর্যাত্ক্রমং মিশ্রং মিশ্রদোষে চ কালবিত্| |১১৯|

Adhikarana raktagulme snehavirecanam (119-12) · Śloka 12

| গতপ্রসবকালাযৈ নার্যৈ গুল্মেঽস্রসম্ভবে||১১৯|| স্নিগ্ধস্বিন্নশরীরাযৈ দদ্যাত্স্নেহবিরেচনম্| ||১২||

Adhikarana raktagulme tilakvAthaH (120-121) · Śloka 121

| তিলক্বাথো ঘৃতগুডব্যোষভার্গীরজোন্বিতঃ||১২০|| পানং রক্তভবে গুল্মে নষ্টে পুষ্পে চ যোষিতঃ| |১২১|

Adhikarana raktagulme BAr~ggyAdicUrNam (121-122) · Śloka 122

| ভার্ঙ্গীকৃষ্ণাকরঞ্জত্বগ্গ্রন্থিকামরদারুজম্||১২১|| চূর্ণং তিলানাং ক্বাথেন পীতং গুল্মরুজাপহম্| |১২২|

Adhikarana raktagulme palAshakShArasiddho yamakasnehaH (122-123) · Śloka 123

| পলাশক্ষারপাত্রে দ্বে দ্বে পাত্রে তৈলসর্পিষোঃ||১২২|| গুল্মশৈথিল্যজননীং পক্ত্বা মাত্রাং প্রযোজযেত্| |১২৩|

Adhikarana raktagulme evamaBidyamAne yonivirecanam (123) · Śloka 123

| ন প্রভিদ্যেত যদ্যেবং দদ্যাদ্যোনিবিরেচনম্||১২৩||

Adhikarana raktagulme yonivirecanayogAH (124-127) · Śloka 127

ক্ষারেণ যুক্তং পললং সুধাক্ষীরেণ বা ততঃ| তাভ্যাং বা ভাবিতান্দদ্যাদ্যোনৌ কটুকমত্স্যকান্||১২৪|| বরাহমত্স্যপিত্তাভ্যাং নক্তকান্ বা সুভাবিতান্| কিণ্বং বা সগুডক্ষারং দদ্যাদ্যোনৌ বিশুদ্ধযে||১২৫|| রক্তপিত্তহরং ক্ষারং লেহযেন্মধুসর্পিষা| লশুনং মদিরাং তীক্ষ্ণাং মত্স্যাংশ্চাস্যৈ প্রযোজযেত্||১২৬|| বস্তিং সক্ষীরগোমূত্রং সক্ষারং দাশমূলিকম্| |১২৭|

Adhikarana raktagulme apravRutte rakte gulmaBedanam (127) · Śloka 127

| অবর্তমানে রুধিরে হিতং গুল্মপ্রভেদনম্||১২৭||

Adhikarana raktagulme pravRutte rakte upekShaNam rakta pravRutte mAMsarasApAnam rakta pravRutte tarUNIsurApAnam (128) · Śloka 128

যমকাভ্যক্তদেহাযাঃ প্রবৃত্তে সমুপেক্ষণম্| রসৌদনস্তথাঽঽহারঃ পানং চ তরুণী সুরা||১২৮||

Adhikarana raktagulme atipravRutte rakte rakta pittaharakriyA, rakta vAtau vAtaharA kriyA, rakta AnAhAdau udAvartabalAsaghnIkriyA (14) · Śloka 14

রুধিরেঽতিপ্রবৃত্তে তু রক্তপিত্তহরাঃ ক্রিযাঃ| কার্যা বাতরুগার্তাযাঃ সর্বা বাতহরাঃ পুনঃ||১২৯|| আনাহাদাবুদাবর্তবলাসঘ্নো যথাযথম্| ১২৯ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে গুল্মচিকিত্সিতং নাম চতুর্দশোঽধ্যাযঃ||১৪||