1. jvaracikitsitādhyāyaḥ

Adhikarana jvaracikitsitAdhyAyaH (2) · Śloka 2

ಅಥಾತೋ ಜ್ವರಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ)|೨|

Adhikarana jvarasaMprAptiHla~gghanakAraNam la~gghanAvasthA (1-2) · Śloka 2

ಆಮಾಶಯಸ್ಥೋ ಹತ್ವಾಽಗ್ನಿಂ ಸಾಮೋ ಮಾರ್ಗಾನ್ ಪಿಧಾಯ ಯತ್| ವಿದಧಾತಿ ಜ್ವರಂ ದೋಷಸ್ತಸ್ಮಾತ್ಕುರ್ವೀತ ಲಙ್ಘನಮ್||೧|| ಪ್ರಾಗೂಪೇಷು ಜ್ವರಾದೌ ವಾ, ಬಲಂ ಯತ್ನೇನ ಪಾಲಯನ್| ಬಲಾಧಿಷ್ಠಾನಮಾರೋಗ್ಯಮಾರೋಗ್ಯಾರ್ಥಃ ಕ್ರಿಯಾಕ್ರಮಃ||೨||

Adhikarana la~gghanaPalam (3) · Śloka 3

ಲಙ್ಘನೈಃ ಕ್ಷಪಿತೇ ದೋಷೇ ದೀಪ್ತೇಽಗ್ನೌ ಲಾಘವೇ ಸತಿ| ಸ್ವಾಸ್ಥ್ಯಂ ಕ್ಷುತ್ತೃಡ್ ರುಚಿಃ ಪಕ್ತಿರ್ಬಲಮೋಜಶ್ಚ ಜಾಯತೇ||೩||

Adhikarana jvaravisheShe vamanam (4-5) · Śloka 5

ತತ್ರೋತ್ಕೃಷ್ಟೇ ಸಮುತ್ಕ್ಲಿಷ್ಟೇ ಕಫಪ್ರಾಯೇ ಚಲೇ ಮಲೇ| ಸಹೃಲ್ಲಾಸಪ್ರಸೇಕಾನ್ನದ್ವೇಷಕಾಸವಿಷೂಚಿಕೇ||೪|| ಸದ್ಯೋಭುಕ್ತಸ್ಯ ಸಞ್ಜಾತೇ ಜ್ವರೇ ಸಾಮೇ ವಿಶೇಷತಃ| ವಮನಂ ವಮನಾರ್ಹಸ್ಯ ಶಸ್ತಂ|೫|

Adhikarana anyathAvamane doShaH (5-6) · Śloka 6

| ಕುರ್ಯಾತ್ತದನ್ಯಥಾ||೫|| ಶ್ವಾಸಾತೀಸಾರಸಮ್ಮೋಹಹೃದ್ಗೋಗವಿಷಮಜ್ವರಾನ್| |೬|

Adhikarana vamanayogAH (6-8) · Śloka 8

| ಪಿಪ್ಪ್ಪಲೀಭಿರ್ಯುತಾನ್ ಗಾಲಾನ್ ಕಲಿಙ್ಗೈರ್ಮಧುಕೇನ ವಾ||೬|| ಉಷ್ಣಾಮ್ಭಸಾ ಸಮಧುನಾ ಪಿಬೇತ್ಸಲವಣೇನ ವಾ| ಪಟೋಲನಿಮ್ಬಕರ್ಕೋಟವೇತ್ರಪತ್ರೋದಕೇನ ವಾ||೭|| ತರ್ಪಣೇನ ರಸೇನೇಕ್ಷೋರ್ಮದ್ಯೈಃ ಕಲ್ಪೋದಿತಾನಿ ವ| ವಮನಾನಿ ಪ್ರಯುಞ್ಜೀತ ಬಲಕಾಲವಿಭಾಗವಿತ್||೮||

Adhikarana annavarjanam (9) · Śloka 9

ಕೃತೇಽಕೃತೇ ವಾ ವಮನೇ ಜ್ವರೀ ಕುರ್ಯಾದ್ವಿಶೋಷಣಮ್| ದೋಷಾಣಾಂ ಸಮುದೀರ್ಣಾನಾಂ ಪಾಚನಾಯ ಶಮಾಯ ಚ||೯||

Adhikarana annavarjane yuktiH (10) · Śloka 10

ದೋಷೇಣ ಭಸ್ಮನೇವಾಗ್ನೌ ಛನ್ನೇಽನ್ನಂ ನ ವಿಪಚ್ಯತೇ| ತಸ್ಮಾದಾದೋಷಪಚನಾಜ್ಜ್ವರಿತಾನುಪವಾಸಯೇತ್||೧೦||

Adhikarana udakavarjanam uShNAmbudoShAH shItAmbudoShAH (11-13) · Śloka 13

ತೃಷ್ಣಗಲ್ಪಾಲ್ಪಮುಷ್ಣಮ್ಬು ಪಿಬೇದ್ವಾತಕಫಜ್ವರೇ| ತತ್ಕಫಂ ವಿಲಯಂ ನೀತ್ವಾ ತೃಷ್ಣಾಮಾಶು ನಿವರ್ತಯೇತ್||೧೧|| ಉದೀರ್ಯ ಚಾಗ್ನಿಂ ಸ್ತ್ರೋತಾಂಸಿ ಮೃದೂಕೃತ್ಯ ವಿಶೋಧಯೇತ್| ಲೀನಪಿತ್ತಾನಿಲಸ್ವೇದಶಕೃನ್ಮೂತ್ರಾನುಲೋಮನಮ್||೧೨|| ನಿದ್ರಾಜಾಡ್ಯಾರುಚಿಹರಂ ಪ್ರಾಣಾನಾಮವಲಮ್ಬನಮ್| ವಿಪರೀತಮತಃ ಶೀತಂ ದೋಷಸಙ್ಘಾತವರ್ದ್ಧನಮ್||೧೩||

Adhikarana javaravisheShe uShNAmbuniShedhaH (14-15) · Śloka 15

ಉಷ್ಣಮೇವಂಗುಣತ್ವೇಽಪಿ ಯುಞ್ಜ್ಯಾನ್ನೈಕಾನ್ತಪಿತ್ತಲೇ| ಉದ್ರಿಕ್ತಪಿತ್ತೇ ದವಥುದಾಹಮೋಹಾತಿಸಾರಿಣಿ||೧೪|| ವಿಷಮದ್ಯೋತ್ಥಿತೇ ಗ್ರೀಷ್ಮೇ ಕ್ಷತಕ್ಷೀಣೇಽಸ್ರಪಿತ್ತಿನಿ| |೧೫|

Adhikarana niShiddhoShNodakAnAM ShaDa~ggAdishrutaM shItodakam (15-16) · Śloka 16

| ಘನಚನ್ದನಶುಣ್ಠ್ಯಮ್ಬುಪರ್ಪಟೋಶೀರಸಾಧಿತಮ್||೧೫|| ಶೀತಂ ತೇಭ್ಯೋ ಹಿತಂ ತೋಯಂ ಪಾಚನಂ ತೃಡ್ಜ್ವರಾಪಹಮ್| |೧೬|

Adhikarana jvare pittavirUddhaniShedhaH (16-17) · Śloka 17

| ಊಷ್ಮಾ ಪಿತ್ತಾದೃತೇ ನಾಸ್ತಿ ಜ್ವರೋ ನಾಸ್ತ್ಯೂಷ್ಮಣಾ ವಿನಾ||೧೬|| ತಸ್ಮಾತ್ಪಿತ್ತವಿರುದ್ಧಾನಿ ತ್ಯಜೇತ್ ಪಿತ್ತಾಧಿಕೇಽಧಿಕಮ್| |೧೭|

Adhikarana jvare snAnAdiniShedhaH (17) · Śloka 17

| ಸ್ನಾನಾಭ್ಯಙ್ಗಪ್ರದೇಹಾಂಶ್ಚ ಪರಿಶೇಷಂ ಚ ಲಙ್ಘನಮ್||೧೭||

Adhikarana niShedhe yuktiH (18-19) · Śloka 19

ಅಜೀರ್ಣ ಇವ ಶೂಲಘ್ನಂ ಸಾಮೇ ತೀವ್ರರುಜಿ ಜ್ವರೇ| ನ ಪಿಬೇದೌಷಧಂ ತದ್ಧಿ ಭೂಯ ಏವಾಮಮಾವಹೇತ್||೧೮|| ಆಮಾಭಿಭೂತಕೋಷ್ಠಸ್ಯ ಕ್ಷೀರಂ ವಿಷಮಹೇರಿವ| |೧೯|

Adhikarana jvaravisheShe svedaH svedaguNAH (19-20) · Śloka 20

| ಸೋದರ್ದಪೀನಸಶ್ವಾಸೇ ಜಙ್ಘಾಪರ್ವಾಸ್ಥಿಶೂಲಿನಿ||೧೯|| ವಾತಶ್ಲೇಷ್ಮಾತ್ಮಕೇ ಸ್ವೇದಃ ಪ್ರಶಸ್ತಃ, ಸ ಪ್ರವರ್ತಯೇತ್| ಸ್ವೇದಮೂತ್ರಶಕೃದ್ವಾತಾನ್ ಕುರ್ಯಾದಗ್ನೇಶ್ಚ ಪಾಟವಮ್||೨೦||

Adhikarana snehoktAcAravidhipAlanam (21) · Śloka 21

ಸ್ನೇಹೋಕ್ತಮಾಚಾರವಿಧಿಂ ಸರ್ವಶಶ್ಚಾನುಪಲಯೇತ್| |೨೧|

Adhikarana la~gghanAdInAM prayogakAlaH (21-22) · Śloka 22

| ಲಙ್ಘನಂ ಸ್ವೇದನಂ ಕಾಲೋ ಯವಾಗ್ವಸ್ತಿಕ್ತಕೋ ರಸಃ||೨೧|| ಮಲಾನಾಂ ಪಾಚನಾನಿ ಸ್ಯುರ್ಯಥಾವಸ್ಥಂ ಕ್ರಮೇಣ ವಾ| |೨೨|

Adhikarana jvaraviSheSe la~gghananiShedhaH (22-23) · Śloka 23

| ಶುದ್ಧವಾತಕ್ಷಯಾಗನ್ತುಜೀರ್ಣಜ್ವರಿಷು ಲಙ್ಘನಮ್||೨೨|| ನೇಷ್ಯತೇ| |೨೩|

Adhikarana tatra bRuMhaNarUpaM shamanam (23) · Śloka 23

ತೇಷು ಹಿ ಹಿತಂ ಶಮನಂ ಯನ್ನ ಕರ್ಶನಮ್| |೨೩|

Adhikarana ala~gghitalakShaNam (23-24) · Śloka 24

| ತತ್ರ ಸಾಮಜ್ವರಾಕೃತ್ಯಾ ಜಾನೀಯಾದವಿಶೋಷಿತಮ್||೨೩|| ದ್ವಿವಿಧೋಪಕ್ರಮಜ್ಞಾನಮವೇಕ್ಷೇತ ಚ ಲಙ್ಘನೇ| |೨೪|

Adhikarana peyopacAraH peyopacAraPalam (24-26) · Śloka 26

| ಯುಕ್ತಂ ಲಙ್ಘಿತಲಿಙ್ಗೈಸ್ತು ತಂ ಪೇಯಾಭಿರುಪಾಚರೇತ್||೨೪|| ಯಥಾಸ್ವೌಷಧಸಿದ್ಧಾಭಿರ್ಮಣ್ಡಪೂರ್ವಾಭಿರಾದಿತಃ| ಷಡಹಂ ವಾ ಮೃದುತ್ವಂ ವಾ ಜ್ವರೋ ಯಾವದವಾಪ್ನುಯಾತ್||೨೫|| ತಸ್ಯಾಗ್ನಿರ್ದೀಪ್ಯತೇ ತಾಭಿಃ ಸಮಿದ್ಭಿರಿವ ಪಾವಕಃ| |೨೬|

Adhikarana lAjapeyA prathamaM yojyA amlArthinaH peyA (26-27) · Śloka 27

| ಪ್ರಾಗ್ಲಾಜಪೇಯಾಂ ಸುಜರಾಂ ಸಶುಣ್ಠೀಧಾನ್ಯಪಿಪ್ಪಲೀಮ್||೨೬|| ಸಸೈನ್ಧವಾಂ, ತಥಾಽಮ್ಲಾರ್ಥೀ ತಾಂ ಪಿಬೇತ್ಸಹದಾಡಿಮಾಮ್| |೨೭|

Adhikarana shithilamalapittottarayo peyA (27) · Śloka 27

| ಸೃಷ್ಟವಿಡ್ ಬಹುಪಿತ್ತೋ ವಾ ಸಶುಣ್ಠೀಮಾಕ್ಷಿಕಾಂ ಹಿಮಾಮ್||೨೭||

Adhikarana bastyAdishUlinaH (28) · Śloka 28

ಬಸ್ತಿಪಾರ್ಶ್ವಶಿರಃಶೂಲೀ ವ್ಯಾಘ್ರೀಗೋಕ್ಷುರಸಾಧಿತಾಮ್| |೨೮|

Adhikarana jvarAtisAriNaH peyA (28-29) · Śloka 29

| ಪೃಶ್ನಿಪರ್ಣೀಬಲಾಬಿಲ್ವನಾಗರೋತ್ಪಲಧಾನ್ಯಕೈಃ||೨೮|| ಸಿದ್ಧಾಂ ಜ್ವರಾತಿಸಾರ್ಯಮ್ಲಾಂ ಪೇಯಾಂ ದೀಪನಪಾಚನೀಮ್| |೨೯|

Adhikarana hidhmAdiyuktasya peyA (29) · Śloka 29

| ಹ್ರಸ್ವೇನ ಪಞ್ಚಮೂಲೇನ ಹಿಕ್ಕಾರುಕ್ಶ್ವಾಸಕಾಸವಾನ್||೨೯||

Adhikarana kaPArtasya peyA (30-31) · Śloka 31

ಪಞ್ಚಮೂಲೇನ ಮಹತಾ ಕಫಾರ್ತೋ ಯವಸಾಧಿತಮ್| ವಿಬದ್ಧವರ್ಛಾಃ ಸಯವಾಂ ಪಿಪ್ಪಲ್ಯಾಮಲಕೈಃ ಕೃತಾಮ್||೩೦|| ಯವಾಗೂಂ ಸರ್ಪಿಷಾ ಭೃಷ್ಟಾಂ ಮಲದೋಷಾನುಲೋಮನೀಮ್| |೩೧|

Adhikarana vibaddhashUlayuktasya peyA (31-32) · Śloka 32

| ಚವಿಕಾಪಿಪ್ಪಲೀಮೂಲದ್ರಾಕ್ಷಾಮಲಕನಾಗರೈಃ||೩೧|| ಕೋಷ್ಠೇ ವಿಬದ್ಧೇ ಸರುಜಿ| |೩೨|

Adhikarana parikartinaH peyA (32) · Śloka 32

ಪಿಬೇತ್ತು ಪರಿಕರ್ತಿನಿ| ಕೋಲವೃಕ್ಷಾಮ್ಲಕಲಶೀಧಾವನೀಶ್ರೀಫಲೈಃ ಕೃತಾಮ್||೩೨||

Adhikarana asvedanidrAtRuShNArtasya peyA (33-34) · Śloka 34

ಅಸ್ವೇದನಿದ್ರಸ್ತೃಷ್ಣಾರ್ತಃ ಸಿತಾಮಲಕನಾಗರೈಃ| ಸಿತಾಬದರಮೃದ್ವೀಕಾಸಾರಿವಾಮುಸ್ತಚನ್ದನೈಃ||೩೩|| ತೃಷ್ಣಾಛ್ಛರ್ದಿಪರೀದಾಹಜ್ವರಘ್ನೀಂ ಕ್ಷೌದ್ರಸಂಯುತಾಮ್| |೩೪|

Adhikarana peyauShadhairevarasayUShAdikAnapi kuryAt (34) · Śloka 34

| ಕುರ್ಯಾತ್ಪೇಯೌಷಧೈರೇವ ರಸಯೂಷಾದಿಕಾನಪಿ||೩೪||

Adhikarana jvaravisheShe peyAniShedhaH (35-36) · Śloka 36

ಮದ್ಯೋದ್ಭವೇ ಮದ್ಯನಿತ್ಯೇ ಪಿತ್ತಸ್ಥಾನಗತೇ ಕಫೇ| ಗ್ರೀಷ್ಮೇ ತಯೋರ್ವಾಽಧಿಕಯೋಸ್ತೃಟ್ಛರ್ದಿರ್ದಾಹಪೀಡಿತೇ||೩೫|| ಊರ್ಧ್ವಂ ಪ್ರವೃತ್ತೇ ರಕ್ತೇ ಚ ಪೇಯಾಂ ನೇಚ್ಛನ್ತಿ| |೩೬|

Adhikarana niShiddhapeyasya tarpaNam (36-37) · Śloka 37

ತೇಷು ತು| ಜ್ವರಾಪಹೈಃ ಫಲರಸೈರದ್ಭಿರ್ವಾ ಲಾಜತರ್ಪಣಾನ್||೩೬|| ಪಿಬೇತ್ಸಶರ್ಕರಾಕ್ಷೌದ್ರಾನ್| |೩೭|

Adhikarana tato yUShaudananarasaudanau (37-38) · Śloka 38

ತತೋ ಜೀರ್ಣೇ ತು ತರ್ಪಣೇ| ಯವಾಗ್ವಾಂ ವೌದನಂ ಕ್ಷುದ್ವಾನಶ್ನೀಯಾದ್ಭೃಷ್ಟತಣ್ಡುಲಮ್||೩೭|| ದಕಲಾವಣಿಕೈರ್ಯೂಷೈ ರಸೈರ್ವಾ ಮುದ್ಗಲಾವಜೈಃ| |೩೮|

Adhikarana maNDAdyupacArasyopasaMhAraH (38) · Śloka 38

| ಇತ್ಯಯಂ ಷಡಹೋ ನೇಯೋ ಬಲಂ ದೋಷಂ ಚ ರಕ್ಷತಾ||೩೮||

Adhikarana tataH kaShAyaH (39) · Śloka 39

ತತಃ ಪಕ್ವೇಷು ದೋಷೇಷು ಲಙ್ಘನಾದ್ಯೈಃ ಪ್ರಶಸ್ಯತೇ| ಕಷಾಯೋ ದೋಷಶೇಷಸ್ಯ ಪಾಚನಃ ಶಮನೋಽಥವಾ||೩೯||

Adhikarana doShavisheShe kaShAyavisheShaH (40) · Śloka 40

ತಿಕ್ತಃ ಪಿತ್ತೇ ವಿಶೇಷೇಣ ಪ್ರಯೋಜ್ಯಃ, ಕಟುಕಃ ಕಫೇ| |೪೦|

Adhikarana kaShAyakaShAyasya niShedhaH niShedhAtikrame doShaH (40-41) · Śloka 41

| ಪಿತ್ತಶ್ಲೇಷ್ಮಹರತ್ವೇಽಪಿ ಕಷಾಯಃ ಸ ನ ಶಸ್ಯತೇ||೪೦|| ನವಜ್ವರೇ, ಮಲಸ್ತಮ್ಭಾತ್ಕಷಾಯೋ ವಿಷಮಜ್ವರಮ್| ಕುರುತೇಽರುಚಿಹೃಲ್ಲಾಸಹಿಧ್ಮಾಧ್ಮಾನಾದಿಕಾನಪಿ||೪೧||

Adhikarana uktauShadhakAlasya matAntareNa nirAkaraNam (42) · Śloka 42

ಸಪ್ತಾಹಾದೌಷಧಂ ಕೇಚಿದಾಹುರನ್ಯೇ ದಶಾಹತಃ| ಕೇಚಿಲ್ಲಘ್ವನ್ನಭುಕ್ತಸ್ಯ ಯೋಜ್ಯಮಾಮೋಲ್ಬಣೇ ನ ತು||೪೨||

Adhikarana svasiddhAnte yuktiH (43-44) · Śloka 44

ತೀವ್ರಜ್ವರಪರೀತಸ್ಯ ದೋಷವೇಗೋದಯೇ ಯತಃ| ದೋಷೇಽಥವಾಽತಿನಿಚಿತೇ ತನ್ದ್ರಾಸ್ತೈಮಿತ್ಯಕಾರಿಣಿ||೪೩|| ಅಪಚ್ಯಮಾನಂ ಭೈಷಜ್ಯಂ ಭೂಯೋ ಜ್ವಲಯತಿ ಜ್ವರಮ್| |೪೪|

Adhikarana auShadhayogyA jvarAvasthA (44-45) · Śloka 45

| ಮೃದುರ್ಜ್ವರೋ ಲಘುರ್ದೇಹಶ್ಚಲಿತಾಶ್ಚ ಮಲಾ ಯದಾ||೪೪|| ಅಚಿರಜ್ವರಿತಸ್ಯಾಪಿ ಭೇಷಜಂ ಯೋಜಯೇತ್ತದಾ| |೪೫|

Adhikarana auShadham (45-46) · Śloka 46

| ಮುಸ್ತಯಾ ಪರ್ಪಟಂ ಯುಕ್ತಂ ಶುಣ್ಠ್ಯಾ ದುಃಸ್ಪರ್ಶಯಾಽಪಿ ವಾ||೪೫|| ಪಾಕ್ಯಂ ಶೀತಕಷಾಯಂ ವಾ ಪಾಠೋಶೀರಂ ಸವಾಲಕಮ್| ಪಿಬೇತ್ತದ್ವ್ಚ್ಛಭೂನಿಮ್ಬಗುಡೂಚೀಮುಸ್ತನಾಗರಮ್||೪೬||

Adhikarana uktauShadhAnAM viShayaM viBAgaM PalaM ca (47) · Śloka 47

ಯಥಾಯೋಗಮಿಮೇ ಯೋಜ್ಯಾಃ ಕಷಾಯಾ ದೋಷಪಾಚನಾಃ| ಜ್ವರಾರೋಚಕತೃಷ್ಣಾಸ್ಯವೈರಸ್ಯಾಪಕ್ತಿನಾಶನಾಃ||೪೭||

Adhikarana santatAdInAM viShamajvarAnAM shamanAH pa~jca kaShAyAH (48-51) · Śloka 51

| ಕಲಿಙ್ಗಕಾಃ ಪಟೋಲಸ್ಯ ಪತ್ರಂ ಕಟುಕರೋಹಿಣೀ||೪೮|| ಪಟೋಲಂ ಸಾರಿವಾ ಮುಸ್ತಾ ಪಾಠಾ ಕಟುಕರೋಹಿಣೀ| ಪಟೋಲನಿಮ್ಬತ್ರಿಫಲಾಮೃದ್ವೀಕಾಮುಸ್ತವತ್ಸಕಾಃ||೪೯|| ಕಿರಾತತಿಕ್ತಮಮೃತಾ ಚನ್ದನಂ ವಿಶ್ವಭೇಷಜಮ್| ಧಾತ್ರೀಮುಸ್ತಾಮೃತಾಕ್ಷೌದ್ರಮರ್ಧಶ್ಲೋಕಸಮಾಪನಾಣ್||೫೦|| ಪಞ್ಚತೇ ಸನ್ತತಾದೀನಾಂ ಪಞ್ಚಾನಾಂ ಶಮನಾ ಮತಾಃ| |೫೧|

Adhikarana vAtajvarasya auShadham (51-52) · Śloka 52

| ದುರಾಲಭಾಮೃತಾಮುಸ್ತಾನಾಗರಂ ವಾತಜೇ ಜ್ವರೇ||೫೧|| ಅಥವಾ ಪಿಪ್ಪಲೀಮೂಲಗುಡೂಚೀವಿಶ್ವಭೇಷಜಮ್| ಕನೀಯಃ ಪಞ್ಚಮೂಲಂ ಚ|೫೨|

Adhikarana pittajvarasya auShadham (52-53) · Śloka 53

| ಪಿತ್ತೇ ಶಕ್ರಯವಾಘನಮ್||೫೨|| ಕಟುಕಾ ಚೇತಿ ಸಕ್ಷೌದ್ರಂ ಮುಸ್ತಾಪರ್ಪಟಕಂ ತಥಾ| ಸಧನ್ವಯಾಸಭೂನಿಮ್ಬಂ|೫೩|

Adhikarana kaPajvarasya auShadham (53-54) · Śloka 54

| ವತ್ಸಕಾದ್ಯೋ ಗಣಃ ಕಫೇ||೫೩|| ಅಥವಾ ವೃಷಗಾಙ್ಗೇಯೀಶೃಙ್ಗಬೇರದುರಾಲಭಾಃ| |೫೪|

Adhikarana sashUlavibindhasya kaPavAta jvarasya auShadham vAtapittajvarasya auShadham pittajvarasya auShadham kaPajvarasya auShadham sashUlavibandhasya kaPavAta jvarasya auShadham (54-55) · Śloka 55

| ರುಗ್ವಿಬನ್ಧಾನಿಲಶ್ಲೇಷ್ಮಯುಕ್ತೇ ದೀಪನಪಾಚನಮ್||೫೪|| ಅಭಯಾಪಿಪ್ಪಲೀಮೂಲಶಮ್ಯಾಕಕಟುಕಾಘನಮ್| |೫೫|

Adhikarana vAtapittajvarasya auShadham (55-58) · Śloka 58

| ದ್ರಾಕ್ಷಾಮಧೂಕಮಧುಕತೋಧ್ರಾಕಾಶ್ಮರ್ಯಸಾರಿವಾಃ||೫೫|| ಮುಸ್ತಾಮಲಕಹ್ರೀಬೇರಪದ್ಮಕೇಸರಪದ್ಮಕಮ್| ಮೃಣಾಲಚನ್ದನೋಶೀರನೀಲೋತ್ಪಲಪರೂಷಕಮ್||೫೬|| ಫಾಣ್ಟೋ ಹಿಮೋ ವಾ ದ್ರಾಕ್ಷಾದಿರ್ಜಾತೀಕುಸುಮವಾಸಿತಃ| ಯುಕ್ತೋ ಮಧುಸಿತಾಲಾಜೈರ್ಜಯತ್ಯನಿಲಪಿತ್ತಜಮ್||೫೭|| ಜ್ವರಂ ಮದಾತ್ಯಯಂ ಛರ್ದಿಂ ಮೂರ್ಚ್ಛಾಂ ದಾಹಂ ಶ್ರಮಂ ಭ್ರಮಮ್| ಊರ್ಧ್ವಗಂ ರಕ್ತಪಿತ್ತಂ ಚ ಪಿಪಾಸಾಂ ಕಾಮಲಾಮಪಿ||೫೮||

Adhikarana vAtapittajvarasya anyat auShadham (59) · Śloka 59

ಪಾಚಯೇತ್ಕಟುಕಾಂ ಪಿಷ್ಟ್ವಾ ಕರ್ಪರೇಽಭಿನವೇ ಶುಚೌ| ನಿಷ್ಪೀಡಿತೋ ಘೃತಯುತಸ್ತದ್ಗಸೋ ಜ್ವರದಾಹಜಿತ್||೫೯||

Adhikarana kaPavAtajvarasya auShadham (60) · Śloka 60

ಕಫವಾತೇ ವಚಾತಿಕ್ತಾಪಾಠಾರಗ್ವಧವತ್ಸಕಾಃ| ಪಿಪ್ಪಲೀಚೂರ್ಣಯುಕ್ತೋ ವಾ ಕ್ವಾಥಶ್ಚ್ಛಿನ್ನೋದ್ಭವೋದ್ಭವಃ||೬೦||

Adhikarana kaPavAta anyat auShadham (61-63) · Śloka 63

ವ್ಯಾಘ್ರೀಶುಣ್ಠ್ಯಮೃತಾಕ್ವಾಥಃ ಪಿಪ್ಪಲೀಚೂರ್ಣಸಂಯುತಃ| ವಾತಶ್ಲೇಷ್ಮಜ್ವರಶ್ವಾಸಕಾಸಪೀನಸಶೂಲಜಿತ್||೬೧|| ಪಥ್ಯಾಕುಸ್ತುಮ್ಬರೀಮುಸ್ತಾಶುಣ್ಠೀಕಟ್ತೃಣಪರ್ಪಟಮ್| ಸಕಟ್ಫಲವಚಾಭಾರ್ಙ್ಗೀದೇವಾಹ್ವಂ ಮಧುಹಿಙ್ಗುಮತ್||೬೨|| ಕಫವಾತಜ್ವರಷ್ಠೀವಕುಕ್ಷಿಹೃತ್ಪಾರ್ಶ್ವವೇದನಾಃ| ಕಣ್ಠಾಮಯಾಸ್ಯಶ್ವಯಥುಕಾಸಶ್ವಾಸಾನ್ನಿಯಚ್ಛತಿ||೬೩||

Adhikarana pittakaPajvarasya auShadham pittakaPa anyat auShadham (64-65) · Śloka 65

ಆರಗ್ವಧಾದಿಃ ಸಕ್ಷೌದ್ಗಃ ಕಫಪಿತ್ತಜ್ವರಂ ಜಯೇತ್| ತಥಾ ತಿಕ್ತಾವೃಷೋಶೀರತ್ರಾಯನ್ತೀತ್ರಿಫಲಾಮೃತಾಃ||೬೪|| ಪಟೋಲಾತಿವಿಷಾನಿಮ್ಬಮೂರ್ವಾಧನ್ವಯವಾಸಕಾಃ| |೬೫|

Adhikarana sannipAtajvarasya auShadham (65-66) · Śloka 66

| ಸನ್ನಿಪಾತಜ್ವರೇ ವ್ಯಾಘ್ರೀದೇವದಾರುನಿಶಾಘನಮ್||೬೫|| ಪಟೋಲಪತ್ರನಿಮ್ಬತ್ವಕ್ತ್ರಿಫಲಾಕಟುಕಾಯುತಮ್| |೬೬|

Adhikarana vAtashleShmottarasya auShadham (66-67) · Śloka 67

| ನಾಗರಂ ಪೌಷ್ಕರಂ ಮೂಲಂ ಗುಡೂಚೀ ಕಣ್ಟಕಾರಿಕಾ||೬೬|| ಸಕಾಸಶ್ವಾಸಪಾರ್ಶ್ವಾರ್ತೌ ವಾತಶ್ಲೇಷ್ಮೋತ್ತರೇ ಜ್ವರೇ| |೬೭|

Adhikarana sarvajvarasya auShadham (67-69) · Śloka 69

| ಮಧೂಕಪುಷ್ಪಮೃದ್ವೀಕಾತ್ರಾಯಮಾಣಾಪರೂಷಕಮ್||೬೭|| ಸೋಶೀರತಿಕ್ತಾತ್ರಿಫಲಾಕಾಶ್ಮರ್ಯಂ ಕಲ್ಪಯೇದ್ಧಿಮಮ್| ಕಷಾಯಂ ತಂ ಪಿಬನ್ ಕಾಲೇ ಜ್ವರಾನ್ ಸರ್ವಾನಪೋಹತಿ||೬೮|| ಜಾತ್ಯಾಮಲಕಮುಸ್ತಾನಿ ತದ್ವದ್ಧನ್ವಯವಾಸಕಮ್| |೬೯|

Adhikarana baddhaviTkasya auShadham (69) · Śloka 69

| ಬದ್ಧವಿಟ್ ಕಟುಕಾದ್ರಾಕ್ಷಾತ್ರಾಯನ್ತೀತ್ರಿಫಲಾಗುಡಮ್||೬೯||

Adhikarana peyAdyamannam auShadham (70) · Śloka 70

ಜೀರ್ಣೌಷಧೋಽನ್ನಂ ಪೇಯಾದ್ಯಮಾಚರೇತ್| |೭೦|

Adhikarana shleShmajvare peyAniShedhaHpeyAniShedhe yuktiH (70) · Śloka 70

ಶ್ಲೇಷ್ಮವಾನ್ನ ತು| ಪೇಯಾ ಕಫಂ ವರ್ಧಯತಿ ಪಙ್ಕಂ ಪಾಂಸುಷು ವೃಷ್ಟಿವತ್||೭೦||

Adhikarana peyasthAne yUShaH (71-72) · Śloka 72

ಶ್ಲೇಷ್ಮಾಭಿಷ್ಯಣ್ಣದೇಹಾನಾಮತಃ ಪ್ರಾಗಪಿ ಯೋಜಯೇತ್| ಯೂಷಾನ್ ಕುಲತ್ಥಚಣಕಕಲಾಯಾದಿಕೃತಾನ್ ಲಘೂನ್||೭೧|| ರೂಕ್ಷಾಂಸ್ತಿಕ್ತರಸೋಪೇತಾನ್ ಹೃದ್ಯಾನ್ ರುಚಿಕರಾನ್ ಪಟೂನ್| |೭೨|

Adhikarana pathyayogyaM dhAnyam (72-73) · Śloka 73

| ರಕ್ತಾದ್ಯಾಃ ಶಾಲಯೋ ಜೀರ್ಣಾಃ ಷಷ್ಟಿಕಾಶ್ಚ ಜ್ವರೇ ಹಿತಾಃ||೭೨|| ಶ್ಲೇಷ್ಮೋತ್ತರೇ ವೀತತುಷಾಸ್ತಥಾ ವಾಟೀಕೃತಾ ಯವಾಃ| |೭೩|

Adhikarana odanavidhiH (73-74) · Śloka 74

| ಓದನಸ್ತೈಃ ಸ್ರುತೋ ದ್ವಿಸ್ತ್ರಿಃ ಪ್ರಯೋಕ್ತವ್ಯೋ ಯಥಾಯಥಮ್||೭೩|| ದೋಷದೂಷ್ಯಾದಿಬಲತೋ ಜ್ವರಘ್ನಕ್ವಾಥಸಾಧಿತಃ| |೭೪|

Adhikarana yUShadravyANi (74) · Śloka 74

| ಮುದ್ಗಾದ್ಯೈರ್ಲಘುಭಿರ್ಯೂಷಾಃ ಕುಲತ್ಥೈಶ್ಚ ಜ್ವರಾಪಹಾಃ||೭೪||

Adhikarana khaladravyANi rasadravyANi yUShAdInamupakaraNadravyANi (75-77) · Śloka 77

ಕಾರವೇಲ್ಲಕಕರ್ಕೋಟಬಾಲಮೂಲಕಪರ್ಪಟೈಃ| ವಾರ್ತಾಕನಿಮ್ಬಕುಸುಮಪಟೋಲಫಲಪಲ್ಲವೈಃ||೭೫|| ಅತ್ಯನ್ತಲಘುಭಿರ್ಮಾಂಸೈರ್ಜಾಙ್ಗಲೈಶ್ಚ ಹಿತಾ ರಸಾಃ| ವ್ಯಾಘ್ರೀಪರೂಷತರ್ಕಾರೀದ್ಗಾಕ್ಷಾಮಲಕದಾಡಿಮೈಃ||೭೬|| ಸಂಸ್ಕೃತಾಃ ಪಿಪ್ಪಲೀಶುಣ್ಠೀಧಾನ್ಯಜೀರಕಸೈನ್ಧವೈಃ| ಸಿತಾಮಧುಭ್ಯಾಂ ಪ್ರಾಯೇಣ ಸಂಯುತಾ ವಾ ಕೃತಾಕೃತಾಃ||೭೭||

Adhikarana vya~jjanavidhiH (78) · Śloka 78

ಅನಮ್ಲತಕ್ರಸಿದ್ಧಾನಿ ರುಚ್ಯಾನಿ ವ್ಯಞ್ಜನಾನಿ ಚ| ಅಚ್ಛಾನ್ಯನಲಸಮ್ಪನ್ನಾನಿ|೭೮|

Adhikarana anupAnAni (78-79) · Śloka 79

| ಅನುಪಾನೇಽಪಿ ಯೋಜಯೇತ್||೭೮|| ತಾನಿ ಕ್ವಥಿತಶೀತಂ ಚ ವಾತಿ ಮದ್ಯಂ ಚ ಸಾತ್ಮ್ಯತಃ| |೭೯|

Adhikarana annagrahaNakAlaH (79-80) · Śloka 80

| ಸಜ್ವರಂ ಜ್ವರಮುಕ್ತಂ ವಾ ದಿನಾನ್ತೇ ಭೋಜಯೇಲ್ಲಘು||೭೯|| ಶ್ಲೇಷ್ಮಕ್ಷಯವಿವೃದ್ಧೋಷ್ಮಾ ಬಲವಾನನಲಸ್ತದಾ| |೮೦|

Adhikarana dinAntarasyApavAdaH (80) · Śloka 80

| ಯಥೋಚಿತೇಽಥವಾ ಕಾಲೇ ದೇಶಸಾತ್ಮ್ಯಾನುರೋಧತಃ||೮೦||

Adhikarana apavAdApavAdaH (81) · Śloka 81

ಪ್ರಾಗಲ್ಪವಹ್ನಿರ್ಭುಞ್ಜಾನೋ ನ ಹ್ಯಜೀರ್ಣೇನ ಪೀಡ್ಯತೇ| |೮೧|

Adhikarana ghRutadAnakAlaH akAle tat viShopamam (81-83) · Śloka 83

| ಕಷಾಯಪಾನಪಥ್ಯಾನ್ನೈರ್ದಶಾಹ ಇತಿ ಲಙ್ಘಿತೇ||೮೧|| ಸರ್ಪಿರ್ದದ್ಯಾತ್ಕಫೇ ಮನ್ದೇ ವಾತಪಿತ್ತೋತ್ತರೇ ಜ್ವರೇ| ಪಕ್ವೇಷು ದೋಷೇಷ್ವಮೃತಂ ತದ್ವಿಷೋಪಮಮನ್ಯಥಾ||೮೨|| ದಶಾಹೇ ಸ್ಯಾದತೀತೇಽಪಿ ಜ್ವರೋಪದ್ರವವೃದ್ಧಿಕೃತ್| ಲಙ್ಘನಾದಿಕ್ರಮಂ ತತ್ರ ಕುರ್ಯಾದಾಕಫಸಙ್ಕ್ಷ್ಯಾತ್||೮೩||

Adhikarana jIrNajvarAnuvRuttau hetuH (84) · Śloka 84

ದೇಹಧಾತ್ವಬಲತ್ವಾಚ್ಚ ಜ್ವರೋ ಜೀರ್ಣೋಽನುವರ್ತತೇ| |೮೪|

Adhikarana sarpiH kvAthaiH prayoge yuktiH (84-86) · Śloka 86

| ರೂಕ್ಷಂ ಹಿ ತೇಜೋ ಜ್ವರಕೃತ್ತೇಜಸಾ ರೂಕ್ಷಿತಸ್ಯ ಚ||೮೪|| ವಮನಸ್ವೇದಕಾಲಾಮ್ಬುಕಷಾಯಲಘುಭೋಜನೈಃ| ಯಃ ಸ್ಯಾದತಿಬಲೋ ಧಾತುಃ ಸಹಚಾರೀ ಸದಾಗತಿಃ||೮೫|| ತಸ್ಯ ಸಂಶಮನಂ ಸರ್ಪಿರ್ದೀಪ್ತಸ್ಯೇವಾಮ್ಬು ವೇಶ್ಮನಃ| |೮೬|

Adhikarana sarpirdAnam (86-87) · Śloka 87

| ವಾತಪಿತ್ತಜಿತಾಂಗ್ರ್ಯಂ ಸಂಸ್ಕಾರಂ ಚಾನುರುಧ್ಯತೇ||೮೬|| ಸುತರಾಂ ತದ್ಧ್ಯತೋ ದದ್ಯಾದ್ಯಥಾಸ್ವೌಷಧಸಾಧಿತಮ್| |೮೭|

Adhikarana sarpiSho hetuvyAdhiviparItatvam (87-88) · Śloka 88

| ವಿಪರೀತಂ ಜ್ವರೋಷ್ಮಾಣಂ ಜಯೇತ್ಪಿತ್ತಂ ಚ ಶೈತ್ಯತಃ||೮೭|| ಸ್ನೇಹಾದ್ವಾತಂ ಘೃತಂ ತುಲ್ಯಂ ಯೋಗಸಂಸ್ಕಾರತಃ ಕಫಮ್| |೮೮|

Adhikarana uktiH kvAthaiH sarpiH pAnam (88) · Śloka 88

| ಪೂರ್ವೇ ಕಷಾಯಾಃ ಸಘೃತಾಃ ಸರ್ವೇ ಯೋಜ್ಯಾ ಯಥಾಮಲಮ್||೮೮||

Adhikarana kAsopadravake jvare sarpiH prayogaH (89) · Śloka 89

ತ್ರಿಫಲಾಪಿಚುಮನ್ದತ್ವಙ್ಮಾಧುಕಂ ಬೃಹತೀದ್ವಯಮ್| ಸಮಸೂರದಲಂ ಕ್ವಾಥಃ ಸಘೃತೋ ಜ್ವರಕಾಸಹಾ||೮೯||

Adhikarana pippalyAdisiddhaM ghRutam (90-91) · Śloka 91

ಪಿಪ್ಪಲೀನ್ದ್ರಯವಧಾವನಿತಿಕ್ತಾ- ಸಾರಿವಾಮಲಕತಾಮಲಕೀಭಿಃ| ಬಿಲ್ವಮುಸ್ತಹಿಮಪಾಲನಿಸೇವ್ಯೈ- ರ್ದ್ರಾಕ್ಷಯಾಽತಿವಿಷಯಾ ಸ್ಥಿರಯಾ ಚ||೯೦|| ಘೃತಮಾಶು ನಿಹನ್ತಿ ಸಾಧಿತಂ ಜ್ವರಮಗ್ನಿಂ ವಿಷಮಂ ಹಲೀಮಕಮ್| ಅರುಚಿಂ ಭೃಶತಾಪಮಂಸಯೋ- ರ್ವಮಥುಂ ಪಾರ್ಶ್ವಶಿರೋರುಜಂ ಕ್ಷಯಮ್||೯೧||

Adhikarana tailvakAdighRutAni (92) · Śloka 92

ತೈಲ್ವಕಂ ಪವನಜನ್ಮನಿ ಜ್ವರೇ ಯೋಜಯೇತ್ರಿವೃತಯಾ ವಿಯೋಜಿತಮ್| ತಿಕ್ತಕಂ ವೃಷಘೃತಂ ಚ ಪೈತ್ತಿಕೇ ಯಚ್ಚ ಪಾಲನಿಕಯಾ ಶೃತಂ ಹವಿಃ||೯೨||

Adhikarana jIrNakaPajvaraghnaM ghRutam (93) · Śloka 93

ವಿಡಙ್ಗಸೌವರ್ಚಲಚವ್ಯಪಾಠಾ- ವ್ಯೋಷಾಗ್ನಿಸಿನ್ಧೂದ್ಭವಯಾವಶೂಕೈಃ| ಪಲಾಂಶಕೈಃ ಕ್ಷೀರಸಮಂ ಘೃತಸ್ಯ ಪ್ರಸ್ಥಂ ಪಚೇಜ್ಜೀರ್ಣಕಫಜ್ವರಘ್ನಮ್||೯೩||

Adhikarana guDUcIghRutAdipa~jcakam (94) · Śloka 94

ಗುಡೂಚ್ಯಾ ರಸಕಲ್ಕಾಭ್ಯಾಂ ತ್ರಿಫಲಾಯಾ ವೃಷಸ್ಯ ಚ| ಮೃದ್ವೀಕಾಯಾ ಬಲಾಯಾಶ್ಚ ಸ್ನೇಹಾಃ ಸಿದ್ಧಾ ಜ್ವರಚ್ಛಿದಃ||೯೪||

Adhikarana jIrNai ghRute mAMsarasAshanam (95) · Śloka 95

ಜೀರ್ಣೇ ಘೃತೇ ಚ ಭುಞ್ಜೀತ ಮೃದುಮಾಂಸರಸೌದನಮ್| ಬಲಂ ಹ್ಯಲಂ ದೋಷಹರಂ ಪರಂ ತಚ್ಚ ಬಲಪ್ರದಮ್||೯೫||

Adhikarana vAtottare jIrNajvare yUShaKalayorniShedhaH (96-97) · Śloka 97

ಕಫಪಿತ್ತಹರಾ ಮುದ್ಗಕಾರವೇಲ್ಲಾದಿಜಾ ರಸಾಃ| ಪ್ರಾಯೇಣ ತಸ್ಮಾನ್ನ ಹಿತಾ ಜೀರ್ಣೇ ವಾತೋತ್ತರೇ ಜ್ವರೇ||೯೬|| ಶೂಲೋದಾವರ್ತವಿಷ್ಟಮ್ಭಜನನಾ ಜ್ವರವರ್ಧನಾಃ| |೯೭|

Adhikarana jIrNajvare shodhanakAlaH (97-98) · Śloka 98

| ನ ಶಾಮ್ಯತ್ಯೇವಮಪಿ ಚೇಜ್ಜ್ವರಃ ಕುರ್ವೀತ ಶೋಧನಮ್||೯೭|| ಶೋಧನಾರ್ಹಸ್ಯ, ವಮನಂ ಪ್ರಾಗುಕ್ತಂ ತಸ್ಯ ಯೋಜಯೇತ್| ಆಮಾಶಯಗತೇ ದೋಷೇ ಬಲಿನಃ ಪಾಲಯನ್ಬಲಮ್||೯೮||

Adhikarana virecanamauShadhAni (99-101) · Śloka 101

ಪಕ್ವೇ ತು ಶಿಥಿಲೇ ದೋಷೇ ಜ್ವರೇ ವಾ ವಿಷಮದ್ಯಜೇ| ಮೋದಕಂ ತ್ರಿಫಲಾಶ್ಯಾಮಾತ್ರಿವೃತ್ಪಿಪ್ಪಲಿಕೇಸರೈಃ||೯೯|| ಸಸಿತಾಮಧುಭಿರ್ದದ್ಯಾಹ್ಯೋಷಾದ್ಯಂ ವಾ ವಿರೇಚನಮ್| (ಲಿಹ್ಯಾದ್ವಾ ತ್ರೈವೃತಂ ಸಂಯುಕ್ತಂ ಮಧುಸರ್ಪಿಷಾ| ) ದ್ರಾಕ್ಷಾಧಾತ್ರೀರಸಂ ತದ್ವತ್ಸದ್ರಾಕ್ಷಾಂ ವಾ ಹರೀತಕೀಮ್||೧೦೦|| ಆರಗ್ವಧಂ ವಾ ಪಯಸಾ ಮೃದ್ವೀಕಾನಾಂ ರಸೇನ ವಾ| ತ್ರಿಫಲಾಂ ತ್ರಾಯಮಾಣಾಂ ವಾ ಪಯಸಾ ಜ್ವರಿತಃಪಿಬೇತ್||೧೦೧||

Adhikarana virecAnAnantaraM saMsargIkramaH (102) · Śloka 102

ವಿರಿಕ್ತಾನಾಂ ಚ ಸಂಸರ್ಗೀ ಮಣ್ಡಪೂರ್ವಾ ಯಥಾಕ್ರಮಮ್| |೧೦೨|

Adhikarana svayaMpravRutteH stamBananiShedhaH (102-103) · Śloka 103

| ಚ್ಯವಮಾನಂ ಜ್ವರೋತ್ಕ್ಲಿಷ್ಟಮುಪೇಕ್ಷೇತ ಮಲಂ ಸದಾ||೧೦೨|| ಪಕ್ವೋಽಪಿ ಹಿ ವಿಕುರ್ವೀತ ದೋಷಃ ಕೋಷ್ಠೇ ಕೃತಾಸ್ಪದಃ| |೧೦೩|

Adhikarana atipravRuttau pAcanapUrvakaM stambhanaM kAryam (103-104) · Śloka 104

| ಅತಿಪ್ರವರ್ತಮಾನಂ ವಾ ಪಾಚಯನ್ ಸಙ್ಗ್ರಹಂ ನಯೇತ್||೧೦೩|| ಆಮಸಙ್ಗ್ರಹಣೇ ದೋಷಾ ದೋಷೋಪಕ್ರಮ ಈರಿತಾಃ| |೧೦೪|

Adhikarana Amajvare shodhananiShedhaH (104-105) · Śloka 105

| ಪಾಯಯೇದ್ದೋಷಹರಣಂ ಮೋಹಾದಾಮಜ್ವರೇ ತು ಯಃ||೧೦೪|| ಪ್ರಸುಪ್ತಂ ಕೃಷ್ಣಸರ್ಪಂ ಸ ಕರಾಗ್ರೇಣ ಪರಾಮೃಶೇತ್| |೧೦೫|

Adhikarana jvarakShINasya niShedhaH (105) · Śloka 105

| ಜ್ವರಕ್ಷೀಣಸ್ಯ ನ ಹಿತಂ ವಮನಂ ನ ವಿರೇಚನಮ್||೧೦೫||

Adhikarana tasya payasA nirUhairvA shodhanam (2) · Śloka 2

ಕಾಮಂ ತು ಪಯಸಾ ತಸ್ಯ ನಿರುಹೈರ್ವಾ ಹರೇನ್ಮಲಾನ್| ||೨||

Adhikarana payaH pAne adhikArI (106-107) · Śloka 107

| ಕ್ಷೀರೋಚಿತಸ್ಯ ಪ್ರಕ್ಷೀಣಶ್ಲೇಷ್ಮಣೋ ದಾಹತೃಙ್ವತಃ||೧೦೬|| ಕ್ಷೀರಂ ಪಿತ್ತಾನಿಲಾರ್ತಸ್ಯ ಪಥ್ಯಮಪ್ಯತಿಸಾರಿಣಃ| |೧೦೭|

Adhikarana kShIraguNAH (107-108) · Śloka 108

| ತದ್ವಪುರ್ಲಙ್ಘನೋತ್ತಪ್ತಂ ಪ್ಲುಷ್ಟಂ ವನಮಿವಾಗ್ನಿನಾ||೧೦೭|| ದಿವ್ಯಾಮ್ಬು ಜೀವಯೇತ್ತಸ್ಯ ಜ್ವರಂ ಚಾಶು ನಿಯಚ್ಛತಿ| |೧೦೮|

Adhikarana kShIravisheShe niyamaH (108-109) · Śloka 109

| ಸಂಸ್ಕೃತಂ ಶೀತಮುಷ್ಣಂ ವಾ ತಸ್ಮಾದ್ಧಾರೋಷ್ಣಮೇವ ವಾ||೧೦೮|| ವಿಭಜ್ಯ ಕಾಲೇ ಯುಞ್ಜೀತ ಜ್ವರಿಣಂ ಹನ್ತ್ಯತೋಽನ್ಯಥಾ| |೧೦೯|

Adhikarana tRuDAdinAshanaM kShIram (109-110) · Śloka 110

| ಪಯಃ ಸಶುಣ್ಠೀಖರ್ಜೂರಮೃದ್ವೀಕಾಶರ್ಕರಾಘೃತಮ್||೧೦೯|| ಶೃತಶೀತಂ ಮಧುಯುತಂ ತುಡ್ದಾಹಜ್ವರನಾಶನಮ್| |೧೧೦|

Adhikarana tRuDAdinAshanaM anyatkShIratrayam (110-111) · Śloka 111

| ತದ್ವದ್ ದ್ರಾಕ್ಷಾಬಲಾಯಷ್ಟೀಸಾರಿವಾಕಣಚನ್ದನೈಃ||೧೧೦|| ಚತುರ್ಗುಣೇನಾಮ್ಭಸಾ ವಾ ಪಿಪ್ಪಲ್ಯಾ ವಾ ಶೃತಂ ಪಿಬೇತ್| |೧೧೧|

Adhikarana kAsAdijit kShIram (111-112) · Śloka 112

| ಕಾಸಾಚ್ಛ್ವಾಸಾಚ್ಛಿರಃಶೂಲಾತ್ಪಾರ್ಶ್ವಶೂಲಾಚ್ಚಿರಜ್ವರಾತ್| ಮುಚ್ಯತೇ ಜ್ವರಿತಃ ಪೀತ್ವಾ||೧೧೧|| ಪಞ್ಚಮೂಲೀಶೃತಂ ಪಯಃ| |೧೧೨|

Adhikarana vibaddhavAtAdijit kShIram (112-113) · Śloka 113

| ಶೃತಮೇರಣ್ಡಮೂಲೇನ ಬಾಲಬಿಲ್ವೇನ ವಾ ಜ್ವರಾತ್||೧೧೨|| ಧಾರೋಷ್ಣಂ ವಾ ಪಯಃ ಪೀತ್ವಾ ವಿಬದ್ಧಾನಿಲವರ್ಚಸಃ| ಸರಕ್ತಪಿಚ್ಛಾತಿಸೃತೇಃ ಸತೃಟ್ಶೂಲಪ್ರವಾಹಿಕಾತ್||೧೧೩||

Adhikarana shoPAdijit kShIram (114) · Śloka 114

ಸಿದ್ಧಂ ಶುಣ್ಠೀಬಲಾವ್ಯಾಘ್ರೀಗೋಕಣ್ಟಕಗುಡೈಃ ಪಯಃ| ಶೋಫಮೂತ್ರಶಕೃದ್ವಾತವಿಬನ್ಧಜ್ವರಕಾಸಜಿತ್||೧೧೪||

Adhikarana jvarashoPanut kShIram (115) · Śloka 115

ವೃಶ್ಚೀವಬಿಲ್ವವರ್ಷಾಭೂಸಾಧಿತಂ ಜ್ವರಶೋಫನುತ್| |೧೧೫|

Adhikarana ASujvarApaham kShIram (115) · Śloka 115

| ಶಿಂಶಿಪಾಸಾರಸಿದ್ಧಂ ಚ ಕ್ಷೀರಮಾಶು ಜ್ವರಾಪಹಮ್||೧೧೫||

Adhikarana nirUhaguNAH kShIram (116-117) · Śloka 117

ನಿರುಹಸ್ತು ಬಲಂ ವಹ್ನಿಂ ವಿಜ್ವರತ್ವಂ ಮುದಂ ರುಚಿಮ್| ದೋಷೇ ಯುಕ್ತಃ ಕರೋತ್ಯಾಶು ಪಕ್ವೇ ಪಕ್ವಾಶಾಯಂ ಗತೇ||೧೧೬|| ಪಿತ್ತಂ ವಾ ಕಫಪಿತ್ತಂ ವಾ ಪಕ್ವಾಶಯಗತಂ ಹರೇತ್| ಸ್ರಂಸನಂ ತ್ರೀನಪಿ ಮಲಾನ್ ಬಸ್ತಿಃ ಪಕ್ವಾಶಯಾಶ್ರಯಾನ್||೧೧೭||

Adhikarana anuvAsane adhikarI (118) · Śloka 118

ಪ್ರಕ್ಷೀಣಕಫಪಿತ್ತಸ್ಯ ತ್ರಿಕಪೃಷ್ಠಕಟಿಗ್ರಹೇ| ದೀಪ್ತಾಗ್ನೇರ್ಬದ್ಧಶಕೃತಃ ಪ್ರಯುಞ್ಜೀತಾನುವಾಸನಮ್||೧೧೮||

Adhikarana jvaranAshako nirUhaH (119-121) · Śloka 121

ಪಟೋಲನಿಮ್ಬಚ್ಛದನಕಟುಕಾಚತುರಙ್ಗುಲೈಃ| ಸ್ಥಿರಾಬಲಾಗೋಕ್ಷುರಕಮದನೋಶೀರವಾಲಕೈಃ||೧೧೯|| ಪಯಸ್ಯರ್ಧೋದಕೇ ಕ್ವಾಥಂ ಕ್ಷೀರಶೇಷಂ ವಿಮಿಶ್ರಿತಮ್| ಕಲ್ಕಿತೈರ್ಮುಸ್ತಮದನಕೃಷ್ಣಾಮಧುಕವತ್ಸಕೈಃ||೧೨೦|| ಬಸ್ತಿ ಮಧುಘೃತಾಭ್ಯಾಂ ಚ ಪೀಡ್ಯೇಜ್ಜ್ವರನಾಶನಮ್| ||೧೨೧||

Adhikarana jvaranAshako anyo nirUhaH (121-122) · Śloka 122

| ಚತಸ್ರಃ ಪರ್ಣಿನೀರ್ಯಷ್ಟೀಫಲೋಶೀರನೃಪದ್ರುಮಾನ್||೧೨೧|| ಕ್ವಾಥಯೇತ್ಕಲ್ಕಯೇದ್ಯಶ್ಟೀಷತಾಹ್ವಾಫಲಿನೀಫಲಮ್| ಮುಸ್ತಂ ಚ ಬಸ್ತಿಃ ಸಗುಡಕ್ಷೌದ್ರಸರ್ಪಿರ್ಜ್ವರಾಪಹಃ||೧೨೨||

Adhikarana jvaranAshakamanuvAsanam (123-124) · Śloka 124

ಜೀವನ್ತೀಂ ಮದನಂ ಮೇದಾಂ ಪಿಪ್ಪ್ಪ್ಲೀಂ ಮಧುಕಂ ವಚಾಮ್| ಋದ್ಧಿಂ ರಾಸ್ರಾಂ ಬಲಾಂ ಬಿಲ್ವಂ ಶತಪುಷ್ಪಾಂ ಶತಾವರೀಮ್||೧೨೩|| ಪಿಷ್ಟ್ವಾ ಕ್ಷೀರಂ ಜಲಂ ಸರ್ಪಿಸ್ತೈಲಂ ಚೈಕತ್ರ ಸಾಧಿತಮ್| ಜ್ವರೇಽನುವಾಸನಂ ದದ್ಯಾದ್ಯಥಾಸ್ನೇಹಂ ಯಥಾಮಲಮ್||೧೨೪||

Adhikarana jvaranASakAanye bastayaH (125) · Śloka 125

ಯೇ ಚ ಸಿದ್ಧಿಷು ವಕ್ಷ್ಯನ್ತೇ ಬಸ್ತಯೋ ಜ್ವರನಾಶನಾಃ| |೧೨೫|

Adhikarana shiraH shUlAdiShu nasyam (125-126) · Śloka 126

| ಶಿರೋರುಗ್ಗೌರವಶ್ಲೇಷ್ಮಹರಮಿನ್ದ್ರಿಯಬೋಧನಮ್||೧೨೫|| ಜೀರ್ಣಜ್ವರೇ ರುಚಿಕರಂ ದದ್ಯಾನ್ನಸ್ಯಂ ವಿರೇಚನಮ್| ಸ್ನೈಹಿಕಂ ಶೂನ್ಯಶಿರಸೋ ದಾಹಾರ್ತೇ ಪಿತ್ತನಾಶನಮ್||೧೨೬||

Adhikarana pratishyAyAdau dhUmAdayaH (127) · Śloka 127

ಧೂಮಗಣ್ಡೂಷಕವಲಾನ್ ಯಥಾದೋಷಂ ಚ ಕಲ್ಪಯೇತ್| ಪ್ರತಿಶ್ಯಾಯಾಸ್ಯವೈರಸ್ಯಶಿರಃ ಕಣ್ಠಾಮಯಾಪಹಾನ್||೧೨೭||

Adhikarana arUcau kalkadvayam (128) · Śloka 128

ಅರುಚೌ ಮಾತುಲುಙ್ಗಸ್ಯ ಕೇಸರಂ ಸಾಜ್ಯಸೈನ್ಧವಮ್| ಧಾತ್ರೀದ್ರಾಕ್ಷಾಸಿತಾನಾಂ ವಾ ಕಲ್ಕಮಾಸ್ಯೇನ ಧಾರಯೇತ್||೧೨೮||

Adhikarana tvaggate jvare aBya~ggAdayaH (129-130) · Śloka 130

ಯಥೋಪಶಯಸಂಸ್ಪರ್ಶಾನ್ ಶೀತೋಷ್ಣದ್ರವ್ಯಕಲ್ಪಿತಾನ್| ಅಭ್ಯಙ್ಗಾಲೇಪಸೇಕಾದೀನ್ ಜ್ವರೇ ಜೀರ್ಣೇ ತ್ವಗಾಶ್ರಿತೇ||೧೨೯|| ಕುರ್ಯಾದಞ್ಜನಧೂಮಾಂಶ್ಚ ತಥೈವಾಗನ್ತುಜೇಽಪಿ ತಾನ್| |೧೩೦|

Adhikarana dAhe sahastradhautaghRutam (130) · Śloka 130

| ದಾಹೇ ಸಹಸ್ರಧೌತೇನ ಸರ್ಪಿಷಾಽಭ್ಯಙ್ಗಮಾಚರೇತ್||೧೩೦||

Adhikarana aBya~ggArthaM tailam (131-133) · Śloka 133

ಸೂತ್ರೋಕ್ತೈಶ್ಚ ಗಣೈಸ್ತೈಸ್ತೈರ್ಮಧುರಾಮ್ಲಕಷಾಯಕೈಃ| ದೂರ್ವಾದಿಭಿರ್ವಾ ಪಿತ್ತಘ್ನೈಃ ಶೋಧನಾದಿಗಣೋದಿತೈಃ||೧೩೧|| ಶೀತವೀರ್ಯೈರ್ಹಿಮಸ್ಪರ್ಶೈಃ ಕ್ವಾಥಕಲ್ಕೀಕೃತೈಃ ಪಚೇತ್| ತೈಲಂ ಸಕ್ಷೀರಮಭ್ಯಙ್ಗಾತ್ಸದ್ಯೋ ದಾಹಜ್ವರಾಪಹಮ್||೧೩೨|| ಶಿರೋ ಗಾತ್ರಂ ಚ ತೈರೇವ ನಾತಿಪಿಷ್ಟೈಃ ಪ್ರಲೇಪಯೇತ್| ತತ್ಕ್ವಾಥೇನ ಪರೀಷೇಕಮವಗಾಹಂ ಚ ಯೋಜಯೇತ್||೧೩೩|| ತಥಾಽಽರನಾಲಸಲಿಲಕ್ಷೀರಶುಕ್ತಘೃತಾದಿಭಿಃ| ||೧೩೩||

Adhikarana dAhAdighnaM lepatrayam (134-135) · Śloka 135

| ಕಪಿತ್ಥಮಾತುಲುಙ್ಗಾಮ್ಲವಿದಾರೀರೋಧ್ರದಾಡಿಮೈಃ||೧೩೪|| ಬದರೀಪಲ್ಲವೋತ್ಥೇನ ಫೇನೇನಾರಿಷ್ಟಕಸ್ಯ ವಾ| ಲಿಪ್ತೇಽಙ್ಗೇ ದಾಹರುಙ್ಮೋಹಾಶ್ರಚ್ಛರ್ದಿಸ್ತೃಷ್ಣಾ ಚ ಶಾಮ್ಯತಿ||೧೩೫||

Adhikarana pittaharaH kramaH (136) · Śloka 136

ಯೋ ವರ್ಣಿತಃ ಪಿತ್ತಹರೋ ದೋಷೋಪಕ್ರಮಣೇ ಕ್ರಮಃ| ತಂ ಚ ಶೀಲಯತಃ ಶೀಘ್ರಂ ಸದಾಹೋ ನಶ್ಯತಿ ಜ್ವರಃ||೧೩೬||

Adhikarana shItajvare tailalepasvedAdInyauShadhAni (137-147) · Śloka 147

ವೀರ್ಯೋಷ್ಣೈರುಷ್ಣಸಂಸ್ಪರ್ಶೈಸ್ತಗರಾಗುರುಕುಙ್ಕುಮೈಃ| ಕುಷ್ಠಸ್ಥೌಣೇಯಶೈಲೇಯಸರಲಾಮರದಾರುಭಿಃ||೧೩೭|| ನಖರಾಸ್ನಾಪುರವಚಾಚಣ್ಡೈಲಾದ್ವಯಚೋರಕೈಃ| ಪೃಥ್ವೀಕಾಶಿಗ್ರುಸುರಸಾಹಿಂಸ್ರಾಧ್ಯಾಮಕಸರ್ಷಪೈಃ||೧೩೮|| ದಶಮೂಲಾಮೃತೈರಣ್ಡದ್ವಯಪತ್ತೂರರೋಹಿಷೈಃ| ತಮಾಲಪತ್ರಭೂತೀಕಶಲ್ಲಕೀಧಾನ್ಯದೀಪ್ಯಕೈಃ||೧೩೯|| ಮಿಶಿಮಾಷಕುಲತ್ಥಾಗ್ನಿಪ್ರಕೀರ್ಯಾನಾಕುಲೀದ್ವಯೈಃ| ಅನ್ಯೈಶ್ಚ ತದ್ವಿಧೈರ್ದ್ರವ್ಯೈಃ ಶೀತೇ ತೈಲಂ ಜ್ವರೇ ಪಚೇತ್||೧೪೦|| ಕ್ವಥಿತೈಃ ಕಲ್ಕಿತೈರ್ಯುಕ್ತೈಃ ಸುರಾಸೌವೀರಕಾದಿಭಿಃ| ತೇನಾಭ್ಯಞ್ಜಯಾತ್ಸುಖೋಷ್ಣೇನ, ತೈಃ ಸುಪಿಷ್ಟೈಶ್ಚ ಲೇಪಯೇತ್||೧೪೧|| ಕವೋಷ್ಣೈಸ್ತೈಃ ಪರೀಷೇಕಮವಗಾಹಂ ಚ ಕಲ್ಪಯೇತ್| ಕೇವಲೈರಪಿ ತದ್ವಚ್ಚ ಸುಕ್ತಗೋಮೂತ್ರಮಸ್ತುಭಿಃ||೧೪೨|| ಆರಗ್ವಧಾದಿವರ್ಗಂ ಚ ಪಾನಾಭ್ಯಞ್ಜನಲೇಪನೇ| ಧೂಪಾನಗರುಜಾನ್ ಯಾಂಶ್ಚ ವಕ್ಷ್ಯನ್ತೇ ವಿಷಮಜ್ವರೇ||೧೪೩|| ಅಗ್ನ್ಯನಗ್ನಿಕೃತಾನ್ ಸ್ವೇದಾನ್ ಸ್ವೇದಿ ಭೇಷಜಭೋಜನಮ್| ಗರ್ಭಭೂವೇಶ್ಮಶಯನಂ ಕುಥಕಮ್ಬಲರಲ್ಲಕಾನ್||೧೪೪|| ನಿರ್ಧೂಮದೀಪ್ತೈರಙ್ಗಾರೈರ್ಹಸನ್ತೀಶ್ಚ ಹಸನ್ತಿಕಾಃ| ಮದ್ಯಂ ಸತ್ರ್ಯೂಷಣಂ ತಕ್ರಂ ಕುಲತ್ಥವ್ರೀಹಿಕೋದ್ಗವಾನ್||೧೪೫|| ಸಂಶೀಲಯೇದ್ವೇಪಥುಮಾನ್ ಯಚ್ಚಾನ್ಯದಪಿ ಪಿತ್ತಲಮ್| ದಯಿತಾಃ ಸ್ತನಶಾಲಿನ್ಯಃ ಪೀನಾ ವಿಭ್ರಮಭೂಷಣಾಃ||೧೪೬|| ಯೌವನಾಸವಮತ್ತಾಶ್ಚ ತಮಾಲಿಙ್ಗೇಯುರಙ್ಗನಾಃ| ವೀತಶೀತಂ ಚ ವಿಜ್ಞಾಯ ತಾಸ್ತತೋಽಪನಯೇತ್ಪುನಃ||೧೪೭||

Adhikarana sannipAtacikitsAkramaH (148) · Śloka 148

ವರ್ಧನೇನೈಕದೋಷಸ್ಯ ಕ್ಷಪಣೇನೋಚ್ಛ್ರಿತಸ್ಯ ವಾ| ಕಫಸ್ಥಾನಾನುಪೂರ್ವ್ಯಾ ವಾ ತುಲ್ಯಕಕ್ಷಾಞ್ಜಯೇನ್ಮಲಾನ್||೧೪೮||

Adhikarana sannipAtAtopadravakarNamUlam (149) · Śloka 149

ಸನ್ನಿಪಾತಜ್ವರಸ್ಯಾನ್ತೇ ಕರ್ಣಮೂಲೇ ಸುದಾರುಣಃ| ಶೋಫಃ ಸಞ್ಜಾಯತೇ ಯೇನ ಕಶ್ಚಿದೇವ ವಿಮುಚ್ಯತೇ||೧೪೯||

Adhikarana karNamUlacikitsA (150) · Śloka 150

ರಕ್ತಾವಸೇಚನೈಃ ಶೀಘ್ರಂ ಸರ್ಪಿಃಪಾನೈಶ್ಚ ತಂ ಜಯೇತ್| ಪ್ರದೇಹೈಃ ಕಫಪಿತ್ತಘ್ನೈರ್ನಾವನೈಃ ಕವಲಗ್ರಹೈಃ||೧೫೦||

Adhikarana shAkhAnusArI jvaraH asya cikitsA bAhushirAmokShaH (151) · Śloka 151

ಶೀತೋಷ್ಣಸ್ನಿಗ್ಧರೂಕ್ಷಾದ್ಯೈರ್ಜ್ವರೋ ಯಸ್ಯ ನ ಶಾಮ್ಯತಿ| ಶಾಖಾನುಸಾರೀ ತಸ್ಯಾಶು ಮುಞ್ಚೇದ್ವಾಹ್ವೋಃ ಕ್ರಮಾಚ್ಛಿರಾಮ್||೧೫೧||

Adhikarana viShamajvare~apyayameva vidhiH (152) · Śloka 152

ಅಯಮೇವ ವಿಧಿಃ ಕಾರ್ಯೋ ವಿಷಮೇಽಪಿ ಯಥಾಯಥಮ್| ಜ್ವರೇ ವಿಭಜ್ಯ ವಾತಾದೀನ್ ಯಶ್ಚಾನನ್ತರಮುಚ್ಯತೇ||೧೫೨||

Adhikarana viShamajvare kvAthAH (153) · Śloka 153

ಪಟೋಲಕಟುಕಾಮುಸ್ತಾಪ್ರಾಣದಾಮಧುಕೈಃ ಕೃತಾಃ| ತ್ರಿಚತುಃಪಞ್ಚಶಃ ಕ್ವಾಥಾ ವಿಷಮಜ್ವರನಾಶನಾಃ||೧೫೩||

Adhikarana viShamajvare triPalAdirasAyanAni (154) · Śloka 154

ಯೋಜಯೇತ್ರಿಫಲಾಂ ಪಥ್ಯಾಂ ಗುಡೂಚೀಂ ಪಿಪ್ಪಲೀಂ ಪೃಥಕ್| ತೈಸ್ತೈರ್ವಿಧಾನೈಃ ಸಗುಡಂ ಭಲ್ಲಾತಕಮಥಾಪಿ ವಾ||೧೫೪||

Adhikarana jvrarotpattidine la~gghanaM bRuMhaNaM vA (155) · Śloka 155

ಲಙ್ಘನಂ ಬೃಂಹಣಂ ವಾಽಽದೌ ಜ್ವರಾಗಮನವಾಸರೇ| |೧೫೫|

Adhikarana jvarotpattidine prAtaH kAle ojanAdoy vAlashuna purAnadhRutadadhikShIratakraNiShaTrapalAdIni ghRutAni ca (155-156) · Śloka 156

ಪ್ರಾತಃ ಸತೈಲಂ ಲಶುನಂ ಪ್ರಾಗ್ಭಕ್ರಂ ವಾ ತಥಾ ಘೃತಮ್||೧೫೫|| ಜೀರ್ಣಂ ತದ್ವದ್ದಧಿ ಪಯಸ್ತಕ್ರಂ ಸರ್ಪಿಶ್ಚ ಷಟ್ಪಲಮ್| ಕಲ್ಯಾಣಕಂ ಪಞ್ಚಗವ್ಯಂ ತಿಕ್ತಾಖ್ಯಂ ವೃಷಸಾಧಿತಮ್||೧೫೬||

Adhikarana viShamajjarajit triPalAdi ghRutam (157) · Śloka 157

ತ್ರಿಫಲಾಕೋಲತರ್ಕಾರೀಕ್ವಾಥೇ ದಧ್ನಾ ಶೃತಂ ಘೃತಮ್| ತಿಲ್ವಕತ್ವಕ್ಕೃತಾವಾಪ ವಿಷಮಜ್ವರಜಿತ್ಪರಮ್||೧೫೭||

Adhikarana viShamajvare prayogAntaram (158-159) · Śloka 159

ಸುರಾಂ ತೀಕ್ಷ್ಣಂ ಚ ಯನ್ಮದ್ಯಂ ಶಿಖಿತಿತ್ತಿರಿದಕ್ಷಜಮ್| ಮಾಂಸಂ ಮೇದ್ಯೋಷ್ಣವೀರ್ಯಂ ಚ ಸಹಾನ್ನೇನ ಪ್ರಕಾಮತಃ||೧೫೮|| ಸೇವಿತ್ವಾ ತದಹಃ ಸ್ವಪ್ಯಾದಥವಾ ಪುನರುಲ್ಲಿಖೇತ್| |೧೫೯|

Adhikarana viShamajvare sarpirvamantaram (159) · Śloka 159

| ಸರ್ಪಿಷೋ ಮಹತೀಮ್ ಮಾತ್ರಾಂ ಪೀತ್ವಾ ವಾ ಛ್ಹರ್ದಯೇತ್ಪುನಃ||೧೫೯||

Adhikarana viShamajvare virecanam (160) · Śloka 160

ನೀಲಿನೀಭಜಗನ್ಧಾಂ ಚ ತ್ರಿವೃತಾಂ ಕಟುರೋಹಿಣೀಮ್| ಪಿಬೇಜ್ಜ್ವರಸ್ಯಾಗಮನೇ ಸ್ನೇಹಸ್ವೇದೋಪಪಾದಿತಃ||೧೬೦||

Adhikarana viShamajvare a~jjanam (162) · Śloka 162

ಮನೋಹ್ವಾ ಸೈನ್ಧವಂ ಕೃಷ್ಣಾ ತೈಲೇನ ನಯನಾಞ್ಜನಮ್| ಯೋಜ್ಯಂ|೧೬೨|

Adhikarana viShamajvare nasyatrayam (161-162) · Śloka 162

| ಹಿಙ್ಗುಸಮಾ ವ್ಯಾಘ್ರೀವಸಾ ನಸ್ಯಂ ಸಸೈನ್ಧವಮ್||೧೬೧|| ಪುರಾಣಸರ್ಪಿಃ ಸಿಂಹಸ್ಯ ವಸಾ ತದ್ವತ್ಸಸೈನ್ಧವಾ| |೧೬೨|

Adhikarana viShamajvare dhUpadvayam (162-163) · Śloka 163

| ಪಲಙ್ಕಷಾ ನಿಮ್ಬಪತ್ರಂ ವಚಾ ಕುಷ್ಠಂ ಹರೀತಕೀ||೧೬೨|| ಸರ್ಷಪಾಃ ಸಯವಾಃ ಸರ್ಪಿರ್ಧೂಪೋ ವಿಡ್ವಾ ಬಿಡಾಲಜಾ| |೧೬೩|

Adhikarana sarvajvare~aparAjito dhUpaH (163-164) · Śloka 164

| ಪುರಧ್ಯಾಮವಚಾಸರ್ಜನಿಮ್ಬಾರ್ಕಾಗರುದಾರುಭಿಃ||೧೬೩|| ಧೂಪೋ ಜ್ವರೇಷು ಸರ್ವೇಷು ಕಾರ್ಯೋಽಯಮಪರಾಜಿತಃ| |೧೬೪|

Adhikarana unmAdAdiShUkto dhUpAdiH (164) · Śloka 164

| ಧೂಪನಸ್ಯಾಞ್ಜನೋಸ್ತ್ರಾಸಾ ಯೇ ಚೋಕ್ತಾಶ್ಚಿತ್ತವೈಕೃತೇ||೧೬೪||

Adhikarana daivavyapAshryayamauShadham (165) · Śloka 165

ದೈವಾಶ್ರಯಂ ಚ ಭೈಷಜ್ಯಂ ಜ್ವರಾನ್ ಸರ್ವಾನ್ ವ್ಯಪೋಹತಿ| ವಿಷೇಷಾದ್ವಿಷಮಾನ್ ಪ್ರಾಯಸ್ತೇ ಹ್ಯಾಗನ್ತ್ವನುಬನ್ಧಜಾಃ||೧೬೫||

Adhikarana viShamajvare shirAvyadhaH (166) · Śloka 166

ಯಥಾಸ್ವಂ ಚ ಸಿರಾಂ ವಿಧ್ಯೇದಶಾನ್ತೌ ವಿಷಮಜ್ವರೇ| |೧೬೬|

Adhikarana aBighAtaje Agantujvare auShadham (166-167) · Śloka 167

| ಕೇವಲಾನಿಲವೀಸರ್ಪವಿಸ್ಫೋಟಾಭಿಹತಜ್ವರೇ||೧೬೬|| ಸರ್ಪಿಃಪಾನಹಿಮಾಲೇಪಸೇಕಮಾಂಸರಸಾಶನಮ್| ಕುರ್ಯಾದ್ಯಥಾಸ್ವಮುಕ್ತಂ ಚ ರಕ್ತಮೋಕ್ಷಾದಿ ಸಾಧನಮ್||೧೬೭||

Adhikarana grahAveshaje Agantujvare auShadham (168) · Śloka 168

ಗ್ರಹೋತ್ಥೇಭೂತವಿದ್ಯೋಕ್ತಂ ಬಲಿಮನ್ತ್ರಾದಿ ಸಾಧನಮ್| |೧೬೮|

Adhikarana auShadhigandhaje Agantujvare auShadham (168) · Śloka 168

| ಓಷಧೀಗನ್ಧಜೇ ಪಿತ್ತಶಮನಂ|೧೬೮|

Adhikarana viShaje Agantujvare auShadham (168) · Śloka 168

| ವಿಷಜಿದ್ವಿಷೇ||೧೬೮||

Adhikarana krodhAdije Agantujvare auShadham (169-170) · Śloka 170

ಇಷ್ಟೈರರ್ಥೈರ್ಮನೋಜ್ಞೈಶ್ಚ ಯಥಾದೋಷಶಮೇನ ಚ| ಹಿತಾಹಿತವಿವೇಕೈಶ್ಚ ಜ್ವರಂ ಕ್ರೋಧಾದಿಜಂ ಜಯೇತ್||೧೬೯|| ಕ್ರೋಧಜೋ ಯಾತಿ ಕಾಮೇನ ಶಾನ್ತಿಂ ಕ್ರೋಧೇನ ಕಾಮಜಃ| ಭಯೋಶೋಕೋದ್ಭವೌ ತಾಭ್ಯಾಂ ಭೀಶೋಕಾಭ್ಯಂ ತಥೇತರೌ||೧೭೦||

Adhikarana shApaje~aBicAraje ca Agantujvare auShadham (171-172) · Śloka 172

ಶಾಪಾಥರ್ವಣಮನ್ತ್ರೋತ್ಥೇ ವಿಧಿರ್ದೈವವ್ಯಪಾಶ್ರಯಃ| ತೇ ಜ್ವರಾಃ ಕೇವಲಾಃ ಪೂರ್ವಂ ವ್ಯಾಪ್ಯನ್ತೇಽನನ್ತರಂ ಮಲೈಃ||೧೭೧|| ತಸ್ಮಾದ್ದೋಷಾನುಸಾರೇಣ ತೇಷ್ವಾಹಾರಾದಿ ಕಲ್ಪಯೇತ್| ನ ಹಿ ಜ್ವರೋಽನುಬಧ್ನಾತಿ ಮಾರುತಾದ್ಯೈರ್ವಿನಾ ಕೃತಃ||೧೭೨||

Adhikarana sarvajvare manoharaviShayasevanam (173) · Śloka 173

ಜ್ವರಕಾಲಸ್ಮೃತಿಂ ಚಾಸ್ಯ ಹಾರಿಭಿರ್ವಿಷಯೈರ್ಹರೇತ್| |೧೭೩|

Adhikarana sarvajvare manasaH shuddhatvaM karUNAdratvaM ca (173) · Śloka 173

| ಕರುಣಾರ್ದ್ರಂ ಮನಃ ಶುದ್ಧಂ ಸರ್ವಜ್ವರವಿನಾಶನಮ್||೧೭೩||

Adhikarana sarvajvare vyAyAmAdivarjanam (174) · Śloka 174

ತ್ಯಜೇದಾಬಲಲಾಭಾಚ್ಚ ವ್ಯಾಯಾಮಸ್ನಾನಮೈಥುನಮ್| ಗುರ್ವಸಾತ್ಮ್ಯವಿದಾಹ್ಯನ್ನಂ ಯಚ್ಚಾನ್ಯಜ್ಜವರಕಾರಣಮ್||೧೭೪||

Adhikarana sarvajvare sahasA~a~ahAravRuddiniShedhaHniShedhAtikrame doShaH (175) · Śloka 175

ನ ವಿಜ್ವರೋಽಪಿ ಸಹಸಾ ಸರ್ವಾನ್ನೀನೋ ಭವೇತ್ತಥಾ| ನಿವೃತ್ತೋಽಪಿ ಜ್ವರಃ ಶೀಘ್ರಂ ವ್ಯಾಪಾದಯತಿ ದುರ್ಬಲಮ್||೧೭೫||

Adhikarana jvarAvasthAyAM sAvadhAnatA (176) · Śloka 176

ಸದ್ಯಃ ಪ್ರಾಣಹರೋ ಯಸ್ಮಾತ್ತಸ್ಮಾತ್ತಸ್ಯ ವಿಶೇಷತಃ| ತಸ್ಯಾಂ ತಸ್ಯಾಮವಸ್ಥಾಯಾಂ ತತ್ತತ್ಕುರ್ಯಾದ್ಭೀಷಗ್ಜಿತಮ್||೧೭೬||

Adhikarana jvare siddhauShadhAdidhAraNam (1) · Śloka 2

ಔಷಧಯೋ ಮಣಯಶ್ಚ ಸುಮನ್ತ್ರಾಃ ಸಾಧುಗುರುದ್ವಿಜದೈವತಪೂಜಾಃ| ಪ್ರೀತಿಕರಾ ಮನಸೋ ವಿಷಯಾಶ್ಚ ಘ್ನನ್ತ್ಯಪಿ ವಿಷ್ಣುಕೃತಂ ಜ್ವರಮುಗ್ರಮ್||೧೭೭|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾ ಯಾಮಷ್ಟಾಙ್ಗಹೃದಯಸಂಹಿತಾಯಾಂ ಚತುರ್ಥೇ ಚಿತಿತ್ಸಿತಸ್ಥಾನೇ ಜ್ವರಚಿಕಿತ್ಸಿತಂ ನಾಮ ಪ್ರಥಮೋಽಧ್ಯಾಯಃ||೧|| ಗ್||೨||