3. kāsacikitsitādhyāyaḥ

Adhikarana kAsacikitsitAdhyAyaH vAtakAsacikitsA shuddhasya vAtakAsasya cikitsA sapittasya vAtakAsasya cikitsA sakaPasya vAtakAsasya cikitsA (2-3) · Śloka 3

ಅಥಾತಃ ಕಾಸಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ||೨|| ) ಕೇವಲಾನಿಲಜಂ ಕಾಸಂ ಸ್ನೇಹೈರಾದಾವುಪಾಚರೇತ್| ವಾತಘ್ನಸಿದ್ಧೈಃ ಸ್ನಿಗ್ಧೈಶ್ಚ ಪೇಯಾಯೂಷರಸಾದಿಭಿಃ||೧|| ಲೇಹೈರ್ಧೂಮೈಸ್ತಥಾಽಭ್ಯಙ್ಗಸ್ವೇದಸೇಕಾವಗಾಹನೈಃ| ಬಸ್ತಿಭಿರ್ವದ್ಧವಿಡ್ವಾತಂ, ಸಪಿತ್ತಂ ತೂರ್ಧ್ವಭಕ್ತಿಕೈಃ||೨|| ಘೃತೈಃ ಕ್ಷೀರೈಶ್ಚ, ಸಕಫಂ ಜಯೇತ್ಸ್ನೇಹವಿರೇಚನೈಃ| |೩|

Adhikarana guDUcyAdighRutaM vAtakAsanut (3-4) · Śloka 4

| ಗುಡೂಚೀಕಣ್ಟಕಾರೀಭ್ಯಾಂ ಪೃಥಕ್ತ್ರಿಂಶತ್ಪಲಾದ್ರಸೇ||೩|| ಪ್ರಸ್ಥಃ ಸಿದ್ಧೋ ಘೃತಾದ್ವಾತಕಾಸನುದ್ವಹ್ನಿದೀಪನಃ| |೪|

Adhikarana kShArAdighRutaM kAsashvAsAdinut (4-6) · Śloka 6

| ಕ್ಷಾರರಾಸ್ನಾವಚಾಹಿಙ್ಗುಪಾಠಾಯಷ್ಟ್ಯಾಹ್ವಧಾನ್ಯಕೈಃ||೪|| ದ್ವಿಶಾಣೈಃ ಸರ್ಪಿಷಃ ಪ್ರಸ್ಥಂ ಪಞ್ಚಕೋಲಯುತೈಃ ಪಚೇತ್| ದಶಮೂಲಸ್ಯ ನಿರ್ಯೂಹೇ ಪೀತೋ ಮಣ್ಡಾನುಪಾಯಿನಾ||೫|| ಸ ಕಾಸಶ್ವಾಸಹ್ರತ್ಪಾರ್ಶ್ವಗ್ರಹಣೀರೋಗಗುಲ್ಮನುತ್| |೬|

Adhikarana rAsnAdighRutaM pa~jcakAsAdijit (6-9) · Śloka 9

| ದ್ರೋಣೇಽಪಾಂ ಸಾಧಯೇದ್ರಾಸ್ನಾದಶಮೂಲಶತಾವರೀಃ||೬|| ಪಲೋನ್ಮಿತಾ ದ್ವಿಕುಡವಂ ಕುಲತ್ಥಂ ಬದರಂ ಯವಮ್| ತುಲಾರ್ಘಂ ಚಾಜಮಾಂಸಸ್ಯ ತೇನ ಸಾಧ್ಯಂ ಘೃತಾಢಕಮ್||೭|| ಸಮಕ್ಷೀರಂ ಪಲಾಂಶೈಶ್ಚ ಜೀವನೀಯೈಃ ಸಮೀಕ್ಷ್ಯ ತತ್| ಪ್ರಯುಕ್ತಂ ವಾತರೋಗೇಷು ಪಾನನಾವನಬಸ್ತಿಭಿಃ||೮|| ಪಞ್ಚಕಾಸಾನ್ ಶಿರಃಕಮ್ಪಂ ಯೋನಿವಙ್ಕ್ಷಣವೇದನಾಮ್| ಸರ್ವಾಙ್ಗೈಕಾಙ್ಗರೋಗಾಂಶ್ಚ ಸಪ್ಲೀಹೋರ್ಧ್ವಾನಿಲಾನ್ ಜಯೇತ್||೯||

Adhikarana vidAryAdighRutaM kAsajit (10) · Śloka 10

ವಿದಾರ್ಯಾದಿಗಣಕ್ವಾಥಕಲ್ಕಸಿದ್ಧಂ ಚ ಕಾಸಜಿತ್| |೧೦|

Adhikarana ashokabIjAdilehaH (10-11) · Śloka 11

| ಅಶೋಕಬೀಜಕ್ಷವಕಜನ್ತುಘ್ನಾಞ್ಜನಪದ್ಮಕೈಃ||೧೦|| ಸಬಿಡೈಶ್ಚ ಘೃತಂ ಸಿದ್ಧಂ ತಚ್ಚೂರ್ಣಂ ವಾ ಘೃತಪ್ಲುತಮ್| ಲಿಹ್ಯಾತ್ಪಯಶ್ಚಾನು ಪಿಬೇದಾಜಂ ಕಾಸಾತಿಪೀಡಿತಃ||೧೧||

Adhikarana viDa~ggAdilehaH (12-13) · Śloka 13

ವಿಡಙ್ಗಂ ನಾಗರಂ ರಾಸ್ನಾ ಪಿಪ್ಪಲೀ ಹಿಙ್ಗು ಸೈನ್ಧವಮ್| ಭಾರ್ಙ್ಗೀ ಕ್ಷಾರಶ್ಚ ತಚ್ಚೂರ್ಣಂ ಪಿಬೇದ್ವಾ ಘೃತಮಾತ್ರಯಾ||೧೨|| ಸಕಫೇಽನಿಲಜೇ ಕಾಸೇ ಶ್ವಾಸಹಿಧ್ಮಾಹತಾಗ್ನಿಷು| |೧೩|

Adhikarana durAlaBAdilehaH (13-14) · Śloka 14

| ದುರಾಲಭಾಂ ಶೃಙ್ಗಬೇರಂ ಶಠೀಂ ದ್ರಾಕ್ಷಾಂ ಸಿತೋಪಲಾಮ್||೧೩|| ಲಿಹ್ಯಾತ್ಕರ್ಕಟಶೃಙ್ಗೀ ಚ ಕಾಸೇ ತೈಲೇನ ವಾತಜೇ| |೧೪|

Adhikarana duHsparshAdilehaH pippalIshuNThIlehaH BAr~ggIshuNThIlehaH (14-15) · Śloka 15

| ದುಸ್ಪರ್ಶಾಂ ಪಿಪ್ಪಲೀಂ ಮುಸ್ತಾಂ ಭಾರ್ಙ್ಗೀ ಕರ್ಕಟಕೀಂ ಶಠೀಮ್||೧೪|| ಪುರಾಣಗುಡತೈಲಾಭ್ಯಾಂ ಚೂರ್ಣಿತಾನ್ಯವಲೇಹಯೇತ್| ತದ್ವತ್ಸಕೃಷ್ಣಾಂ ಶುಣ್ಠೀಂ ಚ ಸಭಾರ್ಙ್ಗೀ ತದ್ವದೇವ ಚ||೧೫||

Adhikarana pippalyAdipAnapa~jcakam (16-17) · Śloka 17

ಪಿಬೇಚ್ಚ ಕೃಷ್ಣಂ ಕೋಷ್ಣೇನ ಸಲಿಲೇನ ಸಸೈನ್ಧವಾಮ್| ಮಸ್ತುನಾ ಸಸಿತಾಂ ಶುಣ್ಠೀಂ ದಧ್ನಾ ವಾ ಕಣರೇಣುಕಾಮ್||೧೬|| ಪಿಬೇದ್ವದರಮಜ್ಜ್ಞೋ ವಾ ಮದಿರಾದಧಿಮಸ್ತುಭಿಃ| ಅಥವಾ ಪಿಪ್ಪಲೀಕಲ್ಕಂ ಘೃತಭೃಷ್ಟಂ ಸಸೈನ್ಧವಮ್||೧೭||

Adhikarana sapInase kAse dhUmaH (18) · Śloka 18

ಕಾಸೀ ಸಪೀನಸೋ ಧೂಮಂ ಸ್ನೈಹಿಕಂ ವಿಧಿನಾ ಪಿಬೇತ್| ಹಿಧ್ಮಾಶ್ವಾಸೋಕ್ತಧೂಮಾಂಶ್ಚ ಕ್ಷೀರಮಾಂಸರಸಾಶನಃ||೧೮||

Adhikarana mAMsarasayUShAH (19) · Śloka 19

ಗ್ರಾಮ್ಯಾನೂಪೌದಕೈಃ ಶಾಲಿಯವಗೋಧೂಮಷಷ್ಟಿಕಾನ್| ರಸೈರ್ಮಾಷಾತ್ಮಗುಪ್ತಾನಾಂ ಯೂಷೈರ್ವಾ ಭೋಜಯೇದ್ಧಿತಾನ್||೧೯||

Adhikarana yavAnyAdipeyA (20-21) · Śloka 21

ಯವಾನೀಪಿಪ್ಪಲೀಬಿಲ್ವಮಧ್ಯನಾಗರಚಿತ್ರಕೈಃ| ರಾಸ್ನಾಜಾಜೀಪೃಥಕ್ಪರ್ಣೀಪಲಾಶಶಠಿಪೌಷ್ಕರೈಃ||೨೦|| ಸಿದ್ಧಾಂ ಸ್ನಿಗ್ಧಾಮ್ಲಲವಣಾಂ ಪೇಯಾಮನಿಲಜೇ ಪಿಬೇತ್| ಕಟಿಹೃತ್ಪಾರ್ಶ್ವಕೋಷ್ಠಾರ್ತಿಶ್ವಾಸಹಿಧ್ಮಾಪ್ರಣಾಶನೀಮ್||೨೧||

Adhikarana dashamUlAdipeyA (22) · Śloka 22

ದಶಮೂಲರಸೇ ತದ್ವತ್ ಪಞ್ಚಕೋಲಗುಡಾನ್ವಿತಾಮ್| ಪಿಬೇತ್ಪೇಯಾಂ|೨೨|

Adhikarana kShaireyIpeyA (22) · Śloka 22

| ಸಮತಿಲಾಂ ಕ್ಷೈರೇಯೀಂ ವಾ ಸಸೈನ್ಧವಾಮ್||೨೨||

Adhikarana mAMsapeyA (23) · Śloka 23

ಮಾತ್ಸ್ಯಕೌಕ್ಕುಟವಾರಾಹೈರ್ಮಾಂಸೈರ್ವಾ ಸಾಜ್ಯಸೈನ್ಧವಾಮ್| |೨೩|

Adhikarana shAkAni (23-24) · Śloka 24

| ವಾಸ್ತುಕೋ ವಾಯಸೀಶಾಕಂ ಕಾಸಘ್ನಃ ಸುನಿಷಣ್ಣಕಃ||೨೩|| ಕಣ್ಟಕಾರ್ಯಾಃ ಫಲಂ ಪತ್ರಂ ಬಾಲಂ ಶುಷ್ಕಂ ಚ ಮೂಲಕಮ್| |೨೪|

Adhikarana snehAH BakShyAH (24) · Śloka 24

| ಸ್ನೇಹಾಸ್ತೈಲಾದಯೋಭಕ್ಷ್ಯಾಃ ಕ್ಷೀರೇಕ್ಷುರಸಗೌಡಿಕಾಃ||೨೪||

Adhikarana pAnAni (25) · Śloka 25

ದಧಿಮಸ್ತ್ವಾರನಾಲಾಮ್ಲಫಲಾಮ್ಬುಮದಿರಾಃ ಪಿಬೇತ್| |೨೫|

Adhikarana pittakAsacikitsA sakaPe pittakAse vamanam (25-26) · Śloka 26

| ಪಿತ್ತಕಾಸೇ ತು ಸಕಫೇ ವಮನಂ ಸರ್ಪಿಷಾ ಹಿತಮ್||೨೫|| ತಥಾ ಮದನಕಾಶ್ಮರ್ಯಮಧುಕಕ್ವಥಿತೈರ್ಜಲೈಃ| ಫಲಯಷ್ಟ್ಯಾಹ್ವಕಲ್ಕೈರ್ವಾ ವಿದಾರೀಕ್ಷುರಸಾಪ್ಲುತೈಃ||೨೬||

Adhikarana tanukaphe pittakAse virecanam,ghanakaphe pittakAse virecanam (27) · Śloka 27

ಪಿತ್ತಕಾಸೇ ತನುಕಫೇ ತ್ರಿವೃತಾಂ ಮಧುರೈರ್ಯುತಾಮ್| ಯುಞ್ಜ್ಯಾದ್ವಿರೇಕಾಯ ಯುತಾಂ ಘನಶ್ಲೇಷ್ಮಣಿ ತಿಕ್ತಕೈಃ||೨೭||

Adhikarana tanukaPe pittakAse saMsarjanam ghanakaPe pittakAse saMsarjanam (28) · Śloka 28

ಹೃತದೋಷೋ ಹಿಮಂ ಸ್ವಾದು ಸ್ನಿಗ್ಧಂ ಸಂಸರ್ಜನಂ ಭಜೇತ್| ಘನೇ ಕಫೇ ತು ಶಿಶಿರಂ ರೂಕ್ಷಂ ತಿಕ್ತೋಪಸಂಹಿತಮ್||೨೮||

Adhikarana shuddhepittakAse lehaH sakaPe pittakAse lehaH savAte pittakAse lehaH (29) · Śloka 29

ಲೇಹಃ ಪೈತ್ತೇ ಸಿತಾಧಾತ್ರೀಕ್ಷೌದ್ರದ್ರಾಕ್ಷಾಹಿಮೋತ್ಪಲೈಃ| ಸಕಫೇ ಸಾಬ್ದಮರಿಚಃ ಸಘೃತಃ ಸಾನಿಲೇ ಹಿತಃ||೨೯||

Adhikarana mRudvIkAdilehaH (30) · Śloka 30

ಮೃದ್ವೀಕಾರ್ಧಶತಂ ತ್ರಿಂಶತ್ಪಿಪ್ಪಲೀಃ ಶರ್ಕರಾಪಲಮ್| ಲೇಹಯೇನ್ಮಧುನಾ|೩೦|

Adhikarana goshakRudrasalehaH (30) · Śloka 30

| ಗೋರ್ವಾ ಕ್ಷೀರಪಸ್ಯ ಶಕೃದ್ರಸಮ್||೩೦||

Adhikarana tvagelAdilehaH (31-32) · Śloka 32

ತ್ವಗೇಲಾವ್ಯೋಷಮೃದ್ವೀಕಾಪಿಪ್ಪಲೀಮೂಲಪೌಷ್ಕರೈಃ| ಲಾಜಮುಸ್ತಾಶಠೀರಾಸ್ನಾಧಾತ್ರೀಫಲಬಿಭೀತಕೈಃ||೩೧|| ಶರ್ಕರಾಕ್ಷೌದ್ರಸರ್ಪಿರ್ಭಿರ್ಲೇಹೋ ಹೃದ್ರೋಗಕಾಸಹಾ| |೩೨|

Adhikarana ghanakaPa pittakAse annapAnaM tanukaPe pittakAse annapAnam (32-34) · Śloka 34

| ಮಧುರೈರ್ಜಾಙ್ಗಲರಸೈರ್ಯವಶ್ಯಾಮಾಕಕೋದ್ರವಾಃ||೩೨|| ಮುದ್ಗಾದಿಯೂಷೈಃ ಶಾಕೈಶ್ಚ ತಿಕ್ತಕೈರ್ಮಾತ್ರಯಾ ಹಿತಾಃ| ಘನಶ್ಲೇಷ್ಮಣಿ ಲೇಹಾಶ್ಚ ತಿಕ್ತಕಾ ಮಧುಸಂಯುತಾಃ||೩೩|| ಶಾಲಯಃ ಸ್ಯುಸ್ತನುಕಫೇ ಷಷ್ಟಿಕಾಶ್ಚ ರಸಾದಿಭಿಃ| |೩೪|

Adhikarana anupAnAni (34) · Śloka 34

| ಶರ್ಕರಾಮ್ಭೋಽನುಪಾನಾರ್ಥಂ ದ್ರಾಕ್ಷೇಕ್ಷುಸ್ವರಸಾಃ ಪಯಃ||೩೪||

Adhikarana mAMsarasakShIrapeyAyUShAH (35) · Śloka 35

ಕಾಕೋಲೀಬೃಹತೀಮೇದಾದ್ವಯೈಃ ಸವೃಷನಾಗರೈಃ| ಪಿತ್ತಕಾಸೇ ರಸಕ್ಷೀರಪೇಯಾಯೂಷಾನ್ ಪ್ರಕಲ್ಪಯೇತ್||೩೫||

Adhikarana kShIrAntaraM peyAntaram (36-37) · Śloka 37

ದ್ರಾಕ್ಷಾಂ ಕಣಾಂ ಪಞ್ಚಮೂಲಂ ತೃಣಾಖ್ಯಂ ಚ ಪಚೇಜ್ಜಲೇ| ತೇನ ಕ್ಷೀರಂ ಶೃತಂ ಶೀತಂ ಪಿಬೇತ್ಸಮಧುಶರ್ಕರಮ್||೩೬|| ಸಾಧಿತಾಂ ತೇನ ಪೇಯಾಂ ವಾ ಸುಶೀತಾಂ ಮಧುನಾಽನ್ವಿತಾಮ್| |೩೭|

Adhikarana pAnakam (37-38) · Śloka 38

| ಶಠೀಹ್ನೀಬೇರಬೃಹತೀಶರ್ಕರಾವಿಶ್ವಭೇಷಜಮ್||೩೭|| ಪಿಷ್ಟ್ವಾ ರಸಂ ಪಿಬೇತ್ಪೂತಂ ವಸ್ತ್ರೇಣ ಘೃತಮೂರ್ಚ್ಛಿತಮ್| |೩೮|

Adhikarana ghRutacUrNakvAthAH (38-40) · Śloka 40

| ಮೇದಾಂ ವಿದಾರೀಂ ಕಾಕೋಲೀಂ ಸ್ವಯಂಗುಪ್ತಾಫಲಂ ಬಲಾಮ್||೩೮|| ಶರ್ಕರಾಂ ಜೀವಕಂ ಮುದ್ಗಮಾಷಪರ್ಣ್ಯೌ ದುರಾಲಭಾಮ್| ಕಲ್ಕೀಕೃತ್ಯಪಚೇತ್ಸರ್ಪಿಃ ಕ್ಷೀರೇಣಾಷ್ಟಗುಣೇನ ತತ್||೩೯|| ಪಾನಭೋಜನಲೇಹೇಷು ಪ್ರಯುಕ್ತಂ ಪಿತ್ತಕಾಸಜಿತ್| ಲಿಹ್ಯಾದ್ವಾ ಚೂರ್ಣಮೇತೇಷಾಂ ಕಷಾಯಮಥವಾ ಪಿಬೇತ್||೪೦||

Adhikarana kaPakAsacikitsA kaPakAse snehaH (41) · Śloka 41

ಕಫಕಾಸೀ ಪಿಬೇದಾದೌ ಸುರಕಾಷ್ಠಾತ್ ಪ್ರದೀಪಿತಾತ್| ಸ್ನೇಹಂ ಪರಿಸ್ರುತಂ ವ್ಯೋಷಯವಕ್ಷಾರಾವಚೂರ್ಣಿತಮ್||೪೧||

Adhikarana kaPakAse vamanavirecananasyAni (42) · Śloka 42

ಸ್ನಿಗ್ಧಂ ವಿರೇಚಯೇದೂರ್ಧ್ವಮಧೋ ಮೂರ್ಧ್ನಿ ಚ ಯುಕ್ತಿತಃ| ತೀಕ್ಷ್ಣೈರ್ವಿರೇಕೈರ್ಬಲಿನಂ|೪೨|

Adhikarana kaPakAse saMsarjanam (42-44) · Śloka 44

| ಸಂಸರ್ಗೀ ಚಾಸ್ಯ ಯೋಜಯೇತ್||೪೨|| ಯವಮುದ್ಗಕುಲತ್ಥಾನ್ನೈರುಷ್ಣರೂಕ್ಷೈಃ ಕಟೂತ್ಕಟೈಃ| ಕಾಸಮರ್ದಕವಾರ್ತಾಕವ್ಯಾಘ್ರೀಕ್ಷಾರಕಣಾನ್ವಿತೈಃ||೪೩|| ಧಾನ್ವಬೈಲರಸೈಃ ಸ್ನೇಹೈಸ್ತಿಲಸರ್ಷಪನಿಮ್ಬಜೈಃ| |೪೪|

Adhikarana kaPakAse udakapAnaM kaPakAse uShitodakapAnam (44-45) · Śloka 45

ದಶಮೂಲಾಮ್ಬು ಘರ್ಮಾಮ್ಬು ಮದ್ಯಂ ಮಧ್ವಮ್ಬು ವಾ ಪಿಬೇತ್||೪೪|| ಮೂಲೈಃ ಪೌಷ್ಕರಶಮ್ಯಾಕಪಟೋಲೈಃ ಸಂಸ್ಥಿತಂ ನಿಶಾಮ್| ಪಿಬೇದ್ವಾರಿ ಸಹಕ್ಷೌದ್ರಂ ಕಾಲೇಷ್ವನ್ನಸ್ಯ ವಾ ತ್ರಿಷು||೪೫||

Adhikarana kaPakAsepippalyAdayastrayo lehAH (46-47) · Śloka 47

ಪಿಪ್ಪಲೀ ಪಿಪ್ಪಲೀಮೂಲಂ ಶೃಙ್ಗಬೇರಂ ಬಿಭೀತಕಮ್| ಶಿಖಿಕುಕ್ಕುಟಪಿಚ್ಛಾನಾಂ ಮಷೀ ಕ್ಷಾರೋ ಯವೋದ್ಭವಃ||೪೬|| ವಿಶಾಲಾ ಪಿಪ್ಪಲೀಮೂಲಂ ತ್ರಿವೃತಾ ಚ ಮಧುದ್ರವಾಃ| ಕಫಕಾಸಹರಾ ಲೇಹಾಸ್ತ್ರಯಃ ಶ್ಲೋಕಾರ್ಧಯೋಜಿತಾಃ||೪೭||

Adhikarana kaPakAse madhunetyAdayo~aShTau lehAH (48-49) · Śloka 49

ಮಧುನಾ ಮರಿಚಂ ಲಿಹ್ಯಾನ್ಮಧುನೈವ ಚ ಜೋಙ್ಗಕಮ್| ಪೃಥಗ್ರಸಾಂಶ್ಚ ಮಧುನಾ ವ್ಯಾಘ್ರೀವಾರ್ತಾಕಭೃಙ್ಗಜಾನ್||೪೮|| ಕಾಸಘ್ನಸ್ಯಾಶ್ವಶಕೃತಃ ಸುರಸಸ್ಯಾಸಿತಸ್ಯ ಚ| |೪೯|

Adhikarana vAtAnuge kaPe lehatrayam (49-51) · Śloka 51

| ದೇವದಾರುಶಠೀರಾಸ್ನಾಕರ್ಕಟಾಖ್ಯಾದುರಾಲಭಾಃ||೪೯|| ಪಿಪ್ಪಲೀ ನಾಗರಂ ಮುಸ್ತಂ ಪಥ್ಯಾ ಧಾತ್ರೀ ಸಿತೋಪಲಾ| ಲಾಜಾಃ ಸಿತೋಪಲಾ ಸರ್ಪಿಃ ಶೃಙ್ಗೀ ಧಾತ್ರೀಫಲೋದ್ಭವಾ||೫೦|| ಮಧುತೈಲಯುತಾ ಲೇಹಾಸ್ತ್ರಯೋ ವಾತಾನುಗೇ ಕಫೇ| |೫೧|

Adhikarana dADimAdyaM cUrNam,guDakShArAdicUrNam (51-53) · Śloka 53

| ದ್ವೇ ಪಲೇ ದಾಡಿಮಾದಷ್ಟೌ ಗುಡಾದ್ವ್ಯೋಷಾತ್ಪಲತ್ರಯಮ್||೫೧|| ರೋಚನಂ ದೀಪನಂ ಸ್ವರ್ಯಂ ಪೀನಸಶ್ವಾಸಕಾಸಜಿತ್| ಗುಡಕ್ಷಾರೋಷಣಕಣಾದಾಡಿಮಂ ಶ್ವಾಸಕಾಸಜಿತ್||೫೨|| ಕ್ರಮಾತ್ಪಲದ್ವಯಾರ್ಧಾಕ್ಷಕರ್ಷಾರ್ಧಾಕ್ಷಪಲೋನ್ಮಿತಮ್| |೫೩|

Adhikarana pAcanam (53) · Śloka 53

| ಪಿಬೇಜ್ಜವರೋಕ್ತಂ ಪಥ್ಯಾದಿ ಸಶೃಙ್ಗೀಕಂ ಚ ಪಾಚನಮ್||೫೩||

Adhikarana pAcanAntaram (54) · Śloka 54

ಅಥವಾ ದೀಪ್ಯಕತ್ರಿವೃದ್ವಿಶಾಲಾಘನಪೌಷ್ಕರಮ್| ಸಕಣಂ ಕ್ವಥಿತಂ ಮೂತ್ರೇ ಕಫಕಾಸೀ ಜಲೇಽಪಿ ವಾ||೫೪||

Adhikarana shamanam (55) · Śloka 55

ತೈಲಭೃಷ್ಟಂ ಚ ವೈದೇಹೀಕಲ್ಕಾಕ್ಷಂ ಸಸಿತೋಪಲಮ್| ಪಾಯಯೇತ್ಕಫಕಾಸಘ್ನಂ ಕುಲತ್ಥಸಲಿಲಾಪ್ಲುತಮ್||೫೫||

Adhikarana dashamUlaghRutam (56-57) · Śloka 57

ದಶಮೂಲಾಢಕೇ ಪ್ರಸ್ಥಂ ಘೃತಸ್ಯಾಕ್ಷಸಮೈಃ ಪಚೇತ್| ಪುಷ್ಕರಾಹ್ವಶಠೀಬಿಲ್ವಸುರಸಾವ್ಯೋಷಹಿಙ್ಗುಭಿಃ||೫೬|| ಪೇಯಾನುಪಾನಂ ತತ್ಸರ್ವವಾತಶ್ಲೇಷ್ಮಾಮಯಾಪಹಮ್| |೫೭|

Adhikarana nirguNDIghRutam (57) · Śloka 57

| ನಿರ್ಗುಣ್ಡೀಪತ್ರನಿರ್ಯಾಸಸಾಧಿತಂ ಕಾಸಜಿದ್ಧೃತಮ್||೫೭||

Adhikarana viDa~ggaghRutam (58) · Śloka 58

ಘೃತಂ ರಸೇ ವಿಡಙ್ಗಾನಾಂ ವ್ಯೋಷಗರ್ಭಂ ಚ ಸಾಧಿತಮ್| ೫೭ ೧/೨| |೫೮|

Adhikarana punarnavAdighRutam (58) · Śloka 58

ಪುನರ್ನವಶಿವಾಟಿಕಾಸರಲಕಾಸಮರ್ದಾಮೃತಾ- ಪಟೋಲಬೃಹತೀಫಣಿಜ್ಜಕರಸೈಃ ಪಯಃಸಂಯುತೈಃ| ಘೃತಂ ತ್ರಿಕಟುನಾ ಚ ಸಿದ್ಧಮುಪಯುಜ್ಯ ಸಞ್ಜಾಯತೇ ನ ಕಾಸವಿಷಮಜ್ವರಕ್ಷಯಗುದಾಙ್ಕುರೇಭ್ಯೋ ಭಯಮ್||೫೮||

Adhikarana kaNTakArIghRutam (59-63) · Śloka 63

ಸಮೂಲಫಲಪತ್ರಾಯಾಃ ಕಣ್ಟಕಾರ್ಯಾ ರಸಾಢಕೇ||೫೯|| ಘೃತಪ್ರಸ್ಥಂ ಬಲಾವ್ಯೋಷವಿಡಙ್ಗಶಠಿದಾಡಿಮೈಃ| ಸೌವರ್ಚಲಯವಕ್ಷಾರಮೂಲಾಮಲಕಪೌಷ್ಕರೈಃ||೬೦|| ವೃಶ್ಚೀವಬೃಹತೀಪಥ್ಯಾಯವಾನೀಚಿತ್ರಕರ್ಧಿಭಿಃ| ಮೃದ್ವೀಕಾಚವ್ಯವರ್ಷಾಭೂದುರಾಲಮ್ಭಾಮ್ಲವೇತಸೈಃ||೬೧|| ಶೃಙ್ಗೀತಾಮಲಕೀಭಾರ್ಙ್ಗೀರಾಸ್ನಾಗೋಕ್ಷುರಕೈಃ ಪಚೇತ್| ಕಲ್ಕೈಸ್ತತ್ಸರ್ವಕಾಸೇಷು ಶ್ವಾಸಹಿಧ್ಮಾಸು ಚೇಷ್ಯತೇ||೬೨|| ಕಣ್ಟಕಾರೀಘೃತಂ ಚೈತತ್ಕಫವ್ಯಾಧಿವಿನಾಶನಮ್| |೬೩|

Adhikarana vyAghrIlehaH (63-67) · Śloka 67

| ಪಚೇವ್ಯಾಘ್ರೀತುಲಾಂ ಕ್ಷುಣ್ಣಾಂ ವಹೇಽಪಾಮಾಢಕಸ್ಥಿತೇ||೬೩|| ಕ್ಷಿಪೇತ್ ಪೂತೇ ತು ಸಞ್ಚೂರ್ಣ್ಯ ವ್ಯೋಷರಾಸ್ನಾಮೃತಾಗ್ನಿಕಾನ್| ಶೃಙ್ಗೀಭಾರ್ಙ್ಗೀಘನಗ್ರನ್ಥಿಧನ್ವಯಾಸಾನ್ ಪಲಾರ್ಧಕಾನ್||೬೪|| ಸರ್ಪಿಷಃ ಷೋಡಶಪಲಂ ಚತ್ವಾರಿಂಶತ್ಪಲಾನಿ ಚ| ಮತ್ಸ್ಯಣ್ಡಿಕಾಯಾಃ ಶುದ್ಧಾಯಾಃ ಪುನಶ್ಚ ತದಧಿಶ್ರಯೇತ್||೬೫|| ದರ್ವೀಲೇಪಿನಿ ಶೀತೇ ಚ ಪೃಥಕ್ ದ್ವಿಕುಡವಂ ಕ್ಷಿಪೇತ್| ಪಿಪ್ಪಲೀನಾಂ ತವಕ್ಷೀರ್ಯಾ ಮಾಕ್ಷಿಕಸ್ಯಾನವಸ್ಯ ಚ||೬೬|| ಲೇಹೋಽಯಂ ಗುಲ್ಮಹೃದ್ರೋಗದುರ್ನಾಮಶ್ವಾಸಕಾಸಜಿತ್| |೬೭|

Adhikarana dhUmaH (67) · Śloka 67

| ಶಮನಂ ಚ ಪಿಬೇದ್ಧೂಮಂ ಶೋಧನಂ ಬಹಲೇ ಕಫೇ||೬೭||

Adhikarana dhUmAntaram (68-69) · Śloka 69

ಮನಃಶಿಲಾಲಮಧುಕಮಾಂಸೀಮುಸ್ತೇಙ್ಗುದೀತ್ವಚಃ| ಧೂಮಂ ಕಾಸಘ್ನವಿಧಿನಾ ಪೀತ್ವಾ ಕ್ಷೀರಂ ಪಿಬೇದನು||೬೮|| ನಿಷ್ಠ್ಯೂತಾನ್ತೇ ಗುಡಯುತಂ ಕೋಷ್ಣಂ ಧೂಮೋ ನಿಹನ್ತಿ ಸಃ| ವಾತಶ್ಲೇಷ್ಮೋತ್ತರಾನ್ ಕಾಸಾನಚಿರೇಣ ಚಿರನ್ತನಾನ್||೬೯||

Adhikarana tamakopadrave pratIkAra (70) · Śloka 70

ತಮಕಃ ಕಫಕಾಸೇ ತು ಸ್ಯಾಚ್ಚೇತ್ಪಿತ್ತಾನುಬನ್ಧಜಃ| ಪಿತ್ತಕಾಸಕ್ರಿಯಾಂ ತತ್ರ ಯಥಾವಸ್ಥಂ ಪ್ರಯೋಜಯೇತ್||೭೦||

Adhikarana anubandhaBedAccikitsA (71-72) · Śloka 72

ಕಫಾನುಬನ್ಧೇ ಪವನೇ ಕುರ್ಯಾತ್ಕಫಹರಾಂ ಕ್ರಿಯಾಮ್| ಪಿತ್ತಾನುಬನ್ಧಯೋರ್ವಾತಕಫಯೋಃ ಪಿತ್ತನಾಶಿನೀಮ್||೭೧|| ವಾತಶ್ಲೇಷ್ಮಾತ್ಮಕೇ ಶುಷ್ಕೇ ಸ್ನಿಗ್ಧಮಾರ್ದ್ರೇ ವಿರುಕ್ಷಣಮ್| ಕಾಸೇ ಕರ್ಮ ಸಪಿತ್ತೇ ತು ಕಫಜೇ ತಿಕ್ತಸಂಯುತಮ್||೭೨||

Adhikarana uraHkShate auShadham (73) · Śloka 73

ಉರಸ್ಯನ್ತಃಕ್ಷತೇ ಸದ್ಯೋ ಲಾಕ್ಷಾಂ ಕ್ಷೌದ್ರಯುತಾಂ ಪಿಬೇತ್| ಕ್ಷೀರೇಣ|೭೩|

Adhikarana jIrNaiShadhe Bojanam (73) · Śloka 73

| ಶಾಲೀನ್ ಜೀರ್ಣೇಽದ್ಯಾತ್ಕ್ಷೀರೇಣೈವ ಸಶರ್ಕರಾನ್||೭೩||

Adhikarana pArshvarujAdyanvite auShadham (74) · Śloka 74

ಪಾರ್ಶ್ವಬಸ್ತಿಸರುಕ್ಚಾಲ್ಪಪಿತ್ತಾಗ್ನಿಸ್ತಾಂ ಸುರಾಯುತಾಮ್| |೭೪|

Adhikarana BinnaviTke auShadham (74) · Śloka 74

| ಭಿನ್ನವಿಟ್ಕಃ ಸಮುಸ್ತಾತಿವಿಷಾಪಾಠಾಂ ಸವತ್ಸಕಾಮ್||೭೪||

Adhikarana dIptAnale auShadham (75) · Śloka 75

ಲಾಕ್ಷಾಂ ಸರ್ಪಿರ್ಮಧೂಚ್ಛಿಷ್ಟಂ ಜೀವನೀಯಂ ಗಣಂ ಸಿತಾಮ್| ತ್ವಕ್ಕ್ಷೀರೀ ಸಮಿತಂ ಕ್ಷೀರೇ ಪಕ್ತ್ವಾ ದೀಪ್ತಾನಲಃ ಪಿಬೇತ್||೭೫||

Adhikarana sandhAnArthaM payaH (76) · Śloka 76

ಇಕ್ಷ್ವಾರಿಕಾಬಿಸಗ್ರನ್ಥಿಪದ್ಮಕೇಸರಚನ್ದನೈಃ| ಶೃತಂ ಪಯೋ ಮಧುಯುತಂ ಸನ್ಧಾನಾರ್ಥಂ ಪಿಬೇತ್ಕ್ಷತೀ||೭೬||

Adhikarana jvaradAhe auShadhadvayam (77) · Śloka 77

ಯವಾನಾಂ ಚೂರ್ಣಮಾಮಾನಾಂ ಕ್ಷೀರೇ ಸಿದ್ಧಂ ಘೃತಾನ್ವಿತಮ್| ಜ್ವರದಾಹೇ ಸಿತಾಕ್ಷೌದ್ರಸಕ್ತೂನ್ವಾ ಪಯಸಾ ಪಿಬೇತ್||೭೭||

Adhikarana kAse auShadhacatuShTayam (78-79) · Śloka 79

ಕಾಸವಾಂಸ್ತು ಪಿಬೇತ್ಸರ್ಪಿರ್ಮಧುರೌಷಧಸಾಧಿತಮ್| ಗುಡೋದಕಂ ವಾ ಕ್ವಥಿತಂ ಸಕ್ಷೌದ್ರಮರಿಚಂ ಹಿತಮ್||೭೮|| ಚೂರ್ಣಮಾಮಲಕಾನಾಂ ವಾ ಕ್ಷೀರೇ ಪಕ್ವಂ ಘೃತಾನ್ವಿತಮ್| ರಸಾಯನವಿಧಾನೇನ ಪಿಪ್ಪಲೀರ್ವಾ ಪ್ರಯೋಜಯೇತ್||೭೯||

Adhikarana kAse parvAsthishUle cauShadham (80) · Śloka 80

ಕಾಸೀ ಪರ್ವಾಸ್ಥಿಶೂಲೀ ಚ ಲಿಹ್ಯಾತ್ಸಘೃತಮಾಕ್ಷಿಕಾಃ| ಮಧೂಕಮಧುಕದ್ರಾಕ್ಷಾತ್ವಕ್ಕ್ಷೀರಿಪಿಪ್ಪಲೀಬಲಾಃ||೮೦||

Adhikarana elAdi (trijAtakAdi)guTikA (81-83) · Śloka 83

ತ್ರಿಜಾತಮರ್ಧಕರ್ಷಾಂಶಂ ಪಿಪ್ಪಲ್ಯರ್ಧಪಲಂ ಸಿತಾ| ದ್ರಾಕ್ಷಾ ಮಧೂಕಂ ಖರ್ಜೂರಂ ಪಲಾಂಶಂ ಶ್ಲಕ್ಷ್ಣಚೂರ್ಣಿತಮ್||೮೧|| ಮಧುನಾ ಗುಟಿಕಾ ಘ್ನನ್ತಿ ತಾ ವೃಷ್ಯಾಃ ಪಿತ್ತಶೋಣಿತಮ್| ಕಾಸಶ್ವಾಸಾರುಚಿಚ್ಛರ್ದಿಮೂರ್ಚ್ಛಾಹಿಧ್ಮಾಮದಭ್ರಮಾನ್||೮೨|| ಕ್ಷತಕ್ಷಯಸ್ವರಭ್ರಂಶಪ್ಲೀಹಶೋಷಾಢ್ಯಮಾರುತಾನ್| ರಕ್ತನಿಷ್ಠೀವಹೃತ್ಪಾರ್ಶ್ವರುಕ್ಪಿಪಾಸಾಜ್ವರಾನಪಿ||೮೩||

Adhikarana raktaShThIve auShadhadvayam (84-85) · Śloka 85

ವರ್ಷಾಭೂಶರ್ಕರಾರಕ್ತಶಾಲಿತಣ್ಡುಲಜಂ ರಜಃ| ರಕ್ತಷ್ಠೀವೀ ಪಿಬೇತ್ಸಿದ್ಧಂ ದ್ರಾಕ್ಷಾರಸಪಯೋಘೃತೈಃ||೮೪|| ಮಧೂಕಮಧುಕಕ್ಷೀರಸಿದ್ಧಂ ವಾ ತಣ್ಡುಲೀಯಕಮ್| |೮೫|

Adhikarana atra raktapittauShadhamapi (85) · Śloka 85

| ಯಥಾಸ್ವಂ ಮಾರ್ಗವಿಸೃತೇ ರಕ್ತೇ ಕುರ್ಯಾಚ್ಚ ಭೇಷಜಮ್||೮೫||

Adhikarana mUDhavAte auShadham (86) · Śloka 86

ಮೂಢವಾತಸ್ತ್ವಜಾಮೇದಃ ಸುರಾಭೃಷ್ಟಂ ಸಸೈನ್ಧವಮ್| |೮೬|

Adhikarana kShAmakShINAdau auShadham (86-87) · Śloka 87

| ಕ್ಷಾಮಃ ಕ್ಷೀಣಃ ಕ್ಷತೋರಸ್ಕೋ ಮನ್ದನಿದ್ರೋಽಗ್ನಿದೀಪ್ತಿಮಾನ್||೮೬|| ಶೃತಕ್ಷೀರಸರೇಣಾದ್ಯಾತ್ಸಘೃತಕ್ಷೌದ್ರಶರ್ಕರಮ್| |೮೭|

Adhikarana kShINakShatakRutakRusheShu auShadham (87-88) · Śloka 88

| ಶರ್ಕರಾಯವಗೋಧೂಮಂ ಜೀವಕರ್ಷಭಕೌ ಮಧು||೮೭|| ಶೃತಕ್ಷೀರಾನುಪಾನಂ ವಾ ಲಿಹ್ಯಾತ್ಕ್ಷೀಣಃ ಕ್ಷತಃ ಕೃಶಃ| |೮೮|

Adhikarana kShINakShatakRuteShu auShadham (88-89) · Śloka 89

| ಕ್ರವ್ಯಾತ್ಪಿಶಿತನಿರ್ಯೂಹಂ ಘೃತಭೃಷ್ಟಂ ಪಿಬೇಚ್ಚ ಸಃ||೮೮|| ಪಿಪ್ಪ್ಪಲೀಕ್ಷೌದ್ರಸಂಯುಕ್ತಂ ಮಾಂಸಶೋಣಿತವರ್ಧನಮ್| |೮೯|

Adhikarana kShINakShatakRuteShu auShadhAntaram kShatoraske auShadham (89-91) · Śloka 91

| ನ್ಯಗ್ರೋಧೋದುಮ್ಬರಾಶ್ವತ್ಥಪ್ಲಕ್ಷಶಾಲಪ್ರಿಯಙ್ಗುಭಿಃ||೮೯|| ತಾಲಮಸ್ತಕಜಮ್ಬೂತ್ವಕ್ಪ್ರಿಯಾಲೈಶ್ಚ ಸಪದ್ಮಕೈಃ| ಸಾಶ್ವಕರ್ಣೈಃ ಶೃತಾತ್ಕ್ಷೀರಾದದ್ಯಾಜ್ಜಾತೇನ ಸರ್ಪಿಷಾ||೯೦|| ಶಾಲ್ಯೋದನಂ ಕ್ಷತೋರಸ್ಕಃ ಕ್ಷೀಣಶುಕ್ರಬಲೇನ್ದ್ರಿಯಃ| |೯೧|

Adhikarana vAtapittArdite ghRutABya~ggaH (91-92) · Śloka 92

| ವಾತಪಿತ್ತಾರ್ದಿತೇಽಭ್ಯಙ್ಗೋ ಗಾತ್ರಭೇದೇ ಘೃತೈರ್ಮತಃ||೯೧|| ತೈಲೈಶ್ಚಾನಿಲರೋಗಘ್ನೈಃ ಪೀಡಿತೇ ಮಾತರಿಶ್ವನಾ| |೯೨|

Adhikarana hratpArshvArtau auShadham (92) · Śloka 92

| ಹೃತ್ಪಾರ್ಶ್ವಾರ್ತಿಷು ಪಾನಂ ಸ್ಯಾಜ್ಜೀವನೀಯಸ್ಯ ಸರ್ಪಿಷಃ|೯೨|

Adhikarana atra vAtavyAdhyuktamapi (92) · Śloka 92

| ಹೃತ್ಪಾರ್ಶ್ವಾರ್ತಿಷು ಪಾನಂ ಸ್ಯಾಜ್ಜೀವನೀಯಸ್ಯ ಸರ್ಪಿಷಃ||೯೨||

Adhikarana kShate auShadham (93-94) · Śloka 94

| ಯಷ್ಟ್ಯಾಹ್ನನಾಗಬಲಯೋಃ ಕ್ವಾಥೇ ಕ್ಷೀರಸಮೇ ಘೃತಮ್||೯೩|| ಪಯಸ್ಯಾಪಿಪ್ಪಲೀವಾಂಶೀಕಲ್ಕೈಃ ಸಿದ್ಧಂ ಕ್ಷತೇ ಹಿತಮ್| |೯೪|

Adhikarana amRutaprAshaM ghRutam (94-101) · Śloka 101

| ಜೀವನೀಯೋ ಗಣಃ ಶುಣ್ಠೀ ವರೀ ವೀರಾ ಪುನರ್ನವಾ||೯೪|| ಬಲಾಭಾರ್ಙ್ಗೀಸ್ವಗುಪ್ತರ್ದ್ಧಿಶಠೀತಾಮಲಕೀಕಣಾಃ| ಶೃಙ್ಗಾಟಕಂ ಪಯಸ್ಯಾ ಚ ಪಞ್ಚಮೂಲಂ ಚ ಯಲ್ಲಘು||೯೫|| ದ್ರಾಕ್ಷಾಕ್ಷೋಡಾದಿ ಚ ಫಲಂ ಮಧುರಸ್ನಿಗ್ಧಬೃಂಹಣಮ್| ತೈಃ ಪಚೇತ್ಸರ್ಪಿಷಃ ಪ್ರಸ್ಥಂ ಕರ್ಷಾಂಶೈಃ ಶ್ಲಕ್ಷ್ಣಕಲ್ಕಿತೈಃ||೯೬|| ಕ್ಷೀರಧಾತ್ರೀವಿದಾರೀಕ್ಷುಚ್ಛಾಗಮಾಂಸರಸಾನ್ವಿತಮ್| ಪ್ರಸ್ಥಾರ್ಧಂ ಮಧುನಃ ಶೀತೇ ಶರ್ಕರಾರ್ಧತುಲಾರಜಃ||೯೭|| ಪಲಾರ್ಧಕಂ ಚ ಮರಿಚತ್ವಗೇಲಾಪತ್ರಕೇಸರಮ್| ವಿನೀಯ ಚೂರ್ಣಿತಂ ತಸ್ಮಾಲ್ಲಿಹ್ಯಾನ್ಮಾತ್ರಾಂ ಯಥಾಬಲಮ್||೯೮|| ಅಮೃತಪ್ರಾಶಮಿತ್ಯೇತನ್ನರಾಣಾಮಮೃತಂ ಘೃತಮ್| ಸುಧಾಮೃತರಸಂ ಪ್ರಾಶ್ಯಂ ಕ್ಷೀರಮಾಂಸರಸಾಶಿನಾ||೯೯|| ನಷ್ಟಶುಕ್ರಕ್ಷತಕ್ಷೀಣದುರ್ಬಲವ್ಯಾಧಿಕರ್ಶಿತಾನ್| ಸ್ತ್ರೀಪ್ರಸಕ್ತಾನ್ ಕೃಶಾನ್ ವರ್ಣಸ್ವರಹೀನಾಂಶ್ಚ ಬೃಂಹಯೇತ್||೧೦೦|| ಕಾಸಹಿಧ್ಮಾಜ್ವರಶ್ವಾಸದಾಹತೃಷ್ಣಾಸ್ರಿಪಿತ್ತನುತ್| ಪುತ್ರದಂ ಛರ್ದಿಮೂರ್ಚ್ಛಾಹೃದ್ಯೋನಿಮೂತ್ರಾಮಯಾಪಹಮ್||೧೦೧||

Adhikarana shvadaMShTrAdighRutam (102-105) · Śloka 105

ಶ್ರ್ವದಂಷ್ಟ್ರೋಶೀರಮಞ್ಜಿಷ್ಠಾಬಲಾಕಾಶ್ಮರ್ಯಕತ್ತೃಣಮ್| ದರ್ಭಮೂಲಂ ಪೃಥಕ್ಪರ್ಣೀ ಪಲಾಶರ್ಷಭಕೌ ಸ್ಥಿರಾಮ್||೧೦೨|| ಪಾಲಿಕಾನಿ ಪಚೇತ್ತೇಷಾಂ ರಸೇ ಕ್ಷೀರಚತುರ್ಗುಣೇ| ಕಲ್ಕೈಃ ಸ್ವಗುಪ್ತಾಜೀವನ್ತೀಮೇದರ್ಷಭಕಜೀವಕೈಃ||೧೦೩|| ಶತಾವರ್ಯರ್ದ್ಧಿಮೃದ್ವೀಕಾಶರ್ಕರಾಶ್ರಾವಣೀಬಿಸೈಃ| ಪ್ರಸ್ಥಃ ಸಿದ್ಧೋ ಘೃತಾದ್ವಾತಪಿತ್ತಹೃದ್ರೋಗಶೂಲನುತ್||೧೦೪|| ಮೂತ್ರಕೃಚ್ಛ್ರಪ್ರಮೇಹಾರ್ಶಃಕಾಸಶೋಷಕ್ಷಯಾಪಹಃ| ಧನುಃಸ್ತ್ರೀಮದ್ಯಭಾರಾಧ್ವಖಿನ್ನಾನಾಂ ಬಲಮಾಂಸದಃ||೧೦೫||

Adhikarana samasaktu madhukAdi ghRutam (106-107) · Śloka 107

ಮಧುಕಾಷ್ಟಪಲದ್ರಾಕ್ಷಾಪ್ರಸ್ಥಕ್ವಾಥೇ ಪಚೇದ್ಧೃತಮ್| ಪಿಪ್ಪಲ್ಯಷ್ಟಪಲೇ ಕಲ್ಕೇ ಪ್ರಸ್ಥಂ ಸಿದ್ಧೇ ಚ ಶೀತಲೇ||೧೦೬|| ಪೃಥಗಷ್ಟಪಲಂ ಕ್ಷೌದ್ರಶರ್ಕರಾಭ್ಯಾಂ ವಿಮಿಶ್ರಯೇತ್| ಸಮಸಕ್ತು ಕ್ಷತಕ್ಷೀಣರಕ್ತಗುಲ್ಮೇಷು ತದ್ಧಿತಮ್||೧೦೭||

Adhikarana dhAtrIPalAdi ghRutam (108-110) · Śloka 110

ಧಾತ್ರೀಫಲವಿದಾರೀಕ್ಷುಜೀವನೀಯರಸಾದ್ಧೃತಾತ್| ಗವ್ಯಾಜಯೋಶ್ಚ ಪಯಸೋಃ ಪ್ರಸ್ಥಂ ಪ್ರಸ್ಥಂ ವಿಪಾಚಯೇತ್||೧೦೮|| ಸಿದ್ಧಶೀತೇ ಸಿತಾಕ್ಷೌದ್ರಂ ದ್ವಿಪ್ರಸ್ಥಂ ವಿನಯೇತ್ತತಃ| ಯಕ್ಷ್ಮಾಪಸ್ಮಾರಪಿತ್ತಾಸೃಕ್ಕಾಸಮೇಹಕ್ಷಯಾಪಹಮ್||೧೦೯|| ವಯಃಸ್ಥಾಪನಮಾಯುಷ್ಯಂ ಮಾಂಸಶುಕ್ರಬಲಪ್ರದಮ್| |೧೧೦|

Adhikarana ghRutalehapAnayorviShayaBedaH (110-111) · Śloka 111

| ಘೃತಂ ತು ಪಿತ್ತೇಽಭ್ಯಧಿಕೇ ಲಿಹ್ಯಾದ್ವಾತೇಽಧಿಕೇ ಪಿಬೇತ್||೧೧೦|| ಲೀಢಂ ನಿರ್ವಾಪಯೇತ್ಪಿತ್ತಮಲ್ಪತ್ವಾದ್ಧನ್ತಿ ನಾನಲಮ್| ಆಕ್ರಾಮತ್ಯನಿಲಂ ಪೀತಮೂಷ್ಮಾಣಂ ನಿರುಣದ್ಧಿ ಚ||೧೧೧||

Adhikarana sarpirguDAH (112-113) · Śloka 113

ಕ್ಷಾಮಕ್ಷೀಣಕೃಶಾಙ್ಗಾನಾಮೇತಾನ್ಯೇವ ಘೃತಾನಿ ತು| ತ್ವಕ್ಕ್ಷೀರೀಶರ್ಕರಾಲಾಜಚೂರ್ಣೈಃ ಸ್ತ್ಯಾನಾನಿ ಯೋಜಯೇತ್||೧೧೨|| ಸರ್ಪಿರ್ಗುಡಾನ್ ಸಮಧ್ವಂಶಾನ್ ಕೃತ್ವಾ ದದ್ಯಾತ್ಪಯೋಽನು ಚ| ರೇತೋ ವೀರ್ಯಂ ಬಲಂ ಪುಷ್ಟಿಂ ತೈರಾಶುತರಮಾಪ್ನುಯಾತ್||೧೧೩||

Adhikarana kUShmANDakarasAyanam (114-118) · Śloka 118

ವೀತತ್ವಗಸ್ಥಿಕೂಷ್ಮಾಣ್ಡತುಲಾಂ ಸ್ವಿನ್ನಾಂ ಪುನಃ ಪಚೇತ್| ಘಟ್ಟಯನ್ ಸರ್ಪಿಷಃ ಪ್ರಸ್ಥೇ ಕ್ಷೌದ್ರವರ್ಣೇಽತ್ರ ಚ ಕ್ಷಿಪೇತ್||೧೧೪|| ಖಣ್ಡಾಚ್ಛತಂ ಕಣಾಶುಣ್ಠ್ಯೋರ್ದ್ವಿಪಲಂ ಜೀರಕಾದಪಿ| ತ್ರಿಜಾತಧಾನ್ಯಮರಿಚಂ ಪೃಥಗರ್ಧಪಲಾಂಶಕಮ್||೧೧೫|| ಅವತಾರಿತಶೀತೇ ಚ ದತ್ವಾ ಕ್ಷೌದ್ರಂ ಘೃತಾರ್ಧಕಮ್| ಖಜೇನಾಮಥ್ಯ ಚ ಸ್ಥಾಪ್ಯಂ ತನ್ನಿಹನ್ತ್ಯುಪಯೋಜಿತಮ್||೧೧೬|| ಕಾಸಹಿಧ್ಮಾಜ್ವರಶ್ವಾಸರಕ್ತಪಿತ್ತಕ್ಷತಕ್ಷಯಾನ್| ಉರಃಸನ್ಧಾನಜನನಂ ಮೇಧಾಸ್ಮೃತಿಬಲಪ್ರದಮ್||೧೧೭|| ಅಶ್ವಿಭ್ಯಾಂ ವಿಹಿತಂ ಹೃದ್ಯಂ ಕೂಷ್ಮಾಣ್ಡಕರಸಾಯನಮ್| |೧೧೮|

Adhikarana nAgabalArasAyanam maNDUkaparNIrasAyanam yaShTIrasAyanam shuNThIrasAyanam (118-120) · Śloka 120

| ಪಿಬೇನ್ನಾಗಬಲಾಮೂಲಸ್ಯಾರ್ಧಕರ್ಷಾಭಿವರ್ಧಿತಮ್||೧೧೮|| ಪಲಂ ಕ್ಷೀರಯುತಂ ಮಾಸಂ ಕ್ಷೀರವೃತ್ತಿರನನ್ನಭುಕ್| ಏಷ ಪ್ರಯೋಗಃ ಪುಷ್ಟ್ಯಾಯುರ್ಬಲವರ್ಣಕರಃ ಪರಮ್||೧೧೯|| ಮಣ್ಡೂಕಪರ್ಣ್ಯಾಃ ಕಲ್ಪೋಽಯಂ ಯಷ್ಟ್ಯಾ ವಿಶ್ವೌಷಧಸ್ಯ ಚ| |೧೨೦|

Adhikarana nAgabalAsarpiH (120-125) · Śloka 125

| ಪಾದಶೇಷಂ ಜಲದ್ರೋಣೇ ಪಚೇನ್ನಾಗಬಲಾತುಲಾಮ್||೧೨೦|| ತೇನ ಕ್ವಾಥೇನ ತುಲ್ಯಾಂಶಂ ಘೃತಂ ಕ್ಷೀರಂ ಚ ಸಾಧಯೇತ್| ಪಲಾರ್ಧಿಕೈಶ್ಚಾತಿಬಲಾಬಲಾಯಷ್ಟೀಪುನರ್ನವೈಃ||೧೨೧|| ಪ್ರಪೌಣ್ಡರೀಕಕಾಶ್ಮರ್ಯಪ್ರಿಯಾಲಕಪಿಕಚ್ಛುಭಿಃ| ಅಶ್ವಗನ್ಧಾಸಿತಾಭೀರುಮೇದಾಯುಗ್ಮತ್ರಿಕಣ್ಟಕೈಃ||೧೨೨|| ಕಾಕೋಲೀಕ್ಷೀರಕಾಕೋಲೀಕ್ಷೀರಶುಕ್ಲಾದ್ವಿಜೀರಕೈಃ| ಮೃಣಾಲಬಿಸಖರ್ಜೂರಶೃಙ್ಗಾಟಕಕಸೇರುಕೈಃ||೧೨೩|| ಏತನ್ನಾಗಬಲಾಸರ್ಪಿಃ ಪಿತ್ತರಕ್ತಕ್ಷತಕ್ಷಯಾನ್| ಜಯೇತ್ತೃಡ್ಭ್ರಮದಾಹಾಂಶ್ಚ ಬಲಪುಷ್ಟಿಕರಂ ಪರಮ್||೧೨೪|| ವರ್ಣ್ಯಮಾಯುಷ್ಯಮೋಜಸ್ಯಂ ವಲೀಪಲಿತನಾಶನಮ್| ಉಪಯುಜ್ಯ ಚ ಷಣ್ಮಾಸಾನ್ ವೃದ್ಧೋಽಪಿ ತರುಣಾಯತೇ||೧೨೫||

Adhikarana dIpte~agnau eShavidhiH (126) · Śloka 126

ದೀಪ್ತೇಽಗ್ನೌ ವಿಧಿರೇಷ ಸ್ಯಾತ್| |೧೨೬|

Adhikarana mande~agnau dIpanapAcanAdiH drave male grAhI (126) · Śloka 126

ಮನ್ದೇ ದೀಪನಪಾಚನಃ| ಯಕ್ಷ್ಮೋಕ್ತಃ ಕ್ಷತಿನಾಂ ಶಸ್ತೋ, ಗ್ರಾಹೀ ಶಕೃತಿ ತು ದ್ರವೇ||೧೨೬||

Adhikarana agastyaharItakI rasAyanam (127-132) · Śloka 132

ದಶಮೂಲಂ ಸ್ವಯಂಗುಪ್ತಾಂ ಶಙ್ಖಪುಷ್ಪೀಂ ಶಠೀಂ ಬಲಾಮ್| ಹಸ್ತಿಪಿಪ್ಪಲ್ಯಪಾಮಾರ್ಗಪಿಪ್ಪಲೀಮೂಲಚಿತ್ರಕಾನ್||೧೨೭|| ಭಾರ್ಙ್ಗೀ ಪುಷ್ಕರಮೂಲಂ ಚ ದ್ವಿಪಲಾಂಶಂ ಯವಾಢಕಮ್| ಹರೀತಕೀಶತಂ ಚೈಕಂ ಜಲಪಞ್ಚಾಢಕೇ ಪಚೇತ್||೧೨೮|| ಯವಸ್ವೇದೇ ಕಷಾಯಂ ತಂ ಪೂತಂ ತಚ್ಚಾಭಯಾಶತಮ್| ಪಚೇದ್ಗುಡತುಲಾಂ ದತ್ತ್ವಾ ಕುಡವಂ ಚ ಪೃಥಗ್ಘೃತಾತ್||೧೨೯|| ತೈಲಾತ್ಸಪಿಪ್ಪಲೀಚೂರ್ಣಾತ್ಸಿದ್ಧಶೀತೇ ಚ ಮಾಕ್ಷಿಕಾತ್| ಲೇಹಂ ದ್ವೇ ಚಾಭಯೇ ನಿತ್ಯಮತಃ ಖಾದೇದ್ರಸಾಯನಾತ್||೧೩೦|| ತದ್ವಲೀಪಲಿತಂ ಹನ್ಯಾದ್ವರ್ಣಾಯುರ್ಬಲವರ್ಧನಮ್| ಪಞ್ಚಕಾಸಾನ್ ಕ್ಷಯಂ ಶ್ವಾಸಂ ಸಹಿಧ್ಮಂ ವಿಷಮಜ್ವರಮ್||೧೩೧|| ಮೇಹಗುಲ್ಮಗ್ರಹಣ್ಯರ್ಶೋಹೃದ್ರೋಗಾರುಚಿಪೀನಸಾನ್| ಅಗಸ್ತ್ಯವಿಹಿತಂ ಧನ್ಯಮಿದಂ ಶ್ರೇಷ್ಠಂ ರಸಾಯನಮ್||೧೩೨||

Adhikarana vasiShThaharItakI (133-141) · Śloka 141

ದಶಮೂಲಂ ಬಲಾಂ ಮೂರ್ವಾಂ ಹರಿದ್ರೇ ಪಿಪ್ಪಲೀದ್ವಯಮ್| ಪಾಠಾಶ್ವಗನ್ಧಾಪಾಮಾರ್ಗಸ್ವಗುಪ್ತಾತಿವಿಷಾಮೃತಾಃ||೧೩೩|| ಬಾಲಬಿಲ್ವಂ ತ್ರಿವೃದ್ದನ್ತೀಮೂಲಂ ಪತ್ರಂ ಚ ಚಿತ್ರಕಾತ್| ಪಯಸ್ಯಾಂ ಕುಟಜಂ ಹಿಂಸ್ತ್ರಾಂ ಪುಷ್ಪಂ ಸಾರಂ ಚ ಬೀಜಕಾತ್||೧೩೪|| ಬೋಟಸ್ಥವಿರಭಲ್ಲಾತವಿಕಙ್ಕತಶತಾವರೀಃ| ಪೂತೀಕರಞ್ಜಶಮ್ಯಾಕಚನ್ದ್ರಲೇಖಾಸಹಾಚರಮ್||೧೩೫|| ಸೌಭಾಞ್ಜನಕನಿಮ್ಬತ್ವಗಿಕ್ಷುರಂ ಚ ಪಲಾಂಶಕಮ್| ಪಥ್ಯಾಸಹಸ್ರಂ ಸಶತಂ ಯವಾನಾಂ ಚಾಢಕದ್ವಯಮ್||೧೩೬|| ಪಚೇದಷ್ಟಗುಣೇ ತೋಯೇ ಯವಸ್ವೇದೇಽವತಾರಯೇತ್| ಪೂತೇ ಕ್ಷಿಪೇತ್ಸಪಥ್ಯೇ ಚ ತತ್ರ ಜೀರ್ಣಗುಡಾತ್ತುಲಾಮ್||೧೩೭|| ತೈಲಾಜ್ಯಧಾತ್ರೀರಸತಃ ಪ್ರಸ್ಥಂ ಪ್ರಸ್ಥಂ ತತಃ ಪುನಃ| ಅಧಿಶ್ರಯೇನ್ಮೃದಾವಗ್ನೌ ದರ್ವೀಲೇಪೇಽವತಾರ್ಯ ಚ||೧೩೮|| ಶೀತೇ ಪ್ರಸ್ಥದ್ವಯಂ ಕ್ಷೌದ್ರಾತ್ಪಿಪ್ಪಲೀಕುಡವಂ ಕ್ಷಿಪೇತ್| ಚೂರ್ಣೀಕೃತಂ ತ್ರಿಜಾತಾಚ್ಚ ತ್ರಿಪಲಂ ನಿಖನೇತ್ತತಃ||೧೩೯|| ಧಾನ್ಯೇ ಪುರಾಣಕುಮ್ಭಸ್ಥಂ ಮಾಸಂ ಖಾದೇಚ್ಚ ಪೂರ್ವವತ್| ರಸಾಯನಂ ವಸಿಷ್ಠೋಕ್ತಮೇತತ್ಪೂರ್ವಗುಣಾಧಿಕಮ್||೧೪೦|| ಸ್ವಸ್ಥಾನಾಂ ನಿಷ್ಪರೀಹಾರಂ ಸರ್ವರ್ತುಷು ಚ ಶಸ್ಯತೇ| |೧೪೧|

Adhikarana ShADavaM cUrNam (141-144) · Śloka 144

| ಪಾಲಿಕಂ ಸೈನ್ಧವಂ ಶುಣ್ಠೀ ದ್ವೇ ಚ ಸೌವರ್ಚಲಾತ್ಪಲೇ||೧೪೧|| ಕುಡವಾಂಶಾನಿ ವೃಕ್ಷಾಮ್ಲಂ ದಾಡಿಮಂ ಪತ್ರಮಾರ್ಜಕಾತ್| ಏಕೈಕಾಂ ಮರಿಚಾಜಾತ್ಯೋರ್ಧಾನ್ಯಕಾದ್ ದ್ವೇ ಚತುರ್ಥಿಕೇ||೧೪೨|| ಶರ್ಕರಾಯಾಃ ಪಲಾನ್ಯತ್ರ ದಶ ದ್ವೇ ಚ ಪ್ರದಾಯಯೇತ್| ಕೃತ್ವಾ ಚೂರ್ಣಮತೋ ಮಾತ್ರಾಮನ್ನಪಾನೇಷು ದಾಪಯೇತ್||೧೪೩|| ರುಚ್ಯಂ ತದ್ದೀಪನಂ ಬಲ್ಯಂ ಪಾರ್ಶ್ವಾರ್ತೀಶ್ವಾಸಕಾಸಜಿತ್| |೧೪೪|

Adhikarana ShADavAntaram (144-146) · Śloka 146

| ಏಕಾಂ ಷೋಡಶಿಕಾಂ ಧಾನ್ಯಾದ್ ದ್ವೇ ದ್ವೇ ಚಾಜಾಜಿದೀಪ್ಯಕಾತ್||೧೪೪|| ತಾಭ್ಯಾಂ ದಾಡಿಮವೃಕ್ಷಾಮ್ಲೇ ದ್ವಿರ್ದ್ವಿಃ ಸೌರ್ವಚಲಾತ್ಪಲಮ್| ಶುಣ್ಠ್ಯಾಃ ಕರ್ಷಂ ದಧಿತ್ಥಸ್ಯ ಮಧ್ಯಾತ್ಪಞ್ಚ ಪಲಾನಿ ಚ||೧೪೫|| ತಚ್ಚೂರ್ಣಂ ಷೋಡಶಪಲೈಃ ಶರ್ಕರಾಯಾ ವಿಮಿಶ್ರಯೇತ್| ಷಾಡವೋಽಯಂ ಪ್ರದೇಯಃ ಸ್ಯಾದನ್ನಪಾನೇಷು ಪೂರ್ವವತ್||೧೪೬||

Adhikarana kShate yakShmokto~api vidhiH (147) · Śloka 147

ವಿಧಿಶ್ಚ ಯಕ್ಷ್ಮವಿಹಿತೋ ಯಥಾವಸ್ಥಂ ಕ್ಷತೇ ಹಿತಃ| |೧೪೭|

Adhikarana dhUmapAnam (147-148) · Śloka 148

| ನಿವೃತ್ತೇ ಕ್ಷತದೋಷೇ ತು ಕಫೇ ವೃದ್ಧೇ ಉರಃ ಶಿರಃ||೧೪೭|| ದಾಲ್ಯತೇ ಕಾಸಿನೋ ಯಸ್ಯ ಸ ನಾ ಧೂಮಾನ್ ಪಿಬೇದಿಮಾನ್| |೧೪೮|

Adhikarana dvimedAdidhUmaH (148-149) · Śloka 149

| ದ್ವಿಮೇದಾದ್ವಿಬಲಾಯಷ್ಟಿಕಲ್ಕೈಃ ಕ್ಷೌಮೇ ಸುಭಾವಿತೇ||೧೪೮|| ವರ್ತಿ ಕೃತ್ವಾ ಪಿಬೇದ್ಧೂಮಂ ಜೀವನೀಯಘೃತಾನುಪಃ| |೧೪೯|

Adhikarana anyo manaHshilAdidhUmaH (149-151) · Śloka 151

| ಮನಃಶಿಲಾಪಲಾಶಾಜಗನ್ಧಾತ್ವಕ್ಕ್ಷೀರಿನಾಗರೈಃ||೧೪೯|| ತದ್ವದೇವಾನುಪಾನಂ ತು ಶರ್ಕರೇಕ್ಷುಗುಡೋದಕಮ್| ಪಿಷ್ಟ್ವಾ ಮನಃಶಿಲಾಂ ತುಲ್ಯಾಮಾರ್ದ್ರಯಾ ವಟಶುಙ್ಗಯಾ||೧೫೦|| ಸಸರ್ಪಿಷ್ಕಂ ಪಿಬೇದ್ಧೂಮಂ ತಿತ್ತಿರಿಪ್ರತಿಭೋಜನಮ್| |೧೫೧|

Adhikarana kShayakAsacikitsA kShayakAse prathamopacAraH (151) · Śloka 151

| ಕ್ಷಯಜೇ ಬೃಂಹಣಂ ಪೂರ್ವಂ ಕುರ್ಯಾದಗ್ನೇಶ್ಚ ವರ್ಧನಮ್||೧೫೧||

Adhikarana bahudoShe virecanam (1) · Śloka 1

ಬಹುದೋಷಾಯ ಸಸ್ನೇಹಂ ಮೃದು ದದ್ಯಾದ್ವಿರೇಚನಮ್||೧||

Adhikarana tadeva virecanam (152-153) · Śloka 153

| ಶಮ್ಯಾಕೇನ ತ್ರಿವೃತಯಾ ಮೃದ್ವೀಕಾರಸಯುಕ್ತಯಾ||೧೫೨|| ತಿಲ್ವಕಸ್ಯ ಕಷಾಯೇಣ ವಿದಾರೀಸ್ವರಸೇನ ಚ| ಸರ್ಪಿಃ ಸಿದ್ಧಂ ಪಿಬೇದ್ಯುಕ್ತ್ಯಾ ಕ್ಷೀಣದೇಹೋ ವಿಶೋಧನಮ್||೧೫೩||

Adhikarana kShINapittAdiShu karkaTakyAdighRutam (154) · Śloka 154

ಪಿತ್ತೇ ಕಫೇ ಧಾತುಷು ಚ ಕ್ಷೀಣೇಷು ಕ್ಷಯಕಾಸವಾನ್| ಘೃತಂ ಕರ್ಕಟಕೀಕ್ಷೀರದ್ವಿಬಲಾಸಾಧಿತಂ ಪಿಬೇತ್||೧೫೪||

Adhikarana kShINapittAdiShu vidAryAdighRutaM payaSca (155) · Śloka 155

ವಿದಾರೀಭಿಃ ಕದಮ್ಬೈರ್ವಾ ತಾಲಸಸ್ಯೈಶ್ಚ ಸಾಧಿತಮ್| ಘೃತಂ ಪಯಶ್ಚ|೧೫೫|

Adhikarana mUtravaivarNyAdike~anuvAsanam (155-156) · Śloka 156

| ಮೂತ್ರಸ್ಯವೈವರ್ಣ್ಯೇ ಕೃಛ್ರನಿರ್ಗಮೇ||೧೫೫|| ಶೂನೇ ಸವೇದನೇ ಮೇಢ್ರೇ ಪಾಯೌ ಸಶ್ರೋಣಿವಙ್ಕ್ಷಣೇ| ಘೃತಮಣ್ಡೇನ ಲಘುನಾಽನುವಾಸ್ಯೋ ಮಿಶ್ರಿಕೇಣ ವಾ||೧೫೬||

Adhikarana anuvAsanashuddhasya mAMsopacAraH (157-158) · Śloka 158

ಜಾಙ್ಗಲೈಃ ಪ್ರತಿಭುಕ್ತಸ್ಯ ವರ್ತಕಾದ್ಯಾ ಬಿಲೇಶಯಾಃ| ಕ್ರಮಶಃ ಪ್ರಸಹಾಸ್ತದ್ವತ್ಪ್ರಯೋಜ್ಯಾಃ ಪಿಶಿತಾಶಿನಃ||೧೫೭|| ಔಷ್ಣ್ಯಾತ್ಪ್ರಮಾಥಿಭಾವಾಚ್ಚ ಸ್ರೋತೋಭ್ಯಶ್ಚ್ಯಾವಯನ್ತಿ ತೇ| ಕಫಂ ಶುದ್ಧೈಶ್ಚ ತೈಃ ಪುಷ್ಟಿಂ ಕುರ್ಯಾತ್ಸಮ್ಯಗ್ ವಹನ್ ರಸಃ||೧೫೮||

Adhikarana mAMsAyogyasya cavikAdi ghRutam (159-161) · Śloka 161

ಚವಿಕಾತ್ರಿಫಲಾಭಾರ್ಗೀದಶಮೂಲೈಃ ಸಚಿತ್ರಕೈಃ| ಕುಲತ್ಥಪಿಪ್ಪಲೀಮೂಲಪಾಠಾಕೋಲಯವೈರ್ಜಲೇ||೧೫೯|| ಶೃತೈರ್ನಾಗರದುಃಸ್ಪರ್ಶಾಪಿಪ್ಪಲೀಶಠಿಪೌಷ್ಕರೈಃ| ಪಿಷ್ಟೈಃ ಕರ್ಕಟಶೃಙ್ಗ್ಯಾ ಚ ಸಮೈಃ ಸರ್ಪಿರ್ವಿಪಾಚಯೇತ್||೧೬೦|| ಸಿದ್ಧೇಽಸ್ಮಿಂಶ್ಚೂರ್ಣಿತೌ ಕ್ಷಾರೌ ದ್ವೌ ಪಞ್ಚ ಲವಣಾನಿ ಚ| ದತ್ತ್ವಾ ಯುಕ್ತ್ಯಾ ಪಿಬೇನ್ಮಾತ್ರಾಂ ಕ್ಷಯಕಾಸನಿಪೀಡಿತಃ||೧೬೧||

Adhikarana kAsamardAdighRutaM kAsajvArArUciharam (162-163) · Śloka 163

ಕಾಸಮರ್ದಾಭಯಾಮುಸ್ತಾಪಾಠಾಕಟ್ಫಲನಾಗರೈಃ| ಪಿಪ್ಪಲ್ಯಾ ಕಟುರೋಹಿಣ್ಯಾ ಕಾಶ್ಮರ್ಯಾ ಸುರಸೇನ ಚ||೧೬೨|| ಅಕ್ಷಮಾತ್ರೈರ್ಘೃತಪ್ರಸ್ಥಂ ಕ್ಷೀರದ್ರಾಕ್ಷಾರಸಾಢಕೇ| ಪಚೇಚ್ಛೋಶಜ್ವರಪ್ಲೀಹಸರ್ವಕಾಸಹರಂ ಶಿವಮ್||೧೬೩||

Adhikarana vRuShAdighRutam kAsajvarAruciharam (164) · Śloka 164

ವೃಷವ್ಯಾಘ್ರೀಗುಡೂಚೀನಾಂ ಪತ್ರಮೂಲಫಲಾಙ್ಕುರಾತ್| ರಸಕಲ್ಕೈರ್ಘೃತ ಪಕ್ವಂ ಹನ್ತಿ ಕಾಸಜ್ವರಾರುಚೀಃ||೧೬೪||

Adhikarana dviguNadADimarasasiddhaM ghRutam pippalIguDasiddaM ghRutam (165-166) · Śloka 166

ದ್ವಿಗುಣೇ ದಾಡಿಮರಸೇ ಸಿದ್ಧಂ ವಾ ವ್ಯೋಷಸಂಯುತಮ್| ಪಿಬೇದುಪರಿ ಭುಕ್ತಸ್ಯ ಯವಕ್ಷಾರ್ರಯುತಂ ನರಃ||೧೬೫|| ಪಿಪ್ಪಲೀಗುಡಸಿದ್ಧಂ ವಾ ಛಾಗಕ್ಷೀರಯುತಂ ಘೃತಮ್| |೧೬೬|

Adhikarana uktaghRutAnAM dIpanatvaM strotaH shodhanatvaM ca (166-167) · Śloka 167

| ಏತಾನ್ಯಗ್ನಿವಿವೃದ್ಧ್ಯರ್ಥಂ ಸರ್ಪಿಷಿ ಕ್ಷಯಕಾಸಿನಾಮ್||೧೬೬|| ಸ್ಯುರ್ದೋಷಬದ್ಧಕಣ್ಠೋರಃಸ್ರೋತಸಾಂ ಚ ವಿಶುದ್ಧಯೇ| |೧೬೭|

Adhikarana harItakIlehaH (167-139) · Śloka 139

| ಪ್ರಸ್ಥೋನ್ಮಿತೇ ಯವಕ್ವಾಥೇ ವಿಂಶತಿ ವಿಜಯಾಃ ಪಚೇತ್||೧೬೭|| ಸ್ವಿನ್ನಾ ಮೃದಿತ್ವಾ ತಾಸ್ತಸ್ಮಿನ್ಪುರಾಣಾತ್ಷಟ್ಪಲಂ ಗುಡಾತ್| ಪಿಪ್ಪಲ್ಯಾ ದ್ವಿಪಲಂ ಕರ್ಷಂ ಮನೋಹ್ವಾಯಾ ರಸಾಞ್ಜನಾತ್||೧೩೮|| ದತ್ತ್ವಾಽರ್ಧಾಕ್ಷಂ ಪಚೇದ್ಭೂಯಃ ಸ ಲೇಹಃ ಶ್ವಾಸಕಾಸಜಿತ್| ||೧೩೯||

Adhikarana shvAvitsUcIkShAralehaH mayUracaraNakShAralehaH eraNDapatrakShAralehaH surasairaNDapatrakShAralehaH tryUShaNacUrNalehaH (169-171) · Śloka 171

| ಶ್ವಾವಿಧಾಂ ಸೂಚಯೋ ದಗ್ಧಾಃ ಸಘೃತಕ್ಷೌದ್ರಶರ್ಕರಾಃ||೧೬೯|| ಶ್ವಾಸಕಾಸಹರಾ, ಬರ್ಹಿಪಾದೌ ವಾ ಮಧುಸರ್ಪಿಷಾ| ಏರಣ್ಡಪತ್ರಕ್ಷಾರಂ ವಾ ವ್ಯೋಷತೈಲಗುಡನ್ವಿತಮ್||೧೭೦|| ಲೇಹಯೇತ್, ಕ್ಷಾರಮೇವಂ ವಾ ಸುರಸೈರಣ್ಡಪತ್ರಜಮ್| ಲಿಹ್ಯಾತ್ ತ್ರ್ಯೂಷಣಚೂರ್ಣಂ ವಾ ಪುರಾಣಗುಡಸರ್ಪಿಷಾ||೧೭೧||

Adhikarana samasharkaraM cUrNaM maricacUrNaM tadvat (172-173) · Śloka 173

ಪದ್ಮಕಂ ತ್ರಿಪಲಾ ವ್ಯೋಷಂ ವಿಡಙ್ಗಂ ದೇವದಾರು ಚ| ಬಲಾ ರಾಸ್ನಾ ಚ ತಚ್ಚೂರ್ಣಂ ಸಮಸ್ತಂ ಸಮಶರ್ಕರಮ್||೧೭೨|| ಖಾದೇನ್ಮಧುಘೃತಾಭ್ಯಾಂ ವಾ ಲಿಹ್ಯಾತ್ಕಾಸಹರಂ ಪರಮ್| ತದ್ವನ್ಮರಿಚಚೂರ್ಣಂ ವಾ ಸಘೃತಕ್ಷೌದ್ರಶರ್ಕರಮ್||೧೭೩||

Adhikarana pathyAdiguTikA mukhe dhAraNArthaMbiBItakadhAraNam (174) · Śloka 174

ಪಥ್ಯಾಶುಣ್ಠೀಘನಗುಡೈರ್ಗುಟಿಕಾಂ ಧಾರಯೇನ್ಮುಖೇ| ಸರ್ವೇಷು ಶ್ವಾಸಕಾಸೇಷು, ಕೇವಲಂ ವಾ ಬಿಭೀತಕಮ್||೧೭೪||

Adhikarana peyAmutkArikAM ca (175) · Śloka 175

ಪತ್ರಕಲ್ಕಂ ಘೃತಭೃಷ್ಟಂ ತಿಲ್ವಕಸ್ಯ ಸಶರ್ಕರಮ್| ಪೇಯಾ ವೋತ್ಕಾರಿಕಾ ಛರ್ದಿತೃಟ್ಕಾಸಾಮಾತಿಸಾರಜಿತ್||೧೭೫||

Adhikarana mudgayUShaH (176) · Śloka 176

ಕಣ್ಟಕಾರೀರಸೇ ಸಿದ್ಧೋ ಮುದ್ಗಯೂಷಃ ಸುಸಂಸ್ಕೃತಃ| ಸಗೌರಾಮಲಕಃ ಸಾಮ್ಲಃ ಸರ್ವಕಾಸಭಿಷಗ್ಜಿತಮ್||೧೭೬||

Adhikarana kShIrayUSharasAH (177) · Śloka 177

ವಾತಘ್ನೌಷಧನಿಃಕ್ವಾಥೇ ಕ್ಷೀರಂ ಯೂಷಾನ್ ರಸಾನಪಿ| ವೈಷ್ಕಿರಾನ್ ಪ್ರಾತುದಾನ್ ಬೈಲಾನ್ ದಾಪಯೇತ್ಕ್ಷಯಕಾಸಿನೇ||೧೭೭||

Adhikarana kShayakAsoktA bRuMhaNAdi (178-179) · Śloka 179

ಕ್ಷತಕಾಸೇ ಚ ಯೇ ಧೂಮಾಃ ಸಾನುಪಾನಾ ನಿದರ್ಶಿತಾಃ| ಕ್ಷಯಕಾಸೇಽಪಿ ತೇ ಯೋಜ್ಯಾ ವಕ್ಷ್ಯತೇ ಯಚ್ಚ ಯಕ್ಷ್ಮಣಿ||೧೭೮|| ಬೃಂಹಣಂ ದೀಪನಂ ಚಾಗ್ನೇಃ ಸ್ರೋತಸಾಂ ಚ ವಿಶೋಧನಮ್| ವ್ಯತ್ಯಾಸಾತ್ಕ್ಷಯಕಾಸಿಭ್ಯೋ ಬಲ್ಯಂ ಸರ್ವಂ ಪ್ರಶಸ್ಯತೇ||೧೭೯||

Adhikarana kShayakAse sarvadoShAvirodhi kartavyam (3) · Śloka 3

ಸನ್ನಿಪಾತೋದ್ಭವೋ ಘೋರಃ ಕ್ಷಯಕಾಸೋ ಯತಸ್ತತಃ| ಯಥಾದೋಷಬಲಂ ತಸ್ಯ ಸನ್ನಿಪಾತಹಿತಂ ಹಿತಮ್||೧೮೦|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾ ಯಾಮಷ್ಟಾಙ್ಗಹೃದಯಸಂಹಿತಾಯಾಂ ಚತುರ್ಥೇ ಚಿಕಿತ್ಸಿತ- ಸ್ಥಾನೇ ಕಾಸಚಿಕಿತ್ಸಿತಂ ನಾಮ ತೃತೀಯೋಽಧ್ಯಾಯಃ||೩||