15. udaracikitsitādhyāyaḥ

Adhikarana udaracikitsitAdhyAyaH udare nityaM virecanam (2-1) · Śloka 1

ಅಥಾತ ಉದರಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ|೨| ) ದೋಷಾತಿಮಾತ್ರೋಪಚಯಾತ್ಸ್ರೋತೋಮಾರ್ಗನಿರೋಧನಾತ್| ಸಮ್ಭವತ್ಯುದರಂ ತಸ್ಮಾನ್ನಿತ್ಯಮೇನಂ ವಿರೇಚಯೇತ್||೧||

Adhikarana udare eraNDatailam udare gavyaM mAhiShaM vA udare gokaraBIkShIravRuttiH (2-3) · Śloka 3

ಪಾಯಯೇತ್ತೈಲಮೈರಣ್ಡಂ ಸಮೂತ್ರಂ ಸಪಯೋಽಪಿ ವಾ| ಮಾಸಂ ದ್ವೌ ವಾಽಥವಾ ಗವ್ಯಂ ಮೂತ್ರಂ ಮಾಹಿಷಮೇವ ವಾ||೨|| ಪಿಬೇದ್ಗೋಕ್ಷೀರಭುಕ್ ಸ್ಯಾದ್ವಾ ಕರಭೀಕ್ಷೀರವರ್ತನಃ| ದಾಹಾನಾಹಾತಿತೃಣ್ಮೂರ್ಚ್ಛಾಪರೀತಸ್ತು ವಿಶೇಷತಃ||೩||

Adhikarana udare rUkShatvAdiyute ghRutAni (4) · Śloka 4

ರೂಕ್ಷಾಣಾಂ ಬಹುವಾತಾನಾಂ ದೋಷಸಂಶುದ್ಧಿಕಾಙ್ಕ್ಷಿಣಾಮ್| ಸ್ನೇಹನೀಯಾನಿ ಸರ್ಪೀಂಷಿ ಜಠರಘ್ನಾನಿ ಯೋಜಯೇತ್||೪||

Adhikarana udare ShaTPalaM dashamUlAdisiddham (5) · Śloka 5

ಷಟ್ಪಲಂ ದಶಮೂಲಾಮ್ಬುಮಸ್ತುಹ್ಯಾಢಕಸಾಧಿತಮ್| |೫|

Adhikarana udare nAgarAdi ghRutatailam (5-6) · Śloka 6

| ನಾಗರತ್ರಿಪಲಂ ಪ್ರಸ್ಥಂ ಘೃತತೈಲಾತ್ತಥಾಽಽಢಕಮ್||೫|| ಮಸ್ತುನಃ ಸಾಧಯಿತ್ವೈತತ್ಪಿಬೇತ್ಸರ್ವೋದರಾಪಹಮ್| ಕಫಮಾರುತಸಮ್ಭೂತೇ ಗುಲ್ಮೇ ಚ ಪರಮಂ ಹಿತಮ್||೬||

Adhikarana udare gomUtra ghRutam (7) · Śloka 7

ಚತುರ್ಗುಣೇ ಜಲೇ ಮೂತ್ರೇ ದ್ವಿಗುಣೇ ಚಿತ್ರಕಾತ್ಪಲೇ| ಕಲ್ಕೇ ಸಿದ್ಧಂ ಘೃತಪ್ರಸ್ಥಂ ಸಕ್ಷಾರಂ ಜಠರೀ ಪಿಬೇತ್||೭||

Adhikarana udare yavAdisiddhaM ghRutam (8) · Śloka 8

ಯವಕೋಲಕುಲತ್ಥಾನಾಂ ಪಞ್ಚಮೂಲಸ್ಯ ಚಾಮ್ಭಸಾ| ಸುರಾಸೌವೀರಕಾಭ್ಯಾಂ ಚ ಸಿದ್ಧಂ ವಾ ಪಾಯಯೇದ್ಧೃತಮ್||೮||

Adhikarana udare snigdhAya alpoktaM virecanam (9) · Śloka 9

ಏಭಿಃ ಸ್ನಿಗ್ಧಾಯ ಸಞ್ಜಾತೇ ಬಲೇ ಶಾನ್ತೇ ಚ ಮಾರುತೇ| ಸ್ರಸ್ತೇ ದೋಷಾಶಯೇ ದದ್ಯಾತ್ಕಲ್ಪದೃಷ್ಟಂ ವಿರೇಚನಮ್||೯||

Adhikarana udare paTolamUlAdicUrNam (10-12) · Śloka 12

ಪಟೋಲಮೂಲಂ ತ್ರಿಫಲಾಂ ನಿಶಾಂ ವೇಲ್ಲಂ ಚ ಕಾರ್ಷಿಕಮ್| ಕಮ್ಪಿಲ್ಲನೀಲಿನೀಕುಮ್ಭಭಾಗಾನ್ ದ್ವಿತ್ರಿಚತುರ್ಗುಣಾನ್||೧೦|| ಪಿಬೇತ್ಸಞ್ಚೂರ್ಣ್ಯ ಮೂತ್ರೇಣ ಪೇಯಾಪೂರ್ವಂ ತತೋ ರಸೈಃ| ವಿರಿಕ್ತೋ ಜಾಙ್ಗಲೈರದ್ಯಾತ್ತತಃ ಷಡ್ದಿವಸಂ ಪಯಃ||೧೧|| ಶೃತಂ ಪಿಬೇದ್ವ್ಯೋಷಯುತಂ ಪೀತಮೇವಂ ಪುನಃಪುನಃ| ಹನ್ತಿ ಸರ್ವೋದರಾಣ್ಯೇತಚ್ಚೂರ್ಣಂ ಜಾತೋದಕಾನ್ಯಪಿ||೧೨||

Adhikarana udare gavAkShyAdi cUrNam (13) · Śloka 13

ಗವಾಕ್ಷೀಂ ಶಙ್ಖಿನೀಂ ದನ್ತೀಂ ತಿಲ್ವಕಸ್ಯ ತ್ವಚಂ ವಚಾಮ್| ಪಿಬೇತ್ಕರ್ಕನ್ಧುಮೃದ್ವೀಕಾಕೋಲಾಮ್ಭೋಮೂತ್ರಸೀಧುಭಿಃ||೧೩||

Adhikarana udare nArAyaNacUrNam (14-21) · Śloka 21

ಯವಾನಿ ಹಪುಷಾ ಧಾನ್ಯಂ ಶತಪುಷ್ಪೋಪಕುಞ್ಚಿಕಾ| ಕಾರವೀ ಪಿಪ್ಪಲೀಮೂಲಮಜಗನ್ಧಾ ಶಠೀ ವಚಾ||೧೪|| ಚಿತ್ರಕೋಽಜಾಜಿಕಂ ವ್ಯೋಷಂ ಸ್ವರ್ಣಕ್ಷೀರೀ ಫಲತ್ರಯಮ್| ದ್ವೌ ಕ್ಷಾರೌ ಪೌಷ್ಕರಂ ಮೂಲಂ ಕುಷ್ಠಂ ಲವಣಪಞ್ಚಕಮ್||೧೫|| ವಿಡಙ್ಗಂ ಚ ಸಮಾಂಶಾನಿ ದನ್ತ್ಯಾ ಭಾಗತ್ರಯಂ ತಥಾ| ತ್ರಿವೃದ್ವಿಶಾಲೇ ದ್ವಿಗುಣೇ ಸಾತಲಾ ಚ ಚತುರ್ಗುಣಾ||೧೬|| ಏಷ ನಾರಾಯಣೋ ನಾಮ ಚೂರ್ಣೋ ರೋಗಗಣಾಪಹಃ| ನೈನಂ ಪ್ರಾಪ್ಯಾಭಿವರ್ಧನ್ತೇ ರೋಗಾ ವಿಷ್ಣುಮಿವಾಸುರಾಃ||೧೭|| ತಕ್ರೇಣೋದರಿಭಿಃ ಪೇಯೋ ಗುಲ್ಮಿಭಿರ್ಬದರಾಮ್ಬುನಾ| ಆನಾಹವಾತೇ ಸುರಯಾ ವಾತರೋಗೇ ಪ್ರಸನ್ನಯಾ||೧೮|| ದಧಿಮಣ್ಡೇನ ವಿಟ್ಸಙ್ಗೇ ದಾಡಿಮಾಮ್ಭೋಭಿರರ್ಶಸೈಃ| ಪರಿಕರ್ತೇ ಸವೃಕ್ಷಾಮ್ಲೈರುಷ್ಣಾಮ್ಬುಭಿರಜೀರ್ಣಕೇ||೧೯|| ಭಗನ್ದರೇ ಪಾಣ್ಡುರೋಗೇ ಕಾಸೇ ಶ್ವಾಸೇ ಗಲಗ್ರಹೇ| ಹೃದ್ರೋಗೇ ಗ್ರಹಣೀದೋಷೇ ಕುಷ್ಠೇ ಮನ್ದೇಽನಲೇ ಜ್ವರೇ||೨೦|| ದಂಷ್ಟ್ರಾವಿಷೇ ಮೂಲವಿಷೇ ಸಗರೇ ಕೃತ್ರಿಮೇ ವಿಷೇ| ಯಥಾರ್ಹಂ ಸ್ನಿಗ್ಧಕೋಷ್ಠೇನ ಪೇಯಮೇತದ್ವಿರೇಚನಮ್||೨೧||

Adhikarana udare hapuShAdicUrNam (22-25) · Śloka 25

ಹಪುಷಾಂ ಕಾಞ್ಚನಕ್ಷೀರೀಂ ತ್ರಿಫಲಾಂ ನೀಲಿನೀಫಲಮ್| ತ್ರಾಯನ್ತೀಂ ರೋಹಿಣೀಂ ತಿಕ್ತಾಂ ಸಾತಲಾಂ ತ್ರಿವೃತಾಂ ವಚಾಮ್||೨೨|| ಸೈನ್ಧವಂ ಕಾಲಲವಣಂ ಪಿಪ್ಪಲೀಂ ಚೇತಿ ಚೂರ್ಣಯೇತ್| ದಾಡಿಮತ್ರಿಫಲಾಮಾಂಸರಸಮೂತ್ರಸುಖೋದಕೈಃ||೨೩|| ಪೇಯೋಽಯಂ ಸರ್ವಗುಲ್ಮೇಷು ಪ್ಲೀಹ್ನಿ ಸರ್ವೋದರೇಷು ಚ| ಶ್ವಿತ್ರೇ ಕುಷ್ಠೇಷ್ವಜರಕೇ ಸದನೇ ವಿಷಮೇಽನಲೇ||೨೪|| ಶೋಫಾರ್ಶಃಪಾಣ್ಡುರೋಗೇಷು ಕಾಮಲಾಯಾಂ ಹಲೀಮಕೇ| ವಾತಪಿತ್ತಕಫಾಂಶ್ಚಾಶು ವಿರೇಕೇಣ ಪ್ರಸಾಧಯೇತ್||೨೫||

Adhikarana udare nIlinyAdi cUrNam (26) · Śloka 26

ನೀಲಿನೀಂ ನಿಚುಲಂ ವ್ಯೋಷಂ ಕ್ಷಾರೌ ಲವಣಪಞ್ಚಕಮ್| ಚಿತ್ರಕಂ ಚ ಪಿಬೇಚ್ಚೂರ್ಣಂ ಸರ್ಪಿಷೋದರಗುಲ್ಮನುತ್||೨೬||

Adhikarana udare Atyayike snehavirecakaH (27-28) · Śloka 28

ಪೂರ್ವವಚ್ಚ ಪಿಬೇದ್ದುಗ್ಧಂ ಕ್ಷಾಮಃ ಶುದ್ಧೋಽನ್ತರಾಽನ್ತರಾ| ಕಾರಭಂ ಗವ್ಯಮಾಜಂ ವಾದದ್ಯಾದಾತ್ಯಯಿಕೇ ಗದೇ||೨೭|| ಸ್ನೇಹಾನೇವ ವಿರೇಕಾರ್ಥೇ ದುರ್ಬಲೇಭ್ಯೋ ವಿಶೇಷತಃ| |೨೮|

Adhikarana udare Atyayike harItakIghRutam (28-31) · Śloka 31

| ಹರೀತಕೀಸೂಕ್ಷ್ಮರಜಃಪ್ರಸ್ಥಯುಕ್ತಂ ಘೃತಾಢಕಮ್||೨೮|| ಅಗ್ನೌ ವಿಲಾಪ್ಯ ಮಥಿತಂ ಖಜೇನ ಯವಪಲ್ಲಕೇ| ನಿಧಾಪಯೇತ್ತತೋ ಮಾಸಾದುದ್ಧೃತಂ ಗಾಲಿತಂ ಪಚೇತ್||೨೯|| ಹರೀತಕೀನಾಂ ಕ್ವಾಥೇನ ದಧ್ನಾ ಚಾಮ್ಲೇನ ಸಂಯುತಮ್| ಉದರಂ ಗರಮಷ್ಠೀಲಾಮಾನಾಹಂ ಗುಲ್ಮವಿದ್ರಧೀ||೩೦|| ಹನ್ತ್ಯೇತತ್ಕುಷ್ಠಮುನ್ಮಾದಮಪಸ್ಮಾರಂ ಚ ಪಾನತಃ| |೩೧|

Adhikarana udare Atyayike snukkShIraghRutam (31-32) · Śloka 32

| ಸ್ನುಕ್ಽಽಕ್ಷೀರಯುಕ್ತಾದ್ಗೋಕ್ಷೀರಾಚ್ಛೃತಶೀತಾತ್ ಖಜೇನಾಹತಾತ್||೩೧|| ಯಜ್ಜಾತಮಾಜ್ಯಂ ಸ್ನುಕ್ಽಽಕ್ಷೀರಸಿದ್ಧಂ ತಚ್ಚ ತಥಾಗುಣಮ್| |೩೨|

Adhikarana udare Atyayike trivRutsiddhaM ghRutam (32-33) · Śloka 33

| ಕ್ಷೀರದ್ರೋಣಂ ಸುಧಾಕ್ಷೀರಪ್ರಸ್ಥಾರ್ಧಸಹಿತಂ ದಧಿ||೩೨|| ಜಾತಂ ಮಥಿತ್ವಾ ತತ್ಸರ್ಪಿಸ್ತ್ರಿವೃತ್ಸಿದ್ಧಂ ಚ ತದ್ಗುಣಮ್| |೩೩|

Adhikarana udare Atyayike payaH siddhaM ghRutam (33-34) · Śloka 34

| ತಥಾ ಸಿದ್ಧಂ ಘೃತಪ್ರಸ್ಥಂ ಪಯಸ್ಯಷ್ಟಗುಣೇ ಪಿಬೇತ್||೩೩|| ಸ್ನುಕ್ಕ್ಷೀರಪಲಕಲ್ಕೇನ ತ್ರಿವೃತಾಷಟ್ಪಲೇನ ಚ| |೩೪|

Adhikarana udare Atyayike ghRutAdInAM paScAt peyAdipAnam (34) · Śloka 34

| ಏಷಾಂ ಚಾನು ಪಿಬೇತ್ಪೇಯಾಂ ರಸಂ ಸ್ವಾದು ಪಯೋಽಥವಾ||೩೪||

Adhikarana udare jIrNe ghRute viriktasya SuNThI jalAdi pAnam (35) · Śloka 35

ಘೃತೇ ಜೀರ್ಣೇ ವಿರಿಕ್ತಶ್ಚ ಕೋಷ್ಣಂ ನಾಗರಸಾಧಿತಮ್| ಪಿಬೇದಮ್ಬು ತತಃ ಪೇಯಾಂ ತತೋ ಯೂಷಂ ಕುಲತ್ಥಜಮ್||೩೫||

Adhikarana udare evaM tryahaM rUkShatve punaH punaH sarpiShpAnam (36) · Śloka 36

ಪಿಬೇದ್ರೂಕ್ಷಸ್ತ್ರ್ಯಹಂ ತ್ವೇವಂ ಭೂಯೋ ವಾ ಪ್ರತಿಭೋಜಿತಃ| ಪುನಃಪುನಃ ಪಿಬೇತ್ಸರ್ಪಿರಾನುಪೂರ್ವ್ಯಾಽನಯೈವ ಚ||೩೬||

Adhikarana udare etAni ghRutAni gulmAdInAM shAntaye (37) · Śloka 37

ಘೃತಾನ್ಯೇತಾನಿ ಸಿದ್ಧಾನಿ ವಿದಧ್ಯಾತ್ಕುಶಲೋ ಭಿಷಕ್| ಗುಲ್ಮಾನಾಂ ಗರದೋಷಾಣಾಮುದರಾಣಾಂ ಚ ಶಾನ್ತಯೇ||೩೭||

Adhikarana udare AnAhaBedanaM ghRutam (38) · Śloka 38

ಪೀಲುಕಲ್ಕೋಪಸಿದ್ಧಂ ವಾ ಘೃತಮಾನಾಹಭೇದನಮ್| ತೈಲ್ವಕಂ ನೀಲಿನೀಸರ್ಪಿಃ ಸ್ನೇಹಂ ವಾ ಮಿಶ್ರಕಂ ಪಿಬೇತ್||೩೮||

Adhikarana udare hRutadoShe shAlyodanam (39) · Śloka 39

ಹೃತದೋಷಃ ಕ್ರಮಾದಶ್ನನ್ ಲಘುಶಾಲ್ಯೋದನಪ್ರತಿ| |೩೯|

Adhikarana udare doSha SeShanivRuttaye harItakIsahasram udare doSha pippalIsahasram udare doSha pippalIvardhamAnam udare doSha shilAjatuH udare doSha gugguluH udare doSha tulyArdrakarasaM kShIram (39-41) · Śloka 41

| ಉಪಯುಞ್ಜೀತ ಜಠರೀ ದೋಷಶೇಷನಿವೃತ್ತಯೇ||೩೯|| ಹರೀತಕೀಸಹಸ್ರಂ ವಾ ಗೋಮೂತ್ರೇಣ ಪಯೋನುಪಃ| ಸಹಸ್ರಂ ಪಿಪ್ಪಲೀನಾಂ ವಾ ಸ್ನುಕ್ಽಽಕ್ಷೀರೇಣ ಸುಭಾವಿತಮ್||೪೦|| ಪಿಪ್ಪಲೀವರ್ಧಮಾನಂ ವಾ ಕ್ಷೀರಾಶೀ ವಾ ಶಿಲಾಜತು| ತದ್ವದ್ವಾ ಗುಗ್ಗುಲುಂ ಕ್ಷೀರಂ ತುಲ್ಯಾರ್ದ್ರಕರಸಂ ತಥಾ||೪೧||

Adhikarana udare doSha citrakadevadArUkalkaH (42) · Śloka 42

ಚಿತ್ರಕಾಮರದಾರುಭ್ಯಾಂ ಕಲ್ಕಂ ಕ್ಷೀರೇಣ ವಾ ಪಿಬೇತ್| ಮಾಸಂ ಯುಕ್ತಸ್ತಥಾ ಹಸ್ತಿಪಿಪ್ಪಲೀವಿಶ್ವಭೇಷಜಮ್||೪೨||

Adhikarana udare viDa~ggAdikalkayuktaM payaH (43) · Śloka 43

ವಿಡಙ್ಗಂ ಚಿತ್ರಕೋ ದನ್ತಿ ಚವ್ಯಂ ವ್ಯೋಷಂ ಚ ತೈ ಪಯಃ| ಕಲ್ಕೈಃ ಕೋಲಸಮೈಃ ಪೀತ್ವಾ ಪ್ರವೃದ್ಧಮುದರಂ ಜಯೇತ್||೪೩||

Adhikarana udare snuhIkShIrAdiyuktamnnam udare snuhIkShIrAdikRutA utkArikA (44) · Śloka 44

ಭೋಜ್ಯಂ ಭುಞೀತ ವಾ ಮಾಸಂ ಸ್ನುಹೀಕ್ಷೀರಘೃತಾನ್ವಿತಮ್| ಉತ್ಕಾರಿಕಾಂ ವಾ ಸ್ನುಕ್ಕ್ಷೀರಪೀತಪಥ್ಯಾಕಣಾಕೃತಾಮ್||೪೪||

Adhikarana udare pArshvashUlAdau bilvakShAstailamudare pArshva TiNkAdikShAratailam (45-46) · Śloka 46

ಪಾರ್ಶ್ವಶೂಲಮುಪಸ್ತಮ್ಭಂ ಹೃದ್ಗ್ರಹಂ ಚ ಸಮೀರಣಃ| ಯದಿ ಕುರ್ಯಾತ್ ತತಸ್ತೈಲಂ ಬಿಲ್ವಕ್ಷಾರಾನ್ವಿತಂ ಪಿಬೇತ್||೪೫|| ಪಕ್ವಂ ವಾ ಟಿಣ್ಟುಕಬಲಾಪಲಾಶತಿಲನಾಲಜೈಃ| ಕ್ಷಾರೈಃ ಕದಲ್ಯಪಮಾರ್ಗತರ್ಕಾರೀಜೈಃ ಪೃಥಕ್ಕೃತೈಃ||೪೬||

Adhikarana udare vAtAvRute kaPAdau eraNDatailam (47) · Śloka 47

ಕಫೇ ವಾತೇನ ಪಿತ್ತೇ ವಾ ತಾಭ್ಯಾಂ ವಾಽಪ್ಯಾವೃತೇಽನಿಲೇ| ಬಲಿನಃ ಸ್ವೌಷಧಯುತಂ ತೈಲಮೇರಣ್ಡಜಂ ಹಿತಮ್||೪೭||

Adhikarana udare vAtAvRute kaPAdau devadArvAdilepaH (48) · Śloka 48

ದೇವದಾರುಪಲಾಶಾರ್ಕಹಸ್ತಿಪಿಪ್ಪಲಿಶಿಗ್ರುಕೈಃ| ಸಾಶ್ವಕರ್ಣೈಃ ಸಗೋಮೂತ್ರೈಃ ಪ್ರದಿಹ್ಯಾದುದರಂ ಬಹಿಃ||೪೮||

Adhikarana udare vAtAvRute vRuScikAlyAdi kvAthasecanam (49) · Śloka 49

ವೃಶ್ಚಿಕಾಲೀವಚಾಶುಣ್ಠೀಪಞ್ಚಮೂಲಪುನರ್ನವಾತ್| ವರ್ಷಾಭೂಧಾನ್ಯಕುಷ್ಠಾಚ್ಚ ಕ್ವಾಥೈರ್ಮೂತ್ರೈಶ್ಚ ಸೇಚಯೇತ್||೪೯||

Adhikarana udare viriktamlAne svedo veShTanaM ca (50) · Śloka 50

ವಿರಿಕ್ತಮ್ಲಾನಮುದರಂ ಸ್ವೇದಿತಂ ಸಾಲ್ವಣಾದಿಭಿಃ| ವಾಸಸಾ ವೇಷ್ಟಯೇದೇವಂ ವಾಯುರ್ನಾಧ್ಮಾಪಯೇತ್ಪುನಃ||೫೦||

Adhikarana udare punarAdhmAne snigdhA nirUhAH (51) · Śloka 51

ಸುವಿರಿಕ್ತಸ್ಯ ಯಸ್ಯ ಸ್ಯಾದಾಧ್ಮಾನಂ ಪುನರೇವ ತಮ್| ಸುಸ್ನಿಗ್ಧೈರಮ್ಲಲವಣೈರ್ನಿರೂಹೈಃ ಸಮುಪಾಚರೇತ್||೫೧||

Adhikarana udare sAvaraNe tIkShNA nirUhAH (52) · Śloka 52

ಸೋಪಸ್ತಮ್ಭೋಽಪಿ ವಾ ವಾಯುರಾಧ್ಮಾಪಯತಿ ಯಂ ನರಮ್| ತೀಕ್ಷ್ಣಾಃ ಸಕ್ಷಾರಗೋಮೂತ್ರಾಃ ಶಸ್ಯನ್ತೇ ತಸ್ಯ ಬಸ್ತಯಃ||೫೨||

Adhikarana udare iti sAmAnyacikitsA (53) · Śloka 53

ಇತಿ ಸಾಮಾನ್ಯತಃ ಪ್ರೋಕ್ತಾಃ ಸಿದ್ಧಾ ಜಠರಿಣಾಂ ಕ್ರಿಯಾಃ| |೫೩|

Adhikarana vAtodare vidAryAdighRutena snigdhaM sveditaM tailvakAdinA virecayet (53-54) · Śloka 54

| ವಾತೋದರೇಽಥ ಬಲಿನಂ ವಿದಾರ್ಯಾದಿಶೃತಂ ಘೃತಮ್||೫೩|| ಪಾಯಯೇತ ತತಃ ಸ್ನಿಗ್ಧಂ ಸ್ವೇದಿತಾಙ್ಗಂ ವಿರೇಚಯೇತ್| ಬಹುಶಸ್ತೈಲ್ವಕೇನೈನಂ ಸರ್ಪಿಷಾ ಮಿಶ್ರಕೇಣ ವಾ||೫೪||

Adhikarana udare saMsarjane kRute balArthaM kShIram,udare labdhe bale kShIravarjanam (55) · Śloka 55

ಕೃತೇ ಸಂಸರ್ಜನೇ ಕ್ಷೀರಂ ಬಲಾರ್ಥಮವಚಾರಯೇತ್| ಪ್ರಾಗುತ್ಕ್ಲೇಶಾನ್ನಿವರ್ತ್ಯಂ ಚ ಬಲೇ ಲಬ್ಧೇ ಕ್ರಮಾತ್ಪಯಃ||೫೫||

Adhikarana udare tato yUShAdiBiragnivardhanam udare sodAvartai AsthApanam (56-57) · Śloka 57

ಯೂಷೈ ರಸೈರ್ವಾ ಮನ್ದಾಮ್ಲಲವಣೈರೇಧಿತಾನಲಮ್| ಸೋದಾವರ್ತಂ ಪುನಃ ಸ್ನಿಗ್ಧಸ್ವಿನ್ನಮಾಸ್ಥಾಪಯೇತ್ತತಃ||೫೬|| ತೀಕ್ಷ್ಣಾಧೋಭಾಗಯುಕ್ತೇನ ದಾಶಮೂಲಿಕಬಸ್ತಿನಾ| |೫೭|

Adhikarana udare rUkShatvAdiyukte anuvAsanam udare avirecyatve shamanA bastvAdayaH (57-59) · Śloka 59

| ತಿಲೋರುಬೂಕತೈಲೇನ ವಾತಘ್ನಾಮ್ಲಶೃತೇನ ಚ||೫೭|| ಸ್ಫುರಣಾಕ್ಷೇಪಸನ್ಧ್ಯಸ್ಥಿಪಾರ್ಶ್ವಪೃಷ್ಠತ್ರಿಕಾರ್ತಿಷು| ರೂಕ್ಷಂ ಬದ್ಧಶಕೃದ್ವಾತಂ ದೀಪ್ತಾಗ್ನಿಮನುವಾಸಯೇತ್||೫೮|| ಅವಿರೇಚ್ಯಸ್ಯ ಶಮನಾ ಬಸ್ತಿಕ್ಷೀರಘೃತಾದಯಃ| |೫೯|

Adhikarana pittodare svAdusiddhaghRutena snehanam pittodare syAmAdighRutena virecanam pittodare nyagrodhAdikAthena virecanam pittodare nyagrodhAdisnehena anuvAsanam (59-61) · Śloka 61

| ಬಲಿನಂ ಸ್ವಾದುಸಿದ್ಧೇನ ಪೈತ್ತೇ ಸಂಸ್ನೇಹ್ಯ ಸರ್ಪಿಷಾ||೫೯|| ಶ್ಯಾಮಾತ್ರಿಭಣ್ಡೀತ್ರಿಫಲಾವಿಪಕ್ವೇನ ವಿರೇಚಯೇತ್| ಸಿತಾಮಧುಘೃತಾಢ್ಯೇನ ನಿರೂಹೋಽಸ್ಯ ತತೋ ಹಿತಃ||೬೦|| ನ್ಯಗ್ರೋಧಾದಿಕಷಾಯೇಣ ಸ್ನೇಹಬಸ್ತಿಶ್ಚ ತಚ್ಛೃತಃ| |೬೧|

Adhikarana pittodare durbalasya pUrvamanuvAsya kShIrabastiBiH shodhanam (61) · Śloka 61

| ದುರ್ಬಲಂ ತ್ವನುವಾಸ್ಯಾದೌ ಶೋಧಯೇತ್ಕ್ಷೀರಬಸ್ತಿಭಿಃ||೬೧||

Adhikarana pittodareagnibale jAte punaH punaH trivRutkalkakShIrAdi nA virecanam pittodare sakaPe samUtrakShIreNa pittodare savAtesatiktAjya kShIreNa pittodare eShAmanyatamakShIreNAnnaBojanam pittodare pAyasena jaTharopanAhaH (62-64) · Śloka 64

ಜಾತೇ ಚಾಗ್ನಿಬಲೇ ಸ್ನಿಗ್ಧಂ ಭೂಯೋ ಭೂಯೋ ವಿರೇಚಯೇತ್| ಕ್ಷೀರೇಣ ಸತ್ರಿವೃತ್ಕಲ್ಕೇನೋರುಬೂಕಶೃತೇನ ವಾ||೬೨|| ಸಾತಲಾತ್ರಾಯಮಾಣಾಭ್ಯಾಂ ಶೃತೇನಾರಗ್ವಧೇನ ವಾ| ಸಕಫೇ ವಾ ಸಮೂತ್ರೇಣ ಸತಿಕ್ತಾಜ್ಯೇನ ಸಾನಿಲೇ||೬೩|| ಪಯಸಾಽನ್ಯತಮೇನೈಷಾಂ ವಿದಾರ್ಯಾದಿಶೃತೇನ ವಾ| ಭುಞ್ಜೀತ ಜಠರಂ ಚಾಸ್ಯ ಪಾಯಸೇನೋಪನಾಹಯೇತ್||೬೪||

Adhikarana pittodare kShIrabastivirecanani punaHpunaH (65) · Śloka 65

ಪುನಃ ಕ್ಷೀರಂ ಪುನರ್ಬಸ್ತಿಂ ಪುನರೇವ ವಿರೇಚನಮ್| ಕ್ರಮೇಣ ಧ್ರುವಮಾತಿಷ್ಠನ್ ಯತ್ತಃ ಪಿತ್ತೋದರಂ ಜಯೇತ್||೬೫||

Adhikarana kaPodare vatsakAdighRutenasnehanam kaPodare svigne snukShIraghRutena virecanam kaPodare kaTukShArayuktairannaiH saMsarjanam (66-67) · Śloka 67

ವತ್ಸಕಾದಿವಿಪಕ್ವೇನ ಕಫೇ ಸಂಸ್ನೇಹ್ಯ ಸರ್ಪಿಷಾ| ಸ್ವಿನ್ನಂ ಸ್ನುಕ್ಷೀರಸಿದ್ಧೇನ ಬಲವನ್ತಂ ವಿರೇಚಿತಮ್||೬೬|| ಸಂಸರ್ಜಯೇತ್ಕಟುಕ್ಷಾರಯುಕ್ತೈರನ್ನೈಃ ಕಫಾಪಹೈಃ| |೬೭|

Adhikarana kaPodare muShkakAdikvAthena nirUhaH kaPodare etaCRutasnehena anuvAsanam kaPodare vyoShadugdhAdinA Bojanam (67-68) · Śloka 68

| ಮೂತ್ರತ್ರ್ಯೂಷಣತೈಲಾಢ್ಯೋ ನಿರೂಹೋಽಸ್ಯ ತತೋ ಹಿತಃ||೬೭|| ಮುಷ್ಕಕಾದಿಕಷಾಯೇಣ ಸ್ನೇಹಬಸ್ತಿಶ್ಚ ತಚ್ಛೃತಃ| ಭೋಜನಂ ವ್ಯೋಷದುಗ್ಧೇನ ಕೌಲತ್ಥೇನ ರಸೇನ ವಾ||೬೮||

Adhikarana kaPodare staimityAdau ariShTakShArAH (69) · Śloka 69

ಸ್ತೈಮಿತ್ಯಾರುಚಿಹೃಲ್ಲಾಸೇ ಮನ್ದೇಽಗ್ನೌ ಮದ್ಯಪಾಯ ಚ| ದದ್ಯಾದರಿಷ್ಟಾನ್ ಕ್ಷಾರಾಂಶ್ಚ ಕಫಸ್ತ್ಯಾನಸ್ಥಿರೋದರೇ||೬೯||

Adhikarana kaphodare staimityAdau hi~ggvAdikShArAHau (70-73) · Śloka 73

ಹಿಙ್ಗೂಪಕುಲ್ಯೇ ತ್ರಿಫಲಾಂ ದೇವದಾರು ನಿಶಾದ್ವಯಮ್| ಭಲ್ಲಾತಕಂ ಶಿಗ್ರುಫಲಂ ಕಟುಕಾಂ ತಿಕ್ತಕಂ ವಚಾಮ್||೭೦|| ಶುಣ್ಠೀಂ ಮಾದ್ರೀಂ ಘನಂ ಕುಷ್ಠಂ ಸರಲಂ ಪಟುಪಞ್ಚಕಮ್| ದಾಹಯೇಜ್ಜರ್ಜರೀಕೃತ್ಯ ದಧಿಸ್ನೇಹಚತುಷ್ಕವತ್||೭೧|| ಅನ್ತರ್ಧೂಮಂ ತತಃ ಕ್ಷಾರಾದ್ಬಿಡಾಲಪದಕಂ ಪಿಬೇತ್| ಮದಿರಾದಧಿಮಣ್ಡೋಷ್ಣಜಲಾರಿಷ್ಟಸುರಾಸವೈಃ||೭೨|| ಉದರಂ ಗುಲ್ಮಮಷ್ಠೀಲಾಂ ತೂನ್ಯೌ ಶೋಫಂ ವಿಸೂಚಿಕಾಮ್| ಪ್ಲೀಹಹೃದ್ರೋಗಗುದಜಾನುದಾವರ್ತಂ ಚ ನಾಶಯೇತ್||೭೩||

Adhikarana kaPodare ariShTagomUtrAdayaH (74) · Śloka 74

ಜಯೇದರಿಷ್ಟಗೋಮೂತ್ರಚೂರ್ಣಾಯಸ್ಕೃತಿಪಾನತಃ| ಸಕ್ಷಾರತೈಲಪಾನೈಶ್ಚ ದುರ್ಬಲಸ್ಯ ಕಫೋದರಮ್||೭೪||

Adhikarana kaPodare mUlakabIjAdiBirUpanAhaH kaPodare aBIkShNaM svedaH (75) · Śloka 75

ಉಪನಾಹ್ಯಂ ಸಸಿದ್ಧಾರ್ಥಕಿಣ್ವೈರ್ಬೀಜೈಶ್ಚ ಮೂಲಕಾತ್| ಕಲ್ಕಿತೈರುದರಂ ಸ್ವೇದಮಭೀಕ್ಷ್ಣಂ ಚಾತ್ರ ಯೋಜಯೇತ್||೭೫||

Adhikarana sanipAtodare pratyAkhyAyakriyA (76) · Śloka 76

ಸನ್ನಿಪಾತೋದರೇ ಕುರ್ಯಾನ್ನಾತಿಕ್ಷೀಣಬಲಾನಲೇ| ದೋಷೋದ್ರೇಕಾನುರೋಧೇನ ಪ್ರತ್ಯಾಖ್ಯಾಯ ಕ್ರಿಯಾಮಿಮಾಮ್||೭೬||

Adhikarana sanipAtodare dantIdravantItailapAnam (77) · Śloka 77

ದನ್ತೀದ್ರವನ್ತೀಫಲಜಂ ತೈಲಂ ಪಾನೇ ಚ ಶಸ್ಯತೇ| |೭೭|

Adhikarana sanipAtodare kriyAnivRutte kAkAdanyAdikalkaH (77-78) · Śloka 78

| ಕ್ರಿಯಾನಿವೃತ್ತೇ ಜಠರೇ ತ್ರಿದೋಷೇ ತು ವಿಶೇಷತಃ||೭೭|| ದದ್ಯಾದಾಪೃಚ್ಛ್ಯ ತಜ್ಜ್ಞಾತೀನ್ ಪಾತುಂ ಮದ್ಯೇನ ಕಲ್ಕಿತಮ್| ಮೂಲಂ ಕಾಕಾದನೀಗುಞ್ಜಾಕರವೀರಕಸಮ್ಭವಮ್||೭೮||

Adhikarana sanipAtodare kriyAsthAvaraM viShaM sarpaviShaM vA (79-81) · Śloka 81

ಪಾನಭೋಜನಸಂಯುಕ್ತಂ ದದ್ಯಾದ್ವಾ ಸ್ಥಾವರಂ ವಿಷಮ್| ಯಸ್ಮಿನ್ ವಾ ಕುಪಿತಃ ಸರ್ಪೋ ವಿಮುಞ್ಚತಿ ಫಲೇ ವಿಷಮ್||೭೯|| ತೇನಾಸ್ಯ ದೋಷಸಙ್ಘಾತಃ ಸ್ಥಿರೋ ಲೀನೋ ವಿಮಾರ್ಗಗಃ| ಬಹಿಃ ಪ್ರವರ್ತತೇ ಭಿನ್ನೋ ವಿಷೇಣಾಶು ಪ್ರಮಾಥಿನಾ||೮೦|| ತಥಾ ವ್ರಜತ್ಯಗದತಾಂ ಶರೀರಾನ್ತರಮೇವ ವಾ| |೮೧|

Adhikarana sanipAtodare hRutadoSha shItAmbusnAnaM payaH pAnaM peyAM vAtetrivRucCAkA diBakShaNaM (81-83) · Śloka 83

| ಹೃತದೋಷಂ ತು ಶೀತಾಮ್ಬುಸ್ನಾತಂ ತಂ ಪಾಯಯೇತ್ಪಯಃ||೮೧|| ಪೇಯಾಂ ವಾ ತ್ರಿವೃತಃ ಶಾಕಂ ಮಣ್ಡೂಕ್ಯಾ ವಾಸ್ತುಕಸ್ಯ ವಾ| ಕಾಲಶಾಕಂ ಯವಾಖ್ಯಂ ವಾ ಖಾದೇತ್ಸ್ವರಸಸಾಧಿತಮ್||೮೨|| ನಿರಮ್ಲಲವಣಸ್ನೇಹಂ ಸ್ವಿನ್ನಾಸ್ವಿನ್ನಮನನ್ನಭುಕ್| ಮಾಸಮೇಕಂ ತತಶ್ಚೈವ ತೃಷಿತಃ ಸ್ವರಸಂ ಪಿಬೇತ್||೮೩||

Adhikarana sanipAtodare evaM nirhate doShe auShTraM kShIram (84) · Śloka 84

ಏವಂ ವಿನಿರ್ಹೃತೇ ಶಾಕೈರ್ದೋಷೇ ಮಾಸಾತ್ ಪರಂ ತತಃ| ದುರ್ಬಲಾಯ ಪ್ರಯುಞ್ಜೀತ ಪ್ರಾಣಭೃತ್ಕಾರಭಂ ಪಯಃ||೮೪||

Adhikarana plIhodare vAmabAhau sirAmokShaH (85) · Śloka 85

ಪ್ಲೀಹೋದರೇ ಯಥಾದೋಷ ಸ್ನಿಗ್ಧಸ್ಯ ಸ್ವೇದಿತಸ್ಯ ಚ| ಸಿರಾಂ ಭುಕ್ತವತೋ ದಧ್ನಾ ವಾಮಬಾಹೌ ವಿಮೋಕ್ಷಯೇತ್||೮೫||

Adhikarana plIhodare labdhabale samudrashuktikShAraH plIhodare labdhakara~jjakShAraH plIhodare labdha shigrukvAthaH plIhodare labdhahi~ggvAdicUrNakShArAjyam (86-88) · Śloka 88

ಲಬ್ಧೇ ಬಲೇ ಚ ಭೂಯೋಽಪಿ ಸ್ನೇಹಪೀತಂ ವಿಶೋಧಿತಮ್| ಸಮುದ್ರಶುಕ್ತಿಜಂ ಕ್ಷಾರಂ ಪಯಸಾ ಪಾಯಯೇತ್ತಥಾ||೮೬|| ಅಮ್ಲಸ್ರುತಂ ಬಿಡಕಣಾಚೂರ್ಣಾಢ್ಯಂ ನಕ್ತಮಾಲಜಮ್| ಸೌಭಾಞ್ಜನಸ್ಯ ವಾ ಕ್ವಾಥಂ ಸೈನ್ಧವಾಗ್ನಿಕಣಾನ್ವಿತಮ್||೮೭|| ಹಿಡ್ಗ್ವಾದಿಚೂರ್ಣಂ ಕ್ಷಾರಾಜ್ಯಂ ಯುಞ್ಜೀತ ಚ ಯಥಾಬಲಮ್| |೮೮|

Adhikarana plIhodare labdhabale pippalyAdicUrNam (88-89) · Śloka 89

| ಪಿಪ್ಪಲೀನಾಗರಂ ದನ್ತೀಸಮಾಂಶಂ ದ್ವಿಗುಣಾಭಯಮ್||೮೮|| ಬಿಡಾರ್ಧಾಂಶಯುತಂ ಚೂರ್ಣಮಿದಮುಷ್ಣಾಮ್ಬುನಾ ಪಿಬೇತ್| |೮೯|

Adhikarana plIhodarelabdhabale viDa~ggAdiBUtiH (89-90) · Śloka 90

| ವಿಡಙ್ಗಂ ಚಿತ್ರಕಂ ಸಕ್ತೂನ್ ಸಘೃತಾನ್ ಸೈನ್ಧವಂ ವಚಾಮ್||೮೯|| ದಗ್ಧ್ವಾ ಕಪಾಲೇ ಪಯಸಾ ಗುಲ್ಮಪ್ಲೀಹಾಪಹಂ ಪಿಬೇತ್| |೯೦|

Adhikarana plIhodare labdhabale badarakapatralepaH (90-91) · Śloka 91

| ತೈಲೋನ್ಮಿಶ್ರೈರ್ಬದರಕಪತ್ರೈಃ ಸಮ್ಮಾರ್ದಿತೈಃ ಸಮುಪನದ್ಧಃ||೯೦|| ಮುಸಲೇನ ಪೀಡಿತೋಽನು ಚ ಯಾತಿ ಪ್ಲೀಹಾ ಪಯೋಭುಜೋ ನಾಶಮ್| |೯೧|

Adhikarana plIhodarelabdhabale rohItakalatAyogaH (91-92) · Śloka 92

| ರೋಹೀತಕಲತಾಃ ಕ್ಲೃಪ್ತಾಃ ಖಣ್ಡಶಃ ಸಾಭಯಾ ಜಲೇ||೯೧|| ಮೂತ್ರೇ ವಾಽಽಸುನುಯಾತ್ತಚ್ಚ ಸಪ್ತರಾತ್ರಸ್ಥಿತಂ ಪಿಬೇತ್| ಕಾಮಲಾಪ್ಲೀಹಗುಲ್ಮಾರ್ಶಃ ಕೃಮಿಮೇಹೋದರಾಪಹಮ್||೯೨||

Adhikarana plIhodarelabdhabale rohItakaghRutam (93-95) · Śloka 95

ರೋಹೀತಕತ್ವಚಃ ಕೃತ್ವಾ ಪಲಾನಾಂ ಪಞ್ಚವಿಂಶತೀಮ್| ಕೋಲದ್ವಿಪ್ರಸ್ಥಸಂಯುಕ್ತಂ ಕಷಾಯಮುಪಕಲ್ಪಯೇತ್||೯೩|| ಪಾಲಿಕೈಃ ಪಞ್ಚಕೋಲೈಸ್ತು ತೈಃ ಸಮಸ್ತೈಶ್ಚ ತುಲ್ಯಯಾ| ರೋಹೀತಕತ್ವಚಾ ಪಿಷ್ಟೈರ್ಘೃತಪ್ರಸ್ಥಂ ವಿಪಾಚಯೇತ್||೯೪|| ಪ್ಲೀಹಾಭಿವೃದ್ಧಿಂ ಶಮಯತ್ಯೇತದಾಶು ಪ್ರಯೋಜಿತಮ್| |೯೫|

Adhikarana plIhodarelabdhabale kadalyAditailam (95-96) · Śloka 96

| ಕದಲ್ಯಾಸ್ತಿಲನಾಲಾನಾಂ ಕ್ಷಾರೇಣ ಕ್ಷುರಕಸ್ಯ ಚ||೯೫|| ತೈಲಂ ಪಕ್ವಂ ಜಯೇತ್ಪಾನಾತ್ಪ್ಲೀಹಾನಂ ಕಫವಾತಜಮ್| |೯೬|

Adhikarana plIhodarelabdhabale vAtakaPolbaNe gulmavadagnikarma (96-97) · Śloka 97

| ಅಶಾನ್ತೌ ಗುಲ್ಮವಿಧಿನಾ ಯೋಜಯೇದಗ್ನಿಕರ್ಮ ಚ||೯೬|| ಅಪ್ರಾಪ್ತಪಿಚ್ಛಾಸಲಿಲೇ ಪ್ಲೀಹ್ನಿ ವಾತಕಫೋಲ್ಬಣೇ| |೯೭|

Adhikarana plIhodare labdhabale pittolbaNe jIvanIyasarpirAdi (97-98) · Śloka 98

| ಪೈತ್ತಿಕೇ ಜೀವನೀಯಾನಿ ಸರ್ಪೀಂಷಿ ಕ್ಷೀರಬಸ್ತಯಃ||೯೭|| ರಕ್ತಾವಸೇಕಃ ಸಂಶುದ್ಧಿಃ ಕ್ಷೀರಪಾನಂ ಚ ಶಸ್ಯತೇ| |೯೮|

Adhikarana yakRududare dakShiNabhuje sirAmokShaH (98) · Śloka 98

| ಯಕೃತಿ ಪ್ಲೀಹವತ್ಕರ್ಮ ದಕ್ಷಿಣೇ ತು ಭುಜೇ ಸಿರಾಮ್||೯೮||

Adhikarana yakRududare anyatsarvaM plIhavat baddhodare svedA nrUho~anuvAsanaM ca baddhodare paristraMsInyannAni baddho tIkShNaM virecanam baddho udAvartaharaM vAtandhaM ca karma (99-100) · Śloka 100

ಸ್ವಿನ್ನಾಯ ಬದ್ಧೋದರಿಣೇ ಮೂತ್ರತೀಕ್ಷ್ಣೌಷಧಾನ್ವಿತಮ್| ಸತೈಲಲವಣಂ ದದ್ಯಾನ್ನಿರೂಹಂ ಸಾನುವಾಸನಮ್||೯೯|| ಪರೀಸ್ರಂಸೀನಿ ಚಾನ್ನಾನಿ ತೀಕ್ಷ್ಣಂ ಚಾಸ್ಮೈ ವಿರೇಚನಮ್| ಉದಾವರ್ತಹರಂ ಕರ್ಮ ಕಾರ್ಯಂ ಯಚ್ಚಾನಿಲಾಪಹಮ್||೧೦೦||

Adhikarana Cidrodare svedaM vinA kaPo daravat Cidro jAtaM jAtaM jalaM svAvyam (101) · Śloka 101

ಛಿದ್ರೋದರಮೃತೇ ಸ್ವೇದಾಚ್ಛ್ಲೇಷ್ಮೋದರವದಾಚರೇತ್| ಜಾತಂ ಜಾತಂ ಜಲಂ ಸ್ರಾವ್ಯಮೇವಂ ತದ್ಯಾಪಯೇದ್ಭಿಷಕ್||೧೦೧||

Adhikarana udakodare abdoShaharANi udakodaredIpanIyaH kaPaghnaScAhAraH (102-103) · Śloka 103

ಅಪಾಂ ದೋಷಹರಾಣ್ಯಾದೌ ಯೋಜಯೇದುದಕೋದರೇ| ಮೂತ್ರಯುಕ್ತಾನಿ ತೀಕ್ಷ್ಣಾನಿ ವಿವಿಧಕ್ಷಾರವನ್ತಿ ಚ||೧೦೨|| ದೀಪನೀಯೈಃ ಕಫಘ್ನೈಶ್ಚ ತಮಾಹಾರೈರುಪಾಚರೇತ್| |೧೦೩|

Adhikarana udakodare chAgakarIShakShArAdiguTikAo (103-106) · Śloka 106

| ಕ್ಷಾರಂ ಛೋಗಕರೀಷಾಣಾಂ ಸ್ರುತಂ ಮೂತ್ರೇಽಗ್ನಿನಾ ಪಚೇತ್||೧೦೩|| ಘನೀಭವತಿ ತಸ್ಮಿಂಶ್ಚ ಕರ್ಷಾಂಶಂ ಚೂರ್ಣಿತಂ ಕ್ಷಿಪೇತ್| ಪಿಪ್ಪಲೀ ಪಿಪ್ಪಲೀಮೂಲಂ ಶುಣ್ಠೀ ಲವಣಪಞ್ಚಕಮ್||೧೦೪|| ನಿಕುಮ್ಭಕುಮ್ಭತ್ರಿಫಲಾಸ್ವರ್ಣಕ್ಷೀರೀವಿಷಾಣಿಕಾಃ| ಸ್ವರ್ಜಿಕಾಕ್ಷಾರಷಡ್ಗ್ರನ್ಥಾಸಾತಲಾಯವಶೂಕಜಮ್||೧೦೫|| ಕೋಲಾಭಾ ಗುಟಿಕಾಃ ಕೃತ್ವಾ ತತಃ ಸೌವೀರಕಾಪ್ಲುತಾಃ| ಪಿಬೇದಜರಕೇ ಶೋಫೇ ಪ್ರವೃದ್ಧೇ ಚೋದಕೋದರೇ||೧೦೬||

Adhikarana baddhacCidrodakodareShu auShadhairaprashameShu shastrakarma (107) · Śloka 107

ಇತ್ಯೌಷಧೈರಪ್ರಶಮೇ ತ್ರಿಷು ಬದ್ಧೋದರಾದಿಷು| ಪ್ರಯುಞ್ಜೀತ ಭಿಷಕ್ ಶಸ್ತ್ರಮಾರ್ತಬನ್ಧುನೃಪಾರ್ಥಿತಃ||೧೦೭||

Adhikarana baddhacCidrodakodareShu shastrakarma vidhiH (108-112) · Śloka 112

ಸ್ನಿಗ್ಧಸ್ವಿನ್ನತನೋರ್ನಾಭೇರಧೋ ಬದ್ಧಕ್ಷತಾನ್ತ್ರಯೋಃ| ಪಾಟಯೇದುದರಂ ಮುಕ್ತ್ವಾ ವಾಮತಶ್ಚತುರಙ್ಗುಲಾತ್||೧೦೮|| ಚತುರಙ್ಗುಲಮಾನಂ ತು ನಿಷ್ಕಾಸ್ಯಾನ್ತ್ರಾಣಿ ತೇನ ಚ| ನಿರೀಕ್ಷ್ಯಾಪನಯೇದ್ಬಾಲಮಲಲೇಪೋಪಲಾದಿಕಮ್||೧೦೯|| ಛಿದ್ರೇ ತು ಶಲ್ಯಮುದ್ಧೃತ್ಯ ವಿಶೋಧ್ಯಾನ್ತ್ರಪರಿಸ್ರವಮ್| ಮರ್ಕೋಟೈರ್ದಂಶಯೇಚ್ಛಿದ್ರಂ ತೇಷು ಲಗ್ನೇಷು ಚಾಹರೇತ್||೧೧೦|| ಕಾಯಂ ಮೂರ್ಧ್ನೋಽನು ಚಾನ್ತ್ರಾಣಿ ಯಥಾಸ್ಥಾನಂ ನಿವೇಶಯೇತ್| ಅಕ್ತಾನಿ ಮಧುಸರ್ಪಿರ್ಭ್ಯಾಮಥ ಸೀವ್ಯೇದ್ಬಹಿರ್ವ್ರಣಮ್||೧೧೧|| ತತಃ ಕೃಷ್ಣಮೃದಾಽಽಲಿಪ್ಯ ಬಧ್ನೀಯಾದ್ಯಷ್ಟಿಮಿಶ್ರಯಾ| ನಿವಾತಸ್ಥಃ ಪಯೋವೃತ್ತಿಃ ಸ್ನೇಹದ್ರೋಣ್ಯಾಂ ವಸೇತ್ತತಃ||೧೧೨||

Adhikarana sajale udare jalasrAvaNavidhiH sajale niHsrute peyA (113-117) · Śloka 117

ಸಜಲೇ ಜಠರೇ ತೈಲೈರಭ್ಯಕ್ತಸ್ಯಾನಿಲಾಪಹೈಃ| ಸ್ವಿನ್ನಸ್ಯೋಷ್ಣಾಮ್ಬುನಾಽಽಕಕ್ಷಮುದರೇ ಪಟ್ಟವೇಷ್ಟಿತೇ||೧೧೩|| ಬದ್ಧಚ್ಛಿದ್ರೋದಿತಸ್ಥಾನೇ ವಿಧ್ಯೇದಙ್ಗುಲಮಾತ್ರಕಮ್| ನಿಧಾಯ ತಸ್ಮಿನ್ನಾಡೀಂ ಚ ಸ್ರಾವಯೇದರ್ಧಮಮ್ಭಸಃ||೧೧೪|| ಅಥಾಸ್ಯ ನಾಡೀಮಾಕೃಷ್ಯ ತೈಲೇನ ಲವಣೇನ ಚ| ವ್ರಣಮಭ್ಯಜ್ಯ ಬಧ್ವಾ ಚ ವೇಷ್ಟಯೇದ್ವಾಸಸೋದರಮ್||೧೧೫|| ತೃತೀಯೇಽಹ್ನಿ ಚತುರ್ಥೇ ವಾ ಯಾವದಾಷೋಡಶಂ ದಿನಮ್| ತಸ್ಯ ವಿಶ್ರಮ್ಯ ವಿಶ್ರಮ್ಯ ಸ್ರಾವಯೇದಲ್ಪಶೋ ಜಲಮ್||೧೧೬|| ವಿವೇಷ್ಟಯೇದ್ಗಾಢತರಂ ಜಠರಂ ವಾಸಸಾ ಶ್ಲಥಮ್| ನಿಃಸ್ರುತೇ ಲಙ್ಘಿತಃ ಪೇಯಾಮಸ್ನೇಹಲವಣಾಂ ಪಿಬೇತ್||೧೧೭||

Adhikarana sajale udare AsaMvatsaraM vartanakramaH (118-119) · Śloka 119

ಸ್ಯಾತ್ಕ್ಷೀರವೃತ್ತಿಃ ಷಣ್ಮಾಸಾಂಸ್ತ್ರೀನ್ ಪೇಯಾಂ ಪಯಸಾ ಪಿಬೇತ್| ತ್ರೀಂಶ್ಚಾನ್ಯಾನ್ ಪಯಸೈವಾದ್ಯಾತ್ ಫಲಾಮ್ಲೇನ ರಸೇನ ವಾ||೧೧೮|| ಅಲ್ಪಶೋಽಸ್ನೇಹಲವಣಂ ಜೀರ್ಣಂ ಶ್ಯಾಮಾಕಕೋದ್ರವಮ್| ಪ್ರಯತೋ ವತ್ಸರೇಣೈವಂ ವಿಜಯೇತ ಜಲೋದರಮ್||೧೧೯||

Adhikarana sajale udare pathye yantrito jitendriyashcaudare (120) · Śloka 120

ವರ್ಜ್ಯೇಷು ಯನ್ತ್ರಿತೋ ದಿಷ್ಟೇ ನಾತ್ಯದಿಷ್ಟೇ ಜಿತೇನ್ದ್ರಿಯಃ| |೧೨೦|

Adhikarana sarvodare vAtAdishamanI kriyA (120-121) · Śloka 121

| ಸರ್ವಮೇವೋದರಂ ಪ್ರಾಯೋ ದೋಷಸಙ್ಘಾತಜಂ ಯತಃ||೧೨೦|| ಅತೋ ವಾತಾದಿಶಮನೀ ಕ್ರಿಯಾ ಸರ್ವತ್ರ ಶಸ್ಯತೇ| |೧೨೧|

Adhikarana sarvodare dIpano laghushcAhAraH (121-122) · Śloka 122

| ವಹ್ನಿರ್ಮನ್ದತ್ವಮಾಯಾತಿ ದೋಷೈಃ ಕುಕ್ಷೌ ಪ್ರಪೂರಿತೇ||೧೨೧|| ತಸ್ಮಾದ್ಭೋಜ್ಯಾನಿ ಭೋಜ್ಯಾನಿ ದೀಪನಾನಿ ಲಘೂನಿ ಚ| ಸಪಞ್ಚಮೂಲಾನ್ಯಲ್ಪಾಮ್ಲಪಟುಸ್ನೇಹಕಟೂನಿ ಚ||೧೨೨||

Adhikarana sarvodare gomUtraBAvitaShaShTikataNDulayavAgUBojanam (123-124) · Śloka 124

ಭಾವಿತಾನಾಂ ಗವಾಂ ಮೂತ್ರೇ ಷಷ್ಟಿಕಾನಾಂ ಚ ತಣ್ಡುಲೈಃ| ಯವಾಗೂಂ ಪಯಸಾ ಸಿದ್ಧಾಂ ಪ್ರಕಾಮಂ ಭೋಜಯೇನ್ನರಮ್||೧೨೩|| ಪಿಬೇದಿಕ್ಷುರಸಂ ಚಾನು ಜಠರಾಣಾಂ ನಿವೃತ್ತಯೇ| ಸ್ವಂ ಸ್ವಂ ಸ್ಥಾನಂ ವ್ರಜನ್ತ್ಯೇಷಾಂ ವಾತಪಿತ್ತಕಫಾಸ್ತಥಾ||೧೨೪||

Adhikarana sarvodare tadanu dakShurasapAnam sarvo varjyAni (125-126) · Śloka 126

ಅತ್ಯರ್ಥೋಷ್ಣಾಮ್ಲಲವಣಂ ರೂಕ್ಷಂ ಗ್ರಾಹಿ ಹಿಮಂ ಗುರು| ಗುಡಂ ತೈಲಕೃತಂ ಶಾಕಂ ವಾರಿ ಪಾನಾವಗಾಹಯೋಃ||೧೨೫|| ಆಯಾಸಾಧ್ವದಿವಾಸ್ವಪ್ನಯಾನಾನಿ ಚ ಪರಿತ್ಯಜೇತ್| |೧೨೬|

Adhikarana sarvodare takrapAnam aShTodareShu takravisheShaH (126-129) · Śloka 129

| ನಾತ್ಯಚ್ಛಸಾನ್ದ್ರಮಧುರಂ ತಕ್ರಂ ಪಾನೇ ಪ್ರಶಸ್ಯತೇ||೧೨೬|| ಸಕಣಾಲವಣಂ ವಾತೇ, ಪಿತ್ತೇ ಸೋಷಣಶರ್ಕರಮ್| ಯವಾನೀಸೈನ್ಧವಾಜಾಜೀಮಧುವ್ಯೋಷೈಃ ಕಫೋದರೇ||೧೨೭|| ತ್ರ್ಯೂಷಣಕ್ಷಾರಲವಣೈಃ ಸಂಯುತಂ ನಿಚಯೋದರೇ| ಮಧುತೈಲವಚಾಶುಣ್ಠೀಶತಹ್ವಾಕುಷ್ಠಸೈನ್ಧವೈಃ||೧೨೮|| ಪ್ಲೀಹ್ನಿ, ಬದ್ಧೇ ತು ಹಪುಷಾಯವಾನೀಪಟ್ವಜಾಜಿಭಿಃ| ಸಕೃಷ್ಣಾಮಾಕ್ಷಿಕಂ ಛಿದ್ರೇ, ವ್ಯೋಷವತ್ಸಲಿಲೋದರೇ||೧೨೯||

Adhikarana aShTodareShu gauravAdiyuktAnAM vAtakaPArtAnAM takrAmRUtam (130) · Śloka 130

ಗೌರವಾರೋಚಕಾನಾಹಮನ್ದವಹ್ನ್ಯತಿಸಾರಿಣಾಮ್| ತಕ್ರಂ ವಾತಕಫಾರ್ತಾನಾಮಮೃತತ್ವಾಯ ಕಲ್ಪತೇ||೧೩೦||

Adhikarana aShTodareShu sarveShAM prayogANAmanu kShIram (131) · Śloka 131

ಪ್ರಯೋಗಾಣಾಂ ಚ ಸರ್ವೇಷಾಮನು ಕ್ಷೀರಂ ಪ್ರಯೋಜಯೇತ್| ಸ್ಥೈರ್ಯಕೃತ್ಸರ್ವಧಾತೂನಾಂ ಬಲ್ಯಂ ದೋಷಾನುಬನ್ಧಹೃತ್||೧೩೧||

Adhikarana aShTodareShu BeShajakShINA~ggAnAM kShIraM amRutam (15) · Śloka 15

ಭೇಷಜಾಪಚಿತಾಙ್ಗಾನಾಂ ಕ್ಷೀರಮೇವಾಮೃತಾಯತೇ| ೧೩೧ ೧/೨| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಚತುರ್ಥೇ ಚಿಕಿತ್ಸಿತಸ್ಥಾನೇ ಉದರಚಿಕಿತ್ಸಿತಂ ನಾಮ ಪಞ್ಚದಶೋಽಧ್ಯಾಯಃ||೧೫||