21. vātavyādhicikitsitādhyāyaḥ

Adhikarana vAtavyAdhicikitsitAdhyAyaHvAte nirupastamBe Adau snehAH vAte nirupastamBe tataH sha~gkarAdyaiH punaH punaH svedaH (2-4) · Śloka 4

অথাতো বাতব্যাধিচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) কেবলং নিরুপস্তম্ভমাদৌ স্নেহৈরুপাচরেত্| বাযুং সর্পির্বসামজ্জতৈলপানৈর্নরং ততঃ||১|| স্নেহক্লান্তং সমাশ্বাস্য পযোভিঃ স্নেহযেত্পুনঃ| যূষৈর্গ্রাম্যোদকানূপরসৈর্বা স্নেহসংযুতৈঃ||২|| পাযসৈঃ কৃসরৈঃ সাম্ললবণৈঃ সানুবাসনৈঃ| নাবনৈস্তর্পণৈশ্চান্নৈঃ সুস্নিগ্ধৈঃ স্বেদযেত্ততঃ||৩|| স্বভ্যক্তং স্নেহসংযুক্তৈঃ শঙ্করাদ্যৈঃ পুনঃ পুনঃ| |৪|

Adhikarana vAte snehasvedayoH prayojanam (4-5) · Śloka 5

| স্নেহাক্তং স্বিন্নমঙ্গং তু বক্রং স্তব্ধং সবেদনম্||৪|| যথেষ্টমানামযিতুং সুখমেব হি শক্যতে| |৫|

Adhikarana vAte atra dRuShTAntaH (5-6) · Śloka 6

| শুষ্কাণ্যপি হি কাষ্ঠানি স্নেহস্বেদোপপাদনৈঃ||৫|| শক্যং কর্মণ্যতাং নেতুং কিমু গাত্রাণি জীবিতাম্| |৬|

Adhikarana vAte svedasya Palam (6-7) · Śloka 7

| হর্ষতোদরুগাযামশোফস্তম্ভগ্রহাদযঃ||৬|| স্বিন্নস্যাশু প্রশাম্যন্তি মার্দবং চোপজাযতে| |৭|

Adhikarana vAte snehasya Palam (7-8) · Śloka 8

| স্নেহশ্চ ধাতূন্ সংশুষ্কান্ পুষ্ণাত্যাশূপযোজিতঃ||৭|| বলমগ্নিবলং পুষ্টিং প্রাণাংশ্চাস্যাভিবর্ধযেত্| |৮|

Adhikarana vAte punaH punaH snehasvedAH vAte evaM snehamRudukoShThe vAtarogA na tiShThanti (8-9) · Śloka 9

| অসকৃত্তং পুনঃ স্নেহৈঃ স্বেদৈশ্চ প্রতিপাদযেত্||৮|| তথা স্নেহমৃদৌ কোষ্ঠে ন তিষ্ঠন্ত্যনিলামযাঃ| |৯|

Adhikarana vAte evaM SamABAve mRudusneha virecanam (9-10) · Śloka 10

| যদ্যেতেন সদোষত্বাত্কর্মণা ন প্রশাম্যতি||৯|| মৃদুভিঃ স্নেহসংযুক্তৈর্ভেষজৈস্তং বিশোধযেত্| |১০|

Adhikarana vAte tilvakaghRutaM sAtalA ghRutameraNDatailaM vA (10-11) · Śloka 11

| ঘৃতং তিল্বকসিদ্ধং বা সাতলাসিদ্ধমেব বা||১০|| পযসৈরণ্ডতৈলং বা পিবেদ্দোষহরং শিবম্| |১১|

Adhikarana vAte anulomane hetuH (11-12) · Śloka 12

| স্নিগ্ধাম্ললবণোষ্ণাদ্যৈরাহারৈর্হি মলশ্চিতঃ||১১|| স্রোতো বদ্ধ্বাঽনিলং রুন্ধ্যাত্তস্মাত্তমনুলোমযেত্| |১২|

Adhikarana vAte avirecyasya nirUhAH vAte pradIpte~agnau punaH snehasvedau (12-13) · Śloka 13

| দুর্বলো যোঽবিরেচ্যঃ স্যাত্তং নিরূহৈরুপাচরেত্||১২|| দীপনৈঃ পাচনীযৈর্বা ভোজ্যৈর্বা তদ্যুতৈর্নরম্| সংশুদ্ধস্যোত্থিতে চাগ্নৌ স্নেহস্বেদৌ পুনর্হিতৌ||১৩||

Adhikarana vAte AmAshayage ShaDdharaNAdiH (14-15) · Śloka 15

আমাশযগতে বাযৌ বমিতপ্রতিভোজিতে| সুখাম্বুনা ষড্ধরণং বচাদিং বা প্রযোজযেত্||১৪|| সন্ধুক্ষিতেঽগ্নৌ পরতো বিধিঃ কেবলবাতিকঃ| |১৫|

Adhikarana vAte nABipradeshasthe matsyAH (15) · Śloka 15

| মত্স্যান্নাভিপ্রদেশস্থে সিদ্ধান্বিল্বশলাটুভিঃ||১৫||

Adhikarana vAte adhonABisthe bastikarmAvapIDakaSca (16) · Śloka 16

বস্তিকর্ম ত্বধোনাভেঃ শস্যতে চাবপীডকঃ| |১৬|

Adhikarana vAte koShThage kShAracUrNAdyAH (16) · Śloka 16

| কোষ্ঠগে ক্ষারচূর্ণাদ্যা হিতাঃ পাচনদীপনাঃ||১৬||

Adhikarana vAte hRutsthe sthirAsiddhaM kShIram (17) · Śloka 17

হৃত্স্থে পযঃ স্থিরাসিদ্ধম্| |১৭|

Adhikarana vAte shirogate shirobastyAdi (17) · Śloka 17

শিরোবস্তিঃ শিরোগতে| স্নৈহিকং নাবনং ধূমঃ শ্রোত্রাদীনাং চ তর্পণম্||১৭||

Adhikarana vAte tvagAshrite svedAdIni (18) · Śloka 18

স্বেদাভ্যঙ্গনিবাতানি হৃদ্যং চান্নং ত্বগাশ্রিতে| |১৮|

Adhikarana vAte raktasthe shItA lepAdayaH (18) · Śloka 18

| শীতাঃ প্রদেহা রক্তস্থে বিরেকো রক্তমোক্ষণম্||১৮||

Adhikarana vAte mAMsamedasthe virekAdayaH (19) · Śloka 19

বিরেকো মাংসমেদঃস্থে নিরূহাঃ শমনানি চ| |১৯|

Adhikarana vAte asthimajjage snehAH (19) · Śloka 19

| বাহ্যাভ্যন্তরতঃ স্নেহৈরস্থিমজ্জগতং জযেত্||১৯||

Adhikarana vAte shukrasthe praharShAdayaH (20) · Śloka 20

প্রহর্ষোঽন্নং চ শুক্রস্থে বলশুক্রকরং হিতম্| |২০|

Adhikarana vAte vibaddhamArge shukre virecanAdi (20-21) · Śloka 21

| বিবদ্ধমার্গং দৃষ্ট্বা তু শুক্রং দদ্যাদ্বিরেচনম্||২০|| বিরিক্তং প্রতিভুক্তং চ পূর্বোক্তাং কারযেত্ক্রিযাং| |২১|

Adhikarana vAte garBe bAle ca shuShke sitAdipayaH (21-22) · Śloka 22

| গর্ভে শুষ্কে তু বাতেন বালানাং চ বিশুষ্যতাম্||২১|| সিতাকাশ্মর্যমধুকৈঃ সিদ্ধমুত্থাপনে পযঃ| |২২|

Adhikarana vAte snAvAdiprApte snehAdi (22) · Śloka 22

| স্নাবসন্ধিশিরাপ্রাপ্তে স্নেহদাহোপনাহনম্||২২||

Adhikarana vAtesa~gkucite~a~gge mAShAditailam (23) · Śloka 23

তৈলং সঙ্কুচিতেঽভ্যঙ্গো মাষসৈন্ধবসাধিতম্| |২৩|

Adhikarana vAte supte~a~gge raktamokSho AgAradhUmAdilepaSca (23-24) · Śloka 24

| আগারধূমলবণতৈলৈর্লেপঃ স্রুতেঽসৃজি||২৩|| সুপ্তেঽঙ্গে বেষ্টযুক্তে তু কর্তব্যমুপনাহনম্| |২৪|

Adhikarana vAte veShTayukte~gge upanAhanam vAte apatAnake shIghramupacAraH (24-25) · Śloka 25

| অথাপতানকেনার্তমস্রস্তাক্ষমবেপনম্||২৪|| অস্তব্ধমেঢ্রমস্বেদং বহিরাযামবর্জিতম্| অখট্বাঘাতিনং চৈনং ত্বরিতং সমুপাচরেত্||২৫||

Adhikarana vAte pUrvaM nasyaM tato~acCapAnaM ghRutam (26-27) · Śloka 27

তত্র প্রাগেব সুস্নিগ্ধস্বিন্নাঙ্গে তীক্ষ্ণনাবনম্| স্রোতোবিশুদ্ধযে যুঞ্জ্যাদচ্ছপানং ততো ঘৃতম্||২৬|| বিদার্যাদিগণক্বাথদধিক্ষীররসৈঃ শৃতম্| নাতিমাত্রং তথা বাযুর্ব্যাপ্নোতি সহসৈব বা||২৭||

Adhikarana vAte sekABya~ggAdau mahAsnehaH (28-30) · Śloka 30

কুলত্থযবকোলানি ভদ্রদার্বাদিকং গণম্| নিঃক্বাথ্যানূপমাংসং চ তেনাম্লৈঃ পযসাঽপি চ||২৮|| স্বাদুস্কন্ধপ্রতীবাপং মহাস্নেহং বিপাচযেত্| সেকাভ্যঙ্গাবগাহান্নপাননস্যানুবাসনৈঃ||২৯|| স হন্তি বাতং, তে তে চ স্নেহস্বেদাঃ সুযোজিতাঃ| |৩০|

Adhikarana vAte vegAntare punaH punaH mUrdhavirekaH (30-31) · Śloka 31

| বেগান্তরেষু মূর্ধানমসকৃচ্চাস্য রেচযেত্||৩০|| অবপীডৈঃ প্রধমনৈস্তীক্ষ্ণৈঃ শ্লেষ্মনিবর্হণৈঃ| শ্বসনাসু বিমুক্তাসু তথা সংজ্ঞাং স বিন্দতি|৩১|

Adhikarana vAte vAtAdhike sauvarcalAdi ghRutam (31) · Śloka 31

সৌবর্চলাভযাব্যোষসিদ্ধং সর্পিশ্চলেঽধিকে||৩১|| ||৩১||

Adhikarana vAte vAtAdhike tilvakaghRutam (32-33) · Śloka 33

পলাষ্টকং তিল্বকতো বরাযাঃ প্রস্থং পলাংশং গুরুপঞ্চমূলম্| সৈরণ্ডসিংহীত্রিবৃতং ঘটেঽপাং পক্ত্বা পচেত্পাদশৃতেন তেন||৩২|| দধ্নঃ পাত্রে যাবশূকাত্ত্রিবিল্বৈঃ সর্পিঃপ্রস্থং হন্তি তত্সেব্যমানম্| দুষ্টান্ বাতানেকসর্বাঙ্গসংস্থান্ যোনিব্যাপদ্গুল্মবর্ধ্মোদরং চ||৩৩||

Adhikarana vAte vAtAdhike ramyakaghRutam vAte vAtAdhike ashokaghRutam (34) · Śloka 34

| বিধিস্তিল্বকবজ্জ্ঞেযো রম্যকশোকযোরপি||৩৪||

Adhikarana vAte saMsRuShTadoShe tumbarvAdi cUrNam (35) · Śloka 35

চিকিত্সিতমিদং কুর্যাচ্ছুদ্ধবাতাপতানকে| সংসৃষ্টদোষে সংসৃষ্টং|৩৫|

Adhikarana vAte kaPAnvite tumbarvAdicUrNaM vAte kaPAnvite hi~ggvAdi cUrNam vAte kaPAnvite kaPavAtahRudrogoktaM ca karma (35-37) · Śloka 37

| চূর্ণযিত্বা কফান্বিতে||৩৫|| তুম্বরূণ্যভযা হিঙ্গু পৌষ্করং লবণত্রযম্| যবক্বাথাম্বুনা পেযং হৃত্পার্শ্বার্ত্যপতন্ত্রকে||৩৬|| হিঙ্গু সৌবর্চলং শুণ্ঠী দাডিমং সাম্লবেতসম্| পিবেদ্বা শ্লেষ্মপবনহৃদ্রোগোক্তং চ শস্যতে||৩৭||

Adhikarana vAte AyAmayorarditavat tailadroNyAM shayanaM ca (38) · Śloka 38

আযামযোরর্দিতবদ্বাহ্যাভ্যন্তরযোঃ ক্রিযা| তৈলদ্রোণ্যাং চ শযনমান্তরোঽত্র সুদুস্তরঃ||৩৮||

Adhikarana vAte dhanuShkamBasya sAdhyAsAdhyatvam (39) · Śloka 39

বিবর্ণদন্তবদনঃ স্রস্তাঙ্গো নষ্টচেতনঃ| প্রস্বিদ্যংশ্চ ধনুষম্ভী দশরাত্রং ন জীবতি||৩৯||

Adhikarana hanusraMse snehasvedAdi (40-42) · Śloka 42

বেগেষ্বতোঽন্যথা জীবেন্মন্দেষু বিনতো জডঃ| খঞ্জঃ কুণিঃ পক্ষহতঃ পঙ্গুলো বিকলোঽথবা||৪০|| হনুস্রংসে হনূ স্নিগ্ধস্বিন্নৌ স্বস্থানমানযেত্| উন্নামযেচ্চ কুশলশ্চিবুকং বিবৃতে মুখে||৪১|| নামযেত্সংবৃতে শেষমেকাযামবদাচরেত্| |৪২|

Adhikarana jihvAstamBe vAtacikitsA (42) · Śloka 42

| জিহ্বাস্তম্ভে যথাবস্থং কার্যং বাতচিকিত্সিতম্||৪২||

Adhikarana ardrite nasyaM mUrddhatailAdi ca ardrite sashoPe vamanam ardrite dAharAgayukte sirAvyadhaH (43) · Śloka 43

অর্দিতে নাবনং মূর্ধ্নি তৈলং শ্রোত্রাক্ষিতর্পণম্| সশোফে বমনং, দাহরাগযুক্তে সিরাব্যধঃ||৪৩||

Adhikarana pakShAghAte snehanaM snehavirekaSca (44) · Śloka 44

স্নেহনং স্নেহসংযুক্তং পক্ষাঘাতে বিরেচনম্| |৪৪|

Adhikarana avabAhau nasyaM snehaSca (44) · Śloka 44

| অববাহৌ হিতং নস্যং স্নেহশ্চোত্তরভক্তিকঃ||৪৪||

Adhikarana UrUstamBe snehasaMshodhana niShedhaH UrUstamBe rUkShopacAro yavAdyannaM jA~ggalamAsaM madhvamBoriShTapAnAdi UrUstamBe vatsakAdigaNAdikvAthAH (45-48) · Śloka 48

ঊরুস্তম্ভে তু ন স্নেহো ন চ সংশোধনং হিতম্| শ্লেষ্মামমেদোবাহুল্যাদ্যুক্ত্যা তত্ক্ষপণান্যতঃ||৪৫|| কুর্যাদ্রূক্ষোপচারশ্চ যবশ্যামাককোদ্রবাঃ| শাকৈরলবণৈঃ শস্তাঃ কিঞ্চিত্তৈলৈর্জলৈঃ শৃতৈঃ||৪৬|| জাঙ্গলৈরঘৃতৈর্মাংসৈর্মধ্বম্ভোরিষ্টপাযিনঃ| বত্সকাদির্হরিদ্রাদির্বচাদির্বা সসৈন্ধবঃ||৪৭|| আঢ্যবাতে সুখাম্ভোভিঃ পেযঃ ষড্ধরণোঽথবা| |৪৮|

Adhikarana UrUstamBe triPalAdikalkaScavyAdikalkaSca (48-49) · Śloka 49

| লিহ্যাত্ক্ষৌদ্রেণ বা শ্রেষ্ঠাচব্যতিক্তাকণাঘনাত্||৪৮|| কল্কং সমধু বা চব্যপথ্যাগ্নিসুরদারুজম্| মূত্রৈর্বা শীলযেত্পথ্যাং গুগ্গুলুং গিরিসম্ভবম্||৪৯||

Adhikarana UrUstamBe mUtraharItakirgugguluH (50) · Śloka 50

ব্যোষাগ্নিমুস্তত্রিফলাবিডঙ্গৈর্গুগ্গুলুং সমম্| খাদন্ সর্বান্ জযেদ্ব্যাধীন্ মেদঃ শ্লেষ্মামবাতজান্||৫০||

Adhikarana UrUstamBe kShAramUtrayuktAH svedAdayaH UrUstamBe kara~jjaPalAdilepAH UrUstamBe sthalolla~gghanAdivyAyAmAH (51-54) · Śloka 54

শাম্যত্যেবং কফাক্রান্তঃ সমেদস্কঃ প্রভঞ্জনঃ| ক্ষারমূত্রান্বিতান্ স্বেদান্ সেকানুদ্বর্তনানি চ||৫১|| কুর্যাদ্দিহ্যাচ্চ মূত্রাঢ্যৈঃ করঞ্জফলসর্ষপৈঃ| মূলৈর্বাঽপ্যর্কতর্কারীনিম্বজৈঃ সসুরাহ্বযৈঃ||৫২|| সক্ষৌদ্রসর্ষপাপক্বলোষ্টবল্মীকমৃত্তিকৈঃ| কফক্ষযার্থং ব্যাযামে সহ্যে চৈনং প্রবর্তযেত্||৫৩|| স্থলান্যুল্লঙ্ঘযেন্নারীঃ শক্তিতঃ পরিশীলযেত্| স্থিরতোযং সরঃ ক্ষেমং প্রতিস্রোতো নদীং তরেত্||৫৪||

Adhikarana UrUstamBe shleShmamedaH kShaye snehAdayaH (55) · Śloka 55

শ্লেষ্মমেদঃক্ষযে চাত্র স্নেহাদীনবচারযেত্| স্থানদূষ্যাদি চালোচ্য কার্যা শেষেষ্বপি ক্রিযা||৫৫||

Adhikarana UrUstamBe shleShmamedaHkshaye pAne sahacarAdi tailam (56) · Śloka 56

সহচরং সুরদারুং সনাগরং ক্বথিতমম্ভসি তৈলবিমিশ্রিতম্| পবনপীডিতদেহগতিঃ পিবন্ দ্রুতবিলম্বিতগো ভবতীচ্ছযা||৫৬||

Adhikarana UrUstamBe rAsnAdi ghRutam (57) · Śloka 57

রাস্নামহৌষধদ্বীপিপ্পলীশঠিপৌষ্করম্| পিষ্ট্বা বিপাচযেত্সর্পির্বাতরোগহরং পরম্||৫৭||

Adhikarana UrUstamBe shleShmamedaHkShaye nimbAdighRutam (58-61) · Śloka 61

নিম্বামৃতাবৃষপটোলনিদিগ্ধিকানাং ভাগান্ পৃথক্ দশ পলান্ বিপচেদ্ধটেঽপাম্| অষ্টাংশশেষিতরসেন পুনশ্চ তেন প্রস্থং ঘৃতস্য বিপচেত্পিচুভাগকল্কৈঃ||৫৮|| পাঠাবিডঙ্গসুরদারুগজোপকুল্যা- দ্বিক্ষারনাগরনিশামিশিচব্যকুষ্ঠৈঃ| তেজোবতীমরিচবত্সকদীপ্যকাগ্নি- রোহিণ্যরুষ্করবচাকণমূলযুক্তৈঃ||৫৯|| মঞ্জিষ্ঠযাঽতিবিষযা বিষযা যবান্যা সংশুদ্ধগুগ্গুলুপলৈরপি পঞ্চসঙ্খ্যৈঃ| তত্সেবিতং বিধমতি প্রবলং সমীরং সন্ধ্যস্থিমজ্জগতমপ্যথ কুষ্ঠমীদৃক্||৬০|| নাডীব্রণার্বুদভগন্দরগণ্ডমালা- জত্রূর্ধ্বসর্বগদগুল্মগুদোত্থমেহান্| যক্ষ্মারুচিশ্বসনপীনসকাসশোফ- হৃত্পাণ্ডুরোগমদবিদ্রধিবাতরক্তম্||৬১||

Adhikarana shirogate vAte ghRutamaNDa nasyam (62) · Śloka 62

বলাবিল্বশৃতে ক্ষীরে ঘৃতমণ্ডং বিপাচযেত্| তস্য শুক্তিঃ প্রকুঞ্চো বা নস্যং বাতে শিরোগতে||৬২||

Adhikarana kevale vAte nakrAdivasAnasyam (63) · Śloka 63

তদ্বত্সিদ্ধা বসা নক্রমত্স্যকূর্মচুলূকজা| বিশেষেণ প্রযোক্তব্যা কেবলে মাতরিশ্বনি||৬৩||

Adhikarana kaPayukte nasyam jIrNapiNyAkAditailam (64) · Śloka 64

জীর্ণং পিণ্যাকং পঞ্চমূলং পৃথক্ চ ক্বাথং ক্বাথাভ্যামেকস্তৈলমাভ্যাম্| ক্ষীরাদষ্টাংশং পাচযেত্তেন পানা- দ্বাতা নশ্যেযুঃ শ্লেষ্মযুক্তা বিশেষাত্||৬৪||

Adhikarana sarva vAtavyAdhau prasAriNItailam (65-66) · Śloka 66

প্রসারিণীতুলাক্বাথে তৈলপ্রস্থং পযঃসমম্| দ্বিমেদামিশিমঞ্জিষ্ঠাকুষ্ঠরাস্নাকুচন্দনৈঃ||৬৫|| জীবকর্ষভকাকোলীযুগুলামরদারুভিঃ| কল্কিতৈর্বিপচেত্সর্বমারুতামযনাশনম্||৬৬||

Adhikarana sarva vAtavyAdhau sahAcarAditailam (67-69) · Śloka 69

সমূলশাখস্য সহাচরস্য তুলাং সমেতাং দশমূলতশ্চ| পলানি পঞ্চাশদভীরুতশ্চ পাদাবশেষং বিপচেদ্বহেঽপাম্||৬৭|| তত্র সেব্যনখকুষ্ঠহিমৈলা- স্পৃক্প্রিযঙ্গুনলিকাম্বুশিলাজৈঃ| লোহিতানলদলোহসুরাহ্বৈঃ কোপনামিশিতুরুষ্কনতৈশ্চ||৬৮|| তুল্যক্ষীরং পালিকৈস্তৈলপাত্রং সিদ্ধং কৃচ্ছ্রান্ শীলিতং হন্তি বাতান্| কম্পাক্ষেপস্তম্ভশোষাদিযুক্তান্ গুল্মোন্মাদৌ পীনসং যোনিরোগান্||৬৯||

Adhikarana sarva vAtavyAdhau BeDasammataM sahAcarAdi tailam (70-73) · Śloka 73

সহাচরতুলাযাস্তু রসে তৈলাঢকং পচেত্| মূলকল্কাদ্দশপলং পযো দত্ত্বা চতুর্গুণম্||৭০|| অথবা নতষড্গ্রন্থাস্থিরাকুষ্ঠসুরাহ্বযাত্| সৈলানলদশৈলেযশতাহ্বারক্তচন্দনাত্||৭১|| সিদ্ধেঽস্মিন্ শর্করাচূর্ণাদষ্টাদশপলং ক্ষিপেত্| ভেডস্য সম্মতং তৈলং তত্কৃচ্ছ্রাননিলামযান্||৭২|| বাতকুণ্ডলিকোন্মাদগুল্মবর্ধ্মাদিকান্ জযেত্| |৭৩|

Adhikarana sarva vAtavyAdhau balAtailam (73-81) · Śloka 81

| বলাশতং ছিন্নরুহাপাদং রাস্নাষ্টভাগিকম্||৭৩|| জলাঢকশতে পক্ত্বা শতভাগস্থিতে রসে| দধিমস্ত্বিক্ষুনির্যাসশুক্তৈস্তৈলাঢকং সমৈঃ||৭৪|| পচেত্সাজযোর্ধাংশং কল্কৈরেভিঃ পলোন্মিতৈঃ| শঠীসরলদার্বেলামঞিষ্ঠাগুরুচন্দনৈঃ||৭৫|| পদ্মকাতিবলামুস্তাশূর্পপর্ণীহরেণুভিঃ| যষ্ট্যাহ্বসুরসব্যাঘ্রনখর্ষভকজীবকৈঃ||৭৬|| পলাশরসকস্তূরীনলিকাজাতিকোশকৈঃ| স্পৃক্কাকুঙ্কুমশৈলেযজাতীকটুফলাম্বুভিঃ||৭৭|| ত্বক্কুন্দরুককর্পূরতরুষ্কশ্রীনিবাসকৈঃ| লবঙ্গনখকঙ্কোলকুষ্ঠমাংসীপ্রিযঙ্গুভিঃ||৭৮|| স্থৌণেযতগরধ্যামবচামদনকপ্লবৈঃ| সনাগকেসরৈঃ সিদ্ধে দদ্যাচ্চাত্রাবতারিতে||৭৯|| পত্রকল্কং ততঃ পূতং বিধিনা তত্প্রযোজিতম্| কাসং শ্বাসং জ্বরং ছর্দিং মূর্চ্ছাং গুল্মক্ষতক্ষযান্||৮০|| প্লীহশোষাবপস্মারমলক্ষ্মীং চ প্রণাশযেত্| বলাতৈলমিদং শ্রেষ্ঠং বাতব্যাধিবিনাশনম্||৮১||

Adhikarana sarva vAtavyAdhau etesnehAH pAnanasyAdidUpayojyAH (82) · Śloka 82

পানে নস্যেঽন্বাসনেঽভ্যঞ্জনে চ স্নেহাঃ কালে সম্যগেতে প্রযুক্তাঃ| দুষ্টান্ বাতানাশু শান্তিং নযেযু- র্বন্ধ্যা নারীঃ পুত্রভাজশ্চ কুর্যুঃ||৮২||

Adhikarana pakvAshayasthe kaPe pitte ca bastiH (21) · Śloka 21

স্নেহস্বেদৈর্দ্রুতঃ শ্লেষ্মা যদা পক্বাশযে স্থিতঃ| পিত্তং বা দর্শযেদ্রূপং বস্তিভিস্তং বিনির্জযেত্||৮৩|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে বাতব্যাধিচিকিত্সিতং নাম একবিংশোঽধ্যাযঃ||২১||