Adhikarana vamanavirecanavyApatsiddhiradhyAyaH (2) · Śloka 2
ಅಥಾತೋ ವಮನವಿರೇಚನವ್ಯಾಪತ್ಸಿದ್ಧಿಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇದಯೋ ಮಹರ್ಷಯಃ| (ಗದ್ಯಸೂತ್ರೇ)|೨|
अथातो वमनविरेचनव्यापत्सिद्धिं व्याख्यास्यामः| इति ह स्माहुरात्रेदयो महर्षयः| (गद्यसूत्रे)|२|
🔊 Audio coming soon
Adhikarana vamanasya pratikUlA gatiH (1-2) · Śloka 2
ವಮನಂ ಮೃದುಕೋಷ್ಠೇನ ಕ್ಷುದ್ವತಾಽಲ್ಪಕಫೇನ ವಾ| ಅತಿತೀಕ್ಷ್ಣಹಿಮಸ್ತೋಕಮಜೀರ್ಣೇ ದುರ್ಬಲೇನ ವಾ||೧|| ಪೀತಂ ಪ್ರಯಾತ್ಯಧಸ್ತಸ್ಮಿನ್ನಿಷ್ಟಹಾನಿರ್ಮಲೋದಯಃ| ವಾಮಯೇತ್ತಂ ಪುನಃ ಸ್ನಿಗ್ಧಂ ಸ್ಮರನ್ ಪೂರ್ವಮತಿಕ್ರಮಮ್||೨||
वमनं मृदुकोष्ठेन क्षुद्वताऽल्पकफेन वा| अतितीक्ष्णहिमस्तोकमजीर्णे दुर्बलेन वा||१|| पीतं प्रयात्यधस्तस्मिन्निष्टहानिर्मलोदयः| वामयेत्तं पुनः स्निग्धं स्मरन् पूर्वमतिक्रमम्||२||
🔊 Audio coming soon
Adhikarana virecanasya pratikUlA gatiH (3-5) · Śloka 5
ಅಜೀರ್ಣಿನಃ ಶ್ಲೇಷ್ಮವತೋ ವ್ರಜತ್ಯೂರ್ಧ್ವಂ ವಿರೇಚನಮ್| ಅತಿತೀಕ್ಷ್ಣೋಷ್ಣಲವಣಮಹೃದ್ಯಮತಿಭೂರಿ ವಾ||೩|| ತತ್ರ ಪೂರ್ವೋದಿತಾ ವ್ಯಾಪತ್ಸಿದ್ಧಿಶ್ಚ, ನ ತಥಾಽಪಿ ಚೇತ್| ಆಶಯೇ ತಿಷ್ಠತಿ ತತಸ್ತೃತೀಯಂ ನಾವಚಾರಯೇತ್||೪|| ಅನ್ಯತ್ರ ಸಾತ್ಮ್ಯಾದ್ಧೃದ್ಯಾದ್ವಾ ಭೇಷಜಾನ್ನಿರಪಾಯತಃ| |೫|
अजीर्णिनः श्लेष्मवतो व्रजत्यूर्ध्वं विरेचनम्| अतितीक्ष्णोष्णलवणमहृद्यमतिभूरि वा||३|| तत्र पूर्वोदिता व्यापत्सिद्धिश्च, न तथाऽपि चेत्| आशये तिष्ठति ततस्तृतीयं नावचारयेत्||४|| अन्यत्र सात्म्याद्धृद्याद्वा भेषजान्निरपायतः| |५|
🔊 Audio coming soon
Adhikarana grathitatvapAkagauravANi (5-8) · Śloka 8
| ಅಸ್ನಿಗ್ಧಸ್ವಿನ್ನದೇಹಸ್ಯ ಪುರಾಣಂ ರೂಕ್ಷಮೌಷಧಮ್||೫|| ದೋಷಾನುತ್ಕ್ಲೇಶ್ಯ ನಿರ್ಹರ್ತುಮಶಕ್ತಂ ಜನಯೇದ್ಗದಾನ್| ವಿಭ್ರಂಶಂ ಶ್ವಯಥುಂ ಹಿಧ್ಮಾಂ ತಮಸೋ ದರ್ಶನಂ ತೃಷಮ್||೬|| ಪಿಣ್ಡೀಕೋದ್ವೇಷ್ಟನಂ ಕಣ್ಡೂಮೂರ್ವೋಃ ಸಾದಂ ವಿವರ್ಣತಾಮ್| ಸ್ನಿಗ್ಧಸ್ವಿನ್ನಸ್ಯ ವಾಽತ್ಯಲ್ಪಂ ದೀಪ್ತಾಗ್ನೇರ್ಜೀರ್ಣಮೌಷಧಮ್||೭|| ಶೀತೈರ್ವಾ ಸ್ತಬ್ಧಮಾಮೇ ವಾ ಸಮುತ್ಕ್ಲೇಶ್ಯಾಹರನ್ಮಲಾನ್| ತಾನೇವ ಜನಯೇದ್ರೋಗಾನಯೋಗಃ ಸರ್ವ ಏವ ಸಃ||೮||
| अस्निग्धस्विन्नदेहस्य पुराणं रूक्षमौषधम्||५|| दोषानुत्क्लेश्य निर्हर्तुमशक्तं जनयेद्गदान्| विभ्रंशं श्वयथुं हिध्मां तमसो दर्शनं तृषम्||६|| पिण्डीकोद्वेष्टनं कण्डूमूर्वोः सादं विवर्णताम्| स्निग्धस्विन्नस्य वाऽत्यल्पं दीप्ताग्नेर्जीर्णमौषधम्||७|| शीतैर्वा स्तब्धमामे वा समुत्क्लेश्याहरन्मलान्| तानेव जनयेद्रोगानयोगः सर्व एव सः||८||
🔊 Audio coming soon
Adhikarana teShAM pratIkAraH (9-10) · Śloka 10
ತಂ ತೈಲಲವಣಾಭ್ಯಕ್ತಂ ಸ್ವಿನ್ನಂ ಪ್ರಸ್ತರಸಙ್ಕರೈಃ| ನಿರೂಢಂ ಜಾಙ್ಗಲರಸೈರ್ಭೋಜಯಿತ್ವಾಽನುವಾಸಯೇತ್||೯|| ಫಲಮಾಗಧಿಕಾದಾರುಸಿದ್ಧತೈಲೇನ ಮಾತ್ರಯಾ| ಸ್ನಿಗ್ಧಂ ವಾತಹರೈಃ ಸ್ನೇಹೈಃ ಪುನಸ್ತೀಕ್ಷ್ಣೇನ ಶೋಧಯೇತ್||೧೦||
तं तैललवणाभ्यक्तं स्विन्नं प्रस्तरसङ्करैः| निरूढं जाङ्गलरसैर्भोजयित्वाऽनुवासयेत्||९|| फलमागधिकादारुसिद्धतैलेन मात्रया| स्निग्धं वातहरैः स्नेहैः पुनस्तीक्ष्णेन शोधयेत्||१०||
🔊 Audio coming soon
Adhikarana doSholkeshabhRushAdhmAne, tayoH pratIkAraH (11-14) · Śloka 14
ಬಹುದೋಷಸ್ಯ ರೂಕ್ಷಸ್ಯ ಮನ್ದಾಗ್ನೇರಲ್ಪಮೌಷಧಮ್| ಸೋದಾವರ್ತಸ್ಯ ಚೋತ್ಕ್ಲೇಶ್ಯ ದೋಷಾನ್ ಮಾರ್ಗಾನ್ ನಿರುಧ್ಯ ತೈಃ||೧೧|| ಭೃಶಮಾಧ್ಮಾಪಯೇನ್ನಾಭಿಂ ಪೃಷ್ಠಪಾರ್ಶ್ವಶಿರೋರುಜಮ್| ಶ್ವಾಸಂ ವಿಣ್ಮೂತ್ರವಾತನಾಂ ಸಙ್ಗಂ ಕುರ್ಯಾಚ್ಚ ದಾರುಣಮ್||೧೨|| ಅಭ್ಯಙ್ಗಸ್ವೇದವರ್ತ್ಯಾದಿ ಸನಿರೂಹಾನುವಾಸನಮ್| ಉದಾವರ್ತಹರಂ ಸರ್ವಂ ಕರ್ಮಾಧ್ಮಾತಸ್ಯ ಶಸ್ಯತೇ||೧೩|| ಪಞ್ಚಮೂಲಯವಕ್ಷಾರವಚಾಭೂತಿಕಸೈನ್ಧವೈಃ| ಯವಾಗೂಃ ಸುಕೃತಾ ಶೂಲವಿಬನ್ಧಾನಾಹನಾಶನೀ||೧೪||
बहुदोषस्य रूक्षस्य मन्दाग्नेरल्पमौषधम्| सोदावर्तस्य चोत्क्लेश्य दोषान् मार्गान् निरुध्य तैः||११|| भृशमाध्मापयेन्नाभिं पृष्ठपार्श्वशिरोरुजम्| श्वासं विण्मूत्रवातनां सङ्गं कुर्याच्च दारुणम्||१२|| अभ्यङ्गस्वेदवर्त्यादि सनिरूहानुवासनम्| उदावर्तहरं सर्वं कर्माध्मातस्य शस्यते||१३|| पञ्चमूलयवक्षारवचाभूतिकसैन्धवैः| यवागूः सुकृता शूलविबन्धानाहनाशनी||१४||
🔊 Audio coming soon
Adhikarana pravAhikAditraye BeShajam (15-16) · Śloka 16
ಪಿಪಲೀದಾಡಿಮಕ್ಷಾರಹಿಙ್ಗುಶುಣ್ಠ್ಯಮ್ಲವೇತಸಾನ್| ಸಸೈನ್ಧವಾನ್ ಪಿಬೇನ್ಮದ್ಯೈಃ ಸರ್ಪಿಷೋಷ್ಣೋದಕೇನ ವಾ||೧೫|| ಪ್ರವಾಹಿಕಾಪರಿಸ್ರಾವವೇದನಾಪರಿಕರ್ತನೇ| |೧೬|
पिपलीदाडिमक्षारहिङ्गुशुण्ठ्यम्लवेतसान्| ससैन्धवान् पिबेन्मद्यैः सर्पिषोष्णोदकेन वा||१५|| प्रवाहिकापरिस्राववेदनापरिकर्तने| |१६|
🔊 Audio coming soon
Adhikarana hRudgrahaH (16-21) · Śloka 21
| ಪೀತೌಷಧಸ್ಯ ವೇಗಾನಾಂ ನಿಗ್ರಹಾನ್ಮಾರುತಾದಯಃ||೧೬|| ಕುಪಿತಾ ಹೃದಯಂ ಗತ್ವಾ ಘೋರಂ ಕುರ್ವನ್ತಿ ಹೃದ್ಗ್ರಹಮ್| ಹಿಧ್ಮಾಪಾರ್ಶ್ವರುಜಾಕಾಸದೈನ್ಯಲಾಲಾಕ್ಷಿವಿಭ್ರಮೈಃ||೧೭|| ಜಿಹ್ವಾಂ ಖಾದತಿ ನಿಃಸಂಜ್ಞೋ ದನ್ತಾನ್ ಕಟಕಟಾಯಯನ್| ನ ಗಚ್ಛೇದ್ವಿಭ್ರಮಂ ತತ್ರ ವಾಮಯೇದಾಶು ತಂ ಭಿಷಕ್||೧೮|| ಮಧುರೈಃ ಪಿತ್ತಮೂರ್ಚ್ಛಾರ್ತಂ ಕಟುಭಿಃ ಕಫಮೂರ್ಚ್ಛಿತಮ್| ಪಾಚನೀಯೈಸ್ತತಶ್ವಾಸ್ಯ ದೋಷಶೇಷಂ ವಿಪಾಚಯೇತ್||೧೯|| ಕಾಯಾಗ್ನಿಂ ಚ ಬಲಂ ಚಾಸ್ಯ ಕ್ರಮೇಣಾಭಿಪ್ರವರ್ಧಯೇತ್| |೨೦| ಘ್|೨೧|
| पीतौषधस्य वेगानां निग्रहान्मारुतादयः||१६|| कुपिता हृदयं गत्वा घोरं कुर्वन्ति हृद्ग्रहम्| हिध्मापार्श्वरुजाकासदैन्यलालाक्षिविभ्रमैः||१७|| जिह्वां खादति निःसंज्ञो दन्तान् कटकटाययन्| न गच्छेद्विभ्रमं तत्र वामयेदाशु तं भिषक्||१८|| मधुरैः पित्तमूर्च्छार्तं कटुभिः कफमूर्च्छितम्| पाचनीयैस्ततश्वास्य दोषशेषं विपाचयेत्||१९|| कायाग्निं च बलं चास्य क्रमेणाभिप्रवर्धयेत्| |२०| घ्|२१|
🔊 Audio coming soon
Adhikarana hRudgrahe bheShajam, hRudgrahavisheShebheShajam (20-21) · Śloka 21
| ಪವನೇನಾತಿವಮತೋ ಹೃದಯಂ ಯಸ್ಯ ಪೀಡ್ಯತೇ||೨೦|| ತಸ್ಮೈ ಸ್ನಿಗ್ಧಾಮ್ಲಲವಣಾನ್ ದದ್ಯಾತ್ಪಿತ್ತಕಫೇಽನ್ಯಥಾ| |೨೧|
| पवनेनातिवमतो हृदयं यस्य पीड्यते||२०|| तस्मै स्निग्धाम्ललवणान् दद्यात्पित्तकफेऽन्यथा| |२१|
🔊 Audio coming soon
Adhikarana sarvagAtraparigrahastadbheShajaM ca (21-23) · Śloka 23
| ಪೀತೌಷಧಸ್ಯ ವೇಗಾನಾಂ ನಿಗ್ರಹೇಣ ಕಫೇನ ವಾ||೨೧|| ರುದ್ಧೋಽತಿ ವಾ ವಿಶುದ್ಧಸ್ಯ ಗೃಹ್ಣಾತ್ಯಙ್ಗಾನಿ ಮಾರುತಃ| ಸ್ತಮ್ಭವೇಪಥುನಿಸ್ತೋದಸಾದೋದ್ವೇಷ್ಟಾರ್ತಿಭೇದನೈಃ||೨೨|| ತತ್ರ ವಾತಹರಂ ಸರ್ವಂ ಸ್ನೇಹಸ್ವೇದಾದಿ ಶಸ್ಯತೇ| |೨೩|
| पीतौषधस्य वेगानां निग्रहेण कफेन वा||२१|| रुद्धोऽति वा विशुद्धस्य गृह्णात्यङ्गानि मारुतः| स्तम्भवेपथुनिस्तोदसादोद्वेष्टार्तिभेदनैः||२२|| तत्र वातहरं सर्वं स्नेहस्वेदादि शस्यते| |२३|
🔊 Audio coming soon
Adhikarana dhAtusravastadbheShajaM ca (23-26) · Śloka 26
| ಬಹುತೀಕ್ಷ್ಣಂ ಕ್ಷುಧಾರ್ತಸ್ಯ ಮೃದುಕೋಷ್ಠಸ್ಯ ಭೇಷಜಮ್||೨೩|| ಹೃತ್ವಾಽಽಶು ವಿಟ್ಪಿತ್ತಕಫಾನ್ ಧಾತೂನಾಸ್ರಾವಯೇದ್ದ್ರವಾನ್| ತತ್ರಾತಿಯೋಗೇ ಮಧುರೈಃ ಶೇಷಮೌಷಧಮುಲ್ಲಿಖೇತ್||೨೪|| ಯೋಜ್ಯೋಽತಿ ವಮನೇ ರೇಕೋ ವಿರೇಕೇ ವಮನಂ ಮೃದು| ಪರಿಷೇಕಾವಗಾಹಾದ್ಯೈಃ ಸುಶೀತೈಃ ಸ್ತಮ್ಭಯೇಚ್ಚ ತಮ್||೨೫|| ಅಞ್ಜನಂ ಚನ್ದನೋಶೀರಮಜಾಸೃಕ್ಶರ್ಕರೋದಕಮ್| ಲಾಜಚೂರ್ಣೈಃ ಪಿಬೇನ್ಮನ್ಥಮತಿಯೋಗಹರಂ ಪರಮ್||೨೬||
| बहुतीक्ष्णं क्षुधार्तस्य मृदुकोष्ठस्य भेषजम्||२३|| हृत्वाऽऽशु विट्पित्तकफान् धातूनास्रावयेद्द्रवान्| तत्रातियोगे मधुरैः शेषमौषधमुल्लिखेत्||२४|| योज्योऽति वमने रेको विरेके वमनं मृदु| परिषेकावगाहाद्यैः सुशीतैः स्तम्भयेच्च तम्||२५|| अञ्जनं चन्दनोशीरमजासृक्शर्करोदकम्| लाजचूर्णैः पिबेन्मन्थमतियोगहरं परम्||२६||
🔊 Audio coming soon
Adhikarana vamanAtiyoge visheShaH (27-28) · Śloka 28
ವಮನಸ್ಯಾತಿಯೋಗೇ ತು ಶೀತಾಮ್ಬುಪರಿಷೇಚಿತಃ| ಪಿಬೇತ್ಫಲರಸೈರ್ಮನ್ಥಂ ಸಘೃತಕ್ಷೌದ್ರಶರ್ಕರಮ್||೨೭|| ಸೋದ್ಗಾರಾಯಾಂ ಭೃಶಂ ಛರ್ದ್ಯಾಂ ಮೂರ್ವಾಯಾ ಧಾನ್ಯಮುಸ್ತಯೋಃ| ಸಮಧೂಕಾಞ್ಜನಂ ಚೂರ್ಣಂ ಲೇಹಯೇನ್ಮಧುಸಂಯುತಮ್||೨೮||
वमनस्यातियोगे तु शीताम्बुपरिषेचितः| पिबेत्फलरसैर्मन्थं सघृतक्षौद्रशर्करम्||२७|| सोद्गारायां भृशं छर्द्यां मूर्वाया धान्यमुस्तयोः| समधूकाञ्जनं चूर्णं लेहयेन्मधुसंयुतम्||२८||
🔊 Audio coming soon
Adhikarana vamanaBaiShajyAtiyoge vyApat tadBeShajaM ca (29-38) · Śloka 38
ವಮತೋಽನ್ತಃ ಪ್ರವಿಷ್ಟಾಯಾಂ ಜಿಹ್ವಾಯಾಂ ಕವಲಗ್ರಹಾಃ| ಸ್ನಿಗ್ಧಾಮ್ಲಲವಣಾ ಹೃದ್ಯಾ ಯೂಷಮಾಂಸರಸಾ ಹಿತಾಃ||೨೯|| ಫಲಾನ್ಯಮ್ಲಾನಿ ಖಾದೇಯುಸ್ತಸ್ಯ ಚಾನ್ಯೇಽಗ್ರತೋ ನರಾಃ| ನಿಃಸೃತಾಂ ತು ತಿಲದ್ರಾಕ್ಷಾಕಲ್ಕಲಿಪ್ತಾಂ ಪ್ರವೇಶಯೇತ್||೩೦|| ವಾಗ್ಗ್ರಹಾನಿಲರೋಗೇಷು ಘೃತಮಾಂಸೋಪಸಾಧಿತಾಮ್| ಯವಾಗೂಂ ತನುಕಾಂ ದದ್ಯಾತ್ಸ್ನೇಹಸ್ವೇದೌ ಚ ಕಾಲವಿತ್||೩೧|| ಅತಿಯೋಗಾಚ್ಚ ಭೈಷಜ್ಯಂ ಜೀವಂ ಹರತಿ ಶೋಣಿತಮ್| ತಜ್ಜೀವಾದಾನಮಿತ್ಯುಕ್ತಮಾದತ್ತೇ ಜೀವಿತಂ ಯತಃ||೩೨|| ಶುನೇ ಕಾಕಾಯ ವಾ ದದ್ಯಾತ್ತೇನಾನ್ನಮಸೃಜಾ ಸಹ| ಭುಕ್ತೇಽಭುಕ್ತೇ ವದೇಜ್ಜೀವಂ ಪಿತ್ತಂ ವಾ ಭೇಷಜೇರಿತಮ್||೩೩|| ಶುಕ್ಲಂ ವಾ ಭಾವಿತಂ ವಸ್ತ್ರಮಾವಾನಂ ಕೋಷ್ಣವಾರಿಣಾ| ಪ್ರಕ್ಷಾಲಿತಂ ವಿವರ್ಣಂ ಸ್ಯಾತ್ಪಿತ್ತೇ ಶುದ್ಧಂ ತು ಶೋಣಿತೇ||೩೪|| ತೃಷ್ಣಾಮೂರ್ಚ್ಛಾಮದಾರ್ತಸ್ಯ ಕುರ್ಯಾದಾಮರಣಾತ್ಕ್ರಿಯಾಮ್| ರಕ್ತಪಿತ್ತಾತಿಸಾರಘ್ನೀಂ ತಸ್ಯಾಶು ಪ್ರಾಣರಕ್ಷಣೀಮ್||೩೫|| ಮೃಗಗೋಮಹಿಷಾಜಾನಾಂ ಸದ್ಯಸ್ಕಂ ಜೀವತಾಮಸೃಕ್| ಪಿಬೇಜ್ಜೀವಾಭಿಸನ್ಧಾನಂ ಜೀವಂ ತದ್ಧ್ಯಾಶು ಗಚ್ಛತಿ||೩೬|| ತದೇವ ದರ್ಭಮೃದಿತಂ ರಕ್ತಂ ಬಸ್ತೌ ನಿಷೇಚಯೇತ್| ಶ್ಯಾಮಾಕಾಶ್ಮರ್ಯಮಧುಕದೂರ್ವೋಶೀರೈಃ ಶೃತಂ ಪಯಃ||೩೭|| ಘೃತಮಣ್ಡಾಞ್ಜನಯುತಂ ಬಸ್ತಿಂ ವಾ ಯೋಜಯೇದ್ಧಿಮಮ್| ಪಿಚ್ಛಾಬಸ್ತಿಂ ಸುಶೀತಂ ವಾ ಘೃತಮಣ್ಡಾನುವಾಸನಮ್||೩೮||
वमतोऽन्तः प्रविष्टायां जिह्वायां कवलग्रहाः| स्निग्धाम्ललवणा हृद्या यूषमांसरसा हिताः||२९|| फलान्यम्लानि खादेयुस्तस्य चान्येऽग्रतो नराः| निःसृतां तु तिलद्राक्षाकल्कलिप्तां प्रवेशयेत्||३०|| वाग्ग्रहानिलरोगेषु घृतमांसोपसाधिताम्| यवागूं तनुकां दद्यात्स्नेहस्वेदौ च कालवित्||३१|| अतियोगाच्च भैषज्यं जीवं हरति शोणितम्| तज्जीवादानमित्युक्तमादत्ते जीवितं यतः||३२|| शुने काकाय वा दद्यात्तेनान्नमसृजा सह| भुक्तेऽभुक्ते वदेज्जीवं पित्तं वा भेषजेरितम्||३३|| शुक्लं वा भावितं वस्त्रमावानं कोष्णवारिणा| प्रक्षालितं विवर्णं स्यात्पित्ते शुद्धं तु शोणिते||३४|| तृष्णामूर्च्छामदार्तस्य कुर्यादामरणात्क्रियाम्| रक्तपित्तातिसारघ्नीं तस्याशु प्राणरक्षणीम्||३५|| मृगगोमहिषाजानां सद्यस्कं जीवतामसृक्| पिबेज्जीवाभिसन्धानं जीवं तद्ध्याशु गच्छति||३६|| तदेव दर्भमृदितं रक्तं बस्तौ निषेचयेत्| श्यामाकाश्मर्यमधुकदूर्वोशीरैः शृतं पयः||३७|| घृतमण्डाञ्जनयुतं बस्तिं वा योजयेद्धिमम्| पिच्छाबस्तिं सुशीतं वा घृतमण्डानुवासनम्||३८||
🔊 Audio coming soon
Adhikarana gudaBraMshe stamBanam (39) · Śloka 39
ಅಸ್ಯಾಮಪ್ಯತಿಯೋಗೋದ್ಭವಾಯಾಮವಸ್ಥಾಯಾಂ ಗುದಭ್ರಂಶಃ ಸಮ್ಭಾವ್ಯತ ಇತ್ಯಾಹ- ಗುದಂ ಭ್ರಷ್ಟಂ ಕಷಾಯೈಶ್ಚ ಸ್ತಮ್ಭಯಿತ್ವಾ ಪ್ರವೇಶಯೇತ್| |೩೯|
अस्यामप्यतियोगोद्भवायामवस्थायां गुदभ्रंशः सम्भाव्यत इत्याह- गुदं भ्रष्टं कषायैश्च स्तम्भयित्वा प्रवेशयेत्| |३९|
🔊 Audio coming soon
Adhikarana visaMj~jasya sAmavedAdishravaNam (3) · Śloka 3
| ವಿಸಂಜ್ಞಂ ಶ್ರಾವಯೇತ್ಸಾಮವೇಣುಗೀತಾದಿನಿಸ್ವನಮ್||೩೯|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾ- ಯಾಮಷ್ಟಾಙ್ಗಹೃದಯಸಂಹಿತಾಯಾಂ ಪಞ್ಚಮೇ ಕಲ್ಪಸಿದ್ಧಿ- ಸ್ಥಾನೇ ವಮನವಿರೇಚನವ್ಯಾಪತ್ಸಿದ್ಧಿರ್ನಾಮ ತೃತೀಯೋಽಧ್ಯಾಯಃ||೩||
| विसंज्ञं श्रावयेत्सामवेणुगीतादिनिस्वनम्||३९|| इति श्रीवैद्यपतिसिंहगुप्तसूनुश्रीमद्वाग्भटविरचिता- यामष्टाङ्गहृदयसंहितायां पञ्चमे कल्पसिद्धि- स्थाने वमनविरेचनव्यापत्सिद्धिर्नाम तृतीयोऽध्यायः||३||
🔊 Audio coming soon