6. dūtādivijñānīyōdhyāyaḥ

Adhikarana dUtAdivij~jAnIyo~adhyAyaH (2) · Śloka 2

അഥാതോ ദൂതാദിവിജ്ഞാനീയം ശാരീരം വ്യാഖ്യാസ്യാമഃ| ഇതി ഹ സ്മാഹുരാത്രേയാദയോ മഹര്ഷയഃ| ഗദ്യസൂത്രേ||൨||

Adhikarana pAKaNDAdidUtAnAM SuBASuBasUcakatvam (1) · Śloka 1

പാഖണ്ഡാശ്രമവര്ണാനാം സവര്ണാഃ കര്മസിദ്ധയേ| ത ഏവ വിപരീതാഃ സ്യുര്ദൂതാഃ കര്മവിപത്തയേ||൧||

Adhikarana dInAdidUtA niShiddhAH (2-5) · Śloka 5

ദീനം ഭീതം ദ്രുതം ത്രസ്തം രൂക്ഷാമങ്ഗലവാദിനമ്| ശസ്ത്രിണം ദണ്ഡിനം ഷണ്ഢം മുണ്ഡശ്മശ്രുജടാധരമ്||൨|| അമങ്ഗലാഹ്വയം ക്രൂരകര്മാണം മലിനം സ്ത്രിയമ്| അനേകം വ്യാധിതം വ്യങ്ഗം രക്തമാല്യാനുലേപനമ്||൩|| തൈലപങ്കാങ്കിതം ജീര്ണവിവര്ണാര്ദ്രൈകവാസസമ്| ഖരോഷ്ട്രമഹിഷാരൂഢം കാഷ്ഠലോഷ്ടാദിമര്ദിനമ്||൪|| നാനുഗച്ചേദ്ഭിഷഗ്ദൂതമാഹ്വയന്തം ച ദൂരതഃ| |൫|

Adhikarana aSastacintAvacanAdau vaidye dUtAgamanaM mRutyusUcakam (5-7) · Śloka 7

| അശസ്തചിന്താവചനേ നഗ്നേ ചിന്ദതി ഭിന്ദതി||൫|| ജുഹ്വാനേ പാവകം പിണ്ഡാന് പിത്തൃഭ്യോ നിര്വപത്യപി| സുപ്തേ മുക്തകചേऽഭ്യക്തേ രുദത്യപ്രയതേ തഥാ||൬|| വൈദ്യേ ദൂതാ മനുഷ്യാണാമാഗച്ചന്തി മുമൂര്ഷതാമ്| |൭|

Adhikarana deSaviSeShAdAvagato dUto~aSuBaH (7-8) · Śloka 8

| വികാരസാമാന്യഗുണേ ദേശേ കാലേऽഥവാ ഭിഷക്||൭|| ദൂതമഭ്യാഗതം ദൃഷ്ട്വാ നാതുരം തമുപാചരേത്| |൮|

Adhikarana vaidyasya pUrvadarSane mariShyato dUtAnAM vyApArAH (8-11) · Śloka 11

| സ്പൃശന്തോ നാഭിനാസാസ്യകേശരോമനഖദ്വിജാന്||൮|| ഗുഹ്യപൃഷ്ഠസ്തനഗ്രീവാജഠരാനാമികാങ്ഗുലീഃ| കാര്പാസബുസസീസാസ്ഥികപാലമുശലോപലമ്||൯|| മാര്ജനീശൂര്പചൈലാന്തഭസ്മാങ്ഗാരദശാതുഷാന്| രജ്ജൂപാനത്തുലാപാശമന്യദ്വാ ഭഗ്നവിച്യുതമ്||൧൦|| തത്പൂര്വദര്ശനേ ദൂതാ വ്യാഹരന്തി മരിഷ്യതാമ്| |൧൧|

Adhikarana ardharAtrAdAgacCanto~aSuBAH (11-12) · Śloka 12

| തഥാऽര്ധരാത്രേ മധ്യാഹ്നേ സന്ധ്യയോഃ പര്വവാസരേ||൧൧|| ഷഷ്ഠീചതുര്ഥീനവമീരാഹുകേതൂദയാദിഷു| ഭരണീകൃത്തികാऽऽശ്ലേഷാപൂര്വാऽऽര്ദ്രാപൈത്ര്യനൈൠതേ||൧൨||

Adhikarana pratibaddhaM bruvati dUte nimitte cASuBe taM vaidyo nAnuvrajet (13) · Śloka 13

യസ്മിംശ്ച ദൂതേ ബ്രുവതി വാക്യമാതുരസംശ്രയമ്| പശ്യേന്നിമിത്തമശുഭം തം ച നാനുവ്രജേദ്ഭിഷക്||൧൩||

Adhikarana aSuBAni nimittAni (14-16) · Śloka 16

കിമ് തദശുഭം നിമിത്തമ് ? ഇത്യാഹ തദ്യഥാ വികലഃ പ്രേതഃ പ്രേതാലങ്കാര ഏവ വാ| ചിന്നം ദഗ്ധം വിനഷ്ടം വാ തദ്വാദീനി വചാംസി വാ||൧൪|| രസോ വാ കടുകസ്തീവ്രോ ഗന്ധോ വാ കൌണപോ മഹാന്| സ്പര്ശോ വാ വിപുലഃ ക്രൂരോ യദ്വാऽന്യദപി താദൃശമ്||൧൫|| തത്സര്വമഭിതോ വാക്യം വാക്യകാലേऽഥവാ പുനഃ| ദൂതമഭ്യാഗതം ദൃഷ്ട്വാ നാതുരം തമുപാചരേത്||൧൬||

Adhikarana anyAnyapyaSuBAni nimittAni (17-23) · Śloka 23

അഥാന്യദപ്യശുഭം നിമിത്തമാഹ ഹാഹാക്രന്ദിതമുത്ക്രുഷ്ടമാക്രുഷ്ടം സ്ഖലനം ക്ഷുതമ്| വസ്ത്രാതപത്രപാദത്രവ്യസനം വ്യസനീക്ഷണമ്||൧൭|| ചൈത്യധ്വജാനാം പാത്രാണാം പൂര്ണാനാം ച നിമജ്ജനമ്| ഹതാനിഷ്ടപ്രവാദാശ്ച ദൂഷണം ഭസ്മപാംസുഭിഃ||൧൮|| പഥഃച്ചേദോऽഹിമാര്ജാരഗോധാസരഠവാനരൈഃ| ദീപ്താം പ്രതി ദിശം വാചഃ ക്രൂരാണാം മൃഗപക്ഷിണാമ്||൧൯|| കൃഷ്ണധാന്യഗുഡോദശ്വില്ലവണാസവചര്മണാമ്| സര്ഷപാണാം വസാതൈലതൃണപങ്കേന്ധനസ്യ ച||൨൦|| ക്ലീബക്രൂരശ്വപാകാനാം ജാലവാഗുരയോരപി| ചര്ദിതസ്യ പുരീഷസ്യ പൂതിദുര്ദര്ശനസ്യ ച||൨൧|| നിഃസാരസ്യ വ്യവായസ്യ കാര്പാസാദേരരേരപി| ശയനാസനയാനാനാമുത്താനാനാം തു ദര്ശനമ്||൨൨|| ന്യുബ്ജാനാമിതരേഷാം ച പാത്രാദീനാമശോഭനമ്| |൨൩|

Adhikarana pakShiNaH SuBASuBAH (23-24) · Śloka 24

| പുംസംജ്ഞാഃ പക്ഷിണോ വാമാഃ സ്ത്രീസംജ്ഞാ ദക്ഷിണാഃ ശുഭാഃ||൨൩|| പ്രദക്ഷിണം ഖഗമൃഗാ യന്തോ, നൈവം ശ്വജമ്ബുകാഃ| |൨൪|

Adhikarana KagamRugAdayaH SuBASuBAH (24-25) · Śloka 25

| അയുഗ്മാശ്ച മൃഗാഃ ശസ്താഃ ശസ്താ നിത്യം ച ദര്ശനേ||൨൪|| ചാഷഭാസഭരദ്വാജനകുലച്ചാഗബര്ഹിണഃ| |൨൫|

Adhikarana ulUkAdayo darSane~aSuBAH (25) · Śloka 25

| അശുഭം സര്വഥോലൂകബിഡാലസരഠേക്ഷണമ്||൨൫||

Adhikarana kolAdayaH kIrtane SuBAH darSane virute cASuBAH,vAnararkShAvato~anyathA (26) · Śloka 26

പ്രശസ്താഃ കീര്തനേ കോലഗോധാഹിശശജാഹകാഃ| ന ദര്ശനേ ന വിരുതേ, വാനരര്ക്ഷാവതോऽന്യഥാ||൨൬||

Adhikarana aindraM dhanuraBimuKamaSuBamanyataH SuBam ,agnipUrNAdIni pAtrANyaSuBAni (27) · Śloka 27

ധനുരൈന്ദ്രം ച ലാലാടമശുഭം, ശുഭമന്യതഃ| അഗ്നിപൂര്ണാനി പാത്രാണി ഭിന്നാനി വിശിഖാനി ച||൨൭||

Adhikarana AturagRuhAnnirgacCaddadhyakShatAdima~ggalamaSuBam (28) · Śloka 28

വൈദ്യസ്യാതുരഗൃഹപ്രവേശേ ശുഭാശുഭസൂചകാനി നിമിത്താന്യാഹ ദധ്യക്ഷതാദി നിര്ഗച്ഛദ്വക്ഷ്യമാണം ച മങ്ഗലമ്| വൈദ്യോ മരിഷ്യതാം വേശ്മ പ്രവിശന്നേവ പശ്യതി||൨൮||

Adhikarana evaM dUtAdyaSuBaM dRuShTvA~a~aturaM na cikitsayet anyathA yatnataH karuNASuddha manasA ca cikitset (29) · Śloka 29

ദൂതാദ്യസാധു ദൃഷ്ട്വൈവം ത്യജേദാര്തമതോऽന്യഥാ| കരുണാശുദ്ധസന്താനോ യത്നതസ്തമുപാചരേത്||൨൯||

Adhikarana dadhyakShatAdi ma~ggalam etat pathi veSmapraveSe ca SuBam (30-39) · Śloka 39

അഥ തദേവ ദധ്യക്ഷതാദ്യാഹ ദധ്യക്ഷതേക്ഷുനിഷ്പാവപ്രിയങ്ഗുമധുസര്പിഷാമ്| യാവകാഞ്ജനഭൃങ്ഗാരഘണ്ടാദീപസരോരുഹാമ്||൩൦|| ദൂര്വാര്ദ്രമത്സ്യമാംസാനാം ലാജാനാം ഫലഭക്ഷയോഃ| രത്നേഭപൂര്ണകുമ്ഭാനാം കന്യായാഃ സ്യന്ദനസ്യ ച||൩൧|| നരസ്യ വര്ധമാനസ്യ ദേവതാനാം നൃപസ്യ ച| ശുക്ലാനാം സുമനോവാലചാമരാമ്ബരവാജിനാമ്||൩൨|| ശങ്ഖസാധുദ്വിജോഷ്ണീഷതോരണസ്വസ്തികസ്യ ച| ഭൂമേഃ സമുദ്ധതായാശ്ച വഹ്നേഃ പ്രജ്വലിതസ്യ ച||൩൩|| മനോജ്ഞസ്യാന്നപാനസ്യ പൂര്ണസ്യ ശകടസ്യ ച| നൃഭിര്ധേന്വാഃ സവത്സായാ വഡാവായാഃ സ്ത്രിയാ അപി||൩൪|| ജീവഞ്ജീവകസാരങ്ഗസാരസപ്രിയവാദിനാമ്| ഹംസാനാം ശതപത്രാണാം ബദ്ധസ്യൈകപശോസ്തഥാ||൩൫|| രുചകാദര്ശസിദ്ധാര്ഥരോചനാനാം ച ദര്ശനമ്| ഗന്ധഃ സുസുരഭിര്വര്ണഃ സുശുക്ലോ മധുരോ രസഃ||൩൬|| ഗോപതേരനുകൂലസ്യ സ്വനസ്തദ്വദ്ഗവാമപി| മൃഗപക്ഷിനരാണാം ച ശോഭിനാം ശോഭനാ ഗിരഃ||൩൭|| ഛത്രധ്വജപതാകാനാമുത്ക്ഷേപണമഭിഷ്ടുതിഃ| ഭേരീമൃദങ്ഗശങ്ഖാനാം ശബ്ദാഃ പുണ്യാഹനിഃസ്വനാഃ||൩൮|| വേദാധ്യയനശബ്ദാശ്ച സുഖോ വായുഃ പ്രദക്ഷിണഃ| പഥി വേശ്മപ്രവേശേ ച വിദ്യാദാരോഗ്യലക്ഷണമ്||൩൯||

Adhikarana evaM dUtaSakunakathanAnantaraM svapna kathanam (40) · Śloka 40

ഇത്യുക്തം ദൂതശകുനം സ്വപ്നാനൂര്ധ്വം പ്രചക്ഷതേ| |൪൦|

Adhikarana jvareNa SIGraM mariShyataH svapnaH (40-41) · Śloka 41

| സ്വപ്നേ മദ്യം സഹ പ്രേതൈര്യഃ വിപന് കൃഷ്യതേ ശുനാ||൪൦|| സ മര്ത്യൌ മൃത്യുനാ ശീഘ്രം ജ്വരരൂപേണ നീയതേ| |൪൧|

Adhikarana raktapittena SIGraM mariShyataH svapnaH (41-42) · Śloka 42

| രക്തമാല്യവപുര്വസ്ത്രോ യോ ഹസന് ഹ്രിയതേ സ്ത്രിയാ||൪൧|| സോऽസ്രപിത്തേന| |൪൨|

Adhikarana rAjayakShmaNA SIGraM mariShyataH svapnaH (42) · Śloka 42

മഹിഷശ്വരാഹോഷ്ട്രഗര്ദഭൈഃ| യഃ പ്രയാതി ദിശം യാമ്യാം മരണം തസ്യ യക്ഷ്മണാ||൪൨||

Adhikarana gulmenaSIGraM mariShyataH svapnaH (43) · Śloka 43

ലതാ കണ്ടകിനീ വംശസ്താലോ വാ ഹൃദി ജായതേ| യസ്യ തസ്യാശു ഗുല്മേന|൪൩|

Adhikarana kuShTena SIGraM mariShyataH svapnaH (43-44) · Śloka 44

| യസ്യ വഹ്നിമനര്ചിഷമ്||൪൩|| ജുഹ്നതോ ഘൃതസിക്തസ്യ നഗ്നസ്യോരസി ജായതേ| പദ്മം സ നശ്യേത്കുഷ്ഠേന|൪൪|

Adhikarana prameheNa SIGraM mariShyataH svapnaH (44-45) · Śloka 45

| ചണ്ഡാലൈഃ സഹ യഃ പിബേത്||൪൪|| സ്നേഹം ബഹുവിധം സ്വപ്നേ സ പ്രമേഹേണ നശ്യതി| |൪൫|

Adhikarana unmAdenaSIGraM mariShyataH svapnaH (45) · Śloka 45

| ഉന്മാദേന ജലേ മജ്ജേദ്യോ നൃത്യന് രാക്ഷസൈഃ സഹ||൪൫||

Adhikarana apasmAreNa SIGraM mariShyataH svapnaH (46) · Śloka 46

അപസ്മാരേണ യോ മര്ത്യോ നൃത്യന് പ്രേതേന നീയതേ| |൪൬|

Adhikarana svapne KarAdiBiryAnaM mRutyukArakam (46-47) · Śloka 47

| യാനം ഖരോഷ്ട്രമാര്ജാരകപിശാര്ദൂലസൂകരൈഃ||൪൬|| യസ്യ പ്രേതൈഃ ശൃഗാലൈര്വാ സ മൃത്യോര്വര്തതേ മുഖേ| |൪൭|

Adhikarana apUpAdiBakShaNam mRutyukArakam (47-48) · Śloka 48

| അപൂപശഷ്കുലീര്ജഗ്ധ്വാ വിബുദ്ധസ്തദ്വിധം വമന്||൪൭|| ന ജീവതി| |൪൮|

Adhikarana akShirogakArakaH svapnaH (48) · Śloka 48

അക്ഷിരോഗായ സൂര്യന്ദുഗ്രഹണേക്ഷണമ്| |൪൮|

Adhikarana drUgvinASakaH svapnaH (48) · Śloka 48

| സൂര്യാചന്ദ്രമസോഃ പാതദര്ശനം ദൃഗ്വിനാശനമ്||൪൮||

Adhikarana anye~aSuBAH svapnAH (49-58) · Śloka 58

മൂര്ധ്നി വംശലതാദീനാം സമ്ഭവോ വയസാം തഥാ| നിലയോ മുണ്ഡതാ കാകഗൃധ്രാദ്യൈഃ പരിവാരണമ്||൪൯|| തഥാ പ്രേതപിശാചസ്ത്രീദ്രവിഡാന്ധ്രഗവാശനൈഃ| സങ്ഗോ വേത്രലതാവംശതൃണകണ്ടകസങ്കടേ||൫൦|| ശ്വഭ്രശ്മശാനശയനം പതനം പാംസുഭസ്മനോഃ| മജ്ജനം ജലപങ്കാദൌ ശീഘ്രേണ സ്രോതസാ ഹൃതിഃ||൫൧|| നൃത്വവാദിത്രഗീതാനി രക്തസ്രഗ്വസ്ത്രധാരണമ്| വയോങ്ഗവൃദ്ധിരഭ്യങ്ഗോ വിവാഹഃ ശ്മശ്രുകര്മ ച||൫൨|| പക്വാന്നസ്നേഹമദ്യാശഃ പ്രച്ചര്ദനവിരേചനേ| ഹിരണ്യലോഹയോര്ലാഭഃ കലിര്ബന്ധപരാജയൌ||൫൩|| ഉപാനദ്യുഗനാശശ്ച പ്രപാതഃ പാദചര്മണോഃ| ഹര്ഷോ ഭൃശം പ്രകുപിതൈഃ പിതൃഭിശ്ചാവഭര്ത്സനമ്||൫൪|| പ്രദീപഗ്രഹനക്ഷത്രദന്തദൈവതചക്ഷുഷാമ്| പതനം വാ വിനാശോ വാ, ഭേദനം പര്വതസ്യ ച||൫൫|| കാനനേ രക്തകുസുമേ പാപകര്മനിവേശനേ| ചിതാന്ധകാരസമ്ബാധേ ജനന്യാം ച പ്രവേശനമ്||൫൬|| പാതഃ പ്രാസാദശൈലാദേര്മത്സ്യേന ഗ്രസനം തഥാ| കാഷായിണാമസോമ്യാനാം നഗ്നാനാം ദണ്ഡധാരിണാം||൫൭|| രക്താക്ഷാണാം ച കൃഷ്ണാനാം ദര്ശനം ജാതു നേഷ്യതേ| |൫൮|

Adhikarana svapne kAlaniSA (58-59) · Śloka 59

| കൃഷ്ണാ പാപാനനാചാരാ ദീര്ഘകേശനഖസ്തനീ||൫൮|| വിരാഗമാല്യവസനാ സ്വപ്നേ കാലനിശാ മതാ| |൫൯|

Adhikarana svapnasaMprAptiH (59-60) · Śloka 60

| മനോവഹാനാം പൂര്ണത്വാത്സ്രോതസാം പ്രബലൈര്മലൈഃ||൫൯|| ദൃശ്യന്തേ ദാരുണാഃ സ്വപ്നാ രോഗീ യൈര്യാതി പഞ്ചതാമ്| അരോഗഃ സംശയം പ്രാപ്യ കശ്ചിദേവ വിമുച്യതേ||൬൦||

Adhikarana svapnaH saptavidhaH (7) · Śloka 61

ദൃഷ്ടഃ ശ്രുതോऽനുഭൂതശ്ച പ്രാര്ഥിതഃ കല്പിതസ്തഥാ| ഭാവികോ ദോഷജശ്ചേതി സ്വപ്നഃ സപ്തവിധോ മതഃ||൬൧||

Adhikarana niShpalAH svapnAH (62) · Śloka 62

തേഷ്വാദ്യാ നിഷ്ഫലാഃ പഞ്ഹ്ച യഥാസ്വപ്രകൃതിര്ദിവാ| വിസ്മൃതോ ദീര്ഘഹ്രസ്വോऽതി|൬൨|

Adhikarana cireNAlpaPalAH svapnaH (62-63) · Śloka 63

| പൂര്വരാത്രേ ചിരാത്ഫലമ്||൬൨|| ദൃഷ്ടഃ കരോതി തുച്ചം ച| |൬൩|

Adhikarana tadaharmahatPalAH svapnaH (63) · Śloka 63

ഗോസര്ഗേ തദഹര്മഹത്| നിദ്രയാ വാऽനുപഹതഃ പ്രതീപൈര്വചനൈസ്തഥാ||൬൩||

Adhikarana dAnAdiBirduHsvapnasyAlpaPalatvam (64) · Śloka 64

ഏവം ശുഭം സ്വപ്നം പ്രത്യുക്ത്വാऽശുഭം സ്വപ്നം പ്രത്യാഹ യാതി പാപോऽല്പഫലതാം ദാനഹോമജപാദിഭിഃ| |൬൪|

Adhikarana duHsvapnAnantaraM SuBasvapnadarSane SuBaM Palam (64-65) · Śloka 65

| അകല്യാണമപി സ്വപ്നം ദൃഷ്ട്വാ തത്രൈവ യഃ പുനഃ||൬൪|| പശ്യേത്സൌമ്യം ശുഭം തസ്യ ശുഭമേവ ഫലം ഭവേത്| |൬൫|

Adhikarana AyurArogyadravyadAH SuBAH svapnAH (65-71) · Śloka 71

| ദേവാന് ദ്വിജാന് ഗോവൃഷഭാന് ജീവതഃ സുഹൃദോ നൃപാന്||൬൫|| സാധൂന് യശസ്വിനോ വഹ്നിമിദ്ധം സ്വച്ചാന് ജലാശയാന്| കന്യാഃ കുമാരകാന് ഗൌരാന് ശുക്ലവസ്ത്രാന്സുതേജസഃ||൬൬|| നരാശനം ദീപ്തതനും സമന്താദ്രുധിരോക്ഷിതമ്| യഃ പശ്യേല്ലഭതേ യോ വാ ചത്രാദര്ശവിഷാമിഷമ്||൬൭|| ശുക്ലാഃ സുമനസോ വസ്ത്രമമേധ്യാലേപനം ഫലമ്| ശൈലപ്രാസാദസഫലവൃക്ഷസിംഹനരദ്വിപാന്||൬൮|| ആരോഹേദ്ഗോശ്വയാനം ച, തരേന്നദഹദോദധീന്| പൂര്വോത്തരേണ ഗമനമഗമ്യാഗമനം മൃതമ്||൬൯|| സമ്ബാധാന്നിഃസൃതിര്ദേവൈഃ പിതൃഭിശ്ചാഭിനന്ദനമ്| രോദനം പതിതോത്ഥാനം ദ്വിഷതാം ചാവമര്ദനമ്||൭൦|| യസ്യ സ്യാദായുരാരോഗ്യം വിത്തം ബഹു ച സോऽശ്നുതേ| |൭൧|

Adhikarana Arogyasya lakShaNam (71-73) · Śloka 73

"ആരോഗ്യമശ്നുതേ" ഇത്യുക്തമ്| അതസ്തദേവാരോഗ്യം ലക്ഷയിതുമാഹ | മങ്ഗലാചാരസമ്പന്നഃ പരിവാരസ്തഥാऽऽതുരഃ||൭൧|| ശ്രദ്ധധാനോऽനുകൂലശ്ച പ്രഭൂതദ്രവ്യസങ്ഗ്രഹഃ| സത്ത്വലക്ഷണസംയോഗോ ഭക്തിര്വൈദ്യദ്വിജാതിഷു||൭൨|| ചികിത്സായാമനിര്വേദസ്തദാരോഗ്യസ്യ ലക്ഷണമ്| |൭൩|

Adhikarana kasmAdidaM SArIrasthAnam (6) · Śloka 6

കസ്മാദിദം സ്ഥാനം ശാരീരമുച്യതേ ? ഇത്യസ്യ നിരുക്തിമാഹ | ഇത്യത്ര ജന്മമരണം യതഃ സമ്യഗുദാഹൃതമ്||൭൩|| ശരീരസ്യ തതഃ സ്ഥാനം ശാരീരമിദമുച്യതേ| ൭൩ ൧/൨| ഇതി ശ്രീവൈദ്യപതിസിംഹഗുപ്തസൂനുശ്രീമദ്വാഗ്ഭടവിരചിതാ- യാമഷ്ടാങ്ഗഹൃദയസംഹിതായാം ദ്വിതീയേ ശാരീരസ്ഥാനേ ദൂതാദിവിജ്ഞാനീയോ നാമ ഷഷ്ഠോऽധ്യായഃ||൬||