Adhikarana sadyovraNapratiShedhAdhyAyaH,sadyovraNAnAM kAraNam (2-1) · Śloka 1
athātaḥ sadyōvraṇapratiṣēdhaṁ vyākhyāsyāmaḥ| iti ha smāhurātrēyādayō maharṣayaḥ| (gadyasūtrē|2| ) sadyōvraṇā yē sahasā sambhavantyabhighātataḥ| anantairapi tairaṅgamucyatē juṣṭamaṣṭadhā||1||
अथातः सद्योव्रणप्रतिषेधं व्याख्यास्यामः| इति ह स्माहुरात्रेयादयो महर्षयः| (गद्यसूत्रे|२| ) सद्योव्रणा ये सहसा सम्भवन्त्यभिघाततः| अनन्तैरपि तैरङ्गमुच्यते जुष्टमष्टधा||१||
🔊 Audio coming soon
Adhikarana sadyo aShTau bhedA dhRuShTAdayaH (2) · Śloka 2
tānēvāṣṭau prakārānāha ghr̥ṣṭāvakr̥ttavicchinnapravilambitapātitam| viddhaṁ bhinnaṁ vidalitaṁ|2|
तानेवाष्टौ प्रकारानाह घृष्टावकृत्तविच्छिन्नप्रविलम्बितपातितम्| विद्धं भिन्नं विदलितं|२|
🔊 Audio coming soon
Adhikarana 1 dhRuShTasya lakShaNam 2 avakRuttasya lakShaNam 3 vicchinnasya lakShaNam 4 pravilambitasya lakShaNam 5 pAtitasya lakShaNam 6 viddhasya lakShaNam 7 bhinnasya lakShaNam 8 vidalitasya lakShaNam (2-5) · Śloka 5
athaiṣāmēva lakṣaṇānyāha | tatra ghr̥ṣṭaṁ lasīkayā||2|| raktalēśēna vā yuktaṁ saplōṣaṁ chēdanāt sravēt| avagāḍhaṁ tataḥ kr̥ttaṁ, vicchinnaṁ syāttatō'pi ca||3|| pravilambi saśēṣē'sthni, patitaṁ pātitaṁ tanōḥ| sūkṣmāsyaśalyaviddhaṁ tu viddhaṁ kōṣṭhavivarjitam||4|| bhinnamanyadvidalitaṁ majjaraktapariplutam| prahārapīḍanōtpēṣāt sahāsthnā pr̥thutāṁ gatam||5||
अथैषामेव लक्षणान्याह | तत्र घृष्टं लसीकया||२|| रक्तलेशेन वा युक्तं सप्लोषं छेदनात् स्रवेत्| अवगाढं ततः कृत्तं, विच्छिन्नं स्यात्ततोऽपि च||३|| प्रविलम्बि सशेषेऽस्थ्नि, पतितं पातितं तनोः| सूक्ष्मास्यशल्यविद्धं तु विद्धं कोष्ठविवर्जितम्||४|| भिन्नमन्यद्विदलितं मज्जरक्तपरिप्लुतम्| प्रहारपीडनोत्पेषात् सहास्थ्ना पृथुतां गतम्||५||
🔊 Audio coming soon
Adhikarana sadyovraNacikitsA sadyovraNe tIvramyahe yaShTIShTa tena secanam sadyo balAtailena vA punaH punaH secanam (6) · Śloka 6
sadyaḥ sadyōvraṇaṁ siñcēdatha yaṣṭyāhvasarpiṣā| tīvravyathaṁ kavōṣṇēna balātailēna vā punaḥ||6||
सद्यः सद्योव्रणं सिञ्चेदथ यष्ट्याह्वसर्पिषा| तीव्रव्यथं कवोष्णेन बलातैलेन वा पुनः||६||
🔊 Audio coming soon
Adhikarana sadyo kShatoShmaNaH shAntaye kaShAyAdayolepAdayaH (7) · Śloka 7
kṣatōṣmaṇō nigrahārthaṁ tatkālaṁ visr̥tasya ca| kaṣāyaśītamadhurasnigdhā lēpādayō hētāḥ||7||
क्षतोष्मणो निग्रहार्थं तत्कालं विसृतस्य च| कषायशीतमधुरस्निग्धा लेपादयो हेताः||७||
🔊 Audio coming soon
Adhikarana sadyo Ayate sandhAnArthaM madhusarpiH,sadyo Ayate pittandhIshcha shItAH kriyAH (8) · Śloka 8
sadyōvraṇēṣvāyatēṣu sandhānārthaṁ viśēṣataḥ| madhusarpiśca yuñjīta pittaghnīśca himāḥ kriyāḥ||8||
सद्योव्रणेष्वायतेषु सन्धानार्थं विशेषतः| मधुसर्पिश्च युञ्जीत पित्तघ्नीश्च हिमाः क्रियाः||८||
🔊 Audio coming soon
Adhikarana sadyo sasaMramme shodhanAdi dhRuShTe (9) · Śloka 9
sasaṁrambhēṣu kartavyamūrdhvaṁ cādhaśca śōdhanam| upavāsō hitaṁ bhuktaṁ pratataṁ raktamōkṣaṇam||9||
ससंरम्भेषु कर्तव्यमूर्ध्वं चाधश्च शोधनम्| उपवासो हितं भुक्तं प्रततं रक्तमोक्षणम्||९||
🔊 Audio coming soon
Adhikarana eSha vidhiH (10) · Śloka 10
ghr̥ṣṭē vidalitē caiṣa sutarāmiṣyatē vidhiḥ| tayōrhyalpaṁ sravatyasraṁ pākastēnāśu jāyatē||10||
घृष्टे विदलिते चैष सुतरामिष्यते विधिः| तयोर्ह्यल्पं स्रवत्यस्रं पाकस्तेनाशु जायते||१०||
🔊 Audio coming soon
Adhikarana anyatra vikShate snehapAnAdi (11-12) · Śloka 12
atyarthamasraṁ sravati prāyaśō'nyatra vikṣatē| tatō raktakṣayādvāyau kupitē'tirujākarē||11|| snēhapānaparīṣēkasvēdalēpōpanāhanam| snēhabastiṁ ca kurvīta vātaghnauṣadhasādhitam||12||
अत्यर्थमस्रं स्रवति प्रायशोऽन्यत्र विक्षते| ततो रक्तक्षयाद्वायौ कुपितेऽतिरुजाकरे||११|| स्नेहपानपरीषेकस्वेदलेपोपनाहनम्| स्नेहबस्तिं च कुर्वीत वातघ्नौषधसाधितम्||१२||
🔊 Audio coming soon
Adhikarana sadyovraNe iti sAptAhikovidhiH ,sadyo anantaraM pUrvoktovidhiH (13) · Śloka 13
iti sāptāhikaḥ prōktaḥ sadyōvraṇahitō vidhiḥ| saptāhādgatavēgē tu pūrvōktaṁ vidhimācarēt||13||
इति साप्ताहिकः प्रोक्तः सद्योव्रणहितो विधिः| सप्ताहाद्गतवेगे तु पूर्वोक्तं विधिमाचरेत्||१३||
🔊 Audio coming soon
Adhikarana sadyo idaM sAmAnyakarmaM (14) · Śloka 14
prāyaḥ sāmānyakarmēdaṁ vakṣyatē tu pr̥thakpr̥thak| |14|
प्रायः सामान्यकर्मेदं वक्ष्यते तु पृथक्पृथक्| |१४|
🔊 Audio coming soon
Adhikarana dhRuShTe vraNe cUrNAni (14) · Śloka 14
| ghr̥ṣṭē rujaṁ nigr̥hyāśu vraṇē cūrṇāni yōjayēt||14||
| घृष्टे रुजं निगृह्याशु व्रणे चूर्णानि योजयेत्||१४||
🔊 Audio coming soon
Adhikarana avakRutte vraNe kalkAdIni (15) · Śloka 15
kalkādinyavakr̥ttē tu| |15|
कल्कादिन्यवकृत्ते तु| |१५|
🔊 Audio coming soon
Adhikarana vicchinne pravilambini casIvanaMbandhanaMpIDanaM ca (15) · Śloka 15
vicchinnapravilambinōḥ| sīvanaṁ vidhinōktēna bandhanaṁ cānu pīḍanam||15||
विच्छिन्नप्रविलम्बिनोः| सीवनं विधिनोक्तेन बन्धनं चानु पीडनम्||१५||
🔊 Audio coming soon
Adhikarana sphuTitanetrasyAsAdhyatvam,asphuTitalambini netre yathA sthAnAniveshanAdi asphutisarvanetrAbhidhAtajit yaShTacAdivkamAjaM dhRutam (16-18) · Śloka 18
asādhyaṁ sphuṭitaṁ nētramadīrṇaṁ lambatē tu yat| sannivēśya yathāsthānamavyāviddhasiraṁ bhiṣak||16|| pīḍayēt pāṇinā padmapalāśāntaritēna tat| tatō'sya sēcanē nasyē tarpaṇē ca hitaṁ haviḥ||17|| vipakvamājaṁ yaṣṭyāhvajīvakarṣabhakōtpalaiḥ| sapayaskaiḥ paraṁ tadvi sarvanētrābhighātajit||18||
असाध्यं स्फुटितं नेत्रमदीर्णं लम्बते तु यत्| सन्निवेश्य यथास्थानमव्याविद्धसिरं भिषक्||१६|| पीडयेत् पाणिना पद्मपलाशान्तरितेन तत्| ततोऽस्य सेचने नस्ये तर्पणे च हितं हविः||१७|| विपक्वमाजं यष्ट्याह्वजीवकर्षभकोत्पलैः| सपयस्कैः परं तद्वि सर्वनेत्राभिघातजित्||१८||
🔊 Audio coming soon
Adhikarana avasanne netre galapIDAdi,avasanne kShatanetrava~jja kriyA (19) · Śloka 19
galapīḍā'vasannē'kṣṇi vamanōtkāsanakṣavāḥ| prāṇāyamō'thavā kāryaḥ kriyā ca kṣatanētravat||19||
गलपीडाऽवसन्नेऽक्ष्णि वमनोत्कासनक्षवाः| प्राणायमोऽथवा कार्यः क्रिया च क्षतनेत्रवत्||१९||
🔊 Audio coming soon
Adhikarana karNe sthAnAccyute tailena pUraNam (20) · Śloka 20
karṇē sthānāccyutē syūtē śrōtastailēna pūrayēt| |20|
कर्णे स्थानाच्च्युते स्यूते श्रोतस्तैलेन पूरयेत्| |२०|
🔊 Audio coming soon
Adhikarana kRukATiyAM chinnAyAM sIvanAdi,kRukA Ajena sarpiShA pariShekaHkRukA uShNAno~annAni bhu~jjItakRukA tuyantritaH svapyAt (20-22) · Śloka 22
| kr̥kāṭikāyāṁ chinnāyāṁ nirgacchatyapi mārutē||20|| samaṁ nivēśya badhnīyāt syūtvā śīghraṁ nirantaram| ājēna sarpiṣā cātra pariṣēkaḥ praśasyatē||21|| uttānō'nnāni bhuñjīta, śayīta ca suyantritaḥ| |22|
| कृकाटिकायां छिन्नायां निर्गच्छत्यपि मारुते||२०|| समं निवेश्य बध्नीयात् स्यूत्वा शीघ्रं निरन्तरम्| आजेन सर्पिषा चात्र परिषेकः प्रशस्यते||२१|| उत्तानोऽन्नानि भुञ्जीत, शयीत च सुयन्त्रितः| |२२|
🔊 Audio coming soon
Adhikarana shAkAsu tiryaksthe dhAte sIvanAdi (22-23) · Śloka 23
| ghātaṁ śākhāsu tiryaksthaṁ gātrē samyaṅnivēśitē||22|| syūtvā vēllitabandhēna badhnīyāddhanavāsasā| carmaṇā gōṣphaṇābandhaḥ kāryaścāsaṅgatē vraṇē||23||
| घातं शाखासु तिर्यक्स्थं गात्रे सम्यङ्निवेशिते||२२|| स्यूत्वा वेल्लितबन्धेन बध्नीयाद्धनवाससा| चर्मणा गोष्फणाबन्धः कार्यश्चासङ्गते व्रणे||२३||
🔊 Audio coming soon
Adhikarana vilambimuShkasya sIvanAdi (24-25) · Śloka 25
pādau vilambimuṣkasya prōkṣya nētrē ca vāriṇā| pravēśya vr̥ṣaṇau sīvyēt sēvanyā tunnasaṁjñayā||24|| kāryaśca gōṣphaṇābandhaḥ kaṭyāmāvēśya paṭṭakam| snēhasēkaṁ na kurvīta tatra klidyati hi vraṇaḥ||25||
पादौ विलम्बिमुष्कस्य प्रोक्ष्य नेत्रे च वारिणा| प्रवेश्य वृषणौ सीव्येत् सेवन्या तुन्नसंज्ञया||२४|| कार्यश्च गोष्फणाबन्धः कट्यामावेश्य पट्टकम्| स्नेहसेकं न कुर्वीत तत्र क्लिद्यति हि व्रणः||२५||
🔊 Audio coming soon
Adhikarana vilambi kAlAnusAryAditailenaropaNam (26) · Śloka 26
kālānusāryagurvēlājātīcandanaparpaṭaiḥ| śilādārvyamr̥tātutthaiḥ siddhaṁ tailaṁ ca rōpaṇam||26||
कालानुसार्यगुर्वेलाजातीचन्दनपर्पटैः| शिलादार्व्यमृतातुत्थैः सिद्धं तैलं च रोपणम्||२६||
🔊 Audio coming soon
Adhikarana niHsheShataH cchinnAyAM shAkhAyAM tailAna dgdhvA koshabandhanAdi (27) · Śloka 27
chinnāṁ niḥśēṣataḥ śākhāṁ dagdhvā tailēna yuktitaḥ| badhnīyāt kōśabandhēna tatō vraṇavadācarēt||27||
छिन्नां निःशेषतः शाखां दग्ध्वा तैलेन युक्तितः| बध्नीयात् कोशबन्धेन ततो व्रणवदाचरेत्||२७||
🔊 Audio coming soon
Adhikarana viddhe shalyAhrate vraNavat kriyA (28) · Śloka 28
kāryā śalyāhr̥tē viddhē bhaṅgādvidalitē kriyā| |28|
कार्या शल्याहृते विद्धे भङ्गाद्विदलिते क्रिया| |२८|
🔊 Audio coming soon
Adhikarana vidalite shalye~apahrate vraNavat kriyA,vidalite bha~ggavat kriyA shirasaH shalye~aparate bAlavartipraveshanAdi (28-29) · Śloka 29
| śirasō'pahr̥tē śalyē vālavartiṁ pravēśayēt||28|| mastuluṅgasrutēḥ kruddhō hanyādēnaṁ calō'nyathā| vraṇē rōhati caikaikaṁ śanairapanayētkacam||29||
| शिरसोऽपहृते शल्ये वालवर्तिं प्रवेशयेत्||२८|| मस्तुलुङ्गस्रुतेः क्रुद्धो हन्यादेनं चलोऽन्यथा| व्रणे रोहति चैकैकं शनैरपनयेत्कचम्||२९||
🔊 Audio coming soon
Adhikarana mastulu~ggastrutou mastiShkabhakShaNam (30) · Śloka 30
ācaramōcchvāsādāturaṁ samupācarēditi vacanānmastuluṅgasrutāvapyupakramamāha mastuluṅgasrutau khādēnmastiṣkānanyajīvajān| |30|
आचरमोच्छ्वासादातुरं समुपाचरेदिति वचनान्मस्तुलुङ्गस्रुतावप्युपक्रममाह मस्तुलुङ्गस्रुतौ खादेन्मस्तिष्कानन्यजीवजान्| |३०|
🔊 Audio coming soon
Adhikarana hratashalye~a~gge snehavartiH (30) · Śloka 30
| śalyē hr̥tē'ṅgādanyasmātsnēhavartiṁ nidhāpayēt||30||
| शल्ये हृतेऽङ्गादन्यस्मात्स्नेहवर्तिं निधापयेत्||३०||
🔊 Audio coming soon
Adhikarana vraNe dUrAvagADhAdau cakratai lena secanam (31) · Śloka 31
dūrāvagāḍhāḥ sūkṣmāsyā yē vraṇāḥ srutaśōṇitāḥ| sēcayēccakratailēna sūkṣmanētrārpitēna tān||31||
दूरावगाढाः सूक्ष्मास्या ये व्रणाः स्रुतशोणिताः| सेचयेच्चक्रतैलेन सूक्ष्मनेत्रार्पितेन तान्||३१||
🔊 Audio coming soon
Adhikarana bhinnakoShThasya raktapUrNasya lakShaNam (32-33) · Śloka 33
bhinnē kōṣṭhē'sr̥jā pūrṇē mūrcchāhr̥tpārśvavēdanāḥ| jvarō dāhastr̥ḍādhmānaṁ bhaktasyānabhinandanam||32|| saṅgō viṇmūtramarutāṁ śvāsaḥ svēdō'kṣiraktatā| lōhagandhitvamāsyasya syād gātrē ca vigandhatā||33||
भिन्ने कोष्ठेऽसृजा पूर्णे मूर्च्छाहृत्पार्श्ववेदनाः| ज्वरो दाहस्तृडाध्मानं भक्तस्यानभिनन्दनम्||३२|| सङ्गो विण्मूत्रमरुतां श्वासः स्वेदोऽक्षिरक्तता| लोहगन्धित्वमास्यस्य स्याद् गात्रे च विगन्धता||३३||
🔊 Audio coming soon
Adhikarana bhinnakoShThasya AmAshayastharudhirasya (34) · Śloka 34
āmāśayasthē rudhirē rudhiraṁ chardayatyapi| ādhmānēnātimātrēṇa śūlēna ca viśasyatē||34||
आमाशयस्थे रुधिरे रुधिरं छर्दयत्यपि| आध्मानेनातिमात्रेण शूलेन च विशस्यते||३४||
🔊 Audio coming soon
Adhikarana bhinnakoShThasya pakvAshayastha rudhirasya lakShaNam (35) · Śloka 35
pakvāśayasthē rudhirē saśūlaṁ gauravaṁ bhavēt| nābhēradhastācchītatvaṁ khēbhyō raktasya cāgamaḥ||35||
पक्वाशयस्थे रुधिरे सशूलं गौरवं भवेत्| नाभेरधस्ताच्छीतत्वं खेभ्यो रक्तस्य चागमः||३५||
🔊 Audio coming soon
Adhikarana abhinnAshayasyApi raktena pUrNatvam (36) · Śloka 36
abhinnō'pyāśayaḥ sūkṣmaiḥ srōtōbhirabhipūryatē| asr̥jā syandamānēna pārśvē mūtrēṇa bastivat||36||
अभिन्नोऽप्याशयः सूक्ष्मैः स्रोतोभिरभिपूर्यते| असृजा स्यन्दमानेन पार्श्वे मूत्रेण बस्तिवत्||३६||
🔊 Audio coming soon
Adhikarana tatrAntarlohitAderasAdhyatvam (37) · Śloka 37
tatrāntarlōhitaṁ śītapādōcchvāsakarānanam| raktākṣaṁ pāṇḍuvadanamānaddhaṁ ca vivarjayēt||37||
तत्रान्तर्लोहितं शीतपादोच्छ्वासकराननम्| रक्ताक्षं पाण्डुवदनमानद्धं च विवर्जयेत्||३७||
🔊 Audio coming soon
Adhikarana AmAshayasthe rakte vamanam,pavkAshayasthe rakte vireko nirUhashcha (38) · Śloka 38
amāśayasthē vamanaṁ hitaṁ, pakvāśayāśritē| virēcanaṁ nirūhaṁ ca niḥsnēhōṣṇairviśōdhanaiḥ||38||
अमाशयस्थे वमनं हितं, पक्वाशयाश्रिते| विरेचनं निरूहं च निःस्नेहोष्णैर्विशोधनैः||३८||
🔊 Audio coming soon
Adhikarana pakvAshaya annabhakShaNaprakAraH (39) · Śloka 39
yavakōlakulatthānāṁ rasaiḥ snēhavivarjitaiḥ| bhuñjītānnaṁ yavāgūṁ vā pibētsaindhavasaṁyutām||39||
यवकोलकुलत्थानां रसैः स्नेहविवर्जितैः| भुञ्जीतान्नं यवागूं वा पिबेत्सैन्धवसंयुताम्||३९||
🔊 Audio coming soon
Adhikarana atiniH strutarakte rudhirapAnam (40) · Śloka 40
atiniḥsrutaraktastu bhinnakōṣṭhaḥ pibēdasr̥k| |40|
अतिनिःस्रुतरक्तस्तु भिन्नकोष्ठः पिबेदसृक्| |४०|
🔊 Audio coming soon
Adhikarana koShThabhedanasya dvaividhyam kliShTAntre mUrcchAdayo~alpAH chinnAntre mUrcchAatibAdhakAH kliShTacchinnAntrayoH saMshayAsAdhyatvam (40-41) · Śloka 41
| kliṣṭacchinnāntrabhēdēna kōṣṭhabhēdō dvidhā smr̥taḥ||40|| mūrcchādayō'lpāḥ prathamēdvitīyē tvati bādhakāḥ| kliṣṭāntraḥ saṁśayī dēhī chinnāntrō naiva jīvati||41||
| क्लिष्टच्छिन्नान्त्रभेदेन कोष्ठभेदो द्विधा स्मृतः||४०|| मूर्च्छादयोऽल्पाः प्रथमेद्वितीये त्वति बाधकाः| क्लिष्टान्त्रः संशयी देही छिन्नान्त्रो नैव जीवति||४१||
🔊 Audio coming soon
Adhikarana bhinnakoShTasya sAdhyalakShaNam (42) · Śloka 42
yathāsvaṁ mārgamāpannā yasya viṇmūtramārutāḥ| vyupadravaḥ sa bhinnē'pi kōṣṭhē jīvatyasaṁśayam||42||
यथास्वं मार्गमापन्ना यस्य विण्मूत्रमारुताः| व्युपद्रवः स भिन्नेऽपि कोष्ठे जीवत्यसंशयम्||४२||
🔊 Audio coming soon
Adhikarana antrakoShThasya matadvayam (43-44) · Śloka 44
abhinnamantraṁ niṣkrāntaṁ pravēśyaṁ na tvatō'nyathā| utpaṅgilaśirōgrastaṁ tadapyēkē vadanti tu||43|| prakṣālya payasā digdhaṁ tr̥ṇaśōṇitapāṁsubhiḥ| pravēśayētklr̥ptanakhō ghr̥tēnāktaṁ śanaiḥ śanaiḥ||44||
अभिन्नमन्त्रं निष्क्रान्तं प्रवेश्यं न त्वतोऽन्यथा| उत्पङ्गिलशिरोग्रस्तं तदप्येके वदन्ति तु||४३|| प्रक्षाल्य पयसा दिग्धं तृणशोणितपांसुभिः| प्रवेशयेत्क्लृप्तनखो घृतेनाक्तं शनैः शनैः||४४||
🔊 Audio coming soon
Adhikarana annapravEshavidhiH (45-46) · Śloka 46
kṣīrēṇārdrīkr̥taṁ śuṣkaṁ bhūrisarpiḥpariplutam| aṅgulyā pramr̥śētkaṇṭhaṁ jalēnōdvējayēdapi||45|| tathā'ntrāṇi viśantyantastatkālaṁ pīḍayanti ca| |46|
क्षीरेणार्द्रीकृतं शुष्कं भूरिसर्पिःपरिप्लुतम्| अङ्गुल्या प्रमृशेत्कण्ठं जलेनोद्वेजयेदपि||४५|| तथाऽन्त्राणि विशन्त्यन्तस्तत्कालं पीडयन्ति च| |४६|
🔊 Audio coming soon
Adhikarana yathAsthAnaM syite~antre vraNaM sIvyet ,sthAnAcyute~antre maraNam kupite~antre paTTena veShTayetvA dhRutena paripecayet kupite tatashchitrAtailapayasA pAnam kupite vraNayantraNAM varShamanuvarteta (46-50) · Śloka 50
| vraṇasaukṣmyādbahutvādvā kōṣṭhamantramanāviśat||46|| tatpramāṇēna jaṭharaṁ pāṭayitvā pravēśayēt| yathāsthānaṁ sthitē samyagantrē sīvyēdanu vraṇam||47|| sthānādapētamādattē jīvitaṁ kupitaṁ ca tat| vēṣṭayitvā'nu paṭṭēna ghr̥tēna pariṣēcayēt||48|| pāyayēta tataḥ kōṣṇaṁ citrātailayutaṁ payaḥ| mr̥dukriyārthaṁ śakr̥tō vāyōścādhaḥpravr̥ttayē||49|| anuvartēta varṣaṁ ca yathōktāṁ vraṇayantraṇām| |50|
| व्रणसौक्ष्म्याद्बहुत्वाद्वा कोष्ठमन्त्रमनाविशत्||४६|| तत्प्रमाणेन जठरं पाटयित्वा प्रवेशयेत्| यथास्थानं स्थिते सम्यगन्त्रे सीव्येदनु व्रणम्||४७|| स्थानादपेतमादत्ते जीवितं कुपितं च तत्| वेष्टयित्वाऽनु पट्टेन घृतेन परिषेचयेत्||४८|| पाययेत ततः कोष्णं चित्रातैलयुतं पयः| मृदुक्रियार्थं शकृतो वायोश्चाधःप्रवृत्तये||४९|| अनुवर्तेत वर्षं च यथोक्तां व्रणयन्त्रणाम्| |५०|
🔊 Audio coming soon
Adhikarana udarAnmedovartinirgamane cikitsA (50-54) · Śloka 54
| udarānmēdasō vartiṁ nirgatāṁ bhasmanā mr̥dā||50|| avakīrya kaṣāyairvā ślakṣṇairmūlaistataḥ samam| dr̥ḍhaṁ badhvā ca sūtrēṇa varddhayētkuśalō bhiṣak||51|| tīkṣṇēnāgniprataptēna śastrēṇa sakr̥dēva tu| syāndanyathā rugāṭōpō mr̥tyurvā chidyamānayā||52|| sakṣaudrē ca vraṇē baddhē sujīrṇē'nnē ghr̥taṁ pibēt| kṣīraṁ vā śarkarācitrālākṣāgōkṣurakaiḥ śr̥tam||53|| rugdāhajitsayaṣṭyāhvaiḥ paraṁ pūrvōditō vidhiḥ| mēdōgranthyuditaṁ tatra tailamabhyañjanē hitam||54||
| उदरान्मेदसो वर्तिं निर्गतां भस्मना मृदा||५०|| अवकीर्य कषायैर्वा श्लक्ष्णैर्मूलैस्ततः समम्| दृढं बध्वा च सूत्रेण वर्द्धयेत्कुशलो भिषक्||५१|| तीक्ष्णेनाग्निप्रतप्तेन शस्त्रेण सकृदेव तु| स्यान्दन्यथा रुगाटोपो मृत्युर्वा छिद्यमानया||५२|| सक्षौद्रे च व्रणे बद्धे सुजीर्णेऽन्ने घृतं पिबेत्| क्षीरं वा शर्कराचित्रालाक्षागोक्षुरकैः शृतम्||५३|| रुग्दाहजित्सयष्ट्याह्वैः परं पूर्वोदितो विधिः| मेदोग्रन्थ्युदितं तत्र तैलमभ्यञ्जने हितम्||५४||
🔊 Audio coming soon
Adhikarana sadyovraNeShu tAlIsAditailaM ropaNam (55-56) · Śloka 56
tālīsaṁ padmakaṁ māṁsīharēṇvagurucandanam| haridrē padmabījāni sōśīraṁ madhukaṁ ca taiḥ||55|| pakvaṁ sadyōvraṇēṣūktaṁ tailaṁ rōpaṇamuttamam| |56|
तालीसं पद्मकं मांसीहरेण्वगुरुचन्दनम्| हरिद्रे पद्मबीजानि सोशीरं मधुकं च तैः||५५|| पक्वं सद्योव्रणेषूक्तं तैलं रोपणमुत्तमम्| |५६|
🔊 Audio coming soon
Adhikarana gUDhaprahArAbhihatAdau vAtAstrajit karma (56-57) · Śloka 57
| gūḍhaprahārābhihatē patitē viṣamōccakaiḥ||56|| kāryaṁ vātāsrajit tr̥ptimardanābhyañjanādikam| |57|
| गूढप्रहाराभिहते पतिते विषमोच्चकैः||५६|| कार्यं वातास्रजित् तृप्तिमर्दनाभ्यञ्जनादिकम्| |५७|
🔊 Audio coming soon
Adhikarana vishliShTadehAdau tailadroNyAM vAsayet (26) · Śloka 26
| viśliṣṭadēhaṁ mathitaṁ kṣīṇaṁ marmāhataṁ hatam||57|| vāsayēttailapūrṇāyāṁ drōṇyāṁ māṁsarasāśinam| 57 1/2| iti śrīvaidyapatisiṁhaguptasūnūśrīmadvāgbhaṭavira- citāyāmaṣṭāṅgahr̥dayasaṁhitāyāṁ ṣaṣṭhē uttara- sthānē sadyōvraṇapratiṣēdhō nāma ṣa- ḍviṁśō'dhyāyaḥ||26||
| विश्लिष्टदेहं मथितं क्षीणं मर्माहतं हतम्||५७|| वासयेत्तैलपूर्णायां द्रोण्यां मांसरसाशिनम्| ५७ १/२| इति श्रीवैद्यपतिसिंहगुप्तसूनूश्रीमद्वाग्भटविर- चितायामष्टाङ्गहृदयसंहितायां षष्ठे उत्तर- स्थाने सद्योव्रणप्रतिषेधो नाम ष- ड्विंशोऽध्यायः||२६||
🔊 Audio coming soon