Adhikarana shirorogapratiShedhAdhyAyaH||24|| vAtaje shirobhitApe vAtavyAdhividhiH (2-1) · Śloka 1
athaitaccikitsitaṁ vyākhyātumāha athātaḥ śirōrōgapratiṣēdhaṁ vyākhyāsyāmaḥ| iti ha smāhurātrēyādayō maharṣayaḥ| (gadyasūtrē|2| ) śirōbhitāpē'nilajē vātavyādhividhiṁ carēt| |1|
अथैतच्चिकित्सितं व्याख्यातुमाह अथातः शिरोरोगप्रतिषेधं व्याख्यास्यामः| इति ह स्माहुरात्रेयादयो महर्षयः| (गद्यसूत्रे|२| ) शिरोभितापेऽनिलजे वातव्याधिविधिं चरेत्| |१|
🔊 Audio coming soon
Adhikarana vAtaje shirobhitApe abhyaktashiraso rAtrau ghRutapAnAdi vAtaje shirobhitApe mAShAdInAM bhakShaNam vAtaje shirobhitApe piNDopanAhasvedAH vAtaje shirobhitApe vAtaghnAdisiddhakShIreNa secanam vAtaje shirobhitApe snigdhaM nasyAdikam (1-4) · Śloka 4
| ghr̥tamaktaśirā rātrau pibēduṣṇapayōnupaḥ||1|| māṣān kulatthān mudgān vā tadvatkhādēddhr̥tānvitān| tailaṁ tilānāṁ kalkaṁ vā kṣīrēṇa saha pāyayēt||2|| piṇḍōpanāhasvēdāśca māṁsadhānyakr̥tā hitāḥ| vātaghnadaśamūlādisiddhakṣīrēṇa sēcanam||3|| snigdhaṁ nasyaṁ tathā dhūmaḥ śiraḥśravaṇatarpaṇam| |4|
| घृतमक्तशिरा रात्रौ पिबेदुष्णपयोनुपः||१|| माषान् कुलत्थान् मुद्गान् वा तद्वत्खादेद्धृतान्वितान्| तैलं तिलानां कल्कं वा क्षीरेण सह पाययेत्||२|| पिण्डोपनाहस्वेदाश्च मांसधान्यकृता हिताः| वातघ्नदशमूलादिसिद्धक्षीरेण सेचनम्||३|| स्निग्धं नस्यं तथा धूमः शिरःश्रवणतर्पणम्| |४|
🔊 Audio coming soon
Adhikarana vAtaje shirobhitApe varaNAdisiddhaghRutena nasyam vAtaje shirobhitApe varaNAdipakvaghRutasya pAnam (4-6) · Śloka 6
| varaṇādau gaṇē kṣuṇṇē kṣīramardhōdakaṁ pacēt||4|| kṣīrāvaśiṣṭaṁ tacchītaṁ mathitvā sāramāharēt| tatō madhurakaiḥ siddhaṁ nasyaṁ tat pūjitaṁ haviḥ||5|| vargē'tra pakvaṁ kṣīrē ca pēyaṁ sarpiḥ saśarkaram| |6|
| वरणादौ गणे क्षुण्णे क्षीरमर्धोदकं पचेत्||४|| क्षीरावशिष्टं तच्छीतं मथित्वा सारमाहरेत्| ततो मधुरकैः सिद्धं नस्यं तत् पूजितं हविः||५|| वर्गेऽत्र पक्वं क्षीरे च पेयं सर्पिः सशर्करम्| |६|
🔊 Audio coming soon
Adhikarana vAtaje shirobhitApe kArpAsamajjAdinA nasyam vAtaje shirobhitApe pittaraktAnvaye sharkarAdighRutena nasyam (6-7) · Śloka 7
| kārpāsamajjā tvaṅmustā sumanaḥkōrakāṇi ca||6|| nasyamuṣṇāmbupiṣṭāni sarvamūrdharujāpaham| śarkarākuṅkumaśr̥taṁ ghr̥taṁ pittāsr̥ganvayē||7||
| कार्पासमज्जा त्वङ्मुस्ता सुमनःकोरकाणि च||६|| नस्यमुष्णाम्बुपिष्टानि सर्वमूर्धरुजापहम्| शर्कराकुङ्कुमशृतं घृतं पित्तासृगन्वये||७||
🔊 Audio coming soon
Adhikarana vAtaje shirobhitApe kuShThAdibhiH pralepaH vAtaje shirobhitApe atra raktasrAvo na kAryaH vAtaje shirobhitApe ityashAntau cale kaphe ca dAhaH ardhAvabhedake~apyeShA kriyA (8-9) · Śloka 9
pralēpaḥ saghr̥taiḥ kuṣṭhakuṭilōtpalacandanaiḥ| vātōdrēkabhayādraktaṁ na cāsminnavasēcayēt||8|| ityaśāntau calē dāhaḥ kaphē cēṣṭō yathōditaḥ| ardhāvabhēdakē'pyēṣā tathā dōṣānvayātkriyā||9||
प्रलेपः सघृतैः कुष्ठकुटिलोत्पलचन्दनैः| वातोद्रेकभयाद्रक्तं न चास्मिन्नवसेचयेत्||८|| इत्यशान्तौ चले दाहः कफे चेष्टो यथोदितः| अर्धावभेदकेऽप्येषा तथा दोषान्वयात्क्रिया||९||
🔊 Audio coming soon
Adhikarana ardhAvabhedake shirIShabIjAdinasyam ardhAvabhedake prapunnATAdilepaH sUryAvarte~apyeShA kriyA raktasrAvashca (10-11) · Śloka 11
śirīṣabījāpāmārgamūlaṁ nasyaṁ biḍānvitam| sthirārasō vā, lēpē tu prapunnāṭō'mlakalkitaḥ||10|| sūryōvartē'pi tasmiṁstu sirayā'paharēdasr̥k| |11|
शिरीषबीजापामार्गमूलं नस्यं बिडान्वितम्| स्थिरारसो वा, लेपे तु प्रपुन्नाटोऽम्लकल्कितः||१०|| सूर्योवर्तेऽपि तस्मिंस्तु सिरयाऽपहरेदसृक्| |११|
🔊 Audio coming soon
Adhikarana pittaje shirobhitApe sirAvyadhaH ardhAvabhedake shItAH shiromukhAlepAdayaH ardhAvabhedake jIvanIyaghRutakShIrayoH pAnaM nasyaM ca raktaje shirobhitApe~apyeShA kriyA sha~gkhake pratyAkhyAyaiShA kriyA (11-13) · Śloka 13
| śirōbhitāpē pittōtthē snigdhasya vyadhayētsirām||11|| śītāḥ śirōmukhālēpasēkaśōdhanabastayaḥ| jīvanīyaśr̥tē kṣīrasarpiṣī pānanasyayōḥ||12|| kartavyaṁ raktajē'pyētat pratyākhyāya ca śaṅkhakē| |13|
| शिरोभितापे पित्तोत्थे स्निग्धस्य व्यधयेत्सिराम्||११|| शीताः शिरोमुखालेपसेकशोधनबस्तयः| जीवनीयशृते क्षीरसर्पिषी पाननस्ययोः||१२|| कर्तव्यं रक्तजेऽप्येतत् प्रत्याख्याय च शङ्खके| |१३|
🔊 Audio coming soon
Adhikarana kaphaje shirobhitApe vamanam kaphaje rUkShAdidravyaiH svedAdayaH kaphaje upavAsaH sannipAtaje shirobhitApe mishraH kramaH (13-14) · Śloka 14
| ślēṣmābhitāpē jīrṇājyasnēhitaḥ kaṭukairvamēt||13|| svēdapralēpanasyādyā rūkṣatīkṣṇōṣṇabhēṣajaiḥ| śasyantē cōpavāsō'tra nicayē miśramācarēt||14||
| श्लेष्माभितापे जीर्णाज्यस्नेहितः कटुकैर्वमेत्||१३|| स्वेदप्रलेपनस्याद्या रूक्षतीक्ष्णोष्णभेषजैः| शस्यन्ते चोपवासोऽत्र निचये मिश्रमाचरेत्||१४||
🔊 Audio coming soon
Adhikarana kRumije sannipAtaje shirobhitApe shoNitena nasyam kRumije kRuminirharaNam kRumije viDa~ggAdisiddhena sarShapAditailena nasyam (15-17) · Śloka 17
kr̥mijē śōṇitaṁ nasyaṁ tēna mūrcchanti jantavaḥ| mattāḥ śōṇitagandhēna niryānti ghrāṇavaktrayōḥ||15|| sutīkṣṇanasyadhūmābhyāṁ kuryānnirharaṇaṁ tataḥ| viḍaṅgasvarjikādantīhiṅgugōmūtrasādhitam||16|| kaṭunimbēṅgudīpīlutailaṁ nasyaṁ pr̥thak pr̥thak| |17|
कृमिजे शोणितं नस्यं तेन मूर्च्छन्ति जन्तवः| मत्ताः शोणितगन्धेन निर्यान्ति घ्राणवक्त्रयोः||१५|| सुतीक्ष्णनस्यधूमाभ्यां कुर्यान्निर्हरणं ततः| विडङ्गस्वर्जिकादन्तीहिङ्गुगोमूत्रसाधितम्||१६|| कटुनिम्बेङ्गुदीपीलुतैलं नस्यं पृथक् पृथक्| |१७|
🔊 Audio coming soon
Adhikarana kRumije kRumijjinnasyam kRumije nasyabheShajairdhUmaH (17-18) · Śloka 18
| ajāmūtradrutaṁ nasyaṁ kr̥mijit kr̥mijitparam||17|| pūtimatsyayutaiḥ kuryād dhūmaṁ nāvanabhēṣajaiḥ| |18|
| अजामूत्रद्रुतं नस्यं कृमिजित् कृमिजित्परम्||१७|| पूतिमत्स्ययुतैः कुर्याद् धूमं नावनभेषजैः| |१८|
🔊 Audio coming soon
Adhikarana kRumije raktaM na nirharet shiraHkampe vAtAbhitApakramaH (18-19) · Śloka 19
| kr̥mibhiḥ pītaraktatvādraktamatra na nirharēt||18|| vātābhitāpavihitaḥ kampē dāhādvinā kramaḥ| |19|
| कृमिभिः पीतरक्तत्वाद्रक्तमत्र न निर्हरेत्||१८|| वाताभितापविहितः कम्पे दाहाद्विना क्रमः| |१९|
🔊 Audio coming soon
Adhikarana upashIrShake nave vAtavyAdhikriyA upashIrShake pakve vidradhikriyA vidradhau,piTikAyAM , arbude ca Amapakve yathAyogyaM karma (19-20) · Śloka 20
| navē janmōttaraṁ jātē yōjayēdupaśīrṣakē||19|| vātavyādhikriyāṁ, pakvē karma vidradhicōditam| āmapakvē yathāyōgyaṁ vidradhīpiṭikārbudē||20||
| नवे जन्मोत्तरं जाते योजयेदुपशीर्षके||१९|| वातव्याधिक्रियां, पक्वे कर्म विद्रधिचोदितम्| आमपक्वे यथायोग्यं विद्रधीपिटिकार्बुदे||२०||
🔊 Audio coming soon
Adhikarana arUMShikAyAM raktasrAvaH arUMShikAyAM ashvashakRudrasairlepaH arUMShikAyAM paTolAdipatrairlepaH (21-22) · Śloka 22
aruṁṣikā jalaukōbhirhr̥tāsrā nimbavāriṇā| siktā prabhūtalavaṇairlimpēdaśvaśakr̥drasaiḥ||21|| paṭōlanimbapatrairvā saharidraiḥ sukalkitaiḥ| gōmūtrajīrṇapiṇyākakr̥kavākumalairapi||22||
अरुंषिका जलौकोभिर्हृतास्रा निम्बवारिणा| सिक्ता प्रभूतलवणैर्लिम्पेदश्वशकृद्रसैः||२१|| पटोलनिम्बपत्रैर्वा सहरिद्रैः सुकल्कितैः| गोमूत्रजीर्णपिण्याककृकवाकुमलैरपि||२२||
🔊 Audio coming soon
Adhikarana arUMShikAyAM kapAlabhRuShTakuShThalepaH arUMShikAyAM indralupte ca mAlatyAditailenAbhya~ggaH (23-24) · Śloka 24
kapālabhr̥ṣṭaṁ kuṣṭhaṁ vā cūrṇitaṁ tailasaṁyutam| rūṁṣikālēpanaṁ kaṇḍūklēdadāhārtināśanam||23|| mālatīcitrakāśvaghnanaktamālaprasādhitam| cācārūṁṣikayōstailamabhyaṅgaḥ kṣuraghr̥ṣṭayōḥ||24||
कपालभृष्टं कुष्ठं वा चूर्णितं तैलसंयुतम्| रूंषिकालेपनं कण्डूक्लेददाहार्तिनाशनम्||२३|| मालतीचित्रकाश्वघ्ननक्तमालप्रसाधितम्| चाचारूंषिकयोस्तैलमभ्यङ्गः क्षुरघृष्टयोः||२४||
🔊 Audio coming soon
Adhikarana arUMShikAyAM ashAntau vamanAdibhiH shiraHshuddhiH dAruNake shirAvedhaH dAruNake mRujAnasyamUrddhabastInAM shIlanam dAruNake priyAlAdibhirlAkShAdibhishca lepaH dAruNake kodravakShArajalena prakShAlanam (25-27) · Śloka 27
aśāntau śirasaḥ śudhdyai yatēta vamanādibhiḥ| vidhyēcchirāṁ dāruṇakē lālāṭyāṁ, śīlayēnmr̥jām||25|| nāvanaṁ mūrddhabastiṁ ca, lēpayēcca samākṣikaiḥ| priyālabhijamadhukakuṣṭhamāṣaiḥ sasarṣapaiḥ||26|| lākṣāśamyākapatraiḍagajadhātrīphalaistathā| kōradūṣatr̥ṇakṣāravāriprakṣālanaṁ hitam||27||
अशान्तौ शिरसः शुध्द्यै यतेत वमनादिभिः| विध्येच्छिरां दारुणके लालाट्यां, शीलयेन्मृजाम्||२५|| नावनं मूर्द्धबस्तिं च, लेपयेच्च समाक्षिकैः| प्रियालभिजमधुककुष्ठमाषैः ससर्षपैः||२६|| लाक्षाशम्याकपत्रैडगजधात्रीफलैस्तथा| कोरदूषतृणक्षारवारिप्रक्षालनं हितम्||२७||
🔊 Audio coming soon
Adhikarana idralupte sirAM vidhvA pracchAya kAsIsAdibhirlepayet idralupte hastidantamaShIlepaH (28-31) · Śloka 31
indraluptē yathāsannaṁ sirāṁ vidhvā pralēpayēt| pracchāya gāḍhaṁ kāsīsamanōhvātutthakōṣaṇaiḥ||28|| vanyāmaratarubhyāṁ vā guñjāmūlaphalaistathā| tathā lāṅgalikāmūlaiḥ karavīrarasēna vā||29|| sakṣaudrakṣudravārtākasvarasēna rasēna vā| dhattūrakasya patrāṇāṁ bhallātakarasēna vā||30|| athavā mākṣikahavistilapuṣpatrikaṇṭakaiḥ| tailāktā hastidantasya maṣī cācauṣadhaṁ param||31||
इन्द्रलुप्ते यथासन्नं सिरां विध्वा प्रलेपयेत्| प्रच्छाय गाढं कासीसमनोह्वातुत्थकोषणैः||२८|| वन्यामरतरुभ्यां वा गुञ्जामूलफलैस्तथा| तथा लाङ्गलिकामूलैः करवीररसेन वा||२९|| सक्षौद्रक्षुद्रवार्ताकस्वरसेन रसेन वा| धत्तूरकस्य पत्राणां भल्लातकरसेन वा||३०|| अथवा माक्षिकहविस्तिलपुष्पत्रिकण्टकैः| तैलाक्ता हस्तिदन्तस्य मषी चाचौषधं परम्||३१||
🔊 Audio coming soon
Adhikarana idralupte shuklaromodgame meShaviShANamaShIlepaH idralupte AromodbhUterjalaseko varjyaH (32) · Śloka 32
śuklarōmōdgamē tadvanmaṣī mēṣaviṣāṇajā| varjayēdvāriṇā sēkaṁ yāvadrōmasamudbhavaḥ||32||
शुक्लरोमोद्गमे तद्वन्मषी मेषविषाणजा| वर्जयेद्वारिणा सेकं यावद्रोमसमुद्भवः||३२||
🔊 Audio coming soon
Adhikarana khalatau, palite , valyAM ,harillomni ca shodhanaM nasyavakrashirobhya~ggapradehAshca idralupte bRuhatyAditailena nasyam idralupte nimbatailena nasyam (33-34) · Śloka 34
khalatau palitē valyāṁ harillōmni ca śōdhitam| nasyavaktraśirōbhyaṅgapradēhaiḥ samupācarēt||33|| siddhaṁ tailaṁ br̥hatyādyairjīvanīyaiśca nāvanam| māsaṁ vā nimbajaṁ tailaṁ kṣīrabhuṅnāvayēdyatiḥ||34||
खलतौ पलिते वल्यां हरिल्लोम्नि च शोधितम्| नस्यवक्त्रशिरोभ्यङ्गप्रदेहैः समुपाचरेत्||३३|| सिद्धं तैलं बृहत्याद्यैर्जीवनीयैश्च नावनम्| मासं वा निम्बजं तैलं क्षीरभुङ्नावयेद्यतिः||३४||
🔊 Audio coming soon
Adhikarana palite nIlyAditailena nasyam palite kShIrAditailena nasyam (35-38) · Śloka 38
nīlīśirīṣakōraṇṭabhr̥ṅgasvarasabhāvitam| śēlvakṣatilarāmāṇāṁ bījaṁ kākāṇḍakīsamam||35|| piṣṭvā''japayasā lōhālliptādarkāśutāpitāt| tailaṁ srutaṁ kṣīrabhujō nāvanāt palitāntakr̥t||36|| kṣīrātsāhacarād bhr̥ṅgarajasaḥ saurasādrasāt| prasthaistailasya kuḍavaḥ siddhō yaṣṭipalānvitaḥ||37|| nasyaṁ śailāsanē bhāṇḍē śr̥ṅgē mēṣasya vā sthitaḥ| |38|
नीलीशिरीषकोरण्टभृङ्गस्वरसभावितम्| शेल्वक्षतिलरामाणां बीजं काकाण्डकीसमम्||३५|| पिष्ट्वाऽऽजपयसा लोहाल्लिप्तादर्काशुतापितात्| तैलं स्रुतं क्षीरभुजो नावनात् पलितान्तकृत्||३६|| क्षीरात्साहचराद् भृङ्गरजसः सौरसाद्रसात्| प्रस्थैस्तैलस्य कुडवः सिद्धो यष्टिपलान्वितः||३७|| नस्यं शैलासने भाण्डे शृङ्गे मेषस्य वा स्थितः| |३८|
🔊 Audio coming soon
Adhikarana palite dugdhikAkaravIrakalepaH harillomavalIShu kShIrAdInAM vaktralepaH (38-40) · Śloka 40
| kṣīrēṇa ślakṣṇapiṣṭai vā dugdhikākaravīrakau||38|| utpāṭya palitaṁ dēyāvāśayē palitāpahau| kṣīraṁ priyālaṁ yaṣṭyāhvaṁ jīvanīyō gaṇastilāḥ||39|| kr̥ṣṇāḥ pralēpō vaktrasya harillōmavalīhitaḥ| |40|
| क्षीरेण श्लक्ष्णपिष्टै वा दुग्धिकाकरवीरकौ||३८|| उत्पाट्य पलितं देयावाशये पलितापहौ| क्षीरं प्रियालं यष्ट्याह्वं जीवनीयो गणस्तिलाः||३९|| कृष्णाः प्रलेपो वक्त्रस्य हरिल्लोमवलीहितः| |४०|
🔊 Audio coming soon
Adhikarana keshabRuMhaNara~jjakastilAdInAM mUrddhalepaH keshasaMvardhanAni mAMsyAdIni (40-42) · Śloka 42
| tilāḥ sāmalakāḥ padmakiñjalkō madhukaṁ madhu||40|| br̥ṁhayēdrañjayēccaitat kēśān mūrddhapralēpanāt| māṁsī kuṣṭhaṁ tilāḥ kr̥ṣṇāḥ sārivā nīlamutpalam||41|| kṣaudraṁ ca kṣīrapiṣṭāni kēśasaṁvardhanaṁ param| |42|
| तिलाः सामलकाः पद्मकिञ्जल्को मधुकं मधु||४०|| बृंहयेद्रञ्जयेच्चैतत् केशान् मूर्द्धप्रलेपनात्| मांसी कुष्ठं तिलाः कृष्णाः सारिवा नीलमुत्पलम्||४१|| क्षौद्रं च क्षीरपिष्टानि केशसंवर्धनं परम्| |४२|
🔊 Audio coming soon
Adhikarana keshara~jjanaM ayorajaAdi keshara~jjanaM mAShakAdiyavAgUH (42-44) · Śloka 44
| ayōrajō bhr̥ṅgarajastriphalā kr̥ṣṇamr̥ttikā||42|| sthitamikṣurasē māsaṁ samūlaṁ palitaṁ rajēt| māṣakōdravadhānyāmlairyavāgūstridinōṣitā||43|| lōhaśuklōtkaṭā piṣṭā balākāmapi rañjayēt| |44|
| अयोरजो भृङ्गरजस्त्रिफला कृष्णमृत्तिका||४२|| स्थितमिक्षुरसे मासं समूलं पलितं रजेत्| माषकोद्रवधान्याम्लैर्यवागूस्त्रिदिनोषिता||४३|| लोहशुक्लोत्कटा पिष्टा बलाकामपि रञ्जयेत्| |४४|
🔊 Audio coming soon
Adhikarana sarvashiroroge palite ca prapauNDarIkAditailam (44-45) · Śloka 45
| prapauṇḍarīkamadhukapippalīcandanōtpalaiḥ||44|| siddhaṁ dhātrīrasē tailaṁ nasyēnābhyañjanēna ca| sarvān mūrdhagadān hanti palitāni ca śīlitam||45||
| प्रपौण्डरीकमधुकपिप्पलीचन्दनोत्पलैः||४४|| सिद्धं धात्रीरसे तैलं नस्येनाभ्यञ्जनेन च| सर्वान् मूर्धगदान् हन्ति पलितानि च शीलितम्||४५||
🔊 Audio coming soon
Adhikarana sarvashiroroge palite ca vanyAdiyamakena nasyam (46) · Śloka 46
varījīvantiniryāsapayōbhiryamakaṁ pacēt| jīvanīyaiśca tannasyaṁ sarvajatrūrdhvarōgajit||46||
वरीजीवन्तिनिर्यासपयोभिर्यमकं पचेत्| जीवनीयैश्च तन्नस्यं सर्वजत्रूर्ध्वरोगजित्||४६||
🔊 Audio coming soon
Adhikarana sarvashiroroge palite ca mAyUraM ghRutam (47-49) · Śloka 49
mayūraṁ pakṣapittāntrapādaviṭtuṇḍavarjitam| daśamūlavalārāsnāmadhukaistripalairyutam||47|| jalē paktvā ghr̥taprasthaṁ tasmin kṣīrasamaṁ pacēt| kalkitairmadhuradravyaiḥ sarvajatrūrdhvarōgajit||48|| tadabhyāsīkr̥taṁ pānabastyabhyañjananāvanaiḥ| |49|
मयूरं पक्षपित्तान्त्रपादविट्तुण्डवर्जितम्| दशमूलवलारास्नामधुकैस्त्रिपलैर्युतम्||४७|| जले पक्त्वा घृतप्रस्थं तस्मिन् क्षीरसमं पचेत्| कल्कितैर्मधुरद्रव्यैः सर्वजत्रूर्ध्वरोगजित्||४८|| तदभ्यासीकृतं पानबस्त्यभ्यञ्जननावनैः| |४९|
🔊 Audio coming soon
Adhikarana sarvashiroroge palite ca mahAmAyUraM ghRutam (49-56) · Śloka 56
| ētēnaiva kaṣāyēṇa ghr̥taprasthaṁ vipācayēt||49|| caturguṇēna payasā kalkairēbhiśca kārṣikaiḥ| jīvantītriphalāmēdāmr̥dvīkarddhiparūṣakaiḥ||50|| samaṅgācavikābhārgīkāśmarīkarkaṭāhvayaiḥ| ātmaguptāmahāmēdātālakharjūramastakaiḥ||51|| mr̥ṇālabisakharjūrayaṣṭīmadhukajīvakaiḥ| śatāvarīvidārīkṣubr̥hatīsārivāyugaiḥ||52|| mūrvāśvadaṁṣṭrarṣabhakaśr̥ṅgāṭakakasērukaiḥ| rāsnāsthirātāmalakīsūkṣmailāśaṭhipauṣkaraiḥ||53|| punarnavātavakṣīrīkākōlīdhanvayāsakaiḥ| madhūkākṣōṭavātāmamuñjātābhiṣukairapi||54|| mahāmāyuramityētanmāyūrādadhikaṁ guṇaiḥ| dhātvindriyasvarabhraṁśaśvāsakāsārditāpaham||55|| yēnyasr̥kśukradōṣēṣu śastaṁ vandhyāsutapradam| |56|
| एतेनैव कषायेण घृतप्रस्थं विपाचयेत्||४९|| चतुर्गुणेन पयसा कल्कैरेभिश्च कार्षिकैः| जीवन्तीत्रिफलामेदामृद्वीकर्द्धिपरूषकैः||५०|| समङ्गाचविकाभार्गीकाश्मरीकर्कटाह्वयैः| आत्मगुप्तामहामेदातालखर्जूरमस्तकैः||५१|| मृणालबिसखर्जूरयष्टीमधुकजीवकैः| शतावरीविदारीक्षुबृहतीसारिवायुगैः||५२|| मूर्वाश्वदंष्ट्रर्षभकशृङ्गाटककसेरुकैः| रास्नास्थिरातामलकीसूक्ष्मैलाशठिपौष्करैः||५३|| पुनर्नवातवक्षीरीकाकोलीधन्वयासकैः| मधूकाक्षोटवाताममुञ्जाताभिषुकैरपि||५४|| महामायुरमित्येतन्मायूरादधिकं गुणैः| धात्विन्द्रियस्वरभ्रंशश्वासकासार्दितापहम्||५५|| येन्यसृक्शुक्रदोषेषु शस्तं वन्ध्यासुतप्रदम्| |५६|
🔊 Audio coming soon
Adhikarana sarvashiroroge palite ca mUShakAdibhirevaM kalpayet jatrUrdhvajA ekatriMshacchatadvayamitA vyAdhayaH (56-57) · Śloka 57
| ākhubhiḥ kukkuṭairhaṁsaiḥ śaśaiścēti prakalpayēt||56|| jatrūrdhvajānāṁ vyādhīnāmēkatriṁśacchatadvayam| parasparamasaṅkīrṇaṁ vistarēṇa prakāśitam||57||
| आखुभिः कुक्कुटैर्हंसैः शशैश्चेति प्रकल्पयेत्||५६|| जत्रूर्ध्वजानां व्याधीनामेकत्रिंशच्छतद्वयम्| परस्परमसङ्कीर्णं विस्तरेण प्रकाशितम्||५७||
🔊 Audio coming soon
Adhikarana mUlaprahAriNAM rogANAM tvaritamupakramaH (58) · Śloka 58
ūrdhvamūlamadhaḥśākhamr̥ṣayaḥ puruṣaṁ viduḥ| mūlaprahāriṇastasmād rōgān śīghrataraṁ jayēt||58||
ऊर्ध्वमूलमधःशाखमृषयः पुरुषं विदुः| मूलप्रहारिणस्तस्माद् रोगान् शीघ्रतरं जयेत्||५८||
🔊 Audio coming soon
Adhikarana uttamA~ggasya rakShaNe sAvadhAnatA (59-24) · Śloka 24
sarvēndriyāṇi yēnāsmin prāṇā yēna ca saṁśritāḥ| tēna tasyōttamāṅgasya rakṣāyāmādr̥tō bhavēt||59|| iti śrīvaidyapatisiṁhaguptasūnuśrīmadvāgbhaṭa- viracitāyāmaṣṭāṅgahr̥dayasaṁhitāyāṁ ṣaṣṭhē uttara- sthānē śirōrōgapratiṣēdhō nāma- caturviṁśō'dhyāyaḥ||24||
सर्वेन्द्रियाणि येनास्मिन् प्राणा येन च संश्रिताः| तेन तस्योत्तमाङ्गस्य रक्षायामादृतो भवेत्||५९|| इति श्रीवैद्यपतिसिंहगुप्तसूनुश्रीमद्वाग्भट- विरचितायामष्टाङ्गहृदयसंहितायां षष्ठे उत्तर- स्थाने शिरोरोगप्रतिषेधो नाम- चतुर्विंशोऽध्यायः||२४||
🔊 Audio coming soon