14. kuṣṭhaśvitrakr̥minidānam

Adhikarana atha kuShThashvitrakRuminidAnaM nAma caturdasho~adhyAyaH | pratij~jA (1) · Śloka 1

ಅಥಾತಃ ಕುಷ್ಠಶ್ವಿತ್ರಕೃಮಿನಿದಾನ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana kuShThanidAnaM samprAptishca (2) · Śloka 2

ಮಿಥ್ಯಾಹಾರವಿಹಾರೇಣ ವಿಶೇಷೇಣ ವಿರೋಧಿನಾ| ಸಾಧುನಿನ್ದಾವಧಾನ್ಯಸ್ವಹರಣಾದ್ಯೈಶ್ಚ ಸೇವಿತೈಃ| ಪಾಪ್ಮಭಿಃ ಕರ್ಮಭಿಃ ಸದ್ಯಃ ಪ್ರಾಕ್ತನೈರ್ವೇರಿತಾ ಮಲಾಃ| ಸಿರಾಃ ಪ್ರಪದ್ಯ ತಿರ್ಯ್ಯಗ್ಗಾಸ್ತ್ವಗ್ಲಸೀಕಾಸೃಗಾಮಿಷಮ್| ದೂಷಯನ್ತಃ ಶ್ಲಥೀಕೃತ್ಯ ನಿಶ್ಚರನ್ತಸ್ತತೋ ಬಹಿಃ| ತ್ವಚಃ ಕುರ್ವನ್ತಿ ವೈವರ್ಣ್ಯಂ ದುಷ್ಟಾಃ ಕುಷ್ಠಮುಶನ್ತಿ ತತ್||೨||

Adhikarana kuShThashabdanirvacanam (3) · Śloka 3

ಕಾಲೇನೋಪೇಕ್ಷಿತಂ ಯಸ್ಮಾತ್ಸರ್ವಂ ಕುಷ್ಣಾತಿ ತದ್ವಪುಃ||೩||

Adhikarana bAhyakuShThasya samprAptiH (4) · Śloka 4

ಪ್ರಪದ್ಯ ಧಾತೂನ್ ವ್ಯಾಪ್ಯಾನ್ತಃ ಸರ್ವನ್ ಸಂಕ್ಲೇದ್ಯ ಚಾವಹೇತ್| ಸಸ್ವೇದಕ್ಲೇದಸಙ್ಕೋಥಾನ್ ಕೃಮೀನ್ ಸೂಕ್ಷ್ಮಾನ್ ಸುದಾರುಣಾನ್| ಲೋಮತ್ವಕ್ಸ್ನಾಯುಧಮನೀಸ್ತರುಣಾಽಸ್ಥೀನಿ ಯೈಃ ಕ್ರಮಾತ್| ಭಕ್ಷಯೇಚ್ಛ್ವಿತ್ರಮಸ್ಮಾಚ್ಚ ಕುಷ್ಠಂ ಬಾಹ್ಯಮುದಾಹೃತಮ್||೪||

Adhikarana kuShThaprabhedAH (5) · Śloka 5

ಕುಷ್ಠಾನಿ ಸಪ್ತಧಾ ದೋಷೈಃ ಪೃಥಙ್ಮಿಶ್ರೈಃ ಸಮಾಗತೈಃ||೫||

Adhikarana tridoShajatve~api kuShThAnAM doShAdhikyAnurodhena vyapadeshaH (6) · Śloka 6

ಸರ್ವೇಷ್ವಪಿ ತ್ರಿದೋಷೇಷು ವ್ಯಪದೇಶೋಽಧಿಕತ್ವತಃ||೬||

Adhikarana kuShThaprabhedeShu doShAdhikyAnmahAkuShThAni (7) · Śloka 7

ವಾತೇನ ಕುಷ್ಠಂ ಕಾಪಾಲಂ ಪಿತ್ತಾದೌದುಮ್ಬರಂ ಕಫಾತ್| ಮಣ್ಡಲಾಖ್ಯಂ ವಿಚರ್ಚೀ ಚ ಋಶ್ಯಾಖ್ಯಂ ವಾತಪಿತ್ತಜಮ್| ಚರ್ಮೈಕಕುಷ್ಠಕಿಟಿಭಸಿಧ್ಮಾಲಸವಿಪಾದಿಕಾಃ| ವಾತಶ್ಲೇಷ್ಮೋದ್ಭವಾಃ ಶ್ಲೇಷ್ಮಪಿತ್ತಾದ್ರುದ್ದಶತಾರುಷೀ| ಪುಣ್ಡರೀಕಂ ಸವಿಸ್ಫೋಟಂ ಪಾಮಾ ಚರ್ಮದಲಂ ತಥಾ| ಸರ್ವೈಃ ಸ್ಯಾತ್ಕಾಕಣಂ ಪರ್ವಂ ತ್ರಿಕಂ ದದ್ರು ಸಕಾಕಣಮ್| ಪುಣ್ಡರೀಕರ್ಶ್ಯಜಿಹ್ವೇ ಚ ಮಹಾಕುಷ್ಠಾನಿ ಸಪ್ತ ತು||೭||

Adhikarana kuShThapUrvarUpam (8) · Śloka 8

ಅತಿಶ್ಲಕ್ಷ್ಣಖರಸ್ಪರ್ಶಸ್ವೇದಾಸ್ವೇದವಿವರ್ಣತಾಃ| ದಾಹಃ ಕಣ್ಡೂಸ್ತ್ವಚಿ ಸ್ವಾಪಸ್ತೋದಃ ಕೋಠೋನ್ನತಿಃ ಶ್ರಮಃ| ವ್ರಣಾನಾಮಧಿಕಂ ಶೂಲಂ ಶೀಘ್ರೋತ್ಪತ್ತಿಶ್ಚಿರಸ್ಥಿತಿಃ| ರೂಢಾನಾಮಪಿ ರೂಕ್ಷತ್ವಂ ನಿಮಿತ್ತೇಽಲ್ಪೇಽಪಿ ಕೋಥನಮ್| ರೋಮಹರ್ಷೋಽಸೃಜಃ ಕಾರ್ಷ್ಣ್ಯಂ ಕುಷ್ಠಲಕ್ಷಣಮಗ್ರಜಮ್||೮||

Adhikarana kApAlakuShThalakShaNam (9) · Śloka 9

ಕೃಷ್ಣಾರುಣಕಪಾಲಾಭಂ ರೂಕ್ಷಂ ಸುಪ್ತಂ ಖರಂ ತನು| ವಿಸ್ತೃತಾಸಮಪರ್ಯ್ಯನ್ತಂ ಹೃಷಿತೈರ್ಲೋಮಭಿಶ್ಚಿತಮ್| ತೋದಾಢ್ಯಮಲ್ಪಕಣ್ಡೂಕಂ ಕಾಪಾಲಂ ಶೀಘ್ರಸರ್ಪಿ ಚ||೯||

Adhikarana audumbarakuShThalakShaNam (10) · Śloka 10

ಪಕ್ವೋದುಮ್ಬರತಾಮ್ರತ್ವಗ್ರೋಮಗೌರಸಿರಾಚಿತಮ್| ಬಹಲಂ ಬಹುಲಕ್ಲೇದಂ ರಕ್ತಂ ದಾಹರುಜಾಕರಮ್| ಆಶೂತ್ಥಾನಾವದರಣಕೃಮಿವಿದ್ಯಾದುದುಮ್ಬರಮ್||೧೦||

Adhikarana maNDalakuShThalakShaNam (11) · Śloka 11

ಸ್ಥಿರಂ ಸ್ತ್ಯಾನಂ ಗುರು ಸ್ನಿಗ್ಧಂ ಶ್ವೇತರಕ್ತಮನಾಶುಗಮ್| ಅನ್ಯೋನ್ಯಾಸಕ್ತಮುತ್ಸನ್ನಂ ಬಹುಕಣ್ಡೂಸ್ರುತಿಕ್ರಿಮೀ| ಶ್ಲಕ್ಷ್ಣಪೀತಾಭಪರ್ಯ್ಯನ್ತಂ ಮಣ್ಡಲಂ ಪರಿಮಣ್ಡಲಮ್||೧೧||

Adhikarana vicarcikAkuShThalakShaNam (12) · Śloka 12

ಸಕಣ್ಡೂಪಿಟಕಾಶ್ಯಾವಾಲಸೀಕಾಢ್ಯಾ ವಿಚರ್ಚಿಕಾ||೧೨||

Adhikarana RuShyajihvakuShThalakShaNam (13) · Śloka 13

ಪರುಷಂ ತನುರಕ್ತಾನ್ತಮನ್ತಃ ಶ್ಯಾವಂ ಸಮುನ್ನತಮ್| ಸತೋದದಾಹಸೃಕ್ಕ್ಲೇದಂ ಕರ್ಕಶೈಃ ಪಿಟಕೈಶ್ಚಿತಮ್| ಋಷ್ಯಜಿಹ್ವಾಕೃತಿಪ್ರೋಕ್ತಮೃಷ್ಯಜಿಹ್ವಂ ಬಹಿಕೃಮಿ||೧೩||

Adhikarana carmaikakuShThalakShaNam (14) · Śloka 14

ಹಸ್ತಿಚರ್ಮಖರಸ್ಪರ್ಶಂ ಚರ್ಮ .......................||೧೪||

Adhikarana ekAkhyakuShThalakShaNam (15) · Śloka 15

.................................. ಏಕಾಖ್ಯಂ ಮಹಾಶ್ರಯಮ್| ಅಸ್ವೇದಂ ಮತ್ಸ್ಯಶಕಲಸನ್ನಿಭಂ .........................||೧೫||

Adhikarana kiTibhakuShThalakShaNam (16) · Śloka 16

................................... ಕಿಟಿಭಂ ಪುನಃ| ರೂಕ್ಷಂ ಕಿಣಖರಸ್ಪರ್ಶಂ ಕಣ್ಡೂಮತ್ಪರುಷಾಸಿತಮ್||೧೬||

Adhikarana sidhmakuShThalakShaNam (17) · Śloka 17

ಸಿಧ್ಮಂ ರೂಕ್ಷಂ ಬಹಿಃ ಸ್ನಿಗ್ಧಮನ್ತರ್ಘೃಷ್ಟಂ ರಜಃ ಕಿರೇತ್| ಶ್ಲಕ್ಷ್ಣಸ್ಪರ್ಶಂ ತನುಶ್ವೇತತಾಮ್ರಂ ದೌಗ್ಧಿಕಪುಷ್ಪವತ್| ಪ್ರಾಯೇಣ ಚೋರ್ಧ್ವಕಾಯೇ ಸ್ಯಾತ್ ...........................||೧೭||

Adhikarana alasakuShThalakShaNam (18) · Śloka 18

.............................. ಗಣ್ಡೈಃ ಕಣ್ಡೂಯುತೈಶ್ಚಿತಮ್| ರಕ್ತೈರಲಸಕಂ ..........................................||೧೮||

Adhikarana vipAdikAkuShThalakShaNam (19) · Śloka 19

....................... ಪಾಣಿಪಾದದಾರ್ಯೋ ವಿಪಾದಿಕಾಃ| ತೀವ್ರಾತ್ಯೋ ಮನ್ದಕಣ್ಡ್ವಶ್ಚ ಸರಾಗಪಿಟಕಾಚಿತಾಃ||೧೯||

Adhikarana dadrukuShThalakShaNam (20) · Śloka 20

ದೀರ್ಘಪ್ರತಾನಾ ದೂರ್ವಾವದತಸೀಕುಸುಮಚ್ಛವಿಃ| ಉತ್ಸನ್ನಮಣ್ಡಲಾ ದದ್ರುಃ ಕಣ್ಡೂಮತ್ಯನುಷಙ್ಗಿಣೀ||೨೦||

Adhikarana shatArukuShTham (21) · Śloka 21

ಸ್ಥೂಲಮೂಲಂ ಸದಾಹಾರ್ತಿರಕ್ತಶ್ಯಾವಂ ಬಹುವ್ರಣಮ್| ಶತಾರುಃ ಕ್ಲೇದಜನ್ತ್ವಾಢ್ಯಂ ಪ್ರಾಯಶಃ ಪೂರ್ವಜನ್ಮ ಚ||೨೧||

Adhikarana puNDarIkakuShTham (22) · Śloka 22

ರಕ್ತಾನ್ತಮನ್ತರಾಪಾಣ್ಡುಕಣ್ಡೂದಾಹರುಜಾನ್ವಿತಮ್| ಸೋತ್ಸೇಧಮಾಚಿತಂ ರಕ್ತೈಃ ಪದ್ಮಪತ್ರಮಿವಾಂಶುಭಿಃ| ಘನಭೂರಿಲಸೀಕಾಸೃಕ್ಪ್ರಾಯಮಾಶು ಬಿಭೇದಿ ಚ| ಪುಣ್ಡರೀಕಮ್ ............................||೨೨||

Adhikarana visphoTakuShTham (23) · Śloka 23

........... ತನುತ್ವಗ್ಭಿಶ್ಚಿತಂ ಸ್ಫೋಟೈಃ ಸಿರಾರುಣೈಃ| ವಿಸ್ಫೋಟಃ ............................................||೨೩||

Adhikarana pAmAkuShThalakShaNam (24) · Śloka 24

............................. ಪಿಟಕಾಃ ಪಾಮಾಕಣ್ಡೂಕ್ಲೇದರುಜಾಧಿಕಾಃ| ಸೂಕ್ಷ್ಮಾಃ ಶ್ಯಾವಾರುಣಾಃ ಬಹ್ವಯಃ ಪ್ರಾಯಃ ಸ್ಫಿಕ್ಪಾಣಿಕೂರ್ಪರೇ||೨೪||

Adhikarana carmadalakuShThalakShaNam (25) · Śloka 25

ಸಸ್ಫೋಟಮಸ್ಪರ್ಶಸಹಂ ಕಣ್ಡ್ವಾತೋದದಾಹವತ್| ರಕ್ತಂ ದಲಚ್ಚರ್ಮದಲಃ ..................||೨೫||

Adhikarana kAkaNakuShThalakShaNam (26) · Śloka 26

........................... ಕಾಕಣಂ ತೀವ್ರದಾಹರುಕ್| ಪೂರ್ವಂ ರಕ್ತಞ್ಚ ಕೄಷ್ಣಞ್ಚ ಕಾಕನನ್ದೀಫಲೋಪಮಮ್| ಕುಷ್ಠಲಿಙ್ಗೈರ್ಯುತಂ ಸರ್ವೈರ್ನೈಕವರ್ಣಂ ತತೋ ಭವೇತ್||೨೬||

Adhikarana kuShTheShu doSholbaNatAM tattalli~ggakarmabhirvidyAt (27) · Śloka 27

ದೋಷಭೇದೀಯವಿಹಿತೈರಾದಿಶೇಲ್ಲಿಙ್ಗಕರ್ಮಭಿಃ| ಕುಷ್ಠೇಷು ದೋಷೋಲ್ಬಣತಾಂ .................||೨೭||

Adhikarana kuShThe asAdhyaM kuShTham (28) · Śloka 28

............................... ಸರ್ವದೋಷೋಲ್ಬಣಂ ತ್ಯಜೇತ್| ರಿಷ್ಟೋಕ್ತಂ ಯಚ್ಚ ಯಚ್ಚಾಸ್ಥಿಮಜ್ಜಶುಕ್ರಸಮಾಶ್ರಯಮ್||೨೮||

Adhikarana yApyakuShTham (29) · Śloka 29

ಯಾಪ್ಯಂ ಮೇದೋಗತಂ ..............................||೨೯||

Adhikarana kRucchrakuShTham (30) · Śloka 30

.............................. ಕೃಚ್ಛ್ರಂ ಪಿತ್ತಾದ್ವನ್ದ್ವಾಸ್ರಮಾಂಸಗಮ್||೩೦||

Adhikarana sukhasAdhyaM kuShTham (31) · Śloka 31

ಅಕೃಚ್ಛ್ರಂ ಕಫವಾತಢ್ಯಂ ತ್ವಕ್ಸ್ಥಮೇಕಮಲಞ್ಚ ಯತ್||೩೧||

Adhikarana tvaggatakuShThalakShaNam (32) · Śloka 32

ತತ್ರ ತ್ವಚಿ ಸ್ಥಿತೇ ಕುಷ್ಠೇ ತೋದವೈವರ್ಣ್ಯರೂಕ್ಷತಾಃ||೩೨||

Adhikarana tvaggatakuShThalakShaNam (33) · Śloka 33

ಸ್ವೇದಸ್ವಾಪಶ್ವಯಥವಃ ಶೋಣಿತೇ||೩೩||

Adhikarana mAMsagatakuShThalakShaNam (34) · Śloka 1

ಪಾಣಿಪಾದಾಶ್ರಿತಾಃ ಸ್ಫೋಟಾಃ ಕ್ಲೇದಃ ಸನ್ಧಿಷು ಚಾಧಿಕಮ್||೧||

Adhikarana medogatakuShThalakShaNam (35) · Śloka 35

ಕೌಣ್ಯಂ ಗತಿಕ್ಷಯೋಽಙ್ಗಾನಾಂ ದೂಲನಂ ಸ್ಯಾಚ್ಚ ಮೇದಸಿ||೩೫||

Adhikarana asthimajjagatakuShTha lakShaNam (36) · Śloka 36

ನಾಸಾಭಙ್ಗೋಽಸ್ಥಿಮಜ್ಜಸ್ಥೇ ನೇತ್ರರಾಗಃ ಸ್ವರಕ್ಷಯಃ| ಕ್ಷತೇ ಚ ಕೃಮಯಃ ..............................||೩೬||

Adhikarana shukragatakuShThalakShaNam (37) · Śloka 37

........................ ಶುಕ್ರೇ ಸ್ವದಾರಾಪತ್ಯಬಾಧನಮ್||೩೭||

Adhikarana raktAdyAshritakuShTheShu yathApUrvaM li~ggAnA~jca sambhavaH (38) · Śloka 38

ಯಥಾಪೂರ್ವಞ್ಚ ಸರ್ವಾಣಿ ಸ್ಯುರ್ಲಿಙ್ಗಾನ್ಯಸೃಗಾದಿಷು||೩೮||

Adhikarana shvitrasya nidAnAdi (39) · Śloka 39

ಕುಷ್ಠೈಕಸಮ್ಭವಂ ಶ್ವಿತ್ರಂ ಕಿಲಾಸಂ ಚಾರುಣಞ್ಚ ತತ್| ನಿರ್ದಿಷ್ಟಮಪರಿಸ್ರಾವಿತ್ರಿಧಾತೂದ್ಭವಸಂಶ್ರಯಮ್||೩೯||

Adhikarana shvitre doShabhedena varNabhedaH (40) · Śloka 40

ವಾತಾದ್ರೂಕ್ಷಾರುಣಂ ಪಿತ್ತಾತ್ತಾಮ್ರಂ ಕಮಲಪತ್ರವತ್| ಸದಾಹಂ ರೋಮವಿಧ್ವಂಸಿಕಫಾಚ್ಛ್ವೇತಂ ಘನಂ ಗುರುಃ| ಸಕಣ್ಡೂ ಚ ಕ್ರಮಾದ್ರಕ್ತಮಾಂಸಮೇದಸ್ಸು ಚಾದಿಶೇತ್||೪೦||

Adhikarana shvitre yathottaraM kRucchratvam (41) · Śloka 41

ವರ್ಣೇನೈವೇದೃಗುಭಯಂ ಕೃಚ್ಛ್ರಂ ತಚ್ಚೋತ್ತರೋತ್ತರಮ್||೪೧||

Adhikarana sAdhyashvitralakShaNam (42) · Śloka 42

ಅಶುಕ್ಲರೋಮಾ ಬಹುಲಮಸಂಸೃಷ್ಟಂ ಮಿಥೋನವಮ್| ಅನಗ್ನಿದಗ್ಧಜಂ ಸಾಧ್ಯಂ ಶ್ವಿತ್ರಂ ..........||೪೨||

Adhikarana asAdhyashvitralakShaNam (43) · Śloka 43

.......................... ವರ್ಜ್ಯಮತೋಽನ್ಯಥಾ| ಗುಹ್ಯಪಾಣಿತಲೋಷ್ಠೇಶು ಜಾತಮಪ್ಯಚಿರನ್ತನಮ್| ವರ್ಜನೀಯಂ ವಿಶೇಷೇಣ ಕಿಲಾಸಂ ಸಿದ್ಧಿಮಿಚ್ಛತಾ||೪೩||

Adhikarana sarvarogANAM sa~gkrAmakatvam (44) · Śloka 44

ಸ್ಪರ್ಶೈಕಾಹಾರಶ್ಯ್ಯಾದಿಸೇವನಾತ್ ಪ್ರಾಯಶೋ ಗದಾಃ| ಸರ್ವೇ ಸಞ್ಚಾರಿಣೋ ನೇತ್ರತ್ವಗ್ವಿಕಾರಾವಿಶೇಷತಃ||೪೪||

Adhikarana kRumINAM dvaividhyam (45) · Śloka 45

ಕೃಮಯಸ್ತು ದ್ವಿಧಾ ಪ್ರೋಕ್ತಾ ಬಾಹ್ಯಾಭ್ಯನ್ತರಭೇದತಃ||೪೫||

Adhikarana kRumINAM cAturvidhyam (46) · Śloka 46

ಬಹಿರ್ಮಲಕಫಾಸೃಗ್ವಿಡ್ಜನ್ಮಭೇದಾಚ್ಚತುರ್ವಿಧಾಃ||೪೬||

Adhikarana kRumINAM sa~gkhyA (47) · Śloka 47

ನಾಮತೋ ವಿಂಶತಿವಿಧಾಃ ..............................||೪೭||

Adhikarana bAhyakRuminidAnapramANAdi (48) · Śloka 48

.................................ಬಾಹ್ಯಾಸ್ತತ್ರಾಮೃತೋದ್ಭವಾಃ| ತಿಲಪ್ರಮಾಣಸಂಸ್ಥಾನವರ್ಣಾಃ ಕೇಶಾಮ್ಬರಾಶ್ರಯಾಃ| ಬಹುಪಾದಾಶ್ಚ ಸೂಕ್ಷ್ಮಾಶ್ಚ ಯೂಕಾ ಲಿಕ್ಷಾಶ್ಚ ನಾಮತಃ| ದ್ವಿಧಾ ತೇ ಕೋಠಪಿಟಕಾಕಣ್ಡೂಕಣ್ಡಾನ್ ಪ್ರಕುರ್ವತೇ||೪೮||

Adhikarana AntarakRumINAM kAraNAtkuShThotpattiH (49) · Śloka 49

ಕುಷ್ಠೈಕಸಮ್ಭವೋಽನ್ತರ್ಜಾಃ...........................||೪೯||

Adhikarana shleShmajakRumINAM visheShanidAnam (50) · Śloka 50

............................ ಶ್ಲೇಷ್ಮಜಾಸ್ತೇಷು ಚಾಧಿಕಮ್| ಮಧುರಾನ್ನಗುಡಕ್ಷೀರದಧಿಸಕ್ತುನವೋದನೈಃ||೫೦||

Adhikarana purIShajakRumINAM visheShanidAnam (51) · Śloka 51

ಶಕೃಜ್ಜಾ ಬಹುವಿಡ್ಧಾನ್ಯಪರ್ಣಶಾಕೌಕುಲಾದಿಭಿಃ||೫೧||

Adhikarana kaphajakRumINAM sambhavasthAnAni (52) · Śloka 52

ಕಫಾದಾಽಽಮಾಶಯೇ ಜಾತಾ ಬದ್ಧಾ ಸರ್ಪನ್ತಿ ಸರ್ವತಃ| ಪೃಥುಬ್ರಧ್ನನಿಭಾಃ ಕೇಚಿತ್ಕೇಚಿತ್ ಗಣ್ಡೂಪದೋಪಮಾಃ| ರೂಢಧಾನ್ಯಾಙ್ಕುರಾಕಾರಾಸ್ತನುದೀರ್ಘಾಸ್ತಥಾಣವಃ| ಶ್ವೇತಾ ತಾಮ್ರಾವಭಾಸಾಶ್ಚ ನಾಮತಃ ಸಪ್ತಧಾ ತು ತೇ| ಅನ್ತ್ರಾದಾ ಉದರವೇಷ್ಟಾಹೃದಯಾದಾ ಮಹಾರೂಹಾಃ| ಚುರವೋ ದರ್ಭಕುಸುಮಾಃ ಸುಗನ್ಧಾಃ ತೇ ತು ಕುರ್ವತೇ| ಹೃಲ್ಲಾಸಮಾಸ್ಯಸ್ರವಣಮವಿಪಾಕಮರೋಚಕಮ್| ಮೂರ್ಚ್ಛಾಚ್ಛರ್ದಿಜ್ವರಾನಾಹಕಾರ್ಶ್ಯಕ್ಷವಥುಪೀನಸಾನ್||೫೨||

Adhikarana raktajakRumINAM sthAnamAkRutishca (53) · Śloka 53

ರಕ್ತವಾಹಿಸಿರಾಸ್ಥಾನಾರಕ್ತಜಾ ಜನ್ತವೋಷ್ಣವಃ| ಅಪಾದಾವೃತ್ತತಾಮ್ರಾಶ್ಚ ಸೌಕ್ಷ್ಮ್ಯಾತ್ಕೇಚಿದದರ್ಶನಾಃ||೫೩||

Adhikarana raktajakRumINAM nAmAni (54) · Śloka 54

ಕೇಶಾದಾ ಲೋಮವಿಧ್ವಂಸಾ ಲೋಮದ್ವೀಪಾ ಉದುಮ್ಬರಾಃ| ಷಟ್ ತೇ ಕುಷ್ಠೈಕಕರ್ಮಾಣಃ ಸಹಸೌರಸಮಾತರಃ||೫೪||

Adhikarana purIShajakRumINAM sthAnam (55) · Śloka 55

ಪಕ್ವಾಶಯೇ ಪುರೀಷೋತ್ಥಾ ಜಾಯನ್ತೇಽಧೋವಿಸರ್ಪಿಣಃ||೫೫||

Adhikarana purIShajakRumINAM vRuddhau lakShaNAni (56) · Śloka 56

ವೃದ್ಧಾಸ್ತೇ ಸ್ಯುರ್ಭವೇಯುಶ್ಚ ತೇ ಯದಾಮಾಶಯೋನ್ಮುಖಾಃ| ತದಾಽಸ್ಯೋದ್ಗಾರನಿಃಶ್ವಾಸಾವಿಡ್ಗನ್ಧಾನುವಿಧಾಯಿನಃ||೫೬||

Adhikarana purIShajakRumINAmAkRutirvarNashca (57) · Śloka 57

ಪುಥುವೃತ್ತತನುಸ್ಥೂಲಾಃ ಶ್ಯಾವಪೀತಸಿತಾಸಿತಾಃ||೫೭||

Adhikarana purIShajakRumINAM nAmAni (58) · Śloka 58

ತೇ ಪಞ್ಚ ನಾಮ್ನಾ ಕೃಮಯಃ ಕಕೇತುಕಮಕೇರುಕಾಃ| ಸೌಸುರಾದಾಃ ಸಲೂನಾಖ್ಯಾ ಲೇಹಿಹಾಃ...............||೫೮||

Adhikarana purIShajakRumivikArAH (59-14) · Śloka 14

.................................ಜನಯನ್ತಿ ಚ| ವಿಡ್ಭೇದಶೂಲವಿಷ್ಟಮ್ಭಕಾರ್ಶ್ಯಪಾರುಷ್ಯಪಾಣ್ಡುತಃ| ರೋಮಹರ್ಷಾಗ್ನಿಸದನಗುದಕಣ್ಡೂವಿನಿರ್ಗಮಾನ್||೫೯|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾವಷ್ಟಾಙ್ಗ- ಸಂಗ್ರಹಸಂಹಿತ್ಯಾಂ ನಿದಾನಸ್ಥಾನೇ ಕುಷ್ಠಶ್ವಿತ್ರಕೃಮಿ- ನಿದಾನಂನಾಮ ಚತುರ್ದಶೋಽಧ್ಯಾಯಃ||೧೪||