9. mūtrāghātanidānam

Adhikarana atha mUtrAghAtanidAnaM nAma navamo~adhyAyaH | pratij~jA (1) · Śloka 1

অথাতো মূত্রাঘাতনিদানং ব্যাখ্যাস্যামঃ| ইতি হ স্মাহুরত্রেযাদযো মহর্ষযঃ||১||

Adhikarana mUtrAghAtaprabhedAH (2) · Śloka 2

বিংশতির্মূত্রাঘাতা ভবন্তি| তদ্যথা বাতাপিত্তকফসন্নি- পাতকৃচ্ছ্রাণি| বাতপিত্তশ্লেষ্মশুক্রাশ্মর্য্যঃ| বাত- বস্ত্যষ্ঠীলাকুণ্ডলিকামূত্রাতীতজঠরোত্সঙ্গগ্রন্থিশুক্র- বিড্বিঘাতোষ্ণবাতমূত্রক্ষযাবসাদাশ্চেতি||২||

Adhikarana vAtottarA mUtrAghAtAH (3) · Śloka 3

তত্র বাতবস্ত্যাদযো নব বাতোল্বণাঃ||৩||

Adhikarana vAtapittolbaNAvuShNavAtamUtrakShayau (4) · Śloka 4

ততো দ্বৌ বাতপিত্তোল্বণৌ||৪||

Adhikarana kaphapittolbaNo mUtrAvasAdaH (5) · Śloka 5

অন্ত্যঃ কফপিত্তোল্বণঃ||৫||

Adhikarana mUtrarogA~adhiShThAnasya basteH rogajananaprakriyA (6) · Śloka 6

সর্বেষাং পুনর্মূত্ররোগাণামধিষ্ঠিনং বস্তিঃ| স মর্মস্বভিহিতঃ প্রাক্| স চাঽধোমুখোঽপি মূত্রবহাসু নাডীষু সূক্ষ্মমুখসহস্রনিষ্যন্দেন মূত্রাখ্যেনাবিরতং নবো ঘট ইবাপ্সু নিমগ্নমুখোঽপি পার্শ্বেভ্যোঽম্ভসা পূর্য্যতে| তৈরেব চ স্ত্রোতোভির্বাতাদযোঽপি দুষ্টাঃ প্রবিশ্য বস্তিং যথা- স্বমাঘাতান্ প্রমেহা~ংশ্চ জনযন্তি||৬||

Adhikarana mUtrakRucchranidAnam, vAtajamUtrakRucchralakShaNam (7) · Śloka 7

তত্রাল্পশো মুহুর্মুহুর্বস্তিমেঢ্রবংক্ষণেষু তীব্রশূলঃ কৃচ্ছ্রা- ন্মূত্রযতি বাতকৃচ্ছ্রে||৭||

Adhikarana pittajamUtrakRucchralakShaNam (8) · Śloka 8

সদাহং সরুজং রক্তং পীতং কৃষ্ণং বা পিত্তকৃচ্ছ্রে||৮||

Adhikarana kaphamUtrakRucchralakShaNam (9) · Śloka 9

বস্তিমেঢ্রযোর্গৌরবং শোফো মূত্রং চ সপিচ্ছং মেহতি কফকৃচ্ছ্রে||৯||

Adhikarana sannipAtajamUtrakRucchralakShaNam, tasya kRucchratamatva~jca (10) · Śloka 10

সর্বলক্ষণং সন্নিপাতেন সন্নিপাতকৃচ্ছ্রে| স চ কৃচ্ছ্রতমঃ||১০||

Adhikarana ashmarInidAnam, ashmaryyAH nidAnasamprAptyAdi (11) · Śloka 11

যদা তু বাযুর্বস্তিমুখমাবৃত্য সপিত্তং সকফং সশক্রং বা মূত্রং পরিশোষযতি তদা ক্রমেণ গোরিব পিত্তাদ্রোচনা মণীকস্যেব স্বছাদপি জলাত্ পঙ্কস্তদ্বদশ্মর্য্যভিনির্বর্ত্ততে| সর্বা চ সা শ্লেষ্মাশ্রযা||১১||

Adhikarana ashmarIpUrvarUpam (12) · Śloka 12

অথাঽস্যাঃ পূর্বরূপাণি জ্বরো বস্ত্যাঽধ্মানমরুচির্মূত্র- কৃচ্ছ্রং বস্তিশিরোমুষ্কশেফসাং বেদনা বস্তগন্ধিত্বং মূত্রস্যেতি||১২||

Adhikarana ashmarIsAmAnyalakShaNam (13) · Śloka 13

সামান্যলিঙ্গানি তু নাভিবস্তিসেবনীষুমেহতস্তযা মার্গ- নিরোধনে বেদনা মূত্রাধারাসঙ্গস্তদ্বযাপাযে চ গোমেদক- প্রকাশমনাবিলমসিক্তং সুসুখং মূত্রং বিসৃজতি| তত্সংক্ষো- ভণাচ্চ সরুধিরম্| ধাবনলঙ্ঘনাদিভিশ্চাস্য বিবিধা বেদনা ভবন্তি| যথৈব চ পক্বাশযাত্স্ত্রস্তেন শকৃতা- ধিষ্ঠিতেবস্তৌ মূত্রং ন প্রবর্তেতে তথাঽশ্মর্য্যাঽপি||১৩||

Adhikarana vAtajA~ashmarIlakShaNam (14) · Śloka 14

তত্র বাযুনা বস্তিসেবনীমেহনেষু তীব্রবেদনার্দিতোদন্তান্ খাদতি| নাভিং প্রপীডযতি| মেঢ্রং মৃদ্নাতি| মুহুর্মুহুবেপথু- মান্কৃচ্ছ্রাত্ সবাতং শকৃদ্ বিমুঞ্চতি| বিশীর্ণধারং চ মূত্রযত্যশ্মরী চাস্য শ্যাবা পরুষা বিষমা কদম্বপুষ্পবত্ কণ্টকাচিতা ভবতি||১৪||

Adhikarana pittajAshmarIlakShaNam (15) · Śloka 15

পিত্তেন পচ্যমান ইব দহ্যতে বস্তিঃ| অশ্মরী চ রক্তা পীতাবভাসা কৃষ্ণা ভল্লাতকাস্থিসংস্থানা||১৫||

Adhikarana kaphajAshmarIlakShaNam (16) · Śloka 16

শ্লেষ্মণা ভিদ্যতে নিস্তুদ্যত ইব গুরুঃ শীতশ্চ বস্তিরশ্মরী চ শ্বেতা মহতী কুক্কুটাণ্ডপ্রতিমা মধুবর্ণা বা ভবতি||১৬||

Adhikarana ashmarINAM bAlasulabhatvaM, sukhasAdhyatva~jca (17) · Śloka 17

প্রাযেণৈতাস্তিস্ত্রোঽশ্মর্য্যো বালানাং জাযন্তে| তেষামেব চাঽল্পবস্তিত্বাদল্পমাংসোপচযত্বাচ্চ সুখগ্রহণাহরণা ভবন্তি||১৭||

Adhikarana shukrAshmarInidAnAdi (18) · Śloka 18

মহতাং তু শুক্রাশ্মরীক্রনিমিত্তা ভবতি| মৈথুনবিঘা- তাচ্ছুক্রমুপস্থিতমনিরস্যমানং বিমার্গগমনিলো বিগৃহ্য বৃষণতোরন্তরে সংহরতি| সংহৃত্যোপশোষযতি| ততঃ শুষ্ক- মশ্মরী ভবতি| সা শুক্রমার্গমাবৃণোতি| মুত্রকৃচ্ছ্রং বস্তিবেদনাং বৃষণযোশ্চ শ্বযথুমাপাদযতি| উত্পন্নমা- ত্রায চ শুক্রং নিরোতি| প্রপীডিতমাত্রে চ তস্মিন্নেবাবকাশে বিলীযত ইতি||১৮||

Adhikarana sharkarAnidAnam, sharkarAlakShaNam (19) · Śloka 19

অশ্মর্য্যেব তু বাযুনাঽণুশো বিভিন্না শর্করেত্যুচ্যতে| অনুলোমেচ মারুতে সা সিকতেব মূত্রেণ সহ চ্যবতে||১৯||

Adhikarana vAtabastilakShaNam (20) · Śloka 20

বাযুস্তু নূত্রবেগরোধাদ্বস্তিমুখমাবৃণোতি| ততো মূত্রসঙ্গং বেদনাং কণ্ডূং চ করোতি||২০||

Adhikarana adhikavAyukopajanyavAtabastilakShaNam (21) · Śloka 21

কদাচিচ্চ বস্তিং স্বস্থানাত্ প্রচ্যাব্য গর্ভমিবোদ্বৃন্তং স্থলং পরিপ্লুতং চ কুরুতে| তত্র শূলস্পন্দনদাহোদ্বেষ্টনানি বিন্দুশশ্চ মূত্রস্ত্রাবণম্| পীডিতে চ বস্তৌ ধারাযা প্রবৃত্তিঃ||২১||

Adhikarana vAtabastilakShaNam, vAtabasteH kRucchrasAdhyatvam (22) · Śloka 22

অযং দ্বিবিধোঽপি বাতবস্তিঃ কৃচ্ছ্রসাধ্যঃ| তযোরপি দ্বিতীযোঽনিলপ্রবলঃ কৃচ্ছ্রসাধ্যতরঃ||২২||

Adhikarana vAtAShThIlAnidAnAdi, vAtAShThIlAnidAnAdisamprAptirlakShaNa~jca (23) · Śloka 23

বস্তিবিণ্মার্গান্তরে বাযুর্ঘনোন্নতং তীব্ররুজমচলমষ্ঠী- লাভং গ্রন্থিং করোতি| তেনাঽনিলবিণ্মূত্রসঙ্গো ভবত্যা- ঽঽধ্মানঞ্চ| সা বাতাষ্ঠীলা||২৩||

Adhikarana vAtakuNDalikAnidAnam, vAtakuNDalikAnidAnAdi (24) · Śloka 24

বিগুণো বাযুর্বস্তৌ কুণ্ডলীভূতস্তীব্রশূলস্তম্ভগৌরবা- ন্বিতো মূত্রমাবিধ্যাঽল্পশো বা প্রবর্ত্তযন্ ভ্রমতি| সা বাতকুণ্ডলিকা||২৪||

Adhikarana mUtrAtItanidAnAdi (25) · Śloka 25

মূত্রমতিবেলং বিধার্য্যবিমুচ্যমানং ন প্রবর্ত্ততে| বাহমানস্য তু কৃচ্ছ্রাদল্পং প্রবর্ত্ততে| তন্মূত্রাতীতম্||২৫||

Adhikarana mUtrajaTharanidAnam, mUtrajaTharanidAnAdi (26) · Śloka 26

মূত্ররোধপানো বাযুর্নাভেরধস্তাত্ তীব্ররুজামাধ্মানং মল- সঙ্গঞ্চ কুর্বন্নুদরমভিপূরযেত্| তন্মূত্রজঠরম্||২৬||

Adhikarana mUtrotsa~gganidAnAdi (27) · Śloka 17

মারুতেনাক্ষিপ্তং ছিদ্রবৈগুণ্যেন বা মূত্রযতো মূত্রমল্পং বস্তৌ নালে মণৌ বা স্থিত্বা তচ্ছেষগুরুমেঢ্রস্য সরুজমরুজং বা শনৈঃ স্ত্রবেত্| স মূত্রোত্সঙ্গঃ||১৭||

Adhikarana mutragranthiH (28) · Śloka 28

বস্তিদ্বারেঽল্পো বৃত্তঃ শীঘ্রসম্ভবোঽশ্মরীতুল্যলিঙ্গো মূত্র- গ্রন্থিঃ||২৮||

Adhikarana mUtrashukranidAnAdi (29) · Śloka 29

মূত্রিতস্য ব্যবাযগমনাদ্বাতোদ্ভতং স্বস্থানাচ্চ্যুতং শুক্রং মেহতো মূত্রস্য প্রাক্পশ্চাদ্বা ভস্মোদকসঙ্কাশং প্রবৃর্ত্ততে| তন্মূত্রশুক্রম্||২৯||

Adhikarana viDvighAtanidAnAdi (30) · Śloka 30

বাযুনা পীডিতং শকৃন্মূত্রস্ত্রোতঃ প্রপদ্যতে| ততো বিড্গন্ধি- বিট্সংসৃষ্টঞ্চ কৃচ্ছ্রান্মূত্রযতি| স বিড্বিধাতঃ||৩০||

Adhikarana uShNavAtanidAnAdi (31) · Śloka 31

অত্যধ্বা ঽঽ তপোষ্ণভোজনাদিভিঃ পিত্তং প্রবৃদ্ধমনিলেরিতং বস্তিমেঢ্রগুদদাহং কুর্বদ্ধরিতহারিদ্ররক্তং সরস্তং বা মূত্রং কৃচ্ছ্রাত্প্রবর্ত্তযেত্স তূষ্ণবাতঃ||৩১||

Adhikarana mUtrakShayanidAnAdi samprAptirlakShaNa~jca (32) · Śloka 32

বাতপিত্তং বস্তিমাশ্রিত্য মূত্রং সশূলদাহং ক্ষপযতি| স মূত্রক্ষযঃ||৩২||

Adhikarana mUtrAvasAdanidAnAdi (33) · Śloka 33

পিত্তং শ্লেষ্মোভযমপি বা বাতেন বস্তৌ সংহন্যতে| ততো মূত্রং সদাহং সরক্তং পীতং শ্বেতং সান্দ্রং কৃচ্ছ্রপ্রবৃত্তিঃ শুষ্কং চ শঙ্করোচননান্যতরচূর্ণং বা সর্ববর্ণযুক্তং বা ভবতি||৩৩||

Adhikarana prakaraNopasaMhAraH prakaraNAntaraprastAvashca (34-9) · Śloka 9

ইতি বিস্তরতঃ প্রোক্তা রোগা মূত্রাপ্রবৃত্তিজাঃ| নিদানলক্ষণৈরূর্ধ্বং বক্ষ্যন্তেঽতিপ্রবৃত্তিজাঃ||৩৪|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং নিদানস্থানে নবমোধ্যাযঃ||৯||